|
Hujjat kuchini yo‘qotgan 14.10.2002
|
Oʻzbekiston Respublikasi Vazirlar Mahkamasining
qarori
EHM UChUN YaRATILGAN DASTURLAR VA MAʼLUMOTLAR BAZALARI RASMIY ROʻYXATDAN OʻTKAZILGANLIGI UChUN UNDIRILADIGAN ROʻYXATGA OLISh YIGʻIMLARINING MIQDORLARI TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2002-yil 14-oktabrdagi 357-sonli “Patent bojlari toʻgʻrisidagi nizomni va patent bojlari stavkalarini tasdiqlash haqida”gi qaroriga muvofiq oʻz kuchini yoʻqotgan.
“Elekron hisoblash mashinalari uchun yaratilgan dasturlar va maʼlumotlar bazalarining huquqiy himoyasi toʻgʻrisida” Oʻzbekiston Respublikasi Qonuniga muvofiq Vazirlar Mahkamasi qaror qiladi:
1. EНM uchun yaratilgan dasturlar, maʼlumotlar bazalari va mulkiy huquqlarni berish toʻgʻrisidagi shartnomalar rasmiy roʻyxatdan oʻtkazilganligi uchun undiriladigan roʻyxatga olish yigʻimlarining ilova qilinayotgan miqdorlari tasdiqlansin.
2 Belgilab qoʻyilsinki, EНM uchun yaratilgan dasturlar, maʼlumotlar bazalari va mulkiy huquqlarni berish toʻgʻrisidagi shartnomalar rasmiy roʻyxatdan oʻtkazilganligi uchun Davlat patent idorasi:
Oʻzbekiston Respublikasining jismoniy va yuridik shaxslaridan milliy valyutada;
boshqa davlatlarning jismoniy va yuridik shaxslaridan chet el valyutasida roʻyxatga olish yigʻimlari undiradi.
Undiriladigan yigʻimlar Davlat patent idorasi fondiga oʻtkaziladi.
3. Vazirlar Mahkamasining “Xorijiy valyutadagi davlat bojlari, yigʻimlar hamda soliq boʻlmagan boshqa toʻlovlar stavkalari toʻgʻrisida” 1993-yil 19-avgustdagi 423-son qarorining valyuta tushumlarini taqsimlashga tegishli qismining amal qilishi EНM uchun yaratilgan dasturlar, maʼlumotlar bazalari va mulkiy huquqlarni berish toʻgʻrisidagi shartnomalar rasmiy roʻyxatdan oʻtkazilganligi uchun undiriladigan roʻyxatga olish yigʻimlariga joriy etilsin.
4. Oʻzbekiston Respublikasi Fan va texnika davlat qoʻmitasining Davlat patent idorasi va Oʻzbekiston Respublikasi Moliya vazirligi bir oy muddatda EНM uchun yaratilgan dasturlar, maʼlumotlar bazalari va mulkiy huquqlarni berish toʻgʻrisidagi shartnomalar rasmiy roʻyxatdan oʻtkazilganligi uchun roʻyxatga olish yigʻimlari undirish tartibi haqidagi normativ hujjatlarni ishlab chiqsin va tasdiqlasin.
Oʻzbekiston Respublikasining Bosh vaziri A. MUTALOV
Toshkent sh.,
1995-yil 21-avgust,
331-son
EНM uchun dasturlar, maʼlumotlar bazalari va mulkiy huquqlarni berish toʻgʻrisidagi shartnomalar rasmiy roʻyxatdan oʻtkazilganligi uchun undiriladigan roʻyxatga olish yigʻimlari
miqdorlari
|
T/r |
Xatti-harakatlar va bajariladigan ish tartibi nomi |
Toʻlash muddati |
Roʻyxatga olish yigʻimlari miqdori | |
|
eng kam ish haqiga nisbatan |
AQSh dollari | |||
|
1 |
2 |
3 |
4 |
5 |
|
I. EHM uchun dasturlar va maʼlumot bazalarini rasmiy roʻyxatdan oʻtkazish | ||||
|
1. |
EHM uchun dastur yoki maʼlumotlar bazasi rasmiy roʻyxatdan oʻtkazilishi uchun buyurtmanoma berish | buyurtmanoma berilishi bilan bir vaqtda yoki yigʻim toʻlash haqidagi hujjat kechikkan har bir kun uchun yigʻim 0,3 % ga koʻpaygan holda buyurtmanoma berilgan kundan boshlab 2 oy muddatda |
0,5 |
60 |
|
2. |
Rasmiy roʻyxatdan oʻtkazilganlik haqidagi maʼlumotlarni tegishli Davlat reyestriga kiritish, EHM uchun yaratilgan dasturlar yoki maʼdumot bazalari roʻyxatdan oʻtkazilganligini eʼlon qilish va bu haqda guvohnoma berish | buyurtmanoma berilishi bilan bir vaqtda yoki yigʻim toʻlash haqidagi hujjat kechikkan har bir kun uchun yigʻim 0,3 % ga koʻpaygan holda buyurtmanoma berilgan kundan boshlab 2 oy muddatda |
1,0 |
120 |
|
3. |
Muallifga, egalik huquqiga ega boʻlgan shaxsga oid oʻzgartirishlarni tegishli Davlat reyestriga va roʻyxatdan oʻtkazish haqidagi guvohnomaga kiritish | oʻzgartirilgan materiallar bilan bir vaqtda |
0,5 |
60 |
|
4. |
Qoʻshimchalar, aniqlashlar va tuzatishlarni roʻyxatdan oʻtkazish toʻgʻrisidagi maʼlumotlar eʼlon qilingunga qadar buyurmanomalar materiallariga kiritish | oʻzgartirilgan materiallar bilan bir vaqtda |
0,25 |
30 |
|
II. EHM uchun yaratilgan dasturlarga yoki maʼlumotlar bazalariga mulkiy huquqlarni berish toʻgʻrisidagi shartnomalarni roʻyxatdan oʻtkazish | ||||
|
5. |
Roʻyxatdan oʻtkazilgan EHM uchun yaratilgan dasturga yoki maʼlumotlar bazasiga barcha mulkiy huquqlarni toʻliq berish haqidagi shartnomani roʻyxatdan oʻtkazish | roʻyxatdan oʻtkazish haqida ariza berish bilan bir vaqtda |
1,5 |
180 |
|
6. |
EHM uchun yaratilgan dasturga yoki maʼlumotlar bazasiga mulkiy huquqlarni berish toʻgʻrisidagi shartnomani roʻyxatdan oʻtkazish | roʻyxatdan oʻtkazish haqida ariza berish bilan bir vaqtda |
1,0 |
120 |
Izoh:
Axborot texnologiyalari obyektlarining yagona mualliflari va huquqiy egalari hisoblangan Oʻzbekiston Respublikasi fuqarolari uchun yigʻimlar toʻlash boʻyicha quyidagi imtiyozlar beriladi:
Ulugʻ Vatan urushi qatnashchisi, unga tenglashtirilgan shaxs 1 — 4-bandlarda nazarda tutilgan yigʻimlarni toʻlashdan ozod qilinadi;
nogiron, pensioner, oʻrta maktab, hunar-texnika bilim yurti yoki texnikum oʻquvchilari, ishlab chiqarishdan ajralgan holda oʻqiyotgan oliy oʻquv yurti talabasi 1 — 4-bandlarda nazarda tutilgan yigʻimlarni har bir yigʻimning belgilangan miqdorining 30 foizi miqdorida toʻlaydi.
(Oʻzbekiston Respublikasi Hukumatining qarorlari toʻplami, 1995-y., 8-son, 30-modda)
