Oʻzbekiston Respublikasi Vazirlar Mahkamasining 2004-yil 9-fevraldagi 61-sonli “Muddati oʻtkazib yuborilgan debitorlik va kreditorlik qarzlarni qisqartirish va budjetga toʻlovlar intizomini mustahkamlash boʻyicha Respublika komissiyasini tashkil etish toʻgʻrisida”gi va 2004-yil 14-apreldagi 182-son “Muddati oʻtkazib yuborilgan debitorlik va kreditorlik qarzlarni qisqartirish va budjetga toʻlovlar intizomini mustahkamlash boʻyicha Respublika komissiyasi faoliyatini tashkil etish toʻgʻrisida”gi (Qonun hujjatlari toʻplami, 2004-yil 15-son, 178-modda) qarorlariga muvofiq, muddati oʻtkazib yuborilgan debitorlik va kreditorlik qarzlarni qisqartirish va budjetga toʻlovlar intizomini mustahkamlash boʻyicha Respublika komissiyasi qaror qiladi:

1. Budjet va davlat maqsadli jamgʻarmalariga toʻlovlar boʻyicha qarzlarni toʻlash muddatini kechiktirish va (yoki) boʻlib-boʻlib toʻlash imkonini berish, penya hisoblashni toʻxtatish, shuningdek penya va jarima sanksiyalarini hisobdan chiqarish toʻgʻrisidagi nizom ilovaga* muvofiq tasdiqlansin.

2. Hisob-kitoblar mexanizmini takomillashtirish va budjetga toʻlov intizomini mustahkamlash boʻyicha Hukumat komissiyasi tomonidan 2001-yil 5-iyulda 26-son bilan tasdiqlangan “Oʻz vaqtida toʻlanmagan qarzlarni toʻlashni kechiktirish va (yoki) boʻlib-boʻlib toʻlash uchun muddat berish, penyalar yozishni toʻxtatish, shuningdek soliqlar va budjet hamda budjetdan tashqari jamgʻarmalarga toʻlovlar boʻyicha penyalarni hisobdan chiqarish toʻgʻrisida nizom” (2001-yil 28-sentabr, roʻyxat raqami 1071) oʻz kuchini yoʻqotgan deb hisoblansin.

3. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtganidan keyin kuchga kiradi.