toggle_night_mode
Hujjat kuchini yo‘qotgan 26.12.2023
O‘ZBEKISTON RESPUBLIKASI DAVLAT PATENT IDORASI DIREKTORINING
BUYRUG‘I
SELEKSIYA YuTUG‘IGA O‘ZBEKISTON RESPUBLIKASI PATENTINI BERISh UChUN TALABNOMALARNI TUZISh, TOPShIRISh VA KO‘RIB ChIQISh QOIDALARINI TASDIQLASh TO‘G‘RISIDA
[O‘zbekiston Respublikasi Adliya vazirligi tomonidan 2005-yil 14-yanvarda 1443-son bilan davlat ro‘yxatidan o‘tkazildi]
 LexUZ sharhi
Mazkur buyruq O‘zbekiston Respublikasi adliya vazirining 2023-yil 25-dekabrdagi 24-mh-sonli “Seleksiya yutug‘iga patent berish uchun talabnomalarni tuzish, topshirish va ko‘rib chiqish qoidalarini tasdiqlash to‘g‘risida”gi buyrug‘iga (ro‘yxat raqami 3486, 25.12.2023-y.) asosan o‘z kuchini yo‘qotgan.
O‘zbekiston Respublikasining “Seleksiya yutuqlari to‘g‘risida”gi Qonuniga muvofiq buyuraman:
1. Seleksiya yutug‘iga O‘zbekiston Respublikasi patentini berish uchun talabnomalarni tuzish, topshirish va ko‘rib chiqish qoidalari ilovaga binoan tasdiqlansin.
2. Davlat patent idorasi direktorining 1997-yil 2-sentabrdagi 49-son buyrug‘i bilan tasdiqlangan Seleksiya yutug‘iga O‘zbekiston Respublikasi patentini berish uchun talabnomalarni tuzish va topshirishning vaqtinchalik qoidalari ushbu Qoidalar kuchga kirgan sanadan e’tiboran o‘z kuchini yo‘qotgan deb hisoblansin.
3. Mazkur buyruq O‘zbekiston Respublikasi Adliya vazirligida davlat ro‘yxatidan o‘tkazilgandan so‘ng 10 kun o‘tgandan keyin kuchga kiradi.
Davlat patent idorasi direktori A. AZIMOV
Toshkent sh.,
2004-yil 30-dekabr,
62-son
Davlat patent idorasi direktorining 2004-yil 30-dekabrdagi 62-son buyrug‘i bilan
“TASDIQLANGAN”
SELEKSIYA YuTUG‘IGA O‘ZBEKISTON RESPUBLIKASI PATENTINI BERISh UChUN TALABNOMA TUZISh, TOPShIRISh VA KO‘RIB ChIQISh
QOIDALARI
Mazkur Seleksiya yutug‘iga O‘zbekiston Respublikasi patentini berish uchun talabnoma tuzish, topshirish va ko‘rib chiqish qoidalari (bundan buyon matnda Qoidalar deb yuritiladi) O‘zbekiston Respublikasining “Seleksiya yutuqlari to‘g‘risida”gi Qonuniga (bundan buyon matnda Qonun deb yuritiladi) muvofiq ishlab chiqilgan hamda seleksiya yutug‘iga patent berish uchun talabnoma tuzish, topshirish va ko‘rib chiqish tartibini belgilaydi.
Qisqartirishlar ro‘yxati
Qonun — O‘zbekiston Respublikasining “Seleksiya yutuqlari to‘g‘risida”gi Qonuni.
Vazirlik — O‘zbekiston Respublikasi Adliya vazirligi.
(qisqartirishlar ro‘yxatining ikkinchi xatboshisi O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
Davlat muassasasi — O‘zbekiston Respublikasi Adliya vazirligi huzuridagi “Intellektual mulk markazi” davlat muassasasi.
(qisqartirishlar ro‘yxati O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘iga (ro‘yxat raqami 3393, 17.10.2022-y.) asosan uchinchi xatboshi bilan to‘ldirilgan — Qonunchilik ma’lumotlari milliy bazasi, 17.10.2022-y., 10/22/3393/0952-son)
Seleksiya yutug‘i — yangi o‘simliklar navi, yangi hayvonlar zoti.
Ixtisoslashtirilgan tashkilot — Qishloq xo‘jaligi vazirligi huzuridagi Qishloq xo‘jaligi ekinlari navlarini sinash markazi, Qishloq xo‘jaligi vazirligi huzuridagi Veterinariya va chorvachilikni rivojlantirish qo‘mitasi.
(qisqartirishlar ro‘yxatining beshinchi xatboshisi O‘zbekiston Respublikasi adliya vazirining 2023-yil 30-oktabrdagi 18-mh-sonli buyrug‘i (ro‘yxat raqami 3471, 31.10.2023-y.) tahririda — Qonunchilik ma’lumotlari milliy bazasi, 03.11.2023-y., 10/23/3471/0825-son)
Talabnoma— seleksiya yutug‘iga patent berish uchun talabnoma.
Zoologik urug‘lar va turlar ro‘yxati — O‘zbekiston Respublikasida muhofaza qilinadigan o‘simliklar navlari va hayvonlar zotlarining zoologik urug‘lar va turlar davlat ro‘yxati.
BIMT — Butunjahon intellektual mulk tashkiloti.
I bob. Seleksiya yutug‘iga patent olish uchun talabnoma tuzish va topshirish. Talabnoma topshirish huquqiga ega bo‘lgan shaxslar
1-§. Seleksiya yutug‘iga patent olish uchun talabnoma
1. Qonunning 8-moddasiga muvofiq, basharti seleksiya yutug‘i patentga layoqatlilikning yangilik, farqlanish, o‘xshashlik va barqarorlik mezonlariga javob bersa, uning nomi esa belgilangan talablarga javob bersa, u huquqiy jihatdan himoya qilinadi.
2. Qonunning 9-moddasiga muvofiq, basharti urug‘lik, ko‘chat yoki zot mahsuloti patent berish haqida talabnoma topshirilgan kundan e’tiboran:
O‘zbekiston Respublikasi hududida — ushbu sanadan kamida bir yil oldin;
boshqa davlat hududida — ko‘rsatilgan sanadan kamida to‘rt yil yoki, agar u tok, yog‘ochbop, manzarali, mevali daraxtlar va o‘rmon o‘simliklariga taalluqli bo‘lsa, kamida olti yil oldin muallif, uning huquqiy vorisi tomonidan yoki uning roziligi bilan sotilmagan va foydalanish uchun boshqa shaxslarga berilmagan bo‘lsa, yangilik hisoblanadi.
3. Qonunning 10-moddasiga muvofiq, seleksiya yutug‘i talabnoma topshirilgan sanada boshqa har qanday barchaga ma’lum seleksiya yutug‘idan aniq-ravshan farqlanishi lozim.
Barchaga ma’lumki:
keyinchalik ko‘paytirish, saqlash va aytib o‘tilgan maqsadlarda asrash uchun yetishtirish, takror yetishtirish, nav yoki zot jihatdan konditsiyaga yetkazish natijasida barchaga ma’lum bilim darajasining bir qismiga aylangan seleksiya yutug‘iga nisbatan;
sotishga taklif etilgan, sotilgan, mamlakatga olib kirilgan yoki mamlakatdan olib chiqib ketilgan seleksiya yutug‘iga nisbatan aniqlanadi.
4. Qonuning 11-moddasiga muvofiq, agar muayyan navli o‘simlikning yoki muayyan zotli hayvonning ko‘paytirishdagi o‘ziga xos jihatlarini hisobga olgan holda seleksiyalanayotgan belgilari o‘xshash bo‘lsa, seleksiya yutug‘i o‘xshash hisoblanadi.
5. Qonunning 12-moddasiga muvofiq, seleksiya yutug‘i bir necha marta ko‘paytirilganidan keyin yoki alohida sikl bo‘yicha ko‘paytirilgan taqdirda ko‘paytirishning har bir sikli oxirida uning asosiy belgilari o‘zgarishsiz qolsa, u barqaror hisoblanadi.
2-§. Talabnoma hujjatlarining mazmuni
6. Qonunning 17-moddasi birinchi qismiga muvofiq talabnoma:
a) O‘zbekiston Respublikasi patentini berish haqida seleksiya yutug‘ining muallifi (mualliflari) va nomiga (nomlariga) patent so‘ralayotgan shaxs (shaxslar) (bundan buyon matn bo‘yicha — talabnoma beruvchi), ularning turar joyi yoki joylashgan eriga doir ma’lumotlar, shuningdek seleksiya yutug‘ining nomi to‘g‘risidagi takliflar ko‘rsatilgan arizani;
b) seleksiya yutug‘ining tavsifini (texnikaviy anketasini);
v) seleksiya yutug‘i namunalarining fotosuratlarini;
g) talabnoma beruvchi tomonidan o‘tkazilgan seleksiya yutug‘ining sinovlariga doir hujjatlarni;
d) talabnoma beruvchining seleksiya yutug‘idan hech kim foydalanilmaganligi, u sotilmaganligi, boshqa birovga berilmaganligi va uning yangilik talablariga mosligini tasdiqlaydigan deklaratsiyasini;
e) seleksiya yutug‘ining ustuvorligini tasdiqlaydigan hujjatni (zaruratga qarab);
j) talabnoma beruvchining seleksiya yutug‘ini sinovdan o‘tkazish uchun materialni belgilangan muddatda ixtisoslashtirilgan tashkilotga taqdim etish majburiyatini;
z) talabnoma ishonchli shaxs yoki patent vakili orqali topshirilgan taqdirda, ularga beriladigan ishonchnomani;
i) belgilangan miqdordagi patent boji to‘langanligini yoxud patent bojini to‘lashdan ozod qilish yoxud uning miqdorini kamaytirish uchun asoslarni tasdiqlaydigan hujjatni o‘z ichiga olishi kerak.
7. Talabnomaga belgilangan miqdordagi patent boji to‘langanligini tasdiqlaydigan hujjat yoxud patent bojini to‘lashdan ozod qilish yoxud uning miqdorini kamaytirish uchun asoslarni tasdiqlaydigan hujjat ilova qilinadi.
8. Patent vakili yoki boshqa biron ishonchli shaxs orqali taqdim etilayotgan talabnomaga talabnoma beruvchi tomonidan berilgan ishonchnoma yoki ishonchnomaning tegishli tartibda rasmiylashtirilgan nusxasi ilova qilinadi.
9. Qonunning 17-moddasi ikkinchi qismiga muvofiq, talabnoma bitta seleksiya yutug‘iga tegishli bo‘lishi kerak.
10. Avvalroq ustuvorlik so‘ralayotgan talabnomaga talabnoma beruvchi tomonidan O‘zbekiston Respublikasi seleksiya yutuqlarini himoya qilish to‘g‘risida shartnoma tuzgan boshqa davlatda topshirilgan birinchi talabnomaning tasdiqlangan nusxasi va uning talabnoma Vazirlikka kelib tushgan sanadan e’tiboran uch oydan kechiktirmay taqdim etilgan o‘zbek yoki rus tiliga tarjimasi ilova qilinadi. Basharti birinchi talabnomalar bir nechta bo‘lsa, bu holda hamma birinchi talabnomalarning nusxalari hamda ularning o‘zbek yoki rus tiliga tarjimalari ilova qilinadi. Birinchi talabnoma nusxasining tarjimasi tarjimani amalga oshirgan shaxsning imzosi bilan tasdiqlanadi.
(10-band O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
11. Avvalroq ustuvorlikni belgilash to‘g‘risidagi iltimosnoma talabnoma topshirilayotganda taqdim etilishi mumkin.
Ushbu shartlar Qonunning 18-moddasi to‘rtinchi qismiga muvofiq bajarilgan holda talabnoma beruvchi birinchi talabnoma topshirilgan sanadan e’tiboran uch yil mobaynida qo‘shimcha hujjatlar va sinov uchun kerakli materiallarni taqdim etmaslik huquqiga ega.
12. Talabnoma hujjatlari o‘zbek, rus yoki boshqa tilda topshirilishi mumkin.
Agar talabnoma hujjatlari boshqa tilda taqdim etilgan bo‘lsa, ularning talabnoma Vazirlikka topshirilgan sanadan e’tiboran ikki oy mobaynida taqdim etish mumkin bo‘lgan o‘zbek yoki rus tiliga tarjimasi ilova qilinadi.
(12-bandning ikkinchi xatboshisi O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
13. Ushbu Qoidalarning 6-bandi “a”, “b”, “v” kichik bandlarida ko‘rsatilgan talabnoma hujjatlari to‘rt nusxada taqdim etiladi: uch nusxasi qog‘ozda, to‘rtinchi nusxasi elektron ko‘rinishda mashinada o‘qiladigan tashuvchida (bundan buyon matn bo‘yicha — MO‘T) taqdim etilishi mumkin.
Ushbu Qoidalarning 6-bandi “g”, “d”, “j” kichik bandlarida ko‘rsatilgan talabnoma hujjatlari ikki nusxada taqdim etiladi: bir nusxasi qog‘ozda, ikkinchi nusxasi MO‘Tda taqdim etilishi mumkin.
Talabnoma hujjatlari yoki qo‘shimcha materiallarning qog‘ozdagi va MO‘Tdagi matniy qismi aynan o‘xshash bo‘lishi lozim. Qog‘ozdagi va MO‘Tdagi materiallarning aynan o‘xshashligi uchun mas’uliyat talabnoma beruvchi zimmasidadir.
Qolgan hujjatlar va, agar ular boshqa tilda taqdim etilgan bo‘lsa, ularning o‘zbek yoki rus tiliga tarjimasi bir nusxada topshiriladi.
14. Patent berish to‘g‘risidagi ariza ushbu Qoidalarga 1-ilovada keltirilgan shaklda o‘zbek yoki rus tilida topshiriladi. Agar qandaydir ma’lumotlarni tegishli grafalarda to‘liq joylashtirishning iloji bo‘lmasa, u holda ular arizaning tegishli grafasida: “davomini qo‘shimcha varaqda qarang” deb ko‘rsatilgan holda xuddi o‘sha shaklda qo‘shimcha varaqda keltiriladi.
Xorijiy ism-familiyalar va korxonalarining nomlari o‘zbek yoki rus tilidagi transliteratsiyada ko‘rsatiladi.
Talabnoma beruvchining nomi (agar bunga imkon bo‘lsa), seleksiya yutug‘ining nomi arizada o‘zbek va rus tillarida keltiriladi.
15. “Ariza” so‘zining tepasida joylashgan grafalar talabnoma beruvchi tomonidan to‘ldirilmaydi, ular ariza Vazirlikka kelib tushgandan keyin rekvizitlarni kiritish uchun mo‘ljallangan.
(15-band O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
16. “Ariza” grafasida “X” belgisini qo‘yish orqali patent so‘ralayotgan obyekt turi belgilanadi.
17. (71)-kod ostidagi “Talabnoma beruvchi” grafasida talabnoma beruvchi (talabnoma beruvchilar) to‘g‘risida ma’lumotlar keltiriladi: jismoniy shaxsning familiyasi, ismi (otasining ismi), bunda familiya ismdan avval ko‘rsatiladi, yoki yuridik shaxsning rasmiy nomi (ta’sis hujjati bo‘yicha), shuningdek tegishlicha ularning turar joylari yoki manzillari, shu jumladan mamlakatning rasmiy nomi, to‘liq pochta manzili va BIMTning ST.3 standarti bo‘yicha mamlakat kodi (agar u o‘rnatilgan bo‘lsa) to‘g‘risidagi ma’lumotlar keltiriladi.
Agar talabnoma beruvchilar bir nechta bo‘lsa, ko‘rsatilgan ma’lumotlar ularning har biri uchun keltiriladi.
Seleksiya yutug‘ining mualliflari bo‘lgan talabnoma beruvchilarning turar joylari to‘g‘risidagi ma’lumotlar ushbu grafada keltirilmaydi, balki faqat arizaning (72)-kod ostidagi “Muallif(lar)” grafasida bayon etiladi.
Shu grafaning o‘zida talabnoma talabnoma beruvchi seleksiya yutug‘ining muallifi, muallifning ish beruvchisi yoki muallifning yoxud muallif ish beruvchisining huquqiy vorisi ekanligi tegishli katakchada “X” belgisini qo‘yish bilan belgilanadi.
O‘zbekiston Respublikasi korxonalari, muassasalari uchun KTUT kodi ko‘rsatiladi.
O‘zbekiston Respublikasidan tashqarida yashovchi chet ellik yuridik shaxslar yoki jismoniy shaxslar uchun BIMTning ST.3 standarti bo‘yicha mamlakat kodi (agar u belgilangan bo‘lsa) ko‘rsatiladi.
18. Ustuvorlikni belgilash to‘g‘risidagi iltimosni o‘z ichiga olgan grafa talabnoma Vazirlikka kelib tushgan sanadan bir muncha ilgarigi ustuvorlik so‘ralayotgan bo‘lsa, birinchi talabnomadagi nav, zot nomi ko‘rsatilgan holda, to‘ldiriladi.
(18-bandning birinchi xatboshisi O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
(31)-kod ostidagi grafada uning asosida yoki unga qo‘shimcha materiallar asosida ustuvorlik so‘ralayotgan birinchi talabnomaning raqami va so‘ralayotgan ustuvorlik sanasi ko‘rsatiladi (32-kod ostida ancha ilgariroq berilgan talabnoma yoki u bo‘yicha qo‘shimcha materiallar kelib tushgan sana ko‘rsatiladi).
(33)-kod ostidagi grafada BIMT ST.3 standarti bo‘yicha mamlakat kodi ko‘rsatiladi.
19. (54) (a)-kod ostidagi “Zot/turning nomi” grafasida botanik yoki zoologik zot, turning nomi o‘zbek va rus tillarida keltiriladi, shuningdek seleksiya yutug‘i taksonomik birligi (zot,tur, kenja tur)ning lotincha nomi ko‘rsatiladi.
Navni, zotni taksonomik mansubligi bo‘yicha ham, ishlab chiqarishda qo‘llanishi bo‘yicha ham aniq identifikatsiyalash uchun, zot/tur nomi to‘liq keltirishi kerak. Masalan: bug‘doy — yumshoq, kuzgi, makkajo‘xori — gibrid F1, tovuq — tuxum qo‘yadigan.
(54)(b)-kod ostidagi “Taklif qilinayotgan nom” grafasida talabnoma berilgan seleksiya yutug‘ining Qonunning 13-moddasi va ushbu Qoidalarning 26 — 28-bandlari talablariga javob beradigan nomi keltiriladi.
20. (98)-kod ostidagi “Yozishmalar uchun manzil” grafasida pochta orqali tez yetkazib berish bo‘yicha odatdagi talablarni qondiradigan yozishmalar uchun manzil, xat oluvchining ismi yoki nomi, va telefon, teleks, faks raqamlari, e-mail (agar ular bo‘lsa) keltiriladi.
Yozishmalar uchun manzil sifatida, jumladan, O‘zbekiston Respublikasida yashovchi talabnoma beruvchi (talabnoma beruvchilardan biri) — jismoniy shaxsning turar joyi manzili, yoki O‘zbekiston Respublikasidagi talabnoma beruvchi — yuridik shaxsning joylashgan joyi manzili, yoki Vazirlikda ro‘yxatdan o‘tkazilgan patent vakilining yoki boshqa ishonchli shaxsning manzili ko‘rsatilishi mumkin.
(20-bandning ikkinchi xatboshisi O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
Arizada yozishmalar uchun manzil ko‘rsatilmagan taqdirda, patent vakili yoki boshqa ishonchli shaxsning, agar ular tayinlangan bo‘lsa, joylashgan manzili ushbu manzil hisoblanadi, aks holda O‘zbekiston Respublikasi hududida manzilga ega bo‘lsa, arizaning talabnoma beruvchi to‘g‘risidagi ma’lumotlarga taalluqli grafalarida talabnoma beruvchining (talabnoma beruvchilar bir qancha bo‘lsa ulardan birinchisining) manzili hisoblanadi.
21. (74)-kod ostidagi “Patent vakili” grafasi talabnoma beruvchi tomonidan patent vakili tayinlangan hollardagina to‘ldiriladi va uning to‘g‘risida quyidagi ma’lumotlar keltiriladi: familiyasi, ismi (va otasining ismi), Vazirlikda ro‘yxatga olinganlik raqami, O‘zbekiston Respublikasidagi turar joyi, telefon, faks raqamlari, e-mail (agar ular bo‘lsa).
(21-band O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
22. “Ilova qilinadigan hujjatlar ro‘yxati” grafasi ilova qilinayotgan hujjatlar nusxalari va har bir nusxadagi varaqlar soni ko‘rsatilgan holda tegishli katakchalarda “X” belgisini qo‘yib chiqish orqali to‘ldiriladi.
Turi ariza formasida ko‘zda tutilmagan ilova qilinadigan hujjatlar (“boshqa hujjat”) uchun ularning vazifasi aniq ko‘rsatiladi.
23. (72)-kod ostidagi “Mualliflar” va “To‘liq uy manzili” grafalarida seleksiya yutug‘ining muallifi (mualliflari) to‘g‘risida quyidagi ma’lumotlar keltiriladi: familiyasi, ismi (otasining ismi), lavozimi, ilmiy darajasi va ish joyi, mamlakat nomi va uning BIMT ST.3 standarti bo‘yicha kodini o‘z ichiga olgan to‘liq turar joyining pochta manzili.
24. “Mualliflar” va “To‘liq uy manzili” grafalari ostida bevosita joylashgan grafa, muallif (mualliflar) patent berish to‘g‘risidagi ma’lumotlarni e’lon qilishda uni (ularni) bunday sifatda tilga olmaslikni so‘raganida to‘ldiriladi. Bu holda e’lon qilishda tilga olinmaslikni istagan har bir muallifning familiyasi, ismi (otasining ismi) va ularning imzolari keltiriladi.
25. Arizaning oxirgi “Imzo” grafasini, imzo qo‘yish sanasini ko‘rsatgan holda to‘ldirish barcha hollarda majburiydir.
Ariza talabnoma beruvchi tomonidan imzolanadi. Yuridik shaxs nomidan ariza korxona, tashkilot rahbari yoki rahbar tomonidan vakil qilingan shaxs tomonidan uning lavozimi ko‘rsatilgan holda imzolanadi. Imzo muhr bilan tasdiqlanadi.
Talabnoma patent vakili yoki ishonchli shaxs orqali berilganda, ariza talabnoma beruvchi yoki patent vakili yoxud ishonchli shaxs tomonidan imzolanadi.
Imzolar imzo qo‘yuvchi shaxsning familiyasi va ismi-shariflari ko‘rsatilgan holda ochib beriladi.
Imzo qo‘yishni talab qiladigan u yoki bu ma’lumotlar qo‘shimcha varaqda keltirilgan hollarda, u ham shunday tartibda imzolanadi.
Talabnoma beruvchi yoki patent vakilining yoxud ishonchli shaxsning imzosi har bir qo‘shimcha varaqda keltirilishi majburiydir.
26. Seleksiya yutug‘ining nomi seleksiya yutug‘iga mos bo‘lishi, qisqa bo‘lishi, shu yoxud shunga yaqin botanik yoki zoologik turdagi mavjud seleksiya yutuqlarining nomidan farqlanib turishi kerak. Seleksiya yutug‘ining nomi faqatgina raqamlardan iborat bo‘lib kolmasligi, seleksiya yutug‘ining xususiyatlari, kelib chiqishi, ahamiyati haqida, muallifning (hammualliflarning) shaxsi haqida yanglishishlarga sabab bo‘lmasligi, insonparvarlik va axloq qoidalariga zid bo‘lmasligi lozim.
27. Seleksiya yutug‘ining nomida:
urug‘lik, ekiladigan, zotdor material uchun qo‘llanadigan terminlar va belgilardan,
botanik yoki zoologik zot, tur yoki boshqa taksonomik birliklarning lotincha yoki umum qabul qilingan nomlari, shuningdek bu nomlarning qismlaridan,
faqat geografik belgilardan tarkib topgan nomlardan, navning kelib chiqishi yoki o‘stirilishiga nisbatan ochiq-oydin shubha tug‘dirmaydigan joylar yoki hududlarga taalluqli geografik belgilar bundan mustasno,
seleksiya yutug‘ining belgilari yoki xususiyatlari haqida yanglish tasavvur keltirib chiqarishi mumkin bo‘lgan nom foydalanish yaramaydi.
28. Basharti talabnoma O‘zbekiston Respublikasi va boshqa davlatlarda topshirilsa, seleksiya yutug‘ining nomi bu talabnomalarda bir xil bo‘lishi lozim.
29. Nav, zot tavsifi texnik anketa ko‘rinishida 2-, 3-ilovalarda keltirilgan formalar bo‘yicha taqdim etiladi.
30. Anketaning yuqoridan o‘ng tomonda joylashgan “Talabnoma raqami ______” grafasi talabnoma beruvchi tomonidan to‘ldirilmaydi.
31. “Talabnoma beruvchi” deb nomlangan 1-bandda talabnoma beruvchining nomi ko‘rsatiladi.
32. “Zot/tur nomi” deb nomlangan 2(a)-bandda nav, zot mansub bo‘lgan botanik yoki zoologik zot/turning o‘zbek va rus tilidagi nomi keltiriladi, shuningdek seleksiya yutug‘i taksonomik birligining lotincha nomi ko‘rsatiladi.
2(b)-bandda zot uchun “X” belgisini qo‘yish orqali qo‘shimcha ravishda zot kategoriyasi belgilanadi.
2(v)-bandda mahsuldorlik yo‘nalishi ko‘rsatiladi.
33. “Taklif qilinayotgan nom” deb nomlangan 3-bandda seleksiya yutug‘ining taklif qilinayotgan nomi ko‘rsatiladi.
34. “Seleksiya yutug‘ining kelib chiqishi to‘g‘risidagi ma’lumotlar” deb nomlangan 4-bandda seleksiya yutug‘ining tarixi, yetishtirish, yaratish, aniqlash metodi, chatishtirilgan yili, dastlabki (ota-ona) shakllari, shuningdek qo‘llab-quvvatlash va ko‘paytirish xususiyatlari to‘g‘risidagi ma’lumotlar keltiriladi.
35. “Talabnoma berilgan seleksiya yutug‘ining belgilari” deb nomlangan 5-bandda belgilangan tartibda belgilar ro‘yxati keltiriladi.
Talabnoma berilgan nav, zot belgilarining nomi, ularning ifodalanganlik darajasi va indeksi keltiriladi. Ushbu belgining ifodalanganlik darajasiga mos bo‘lgan indeks “X” belgisini qo‘yish bilan belgilanadi.
36. “... Seleksiya yutug‘ining nomi va belgilari” deb nomlangan 6(a)-bandda o‘xshash seleksiya yutug‘ining nomi va uni talabnoma berilgan seleksiya yutug‘idan farqlaydigan belgilar keltiriladi.
O‘xshash seleksiya yutug‘i deb talabnoma topshirilgan sanagacha hammaga ma’lum bo‘lgan ma’lumotlardan ma’lum bo‘lgan xuddi shunday botanik yoki zoologik zot turga aytiladi.
6(b)-bandda o‘xshash seleksiya yutug‘i to‘g‘risidagi ma’lumotlarni o‘z ichiga olgan axborot manbaining biliografik ma’lumotlari keltiriladi.
37. “Qo‘shimcha axborot” deb nomlangan 7-bandda, masalan, o‘simlik navining zararkunandalar va kasalliklarga turg‘unligi, hayvon zotini oziqlantirish darajasi va uni boqish texnologiyasi to‘g‘risida, shuningdek seleksiya yutug‘i sinovini o‘tkazishning alohida shart-sharoitlari va boshqalar to‘g‘risida qo‘shimcha axborot keltiriladi.
7.1-bandda quyidagi ma’lumotlar keltiriladi:
nav uchun — talabnoma berilgan nav turg‘unlik namoyon etgan zararkunandalar va kasalliklar nomlari, zotlar/shtammlar ko‘rsatiladi;
zot uchun — talabnoma berilgan zotni oziqlantirish darajasi, uni boqish va ishlatish bo‘yicha alohida talablar to‘g‘risidagi ma’lumotlar keltiriladi.
7.2-bandda sinov o‘tkazishning alohida shart-sharoitlari (agar ular bo‘lsa), masalan, nav uchun — sug‘orish, o‘g‘it solish va boshqalar ko‘rsatiladi.
“Boshqa axborot” deb nomlangan 7.3-bandda talabnoma berilgan nav yoki zotni xo‘jalik belgilarining asosiy ko‘rsatkichlari bo‘yicha tavsiflaydigan qo‘shimcha ma’lumotlar, mahsulot sifati, navning tezpisharligi, sovuqbardoshligi, qurg‘oqbardoshligi, zotning chorvachilik mahsulotlarining yangi sifatlarini ta’minlaydigan texnologik xususiyatlari to‘g‘risidagi ma’lumotlar yoki urg‘ochilarning mahsuldorligi, masalan, o‘sish intensivligi (tirik massaning ortishi), unumdorligi (naslining chiqishi) va boshqalar to‘g‘risidagi ma’lumotlar keltirilishi mumkin.
38. Tavsif talabnoma beruvchi(lar) tomonidan familiyasi, ismi va otasi ismining bosh harflari ko‘rsatilgan holda imzolanadi.
39. Agar talabnoma ko‘p liniyali nav, zot yoki populatsiyaga (o‘zini o‘zi changlaydigan va vegetativ ko‘payadigan o‘simliklarga) berilayotgan bo‘lsa, bu holda ushbu navning, zotning hamma liniyalari tavsifga ega bo‘lishi kerak.
40. Namunalarning fotosuratlari (umumiy ko‘rinishi, olddan, chapdan, o‘ngdan, orqadan, tepadan, pastdan ko‘rinishlari) o‘simlik yoki hayvon zotining belgilari to‘g‘risida to‘liq batafsil taassurot berishi lozim.
41. Fotosuratlardagi tasvirlar aniq va yorqin bo‘lishi kerak. O‘simlik yoki hayvon zotining alohida detallari fotosuratlarda, nafaqat yorug‘lik tushgan tomondan, balki soya tomondan ham yaxshi ko‘rinib turishi lozim.
Fotosuratlar bir tekisda tushgan yorug‘likda, neytral fonda, begona predmetlarsiz bajarilgan bo‘lishi kerak.
42. Fotosuratlar quyidagi tartibda raqamlanadi: umumiy ko‘rinishi, yondan, orqadan ko‘rinishi, boshqa ko‘rinishlari.
Bir ko‘rinishdagi tasvirlar bitta raqam ostida keltiriladi.
43. Fotosuratlarning orqa tomonida fotosurat raqami (I foto), seleksiya yutug‘ining nomi, shuningdek “umumiy ko‘rinish”, “yondan ko‘rinish”, “olddan ko‘rinish”, “orqadan ko‘rinish” va h.k. kabi izohlar ketma-ket ko‘rsatiladi.
44. O‘simlik naviga topshirilgan talabnoma tarkibiga xo‘jalikda foydalanish fazasidagi normal rivojlangan o‘simlikning va gullarining (g‘uncha, gul — tepadan, yondan, pastdan ko‘rinishi), to‘pgulning, o‘simlikning reproduktiv qismlarining (boshoq, so‘ta, popuk, don, meva, reza meva, tugunak, ildizmeva va boshqalar) 90 x 120 yoki 130 x 180 mm o‘lchamdagi oq-qora yoki rangli fotosuratlari kiradi.
Bundan tashqari quyidagi o‘simliklar bo‘yicha qo‘shimcha fotosuratlar ilova qilinadi:
g‘o‘za bo‘yicha — o‘simlikning rangli fondagi fotosurati, simpodial turda shoxlaydigan navlar bo‘yicha — ikkita namunali shoxning fotosurati; nul turda shoxlaydigan navlar bo‘yicha — poyaning tugunli, bargli, gulli, ko‘sakli qismi, ikki-uchta taralgan to‘zg‘oq va ikki uchta tola shtapelkalarining fotosuratlari;
tamaki va maxorka bo‘yicha — normal rivojlangan o‘simlikning to‘pguli va o‘rta yarusdagi bargi bilan fotosurati;
ko‘p yillik mevali o‘simliklar bo‘yicha — butun daraxt yoki tup va uning alohida qismlarining (bir yillik ko‘chat, meva beradigan organlar, novda, barg, shingillar, mevalar va h.k.) fotosurati.
45. Hayvon zotlariga berilgan talabnomalar tarkibiga hayvonning tashqi ko‘rinishi va shu zot uchun tipik bo‘lgan xususiyatlarini ta’riflaydigan oq-qora yoki rangli 90 x 120 mm o‘lchamdagi fotosuratlar kiradi: nasldor hayvon, urg‘ochi, jinsiy yetilgan yoshdagi chorva, qorako‘lchilikda — qorako‘l terilari, tut ipak qurtining gibridlari (zotlari) bo‘yicha — pilla.
3-§. Yo‘l qo‘yib bo‘lmaydigan elementlar
46. Talabnomada axloq-odob va ijtimoiy tartibga zid iboralar, chizmalar, rasmlar, fotosuratlar va boshqa materiallar; boshqa shaxslarning mahsulotlari, shuningdek talabnomalari va patentlariga nisbatan bayon qilingan iltifotsiz fikrlar; Seleksiya yutug‘iga ochiqdan-ochiq taalluqli bo‘lmagan yoxud talabnoma hujjatlarini ushbu Qoidalarning talablariga muvofiq deb e’tirof etish uchun zarur bo‘lmagan ma’lumotlar va fikrlar bo‘lmasligi lozim. “O‘xshash nav, zotning nomi va belgilari” bo‘limida ma’lum seleksiya yutug‘ining kamchiligini ko‘rsatish yo‘l qo‘yib bo‘lmaydigan element deb hisoblanmaydi.
4-§. Atamalar va belgilar
47. Seleksiya yutug‘ining tavsifida (texnik anketasida) standartlashtirilgan atamalar va qisqartmalar, ular mavjud bo‘lmagan hollarda esa ilmiy va texnikaviy adabiyotda hamma qabul qilgan atamalar va qisqartmalar qo‘llanadi.
Ilmiy-texnik adabiyotda keng qo‘llanmaydigan atama va qisqartmalar ishlatilganda, ularning ma’nosi matnda birinchi marta qo‘llanganda tushuntirib beriladi.
Ilmiy-texnik adabiyotlarda noilmiy deb e’tirof etilgan tushunchalarni ta’riflovchi atamalarning qo‘llanishiga yo‘l qo‘yilmaydi.
Hamma shartli belgilar ochib beriladi.
Fizikaviy kattaliklar odatda amaldagi Xalqaro birliklar sistemasi birliklarida ifoda etiladi.
5-§. Talabnoma hujjatlarini rasmiylashtirish
48. Hamma hujjatlar zarur bo‘lgan hollarda ularni bevosita reproduksiya qilib, cheklanmagan miqdorda nusxa ko‘chirish imkoniyati bo‘lgan tarzda rasmiylashtiriladi.
Har bir varaqning faqat bir tomonidan foydalaniladi, qatorlar varaqning kichik tomoni bo‘ylab parallel joylashtiriladi.
49. Talabnomaning hujjatlari pishiq, oq, tekis, yarqiramaydigan qog‘ozda rasmiylashtiriladi. Talabnoma hujjatlarini MO‘T da ham berish mumkin.
50. Talabnomaning har bir hujjati alohida varaqdan boshlanadi. Varaqlar 210x297 mm formatga ega bo‘ladi.
Tavsifni va muhim alomatlar majmuini o‘z ichiga olgan varaqlar hoshiyalarining o‘lchamlari quyidagicha bo‘ladi, mm:
yuqoridan — 20;
o‘ngdan — 20;
pastdan — 20;
chapdan — 25.
51. Talabnomaning har bir hujjatining (ariza, talabnoma (texnik anketa) alomatlar ro‘yxati bilan, fotosuratlar) varaqlari birdan boshlab alohida raqamlab chiqiladi. Varaqlarning raqamlari ikkinchi varaqdan boshlab arab sonlari bilan qo‘yiladi.
MO‘T da beriladigan materiallarga qo‘yiladigan talablar Vazirlik tomonidan belgilanadi.
(51-bandning ikkinchi xatboshisi O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
52. Hujjatlar qora rangli shrift bilan bosiladi. Tavsif matni 1,5 interval bilan bosh harflarining balandligi 2,1 mm dan kam bo‘lmagan holda bosiladi.
53. Grafik simvollar, lotincha nomlar, lotincha harflar qora rangli siyoh, pasta yoki tush bilan keyin yozib qo‘yilishi mumkin.
54. Axborot manbalarining bibliografik ma’lumotlari ular bo‘yicha axborot manbaini topish mumkin bo‘lgan holda ko‘rsatilishi lozim.
6-§. Talabnomani topshirish
55. Seleksiya yutug‘ining muallifi, ish beruvchi yoki ularning huquqiy vorisi talabnoma topshirish va patent olish huquqiga ega.
56. Talabnoma bevosita Vazirlikka topshiriladi yoki pochta orqali yuboriladi.
(56-band O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
57. Talabnoma bevosita talabnoma beruvchi tomonidan yoki Vazirlikda ro‘yxatdan o‘tgan patent vakili yoxud boshqa ishonchli shaxs orqali topshirilishi mumkin.
(57-band O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
58. Qonunning 16-moddasiga muvofiq O‘zbekiston Respublikasida doimiy turar joyiga yoki joylashgan eriga ega bo‘lmagan boshqa davlatlarning fuqarolari va yuridik shaxslari, ularning patent vakillari yoki ishonchli shaxslari himoya hujjatlari olish va ularni o‘z kuchida saqlash borasidagi ishlarni, agar O‘zbekiston Respublikasi qatnashgan xalqaro shartnomalarda boshqa narsa ko‘zda tutilmagan bo‘lsa, O‘zbekiston Respublikasining patent vakillari orqali olib boradilar.
II bob. Vazirlik va Davlat muassasasi bilan patent olish bo‘yicha ishlarni olib borish
(2-bobning nomi O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
7-§. Ishonchli shaxsni tayinlash
59. Talabnoma bo‘yicha ishlarni olib borish va talabnomani ko‘rib chiqishda o‘z manfaatlarini himoya qilish uchun talabnoma beruvchi patent vakilini yoki ishonchnoma berish orqali ishonchli shaxsni tayinlashi mumkin.
Vazirlik va Davlat muassasasi oldida vakillik qilish uchun O‘zbekiston Respublikasida rasmiylashtiriladigan ishonchnoma oddiy yozma shaklda tuziladi.
(59-bandning ikkinchi xatboshisi O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
Agar ishonchnoma o‘zbek yoki rus tilidan boshqa tilda berilgan bo‘lsa, unga shu tillardan biriga qilingan tarjima ilova qilinadi.
Ishonchnoma talabnoma bilan bir vaqtda taqdim etiladi.
Agar ishonchnoma Vazirlikda ro‘yxatdan o‘tkazilgan bir necha patent vakili nomiga yoki bir necha ishonchli vakil nomiga berilgan bo‘lsa, u holda talabnoma bo‘yicha patent olish ishlari ularning istalgani tomonidan olib borilaveradi.
(59-bandning beshinchi xatboshisi O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
8-§. Vazirlik va Davlat muassasasi va ixtisoslashtirilgan tashkilotlar bilan yozishma olib borish
60. Yozishma talabnoma beruvchi yoki uning patent vakili yoki ushbu ishga vakolat berilgan ishonchli shaxs tomonidan har bir talabnoma bo‘yicha alohida olib boriladi.
61. Talabnoma topshirilgandan keyin yuboriladigan materiallarda talabnoma raqami va talabnoma beruvchi yoki uning patent vakili yoxud ishonchli vakilining imzosi bo‘lishi shart.
Talabnoma raqami ko‘rsatilmagan materiallar, agar raqamni bilvosita aniqlash imkoni bo‘lmasa, ko‘rilmay qaytarib yuboriladi.
62. Talabnoma bo‘yicha ish yuritish jarayonida yuboriladigan materiallar Qonunda belgilangan muddatlarda taqdim etiladi.
63. Vazirlik va Davlat muassasasiga yoki ixtisoslashtirilgan tashkilotga talablarni buzib taqdim etilgan materiallar bo‘yicha bildirishnoma yuboriladi va unda bildirishnoma yuborilgan sanadan e’tiboran uch oylik muddatda tuzatilgan va/yoki yetishmayotgan materiallarni taqdim yetish taklif qilinadi. Talabnoma beruvchi yoki uning patent vakili yoxud ishonchli shaxsi bo‘lmagan shaxslar tomonidan taqdim etilgan materiallar ko‘rib chiqilmaydi. Bunday materiallarni topshirgan shaxsga tegishli bildirishnoma yuboriladi.
(63-band O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
9-§. Talabnoma hujjatlariga qo‘shimchalar, aniqliklar va tuzatishlar kiritish
64. Qonunning 20-moddasi ikkinchi qismiga muvofiq, talabnoma beruvchi talabnoma topshirilgan sanadan e’tiboran ikki oy mobaynida talabnomada ko‘rsatilgan seleksiya yutug‘ining mohiyatini o‘zgartirmagan holda unga qo‘shimchalar, aniqliklar va tuzatishlar kiritish huquqiga ega.
65. Belgilangan miqdordagi patent boji to‘langan taqdirda talabnoma bo‘yicha tuzatishlar, aniqliklar yoki qo‘shimcha materiallar tegishli ariza berish yo‘li bilan ko‘rsatilgan muddat o‘tgandan keyin ham, lekin patent berish haqidagi qaror chiqarilgunga qadar, kiritilishi mumkin.
Arizaga talabnoma materiallariga o‘zgartirishlar kiritish uchun patent boji to‘langani haqidagi hujjat ilova qilinadi. Patent boji to‘langani haqidagi hujjat taqdim etilmagan taqdirda yuridik ahamiyatga molik harakatlar amalga oshirilmaydi va bu haqda talabnoma beruvchi xabardor qilinadi. To‘langan patent bojining summasi belgilangan miqdordan kam bo‘lgan taqdirda, talabnoma beruvchi Davlat muassasasi tomonidan yetishmayotgan patent bojini to‘lash haqidagi bildirishnoma yuborilgan sanadan e’tiboran uch oy mobaynida kerakli summani to‘lash huquqiga ega.
(65-bandning ikkinchi xatboshisi O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
66. Talabnoma materiallariga tuzatishlar, aniqliklar va qo‘shimchalar kiritish talabnoma beruvchi tomonidan tegishli yozma arizalar va almashtiriladigan varaqlar yoki fotosuratlarni talabnoma hujjatlarining har bir nusxasi uchun topshirish yo‘li bilan amalga oshiriladi. Ariza shakllari ushbu Qoidalarga berilgan 4-, 5-, 6-ilovalarda keltirilgan. Almashtiriladigan varaqlar tegishli talabnoma hujjatining har bir nusxasi uchun o‘zbek yoki rus tilida taqdim etiladi.
Talabnoma beruvchi ariza Vazirlikka kelib tushganligi va uni ko‘rib chiqish natijalari haqida xabardor qilinadi.
(66-bandning ikkinchi xatboshisi O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
67. Yuridik shaxs bo‘lgan talabnoma beruvchining nomi yoki jismoniy shaxs bo‘lgan talabnoma beruvchining familiyasi (ismi, otasining ismi) o‘zgartirilganda, Vazirlikka talabnoma beruvchining nomiga o‘zgartirish kiritish haqida ariza beriladi va ushbu o‘zgartirishlarni tasdiqlaydigan hujjat taqdim etiladi. Ariza shakli ushbu Qoidalarga berilgan 4-ilovada keltirilgan.
(67-band O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
68. Talabnomaga bo‘lgan huquq boshqa shaxsga o‘tkazilgan holda talabnoma beruvchi tomonidan Vazirlikka talabnoma beruvchini o‘zgartirish to‘g‘risidagi yozuvni kiritish haqida ariza beriladi. Ariza shakli ushbu Qoidalarga berilgan 5-ilovada keltirilgan.
(68-bandning birinchi xatboshisi O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
Patent olishga bo‘lgan huquqning boshqa shaxsga o‘tkazilishida yoki talabnoma beruvchining nomi o‘zgarishi natijasida talabnoma beruvchi haqidagi ko‘rsatmani o‘zgartirish seleksiya yutug‘ini O‘simliklar navlarining davlat reyestri yoki Hayvonlar zotlarining davlat reyestrida ro‘yxatdan o‘tkazish sanasigacha amalga oshirilishi mumkin.
Arizada talabnomaga bo‘lgan huquq boshqa shaxsga — huquq vorisiga o‘tkazilishi haqida ko‘rsatma va ushbu shaxs haqidagi ma’lumotlar bo‘lishi kerak. Ariza talabnoma beruvchi va uning huquq vorisi tomonidan ushbu Qoidalarning 25-bandida ko‘zda tutilgan tartibda imzolanadi.
Ariza faqat talabnoma beruvchi tomonidan imzolangan taqdirda, arizaga talabnoma beruvchi va uning huquqiy vorisi tomonidan imzolangan huquq o‘tkazilganligini tasdiqlaydigan hujjat ilova qilinadi. Ariza shakli ushbu Qoidalarga berilgan 5-ilovada keltirilgan.
69. Belgilangan talablarga rioya qilingan hollarda talabnoma beruvchi va uning huquqiy vorisi talabnoma materiallariga talabnoma beruvchi o‘zgartirilganligi to‘g‘risidagi yozuv kiritilganligi haqida xabardor qilinadi. Keyingi barcha yozishmalar yangi talabnoma beruvchi bilan olib boriladi.
Talabnoma beruvchi va uning huquqiy vorisiga talabnoma beruvchi o‘zgartirilganligi to‘g‘risidagi yozuv kiritilganligi haqidagi bildirishnoma yuborilgan sana talabnomaga bo‘lgan huquq o‘tkazilgan sana deb hisoblanadi. Belgilangan talablar bajarilmagan taqdirda talabnoma beruvchi va uning huquqiy vorisi taqdim etilgan hujjatlarga aniqliklar va/yoki tuzatishlar kiritilishi kerakligi haqida yoki talabnoma materiallariga talabnoma beruvchi o‘zgartirilganligi to‘g‘risidagi yozuv kiritish mumkin emasligi haqida tegishli sabablar ko‘rsatilgan holda xabardor qilinadi.
70. Vazirlik talabnoma hujjatlariga tuzatishlar kiritish haqidagi talabnoma beruvchi yoki uning patent vakili yoxud ishonchli vakili tomonidan imzolangan hamda tegishli talabnoma raqami va kiritilishi lozim bo‘lgan tuzatishlar ko‘rsatilgan arizani qabul qiladi. Ariza shakli ushbu Qoidalarga berilgan 6-ilovada keltirilgan.
(70-bandning birinchi xatboshisi O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
Talabnoma hujjatlaridagi yaqqol ayon bo‘lgan va texnik xatolarni tuzatish ham seleksiya yutug‘i tegishli davlat reyestrida ro‘yxatdan o‘tkazilgan sanaga qadar amalga oshirilishi mumkin. Agar mutaxassis uchun taklif etilgan tuzatishdan boshqasining amalga oshirilishi mumkin emasligi umume’tirof etilgan bilimlardan ayon bo‘lsa, tuzatish yaqqol ayon deb hisoblanadi.
Agar tuzatishlar bibliografik ma’lumotlarni ko‘rsatishda matn terishdagi xatolarga va boshqa shu kabi xatolarga oid bo‘lib, hujjatni tuzatish bevosita nusxa olishda aniqlikka nisbatan salbiy oqibatlarga olib kelmasa, tuzatish kiritish zarurligi talabnoma beruvchining xatida bayon qilinishi va avvalgisining o‘rnini bosadigan varaqlar taqdim etilmasligi mumkin.
71. Belgilangan talablarga rioya qilinmagan hollarda talabnoma beruvchi talabnoma materiallariga o‘zgartirishlar kiritish mumkin emasligi haqida tegishli sabablar ko‘rsatilgan holda xabardor qilinadi.
10-§. O‘tkazib yuborilgan muddatni tiklash
72. Qonunning 20-moddasi to‘rtinchi qismiga muvofiq qo‘shimchalar, tuzatishlar va aniqliklarni talabnoma beruvchi tomonidan o‘tkazib yuborilgan taqdim etish muddatlari tiklanishi mumkin.
73. O‘tkazib yuborilgan muddatni tiklash to‘g‘risidagi iltimosnoma talabnoma beruvchi tomonidan taqdim etish muddati o‘tkazib yuborilgan hujjat bilan birga, o‘tkazib yuborilgan muddat tugagan kundan e’tiboran olti oydan kechiktirmay, uzrli sabablar ko‘rsatilgan holda beriladi. Davlat muassasasi ko‘rsatilgan sabablar mavjudligini hujjatlar bilan tasdiqlashni so‘rash huquqiga ega.
(73-band O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
74. Iltimosnomaga belgilangan miqdorda tegishli patent boji to‘langanini tasdiqlaydigan hujjat ilova qilinadi. Belgilangan miqdordagi patent boji to‘langanligini tasdiqlaydigan hujjat ko‘rsatilgan muddatda taqdim etilmagan holda yuridik ahamiyatga molik harakatlar amalga oshirilmaydi va bu haqda talabnoma beruvchiga xabar beriladi.
75. O‘tkazib yuborilgan muddat tiklangani to‘g‘risida talabnoma beruvchiga xabar beriladi.
76. Yuqorida ko‘rsatilgan talablarga rioya qilinmagan hollarda iltimosnoma qanoatlantirilmaydi va bu haqda talabnoma beruvchiga xabar beriladi.
11-§. Talabnoma beruvchini talabnoma materiallari bilan tanishtirish
77. Talabnoma beruvchi (uning patent vakili yoki ishonchli shaxsi) o‘zi topshirgan talabnoma va shu talabnoma bo‘yicha Vazirlik, Davlat muassasasi yoki ixtisoslashtirilgan tashkilotlar o‘rtasida olib borilgan yozishmalar bilan kuni va soatini avvaldan kelishib, bevosita Vazirlik, Davlat muassasasi yoki ixtisoslashtirilgan tashkilotlarning o‘zida ham, shuningdek talabnoma materiallari, unga tegishli hujjatlar yoki ularning qismlari nusxalarini so‘rovnoma orqali olib ham tanishishi mumkin.
(77-band O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
78. Huquqni muhofaza qilish organlari talabnoma materiallari bilan belgilangan tartibda tanishadilar.
12-§. Talabnomani talabnoma beruvchining ishtirokida ko‘rib chiqish
79. Talabnoma bilan bog‘liq savollar talabnoma beruvchining (uning patent vakili yoki ishonchli shaxsining) ishtirokida Davlat muassasasining taklifi bo‘yicha yoki talabnoma beruvchining iltimosiga ko‘ra, ikkala tomon bu savollar bilan tanishib chiqqanidan so‘ng ko‘rib chiqiladi.
(79-band O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
80. Ekspertizaning savollari uchrashish maqsadga muvofiqligi ma’lum qilingan bildirishnomada, talabnoma beruvchining savollari esa uchrashuv o‘tkazish haqidagi iltimosnomada bayon qilinishi mumkin.
81. Bildirishnomaga talabnoma beruvchining javobi, uning talabnomani ko‘rib chiqishda ishtirok etish niyati bor-yo‘qligidan qat’i nazar, bildirishnomada ko‘rsatilgan muddatda taqdim etiladi. Talabnomani talabnoma beruvchi ishtirokida ko‘rib chiqish sanasi va vaqti oldindan kelishib olinadi. Vaziyat o‘zgargan taqdirda belgilangan vaqtda talabnomani ko‘rib chiqishda ishtirok etish imkoniyati bo‘lmagan tomon darhol bu haqda ikkinchi tomonni xabardor qiladi.
82. Yagona talabnoma beruvchi bo‘lmagan shaxs vakillik qilish uchun ishonchnomasi bo‘lgan taqdirdagina boshqa talabnoma beruvchilarsiz o‘zi talabnomani ko‘rib chiqishda ishtirok etishi mumkin.
83. Talabnomani talabnoma beruvchining ishtirokida ko‘rib chiqish muzokara yo‘li bilan yoki ekspert kengashida amalga oshiriladi.
Agar savollarni bevosita ekspert va talabnoma beruvchi tomonidan hal qilish imkoni bo‘lsa, muzokaralar olib boriladi, agar savollarni hal qilish uchun bir necha mutaxassisning ekspertizasi talab qilinsa, ekspert kengashi o‘tkaziladi.
Muzokaralar va ekspert kengashi natijalari bo‘yicha belgilangan shaklda ikki nusxada, ishtirokchilar haqidagi ma’lumotlarni, tomonlar tarafidan keltirilgan dalillar va takliflar va keyingi ish yuritish haqidagi xulosalarni o‘z ichiga olgan bayonnoma tuziladi.
Bayonnomada ekspertizaning yozma izohlarni talab qiladigan savollari keltirilishi, talabnoma beruvchi (uning patent vakili yoki ishonchli shaxsi) tomonidan taklif qilingan nav, zot alomatlarining ifodalanganlik darajasi va indeksi aniqlashtirilishi, talabnomani chaqirib olish to‘g‘risidagi ariza va h.k. keltirilishi mumkin.
Bayonnoma ko‘rib chiqishda qatnashgan barcha ishtirokchilar tomonidan imzolanadi. Bir nusxasi talabnoma materiallariga qo‘shib qo‘yiladi, ikkinchisi esa talabnoma beruvchiga (uning patent vakili yoki ishonchli shaxsiga) beriladi.
Muhokama qilingan savollar bo‘yicha kelishuvga erishilmagan hollarda, bayonnomada ko‘rib chiqishda qatnashganlarning alohida fikri qayd etilishi mumkin. Talabnoma beruvchiga (uning patent vakili yoki ishonchli shaxsiga) topshiriladigan va tegishli xulosalarni o‘z ichiga olgan bayonnoma nusxasi ekspertiza savollari keltiriladigan bildirishnomaning o‘rnini bosishi mumkin, bu haqda bayonnomada tegishli yozuv qayd etib qo‘yiladi.
84. Bayonnoma talabnoma beruvchining ekspertiza bildirishnomasiga javobi o‘rnini (agar bunda javob berish uchun belgilangan muddatlar buzilmayotgan bo‘lsa) bosishi mumkin. Bu holda bayonnomada tegishli yozuv qayd etib qo‘yiladi.
13-§. Talabnoma beruvchi tomonidan talabnomani chaqirib olish
85. Qonunning 24-moddasiga muvofiq seleksiya yutug‘iga patent berish haqidagi talabnoma talabnoma beruvchining yozma iltimosnomasiga binoan patent berish yoki berishni rad etish haqida qaror qabul qilingunga qadar chaqirib olinishi mumkin.
Chaqirib olish to‘g‘risidagi iltimosnoma qabul qilinganligi haqidagi bildirishnoma talabnoma beruvchiga jo‘natilgan sanadan e’tiboran talabnoma chaqirib olingan deb hisoblanadi.
Talabnoma beruvchiga talabnoma chaqirib olinganligi to‘g‘risida bildirishnoma yuborilganidan so‘ng ushbu talabnoma bo‘yicha ish yuritish to‘xtatiladi.
86. Chaqirib olingan yoki chaqirib olingan deb hisoblanadigan talabnoma yuridik oqibatlarga olib kelmaydi, ya’ni u bo‘yicha hech qanday yuridik ahamiyatga molik amallar olib borilishi mumkin bo‘lmaydi (bunday talabnoma bo‘yicha ekpertiza o‘tkazilmaydi, patent berilmaydi va x.k.) va kelgusida talabnoma beruvchining huquqlari ushbu talabnomaga asoslanishi mumkin bo‘lmaydi (xususan, navbatdagi talabnomani topshirishda chaqirib olingan talabnomaning kelib tushgan sana bo‘yicha yoki unga qo‘shimcha materiallar kelib tushgan sana bo‘yicha ustuvorlik so‘rash mumkin emas).
Chaqirib olingan yoki chaqirib olingan deb hisoblanadigan talabnoma seleksiya yutug‘i bo‘yicha kelib tushgan boshqa talabnomalarning ekspertizasini o‘tkazish jarayonida ularning yangiligini aniqlashda hisobga olinmaydi.
87. Talabnoma beruvchining talabnomani chaqirib olish to‘g‘risidagi o‘z iltimosnomasini haqiqiy emas deb hisoblash to‘g‘risidagi iltimosi, agar u talabnomaning chaqirib olingani to‘g‘risidagi bildirishnoma talabnoma beruvchiga yuborilganidan keyin kelib tushgan bo‘lsa, qanoatlantirilmaydi.
III-bob. Talabnomani ko‘rib chiqish
14-§. Kelib tushgan talabnomani ro‘yxatga olish
88. Vazirlikka kelib tushgan talabnoma materiallari kelib tushish sanasi ko‘rsatilgan holda seleksiya yutug‘iga talabnoma sifatida ro‘yxatga olinadi, buning uchun ushbu materiallar tarkibida kamida patent berish to‘g‘risida o‘zbek yoki rus tilidagi ariza, seleksiya yutug‘ining tavsifi (texnik anketasi) va belgilangan miqdorda patent boji to‘langanini tasdiqlaydigan hujjat yoki patent bojini to‘lashdan ozod etish uchun yoxud uning miqdorini kamaytirish uchun asoslarni tasdiqlaydigan hujjat bo‘lishi kerak.
(88-band O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
89. Talabnomaga ro‘yxat raqami beriladi.
Talabnoma beruvchi talabnoma materiallari kelib tushganlik fakti haqida uch kun mobaynida ro‘yxat raqami va kelib tushgan sanasi ma’lum qilingan holda xabardor qilinadi.
90. Ro‘yxatdan o‘tkazilgan talabnoma materiallari qaytarilmaydi.
91. Talabnoma haqidagi ma’lumotlar talabnoma Vazirlikka kelib tushgan sanadan e’tiboran, u haqidagi ma’lumotlar rasman e’lon qilingunga qadar maxfiy (konfidensial) hisoblanadi va talabnoma beruvchining roziligisiz noqonuniy oshkor qilinmaydi.
(91-band O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
92. Qonunning 19-moddasiga muvofiq talabnomada ko‘rsatilgan seleksiya yutug‘ining davlat ekspertizasi Davlat muassasasining o‘zida o‘tkaziladigan rasmiy ekspertizani va yangilik ekanligini ekspertiza qilishdan hamda farqlash, o‘xshashlik va barqarorlikni aniqlash maqsadida davlat sinovidan o‘tkazishdan iborat patentga layoqatlilik ekspertizasini o‘z ichiga oladi bu ekspertiza ixisoslashtirilgan tashkilotlar tomonidan amalga oshiriladi.
(92-band O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
15-§. Rasmiy ekspertiza
93. Qonunning 20-moddasiga muvofiq talabnomaning rasmiy ekspertizasi u Vazirlikka kelib tushgan sanadan ikki oy o‘tgandan so‘ng o‘tkaziladi.
(93-band O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
Talabnoma beruvchining yozma iltimosnomasiga ko‘ra talabnomaning rasmiy ekspertiza ko‘rsatilgan muddat o‘tmasdan turib boshlanishi mumkin.
94. Rasmiy ekspertiza o‘tkazish davomida quyidagilar tekshiriladi:
a) seleksiya yutug‘ining O‘zbekiston Respublikasida muhofaza qilinayotgan zoologik zot va turlarga mansubligi;
b) talabnoma tarkibida bo‘lishi yoki unga ilova qilinishi lozim bo‘lgan hujjatlarning mavjudligi;
v) taqdim etilgan hujjatlarga nisbatan qo‘yilgan talablarga rioya qilinganlik;
g) Qonunning 16-moddasi ikkinchi qismida ko‘zda tutilgan hollarda talabnoma topshirish tartibiga, shu jumladan patent vakilining vakolatlarini tasdiqlaydigan ishonchnomaning mavjudligi va to‘g‘ri rasmiylashtirilishiga rioya qilinganlik;
d) talabnomada uning Vazirlikka kelib tushgan sanasidan ilgariroq ustuvorlik so‘ralayotganining asoslanganligi.
(94-bandning “d” kichik bandi O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
95. Ro‘yxatga olingan talabnomada talabnomani topshirish uchun belgilangan miqdorda boj to‘langanini tasdiqlaydigan hujjat mavjudligi tekshiriladi. Bunday hujjat yoki ko‘rsatilgan patent bojini to‘lashdan ozod qilish yoxud uning miqdorini kamaytirish uchun asoslar mavjudligini tasdiqlaydigan hujjat bo‘lmagan taqdirda, talabnoma bo‘yicha yuridik ahamiyatga molik xatti-harakatlar amalga oshirilmaydi.
96. Agar patent boji belgilangan miqdordan kam to‘langan bo‘lsa, talabnoma beruvchi bildirishnoma orqali ushbu bildirishnoma jo‘natilgan sanadan e’tiboran uch oy mobaynida talabnoma topshirish uchun yetmagan patent bojini to‘lash zarurligi to‘g‘risida xabardor qilinadi. Talabnoma beruvchi talabnoma bo‘yicha belgilangan miqdordagi patent boji ko‘rsatilgan muddatda to‘langanini tasdiqlaydigan hujjat taqdim etilmagan taqdirda, yuridik qimmatga ega xatti-harakatlar amalga oshirilmasligi haqida ham xabardor qilinadi.
Patent bojini to‘lashga tegishli bildirishnoma talabnoma beruvchiga talabnoma materiallari ro‘yxatdan o‘tganligi to‘g‘risidagi bildirishnoma bilan bir vaqtda yuborilishi mumkin.
97. Agar talabnomaning rasmiy ekspertizasi jarayonida talabnoma qonunchilikda belgilangan talablarga rioya qilinmagan holda rasmiylashtirilgani aniqlansa, talabnoma beruvchiga so‘rovnoma yuboriladi va unda yetishmagan yoki tuzatilgan hujjatlarni so‘rovnoma jo‘natilgan sanadan e’tiboran uch oy ichida taqdim etish zarurligi ko‘rsatiladi.
Quyidagilar so‘rovnoma yuborish uchun asos bo‘ladi:
a) talabnomada ushbu Qoidalarning 6-bandida ko‘zda tutilgan hujjatlardan kamida bittasining bo‘lmasligi;
b) talabnoma patent vakili yoxud ishonchli shaxs orqali topshirilgan bo‘lsa, vakillik uchun ishonchnomaning yo‘qligi, va/yoki uni rasmiylashtirish qoidalarining buzilganligi;
v) talabnoma hujjatlari belgilangandan kam nusxada topshirilganligi;
g) O‘zbekiston Respublikasidan tashqarida yashovchi jismoniy shaxslar yoki xorijiy yuridik shaxslar tomonidan talabnoma Vazirlikda ro‘yxatdan o‘tkazilgan patent vakillari orqali topshirilmaganligi, agar O‘zbekiston Respublikasi ishtirok etgan xalqaro bitimlarda talabnoma topshirishning boshqa tartibi ko‘zda tutilmagan bo‘lsa;
(97-bandning “g” kichik bandi O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
d) patent berish uchun arizada ushbu Qoidalarda ko‘zda tutilgan rekvizitlar, imzolar, muhr (zarur bo‘lganda) yo‘qligi;
e) patent bojlari to‘g‘ri to‘langanligi bilan bog‘liq savollarni aniqlash zaruriyati;
j) talabnoma hujjatlarining o‘zbek yoki rus tiliga tarjimasi yo‘qligi, agar ular boshqa tilda topshirilgan bo‘lsa;
z) hujjatlarni rasmiylashtirishda hujjatlardan bevosita nusxa ko‘chirishga, ularni saqlashga to‘sqinlik qiladigan yoki patentga tavsifni e’lon qilishga tayyorlash imkoniyatini bermaydigan kamchiliklar (varaqlar formati, hoshiyalar o‘lchamlari va h.k.larga qo‘yilgan talablar buzilganligi, fotosuratlarning sifati, talabnoma materiallarini o‘qishni qiyinlashtiradigan bosma matn sifati va h.k.)ning aniqlanganligi;
i) talabnoma hujjatlarining bir-biriga mos emasligi (arizada keltirilgan seleksiya yutug‘ining nomi tavsifda (texnik anketada) keltirilgan nomiga mos emasligi); talabnoma beruvchining arizadagi nomi talabnoma beruvchining tavsifdagi (texnik anketadagi) nomiga mos emasligi va h.k.);
k) seleksiya yutug‘ining tavsifida (texnik anketasida) ushbu Qoidalarning 29 — 39-bandlarida va 2-, 3-ilovalarda ko‘zda tutilgan ma’lumotlarning mavjud emasligi (agar tegishli bo‘limda bayon qilinishi lozim bo‘lgan ma’lumotlar boshqa bo‘limda keltirilgan bo‘lsa, bu holda bildirishnoma yuborilmaydi);
l) seleksiya yutug‘ining nomi ushbu Qoidalarning 26 — 28-bandlarida belgilangan talablarga mos emasligi;
m) talabnomada so‘ralayotgan avvalroq ustuvorlikni belgilash bilan bog‘liq savollarni aniqlash zaruriyati.
n) ushbu Qoidalarda talabnoma hujjatlariga qo‘yilgan talablarining talabnoma berilgan seleksiya yutug‘ini patentga layoqatlikka o‘tkaziladigan ekspertizasiz ham belgilanadigan bundan boshqa buzilganlik holatlarining mavjudli.
98. Agar talabnoma beruvchi belgilangan muddatda ushbu Qoidalarning 6-bandida ko‘zda tutilgan materiallarni taqdim etmasa, yoki ularni topshirish muddatlarini uzaytirish haqidagi iltimosnomani bermasa, talabnoma chaqirib olingan deb hisoblanadi va bu haqda talabnoma beruvchi xabardor qilinadi. Talabnoma bo‘yicha ish yuritish to‘xtatiladi.
99. O‘tkazib yuborilgan muddat Davlat muassasasi tomonidan ushbu Qoidalarning 10-paragrafiga muvofiq tiklangan holda ish yuritish davom ettirilishi mumkin.
(99-band O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
100. Agar talabnomaning rasmiy ekspertizasi natijasida talabnoma O‘zbekiston Respublikasida muhofaza qilinmaydigan zoologik zot va turga nisbatan berilganligi aniqlansa, uning materiallari ko‘rib chiqilmaydi, talabnoma esa chaqirib olingan hisoblanadi, va talabnoma beruvchi bu haqda xabardor qilinadi.
101. Agar talabnoma tarkibida barcha zarur hujjatlar bo‘lsa, ularga nisbatan ushbu Qoidalarda belgilangan talablarga rioya qilingan bo‘lsa, talabnoma beruvchiga talabnoma ko‘rib chiqishga qabul qilinganligi va uning yangiligiga ekspertiza o‘tkazish uchun patent boji to‘lanishi lozimligi to‘g‘risida qaror yuboriladi.
16-§. Seleksiya yutug‘ining ustuvorligini belgilash
102. Seleksiya yutug‘ining ustuvorligi patent berish uchun talabnoma Vazirlikka topshirilgan sana bo‘yicha belgilanadi.
(102-bandning birinchi xatboshisi O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
Agar talabnomada seleksiya yutug‘ning ustuvorligi Qonunning 18-modda uchinchi, to‘rtinchi qismlari asosida so‘ralmayotgan bo‘lsa, u holda uning ustuvorligi talabnomaning Vazirlikka topshirilgan sanasi bo‘yicha belgilanadi.
(102-bandning ikkinchi xatboshisi O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
Ko‘rsatilgan hujjatlar bir vaqtda topshirilmagan taqdirda, ustuvorlik oxirgi topshirilgan hujjat kelib tushgan sana bo‘yicha belgilanadi.
103. Seleksiya yutug‘ining ustuvorligi talabnoma beruvchi tomonidan O‘zbekiston Respublikasi seleksiya yutuqlarining huquqiy muhofazasi to‘g‘risida shartnoma tuzgan boshqa davlatda topshirilgan birinchi talabnomaning topshirilish sanasi bo‘yicha belgilanadi, buning uchun Qonunning 18-modda uchinchi qismida ko‘zda tutilgan talablarga rioya qilingan va talabnoma beruvchi tomonidan so‘ralayotgan ustuvorlikni tasdiqlaydigan hamma zarur hujjatlar taqdim etilgan bo‘lishi kerak.
Vazirlikka taqdim etilayotgan talabnomada talabnoma beruvchi birinchi talabnoma sanasini ko‘rsatishi va talabnoma Vazirlikka kelib tushgan sanadan e’tiboran uch oylik muddatdan kechikmay birinchi talabnoma nusxasini va uning tarjimasini taqdim etishi lozim.
(103-bandning ikkinchi xatboshisi O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
104. Birinchi talabnoma bo‘yicha ustuvorlik so‘ralganda quyidagilar tekshiriladi:
talabnoma beruvchi tomonidan boshqa davlatda topshirilgan birinchi talabnomaning tasdiqlangan nusxasining mavjudligi. Agar ko‘rsatib o‘tilgan nusxa talabnoma Vazirlikka kelib tushgan sanadan keyin taqdim etilgan bo‘lsa, bu holda talabnoma beruvchi talabnoma nusxasi taqdim etilishi lozim bo‘lgan ko‘rsatib o‘tilgan sanadan e’tiboran uch oylik muddatga rioya qilganligi tekshiriladi (agar birinchi talabnomalar bir nechta bo‘lsa, ko‘rsatib o‘tilgan shartlar har bir talabnomaning nusxasiga nisbatan amal qiladi);
(104-bandning ikkinchi xatboshisi O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
talabnoma beruvchining birinchi talabnoma topshirilgan sanadan boshlab 12 oylik muddatga rioya qilganligi, ushbu muddat mobaynida ustuvorlik so‘ralgan talabnoma Vazirlikka kelib tushishi kerak;
(104-bandning uchinchi xatboshisi O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
seleksiya yutug‘i nomining va talabnoma berilayotgan seleksiya yutug‘i alomatlarining birinchi talabnomadagi seleksiya yutug‘ining nomi va alomatlariga mosligi.
105. Agar ustuvorlikni belgilashda yuzaga keladigan savollar ekspertizani o‘tkazishga to‘sqinlik qilmasa, bu holda ularga talabnomani ko‘rib chiqish bilan bog‘liq boshqa savollar bilan bir paytda aniqlik kiritiladi.
106. Talabnoma beruvchi tomonidan ushbu Qoidalarning 103-104-bandlarida ko‘rsatilgan talablarga rioya qilingan bo‘lsa, bu holda talabnoma berilgan seleksiya yutug‘iga nisbatan so‘ralayotgan ustuvorlik belgilanadi.
107. Talabnoma beruvchi tomonidan ushbu Qoidalarning 103-104-bandlarida ko‘rsatilgan talablardan aqalli bittasiga rioya qilinmagan bo‘lsa, talab qilinayotgan ustuvorlik tan olinmaydi.
17-§. Patentga layoqatlilik ekspertizasi
108. Qonunning 4-moddasi uchinchi qismiga muvofiq talabnoma berilgan seleksiya yutug‘ining patentga layoqatlilik ekspertizasi ixtisoslashtirilgan tashkilotlar tomonidan o‘tkaziladi.
Patentga layoqatlilik ekspertizasi seleksiya yutug‘ining yangiligi ekspertizasi va farqlanish, o‘xshashlik va barqarorlikka sinovlardan iborat bo‘ladi.
109. Seleksiya yutug‘ining yangiligi ekspertizasi belgilangan miqdorda patent boji to‘langanligi sharti bilan o‘tkaziladi.
Agar seleksiya yutug‘ining yangiligi ekspertizasini o‘tkazish uchun patent boji belgilangan miqdordan kam to‘langan bo‘lsa, talabnoma beruvchiga bildirishnoma orqali ushbu bildirishnoma yuborilgan sanadan e’tiboran uch oy muddatda to‘langan patent boji summasini belgilangan miqdorga yetkazish zarurligi xabar qilinadi.
Talabnoma beruvchiga, shuningdek belgilangan miqdorda patent boji to‘langanini tasdiqlaydigan hujjat belgilangan muddatda taqdim etilmasa, talabnoma chaqirib olingan deb hisoblanishi ma’lum qilinadi.
110. Qonunning 22-modda birinchi qismiga muvofiq seleksiya yutug‘ining yangiligi ekspertizasini ixtisoslashtirilgan tashkilotlar mavjud hujjatlar va isbotlar asosida, shu jumladan o‘z tashabbusi bilan olingan axborot asosida amalga oshiradilar.
Ixtisoslashtirilgan tashkilot Davlat muassasasiga talabnomada ko‘rsatilgan seleksiya yutug‘ining yangilik mezoniga muvofiq yoki muvofiq emasligi to‘g‘risida xulosa taqdim etadi.
(110-bandning ikkinchi xatboshisi O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
Davlat muassasasi talabnoma beruvchini yangilikka ekspertiza natijalari to‘g‘risida yozma xabardor qiladi.
(110-bandning uchinchi xatboshisi O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
111. Belgilangan miqdordagi patent boji to‘lanishi sharti bilan talabnoma berilgan seleksiya yutug‘ining farqlilik, o‘xshashlik va barqarorlikka sinashdan iborat sinovlari o‘tkaziladi.
Agar farqlilik, o‘xshashlik va barqarorlikka o‘tkaziladigan ekspertiza uchun belgilangan miqdordan kam patent boji to‘langan bo‘lsa, bu holda talabnoma beruvchiga bildirishnoma orqali ushbu bildirishnoma yuborilgan sanadan e’tiboran uch oy muddatda to‘langan patent boji summasini belgilangan miqdorga yetkazish zarurligi xabar qilinadi.
Talabnoma beruvchiga, shuningdek belgilangan miqdorda patent boji to‘langanini tasdiqlaydigan hujjat belgilangan muddatda taqdim etilmasa, talabnoma chaqirib olingan deb hisoblanishi ma’lum qilinadi.
112. Qonunning 23-moddasiga muvofiq talabnoma berilgan seleksiya yutug‘ining sinovlari ixtisoslashtirilgan tashkilotlar tomonidan belgilangan uslub va muddatlarda ro‘yxati O‘zbekiston Respublikasi Vazirlar Mahkamasi tomonidan tasdiqlanadigan davlat nav sinov stansiyalarida, davlat nav sinov uchastkalarida, boshqa xo‘jaliklar va tashkilotlarda o‘tkaziladi.
Talabnoma beruvchi sinov o‘tkazish uchun kerakli miqdordagi urug‘lik, ko‘chat yoki nasl mahsulotlarini ixtisoslashtirilgan tashkilot tomonidan belgilangan manzilga ko‘rsatilgan muddatda taqdim etishi shart.
Ixtisoslashtirilgan tashkilot talabnoma beruvchi, O‘zbekiston Respublikasining korxonalari, idoralari, tashkilotlari, shuningdek boshqa davlatlarning vakolatli organlari tomonidan taqdim etilgan sinov natijalaridan foydalanishga haqlidir.
113. Qonunning 23-moddasi beshinchi qismiga muvofiq ixtisoslashtirilgan tashkilot sinov natijalariga qarab seleksiya yutug‘ining patentga layoqatlilik mezoniga mosligi to‘g‘risida xulosa chiqaradi.
18-§. Seleksiya yutug‘iga patent berish to‘g‘risidagi qaror
114. Seleksiya yutug‘ining patentga layoqatlilik mezonlariga, nomining esa belgilangan talablarga muvofiqligi tasdiqlanganda, ixtisoslashtirilgan tashkilot patentga layoqatlilik shartlariga muvofiqligi to‘g‘risidagi xulosasi va seleksiya yutug‘ining rasmiy tavsifini Davlat muassasasiga yuboradi. Davlat muassasasi ixtisoslashtirilgan tashkilotning xulosasi asosida o‘simliklar navi yoki hayvonlar zotiga patent berish to‘g‘risida qaror qabul qiladi.
(114-band O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
115. Belgilangan patent boji to‘langan taqdirda Vazirlik seleksiya yutug‘ini tegishli reyestrida ro‘yxatdan o‘tkazadi va seleksiya yutug‘ining ro‘yxatdan o‘tkazilganligi to‘g‘risida ma’lumotlarni Vazirlikning rasmiy axborotnomasida e’lon qiladi.
(115-band O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
19-§. Patent berishni rad etish to‘g‘risidagi qaror
116. Talabnoma berilgan seleksiya yutug‘ining patentga layoqatlilik mezonlaridan aqalli bittasiga muvofiq emasligi aniqlansa, bu holda ixtisoslashtirilgan tashkilot tomonidan uning farqlilik, o‘xshashlik, barqarorlik mezonlariga javob bermasligi to‘g‘risida tegishli asoslar keltirilgan xulosasi yuboriladi.
Davlat muassasasi ixtisoslashtirilgan tashkilotning xulosasi asosida o‘simliklar navi yoki hayvonlar zotiga patent berishni rad etish to‘g‘risida qaror qabul qiladi va uni ixtisoslashtirilgan tashkilot tomonidan seleksiya yutug‘ining farqlilik, o‘xshashlik, barqarorlik mezonlariga javob bermasligi to‘g‘risidagi xulosasi ilova qilingan holda talabnoma beruvchiga yuboradi.
(116-bandning ikkinchi xatboshisi O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
20-§. Yakuniy qoida
117. Ushbu Qoidalar O‘zbekiston Respublikasi Qishloq va suv xo‘jaligi birinchi vazir o‘rinbosari, O‘zbekiston Respublikasi Qishloq va suv xo‘jaligi vazirligining Qishloq xo‘jalik o‘simliklarining navlarini sinash bo‘yicha davlat komissiyasi raisi, O‘zbekiston Respublikasi Qishloq va suv xo‘jaligi vazirligining Naslchilik ishlari bo‘yicha Bosh davlat inspeksiyasining boshlig‘i bilan kelishildi.
Seleksiya yutug‘iga O‘zbekiston Respublikasi patentini berish uchun talabnoma tuzish, topshirish va ko‘rib chiqish qoidalariga
1-ILOVA
‎ ‎ ‎ ‎ ‎
Kelib tushgan sana Ro‘yxatga olish raqami

(O‘zbekiston Respublikasi Adliya vazirligi tomonidan to‘ldiriladi)

‎ ‎o‘simliklar navi
‎ hayvonlar zotiga
‎patent olish uchun
‎ARIZA‎‎

 O‘zbekiston Respublikasi Adliya vazirligi (pochta aloqasi), Tel: ______
‎E-mail: __________
‎‎‎‎(71) Talabnoma beruvchi(lar): ‎

‎‎‏‎‎‎‏‎‏ ‎‏‎‏KTUT ‎bo‘yicha tashkilot kodi ‎ ‎BIMT ST. 3 ‎standarti bo‘yicha ‎mamlakat kodi ‎(agar u belgilangan bo‘lsa)

Ushbu shaxs:‎‎
 muallif ‎‎ ‎‎‎‎ muallifning huquqiy vorisi‎‎‎‎
 ish beruvchi‎ ‎‎‎‎ ish beruvchining huquqiy vorisi‎‎

‎‎‎‎(to‘liq ismi yoki nomi va yashash joyi yoki joylashgan eri, shu jumladan mamlakat nomi va to‘liq pochta manzili ko‘rsatiladi. Talabnoma beruvchi mualliflarning yashash joyi to‘g‘risidagi ma’lumotlar ‎“Mualliqlar” grafasida keltiriladi)
‎‎_________________________________________________________

_____________________________________ ‎‎‎nomi ostida topshirilgan seleksiya yutug‘ining ustuvorligini birinchi talabnoma(lar)ning topshirish sanasi bo‘yicha belgilashingizni so‘rayman (so‘raymiz)‎‎‎

(31) Birinchi talabnoma raqami‎‎‎

(32) So‘ralayotgan ustuvorlik sanasi‎

(33) Mamlakat kodi‎‎‎

‎‎‎ ‎ ‎‎‎

‎(54) a) zot/tur nomi ______________________________‎‎


‎_____________________________‎‎‎

‎

(o‘zbekcha) ‎ ‎

(ruscha)

‎‎____________________________________________________________________________________

‎‎(lotincha)

b)Taklif qilinayotgan nom
‎_________________________________________________________________________________‎__________‎_____
‎________________________________________________________________________________________________
‎
‎‎(74) Patent vakili (to‘liq ismi, ro‘yxatga olinish raqami)
‎


‎Telefon: ‎


‎Faks: ‎

 ‎


‎E-mail:‎

‎‎Patent vakilining manzili (to‘liq pochta manzili)‎
‎‎(98) Yozishmalar uchun manzil (xat oluvchining to‘liq pochta manzili, ismi yoki nomi)‎
‎ ‎Telefon: ‎ ‎

‎Faks: ‎ ‎

 ‎

‎E-mail:‎ ‎

Ilova qilinayotgan hujjatlar ro‘yxati:

Bir nusxadagi varaqlar soni

Nusxalar soni

 nav, zot tavsifi (texnik anketasi) ‎ ‎
 namunalarning fotosuratlari ‎ ‎
 talabnoma beruvchi tomonidan o‘tkazilgan sinovlar haqidagi hujjatlar ‎ ‎
 seleksiya yutug‘i qo‘llanmagan, sotilmagan, berilmaganligini tasdiqlaydigan talabnoma beruvchining deklaratsiyasi ‎ ‎
 ustuvorlikni t�sdiqlaydigan hujjat (birinchi talabnoma(lar)ning nusxasi (nusxalari)) ‎ ‎
 nav, turning sinovi uchun material taqdim etish haqida talabnoma beruvchining majburiyati ‎ ‎
 patent vakili yoki ishonchli shaxsning vakolatlarini tasdiqlaydigan ishonchnoma ‎ ‎
 talabnoma topshirish uchun patent boji to‘langanligi to‘g‘risidagi hujjat
 patent bojini to‘lashdan ozod etilganlik uchun asos
 boj miqdorini kamaytirish uchun asos		 ‎ ‎
 talabnomaning o‘zbek yoki rus tiliga tarjimasi ‎ ‎
 boshqa hujjat (ko‘rsatilsin) ‎ ‎
 talabnomaga uning mashinada o‘qiladigan tashuvchidagi nusxasi ilova qilinadi
 talabnoma hujjatlarining mashinada o‘qiladigan tashuvchidagi nusxasi bosma matnning aynan nusxasi bo‘lishi kerak		 ‎ ‎
(72) Muallif(lar)
(familiyasi, ismi, otasining ismi, lavozimi, ilmiy darajasi va ish joyi) 		To‘liq uy manzili (viloyat, tuman, shahar, ko‘cha, uy, chet elliklar uchun — BIMT ST. 3 standarti bo‘yicha mamlakat kodi

Muallif (lar)
‎ imzosi (imzolari, sana


‎
‎
‎‎‎‎		 ‎‎ ‎

Men (Biz), _______________________________________________________________________________________

(to‘liq ism)‎‎‎‎

‎‎‎‎____________________________________________________________________________________

‎‎patent berish to‘g‘risidagi ma’lumotlar e’lon qilinayotganida mening ismimni (bizning ismimizni) muallif(lar) sifatida tilga olmasligingizni so‘rayman (so‘raymiz)
‎Muallif(lar)ning imzosi (imzolari):

‎‎
‎‎Imzo(lar):
‎
‎Talabnoma beruvchi(lar), yoki patent vakili, yoki talabnoma beruvchining boshqa vakilining imzosi (imzolari), imzo(lar) qo‘yilgan sana (imzo yuridik shaxs nomidan qo‘yilganda, rahbarning yoki buning uchun boshqa vakolatli shaxsning imzosi muhr bilan tasdiqlanadi)

(1-ilova O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
Seleksiya yutug‘iga O‘zbekiston Respublikasi patentini berish uchun talabnoma tuzish, topshirish va ko‘rib chiqish qoidalariga
2-ILOVA
‎ ‎ ‎ ‎ ‎

‎‎Talabnoma raqami _______________________________ (talabnoma beruvchi tomonidan to‘ldirilmaydi)

‎‎O‘SIMLIKLAR NAVINING TAVSIFI (TEXNIK ANKETASI)
‎

1. Talabnoma beruvchi _____________________________________________________________________________
‎‎2. a) Zot/turning nomi___________________ ‎ ‎‎_______________________________________________
‎ ‎

(o‘zbekcha)‎

 ‎ ‎ ‎ ‎

(ruscha) ‎

 ‎ ‎

_____________________________________‎‎

 ‎ ‎ ‎ ‎ ‎ ‎

‎‎(lotincha)

 ‎ ‎ ‎ ‎ ‎ ‎
3. Taklif qilinayotgan nom _________________________________________________________________________‎‎
4. Navning kelib chiqishi haqidagi ma’lumotlar, saqlash va ko‘paytirish xususiyatlari, seleksiya raqami____________
‎‎5. Talabnoma berilgan navning alomatlari

T/r‎

Alomat‎

‎‎Ifodalanganlik darajasi

‎‎Indeksi

‎‎6. a) Talabnomada ko‘rsatilgan navga o‘xshash navning nomi va uning talabnomada ko‘rsatilgan navdan farqlab turadigan alomatlari:______________________________________________________________________________

‎‎_______________________________________________________________________________________________

‎‎(navning nomi)

Tegishli alomatning tartib raqami ‎‎

Alomat‎ ‎‎

‎‎b) Axborot manbaining bibliografik ma’lumotlari____________________________________________________
‎‎_______________________________________________________________________________________________
‎‎7. Qo‘shimcha axborot
‎‎7.1. Zararkunandalar va kasalliklarga turg‘unligi (agar imkon bo‘lsa, zotlar/shtammlarni ko‘rsating)______________
‎‎_______________________________________________________________________________________________
‎‎7.2. Navni farqlilik, o‘xshashlik va barqarorlikka sinash uchun alohida shart-sharoitlarni ko‘rsating _____________
‎‎_______________________________________________________________________________________________
7.3. Boshqa axborot ________________________________________________________________________________
_______________________________________________________________________________________________
‎ ‎ ‎ ‎ ‎ ‎ ‎ ‎ ‎ ‎

Sana “____” ________________ 20_____ y.

‎ ‎ ‎ ‎ ‎ ‎
‎‎Talabnoma beruvchi ‎

‎‎_____________________________________(imzo)

‎

‎‎_______________________________________________
‎‎‎(familiya, initsiallar)

Seleksiya yutug‘iga O‘zbekiston Respublikasi patentini berish uchun talabnoma tuzish, topshirish va ko‘rib chiqish qoidalariga
3-ILOVA
‎ ‎ ‎ ‎ ‎

‎‎Talabnoma raqami _______________________________ (talabnoma beruvchi tomonidan to‘ldirilmaydi)

‎‎HAYVONLAR ZOTININGTAVSIFI (TEXNIK ANKETASI)
‎

1. Talabnoma beruvchi _____________________________________________________________________________
‎‎2. a) Nasl/turning nomi__________________ ‎ ‎‎_______________________________________________
‎ ‎

(o‘zbekcha)‎

 ‎ ‎ ‎ ‎

(ruscha) ‎

 ‎ ‎

_____________________________________‎‎

 ‎ ‎ ‎ ‎ ‎ ‎

‎‎(lotincha)

 ‎ ‎ ‎ ‎ ‎ ‎

‎‎b) Nasl kategoriyasi: — nasl guruhi, — nasl ichidagi tur, — zavod turi, — zavod liniyasi, — oila, — partenoklonlar, — liniyalar, — gibridlar, — kross (parrandachilikda).

‎‎v) Mahsuldorlik yo‘nalishi _________________________________________________________________________

3. Taklif qilinayotgan nom _________________________________________________________________________‎‎
4. Naslning kelib chiqishi, saqlash va ko‘paytirish xususiyatlari haqida ma’lumotlar, seleksiya raqami_____________
‎‎5. Talabnoma berilgan naslning alomatlari

Tartib raqami

‎‎Alomat

‎‎Ifodalanganlik darajasi

‎‎Indeksi

‎‎6. a) Talabnomada ko‘rsatilgan naslning nomi va uni o‘xshash nasldan farqlab turadigan alomatlari:_______________

‎‎________________________________________________________________________________________________

‎‎(naslning nomi)

‎‎Tegishli alomatning tartib raqami

‎‎Alomat

‎‎b) Axborot manbaining bibliografik ma’lumotlari____________________________________________________
‎‎_______________________________________________________________________________________________
‎‎7. Qo‘shimcha axborot
‎‎7.1. Oziqlantirish darajasi, saqlash va ishlatish texnologiyasiga qo‘yiladigan talablar__________________________
‎‎_______________________________________________________________________________________________
‎‎7.2. Naslni farqlilik, o‘xshashlik va barqarorlikka �inash uchun alohida shart-sharoitlar _______________________
‎‎_______________________________________________________________________________________________
7.3. Boshqa axborot ________________________________________________________________________________
_______________________________________________________________________________________________
‎ ‎ ‎ ‎ ‎ ‎ ‎ ‎ ‎ ‎

‎‎sana “____” ________________ 20_____ y.

‎ ‎ ‎ ‎ ‎ ‎
‎ ‎ ‎ ‎ ‎ ‎ ‎ ‎ ‎ ‎

Talabnoma beruvchi _______________________________(imzo)‎‎

 ‎

‎‎_____________________________________(familiyasi, initsiallari)

Seleksiya yutug‘iga O‘zbekiston Respublikasi patentini berish uchun talabnoma tuzish, topshirish va ko‘rib chiqish qoidalariga
4-ILOVA
‎ ‎ ‎ ‎ ‎

Topshirish sanasi‎‎‎

 Kirish raqami‎‎

(O‘zbekiston Respublikasi Adliya vazirligi tomonidan to‘ldiriladi)

O‘zgartirish(lar) kiritish to‘g‘risida
ARIZA

O‘zbekiston Respublikasi Adliya vazirligi (pochta aloqasi),
‎Tel: ______ E-mail: __________

(21) Talabnoma raqami‎

 ‎‎

(22) Talabnoma topshirilgan sana‎

 ‎‎
‎‎(71) Talabnoma beruvchi

‎‎(98) Yozishmalar uchun manzil (xat oluvchining to‘liq pochta manzili, ismi yoki nomi)


Telefon: ‎‎

 ‎


‎Faks: ‎

 ‎


‎E-mail:‎

(74) Patent vakili (to‘liq ismi, ro‘yxatga olinganlik raqami)‎‎‎

‎‎Patent vakilining manzili (to‘liq pochta manzili)‎

Telefon: ‎‎‎

 ‎

‎Faks: ‎‎

 ‎

‎E-mail:‎‎

‎‎Ushbu arizani topshirar ekanman, talabnoma materiallariga quyidagi o‘zgartirish(lar)ni kiritishingizni so‘rayman:
‎ talabnoma beruvchining ismi (nomi)ga
‎ talabnoma beruvchining manziliga
yozishmalar uchun manzilga
 talabnoma materiallariga

‎‎O‘zgartirilishi lozim bo‘lgan ma’lumotlar:‎


‎‎‎O‘zgartirilgan ma’lumotlar:

‎davomini keyingi varaqdan qarang
‎‎

‎‎‏ Arizaga ilova(lar):
‎ belgilangan miqdorda patent boji to‘langani to‘g‘risidagi hujjat
‎ davom ettirish uchun varaqlar
‎ boshqa hujjatlar (ko‘rsatilsin)

Nushalar soni

Varaqlar soni‎


‎
‎
‎
‎‎		 ‎

‎‎Imzo(lar)
‎‎
‎Talabnoma beruvchi(lar), yoki patent vakili, yoki talabnoma beruvchining boshqa vakilining imzosi, imzo(lar) qo‘yilgan sana (imzo yuridik shaxs nomidan qo‘yilganda, rahbarning yoki buning uchun boshqa vakolatli shaxsning imzosi muhr bilan tasdiqlanadi)

(4-ilova O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
Seleksiya yutug‘iga O‘zbekiston Respublikasi patentini berish uchun talabnoma tuzish, topshirish va ko‘rib chiqish qoidalariga
5-ILOVA
‎ ‎ ‎ ‎ ‎

Topshirish sanasi‎‎‎

Kirish raqami‎

(O‘zbekiston Respublikasi Adliya vazirligi tomonidan to‘ldiriladi)‎‎

‎Talabnoma beruvchi(lar)ning o‘zgarganligi to‘g‘risidagi yozuvni kiritish haqida
‎ARIZA
‎

O‘zbekiston Respublikasi Adliya vazirligi (pochta aloqasi),
‎Tel: ______ E-mail: __________

(21) Talabnoma raqami

 ‎‎

(22) Talabnoma topshirilgan sana‎

 ‎‎

‎‎(71) Talabnoma beruvchi

‎‎(98) Yozishmalar uchun manzil (xat oluvchining to‘liq pochta manzili, ismi yoki nomi)


Telefon: ‎‎

 ‎


‎Faks: ‎

 ‎


‎E-mail:‎

(74) Patent vakili (to‘liq ismi, ro‘yxatga olinganlik raqami)‎‎‎

‎‎Patent vakilining manzili (to‘liq pochta manzili)‎

Telefon: ‎‎‎

 ‎

‎Faks: ‎‎

 ‎

‎E-mail:‎‎

‎‎Ushbu arizani topshirar ekanman, talabnoma materiallariga talabnoma beruvchining o‘zgarganligi to‘g‘risidagi ‎yozuvni kiritishingizni so‘rayman

‎‎‎‎Talabnoma beruvchini o‘zgartirish uchun asoslar:

‎‎
‎ talabnoma beruvchi kontrakt, shartnoma imzolanganligi natijasida o‘zgartirilmoqda;
‎quyidagi hujjatlardan biri ilova qilinadi:

‎

‎‎ kontrakt, shartnomaning tasdiqlangan nushasi
‎ kontrakt, shartnomadan tasdiqlangan ko‘chirma
‎ huquq o‘tkazilganligi to‘g‘risidagi hujjat

‎‎
‎ talabnoma beruvchi qayta tuzilish natijasida o‘zgartirilmoqda;

‎

 qayta tashkillashtirilishni tasdiqlaydigan, uning quyidagi hujjatlardan birining asliga muvofiq ekanini isbotlash uchun tasdiqlangan hujjat nushasi ilova qilinadi: ‎‎


‎ talabnoma beruvchining o‘zgartirilishi kontrakt, shartnomaning imzolanishi, qayta tuzilish natijasi emas;

‎

‎‎‎‎ bunday o‘zgarishni tasdiqlaydigan, uning hujjatning asliga muvofiq ekanini isbotlash uchun tasdiqlangan hujjat nushasi ilova qilinadi

‎‎
‎Yangi talabnoma beruvchi

Talabnoma beruvchining pochta manzili

Telefon: ‎

 ‎

‎Faks: ‎‎‎

 ‎

‎E-mail:‎‎‎

‎‎Yozishmalar uchun manzil (to‘liq pochta manzili, ismi yoki nomi)
‎‎

Telefon: ‎‎

 ‎

‎Faks: ‎‎‎‎

 ‎

‎E-mail:‎‎‎‎

‎Patent vakili (to‘liq ismi, ro‘yxatga olingan raqami)
‎

Patent vakilining manzili (to‘liq pochta manzili)
‎‎

Telefon: ‎‎‎

 ‎

‎Faks: ‎‎‎‎‎

 ‎

‎E-mail:‎‎‎‎‎

‎‎‏ Arizaga ilova(lar):
‎ belgilangan miqdorda patent boji to‘langanligi haqidagi hujjat
‎ davom ettirish uchun varaqlar
‎ boshqa hujjatlar (ko‘rsatilsin)‎

Nushalar soni

Varaqlar soni


‎
‎
‎
‎‎		 ‎


‎Imzo va muhr
‎
‎
‎Avvalgi talabnoma beruvchi:
‎
‎Yangi talabnoma beruvchi:
‎
‎Patent vakili: ‎‎‎


‎
‎
‎
‎Imzo va sana
‎‎
‎Imzo va sana
‎‎
‎Imzo va sana‎‎‎

(5-ilova O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
Seleksiya yutug‘iga O‘zbekiston Respublikasi patentini berish uchun talabnoma tuzish, topshirish va ko‘rib chiqish qoidalariga
6-ILOVA
‎ ‎ ‎ ‎ ‎

Topshirish sanasi‎‎‎

 Kirish raqami‎‎

(O‘zbekiston Respublikasi Adliya vazirligi tomonidan to‘ldiriladi)

Tuzatish(lar) kiritish to‘g‘risida
ARIZA

O‘zbekiston Respublikasi Adliya vazirligi (pochta aloqasi),
‎Tel: ______ E-mail: __________

(21) Talabnoma raqami‎

 ‎‎

(22) Talabnoma topshirilgan sana‎

 ‎‎
‎‎(71) Talabnoma beruvchi

‎‎(98) Yozishmalar uchun manzil (xat oluvchining to‘liq pochta manzili, ismi yoki nomi)


Telefon: ‎‎

 ‎


‎Faks: ‎

 ‎


‎E-mail:‎

(74) Patent vakili (to‘liq ismi, ro‘yxatga olinganlik raqami)‎‎‎

‎‎Patent vakilining manzili (to‘liq pochta manzili)‎

Telefon: ‎‎‎

 ‎

‎Faks: ‎‎

 ‎

‎E-mail:‎‎

‎‎Ushbu arizani topshirar ekanman, talabnoma materiallariga quyidagi o‘zgartirish(lar)ni kiritishingizni so‘rayman:

‎‎To‘g‘rilanishi lozim bo‘lgan ma’lumotlar:
‎‎
‎davomini keyingi varaqdan qarang


‎‎‎To‘g‘rilangan ma’lumotlar:

davomini keyingi varaqdan qarang ‎‎

‎‎‏ Arizaga ilova(lar):
‎ belgilangan miqdorda patent boji to‘langani to‘g‘risidagi hujjat
‎ davom ettirish uchun varaqlar
‎ boshqa hujjatlar (ko‘rsatilsin)

Nushalar soni

Varaqlar soni‎


‎
‎
‎
‎‎		 ‎

‎‎Imzo(lar)
‎‎
‎Talabnoma beruvchi(lar), yoki patent vakili, yoki talabnoma beruvchining boshqa vakilining imzosi, imzo(lar) qo‘yilgan sana (imzo yuridik shaxs nomidan qo‘yilganda, rahbarning yoki buning uchun boshqa vakolatli shaxsning imzosi muhr bilan tasdiqlanadi)

(6-ilova O‘zbekiston Respublikasi adliya vazirining 2022-yil 14-oktabrdagi 24-mh-sonli buyrug‘i (ro‘yxat raqami 3393, 17.10.2022-y.) tahririda — Qonunchilik ma’lumotlari milliy bazasi, 17.10.2022-y., 10/22/3393/0952-son)
(O‘zbekiston Respublikasi qonun hujjatlari to‘plami, 2005-y., 2-son, 16-modda, 2011-y., 40-son, 425-modda; Qonunchilik ma’lumotlari milliy bazasi, 17.10.2022-y., 10/22/3393/0952-son; 03.11.2023-y., 10/23/3471/0825-son)