|
Hujjat kuchini yo‘qotgan 01.12.2020
|
Oʻzbekiston Respublikasi Vazirlar Mahkamasining
qarori
Alkogol va tamaki bozorini samarali tartibga solishni taʼminlash chora-tadbirlari toʻgʻrisida
LexUZ sharhiMazkur qaror Oʻzbekiston Respublikasi Vazirlar Mahkamasining 2020-yil 30-noyabrdagi 753-sonli “Oʻzbekiston Respublikasi Alkogol va tamaki bozorini tartibga solish hamda vinochilikni rivojlantirish agentligi faoliyatiga oid normativ-huquqiy hujjatlarni tasdiqlash toʻgʻrisida”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining “Alkogol va tamaki mahsulotlarini ishlab chiqarish va ularning aylanmasini davlat tomonidan tartibga solishni takomillashtirish hamda uzumchilik va vinochilikni rivojlantirishga doir chora-tadbirlar toʻgʻrisida” 2019-yil 5-fevraldagi PF-5656-son Farmoni hamda “Oʻzbekiston Respublikasi Moliya vazirligi huzuridagi Alkogol va tamaki bozorini tartibga solish inspeksiyasi faoliyatini tashkil etish toʻgʻrisida” 2019-yil 5-fevraldagi PQ-4162-son qaroriga muvofiq Vazirlar Mahkamasi qaror qiladi:
1. Quyidagilar:
Oʻzbekiston Respublikasi Moliya vazirligi huzuridagi Alkogol va tamaki bozorini tartibga solish inspeksiyasi toʻgʻrisidagi nizom 1-ilovaga muvofiq;
Oʻzbekiston Respublikasi Moliya vazirligi huzuridagi Alkogol va tamaki bozorini tartibga solish inspeksiyasining budjetdan tashqari jamgʻarmasi toʻgʻrisidagi nizom 2-ilovaga muvofiq;
Isteʼmol etil spirtini alkogol va boshqa mahsulotlar ishlab chiqaruvchilar oʻrtasida taqsimlash tartibi toʻgʻrisidagi nizom 3-ilovaga muvofiq tasdiqlansin.
2. Oʻzbekiston Respublikasi Moliya vazirligi:
ikki oy muddatda Isteʼmol etil spirti ishlab chiqaruvchi tashkilotlarda joylashgan etil spirtining sifatini aniqlash boʻyicha laboratoriyalar toʻgʻrisidagi nizomni tasdiqlashni nazarda tutuvchi Hukumat qarorining loyihasini ishlab chiqsin va belgilangan tartibda Oʻzbekiston Respublikasi Vazirlar Mahkamasiga kiritsin;
manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 8-iyun,
474-son
Vazirlar Mahkamasining 2019-yil 8-iyundagi 474-son qaroriga
1-ILOVA
1-ILOVA
Oʻzbekiston Respublikasi Moliya vazirligi huzuridagi Alkogol va tamaki bozorini tartibga solish inspeksiyasi toʻgʻrisida
NIZOM
1-bob. Umumiy qoidalar
1. Ushbu Nizom Oʻzbekiston Respublikasi Moliya vazirligi huzuridagi Alkogol va tamaki bozorini tartibga solish inspeksiyasining (keyingi oʻrinlarda Inspeksiya deb ataladi) maqomi, asosiy vazifalari, funksiyalari, huquqlari, javobgarligi, faoliyatini tashkil etish va hisobot berish tartibini, shuningdek, rahbarlarining funksional vazifalari va javobgarligini belgilaydi.
2. Inspeksiya isteʼmol va texnik etil spirti, alkogol va tamaki mahsulotlarini ishlab chiqarish va aylanmasi sohasida yagona davlat siyosatini amalga oshiradigan davlat boshqaruvi organi hisoblanadi va oʻz faoliyatida Oʻzbekiston Respublikasi Moliya vazirligiga (keyingi oʻrinlarda Moliya vazirligi deb ataladi) hisobot beradi.
3. Inspeksiya oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlis palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, boshqa qonun hujjatlariga, shuningdek, ushbu Nizomga amal qiladi.
4. Inspeksiya yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhr va blankalarga, mustaqil balansga, shaxsiy gʻazna hisobvaraqlariga va xorijiy valyutadagi hisobraqamlariga egadir.
5. Inspeksiyaning rasmiy nomi:
a) davlat tilida — Oʻzbekiston Respublikasi Moliya vazirligi huzuridagi Alkogol va tamaki bozorini tartibga solish inspeksiyasi;
b) ingliz tilida — The Inspection of the regulation of alcohol and tobacco market under the Ministry of finance of the Republic of Uzbekistan;
v) rus tilida — Inspeksiya po regulirovaniyu alkogolnogo i tabachnogo rinka pri Ministerstve finansov Respubliki Uzbekistan.
6. Inspeksiyaning joylashgan joyi (pochta manzili): 100011, Toshkent shahri, Shayxontohur tumani, Abay koʻchasi, 6.
2-bob. Inspeksiyaning vazifalari va funksiyalari
7. Quyidagilar Inspeksiyaning asosiy vazifalar hisoblanadi:
isteʼmol va texnik etil spirti, alkogol va tamaki mahsulotlarini ishlab chiqarish, shuningdek, alkogol mahsulotlarining ulgurji savdosi boʻyicha faoliyatni litsenziyalashtirish;
isteʼmol va texnik etil spirti, alkogol va tamaki mahsulotlarini ishlab chiqarish hamda ularning aylanmasi hajmlarini monitoring va nazorat qilish boʻyicha axborot tizimlarini joriy etish va rivojlantirish;
alkogol va boshqa mahsulotlarni ishlab chiqarish uchun tashkilotlar oʻrtasida isteʼmol etil spirtini belgilangan tartibda taqsimlash;
texnik tartibga solish va qonunchilik sohasidagi hujjatlar talablariga qatʼiy amal qilgan holda, isteʼmol va texnik etil spirti, alkogol va tamaki mahsulotlarini ishlab chiqarishda texnik va texnologik normalarga rioya etilishini nazorat qilish;
isteʼmol va texnik etil spirti, alkogol va tamaki mahsulotlarining saqlanish sifati va aylanmasini, shu jumladan isteʼmol va texnik etil spirti, alkogol va tamaki mahsulotlarini ishlab chiqarishda qoʻllanadigan xomashyo va yordamchi materiallar sifatini nazorat qilish;
isteʼmol va texnik etil spirti, alkogol va tamaki mahsulotlarini ishlab chiqaruvchilar hamda alkogol mahsulotlarining ulgurji savdo tashkilotlari tomonidan litsenziya talablariga amal qilinishini nazorat qilish;
isteʼmol va texnik etil spirti, alkogol va tamaki mahsulotlarini ishlab chiqarish va ular aylanmasining haqiqiy hajmlarini monitoring qilish, shuningdek, alkogol va tamaki mahsulotlari uchun yangi namunadagi aksiz markalarini ishlab chiqishda qatnashish;
isteʼmol va texnik etil spirti, alkogol va tamaki mahsulotlarini ishlab chiqaruvchilar hamda alkogol mahsulotlarining ulgurji savdo tashkilotlaridan soliqlar va boshqa majburiy toʻlovlarning oʻz vaqtida va toʻliq tushishini taʼminlash boʻyicha davlat soliq xizmati organlari bilan oʻzaro hamkorlik qilish;
uzum, meva va rezavorlardan tayyorlangan alkogol mahsulotlari sifatini aniqlash yuzasidan Oʻzbekiston Respublikasi Qishloq xoʻjaligi vazirligi huzuridagi Uzumchilik va vinochilikni rivojlantirish agentligi bilan hamkorlik qilish.
8. Inspeksiya oʻziga yuklangan vazifalarga muvofiq quyidagi funksiyalarni amalga oshiradi:
a) isteʼmol va texnik etil spirti, alkogol va tamaki mahsulotlarini ishlab chiqarish, shuningdek, alkogol mahsulotlarining ulgurji savdosi boʻyicha faoliyatni litsenziyalashtirish sohasida:
isteʼmol va texnik etil spirti, alkogol va tamaki mahsulotlarini ishlab chiqarish, shuningdek alkogol mahsulotlarining ulgurji savdosi boʻyicha faoliyatni amalga oshirish huquqi uchun litsenziyalarni Oʻzbekiston Respublikasi Vazirlar Mahkamasi tomonidan tasdiqlanadigan ushbu faoliyatni litsenziyalashtirish toʻgʻrisidagi nizomlar talablaridan kelib chiqqan holda beradi va rasmiylashtiradi;
isteʼmol va texnik etil spirti, alkogol va tamaki mahsulotlarini ishlab chiqarish, shuningdek, alkogol mahsulotlarining ulgurji savdosi boʻyicha faoliyatni amalga oshirish huquqini beradigan litsenziyaga ega boʻlgan tashkilotlar reyestrini yuritadi;
b) isteʼmol va texnik etil spirti, alkogol va tamaki mahsulotlarini ishlab chiqarish hamda ularning aylanmasi hajmlarini monitoring va nazorat qilish boʻyicha axborot tizimlarini joriy etish va rivojlantirish sohasida:
isteʼmol va texnik etil spirti, alkogol va tamaki mahsulotlarini ishlab chiqarish va ularning aylanmasi hajmlarini hisobga olish axborot tizimini (keyingi oʻrinlarda Axborot tizimi deb ataladi) ushbu mahsulotlarni ishlab chiqarish hajmi va aylanmasini nazorat qilish uchun yaratadi, joriy etadi va muvofiqlashtiradi;
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi bilan hamkorlikda Axborot tizimining alkogol va tamaki mahsulotlarini markirovkalash boʻyicha mahsulotlarni markirovkalash axborot tizimi bilan integratsiyalashuvini taʼminlaydi;
axborot-kommunikatsiya tizimlari orqali isteʼmol va texnik etil spirti, alkogol va tamaki mahsulotlarining haqiqiy ishlab chiqarish hajmlari va aylanmasini monitoring qiladi;
litsenziat tomonidan axborot tizimiga oʻz vaqtida va haqqoniy axborotni kiritilishini nazorat qiladi;
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi bilan hamkorlikda Axborot tizimining isteʼmol va texnik etil spirti, alkogol va tamaki mahsulotlarini ishlab chiqarish va aylanishi boʻyicha manfaatdor vazirlik va idoralarning axborot tizimlari bilan oʻzaro hamkorligini taʼminlaydi;
v) alkogol va boshqa mahsulotlar ishlab chiqarish uchun tashkilotlar oʻrtasida isteʼmol etil spirtini belgilangan tartibda taqsimlash sohasida:
alkogol va boshqa mahsulotlar ishlab chiqarish uchun tashkilotlar oʻrtasida isteʼmol etil spirtini belgilangan tartibda taqsimlaydi;
Oʻzbekiston Respublikasi Iqtisodiyot va sanoat vazirligi bilan birgalikda isteʼmol etil spirtini ishlab chiqarish va undan foydalanish balansi parametrlari boʻyicha takliflar kiritadi;
g) texnik tartibga solish va qonunchilik sohasidagi normativ hujjatlar talablariga qatʼiy amal qilgan holda, isteʼmol va texnik etil spirti, alkogol va tamaki mahsulotlarini ishlab chiqarishda texnik va texnologik normalarga rioya etilishini nazorat qilish sohasida:
tekshirishlar oʻtkazish orqali isteʼmol va texnik etil spirti, alkogol va tamaki mahsulotlari ishlab chiqarishda texnik va texnologik normalarga rioya etilishini nazorat qiladi;
ishchi organlar faoliyatida ishtirok etadi, alkogol va tamaki bozorini tartibga solish sohasidagi texnik va texnologik reglamentlar, standartlar, shuningdek, sanitariya-gigiyena normalarini ishlab chiqish, joriy etish va takomillashtirish masalalariga oid normativ-huquqiy hujjatlar loyihalari boʻyicha takliflarni koʻrib chiqadi va kiritadi;
isteʼmol va texnik etil spirti, alkogol va tamaki mahsulotlarining noqonuniy ishlab chiqarilishi va sotilishiga yoʻl qoʻymaslik boʻyicha profilaktika va tushuntirish ishlarini olib boradi;
ishlab chiqaruvchi korxonalarda etil spirtining har bir ishlab chiqarilgan mahsulotlar namunalarini ularning sifatini normativ hujjatlar talablariga muvofiqligini aniqlash maqsadida sinovdan oʻtkazadi va sinov natijalari boʻyicha isteʼmol spirti mahsulotlarning muvofiqligi yoki ishlab chiqarish jarayoniga qayta ishlash uchun qaytarish toʻgʻrisida xulosalar beradi;
d) isteʼmol va texnik etil spirti, alkogol va tamaki mahsulotlarining saqlanish sifati va aylanmasini, shu jumladan, isteʼmol va texnik etil spirti, alkogol va tamaki mahsulotlarini ishlab chiqarishda qoʻllanadigan xom-ashyo va yordamchi materiallar sifatini nazorat qilish sohasida:
nazorat qiluvchi organlar soʻroviga binoan isteʼmol va texnik etil spirti, alkogol va tamaki mahsulotlari ishlab chiqaruvchilar, shuningdek, alkogol mahsulotlarining ulgurji savdosi bilan shugʻullanuvchi tashkilotlar faoliyatini tekshirish va monitoring tadbirlarida belgilangan tartibda ishtirok etadi;
tekshirishlar oʻtkazish yoʻli bilan isteʼmol va texnik etil spirti, alkogol va tamaki mahsulotlarini saqlash sifatini va ularning aylanmasini, shu jumladan isteʼmol va texnik etil spirti, alkogol va tamaki mahsulotlari ishlab chiqarishda foydalaniladigan xomashyo va yordamchi materiallar sifatini nazorat qiladi;
isteʼmolchilarning ishlab chiqarilayotgan va sotilayotgan alkogol va tamaki mahsulotlarining sifati boʻyicha murojaatlarini tegishli choralar koʻrish maqsadida oʻrganib chiqadi;
moliyaviy sanksiyalar qoʻllaydi, shuningdek, isteʼmol va texnik etil spirti, alkogol va tamaki mahsulotlari ishlab chiqarish, shuningdek, alkogol mahsulotlari ulgurji savdosi uchun litsenziyalarning amal qilishini toʻxtatib turadi, tugatadi yoki bekor qiladi;
e) isteʼmol va texnik etil spirti, alkogol va tamaki mahsulotlarini ishlab chiqaruvchilar hamda alkogol mahsulotlarining ulgurji savdo tashkilotlari tomonidan litsenziya talablariga amal qilinishini nazorat qilish sohasida:
isteʼmol va texnik etil spirti, alkogol va tamaki mahsulotlari ishlab chiqaruvchi, shuningdek alkogol mahsulotlarining ulgurji savdo tashkilotlari tomonidan litsenziya talablari va shartlariga rioya qilinishini nazorat qiladi;
isteʼmol va texnik etil spirti, alkogol va tamaki mahsulotlari ishlab chiqaruvchi, shuningdek, alkogol mahsulotlarining ulgurji savdosi bilan shugʻullanish huquqini beruvchi litsenziyalarning amal qilishini toʻxtatib turish, tugatish yoki bekor qilish toʻgʻrisida belgilangan tartibda qaror qabul qiladi;
j) isteʼmol va texnik etil spirti, alkogol va tamaki mahsulotlarini ishlab chiqarish va ularning aylainmasining haqiqiy hajmlarini monitoring qilish sohasida:
isteʼmol va texnik etil spirti, alkogol va tamaki mahsulotlari ishlab chiqaruvchi, shuningdek alkogol mahsulotlarining ulgurji savdo tashkilotlari tomonidan yoʻl qoʻyilgan qonunbuzilishlar hisobi va tahlilini amalga oshiradi;
isteʼmol va texnik etil spirti, alkogol va tamaki mahsulotlari ishlab chiqaruvchi, shuningdek, alkogol mahsulotlarining ulgurji savdosi bilan shugʻullanuvchi tashkilotlarda ishlab chiqarish haqiqiy hajmlari va ular aylanmasi monitoringini axborot-kommunikatsiya tizimlari orqali amalga oshiradi;
z) isteʼmol va texnik etil spirti, alkogol va tamaki mahsulotlarini ishlab chiqaruvchilar hamda alkogol mahsulotlarining ulgurji savdo tashkilotlari tomonidan soliqlar va boshqa majburiy toʻlovlarning oʻz vaqtida va toʻliq tushishini taʼminlash boʻyicha davlat soliq xizmati organlari bilan oʻzaro hamkorlikni yoʻlga qoʻyish sohasida:
Oʻzbekiston Respublikasi Moliya vazirligi, Davlat soliq qoʻmitasi va boshqa manfaatdor vazirlik va idoralar bilan birgalikda alkogol va tamaki mahsulotlari uchun yangi namunadagi aksiz markalarini ishlab chiqishda qatnashadi;
Oʻzbekiston Respublikasi Davlat soliq qoʻmitasi bilan tarmoq tashkilotlari tomonidan soliqlar, shu jumladan aksiz soligʻining oʻz vaqtida toʻlanishi boʻyicha litsenziya talablari bajarilishiga rioya qilinishi yuzasidan oʻzaro hamkorlik qiladi;
i) uzum, meva va rezavorlardan tayyorlangan alkogol mahsulotlari sifatini aniqlash yuzasidan Oʻzbekiston Respublikasi Qishloq xoʻjaligi vazirligi huzuridagi Uzumchilik va vinochilikni rivojlantirish agentligi bilan oʻzaro hamkorlik sohasida:
ishlab chiqaruvchi tashkilotlarda uzum, meva va rezavorlardan tayyorlangan alkogol mahsulotlari sifatini aniqlash yuzasidan Oʻzbekiston Respublikasi Qishloq xoʻjaligi vazirligi huzuridagi Uzumchilik va vinochilikni rivojlantirish agentligi bilan oʻzaro hamkorlik qiladi;
“Oʻzstandart” agentligi bilan birgalikda isteʼmol va texnik etil spirti, alkogol va tamaki mahsulotlari ishlab chiqaruvchi tashkilotlarda xalqaro standartlarni joriy qilishga koʻmaklashadi va takliflar kiritadi;
xalqaro tashkilotlar, shuningdek boshqa davlatlarning alkogol va tamaki bozorini tartibga solish boʻyicha organlari bilan Inspeksiya vakolatiga kiruvchi masalalar yuzasidan oʻrnatilgan tartibda hamkorlikni amalga oshiradi;
alkogol va tamaki bozorini tartibga solish, normativ-huquqiy bazani, texnik va texnologik reglamentlarni va xalqaro standartlarni takomillashtirish masalalari boʻyicha xalqaro tashkilotlar yigʻilishlarida, konferensiya va seminarlarda ishtirok etadi.
Inspeksiya qonunchilikda nazarda tutilgan boshqa funksiyalarni ham amalga oshirishi mumkin.
3-bob. Inspeksiyaning huquq va majburiyatlari
9. Inspeksiya oʻziga yuklangan vazifalar va funksiyalarni amalga oshirish uchun quyidagi huquqlarga ega:
Moliya vazirligiga normativ-huquqiy hujjatlar loyihalari, shuningdek, Inspeksiyaga yuklangan vazifalar va funksiyalarni bajarish bilan bogʻliq boʻlgan boshqa hujjatlarni belgilangan tartibda kiritish;
Inspeksiya vakolatiga kiradigan masalalarda davlat va xoʻjalik boshqaruvi organlari, mahalliy ijro etuvchi hokimiyat organlari faoliyatini belgilangan tartibda muvofiqlashtirish;
isteʼmol va texnik etil spirti, alkogol va tamaki mahsulotlarini ishlab chiqarish, saqlash va ularning aylanmasi sohasidagi Oʻzbekiston Respublikasining amaldagi davlat standartlari, texnik reglamentlarini takomillashtirish, shuningdek ularni xalqaro standartlar bilan muvofiqlashtirish boʻyicha “Oʻzstandart” agentligiga takliflar kiritish;
Inspeksiya vakolatiga kiradigan masalalarni hal etish uchun zarur boʻlgan axborotni davlat va xoʻjalik boshqaruvi organlaridan, mahalliy ijro etuvchi hokimiyat organlaridan belgilangan tartibda soʻrash va olish;
davlat statistika organlaridan Inspeksiya vakolatiga kiradigan masalalar boʻyicha zarur statistik maʼlumotlarni bepul asosda olish;
Inspeksiya vakolatiga kiradigan masalalar boʻyicha Oʻzbekiston Respublikasi manfaatlarini xalqaro darajada ifodalash;
Inspeksiya vakolatiga kiradigan masalalarni hal qilishga ilmiy tashkilotlarni, olim va mutaxassislarni, shu jumladan chet eldan shartnoma asosida jalb qilish;
Oʻzbekiston Respublikasi Prezidentining “Tadbirkorlik subyektlarining huquqlari va qonuniy manfaatlarini himoya qilish tizimini yanada takomillashtirish chora-tadbirlari toʻgʻrisida” 2018-yil 27-iyuldagi PF-5490-son Farmoni va Oʻzbekiston Respublikasi Vazirlar Mahkamasi tomonidan tasdiqlanadigan Isteʼmol va texnik etil spirti, alkogol va mahsulot tamaki larini ishlab chiqarish va ularning aylanmasini nazorat qilish boʻyicha “tahlil tavakkal” tizimini joriy etish tartibi toʻgʻrisidagi nizom talablari asosida isteʼmol va texnik etil spirti, alkogol va tamaki mahsulotlarini ishlab chiqaruvchilar hamda alkogol mahsulotlarining ulgurji savdosi bilan shugʻullanuvchi tashkilotlar faoliyatini belgilangan tartibda tekshirish;
tekshirilayotgan tashkilotlarning rahbarlari va mutaxassislaridan ularning faoliyati bilan bogʻliq masalalar boʻyicha zarur hujjatlar va tushuntirishlar olish;
alkogol mahsulotlari bilan chakana savdo qilishga ruxsat etuvchi maxsus guvohnomalar beradigan tuman (shahar) soliq inspeksiyalaridan ushbu savdo nuqtalarining roʻyxati va joylashuvini soʻrab olish;
(9-bandning oʻn birinchi xatboshisi Oʻzbekiston Respublikasi Vazirlar Mahkamasining 2020-yil 7-iyuldagi 429-sonli qarori tahririda — Qonun hujjatlari maʼlumotlari milliy bazasi, 08.07.2020-y., 09/20/429/1039-son)
zarur hollarda, tekshirilayotgan tashkilotlar rahbarlariga aniqlangan qonunbuzilishlarni belgilangan muddatda bartaraf etish, shuningdek, normativ hujjatlar talablariga javob bermaydigan mahsulotlar sotilishini taqiqlash yoki ishlab chiqarishni toʻxtatib turish toʻgʻrisida taqdimnoma berish;
isteʼmol va texnik etil spirti, alkogol va tamaki mahsulotlarini ishlab chiqarish, saqlash va sotish tashkilotlarida aniqlangan huquqbuzarlik holatlari boʻyicha hujjatlarni huquqni muhofaza qiluvchi organlarga yuborish;
qonunchilikka asosan isteʼmol va texnik etil spirti, alkogol va tamaki mahsulotlarini ishlab chiqarish, shuningdek alkogol mahsulotlarining ulgurji savdosi bilan shugʻullanish huquqini beruvchi litsenziyalarning amal qilishini toʻxtatib turish, tugatish yoki bekor qilish toʻgʻrisida qaror qabul qilish yoki mazkur masalalarda sudlarga arizalar bilan murojaat qilish;
binolarga xizmat koʻrsatish, asbob-uskunalar va xoʻjalik jihozlari, avtotransport, aloqa vositalari, hisoblash, kompyuter va tashkiliy texnikani saqlash va ulardan foydalanish ishlarini bajarish, Inspeksiya faoliyatini amalga oshirish uchun zarur boʻlgan asbob-uskunalar, dasturiy taʼminot va boshqa tovarlarni xarid qilish boʻyicha belgilangan tartibda shartnomalar tuzish.
Inspeksiya qonun hujjatlariga muvofiq boshqa huquqlarga ham ega boʻlishi mumkin.
10. Inspeksiya oʻziga yuklangan vazifa va funksiyalarning bajarilishi, shuningdek, alkogol va tamaki bozorini tartibga solish boʻyicha davlat siyosatini samarali amaliy amalga oshirilishi uchun javob beradi.
4-bob. Inspeksiya faoliyatini tashkil etish
11. Inspeksiyaga Oʻzbekiston Respublikasi Moliya vazirining taqdimnomasiga binoan Oʻzbekiston Respublikasi Vazirlar Mahkamasi tomonidan lavozimga tayinlanadigan va lavozimdan ozod etiladigan boshliq rahbarlik qiladi.
12. Inspeksiya boshligʻi oʻz maqomi, mehnatga haq toʻlash, tibbiy va transport xizmati koʻrsatish shartlari boʻyicha vazir oʻrinbosariga tenglashtiriladi.
13. Inspeksiya boshligʻi uning yoʻqligida vakolatlarini bajaradigan bitta oʻrinbosariga ega.
14. Inspeksiya boshligʻining oʻrinbosari Inspeksiya boshligʻining taqdimnomasiga binoan Oʻzbekiston Respublikasi Moliya vaziri tomonidan lavozimga tayinlanadi va lavozimidan ozod etiladi.
15. Inspeksiya Oʻz vazifalari va funksiyalarini amalga oshirishda davlat va xoʻjalik boshqaruvining boshqa organlari, mahalliy ijro etuvchi hokimiyat organlari va boshqa tashkilotlar bilan oʻzaro hamkorlik qiladi.
16. Inspeksiya faoliyatiga Oʻzbekiston Respublikasi Moliya vaziri mutasaddilik qiladi.
5-bob. Inspeksiya boshligʻining asosiy funksional majburiyatlari
17. Quyidagilar Inspeksiya boshligʻining asosiy funksional vazifalari hisoblanadi:
Oʻzbekiston Respublikasi Konstitutsiyasi va qonunlari, shuningdek boshqa normativ-huquqiy hujjatlar talablariga rioya qilish;
Inspeksiya faoliyatiga umumiy rahbarlik qilish, Oʻzbekiston Respublikasi Prezidentining tegishli hujjatlari va boshqa qonun hujjatlari bilan yuklangan vazifalar va funksiyalar bajarilishini tashkil qilish;
Oʻzbekiston Respublikasi Prezidenti, Oʻzbekiston Respublikasi Bosh vaziri, uning oʻrinbosarlari va maslahatchilari, shuningdek Oʻzbekiston Respublikasi Moliya vazirining topshiriqlarini bajarish;
oʻzining oʻrinbosari vakolatlarini, Inspeksiyaning boshqa mansabdor shaxslari vakolatlarini belgilash, oʻzining oʻrinbosari va boshqa mansabdor shaxslarning Inspeksiya faoliyatining alohida uchastkalariga rahbarlik qilish uchun shaxsiy javobgarlik darajasini belgilash;
Inspeksiya faoliyatini rejalashtirishni tashkil qilish, Inspeksiyaning har choraklik ish rejalarini tasdiqlash, ularning bajarilishi jarayonini nazorat qilishni taʼminlash;
Oʻzbekiston Respublikasi Prezidenti, Oʻzbekiston Respublikasi Vazirlar Mahkamasi va Moliya vazirligining qarorlari va topshiriqlari ijrosini tashkil qilish va monitoring olib borishning amaliy tizimini yaratish, Inspeksiya faoliyatida ijro intizomini mustahkamlash boʻyicha amaliy kompleks chora-tadbirlarni amalga oshirish, markaziy apparatning qonun hujjatlari talablariga muvofiq topshiriqlarni oʻz vaqtida va sifatli bajarish uchun shaxsiy javobgarligini oshirish choralarini koʻrish;
Inspeksiya xodimlarini tizimli qayta tayyorlash va ularning malakasini oshirishni tashkil qilish;
Inspeksiyada kadrlarni tanlash va joy-joyiga qoʻyish, ularning samarali faoliyati uchun zarur shart-sharoitlar yaratish, Inspeksiya kadrlar zaxirasini shakllantirish;
boʻsh lavozimlarga tavsiya qilingan, shuningdek Inspeksiyaga ishga qabul qilinayotgan boshqa kadrlarning kasbiy mahorati, vakolatliligi, amaliy tajribasi, ishbilarmonlik va maʼnaviy-maʼrifiy sifatlarining yuqori saviyasi kafolatlanganligini taʼminlash;
keyinchalik Oʻzbekiston Respublikasi Vazirlar Mahkamasiga qonun hujjatlarida nazarda tutilgan tartibda kiritish uchun normativ-huquqiy hujjat loyihalarini sifatli ishlab chiqish va Moliya vazirligiga oʻz vaqtida kiritishni tashkil qilish;
Inspeksiya xodimlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son, “Xorijiy xizmat safarlarida samarali boʻlish va Oʻzbekiston Respublikasiga xorijiy delegatsiyalar tashrifini tashkil etishda mansabdor shaxslarning shaxsiy javobgarligini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga muvofiq xizmat safarlarini tashkil qilish, xizmat safarlari asoslanganligi, samaradorligi va natijadorligini, xizmat safarlariga ajratiladigan mablagʻlardan oqilona foydalanishni taʼminlash;
Inspeksiya tarkibiy boʻlinmalari rahbarlari faoliyatining samaradorligi va natijadorligining tanqidiy tahlilini muntazam ravishda oʻtkazish, ularning shaxsiy hisobotlarini Inspeksiya majlislarida eshitish, yakunlar boʻyicha zarur choralar koʻrish;
Inspeksiya xodimlarini ragʻbatlantirish va intizomiy javobgarlikka tortish masalalarini belgilangan tartibda hal etish;
Inspeksiya xodimlarining Odob-axloq qoidalari talablariga rioya qilishlarini taʼminlash;
“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq Inspeksiya tizimida korrupsiya va boshqa qonunbuzarliklarning oldini olish choralarini qabul qilish, shuningdek huquqiy amaliyot va qonun hujjatlarini takomillashtirish choralarini ishlab chiqish va amalga oshirish yoʻli bilan ularning yuzaga kelishiga yordam beruvchi sabablar va shart-sharoitlarni aniqlash, tahlil qilish, bartaraf qilish;
Inspeksiya ishini tashkil qilishning zamonaviy shakllarini joriy qilishni taʼminlash;
“Elektron hukumat toʻgʻrisida”gi Oʻzbekiston Respublikasi Qonunini amalga oshirish doirasida zamonaviy axborot-kommunikatsiya texnologiyalaridan foydalanish, shu jumladan Inspeksiyaning axborot tizimi samaradorligi va sifatini oshirish;
jismoniy va yuridik shaxslarning murojaatlarini koʻrib chiqish, aholi bilan toʻgʻridan toʻgʻri va ochiq muloqotni yoʻlga qoʻyish, shaxsiy qabullarni, shu jumladan “Jismoniy va yuridik shaxslarning murojaatlari toʻgʻrisida” Oʻzbekiston Respublikasi Qonunida hamda Vazirlar Mahkamasining 2018-yil 7-maydagi 341-son qarori bilan tasdiqlangan Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizomda belgilangan muddatlar va tartibda jismoniy va yuridik shaxslar vakillarining sayyor qabullarini muntazam oʻtkazish yuzasidan samarali ishlarni tashkil etish;
davlat siri va maxfiy maʼlumotlar sirasiga kiradigan maʼlumotlar bilan ishlashda qonun hujjatlari talablariga rioya qilish;
Inspeksiya jamgʻarmasi mablagʻlarining Jamgʻarma daromadlari va xarajatlari smetasiga muvofiq tushishi va ishlatilishini nazorat qilish;
qonun hujjatlarida belgilangan tartibda Jamgʻarma mablagʻlaridan moliyalashtiriladigan shartnomalarni tuzish;
Inspeksiyaning tarkibiy boʻlinmalari toʻgʻrisidagi nizomlarni, lavozim yoʻriqnomalari va Inspeksiyaning boshqa lokal hujjatlarini belgilangan tartibda tasdiqlash;
qonun hujjatlarida belgilangan tartibda mehnat shartnomalarini tuzish, oʻzgartirish va bekor qilish, Inspeksiya xodimlarini lavozimga tayinlash va lavozimdan ozod qilish;
Inspeksiya xodimlari tomonidan bajarilishi majburiy boʻlgan buyruqlar chiqarish va koʻrsatmalar berish, shuningdek, belgilangan tartibda ularning bajarilishini nazorat qilish;
Inspeksiyaning tasdiqlangan tuzilmasi va shtat jadvallariga oʻzgartish kiritish yuzasidan belgilangan xodimlar soni va mehnatga haq toʻlash jamgʻarmasi doirasida Moliya vazirligiga takliflar kiritish;
Inspeksiyaning xarajatlar smetasi va shtatlar jadvalini tasdiqlash.
Inspeksiya boshligʻi qonunchilikda nazarda tutilgan tutilgan boshqa funksiyalarni ham bajarishi mumkin.
6-bob. Inspeksiya boshligʻining javobgarligi
18. Inspeksiya boshligʻi:
Inspeksiyaga yuklatilgan vazifa va funksiyalarning bajarilishi;
Jamgʻarma mablagʻlarining maqsadli sarflanishi;
ushbu Nizomning 10-bandida koʻrsatilgan Inspeksiyaning javobgarlik sohalari boʻyicha;
ushbu Nizomning 8-bandida koʻrsatilgan oʻz funksional vazifalarining sifatli bajarilishi uchun shaxsan javob beradi.
7-bob. Inspeksiya faoliyatining samaradorligi va natijadorligini baholash mezonlari va ishchi indikatorlar
19. Inspeksiya faoliyatining samaradorligi va natijadorligi muntazam ravishda baholanishi lozim.
20. Inspeksiya faoliyatining samaradorligi va natijadorligini baholash Moliya vazirligi tomonidan tasdiqlanadigan Inspeksiya faoliyati samaradorligi va natijadorligini baholash mezonlari va ishchi indikatorlarga asoslanadi.
21. Inspeksiya faoliyatining samaradorligi va natijadorligini baholash yakunlari boʻyicha quyidagi choralar koʻriladi:
Inspeksiya rahbarlari va xodimlarini ragʻbatlantirish (mukofotlash) yoki intizomiy javobgarlik choralari;
Inspeksiya faoliyatida aniqlangan kamchiliklarni bartaraf qilish va uning faoliyatini yanada takomillashtirish.
22. Inspeksiya faoliyatining samaradorligi va natijadorligini baholash tartibi va usuli qonun hujjatlari bilan belgilanadi.
8-bob. Inspeksiyani moliyalashtirish va moddiy-texnik taʼminlash, uning xodimlari mehnatiga haq toʻlash va moddiy ragʻbatlantirish
23. Inspeksiya faoliyatini moddiy-texnik taʼminlash, shu jumladan xodimlarini moddiy ragʻbatlantirish, qoʻshimcha haq, ustamalar, mukofotlar, ijtimoiy va boshqa toʻlovlar Jamgʻarma mablagʻlari va qonun hujjatlarida taqiqlanmagan boshqa manbalar hisobidan moliyalashtiriladi.
24. Inspeksiya xodimlariga Moliya vazirligi markaziy apparatining xodimlari uchun belgilangan mehnatga haq toʻlash, moddiy ragʻbatlantirish va ijtimoiy himoya qilish shartlari tatbiq etiladi.
Inspeksiyaning yuqori malakali xodimlariga oʻz xizmat vazifalarini tashabbuskorlik bilan va vijdonan bajarganliklari uchun Inspeksiya boshligʻi tomonidan lavozim maoshlariga Jamgʻarma mablagʻlari hisobidan 300 foiz miqdorigacha ustama belgilanishi mumkin.
25. Inspeksiya xodimlarining lavozim maoshlariga ragʻbatlantiruvchi xususiyatga ega boʻlgan ustama va qoʻshimcha haqlar Inspeksiya boshligʻi tomonidan tasdiqlanadigan nizomlar va mehnat shartnomalari (kontraktlar)ga muvofiq toʻlanadi. Bunda ragʻbatlantiruvchi xususiyatga ega boʻlgan ustamalar va qoʻshimcha haq belgilanishi Inspeksiya boshligʻining huquqi hisoblanadi.
9-bob. Inspeksiyaning Oʻzbekiston Respublikasi moliya vaziri oldida hisobot berishi
26. Inspeksiya boshligʻi Oʻzbekiston Respublikasi moliya vaziri oldida Inspeksiya faoliyati natijalari toʻgʻrisida muntazam ravishda hisobot beradi.
27. Oʻzbekiston Respublikasi moliya vaziri Inspeksiya boshligʻining unga yuklangan vazifalar samarali bajarilishi boʻyicha faoliyatining doimiy monitoringini olib boradi, faoliyati samaradorligiga xolisona baho beradi.
28. Monitoring va baholash yakunlari boʻyicha Inspeksiyaning alohida oʻzini koʻrsatgan rahbarlari, mansabdor shaxslari va xodimlari ragʻbatlantiriladi yoki yoʻl qoʻyilgan jiddiy kamchiliklar uchun egallab turgan lavozimidan ozod qilishgacha javobgarlikka tortiladi.
10-bob. Yakunlovchi qoida
29. Inspeksiya qonunchilikda belgilangan tartibda qayta tashkil etiladi va tugatiladi.
Vazirlar Mahkamasining 2019-yil 8-iyundagi 474-son qaroriga
2-ILOVA
2-ILOVA
Oʻzbekiston Respublikasi Moliya vazirligi huzuridagi Alkogol va tamaki bozorini tartibga solish inspeksiyasining budjetdan tashqari jamgʻarmasi toʻgʻrisida
NIZOM
1-bob. Umumiy qoidalar
1. Ushbu Nizom Oʻzbekiston Respublikasi Moliya vazirligi huzuridagi Alkogol va tamaki bozorini tartibga solish inspeksiyasining budjetdan tashqari jamgʻarmasini (keyingi oʻrinlarda Jamgʻarma deb ataladi) boshqarish tartibini, shuningdek, uning mablagʻlarini shakllantirish va ishlatish tartibini belgilaydi.
2. Budjetdan tashqari jamgʻarma yuridik shaxsni tashkil qilmasdan Oʻzbekiston Respublikasi Moliya vazirligi huzuridagi Alkogol va tamaki bozorini tartibga solish inspeksiyasini (keyingi oʻrinlarda Inspeksiya deb ataladi) saqlash va moddiy texnik bazasini mustahkamlash, Inspeksiya faoliyatiga oid xarajatlarni moliyalashtirish, shuningdek, Inspeksiya xodimlarini moddiy ragʻbatlantirish va ijtimoiy himoya qilish maqsadida tashkil etiladi.
2-bob. Jamgʻarma mablagʻlarining shakllantirish
3. Jamgʻarma mablagʻlari quyidagi manbalar hisobidan shakllantiriladi:
alkogol va tamaki mahsulotlarini noqonuniy ishlab chiqarganlik yoki etil spirti hamda alkogol mahsulotlarning noqonuniy aylanmasi uchun toʻlanadigan jarima toʻlashdan tushumlarning 50 foizi;
etil spirti, alkogol va tamaki mahsulotlarini ishlab chiqaruvchilar, shuningdek, alkogol mahsulotlarining ulgurji savdosi bilan shugʻullanadigan korxonalar tomonidan litsenziya talablari buzilganligi uchun tayinlanadigan jarimalar;
etil spirti, alkogol va tamaki mahsulotlarini ishlab chiqarishga, alkogol mahsulotlarining ulgurji savdosini amalga oshirishga litsenziyalar berish uchun toʻlanadigan yigʻimlar;
Oʻzbekiston Respublikasi Qishloq xoʻjaligi vazirligi huzuridagi Uzumchilik va vinochilikni rivojlantirish agentligining Uzum yetishtiruvchilar va vino tayyorlovchilarni qoʻllab-quvvatlash jamgʻarmasidan tushadigan alkogol mahsulotlarining ulgurji savdosi bilan shugʻullanuvchi korxonalar ajratmalari summasining 10 foizi miqdoridagi tushumlar;
xalqaro moliya institutlari, xorijiy hukumat tashkilotlarining kreditlari (qarz mablagʻlari) va grantlari;
Jamgʻarmaning boʻsh turgan mablagʻlarini tijorat banklari depozitlariga vaqtincha joylashtirishdan olingan daromadlar;
qonun hujjatlarida taqiqlanmagan boshqa manbalar.
4. Jamgʻarma mablagʻlari Inspeksiya tomonidan belgilangan tartibda ochiladigan tegishli gʻaznachilik shaxsiy hisobraqamida shakllantiriladi.
3-bob. Jamgʻarma mablagʻlaridan foydalanish
5. Jamgʻarma mablagʻlaridan quyidagi maqsadlar uchun foydalaniladi:
Inspeksiyaning moddiy-texnik bazasini mustahkamlash;
Inspeksiyani saqlash, shu jumladan Inspeksiya xodimlarini moddiy ragʻbatlantirish, ustamalar, qoʻshimcha haqlar, mukofotlar, ijtimoiy toʻlovlar toʻlash;
alkogol va tamaki mahsulotlarini ishlab chiqarish va sotish sohasida chet el mutaxassislari va maslahatchilarni jalb qilish, shuningdek, Inspeksiya xodimlarini tayyorlash, qayta tayyorlash va malakasini oshirish bilan bogʻliq boʻlgan xarajatlarni moliyalashtirish;
ilmiy-texnik va ilmiy-metodik adabiyotlar (shu jumladan, davriy nashrlar, risolalar, bukletlar, kitoblar, toʻplamlar va boshqa axborot-maʼrifiy materiallar)ni tayyorlash va nashr qilish, shuningdek, alkogol va tamaki sohasida videoroliklar va taqdimot materiallarini yaratishga sarflangan xarajatlarni moliyalashtirish;
ilmiy-tadqiqot ishlarini, shuningdek, ilmiy va ilmiy-tadqiqot tashkilotlari tomonidan alkogol va tamaki sohasida texnik tartibga solish boʻyicha normativ hujjatlar ishlab chiqilishini moliyalashtirish;
Inspeksiyaning qonun hujjatlarida taqiqlanmagan faoliyati bilan bogʻliq boʻlgan boshqa yoʻnalishlar va tadbirlar.
6. Mablagʻlardan yanada samarali foydalanish va qoʻshimcha daromad olish maqsadida Jamgʻarmaning boʻsh mablagʻlari tijorat banklarining depozitlarida joylashtirilishi mumkin. Depozitlarga joylashtirishdan olingan qoʻshimcha mablagʻlar ushbu Nizomning 5-bandida koʻrsatilgan maqsadlarda ishlatilishi mumkin.
7. Inspeksiya Oʻzbekiston Respublikasi Moliya vazirligiga Jamgʻarma daromadlari va xarajatlari smetasini bajarish boʻyicha belgilangan tartibda choraklik va yillik hisobotlarni taqdim qiladi.
4-bob. Jamgʻarma faoliyatini boshqarish
8. Jamgʻarmaning daromadlar va xarajatlar smetasi belgilangan tartibda Oʻzbekiston Respublikasi moliya vaziri tomonidan tasdiqlanadi.
9. Jamgʻarma mablagʻlarini boshqarish va sarflash Inspeksiya boshligʻi tomonidan Jamgʻarmaning tasdiqlangan daromadlari va xarajatlari smetasiga muvofiq amalga oshiriladi.
10. Inspeksiya boshligʻi:
Jamgʻarma mablagʻlarini ushbu Nizomga hamda Jamgʻarmaning daromadlar va xarajatlari smetasiga muvofiq tasarruf etadi;
qonun hujjatlarida belgilangan tartibda Jamgʻarma mablagʻlari hisobidan moliyalashtiriladigan shartnomalarni tuzadi;
11. Inspeksiyaning bosh buxgalteri Jamgʻarma mablagʻlari boʻyicha hisobot va hisobdorlikni yuritadi.
5-bob. Javobgarlik va nazorat
12. Ushbu Nizom talablarining buzilishida aybdor boʻlgan shaxslar qonun hujjatlariga muvofiq javob beradilar.
Vazirlar Mahkamasining 2019-yil 8-iyundagi 474-son qaroriga
3-ILOVA
3-ILOVA
Isteʼmol etil spirtini alkogol va boshqa mahsulotlar ishlab chiqaruvchilar oʻrtasida taqsimlash tartibi toʻgʻrisida
NIZOM
1. Ushbu Nizom isteʼmol etil spirtini alkogol va boshqa mahsulotlar ishlab chiqaruvchilar oʻrtasida taqsimlash tartibini belgilaydi.
2. Isteʼmol etil spirtini (keyingi oʻrinlarda spirt deb ataladi) alkogol va boshqa mahsulotlar ishlab chiqaruvchilar (keyingi oʻrinlarda ishlab chiqaruvchilar deb ataladi) oʻrtasida taqsimlash tasdiqlangan isteʼmol etil spirtini ishlab chiqarish va sarflash parametrlari doirasida ushbu Nizomga 1-ilovaga muvofiq sxema boʻyicha har chorakda amalga oshiriladi.
Spirtning yillik isteʼmol talabi 500 daldan oshmaydigan ishlab chiqaruvchilar uchun spirt ajratish yilda bir marta amalga oshiriladi.
3. Spirt taqsimoti hisobot choragi boshlanishidan kamida 10 kun oldin ushbu Nizomga 2 va 3-ilovalardagi shakllar asosida ishlab chiqaruvchilar tomonidan taqdim etiladigan arizalarga asosan amalga oshiriladi.
Oʻz faoliyatini hisobot choragi davomida boshlagan ishlab chiqaruvchilar uchun spirt taqsimoti taqsimlanmagan spirt qoldiqlari asosida ariza topshirilgan kundan boshlab 5 kun ichida amalga oshiriladi.
4. Ariza topshirgan ishlab chiqaruvchining rahbari arizada koʻrsatilgan maʼlumotlarning haqqoniyligi uchun javobgar hisoblanadi.
5. Ishlab chiqaruvchilar uchun spirt Oʻzbekiston Respublikasi Moliya vazirligi huzuridagi Alkogol va tamaki bozorini tartibga solish inspeksiyasi (keyingi oʻrinlarda Inspeksiya deb ataladi) tomonidan oʻtkazilgan tahlillar asosida taqsimlanadi va arizada soʻralgan hajmlardan farq qilishi mumkin.
Spirtni taqsimlashda:
alkogol mahsulotlari ishlab chiqaruvchilarga isteʼmol etil spirti ishlab chiqarish va realizatsiya qilishning tasdiqlangan balansi doirasida litsenziya talablarini bajarishi uchun yetarli boʻlgan miqdorda isteʼmol spirti hajmlarini ajratish;
oʻrnatilgan ishlab chiqarish quvvatlaridan foydalanilishidan kelib chiqib, qoʻshimcha spirt hajmini xarid qilish imkoniyati hisobga olinadi.
6. Tahlil oʻtkazishda quyidagi maʼlumotlardan foydalaniladi:
arizada koʻrsatilgan maʼlumotlar;
alkogol mahsulotlari ishlab chiqaruvchilarga nisbatan ishlab chiqarish quvvatlaridan foydalanish boʻyicha litsenziya talablari;
oʻtgan yilning mos davrida haqiqatda ishlab chiqarilgan alkogol mahsulotlari hajmi.
7. Inspeksiya tomonidan spirt ishlab chiqaruvchilar oʻrtasida shu jumladan quyidagilar inobatga olingan holda taqsimlanadi:
spirt ishlab chiqaruvchilarning ishlab chiqarish quvvatlari va ushbu tashkilotlardagi spirt qoldiqlari;
ishlab chiqaruvchini kalendar yil davomida har bir spirt ishlab chiqaruvchi tashkilotga ishlab chiqaruvchining ishlab chiqarish quvvati va mazkur mahsulotni ishlab chiqarishda har bir spirt ishlab chiqaruvchining umumiy hajmidagi ulushidan kelib chiqqan holda yuborish.
8. Boshqa mahsulotlar ishlab chiqaruvchilar oʻrtasida spirtning taqsimlanishi asosan ularning spirt ishlab chiqaruvchi tashkilotlarga nisbatan hududiy joylashuviga koʻra amalga oshiriladi.
9. Taqsimlangan spirt toʻgʻrisidagi maʼlumotlar Inspeksiya tomonidan hisobot oyi boshlanishidan kamida 5 kun oldin Inspeksiya va spirt ishlab chiqaruvchi tashkilotlar tomonidan kelishilgan yagona shaklda spirt ishlab chiqaruvchi tashkilotlarga taqdim etiladi hamda choraklik (yillik) spirt oldi-sotdi shartnomalarini tuzishga asos boʻladi.
Oʻz faoliyatini hisobot choragi davomida boshlagan ishlab chiqaruvchilar uchun taqsimlangan spirt haqidagi maʼlumot ariza topshirilgan kundan boshlab 5 kun ichida Inspeksiya tomonidan taqdim etiladi.
Quyidagi hollarda spirt hajmlarini taqsimlash taqiqlanadi:
alkogol mahsulotlari ishlab chiqaruvchilarga — belgilangan yillik ishlab chiqarish quvvatlaridan foydalanish koeffitsiyenti 100 foizdan oshmagan holda;
boshqa mahsulotlar ishlab chiqaruvchilarga — arizada koʻrsatilgan hajmlardan oshmagan miqdorda.
10. Spirt 100 foiz oldindan toʻlov asosida sotiladi.
11. Ushbu Nizomning 9-bandida nazarda tutilgan maʼlumotlarda koʻrsatilmagan ishlab chiqaruvchilar bilan ham ortiqcha hajmda spirt oldi-sotdi shartnomasini tuzish taqiqlanadi.
12. Spirt ishlab chiqaruvchi tashkilot Inspeksiyani taqsimlangan spirtning ishlab chiqaruvchi tomonidan toʻliq olinganligi toʻgʻrisida spirtning oxirgi partiyasi yuklab joʻnatilgan kundan keyingi ish kunidan kechiktirmasdan xabardor qilishi lozim.
Bunda Inspeksiya xabarnoma olingan kundan keyingi ish kunidan kechiktirmasdan barcha spirt ishlab chiqaruvchi tashkilotlarga choraklik taqsimlangan spirtning toʻliq hajmini olgan alkogol mahsulotlari ishlab chiqaruvchi(lar) toʻgʻrisida xabarnoma yuborishi lozim.
13. Ishlab chiqaruvchi tomonidan spirtni Inspeksiya tomonidan taqsimlanganidan ortiqcha hajmda olish quyidagicha amalga oshiriladi:
taqsimlangan spirt hajmlari toʻliq, shuning barobarida ishlab chiqarishni oqilona tashkil etish uchun zarur hajmda olinganda — chorak oxirigacha;
ortiqcha spirt resurslariga ega boʻlgan istalgan spirt ishlab chiqaruvchi tashkilot bilan tuzilgan shartnoma asosida;
spirt oldi-sotdi shartnomasi tuzilgandan keyin bir ish kuni mobaynida ushbu Nizomga 4-ilovada keltirilgan shakl boʻyicha Inspeksiyani xabardor qilish yoʻli bilan.
14. Joriy chorakda ishlab chiqaruvchi tomonidan olinmagan (taqsimlangan va qoʻshimcha) spirt hajmi keyingi chorakka oʻtkazilmaydi. Bunda ishlab chiqaruvchi mazkur chorakda yuklab joʻnatilmagan spirt hajmi uchun oldindan toʻlangan toʻlovni belgilangan tartibda qaytarishni talab qilish huquqiga ega.
15. Inspeksiya tomonidan haqiqatda ishlab chiqarilgan spirt hajmlari va uning aylanmasi monitoringini oʻtkazish maqsadida spirt va alkogol mahsulotlari ishlab chiqaruvchi tashkilotlar Inspeksiyaga har oyning birinchi sanasidan kechiktirmasdan oʻtgan oy uchun ushbu Nizomga 5-ilovaga asosan shakllarda maʼlumotlar taqdim etib boradi.
Isteʼmol etil spirtini alkogol va boshqa mahsulotlar ishlab chiqaruvchilar oʻrtasida taqsimlash tartibi toʻgʻrisidagi nizomga
1-ILOVA
1-ILOVA
Alkogol va boshqa mahsulotlar ishlab chiqaruvchilar uchun isteʼmol etil spirtining taqsimlash
SXEMASI
Isteʼmol etil spirtini alkogol va boshqa mahsulotlar ishlab chiqaruvchilar oʻrtasida taqsimlash tartibi toʻgʻrisidagi nizomga
2-ILOVA
2-ILOVA
|
| |||||||||||||||||||||||
| | | | | | | |
(tashkilot nomi) |
| | | | | | | | ||||||||
|
t/r |
Ishlab chiqarilayotgan mahsulot nomi |
Oʻlch. birl. |
Ishlab chiqarish hajmi |
Spirtga boʻlgan ehtiyoj hajmi | |||||||||||||||||||
|
jami |
shu jumladan, oylar boʻyicha |
jami |
shu jumladan, oylar boʻyicha | ||||||||||||||||||||
|
|
|
|
|
|
| ||||||||||||||||||
|
1. |
|
||||||||||||||||||||||
|
2. |
|
|
|||||||||||||||||||||
|
3. |
|
||||||||||||||||||||||
|
|
Jami: |
|
|||||||||||||||||||||
| Tashkilot rahbariyati qabul qilingan spirtning maqsadsiz foydalanilishiga yoʻl qoʻymaslik va uni faqatgina koʻrsatilgan maqsadlarda ishlatish majburiyatlarini oʻz zimmasiga oladi. | |||||||||||||||||||||||
| Tashkilot rahbari |
__________________ |
|
_____________________________________ |
| | | | | | | | | | ||||||||||
| | | | |
(imzo) |
|
F. I. O. |
| | | | | | | | | | |||||||
| | | | | | | | | | | | | |
Toʻldirish sanasi 20___ y. “____” ________________ | ||||||||||
| | | | | | | | | | | | | | | | | | | | | | | | |
Isteʼmol etil spirtini alkogol va boshqa mahsulotlar ishlab chiqaruvchilar oʻrtasida taqsimlash tartibi toʻgʻrisidagi nizomga
3-ILOVA
3-ILOVA
|
20__ yilga _________________________________ ishlab chiqarish uchun isteʼmol xomashyosidan rektifikatlangan etil (ishlab chiqariladigan mahsulot nomi) spirtini olish uchun | |||||||||||||||||
|
_________________________________ | |||||||||||||||||
| | | | | | | |
(tashkilot nomi) |
| | | | | | | |||
|
t/r |
Ishlab chiqariladigan mahsulot nomi |
Oʻlch. birl. |
Ishlab chiqarish hajmi |
Mahsulot birligiga sarflanadigan spirt (dal) |
20__ yilga spirt uchun boʻlgan ehtiyoj hajmi (dal) |
Spirtning ishlatilishi va sarflanishini tasdiqlovchi normativ hujjat | |||||||||||
|
jami |
shu jumladan, choraklar boʻyicha |
jami |
shu jumladan, choraklar boʻyicha | ||||||||||||||
|
I |
II |
III |
IV |
I |
II |
III |
IV | ||||||||||
|
1. |
|
|
|
|
|
|
|
|
|
|
|
||||||
|
2. |
|
|
|
|
|
|
|
|
|
|
|
|
|||||
|
3.� |
|
|
|
|
|
|
|
|
|
|
|
|
|||||
|
|
|
|
|
|
|
|
|
|
|
|
|
|
| ||||
| | 1. Tashkilot rahbariyati qabul qilingan spirtning maqsadsiz foydalanilishiga yoʻl qoʻymaslik va uni faqatgina koʻrsatilgan maqsadlarda ishlatish majburiyatlarini oʻz zimmasiga oladi. 2. Arizaga qonunchilikda belgilangan tartibda davlat organlarida tashkilotning roʻyxatga olinganligi toʻgʻrisida guvohnoma nusxasi ilova qilinadi. | ||||||||||||||||
| | Tashkilot rahbari |
________________ |
| _______________________ | | | | | | | | ||||||
| | | | |
(imzo) |
| |
F. I. O. |
| | ||||||||
| | | | | | | | | | |
Toʻldirish sanasi 20___ y. “____” ________________ | |||||||
| | | | | | | | | | | | | | | | | | |
Isteʼmol etil spirtini alkogol va boshqa mahsulotlar ishlab chiqaruvchilar oʻrtasida taqsimlash tartibi toʻgʻrisidagi nizomga
4-ILOVA
4-ILOVA
|
| |||||||||||||||||||
| | | | | | | | | | | | | | | | | | | | |
|
Alkogol mahsuloti ishlab chiqaruvchi tashkilotning nomi |
Spirt ishlab chiqaruvchi tashkilotning nomi |
Spirt oldi-sotdisi boʻyicha tuzilgan shartnoma toʻgʻrisida maʼlumot |
Spirtning maqsadli foydalanilishi | ||||||||||||||||
|
shartnoma tuzilgan sana |
shartnoma raqami |
spirt hajmi (dal) |
shartnomaning amal qilish muddati | ||||||||||||||||
| | | | | | | ||||||||||||||
| Tashkilot rahbariyati qabul qilingan spirtning maqsadsiz foydalanilishiga yoʻl qoʻymaslik va uni faqatgina koʻrsatilgan maqsadlarda ishlatish majburiyatlarini oʻz zimmasiga oladi. | |||||||||||||||||||
| Tashkilot rahbari |
_______________ |
|
_____________________ |
| | | | | | | | | |||||||
| | | |
(imzo) |
| |
F. I. O. |
|
Toʻldirish sanasi 20___ y. “____” ________________ | |||||||||||
| | | | | | | | | | | | | | | | | | | | |
Isteʼmol etil spirtini alkogol va boshqa mahsulotlar ishlab chiqaruvchilar oʻrtasida taqsimlash tartibi toʻgʻrisidagi nizomga
5-ILOVA
5-ILOVA
Isteʼmol etil spirtining 20__ yilning ____________ oyida haqiqatda ishlab chiqarilgan hajmi va aylanmasi toʻgʻrisida
MAʼLUMOT
|
|
(dal) | |||||||||||||||
|
№ t/r |
Ishlab chiqariladigan mahsulot nomi |
Davr boshiga qoldiq |
Ishlab chiqarish hajmi |
Realizatsiya hajmi |
Yoʻqotishlar |
Davr oxiriga qoldiq | ||||||||||
|
yil boshidan | ||||||||||||||||
|
|
||||||||||||||||
|
|
||||||||||||||||
|
JAMI |
||||||||||||||||
|
oy uchun | ||||||||||||||||
|
|
||||||||||||||||
|
|
||||||||||||||||
|
JAMI |
||||||||||||||||
|
| ||||||||||||||||
|
№ t/r |
Tashkilot nomi |
Hisobot choragi uchun ariza |
Hisobot oyida realizatsiya hajmi |
shu jumladan: |
Olinmagan etil spirti qoldigʻi | |||||||||||
|
alkogol mahsulotlari ishlab chiqarish uchun |
boshqa mahsulotlar ishlab chiqarish uchun |
boshqalar | ||||||||||||||
|
yil boshidan | ||||||||||||||||
|
|
||||||||||||||||
|
|
||||||||||||||||
|
JAMI |
||||||||||||||||
|
oy uchun | ||||||||||||||||
|
|
||||||||||||||||
|
|
||||||||||||||||
|
JAMI |
||||||||||||||||
|
|
||||||||||||||||
|
(tashkilot nomi) |
(lavozimi) |
(imzo) |
(F.I.O.) | |||||||||||||
|
| ||||||||||||||||
(Qonun hujjatlari maʼlumotlari milliy bazasi, 10.06.2019-y., 09/19/474/3259-son; 08.07.2020-y., 09/20/429/1039-son)
