O‘zbekiston Respublikasi Prezidentining “Ish haqi, pensiyalar, stipendiyalar va nafaqalar miqdorini oshirish to‘g‘risida” 2019-yil 12-iyuldagi PF-5765-son Farmoniga muvofiq Vazirlar Mahkamasi qaror qiladi:

1. Vazirlar Mahkamasining “Fuqarolarning davlat pensiya ta’minoti to‘g‘risida”gi O‘zbekiston Respublikasi Qonuniga hamda O‘zbekiston Respublikasining Mehnat kodeksiga o‘zgartish va qo‘shimchalar kiritish haqida”gi O‘zbekiston Respublikasi Qonunini amalga oshirish uchun zarur bo‘lgan normativ-huquqiy hujjatlarni tasdiqlash haqida” 2011-yil 7-apreldagi 107-son qaroriga (O‘zbekiston Respublikasi QT, 2011-y., 4-son, 27-modda) ilovaga muvofiq o‘zgartirish va qo‘shimchalar kiritilsin.

2. O‘zbekiston Respublikasi Moliya vazirligi boshqa manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari – moliya vaziri J.A. Qo‘chqorov zimmasiga yuklansin.

1. 1-bandning uchinchi xatboshisiga “farzandi bor” so‘zlaridan keyin “(bo‘lgan)” so‘zi qo‘shilsin.

2. 2-ilovada:

a) Nizomning nomlanishiga, 1-bandning birinchi xatboshisiga, 6-bandning to‘rtinchi xatboshisiga hamda 8-bandning birinchi va uchinchi xatboshilariga “farzandi bor” so‘zlaridan keyin “(bo‘lgan)” so‘zi qo‘shilsin;

b) 16-banddagi “pensiya tayinlash uchun zarur bo‘lgan ish stajiga ega bo‘lmagan qariyalar va mehnatga layoqatsiz fuqarolarning nafaqasi” so‘zlari “yoshga doir pensiyaning eng kam” so‘zlari bilan almashtirilsin;

v) 18-bandda:

“v¹” kichik band quyidagi tahrirda bayon etilsin:

“v¹) bolalikdan nogironligi bo‘lgan farzandi bor (bo‘lgan) onalarga yoshga doir nafaqa tayinlashda – bolalikdan nogironligi bo‘lgan farzandining tug‘ilganlik yoki vafot etganligi haqidagi guvohnomasi nusxasi, farzandi bolalikdan nogiron deb e’tirof etilganligi to‘g‘risida TMK tomonidan berilgan tibbiy xulosa yoki TMEKning nogironlik to‘g‘risidagi ma’lumotnomasining tegishli qismi;”;

“g” kichik bandga “boquvchining vafot etganligi to‘g‘risidagi guvohnoma” so‘zlaridan keyin “nusxasi” so‘zi qo‘shilsin;

beshinchi xatboshiga “farzandi bor” so‘zlaridan keyin “(bo‘lgan)” so‘zi qo‘shilsin;

g) 35-banddagi “O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasi” so‘zlari “O‘zbekiston Respublikasining respublika budjeti” so‘zlari bilan almashtirilsin.