1.09.00.00.00 Tadbirkorlik va xoʻjalik faoliyati / 09.10.00.00 Sanoat / 09.10.02.00 Sanoat sohasidagi boshqaruv / 09.10.02.02 Sanoat sohasida boshqaruv]
[TSZ:
1.Iqtisodiyot / Sanoat]
Oʻzbekiston Respublikasi Vazirlar Mahkamasining
qarori
Ishlab chiqarish maydonlaridan foydalanish samaradorligini yanada oshirish chora-tadbirlari toʻgʻrisida
Boʻsh turgan ishlab chiqarish maydonlaridan oqilona va samarali foydalanish sohasida qoʻshimcha shart-sharoitlar yaratilayotgani natijasida tadbirkorlik subyektlari tomonidan koʻplab investitsiya loyihalarini muvaffaqiyatli amalga oshirish hamda yangi ish oʻrinlari tashkil etish choralari koʻrilmoqda.
Biroq, bugungi kunda ishlab chiqarish maydonlaridan oqilona foydalanmaslik, shuningdek, foydalanilmayotgan obyektlarni boshqa mulkdorlar nomiga rasmiylashtirish orqali taʼsirchan soliq mexanizmidan qochish holatlari uchramoqda. Bu esa, oʻz navbatida, foydalanilmayotgan obyektlarni xoʻjalik faoliyatiga jalb etish jarayonini murakkablashtirmoqda.
Foydalanilmayotgan obyektlarni xoʻjalik faoliyatiga tezkor jalb etish mexanizmini yanada takomillashtirish, boʻsh turgan obyektlardan oqilona foydalanish hamda ular negizida zamonaviy ishlab chiqarishlarni va yangi ish oʻrinlarini tashkil etish uchun qulay shart-sharoitlar yaratish hamda foydalanilmayotgan obyektlarga nisbatan taʼsirchan soliq mexanizmi tartibotini soddalashtirish maqsadida Vazirlar Mahkamasi qaror qiladi:
1. Oʻzbekiston Respublikasi Davlat soliq qoʻmitasi, Investitsiyalar va tashqi savdo vazirligi, Moliya vazirligi, Iqtisodiyot va sanoat vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining:
mulkchilik shaklidan qatʼi nazar, foydalanilmayotgan obyektlarga soliq organlari tomonidan foydalanilmayotgan obyektlardan samarali foydalanish boʻyicha idoralararo komissiya xulosasini olmasdan, toʻgʻridan-toʻgʻri taʼsirchan soliq mexanizmini qoʻllash;
foydalanilmayotgan obyektlar xoʻjalik faoliyatiga jalb etilganda, taʼsirchan soliq mexanizmini qoʻllash natijasida hisoblangan soliq summalarini qaytarish tartibini joriy etish toʻgʻrisidagi takliflariga rozilik berilsin.
2. Quyidagilar:
foydalanilmayotgan obyektlarni aniqlash boʻyicha ishchi guruhining (keyingi oʻrinda 1-ishchi guruhi deb ataladi) namunaviy tarkibi 1-ilovaga muvofiq;
foydalanilmayotgan obyektlarni xoʻjalik faoliyatiga jalb etish boʻyicha ishchi guruhining (keyingi oʻrinda 2-ishchi guruhi deb ataladi) namunaviy tarkibi 2-ilovaga muvofiq;
foydalanilmayotgan obyektlarni aniqlash va xoʻjalik faoliyatiga jalb etish sxemasi 3-ilovaga muvofiq tasdiqlansin.
3. Ishchi guruhlariga quyidagi vazifalar yuklansin:
a) 1-ishchi guruhi:
foydalanilmayotgan obyektlarni joyiga borgan holda xatlovdan oʻtkazish hamda ularning roʻyxatini shakllantirishni tashkil etish;
foydalanilmayotgan obyektlarga nisbatan taʼsirchan soliq mexanizmini qoʻllash boʻyicha davlat soliq xizmati organlariga xulosa taqdim etish;
foydalanilmayotgan obyektlarni ishga tushirish muammolarini oʻrganish;
aniqlangan muammolarni hal qilish va foydalanilmayotgan obyektlarni ishga tushirishga doir loyihalarni ishlab chiqishda va investorlarni jalb qilishda mulkdorga koʻmaklashish;
foydalanilmayotgan obyekt haqiqatda xoʻjalik faoliyatiga jalb qilinganligini joyiga borgan holda oʻrganish orqali taʼsirchan soliq mexanizmini toʻxtatish yuzasidan davlat soliq xizmati organlariga xulosa taqdim etish.
4. Belgilab qoʻyilsinki:
a) davlat soliq xizmati organlariga quyidagi vazifalar yuklanadi:
foydalanilmayotgan obyektlarni xoʻjalik faoliyatiga jalb qilishni jadallashtirish maqsadida oshirilgan stavkalarda soliq hisoblash. Bunda foydalanilmayotgan obyekt mulkdori — yuridik va jismoniy shaxslar (keyingi oʻrinlarda mulkdor deb ataladi) tomonidan eʼtiroz bildirilgan, shuningdek, obyektga kirish imkoni boʻlmagan hollarda taʼsirchan soliq mexanizmi 1-ishchi guruhining xulosasi asosida qoʻllaniladi;
b) Oʻzbekiston Respublikasi Investitsiyalar va tashqi savdo vazirligiga foydalanilmayotgan obyektlar ishga tushirilganligining hisobini yuritish vazifalar yuklanadi;
v) foydalanilmayotgan obyektlar mulkdorlariga quyidagi taʼsir choralari qoʻllaniladi:
mol-mulk va yer soliqlari oʻrnatilgan stavkaga nisbatan uch oyga qadar ikki baravar uch oy oʻtgandan soʻng — besh baravar, olti oy oʻtgandan soʻng — oʻn baravar, 12-oydan boshlab kelgusi har 12 oyda oxirgi oshirib qoʻllanilgan miqdorning ikki baravari miqdorida qoʻllaniladi;
foydalanilmayotgan obyektlarga nisbatan qonun hujjatlariga muvofiq mol-mulk va yer soliqlari boʻyicha qoʻllaniladigan soliq imtiyozlari va preferensiyalarining amal qilishini toʻxtatish.
xatlovdan oʻtkazish vaqtida belgilangan muddatda tugallanmagan qurilish obyektlari, boʻsh turgan binolar, yashash uchun moʻljallanmagan inshootlar, shuningdek, foydalanilmayotgan ishlab chiqarish maydonlari umumiy maydonining 50 foizidan koʻprogʻidan (bir bino yoki noturar joy xonasi konturi doirasida) tovarlar ishlab chiqarishda (ishlar bajarish, xizmatlar koʻrsatish) foydalanilmay kelingan boʻlsa (mavsumiy tusdagi faoliyat amalga oshiriladigan obyektlar bundan mustasno), boʻsh turgan obyektlar va foydalanilmayotgan ishlab chiqarish maydonlari (keyingi oʻrinlarda foydalanilmayotgan obyektlar deb ataladi) sifatida eʼtirof etiladi;
davlat mulki boʻlgan foydalanilmayotgan obyektlarni belgilangan tartibda sotish, ijaraga, shu jumladan davlat-xususiy sheriklik asosida berish choralari koʻriladi;
davlat soliq xizmati organlari tomonidan mustaqil tuzilgan xulosalar hamda 1-ishchi guruhining foydalanilmayotgan obyektlarga taʼsirchan soliq mexanizmini qoʻllash boʻyicha xulosasi davlat soliq xizmati organlarining foydalanilmayotgan obyekt mulkdoriga nisbatan taʼsirchan soliq mexanizmini qoʻllashi uchun asos boʻladi. Bunda mulkdorlar belgilangan shakldagi soliq hisob-kitoblarini taqdim etmagan taqdirda, davlat soliq xizmati organlari tomonidan mol-mulk va yer soliqlari oshirilgan stavkalar boʻyicha hisoblanadi;
foydalanilmayotgan obyekt begonalashtirilganda, ushbu obyekt mulkdoriga nisbatan 1-ishchi guruhining xulosasi asosida qoʻllanilgan taʼsirchan soliq mexanizmi yangi mulkdorga nisbatan ham qoʻllaniladi;
foydalanilmayotgan obyekt xoʻjalik faoliyatiga jalb etilganda taʼsirchan soliq mexanizmini qoʻllash natijasida hisoblangan soliq summalari xoʻjalik faoliyatiga jalb etilgan obyekt mulkdoriga tegishli miqdorda qaytariladi. Bunda taʼsirchan soliq mexanizmini qoʻllash natijasida toʻlangan soliq summasini qaytarish 2-ishchi guruhining xulosasi asosida oxirgi 12 oy uchun tatbiq etiladi;
obyekt qiymati mavjud boʻlmagan hollarda, yuridik shaxslarga tegishli boʻlgan foydalanilmayotgan obyektlar uchun mol-mulk soligʻini hisoblab chiqarishda mol-mulkning shartli qiymati har bir kvadrat metri uchun Toshkent shahrida bazaviy hisoblash miqdorining 8 baravarida, Nukus shahri, viloyat markazlari hamda respublika va viloyatga boʻysunuvchi yirik shaharlarda bazaviy hisoblash miqdorining 4 baravarida hamda boshqa shaharlar va qishloq joylarida bazaviy hisoblash miqdorining 2 baravarida belgilanadi. Bunda obyektning foydalanilmayotgan maydoni 500 kvadrat metrdan ortiq boʻlganda, hisoblangan soliq summasiga 1,5 baravar miqdordagi koʻpaytiruvchi koeffitsiyent qoʻllaniladi;
obyekt qiymati mazkur bandning yettinchi xatboshida belgilangan tartibda aniqlanadigan qiymatdan past boʻlgan hollarda yuridik shaxslarga tegishli boʻlgan foydalanilmayotgan obyektlarning mol-mulk soligʻini hisoblab chiqarish uchun mol-mulkning shartli qiymatini hisoblashda ushbu qaror bilan belgilangan tartib qoʻllaniladi.
6. Oʻzbekiston Respublikasi Davlat soliq qoʻmitasi va Investitsiyalar va tashqi savdo vazirligi:
ikki hafta muddatda foydalanilmayotgan obyektlarni aniqlash hamda foydalanilmayotgan obyektlarni xoʻjalik faoliyatiga jalb etish boʻyicha ishchi guruhlari xulosalarining namunaviy shaklini tasdiqlasin;
Yer resurslari, geodeziya, kartografiya va davlat kadastri davlat qoʻmitasi hamda Axborot texnologiyalari va kommunikatsiyalarini rivojlantirish vazirligi bilan birgalikda uch oy muddatda foydalanilmayotgan obyektlarni xatlovdan oʻtkazish, ishga tushirish va ularning hisobini yuritish boʻyicha yagona dasturiy mahsulot ishlab chiqsin.
7. Oʻzbekiston Respublikasi Davlat soliq qoʻmitasi:
Oʻzbekiston Milliy teleradiokompaniyasi hamda boshqa manfaatdor idoralar bilan birgalikda ommaviy axborot vositalari va Internet resurslarida ushbu qarorning mohiyati va ahamiyatining keng yoritilishini taʼminlasin;
boshqa manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
8. Ushbu qaror rasmiy eʼlon qilingan kundan eʼtiboran uch oy oʻtgach kuchga kiradi.
9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov va Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari E.M. Gʻaniyev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 13-avgust,
666-son
Vazirlar Mahkamasining 2019-yil 13-avgustdagi 666-son qaroriga 1-ILOVA
Foydalanilmayotgan obyektlarni aniqlash boʻyicha ishchi guruhining
Tuman (shahar) davlat soliq inspeksiyasi boshligʻi
—
Ishchi guruhi rahbarining oʻrinbosari
Ishchi guruhi aʼzolari:
Tuman (shahar) yer tuzish va koʻchmas mulk kadastr filiali boshligʻi
Tuman (shahar) prokurori oʻrinbosari
Tuman (shahar) iqtisodiyot va sanoat boʻlimi boshligʻi
Tuman (shahar) tadbirkorlikka koʻmaklashish markazi direktori
Tuman (shahar) davlat soliq inspeksiyasi masʼul xodimi
—
Ishchi guruhi kotibi
Izoh: Ishchi guruhi rahbari va aʼzolari boshqa lavozimga oʻtganda, uning tarkibiga mazkur lavozimga yangi tayinlangan yoki zimmasiga tegishli funksiyalarni bajarish yuklangan shaxslar kiritiladi.
Xatlov oʻtkazish jarayoniga zaruratga qarab, boshqa aloqador idora va tashkilotlar jalb qilinishi mumkin.
Tuman (shahar) iqtisodiyot va sanoat boʻlimi boshligʻi
Tuman (shahar) tadbirkorlikka koʻmaklashish markazi direktori
Tuman (shahar) bandlikka koʻmaklashish markazi direktori
Tuman (shahar) investitsiyalar va tashqi savdo boʻlimi masʼul xodimi
—
Ishchi guruhi kotibi
Izoh: Ishchi guruhi rahbari va aʼzolari boshqa lavozimga oʻtganda, uning tarkibiga mazkur lavozimga yangi tayinlangan yoki zimmasiga tegishli funksiyalarni bajarish yuklangan shaxslar kiritiladi.
Vazirlar Mahkamasining 2019-yil 13-avgustdagi 666-son qaroriga 3-ILOVA
Foydalanilmayotgan obyektlarni aniqlash hamda xoʻjalik faoliyatiga jalb etish mexanizmi
SXEMASI
Bosqichlar
Subyektlar
Tadbirlar
Ijro muddati
I. Foydalanilmayotgan obyektlarni aniqlash va taʼsirchan soliq mexanizmini qoʻllash
1-bosqich
Davlat soliq xizmati organlari
Foydalanilmayotgan obyektlarni oʻrganish uchun ularning roʻyxatini shakllantirish.
Har chorakda
2-bosqich
Davlat soliq xizmati organlari
Obyektdan haqiqatdan foydalanilmayotganligiga aniqlik kiritish maqsadida ularni joyiga borgan holda xatlovdan oʻtkazish va xulosa tayyorlash.
Xatlov natijasi boʻyicha bir ish kunida
3-bosqich
Davlat soliq xizmati organlari
1. Obyektdan foydalanilmayotganligi tasdiqlangan hollarda ushbu obyekt mulkdorlariga xulosaning bir nusxasini hamda oshirilgan stavkalarda yer va mol-mulk soliqlari hisobotini taqdim etish yuzasidan ogohlantirish xatini yuborish.
2. Soliq toʻlovchi yuridik shaxslar tomonidan oshirilgan stavkalarda hisoblangan mol-mulk va yer soliqlari boʻyicha keyingi oyning 10-sanasiga qadar hisobotlar taqdim etilmaganda, oshirilgan stavkada soliqlarni hisoblash va soliq toʻlovchilarning shaxsiy kartochkalariga kiritish.
1. Xatlov natijasi boʻyicha ikki ish kunida
2. Keyingi oyning 12-sanasiga qadar
4-bosqich
Davlat soliq xizmati organlari
Oshirilgan stavkalar boʻyicha soliq hisoblash boʻyicha xulosa qilingan obyekt mulkdori tomonidan yozma eʼtiroz bildirilgan hollarda, qayta xatlov oʻtkazish yuzasidan 1-ishchi guruhiga taqdimnoma kiritish.
Eʼtiroz kelib tushgan kundan boshlab uch ish kunida
5-bosqich
1-ishchi guruhi
Obyektdan haqiqatdan foydalanilmayotganligiga aniqlik kiritish maqsadida ularni joyiga borgan holda xatlovdan oʻtkazish va davlat soliq xizmati organlariga xulosa taqdim etish.
Taqdimnoma kelib tushgan kundan boshlab besh ish kunida
6-bosqich
Davlat soliq xizmati organlari
1. Obyektdan foydalanilmayotganligi toʻgʻrisida 1-ishchi guruhi xulosasining bir nusxasini hamda oshirilgan stavkalarda yer va mol-mulk soliqlari hisobotini taqdim etish yuzasidan ogohlantirish xatini ushbu obyekt mulkdorlariga yuborish.
2. Soliq toʻlovchi yuridik shaxslar tomonidan oshirilgan stavkalarda hisoblangan mol-mulk va yer soliqlari boʻyicha keyingi oyning 10-sanasiga qadar hisobotlar taqdim etilmaganda, oshirilgan stavkada soliqlarni hisoblash va soliq toʻlovchilarning shaxsiy kartochkalariga kiritish.
1. Xulosa qabul qilingan kundan boshlab ikki ish kunida
2. Keyingi oyning 12-sanasiga qadar
II. Foydalanilmayotgan obyektlarni ishga tushirishga koʻmaklashish va ularni monitoring qilish
7-bosqich
1-ishchi guruhi
Oshirilgan stavkalar boʻyicha soliq hisoblash boʻyicha xulosa qilingan obyektlar toʻgʻrisidagi maʼlumotlarni 2-ishchi guruhiga taqdim etish.
Xulosa qabul qilingan kundan boshlab ikki ish kunida
8-bosqich
2-ishchi guruhi
Foydalanilmayotgan obyektlarni ishga tushirishdagi mavjud muammolarni oʻrganish, bartaraf qilish hamda investitsiya loyihalarini ishlab chiqish va amalga oshirishda ularning mulkdorlariga koʻmaklashish.
Xulosa kelib tushganidan keyin, doimiy
9-bosqich
2-ishchi guruhi
Foydalanilmayotgan obyektlarning ishga tushirilishi va u bilan bogʻliq loyihalar amalga oshirilishini monitoring qilib borish.
Loyiha ishga tushgunga qadar, doimiy
10-bosqich
Investitsiyalar va tashqi savdo vazirligi
Foydalanilmayotgan obyektlar ishga tushirilganligi hisobini yuritish.
Doimiy
III. Taʼsirchan soliq mexanizmi qoʻllanilgan obyektlar boʻyicha oshirilgan stavkalarda hisoblangan soliq summalarini qaytarish
11-bosqich
2-ishchi guruhi
Xoʻjalik faoliyatiga jalb etilganligi sababli taʼsirchan soliq mexanizmini toʻxtatish yuzasidan obyekt mulkdorlarining yozma arizasi kelib tushganda, joyiga borgan holda oʻrganish.
Ariza kelib tushgan kundan boshlab uch ish kunida
12-bosqich
2-ishchi guruhi
Foydalanilmayotgan obyekt haqiqatda ishga tushirilib, xoʻjalik faoliyatiga jalb etilganligi aniqlangan taqdirda, taʼsirchan soliq mexanizmini toʻxtatish yuzasidan obyekt mulkdori hamda davlat soliq xizmati organiga xulosa taqdim etish.
Ikki ish kunida
13-bosqich
Davlat soliq xizmati organlari
Foydalanilmayotgan obyekt xoʻjalik faoliyatiga jalb etilganligi toʻgʻrisidagi xulosa asosida qoʻllanilgan taʼsirchan soliq mexanizmini toʻxtatish va soliq toʻlovchining shaxsiy kartochkasiga tegishli yozuvlarni kiritish, majburiy undiruv choralarini toʻxtatish.
Xulosa kelib tushgan kundan boshlab bir ish kunida
14-bosqich
Davlat soliq xizmati organlari
Oshirilgan stavkalarni qoʻllash natijasida oxirgi 12 oylik davr uchun undirilgan yer va mol-mulk soligʻi summalarini xulosa asosida taʼsirchan soliq mexanizmi bekor qilingan obyekt mulkdoriga qaytarish.
Xulosa kelib tushgan kundan boshlab oʻn besh kunda
IV. Foydalanilmayotgan davlat mulki obyektlarini (mol-mulk va yer soliqlari toʻlovchisi boʻlmagan) aniqlash hamda xoʻjalik faoliyatiga jalb etish
Bosqichlar
Subyektlar
Tadbirlar
Ijro muddati
15-bosqich
Tuman (shahar) Yer tuzish va koʻchmas mulk kadastri filiallari, qurilish boʻlimlari, foydalanilmayotgan obyektni balansda saqlovchilar, Davlat aktivlarini boshqarish agentligining hududiy boʻlinmalari, hududiy tuman (shahar) hokimliklari
Foydalanilmayotgan davlat mulki obyektlarini xatlovdan oʻtkazish.
2019-yil 1-oktabrga qadar, keyinchalik doimiy
16-bosqich
Davlat aktivlarini boshqarish agentligining hududiy boʻlinmalari
Xatlov jarayonida aniqlangan foydalanilmayotgan davlat mulki obyektlar toʻgʻrisidagi maʼlumotlarni shakllantirish.
Xatlov yakuni boʻyicha uch kun ichida
17-bosqich
Davlat aktivlarini boshqarish agentligining hududiy boʻlinmalari
Foydalanilmayotgan obyektni xoʻjalik faoliyatiga jalb qilish yuzasidan balansda saqlovchi va uning yuqori tashkilotiga taqdimnoma yuborish.
Xatlov natijasi boʻyicha 3 kun ichida
18-bosqich
Obyektni balansda saqlovchilar
Foydalanilmayotgan obyektni davlat mulki sifatida saqlash zaruratini asoslantirish, mazkur obyektning xoʻjalik faoliyatiga jalb etilishini taʼminlash.
Taqdimnoma kelib tushgan kundan boshlab bir oy ichida
19-bosqich
Hududiy tuman (shahar) hokimliklari, Davlat aktivlarini boshqarish agentligining hududiy boʻlinmalari, obyektni balansda saqlovchi
Obyekt bir oy ichida xoʻjalik faoliyatiga jalb qilinmagan taqdirda, obyektni hududiy tuman (shahar) hokimliklari tasarrufiga oʻtkazish choralarini koʻrish.
Belgilangan tartibda
20-bosqich
Vakolatiga koʻra mahalliy davlat hokimiyati organlari, Davlat aktivlarini boshqarish agentligi
Foydalanilmayotgan obyektning belgilangan tartibda xoʻjalik faoliyatiga jalb qilinishini taʼminlash yoki obyektni xususiy mulk sifatida sotish, ijaraga, shu jumladan davlat-xususiy sheriklik asosida berish toʻgʻrisida qaror qabul qilish.
