|
Hujjat kuchini yo‘qotgan 29.12.2023
|
Oʻzbekiston Respublikasi Vazirlar Mahkamasining
qarori
Oʻzbekiston Respublikasi davlat bojxona xizmati organlarining xizmat majburiyatlarini bajarish chogʻida tan jarohati olgan xodimlariga, shuningdek, halok boʻlgan xodimlari oilalariga bir martalik nafaqa tayinlash tartibi toʻgʻrisidagi nizomni tasdiqlash haqida
LexUZ sharhiMazkur qaror Oʻzbekistan Respublikasi Vazirlar Mahkamasining 2023-yil 29-dekabrdagi 700-sonli “Oʻzbekiston Respublikasi davlat bojxona xizmati organlarining shaxsiy tarkibi hamda ularning oila aʼzolarini ijtimoiy himoya qilish tizimini tartibga solish toʻgʻrisida”gi qaroriga asosan oʻz kuchini yoʻqotgan.
“Davlat bojxona xizmati toʻgʻrisida”gi Oʻzbekiston Respublikasi Qonuniga muvofiq Oʻzbekiston Respublikasi davlat bojxona xizmati organlari xodimlariga va ularning oila aʼzolariga ijtimoiy yordam koʻrsatishni tartibga solish maqsadida Vazirlar Mahkamasi qaror qiladi:
1. Oʻzbekiston Respublikasi davlat bojxona xizmati organlarining xizmat majburiyatlarini bajarish chogʻida tan jarohati olgan xodimlariga, shuningdek, halok boʻlgan xodimlari oilalariga bir martalik nafaqa tayinlash tartibi toʻgʻrisidagi nizom ilovaga muvofiq tasdiqlansin.
2. Oʻzbekiston Respublikasi Davlat bojxona qoʻmitasi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari E.M. Ganiyev va Oʻzbekiston Respublikasi Davlat bojxona qoʻmitasi raisi M.B. Azimov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 4-iyun,
459-son
Vazirlar Mahkamasining 2019-yil 4-iyundagi 459-son qaroriga
ILOVA
ILOVA
Oʻzbekiston Respublikasi davlat bojxona xizmati organlarining xizmat majburiyatlarini bajarish chogʻida tan jarohati olgan xodimlariga, shuningdek, halok boʻlgan xodimlari oilalariga bir martalik nafaqa tayinlash tartibi toʻgʻrisida
NIZOM
1-bob. Umumiy qoidalar
1. Mazkur Nizom Oʻzbekiston Respublikasi davlat bojxona xizmati organlarining (keyingi oʻrinlarda bojxona organlari deb ataladi) xizmat majburiyatlarini bajarish chogʻida tan jarohati olgan xodimlariga, shuningdek, halok boʻlgan xodimlari oilalariga bir martalik nafaqalar (keyingi oʻrinlarda nafaqa deb ataladi) miqdori va tayinlash tartibini belgilaydi.
2. Ushbu Nizom:
bojxona organlari xodimlariga (ofitser va serjantlar);
Oʻzbekiston Respublikasi Davlat bojxona qoʻmitasining (keyingi oʻrinlarda Qoʻmita deb ataladi) Bojxona institutida tahsil olayotgan kursant va tinglovchilarga;
xizmat majburiyatlarini bajarish chogʻida halok boʻlgan xodimlarning oila aʼzolariga nisbatan tatbiq etiladi.
3. Bojxona organlari xodimlari va Bojxona institutida tahsil olayotgan kursant va tinglovchilar (keyingi oʻrinlarda xodim deb ataladi) xizmat majburiyatlarini bajarayotgan vaqtda halok boʻlganda, uning oila aʼzolariga marhumning oylik maoshining 50 baravarigacha boʻlgan miqdorda nafaqa tayinlanadi.
4. Xizmat majburiyatlarini bajarish chogʻida tan jarohati olgan xodimga:
ogʻir tan jarohati olganda, oylik maoshining 25 baravarigacha boʻlgan miqdorda;
oʻrtacha ogʻir tan jarohati olganda, oylik maoshining 10 baravarigacha boʻlgan miqdorda nafaqa tayinlanadi.
5. Bojxona organlarida xizmat majburiyatlarini bajarish chogʻida tan jarohati olgan xodimlarga yoki halok boʻlgan xodimlari oila aʼzolariga bir martalik nafaqa ushbu Nizomga 1 va 2-ilovalarga muvofiq sxemalar boʻyicha toʻlanadi.
6. Yengil tan jarohati olgan xodimga nafaqa tayinlanmaydi.
7. Bojxona institutida tahsil olayotgan kursant va tinglovchilar xizmat majburiyatlarini bajarish chogʻida tan jarohati olganda yoki halok boʻlganda, ushbu Nizomning 3 va 4-bandlarida koʻrsatib oʻtilgan miqdorlarda stipendiya va ega boʻlgan maxsus unvon maoshi yigʻindisi miqdoridan kelib chiqib nafaqa hisoblanadi.
8. Nafaqa tayinlashga nisbatan daʼvo muddati talablarining qoʻllanilishi Oʻzbekiston Respublikasining Fuqarolik kodeksiga muvofiq amalga oshiriladi.
2-bob. Nafaqani rasmiylashtirish
9. Xodim xizmat majburiyatlarini bajarish chogʻida tan jarohati olgan holat yuz berganda, bevosita uning rahbari yoki oʻrinbosari voqea joyiga zudlik bilan yetib borib, xolislar ishtirokida ushbu Nizomga 3-ilovaga muvofiq xodimning olgan tan jarohati boʻyicha darhol dalolatnoma (keyingi oʻrinlarda dalolatnoma deb ataladi) rasmiylashtiradi.
10. Dalolatnomani rasmiylashtirishda voqea tafsilotlari aniq va xolisona bayon etilishiga, shuningdek, tan jarohatining xizmat majburiyatlarini bajarish bilan bogʻliq holda yuz berganligiga alohida eʼtibor qaratiladi.
11. Dalolatnoma tan jarohati olgan xodim, rahbari yoxud rahbarning oʻrinbosari, voqea guvohi boʻlgan xodimlar yoki fuqarolar, voqea sodir boʻlgan hududdagi bojxona organi rahbari tomonidan imzolanadi hamda gerbli muhr bilan tasdiqlanadi.
12. Voqea sodir boʻlgan hududdagi bojxona organi rahbari tomonidan Qoʻmita rahbariyatiga yuz bergan holat yuzasidan zudlik bilan dastlabki axborot beriladi.
13. Xodimning halok boʻlishi yoxud tan jarohati olishining holati va sabablarini surishtirish uchun tegishli bojxona organi rahbarining yozma koʻrsatmasiga asosan xizmat tekshiruvi tayinlanadi.
14. Xizmat tekshiruvi belgilangan tartibda tegishli bojxona organi mansabdor shaxslari tomonidan oʻtkaziladi. Bunda xizmat tekshiruvini oʻtkazayotgan masʼul xodimlar xodimning halok boʻlishi yoxud tan jarohati olishi uning xizmat majburiyatlarini bajarishi bilan bogʻliqligiga, xizmat intizomi va qonun talablari buzilmaganligiga alohida eʼtibor qaratishlari shart.
15. Xizmat tekshiruvi belgilangan tartibda tegishli bojxona organi mansabdor shaxslari tomonidan oʻtkaziladi. Bunda xizmat tekshiruvini oʻtkazayotgan masʼul xodimlar xodimning halok boʻlishi yoxud tan jarohati olishi uning xizmat majburiyatlarini bajarishi bilan bogʻliqligiga, xizmat intizomi va qonun talablari buzilmaganligiga alohida eʼtibor qaratishlari shart.
16. Xizmat majburiyatlarini bajarish chogʻida tan jarohati olgan yoki halok boʻlgan xodimlarning xatti-harakatlarida huquqbuzarlik, xizmat intizomini buzish holatlari yoki xodimdan olinadigan qon namunasi tarkibida spirtli ichimliklar, giyohvandlik yoki psixotrop moddalar va ularning analoglari mavjudligi aniqlangan taqdirda, nafaqa tayinlashni rad etish masalasi koʻrib chiqiladi.
17. Har bir holat boʻyicha sud-tibbiy ekspertiza muassasasining tegishli xulosasi olinadi va barcha hujjatlar umumlashtirilgan holda, xizmat tekshiruvini oʻtkazgan masʼul xodimlar tomonidan xizmat tekshiruvi natijasiga doir xulosa tuziladi. Mazkur xulosa xizmat tekshiruvini tayinlagan tegishli bojxona organi rahbari tomonidan tasdiqlanadi.
18. Xodimning halok boʻlishi yoxud uning tan jarohati olishi:
lavozim majburiyatlarini bajarish va jangovar harakatlarda ishtirok etganda;
xizmatni (jangovar xizmatni) oʻtash vaqtida;
xizmat safarida yoki davolanishda boʻlganida;
kun tartibida belgilangan xizmat vaqti davomida yoki xizmat zarurati tufayli bojxona organlari hududida boʻlganida;
xizmat, davolanish joyiga borish yoki ulardan qaytish vaqtida;
yigʻinlarda (harbiy yigʻinlarda) ishtirok etganda;
asirlikda boʻlish (oʻz ixtiyori bilan asirga tushish hollari bundan mustasno), garovga olingan yoki ushlab qurolsizlantirilgan holatda boʻlganida;
bedarak ketish — xodim qonunda belgilangan tartibda bedarak yoʻqolgan deb topilguniga yoki vafot etgan deb eʼlon qilinguniga qadar sodir boʻlganida;
shaxsning hayoti, sogʻligʻi, shaʼni va qadr-qimmatini himoya qilishga doir harakatlar vaqtida sodir boʻlganda;
qonuniylikni va huquq-tartibotni taʼminlashda boshqa shaxslarga yoki huquqni muhofaza qiluvchi organlarga yordam koʻrsatish vaqtida;
sud tomonidan xodimning shaxs, jamiyat va davlat manfaatlarini koʻzlab sodir etilgan deb topilgan boshqa harakatlarni bajarayotganda sodir boʻlgan boʻlsa xizmat majburiyatlarini bajarish bilan bogʻliq deb hisoblanadi.
3-bob. Nafaqani toʻlash shartlari
19. Xizmat tekshiruvi natijasiga doir xulosaga asosan xodimning tan jarohati olishi xizmat majburiyatlarini bajarish bilan bogʻliq deb topilsa, tegishli bojxona organi rahbari belgilagan masʼul xodim tomonidan sodir etilgan voqea yuzasidan quyidagi hujjatlar toʻplanadi:
xodim va uning yaqin qarindoshlari toʻgʻrisida maʼlumot;
xodimning olgan tan jarohati boʻyicha dalolatnoma;
harbiy-tibbiy komissiya tomonidan berilgan maʼlumotnoma;
xizmat tekshiruvi natijasiga doir xulosa nusxasi;
sud-tibbiy ekspertiza muassasasining xulosasi nusxasi.
Agar yuz bergan holat boʻyicha vakolatli organning Oʻzbekiston Respublikasi Jinoyat-protsessual kodeksining 83-moddasiga muvofiq jinoyat ishini tugatish toʻgʻrisidagi qarori mavjud boʻlsa, masʼul xodim tomonidan ushbu qaror nusxasi ham tegishli hujjatlarga ilova qilinadi.
20. Xodim xizmat majburiyatlarini bajarish chogʻida halok boʻlgan boʻlsa, tegishli bojxona organi rahbari belgilagan masʼul xodim tomonidan mazkur Nizomning 19-bandida nazarda tutilgan hujjatlarga qoʻshimcha ravishda quyidagi hujjatlar ham toʻplanadi:
xodimning oʻlimi haqidagi guvohnoma nusxasi;
nafaqa oluvchining shaxsini tasdiqlovchi hujjat nusxasi;
bojxona organi rahbarining xodimni shaxsiy tarkib roʻyxatidan chiqarish toʻgʻrisidagi buyrugʻidan koʻchirma.
21. Hududiy bojxona organlarining xodimlari xizmat majburiyatlarini bajarish chogʻida halok boʻlganda yoki tan jarohati olganda, tegishli sohaviy xizmatlar tomonidan xizmat tekshiruvi oʻtkaziladi va barcha hujjatlar xizmat tekshiruvi natijasiga doir xulosaga ilova qilingan holda besh kun muddatda kadrlar boʻlimiga taqdim etiladi. Ushbu hujjatlar tegishli kadrlar boʻlimi tomonidan toʻliq oʻrganib chiqilib, oʻn kun muddatda Qoʻmitaning Kadrlar boshqarmasiga yuboriladi.
22. Qoʻmitaning markaziy apparati xodimlari xizmat majburiyatlarini bajarish chogʻida halok boʻlganda yoki tan jarohati olganda, tegishli sohaviy xizmatlar tomonidan xizmat tekshiruvi oʻtkaziladi va barcha hujjatlar xizmat tekshiruvi natijasiga doir xulosaga ilova qilingan holda uch kun muddatda Qoʻmitaning Kadrlar boshqarmasiga taqdim etiladi.
23. Agar yuz bergan holat yuzasidan jinoyat ishi qoʻzgʻatilgan boʻlsa, ushbu jinoyat ishi yakuni boʻyicha chiqarilgan hukm, ajrim va qarorlar qonuniy kuchga kirgan kundan boshlab toʻplangan hujjatlar belgilangan tartibda Qoʻmitaning Kadrlar boshqarmasiga yuboriladi.
24. Nafaqani rasmiylashtirish uchun yuborilgan hujjatlar Qoʻmitaning Kadrlar boshqarmasi tomonidan oʻn besh kun muddatda oʻrganib chiqiladi va nafaqa miqdorini aniq belgilab berish uchun Oʻzbekiston Respublikasi Davlat bojxona qoʻmitasi raisiga ushbu Nizomga 4-ilovaga muvofiq shaklda bir martalik toʻlanadigan nafaqa boʻyicha taqdimnoma (keyingi oʻrinlarda taqdimnoma deb ataladi) kiritiladi.
25. Taqdimnomaning asl nusxasi Oʻzbekiston Respublikasi Davlat bojxona qoʻmitasi raisi tomonidan nafaqa miqdori aniq belgilangan holda tasdiqlanganidan soʻng Qoʻmitaning Kadrlar boshqarmasi tomonidan ijro uchun xodimning soʻnggi xizmat yoki oʻqish joyiga, taqdimnomaning nusxalari esa maʼlumot va ijro uchun Qoʻmitaning Moliya-iqtisodiyot boshqarmasiga yuboriladi.
26. Ushbu Nizomda nazarda tutilgan xarajatlar Oʻzbekiston Respublikasi Davlat budjeti va Oʻzbekiston Respublikasi Davlat bojxona qoʻmitasining Moddiy yordam, ijtimoiy himoya qilish, bojxona organlarini rivojlantirish va koʻzda tutilmagan xarajatlar maxsus jamgʻarmasi hisobidan amalga oshiriladi.
27. Xizmat majburiyatlarini bajarish chogʻida xodim ogʻir yoki oʻrtacha ogʻir tan jarohati olganligi tufayli xizmatdan boʻshatilgandan soʻng olgan tan jarohati tufayli bir yil ichida vafot etgan boʻlsa, uning oila aʼzolariga Oʻzbekiston Respublikasi Davlat bojxona qoʻmitasi raisi tomonidan belgilangan miqdorda avvalgi toʻlangan nafaqa bilan xizmat majburiyatlarini bajarish chogʻida halok boʻlganda beriladigan nafaqa miqdori orasidagi farq toʻlanadi.
Bunday holat yuzasidan xizmat tekshiruvi oʻtkazilib, qoʻshimcha ravishda ushbu Nizomning 20-bandida nazarda tutilgan hujjatlar umumlashtiriladi hamda mazkur Nizomning 21 va 22-bandlarda belgilangan tartibda Qoʻmitaning Kadrlar boshqarmasiga yuboriladi.
28. Nafaqa xodimning soʻnggi xizmat (oʻqish) joyidagi moliya xizmatlari tomonidan toʻlanadi.
29. Merosxoʻr voyaga yetmagan boʻlsa, nafaqa puli uning vasiy yoki homiysiga beriladi.
30. Nafaqani rasmiylashtirish uchun toʻplangan barcha hujjatlar tegishli hududiy bojxona organlarining kadrlar boʻlimlari tomonidan xodimning shaxsiy hujjatlari yigʻma jildiga umumlashtiriladi.
4-bob. Yakunlovchi qoida
31. Ushbu Nizom talablarini buzganlikda aybdor boʻlgan shaxslar qonunchilik hujjatlarida belgilangan tartibda javob beradi.
(31-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oʻzbekiston Respublikasi davlat bojxona xizmati organlarining xizmat majburiyatlarini bajarish chogʻida tan jarohati olgan xodimlariga, shuningdek, halok boʻlgan xodimlari oilalariga bir martalik nafaqa tayinlash tartibi toʻgʻrisidagi nizomga
1-ILOVA
1-ILOVA
Bojxona organlarining xizmat majburiyatlarini bajarish chogʻida tan jarohati olgan xodimlariga bir martalik nafaqa tayinlash tartibi
SXEMASI
Oʻzbekiston Respublikasi davlat bojxona xizmati organlarining xizmat majburiyatlarini bajarish chogʻida tan jarohati olgan xodimlariga, shuningdek, halok boʻlgan xodimlari oilalariga bir martalik nafaqa tayinlash tartibi toʻgʻrisidagi nizomga
2-ILOVA
2-ILOVA
Bojxona organlarining xizmat majburiyatlarini bajarish chogʻida halok boʻlgan xodimlarining oila aʼzolariga bir martalik nafaqa tayinlash tartibi
SXEMASI
Oʻzbekiston Respublikasi davlat bojxona xizmati organlarining xizmat majburiyatlarini bajarish chogʻida tan jarohati olgan xodimlariga, shuningdek, halok boʻlgan xodimlari oilalariga bir martalik nafaqa tayinlash tartibi toʻgʻrisidagi nizomga
3-ILOVA
3-ILOVA
| | | |
“TASDIQLAYMAN” | |
| | | | ______________________________________ | |
| | | |
(Bojxona organi boshligʻi) | |
| | | | ______________________________________ | |
| | | |
(lavozimi, unvoni, F.I.O.) | |
| | | | ______________________________________ | |
| | | |
(imzosi gerbli muhr bilan tasdiqlanadi) | |
| | | | | |
|
Xodimning olgan tan jarohati boʻyicha _________-son | ||||
|
DALOLATNOMA | ||||
| 1.________________________________________________________________________________________________ | ||||
|
(tan jarohati olgan xodimning lavozimi, unvoni, F.I.O., tugʻilgan yili) | ||||
| _________________________________________________________________________________________________ | ||||
| 2. Tan jarohati olingan joy _________________________________________________________________________ | ||||
| _________________________________________________________________________________________________ | ||||
| 3. Jarohatlangan (yaralanish, kontuziya, mayib boʻlgan) vaqt _________________________________________________ | ||||
| _________________________________________________________________________________________________ | ||||
| |
(yil, kun, soat va daqiqa) |
| ||
| 4. Voqea tafsilotlari: ______________________________________________________________________________ | ||||
| _________________________________________________________________________________________________ | ||||
| _________________________________________________________________________________________________ | ||||
| _________________________________________________________________________________________________ | ||||
| _________________________________________________________________________________________________ | ||||
| _________________________________________________________________________________________________ | ||||
| 5. Tan jarohati olishining sabablari: _________________________________________________________________ | ||||
| _________________________________________________________________________________________________ | ||||
| _________________________________________________________________________________________________ | ||||
| _________________________________________________________________________________________________ | ||||
| 6. Tan jarohati olishining sabablari va holatlari boʻyicha xulosa:___________________________________________ | ||||
| _________________________________________________________________________________________________ | ||||
| _________________________________________________________________________________________________ | ||||
| _________________________________________________________________________________________________ | ||||
|
Dalolatnomani tuzgan shaxslar: | ||||
| 1.________________________________________________________________________________________________ | ||||
|
(fuqaroning aniq yashash manzili F.I.O., imzo) | ||||
| 2.________________________________________________________________________________________________ | ||||
|
(egallab turgan lavozimi, unvoni, F.I.O., imzo) | ||||
| 3.________________________________________________________________________________________________ | ||||
|
(egallab turgan lavozimi, unvoni, F.I.O., imzo) | ||||
Oʻzbekiston Respublikasi davlat bojxona xizmati organlarining xizmat majburiyatlarini bajarish chogʻida tan jarohati olgan xodimlariga, shuningdek, halok boʻlgan xodimlari oilalariga bir martalik nafaqa tayinlash tartibi toʻgʻrisidagi nizomga
4-ILOVA
4-ILOVA
|
|
|
|
|
|
|
|
|
| |
|
Bir martalik toʻlanadigan nafaqa boʻyicha | |||||||||
|
TAQDIMNOMA | |||||||||
|
| |||||||||
|
1.________________________________________________________________________________________________ | |||||||||
|
(halok boʻlgan yoki tan jarohati olgan xodimning lavozimi, unvoni, F.I.O.) | |||||||||
|
2.________________________________________________________________________________________________ | |||||||||
|
(holat yuz bergan vaqt va uning tafsilotlari) | |||||||||
|
_________________________________________________________________________________________________ | |||||||||
|
_________________________________________________________________________________________________ | |||||||||
|
3.________________________________________________________________________________________________ | |||||||||
|
(Oʻzbekiston Respublikasi Sogʻliqni saqlash vazirligining sud-tibbiy ekspertiza muassasasi xulosasining qisqacha mazmuni) | |||||||||
|
_________________________________________________________________________________________________ | |||||||||
|
_________________________________________________________________________________________________ | |||||||||
|
4.________________________________________________________________________________________________ | |||||||||
|
(xodimga yoki uning merosxoʻriga toʻlanishi tavsiya etilayotgan nafaqa miqdori) | |||||||||
|
| |||||||||
|
Kadrlar boshqarmasi boshligʻi |
|
| |||||||
|
|
|
|
|
|
|
|
(F.I.O.) | ||
|
R O Z I M A N | |||||||||
|
Yuridik boshqarma boshligʻi |
|
|
|
| |||||
|
|
|
|
|
|
|
|
(F.I.O.) | ||
|
Moliya-iqtisodiyot boshqarmasi boshligʻi |
|
|
|
| |||||
|
|
|
|
|
|
|
|
(F.I.O.) | ||
|
Shaxsiy xavfsizlik boshqarmasi boshligʻi |
|
|
|
| |||||
|
|
|
|
|
|
|
|
(F.I.O.) | ||
|
Q Oʻ Sh I L A M A N | |||||||||
|
Oʻzbekiston Respublikasi Davlat bojxona qoʻmitasi raisining oʻrinbosari |
|
|
|
| |||||
|
|
|
|
|
|
|
|
(F.I.O.) | ||
|
5.________________________________________________________________________________________________ | |||||||||
|
( Oʻzbekiston Respublikasi Davlat bojxona qoʻmitasi raisi tomonidan xodim yoki uning merosxoʻriga toʻlanishi koʻrsatilgan nafaqa miqdori) | |||||||||
|
| |||||||||
|
Oʻzbekiston Respublikasi Davlat bojxona qoʻmitasi raisi (maxsus unvoni) |
|
|
|
| |||||
|
|
|
|
|
|
|
|
(F.I.O.) | ||
(4-ilova Oʻzbekiston Respublikasi Vazirlar Mahkamasining 2021-yil 27-dekabrdagi 774-sonli qarori tahririda — Qonunchilik maʼlumotlari milliy bazasi, 27.12.2021-y., 09/21/774/1198-son)
(Qonun hujjatlari maʼlumotlari milliy bazasi, 07.06.2019-y., 09/19/459/3237-son; Qonunchilik maʼlumotlari milliy bazasi, 27.12.2021-y., 09/21/774/1198-son, Qonunchilik maʼlumotlari milliy bazasi, 05.04.2022-y., 09/22/153/0266-son)
