toggle_night_mode
Hujjat kuchini yo‘qotgan 11.01.2022
Hujjat 15.02.2019 sanasi holatiga
Amaldagi versiyaga o‘tish
Oʻzbekiston Respublikasi Markaziy banki Boshqaruvining
Qarori
Foizlarni oʻstirmaslik toʻgʻrisida nizomga qoʻshimchalar kiritish haqida
[Oʻzbekiston Respublikasi Adliya vazirligi tomonidan 2019-yil 15-fevralda roʻyxatdan oʻtkazildi, roʻyxat raqami 1304-4]
 LexUZ sharhi
Mazkur qaror Oʻzbekiston Respublikasi Markaziy banki boshqaruvining 2021-yil 19-noyabrdagi 27/8-sonli ““Foizlarni oʻstirmaslik toʻgʻrisida nizomni tasdiqlash haqida”gi qaror, shuningdek unga oʻzgartirish va qoʻshimchalarni oʻz kuchini yoʻqotgan deb topish toʻgʻrisida”gi qaroriga (roʻyxat raqami 1304-5, 10.12.2021-y.) asosan 2022-yil 11-yanvardan oʻz kuchini yoʻqotadi.
Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi Qonuniga muvofiq Oʻzbekiston Respublikasi Markaziy banki Boshqaruvi qaror qiladi:
1. Oʻzbekiston Respublikasi Markaziy banki Boshqaruvining 2003-yil 11-oktabrdagi 25/7-son qarori (roʻyxat raqami 1304, 2004-yil 24-yanvar) (Oʻzbekiston Respublikasi qonun hujjatlari toʻplami, 2004-y., 4-son, 46-modda) bilan tasdiqlangan Foizlarni oʻstirmaslik toʻgʻrisida nizomga ilovaga muvofiq qoʻshimchalar kiritilsin.
2. Mazkur qaror rasmiy eʼlon qilingan kundan eʼtiboran kuchga kiradi.
Markaziy bank raisi M. NURMURATOV
Toshkent sh.,
2019-yil 19-yanvar,
1/7-son
Oʻzbekiston Respublikasi Markaziy banki Boshqaruvining 2019-yil 19-yanvardagi 1/7-son qaroriga
ILOVA
Foizlarni oʻstirmaslik toʻgʻrisida nizomga kiritilayotgan qoʻshimchalar
1. Quyidagi mazmundagi 51-band bilan toʻldirilsin:
“51. Oʻzbekiston Respublikasi “Bankrotlik toʻgʻrisida”gi Qonunining 125-moddasiga muvofiq iqtisodiy sud tomonidan qarzdorni bankrot deb topish va tugatishga doir ish yuritishni boshlash toʻgʻrisida qaror qabul qilingan paytdan eʼtiboran qarzdorning barcha turdagi qarzlari boʻyicha neustoyka (jarima, penya) va foizlarni hisoblash tugatiladi.”.
2. 6-band “kapitalizatsiyalash orqali” degan soʻzlardan keyin “aktivning” degan soʻz bilan toʻldirilsin.
(Qonun hujjatlari maʼlumotlari milliy bazasi, 15.02.2019-y., 10/19/1304-4/2616-son)