1.09.00.00.00 Tadbirkorlik va xoʻjalik faoliyati / 09.15.00.00 Transport / 09.15.13.00 Avariyaga qarshi kurash. Yoʻl harakati xavfsizligi. Texnik koʻrik (shuningdek, 16.04.02.00ga qarang)]
[TSZ:
1.Iqtisodiyot / Transport. Yoʻl xoʻjaligi. Harakat va parvozlar xavfsizligi]
Oʻzbekiston Respublikasi Vazirlar Mahkamasining
qarori
Yuqori tezlikdagi temir yoʻl uchastkalarida harakat xavfsizligini taʼminlashga oid chora-tadbirlar amalga oshirilishini tashkil etish va muvofiqlashtirish, shuningdek, nazorat qilish boʻyicha idoralararo komissiya toʻgʻrisidagi nizomni tasdiqlash haqida
Oʻzbekiston Respublikasi Prezidentining “Idoralararo kollegial organlarni tubdan qisqartirish va yanada optimallashtirish chora-tadbirlari toʻgʻrisida” 2018-yil 28-avgustdagi PF-5527-son Farmoniga muvofiq, shuningdek, yuqori tezlikdagi poyezdlar harakati xavfsizligi darajasini oshirishga, aloqador davlat boshqaruvi organlari, xoʻjalik yurituvchi subyektlar, mahalliy ijro etuvchi hokimiyat organlari va huquqni muhofaza qiluvchi organlarning yuqori tezlikdagi temir yoʻl uchastkalarida yuk va yoʻlovchilar tashish xavfsizligini taʼminlash tizimini takomillashtirishga oid masalalarni va vazifalarni hal etish doirasida kelishilgan va samarali oʻzaro hamkorligini taʼminlashga qaratilgan chora-tadbirlar ishlab chiqilishini muvofiqlashtirish va amalga oshirilishini nazorat qilish maqsadida Vazirlar Mahkamasi qaror qiladi:
1. “Toshkent-Samarqand” temir yoʻl uchastkasida yuqori tezlikdagi poyezdlar harakati xavfsizligini taʼminlash boʻyicha Idoralararo komissiya yuqori tezlikdagi temir yoʻl uchastkalarida harakat xavfsizligini taʼminlashga oid chora-tadbirlar amalga oshirilishini tashkil etish va muvofiqlashtirish, shuningdek, nazorat qilish boʻyicha idoralararo komissiya etib qayta tashkil etilsin.
2. Quyidagilar Idoralararo komissiyaning asosiy vazifalari etib belgilansin:
yuqori tezlikdagi temir yoʻl uchastkalarida yuk va yoʻlovchilar tashish xavfsizligini taʼminlash sohasini davlat tomonidan tartibga solishni takomillashtirishga koʻmaklashish, poyezdlarning yuqori tezlikdagi harakatini tashkil etish sohasiga chetdan asossiz aralashishning oldini olish;
yuqori tezlikdagi temir yoʻl uchastkalarida yuk va yoʻlovchilar tashish xavfsizligi darajasini oshirishga qaratilgan faoliyat yuzasidan manfaatdor vazirliklar va idoralar, temir yoʻl transporti korxonalari va boshqa tashkilotlar oʻrtasida samarali oʻzaro hamkorlikni, shu jumladan, axborot hamkorligini taʼminlash;
yuqori tezlikdagi temir yoʻl uchastkalarida yuk va yoʻlovchilar tashish xavfsizligini taʼminlash chora-tadbirlari amalga oshirilishi monitoringini olib borish.
3. Quyidagilar:
Yuqori tezlikdagi temir yoʻl uchastkalarida harakat xavfsizligini taʼminlashga oid chora-tadbirlar amalga oshirilishini tashkil etish va muvofiqlashtirish, shuningdek, nazorat qilish boʻyicha idoralararo komissiya toʻgʻrisidagi nizom 1-ilovaga muvofiq;
Yuqori tezlikdagi temir yoʻl uchastkalarida harakat xavfsizligini taʼminlashga oid chora-tadbirlar amalga oshirilishini tashkil etish va muvofiqlashtirish, shuningdek, nazorat qilish boʻyicha idoralararo komissiyaning tarkibi 2-ilovaga muvofiq tasdiqlansin.
4. Oʻzbekiston Respublikasi Transport vazirligi manfaatdor vazirliklar va idoralar bilan birgalikda ular qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 8-may,
387-son
Vazirlar Mahkamasining 2019-yil 8-maydagi 387-son qaroriga 1-ILOVA
Yuqori tezlikdagi temir yoʻl uchastkalarida harakat xavfsizligini taʼminlashga oid chora-tadbirlar amalga oshirilishini tashkil etish va muvofiqlashtirish, shuningdek, nazorat qilish boʻyicha idoralararo komissiya toʻgʻrisida
NIZOM
1-bob. Umumiy qoidalar
1. Ushbu Nizom yuqori tezlikdagi temir yoʻl uchastkalarida harakat xavfsizligini taʼminlashga oid chora-tadbirlar amalga oshirilishini tashkil etish va muvofiqlashtirish, shuningdek, nazorat qilish boʻyicha idoralararo komissiyaning (keyingi oʻrinlarda Idoralararo komissiya deb ataladi) asosiy vazifalari, funksiyalari, huquqlari, javobgarligi, faoliyatini tashkil etish va hisobot berishi tartibini belgilaydi.
2. Idoralararo komissiya yuqori tezlikdagi poyezdlar harakati xavfsizligi darajasini oshirishga, aloqador davlat boshqaruvi organlari, xoʻjalik yurituvchi subyektlar, mahalliy ijro etuvchi hokimiyat organlari va huquqni muhofaza qiluvchi organlarning Oʻzbekiston Respublikasining yuqori tezlikdagi temir yoʻl uchastkalarida (keyingi oʻrinlarda yuqori tezlikdagi temir yoʻl uchastkalari deb ataladi) yuk va yoʻlovchilar tashish xavfsizligini taʼminlash tizimini takomillashtirishga oid masalalar va vazifalarni hal etish doirasida kelishilgan va samarali oʻzaro hamkorligini taʼminlashga qaratilgan chora-tadbirlar ishlab chiqilishini muvofiqlashtirish va amalga oshirilishini nazorat qilish maqsadida Oʻzbekiston Respublikasi Transport vazirligi (keyingi oʻrinlarda Transport vazirligi deb ataladi) huzurida tashkil etiladi.
3. Idoralararo komissiya doimiy asosda faoliyat yuritgan holda Idoralararo komissiya tarkibiga kiritilgan tashkilotlarga yuqori tezlikdagi temir yoʻl uchastkalarida yuk va yoʻlovchilar tashish xavfsizligini taʼminlash boʻyicha ushbu tashkilotlarga yuklangan vazifalar va funksiyalarini amalga oshirishda koʻmaklashishga, shuningdek, idoralararo hamkorlikni samarali tashkil etish va muvofiqlashtirishni taʼminlashga daʼvat etilgan maslahatlashuv organi hisoblanadi.
4. Idoralararo komissiyani tashkil etish va tugatish Oʻzbekiston Respublikasi Vazirlar Mahkamasi (keyingi oʻrinlarda Vazirlar Mahkamasi deb ataladi) tomonidan amalga oshiriladi.
5. Idoralararo komissiyaning tarkibi Vazirlar Mahkamasi tomonidan tasdiqlanadi.
6. Idoralararo komissiya oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, Transport vazirligining buyruqlari va qarorlariga, ushbu Nizomga, shuningdek, boshqa qonunchilik hujjatlariga amal qiladi.
(6-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
7. Idoralararo komissiya oʻz ishini Oʻzbekiston Respublikasi transport vaziri tomonidan har yili tasdiqlanadigan chora-tadbirlar rejasiga muvofiq amalga oshiradi.
2-bob. Idoralararo komissiyaning asosiy vazifalari va funksiyalari
8. Quyidagilar Idoralararo komissiyaning asosiy vazifalari hisoblanadi:
yuqori tezlikdagi temir yoʻl uchastkalarida yuk va yoʻlovchilar tashish xavfsizligini taʼminlash sohasini davlat tomonidan tartibga solishni takomillashtirishga koʻmaklashish, poyezdlarning yuqori tezlikdagi harakatini tashkil etish sohasiga chetdan asossiz aralashishning oldini olish;
yuqori tezlikdagi temir yoʻl uchastkalarida yuk va yoʻlovchilar tashish xavfsizligi darajasini oshirishga qaratilgan faoliyat yuzasidan manfaatdor vazirliklar va idoralar, temir yoʻl transporti korxonalari va boshqa tashkilotlar oʻrtasida samarali oʻzaro hamkorlikni, shu jumladan, axborot hamkorligini taʼminlash;
yuqori tezlikdagi temir yoʻl uchastkalarida yuk va yoʻlovchilar tashish xavfsizligini taʼminlash chora-tadbirlari amalga oshirilishi monitoringini olib borish.
9. Idoralararo komissiya unga yuklangan vazifalarni bajarish maqsadida quyidagi funksiyalarni amalga oshiradi:
1) yuqori tezlikdagi temir yoʻl uchastkalarida yuk va yoʻlovchilar tashish xavfsizligini taʼminlash sohasini davlat tomonidan tartibga solishni takomillashtirishga koʻmaklashish, poyezdlarning yuqori tezlikdagi harakatini tashkil etish sohasiga chetdan asossiz aralashishning oldini olish sohasida:
yuqori tezlikdagi temir yoʻl uchastkalarida yuk va yoʻlovchilar tashish xavfsizligini taʼminlashning davlat tizimini takomillashtirish boʻyicha takliflarni tayyorlaydi va koʻrib chiqadi, shuningdek, uni takomillashtirish strategiyasi amalga oshirilishini tashkil etadi;
yuqori tezlikdagi temir yoʻl uchastkalarida yuk va yoʻlovchilar tashish xavfsizligiga xavf soluvchi qoidabuzariklarni oʻrganadi, aniqlaydi hamda ularning oldini olish va bartaraf etish choralarini koʻradi;
yuqori tezlikdagi temir yoʻl uchastkalarida jamoat tartibini taʼminlashni nazorat qilish chora-tadbirlari amalga oshirilishini muvofiqlashtiradi;
yuqori tezlikdagi temir yoʻl uchastkalariga yaqin joylashgan aholi punktlari, oʻquv muassasalari va tashkilotlarda profilaktika va tushuntirish ishlari olib borilishini taʼminlash yuzasidan nazoratni amalga oshiradi;
2) yuqori tezlikdagi temir yoʻl uchastkalarida yuk va yoʻlovchilar tashish xavfsizligi darajasini oshirishga qaratilgan faoliyat yuzasidan manfaatdor vazirliklar va idoralar, temir yoʻl transporti korxonalari va boshqa tashkilotlar oʻrtasida samarali oʻzaro hamkorlikni, shu jumladan, axborot hamkorligini taʼminlash sohasida:
yuqori tezlikdagi temir yoʻl uchastkalarida yuk va yoʻlovchilar tashish xavfsizligi holatini tahlil qiladi;
manfaatdor vazirliklar va idoralar hamda boshqa tashkilotlarning yuqori tezlikdagi temir yoʻl uchastkalarida yuk va yoʻlovchilar tashish xavfsizligini taʼminlash sohasidagi oʻzaro hamkorligini tashkil etish, muvofiqlashtirish va takomillashtirish yuzasidan takliflar ishlab chiqadi;
qonunchilikka muvofiq Idoralararo komissiyaning maqsadlariga erishish uchun zarur boʻlgan hujjatlar va materiallarni vazirliklar, idoralar va tashkilotlardan belgilangan tartibda soʻraydi;
(9-bandning 2 kichik bandi toʻrtinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
vazirliklar va idoralar, mahalliy ijro etuvchi hokimiyat organlari va tashkilotlarning yuqori malakali mutaxassislarini, oliy taʼlim muassasalari va ilmiy-tadqiqot institutlarining professor-oʻqituvchilari tarkibini (ularning rahbarlari roziligi bilan) Idoralararo komissiya ishida ishtirok etish uchun belgilangan tartibda jalb etadi;
yuqori tezlikdagi temir yoʻl uchastkalarida yuk va yoʻlovchilar tashish xavfsizligini taʼminlash masalalari yuzasidan vazirliklar, idoralar va tashkilotlarning faoliyatini muvofiqlashtiradi;
yuqori tezlikdagi temir yoʻl uchastkasiga tutash hududlarni obodonlashtirish, koʻkalamzorlashtirish va shaharsozlik meʼyorlari talablariga muvofiqlashtirishga doir chora-tadbirlarning amalda bajarilishi yuzasidan nazoratni amalga oshiradi;
odamlarning hayoti va salomatligini, temir yoʻl transporti infratuzilmasi va obyektlari butligini saqlash maqsadida yuqori tezlikdagi temir yoʻl uchastkalari hududida xavfsizlikni taʼminlash boʻyicha koʻrilayotgan chora-tadbirlarni amalga oshirish jarayoni va natijalari ommaviy axborot vositalarida muntazam yoritib borilishini tashkil etadi;
3) yuqori tezlikdagi temir yoʻl uchastkalarida yuk va yoʻlovchilar tashish xavfsizligini taʼminlash chora-tadbirlari amalga oshirilishi monitoringini olib borish sohasida:
Idoralararo komissiya faoliyati sohasiga oid masalalar boʻyicha ishlab chiqilgan va tasdiqlangan chora-tadbirlar rejalarining ijrosi monitoringini olib boradi;
Idoralararo komissiya qarorlari amalga oshirilishi uchun oʻz vakolatlari doirasida monitoring olib boradi;
Idoralararo komissiya aʼzolarining takliflari, tavsiyalari va mulohazalari qabul qilinishi va tizimlashtirilishini taʼminlaydi.
3-bob. Idoralararo komissiyaning huquqlari va javobgarligi
10. Idoralararo komissiya yuklangan vazifalar va funksiyalarni amalga oshirish uchun quyidagi huquqlarga ega:
davlat boshqaruvi organlari, xoʻjalik yurituvchi subyektlar, mahalliy ijro etuvchi hokimiyat organlari, huquqni muhofaza qiluvchi organlardan Idoralararo komissiyaning vakolatlari doirasiga kiruvchi masalalar boʻyicha axborotni belgilangan tartibda soʻrash va olish;
Idoralararo komissiya faoliyati sohasiga oid masalalar yuzasidan davlat boshqaruvi organlari, xoʻjalik yurituvchi subyektlar, mahalliy ijro etuvchi hokimiyat organlari faoliyatini muvofiqlashtirishni takomillashtirishga qaratilgan qarorlar qabul qilish;
yuqori tezlikdagi temir yoʻl uchastkalarida harakat xavfsizligini taʼminlash sohasida davlat boshqaruvi organlari, xoʻjalik yurituvchi subyektlar, mahalliy ijro etuvchi hokimiyat organlari, huquqni muhofaza qiluvchi organlar tomonidan olib borilayotgan ishlarning holati va natijadorligini oʻrganish, shuningdek, ularning ushbu yoʻnalishdagi faoliyatini takomillashtirish yuzasidan tavsiyalar tayyorlash;
davlat boshqaruvi organlari, xoʻjalik yurituvchi subyektlar, mahalliy ijro hokimiyat organlari, huquqni muhofaza qiluvchi organlar rahbarlarining Idoralararo komissiya faoliyati sohasiga oid masalalar yuzasidan hisobotlari va maʼruzalarini eshitish;
Idoralararo komissiya faoliyati sohasiga oid masalalarni oʻrganish va takliflar tayyorlash uchun mutaxassislar va ilmiy xodimlarni jalb etish;
Idoralararo komissiyaning sayyor yigʻilishlari paytida “Oʻzbekiston temir yoʻllari” aksiyadorlik jamiyatining xizmat va maxsus vagonlaridan cheklovlarsiz va toʻlovlarsiz foydalanish;
Idoralararo komissiya qonunchilikka muvofiq boshqa huquqlarga ham ega boʻlishi mumkin.
(10-bandning sakkizinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
11. Idoralararo komissiyaning raisi komissiya faoliyati tashkil etilishi, unga yuklangan vazifalar va funksiyalar sifatli ijro etilishi, shuningdek, Idoralararo komissiya samarasiz faoliyat yuritgan taqdirda, uni tugatish boʻyicha takliflar oʻz vaqtida kiritilishi uchun shaxsan javob beradi.
12. Idoralararo komissiya aʼzolari ushbu Nizomga muvofiq ularga yuklangan vazifalar va funksiyalarni sifatli va samarali bajarish, shuningdek, Idoralararo komissiya yigʻilishlarida shaxsan ishtirok etish uchun javob beradilar.
Idoralararo komissiya aʼzosining uzrli sababga koʻra komissiya yigʻilishida shaxsan ishtirok etishi imkoni boʻlmaganda komissiya yigʻilishida ishtirok etish uchun tegishli vazirlik yoki idoradan uning oʻrnini bosuvchi xodim (rahbar) yuboriladi.
4-bob. Idoralararo komissiya faoliyatini tashkil etish
13. Transport vazirining oʻrinbosari Idoralararo komissiyaning raisi hisoblanadi, uning vakolatiga quyidagilar kiradi:
Idoralararo komissiya faoliyatiga rahbarlik qilish;
Idoralararo komissiya yigʻilishi (sayyor yigʻilishi)ni chaqirish toʻgʻrisida qaror qabul qilish va ushbu yigʻilish kun tartibini belgilash;
Idoralararo komissiya faoliyatini nazorat qilish;
Idoralararo komissiyaga yuklangan vazifalar va funksiyalar bajarilishi yuzasidan Idoralararo komissiya aʼzolarining faoliyatini muvofiqlashtirish;
Idoralararo komissiya tomonidan qabul qilingan qarorlarni tasdiqlash;
ushbu Nizom talablarini bajarmayotgan Idoralararo komissiya aʼzolariga nisbatan tegishli choralar koʻrish masalalari yuzasidan tegishli takliflar kiritgan holda Idoralararo komissiya aʼzolari tomonidan Komissiyaning bayonnomalari ijro etilishi monitoringini olib borish va nazorat qilish;
Idoralararo komissiyaning samarali faoliyatini taʼminlashga oid boshqa funksiyalarni bajarish.
Idoralararo komissiya yigʻilishi (sayyor yigʻilishi)ni chaqirishni tashkil etadilar;
Idoralararo komissiya faoliyatining asosiy yoʻnalishlari yuzasidan takliflar tayyorlanishini tashkil etadilar;
tasdiqlangan rejaga muvofiq chora-tadbirlar rejasi bajarilishi va Idoralararo komissiya aʼzolari ishi ustidan nazorat qiladilar;
davlat boshqaruvi organlari, xoʻjalik yurituvchi subyektlar, mahalliy ijro etuvchi hokimiyat organlari, huquqni muhofaza qiluvchi organlar bilan birgalikda Idoralararo komissiya tomonidan qabul qilingan qarorlarning bajarilishini taʼminlaydilar, tegishli axborot va takliflarni Idoralararo komissiya raisiga kiritadilar;
Idoralararo komissiya raisi boʻlmaganda yoki uning topshirigʻi boʻyicha Idoralararo komissiya yigʻilishlariga raislik qiladilar;
Idoralararo komissiyaning samarali ish olib borishini taʼminlash maqsadida boshqa funksiyalarni bajaradilar.
15. Idoralararo komissiya aʼzolari:
Idoralararo komissiya yigʻilishlarida (sayyor yigʻilishlarida) koʻrib chiqiladigan kun tartibidagi masalalar boʻyicha muhokamada ishtirok etadilar va qarorlar qabul qilinishini taʼminlaydilar;
yuqori tezlikdagi temir yoʻl uchastkalarida yuk va yoʻlovchilar tashish xavfsizligini taʼminlash bilan bogʻliq boʻlgan dolzarb masalalar yuzasidan Idoralararo komissiyaga takliflar kiritadilar;
Idoralararo komissiya tomonidan koʻrib chiqiladigan masalalar yuzasidan xulosalar tayyorlaydilar;
Idoralararo komissiyaning bayonnoma qarorlari va qoʻyilgan vazifalarning ijrosi yakunlari toʻgʻrisidagi hisobotni Idoralararo komissiya raisiga taqdim etadilar;
Idoralararo komissiyaning samarali ish olib borishini taʼminlashga oid boshqa funksiyalarni bajaradilar.
16. Idoralararo komissiyaning aʼzolari yigʻilish oʻtkazilishidan kamida ikki ish kuni oldin yigʻilish (sayyor yigʻilish) oʻtkazilish vaqti, joyi va kun tartibi toʻgʻrisida xabardor qilinishi lozim.
17. Yigʻilish (sayyor yigʻilish)ni Idoralararo komissiya raisi (rais yoʻqligida uning oʻrinbosari) olib boradi.
Yigʻilish (sayyor yigʻilish) unda aʼzolar tarkibining uchdan ikki qismi qatnashganda huquqiy kuchga ega boʻladi.
18. Idoralararo komissiya yigʻilishlari (sayyor yigʻilishlari) Idoralararo komissiyaning ish rejasiga muvofiq, biroq bir oyda kamida bir marta, shuningdek, komissiya vakolatiga tegishli boʻlgan shoshilinch masalalarni koʻrib chiqish zarurati yuzaga kelganda oʻtkaziladi.
Idoralararo komissiya yigʻilishlari (sayyor yigʻilishlari) bayonnoma bilan rasmiylashtiriladi.
19. Idoralararo komissiyasi yigʻilishlari (sayyor yigʻilishlari)ga yigʻilishda koʻrib chiqilayotgan masalalardan kelib chiqqan holda Idoralararo komissiya tarkibiga kiritilmagan aloqador davlat boshqaruvi organlari, xoʻjalik yurituvchi subyektlar, mahalliy ijro hokimiyat organlari, huquqni muhofaza qiluvchi organlarning rahbarlari va mutaxassislari taklif etilishi mumkin.
5-bob. Idoralararo komissiyaning ishchi organi va kotibi
20. Transport vazirligi huzuridagi Transport nazorati inspeksiyasi Idoralararo komissiyaning ishchi organi (keyingi oʻrinlarda Ishchi organ deb ataladi) hisoblanadi.
(20-bandning birinchi xatboshisi Oʻzbekiston Respublikasi Vazirlar Mahkamasining 2023-yil 15-dekabrdagi 668-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/668/0945-son)
Idoralararo komissiyaning raisi tomonidan tayinlanadigan komissiya kotibi Idoralararo komissiyaning ishini yuritadi.
21. Idoralararo komissiyaning Ishchi organi va kotibi:
Idoralararo komissiya faoliyatining tashkiliy-texnik taʼminotini amalga oshiradi;
ish rejasining loyihasini tayyorlaydi, uni Idoralararo komissiya muhokamasiga kiritadi;
Idoralararo komissiya yigʻilishi (sayyor yigʻilishi)da koʻrib chiqish uchun materiallar oʻz vaqtida tayyorlanishini taʼminlaydi, uning ishi oʻz vaqtida va sifatli bajarilishi uchun zarur boʻlgan axborot va materiallarni aloqador davlat boshqaruvi organlari, xoʻjalik yurituvchi subyektlar, mahalliy ijro etuvchi hokimiyat organlari, huquqni muhofaza qiluvchi organlardan soʻraydi va oladi;
Idoralararo komissiya yigʻilishi (sayyor yigʻilishi)ning kun tartibidagi masalalar boʻyicha tahliliy materiallarni tayyorlaydi;
yuqori tezlikdagi temir yoʻl uchastkalarida yuk va yoʻlovchilar tashish xavfsizligini taʼminlash masalalari boʻyicha Idoralararo komissiyaga yuridik va jismoniy shaxslardan tushgan murojaatlarni umumlashtiradi va Idoralararo komissiyaning vakolatiga kiradigan masalalar yuzasidan uning qarorlari loyihalarini tayyorlaydi;
Idoralararo komissiya faoliyati sohasiga oid tasdiqlangan chora-tadbirlar rejalari ijrosi monitoringini olib boradi;
Idoralararo komissiya aʼzolarining takliflari, shuningdek, mulohazalarini qabul qiladi va tizimlashtiradi;
Idoralararo komissiya yigʻilishi (sayyor yigʻilishi) uchun zarur hujjatlar oʻz vaqtida tayyorlanishini taʼminlaydi;
Idoralararo komissiya raisi bilan yigʻilish (sayyor yigʻilish) oʻtkazish muddati va joyini, shuningdek, taklif etilganlar roʻyxatini kelishadi, Idoralararo komissiya aʼzolarini va taklif etilgan shaxslarni yigʻilish (sayyor yigʻilish) sanasi, vaqti va oʻtkaziladigan joyi haqida xabardor qiladi;
Idoralararo komissiya yigʻilishi bayonnomalarini rasmiylashtiradi va tasdiqlangan bayonnomalar nusxalari Idoralararo komissiya aʼzolari, aloqador davlat boshqaruvi organlari, xoʻjalik yurituvchi subyektlar, mahalliy ijro etuvchi hokimiyat organlari va huquqni muhofaza qiluvchi organlarga yuborilishini taʼminlaydi;
Idoralararo komissiya qarorlari ijrosi monitoringini olib boradi va uning yakunlarini Idoralararo komissiya yigʻilishi (sayyor yigʻilishi)da koʻrib chiqish uchun kiritadi;
Idoralararo komissiyaning qarorlariga hamda Idoralararo komissiya raisi va uning oʻrinbosarlarining topshiriqlariga muvofiq boshqa funksiyalarni bajaradi.
6-bob. Idoralararo komissiya qarorlarini qabul qilish va ularning bajarilishini taʼminlash
22. Idoralararo komissiya qarorlari Idoralararo komissiyaning yigʻilishda (sayyor yigʻilishda) ishtirok etayotgan aʼzolarining oddiy koʻpchilik ovozi bilan qabul qilinadi. Ovozlar teng boʻlganida Idoralararo komissiya raisining ovozi hal qiluvchi ovoz hisoblanadi.
Idoralararo komissiyasining har bir aʼzosi qabul qilinayotgan qaror yuzasidan oʻz fikrini yozma ravishda bildirishga haqlidir.
23. Qarorlarni tezkor qabul qilish maqsadida Idoralararo komissiya raisi Idoralararo komissiya vakolatiga kiradigan alohida masalalar yuzasidan ularni Idoralararo komissiya aʼzolari bilan soʻrovnoma oʻtkazish orqali qaror qabul qilish huquqiga ega.
24. Idoralararo komissiya yigʻilishi (sayyor yigʻilishi)da qabul qilingan qarorlar bayonnoma bilan rasmiylashtiriladi va ushbu bayonnoma Idoralararo komissiya raisi tomonidan tasdiqlanadi va bir hafta muddatda Idoralararo komissiya aʼzolari, davlat boshqaruvi organlari, xoʻjalik yurituvchi subyektlar, mahalliy ijro etuvchi hokimiyat organlari, huquqni muhofaza qiluvchi organlarga yuboriladi.
25. Idoralararo komissiya qarorlari bajarilishini nazorat qilish Idoralararo komissiyaning ishchi organi tomonidan amalga oshiriladi.
26. Har bir yigʻilish (sayyor yigʻilish) yakunlari boʻyicha Idoralararo komissiya transport vaziriga amalga oshirilgan ishlar toʻgʻrisida axborot taqdim etadi.
27. Ushbu Nizom talablari buzilishida aybdor boʻlgan shaxslar qonunchilikka muvofiq javob beradilar.
(27-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Vazirlar Mahkamasining 2019-yil 8-maydagi 387-son qaroriga 2-ILOVA
Yuqori tezlikdagi temir yoʻl uchastkalarida harakat xavfsizligini taʼminlashga oid chora-tadbirlar amalga oshirilishini tashkil etish va muvofiqlashtirish, shuningdek, nazorat qilish boʻyicha Idoralararo komissiyasining
Oʻzbekiston Respublikasi transport vazirining oʻrinbosari, komissiya rahbari
2.
Karimov J.A.
―
Oʻzbekiston Respublikasi Transport vazirligi huzuridagi Transport nazorati inspeksiyasi boshligʻi, komissiya rahbarining oʻrinbosari
3.
Kamalov A.S.
―
“Oʻzbekiston temir yoʻllari” AJ boshqaruvi raisining oʻrinbosari, komissiya rahbarining oʻrinbosari
3.
kelishuv boʻyicha
―
Oʻzbekiston Respublikasi Davlat xavfsizlik xizmati xodimi
4.
Muhammedov G.B.
―
Oʻzbekiston Respublikasi transport prokurorining oʻrinbosari
5.
Joʻrayev M.U
―
Oʻzbekiston Respublikasi ichki ishlar vazirining oʻrinbosari
6.
Irisbayev E.X.
―
Oʻzbekiston Respublikasi Ichki ishlar vazirligining Yoʻl harakati xavfsizligi bosh boshqarmasi boshligʻining oʻrinbosari
7.
Moʻminov A.A.
―
Oʻzbekiston Respublikasi favqulodda vaziyatlar vazirining oʻrinbosari
8.
Toʻlaganov K.N.
―
Oʻzbekiston Respublikasi qurilish vazirining oʻrinbosari
9.
Lavozimi boʻyicha
―
Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi raisi
10.
Roʻziboyev B.K.
―
Oʻzbekiston Respublikasi suv xoʻjaligi vazirining birinchi oʻrinbosari
11.
Oʻtayev U.Ch.
―
Oʻzbekiston Respublikasi Ekologiya va atrof-muhitni muhofaza qilish davlat qoʻmitasi raisining oʻrinbosari
12.
Habibullayev Sh.X.
―
Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi raisining oʻrinbosari
13.
Adilov O.Ch.
―
Oʻzbekiston Respublikasi Transport vazirligi huzuridagi Avtomobil yoʻllari qoʻmitasi raisining oʻrinbosari — bosh muhandis
14.
lavozimi boʻyicha
―
“Oʻzbekiston milliy elektr tarmoqlari” AJ boshqaruvi raisining birinchi oʻrinbosari
15.
Musayev B.P.
―
“Oʻztransgaz” AJ boshqaruvi raisining oʻrinbosari
16.
lavozimi boʻyicha
―
tegishli viloyatlar va Toshkent shahar hokimlarining sanoatni rivojlantirish, kapital qurilish, kommunikatsiyalar va kommunal xoʻjaliklar boʻyicha oʻrinbosarlari — tegishli hududga aloqador masalalar qismi boʻyicha
17.
Toʻlaganov Sh.T.
―
“Oʻzbekiston temir yoʻllari” AJ yuqori tezlikli harakat boshqarmasi boshligʻi
18.
lavozimi boʻyicha
―
“Oʻzbekiston temir yoʻllari” AJ texnik va texnologik nazorat boshqarmasi boshligʻi
Izohlar:
1. Idoralararo komissiya aʼzolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan yoki zimmasiga tegishli funksiyalarni bajarish yuklangan shaxslar kiritiladi.
2. Zarurat boʻlganida Idoralararo komissiya ishiga manfaatdor davlat boshqaruvi organlari, xoʻjalik yurituvchi subyektlar va boshqa tashkilotlarning mutaxassislari jalb etiladi.
(2-ilova Oʻzbekiston Respublikasi Vazirlar Mahkamasining 2025-yil 29-yanvardagi 48-sonli qarori tahririda — Qonunchilik maʼlumotlari milliy bazasi, 30.01.2025-y., 09/25/48/0093-son)
(Qonun hujjatlari maʼlumotlari milliy bazasi, 10.05.2019-y., 09/19/387/3122-son; Qonunchilik maʼlumotlari milliy bazasi, 20.11.2021-y., 09/21/694/1075-son, 09/22/153/0266-son; 18.12.2023-y., 09/23/668/0945-son; 30.01.2025-y., 09/25/48/0093-son)
