Qishloq xoʻjaligi korxonalariga mavsumiy qishloq xoʻjaligi texnikasini oʻz vaqtida yetkazib berishni davlat tomonidan qoʻllab-quvvatlash tizimini takomillashtirish maqsadida Vazirlar Mahkamasi qaror qiladi:

1. Vazirlar Mahkamasining 2019yil 12-iyuldagi 578-son qarori bilan tasdiqlangan Qishloq xoʻjaligi texnikasini kredit va lizing shartlarida xarid qilishni davlat tomonidan qoʻllab-quvvatlash tartibi toʻgʻrisidagi nizomga ilovaga muvofiq oʻzgartirishlar va qoʻshimcha kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.

1. 2-bandda:

toʻrtinchi xatboshidagi “miqdorida” soʻzi “miqdorigacha” soʻzi bilan almashtirilsin;

beshinchi xatboshidagi “Markaziy bankining qayta moliyalash stavkasida” soʻzlari “Markaziy bankining asosiy foiz stavkasida” soʻzlari bilan almashtirilsin.

2. 3-bandda:

ikkinchi xatboshidagi “punktini” soʻzi “punktigacha” soʻzi bilan almashtirilsin;

uchinchi xatboshidagi “Markaziy bankining qayta moliyalash stavkasining” soʻzlari “Markaziy bankining asosiy foiz stavkasining” soʻzlari bilan almashtirilsin.

3. 6-bandda:

birinchi xatboshidagi “miqdorida” soʻzi “miqdorigacha” soʻzi bilan almashtirilsin;

ikkinchi xatboshidan “Oʻzbekiston Respublikasi Markaziy banki qayta moliyalash stavkasining 1,5 baravarigacha boʻlgan foiz stavkasi bilan” soʻzlari chiqarib tashlansin;

quyidagi mazmundagi xatboshi qoʻshilsin:

“Kredit yoki lizing oluvchilarning soʻroviga asosan ushbu bandda koʻrsatilgan muddatlar qisqartirilishi mumkin”.

4. 8-banddagi “bir” soʻzi “ikki” soʻzi bilan almashtirilsin.

5. 9-bandning uchinchi xatboshi quyidagi tahrirda bayon qilinsin:

“b) lizing yoki kredit shartnomasida belgilangan foiz va Oʻzbekiston Respublikasi Markaziy bankining asosiy foiz stavkasi oʻrtasidagi farq miqdorida, lekin 10 foizlik punktdan koʻp boʻlmagan miqdorda ajratiladi”.

6. 10-banddagi “xalqaro” soʻzi “davlat kafolati ostida olingan xalqaro” soʻzlari bilan almashtirilsin.

7. 21-banddagi “punktini” soʻzi “punktigacha” soʻzi bilan almashtirilsin.

8. Nizomga ilovada “punktini” soʻzi “punktigacha” soʻzi bilan almashtirilsin.