1.13.00.00.00 Taʼlim. Fan. Madaniyat / 13.03.00.00 Madaniyat / 13.03.16.00 Tanlovlar. Koʻriklar. Festivallar]
[TSZ:
1.Ijtimoiy-madaniy masalalar / Madaniyat]
Oʻzbekiston Respublikasi Prezidentining
Qarori
“Sharq taronalari” xalqaro musiqa festivalini oʻtkazishga tayyorgarlik koʻrish chora-tadbirlari toʻgʻrisida
Dunyo xalqlari oʻrtasida hamkorlik va hamjihatlikni mustahkamlash, musiqa sanʼati anʼanalarini asrash va rivojlantirish, madaniyatlararo muloqotni kuchaytirishga qaratilgan ezgu maqsadlarni oʻzida mujassam etgan, YUNESKO xalqaro tashkiloti tomonidan musiqa olamining yirik forumi sifatida eʼtirof etilgan “Sharq taronalari” xalqaro musiqa festivalining nufuzini yanada oshirish maqsadida:
[OKOZ:
1.13.00.00.00 Taʼlim. Fan. Madaniyat / 13.03.00.00 Madaniyat / 13.03.10.00 Tasviriy sanʼat, haykaltaroshlik, musiqa;
2.13.00.00.00 Taʼlim. Fan. Madaniyat / 13.03.00.00 Madaniyat / 13.03.16.00 Tanlovlar. Koʻriklar. Festivallar]
1. Oʻzbekiston Respublikasi Madaniyat vazirligi, Oʻzbekiston kompozitorlari va bastakorlari uyushmasi hamda Samarqand viloyati hokimligining Samarqand shahrida “Sharq taronalari” xalqaro musiqa festivalini (keyingi oʻrinlarda Festival deb yuritiladi) oʻn ikkinchi marta 2019-yilning 26 — 30-avgust kunlari oʻtkazish toʻgʻrisidagi taklifi maʼqullansin.
2. Festivalga tayyorgarlik koʻrish va uni oʻtkazish boʻyicha Tashkiliy qoʻmita (keyingi oʻrinlarda — Tashkiliy qoʻmita) tarkibi ilovaga muvofiq tasdiqlansin.
3. Oʻzbekiston Respublikasi Vazirlar Mahkamasi ikki hafta muddatda Festivalni oʻtkazish toʻgʻrisidagi nizomni ishlab chiqsin va tasdiqlasin.
4. Tashkiliy qoʻmita (A.N. Aripov) Festivalni 2019-yilda yuqori saviyada oʻtkazish maqsadida:
ikki hafta muddatda “yoʻl xaritasi”ni ishlab chiqsin va tasdiqlasin;
2019-yil 1-aprelga qadar Festivalga tayyorgarlik koʻrish va uni oʻtkazish bilan bogʻliq sarf-xarajatlar smetasini tasdiqlasin;
Festivalga tayyorgarlik koʻrish va oʻtkazish bilan bogʻliq boshqa masalalarni hal etsin.
[OKOZ:
1.13.00.00.00 Taʼlim. Fan. Madaniyat / 13.03.00.00 Madaniyat / 13.03.10.00 Tasviriy sanʼat, haykaltaroshlik, musiqa;
2.13.00.00.00 Taʼlim. Fan. Madaniyat / 13.03.00.00 Madaniyat / 13.03.16.00 Tanlovlar. Koʻriklar. Festivallar]
5. Oʻzbekiston Respublikasi Madaniyat vazirligining “Sharq taronalari” xalqaro musiqa festivali bosh direksiyasi Festivalga tayyorgarlik koʻrish va oʻtkazish boʻyicha buyurtmachi etib belgilansin.
[OKOZ:
1.13.00.00.00 Taʼlim. Fan. Madaniyat / 13.03.00.00 Madaniyat / 13.03.10.00 Tasviriy sanʼat, haykaltaroshlik, musiqa;
2.13.00.00.00 Taʼlim. Fan. Madaniyat / 13.03.00.00 Madaniyat / 13.03.16.00 Tanlovlar. Koʻriklar. Festivallar]
6. Oʻzbekiston Respublikasi Madaniyat vazirligi Tashqi ishlar vazirligi va Samarqand viloyati hokimligi bilan birgalikda:
Festivalga mahalliy va xorijiy davlatlardan musiqashunos olimlar, taniqli sanʼatkorlar, yetuk mutaxassislar va faxriy mehmonlarni taklif etish choralarini koʻrsin;
Festival doirasida “Sharq xalqlari anʼanaviy musiqa sanʼatini rivojlantirish istiqbollari” mavzusida xalqaro ilmiy-amaliy konferensiya oʻtkazilishi, unda xorijlik va mahalliy taniqli musiqashunos olim va mutaxassislar hamda tadqiqotchilarning oʻz maʼruzalari bilan ishtirok etishlarini taʼminlasin;
Festival nufuzini yanada oshirish, dunyo hamjamiyati eʼtiborini Oʻzbekiston musiqa madaniyatiga jalb qilish maqsadida Festival doirasida xorijlik mutaxassislar ishtirokida maxsus davra suhbati, taqdimot va mahorat darslarini oʻtkazsin.
[OKOZ:
1.13.00.00.00 Taʼlim. Fan. Madaniyat / 13.03.00.00 Madaniyat / 13.03.10.00 Tasviriy sanʼat, haykaltaroshlik, musiqa;
2.13.00.00.00 Taʼlim. Fan. Madaniyat / 13.03.00.00 Madaniyat / 13.03.16.00 Tanlovlar. Koʻriklar. Festivallar]
7. Oʻzbekiston Respublikasi Madaniyat vazirligi Festivalga tayyorgarlik koʻrish doirasida 2019-yil 1-iyunga qadar:
xalqaro ilmiy-amaliy konferensiya dasturini;
Festivalda ishtirok etadigan xorijlik va mahalliy musiqashunos olimlar, taniqli sanʼatkorlar, yetuk mutaxassislar va faxriy mehmonlar roʻyxatini;
Festivalning tantanali ochilish va yopilish marosimlari ssenariysi hamda badiiy dasturlarini;
Oʻzbekiston Badiiy akademiyasi, Respublika “Tasviriy oyina” ijodiy uyushmasi bilan birgalikda Festivalning logotipi va sovrindorlar uchun beriladigan haykalchasi loyihasini ishlab chiqib, Tashkiliy qoʻmitaga tasdiqlash uchun kiritsin.
[OKOZ:
1.13.00.00.00 Taʼlim. Fan. Madaniyat / 13.03.00.00 Madaniyat / 13.03.10.00 Tasviriy sanʼat, haykaltaroshlik, musiqa;
2.13.00.00.00 Taʼlim. Fan. Madaniyat / 13.03.00.00 Madaniyat / 13.03.16.00 Tanlovlar. Koʻriklar. Festivallar]
8. Festivalni tashkil etish va oʻtkazish bilan bogʻliq sarf-xarajatlar Tashkiliy qoʻmita tomonidan belgilangan tartibda tasdiqlangan smeta asosida quyidagi tartibda:
70 foizi — Oʻzbekiston Respublikasi Madaniyat vazirligining xarajatlar smetasida madaniy tadbirlarni oʻtkazish uchun har yili nazarda tutiladigan budjet mablagʻlari doirasida;
30 foizi — Samarqand viloyati mahalliy budjeti, homiylik xayriya mablagʻlari hamda qonunchilikda taqiqlanmagan boshqa manbalar hisobidan qoplanadi.
9. Samarqand viloyati hokimligi 2019-yil 20-iyulga qadar Samarqand shahrida obodonlashtirish va koʻkalamzorlashtirish ishlari amalga oshirilishi, Festival oʻtkaziladigan sahna va maydonlar talab darajasida tayyorlanishini taʼminlasin.
10. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Samarqand shahri telekommunikatsiya tarmoqlarini Festivalga tayyorgarlik koʻrish va uni oʻtkazish talablariga moslashtirish choralarini koʻrsin.
11. Oʻzbekiston Respublikasi Tashqi ishlar vazirligi Festivalga tashrif buyuruvchi mehmonlar uchun Madaniyat vazirligining viza talabnomalariga binoan Oʻzbekiston Respublikasiga kirish vizalarining belgilangan tartibda konsullik va boshqa yigʻimlarni undirmasdan rasmiylashtirilishini taʼminlasin.
12. “Sharq taronalari” xalqaro musiqa festivali bosh direksiyasi xorijiy davlatlardagi xalqaro sanʼat festivallari tashkilotlari hamda markazlari bilan muntazam ravishda ijodiy hamkorlik oʻrnatsin.
13. Oʻzbekiston Milliy axborot agentligi, Oʻzbekiston Milliy teleradiokompaniyasi, “Dunyo” axborot agentligi va boshqa ommaviy axborot vositalariga 2019-yil 1-maydan boshlab Festivalni keng targʻib etishga qaratilgan ijtimoiy reklama roliklari va matnlarini televideniye va boshqa axborot vositalarida joylashtirish hamda Festivalni oʻtkazish boʻyicha amalga oshirilayotgan ishlarni keng yoritib borish tavsiya etilsin.
14. Oʻzbekiston Respublikasi Madaniyat vazirligi uch oy muddatda madaniyat va sanʼat sohasidagi xalqaro festival va anjumanlarni yuqori saviyada oʻtkazish va bunday tadbirlarni boshqarish tizimini yanada takomillashtirish maqsadida Vazirlar Mahkamasiga takliflar kiritsin.
15. Oʻzbekiston Respublikasi Prezidentining 2005-yil 15-iyundagi “Sharq taronalari” xalqaro musiqa festivaliga tayyorgarlik koʻrish va uni oʻtkazish toʻgʻrisida”gi PQ-103-sonli qarori oʻz kuchini yoʻqotgan deb hisoblansin.
16. Oʻzbekiston Respublikasi Madaniyat vazirligi bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
17. Mazkur qaror ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti maslahatchisining oʻrinbosari F.Sh. Mahmudov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 26-fevral,
PQ-4214-son
Oʻzbekiston Respublikasi Prezidentining 2019-yil 26-fevraldagi PQ-4214-sonli qaroriga ILOVA
“Sharq taronalari” xalqaro musiqa festivaliga tayyorgarlik koʻrish va uni oʻtkazish boʻyicha Tashkiliy qoʻmita
TARKIBI
1.
A.N. Aripov
—
Oʻzbekiston Respublikasining Bosh vaziri, Tashkiliy qoʻmita raisi
2.
A.A. Abduhakimov
—
Oʻzbekiston Respublikasi Bosh vazirining oʻrinbosari, Tashkiliy qoʻmita raisi oʻrinbosari
3.
B.S. Sayfullayev
—
Oʻzbekiston Respublikasi madaniyat vaziri, Tashkiliy qoʻmita raisi oʻrinbosari
4.
F.Sh. Mahmudov
—
Oʻzbekiston Respublikasi Prezidenti maslahatchisining oʻrinbosari
5.
E.O. Turdimov
—
Samarqand viloyati hokimi
6.
B.A. Xodjayev
—
Oʻzbekiston Respublikasi iqtisodiyot va sanoat vaziri
7.
P.R. Bobojonov
—
Oʻzbekiston Respublikasi ichki ishlar vaziri
8.
J.A. Artikxodjayev
—
Toshkent shahar hokimi
9.
O.A. Nazarbekov
—
Oʻzbekiston Respublikasi madaniyat vazirining birinchi oʻrinbosari
10.
A.Ya. Haydarov
—
Oʻzbekiston Respublikasi moliya vazirining birinchi oʻrinbosari
11.
I.T. Neʼmatov
—
Oʻzbekiston Respublikasi tashqi ishlar vazirining birinchi oʻrinbosari
12.
A.U. Akkulov
—
Oʻzbekiston Respublikasi Turizmni rivojlantirish davlat qoʻmitasi raisi vazifasini vaqtincha bajaruvchi
13.
B.S. Yuldashev
—
Oʻzbekiston Respublikasi Fanlar akademiyasi prezidenti
14.
K.I. Allamjonov
—
Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi direktori vazifasini bajaruvchi
5.
A.J. Xadjayev
—
Oʻzbekiston Milliy teleradiokompaniyasi raisi vazifasini bajaruvchi
16.
A.K. Koʻchimov
—
Oʻzbekiston Milliy axborot agentligi bosh direktori
17.
F.Sh. Zokirov
—
“Oʻzbekkino” Milliy agentligi bosh direktori
18.
B.I. Hakimov
—
“Oʻzbekiston havo yoʻllari” MAK bosh direktori vazifasini bajaruvchi
19.
X.N. Xasilov
—
“Oʻzbekiston temir yoʻllari” AJ boshqaruv raisi vazifasini bajaruvchi
20.
A.V. Nuridinov
—
Oʻzbekiston Badiiy akademiyasi raisi
21.
R. Abdullayev
—
Oʻzbekiston kompozitorlari va bastakorlari uyushmasi raisi
22.
I.X. Latipov
—
“Tasviriy oyina” ijodiy uyushmasi raisi
23.
F.U. Djurayev
—
“Sharq taronalari” xalqaro musiqa festivali direksiyasi ijrochi direktori
24.
Lavozimi boʻyicha
—
Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlarining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosarlari
25.
Lavozimi boʻyicha
—
Buxoro, Samarqand, Toshkent va Xorazm viloyatlari hokimlarining turizmni rivojlantirish masalalari boʻyicha oʻrinbosarlari
Izoh: Tashkiliy qoʻmita aʼzolari boshqa lavozimga oʻtganda, uning tarkibiga mazkur lavozimga yangi tayinlangan yoki tegishli funksiyalarni bajarish vazifasi yuklatilgan shaxslar kiritiladi.
(Qonun hujjatlari maʼlumotlari milliy bazasi, 27.02.2019-y., 07/19/4214/2674-son)
