|
Hujjat kuchini yo‘qotgan 26.08.2019
|
Hujjat 08.04.2019 sanasi holatiga
Amaldagi versiyaga o‘tish |
Oʻzbekiston Respublikasi Markaziy banki Boshqaruvining
Qarori
Oʻzbekiston Respublikasi hududida yuridik shaxslar tomonidan chet el valyutasida kassa operatsiyalarini yuritish tartibiga oʻzgartirishlar kiritish haqida
[Oʻzbekiston Respublikasi Adliya vazirligi tomonidan 2019-yil 8-aprelda roʻyxatdan oʻtkazildi, roʻyxat raqami 611-5]
LexUZ sharhiMazkur qaror Oʻzbekiston Respublikasi adliya vazirining 2019-yil 26-avgustdagi 366-mh-sonli “Idoraviy normativ-huquqiy hujjatlarni davlat reyestridan chiqarish toʻgʻrisida”gi buyrugʻiga (roʻyxat raqami 611-6, 26.08.2019-y.) asosan davlat reyestridan chiqarilgan.
Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi Qonuni va Oʻzbekiston Respublikasi Prezidentining 2019-yil 5-fevraldagi PQ-4160-son “Jahon banki va Xalqaro moliya korporatsiyasining “Biznes yuritish” yillik hisobotida Oʻzbekiston Respublikasining reytingini yaxshilashga doir qoʻshimcha chora-tadbirlar toʻgʻrisida”gi qaroriga muvofiq Oʻzbekiston Respublikasi Markaziy banki Boshqaruvi qaror qiladi:
1. Oʻzbekiston Respublikasi Markaziy banki Boshqaruvi tomonidan 1998-yil 28-martda 35-son bilan tasdiqlangan Oʻzbekiston Respublikasi hududida yuridik shaxslar tomonidan chet el valyutasida kassa operatsiyalarini yuritish tartibiga (roʻyxat raqami 611, 1999-yil 22-yanvar) (Oʻzbekiston Respublikasi vazirliklari, davlat qoʻmitalari va idoralarining meʼyoriy hujjatlari axborotnomasi, 1999-yil, 1-son) ilovaga muvofiq oʻzgartirishlar kiritilsin.
2. Mazkur qaror rasmiy eʼlon qilingan kundan eʼtiboran kuchga kiradi.
Markaziy bank raisi M.NURMURATOV
Toshkent sh.,
2019-yil 16-mart,
5/5-son
Oʻzbekiston Respublikasi Markaziy banki Boshqaruvining 2019-yil 16-martdagi 5/5-sonli qaroriga
ILOVA
ILOVA
Oʻzbekiston Respublikasi hududida yuridik shaxslar tomonidan chet el valyutasida kassa operatsiyalarini yuritish tartibiga kiritilayotgan oʻzgartirishlar
1. 4-bandning uchinchi xatboshisidan “, kassir muhri (burchakli muhri) bilan tasdiqlangan” degan soʻzlar chiqarib tashlansin.
2. 11-bandning beshinchi xatboshisidagi “muhr” degan soʻz “shtamp” degan soʻz bilan almashtirilsin.
3. 1-ilovadan “M.Oʻ.” qisqartmasi chiqarib tashlansin.
(Qonun hujjatlari maʼlumotlari milliy bazasi, 08.04.2019-y., 10/19/611-5/2898-son)
