PF-5656-сон 05.02.2019. Alkogol va tamaki mahsulotlarini ishlab chiqarish va ularning aylanmasini davlat tomonidan tartibga solishni takomillashtirish hamda uzumchilik va vinochilikni rivojlantirishga doir chora-tadbirlar toʻgʻrisida

Hujjat 24.07.2019 sanasi holatiga
Amaldagi versiyaga o‘tish

Oʻzbekiston Respublikasi Prezidentining

Farmoni

Alkogol va tamaki mahsulotlarini ishlab chiqarish va ularning aylanmasini davlat tomonidan tartibga solishni takomillashtirish hamda uzumchilik va vinochilikni rivojlantirishga doir chora-tadbirlar toʻgʻrisida

Uzumchilik va vinochilikni yanada rivojlantirish, ishlab chiqarilayotgan alkogol va tamaki mahsulotlarini realizatsiya qilish tizimini takomillashtirish, ularning ishlab chiqarilishi va aylanmasini samarali monitoring qilish, davlatning iqtisodiyotdagi ishtirokini qisqartirish va mamlakatning investitsion jozibadorligini oshirish, shuningdek 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid Davlat dasturida belgilangan vazifalarning ijrosini taʼminlash maqsadida:

1. Oʻzbekiston Respublikasi Iqtisodiyot va sanoat vazirligi, Qishloq xoʻjaligi vazirligi, Moliya vazirligi, Davlat aktivlarini boshqarish agentligining:

a) Oʻzbekiston Respublikasi Qishloq xoʻjaligi vazirligi huzurida Uzumchilik va vinochilikni rivojlantirish agentligini (keyingi oʻrinlarda — Agentlik) tashkil qilish;

b) Oʻzbekiston Respublikasi Moliya vazirligi huzurida Alkogol va tamaki bozorini tartibga solish inspeksiyasini (keyingi oʻrinlarda — Inspeksiya) tashkil qilish;

v) “Oʻzsharobsanoat” AJning boshqaruv organlari yigʻilishlarida jamiyatning tashkilotlar ustav kapitallaridagi ulushini 1-ilovaga muvofiq Oʻzbekiston Respublikasi Davlat aktivlarini boshqarish agentligiga berish bilan jamiyatni tugatish masalasini koʻrib chiqishni ilgari surish;

g) quyidagilarning ustav kapitalidagi ulushini:

“Oʻzsharobsanoat” AJning “Zomin uzumchilik oʻquv markazi” MCHJni kelgusida uni Agentlik qoshidagi “Uzumchilik oʻquv markazi” DUKga aylantirgan holda;

“Oʻzsharobsanoat” AJning “Markaziy sinov laboratoriyasi” MCHJni kelgusida uni Agentlik huzuridagi “Enologiya laboratoriyasi” DUKga aylantirgan holda Agentlikka berish haqidagi takliflari qabul qilinsin.

2. Quyidagilar belgilansin:

a) Agentlikning asosiy vazifalar etib:

uzumchilik va vinochilik sohasida yagona davlat siyosatini yuritish, shuningdek uzumchilik va vinochilikni jadal rivojlantirishga yoʻnaltirilgan kompleks maqsadli dasturlarni ishlab chiqish va amalga oshirish;

uzum, asosan uning texnik navlari plantatsiyalarini kengaytirishga, va vinochilikni rivojlantirishga, zamonaviy resurs tejovchi texnologiyalarni joriy etishga hamda vinochilik korxonalarini kompleks modernizatsiyalashga koʻmaklashish;

raqobatbardosh vinochilik mahsulotlari ishlab chiqarishni tashkil qilish uchun toʻgʻridan-toʻgʻri investitsiyalarni jalb etishda uzum yetishtiruvchilar va vino tayyorlovchilarni qoʻllab-quvvatlash, tashqi bozorlar konyunkturasini chuqur marketing tadqiqotlari oʻtkazish yoʻli bilan sohaning eksport salohiyatini oshirish, shuningdek mahalliy vinochilik mahsulotlarini respublikada, jumladan xorijda ham ommalashtirish;

xorijiy va mahalliy taʼlim muassasalari, ilmiy-tadqiqot institutlari va tarmoqning yetakchi ishlab chiqaruvchilari bilan hamkorlik qilish orqali uzumchilik va vinochilik sohasida yuqori malakali mutaxassislarni tayyorlashga koʻmaklashish;

uzum koʻchatlari yetishtiruvchilar faoliyatini tartibga solish, uzum, meva va rezavorlardan tayyorlangan alkogol mahsulotlari sifatini aniqlash yuzasidan Inspeksiya bilan hamkorlik qilish;

Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi bilan birgalikda uzum plantatsiyalarining elektron reyestrini yuritish;

b) Inspeksiyaning asosiy vazifalar etib:

isteʼmol va texnik etil spirti, alkogol va tamaki mahsulotlarini ishlab chiqarish, shuningdek alkogol mahsulotlarining ulgurji savdosi boʻyicha faoliyatni litsenziyalashtirish;

isteʼmol va texnik etil spirti, alkogol va tamaki mahsulotlarini ishlab chiqarish hamda ularning aylanmasi hajmlarini monitoring va nazorat qilish boʻyicha axborot tizimlarini joriy etish va rivojlantirish;

alkogol va boshqa mahsulotlarni ishlab chiqarish uchun korxonalar oʻrtasida isteʼmol etil spirtini belgilangan tartibda taqsimlash;

davlat standartlari va qonun hujjatlari talablariga qatʼiy amal qilgan holda isteʼmol va texnik etil spirti, alkogol va tamaki mahsulotlarini ishlab chiqarishda texnik va texnologik normalarga rioya etilishini nazorat qilish;

isteʼmol va texnik etil spirti, alkogol va tamaki mahsulotlarining saqlanish sifati va aylanmasini, shu jumladan isteʼmol va texnik etil spirti, alkogol va tamaki mahsulotlarini ishlab chiqarishda qoʻllanadigan xomashyo va yordamchi materiallar sifatini nazorat qilish;

isteʼmol va texnik etil spirti, alkogol va tamaki mahsulotlarini ishlab chiqarish va ular aylanmasining haqiqiy hajmlarini monitoring qilish, shuningdek alkogol va tamaki mahsulotlari uchun yangi namunadagi aksiz markalarini ishlab chiqishda qatnashish;

isteʼmol va texnik etil spirti, alkogol va tamaki mahsulotlarini ishlab chiqaruvchilar hamda alkogol mahsulotlarining ulgurji savdosi bilan shugʻullanuvchi korxonalar tomonidan soliqlar va boshqa majburiy toʻlovlarning oʻz vaqtida va toʻliq tushirilishini taʼminlash boʻyicha davlat soliq xizmati organlari bilan oʻzaro hamkorlik qilish;

uzum, meva va rezavorlardan tayyorlangan alkogol mahsulotlari sifatini aniqlash yuzasidan Agentlik bilan hamkorlik qilish.

Keyingi tahrirga qarang.

3. Shunday tartib belgilansinki, unga muvofiq:

Keyingi tahrirga qarang.

isteʼmol va texnik etil spirti, alkogol va tamaki mahsulotlarini ishlab chiqarish hamda alkogol mahsulotlarining ulgurji savdosi Inspeksiya tomonidan belgilangan tartibda beriladigan litsenziyalar asosida amalga oshiriladi;

Keyingi tahrirga qarang.

alkogol mahsulotlarini ishlab chiqaruvchilar mahsulotni faqat ulgurji tashkilotlarga realizatsiya qiladi, pivo mahsulotlari, koʻpiklanadigan va tabiiy vinolar bundan mustasno;

barcha yuridik shaxslar qonunchilikda belgilangan tartibda alkogol mahsulotlarining ulgurji savdosi bilan shugʻullanishga haqli;

mahalliy pivo mahsulotlari, koʻpiklanadigan va tabiiy vinolarni realizatsiya qilish barcha savdo korxonalari, shuningdek mehmonxonalar xizmatlarini hamda alkogol mahsulotlarini realizatsiya qilish huquqini beruvchi ruxsat etish guvohnomasi boʻlmasdan turib umumiy ovqatlanish xizmatlarini koʻrsatuvchi tashkilotlar tomonidan amalga oshirilishi mumkin;

Keyingi tahrirga qarang.

Inspeksiya huzuridagi etil spirti sifatini aniqlash boʻyicha laboratoriyalar, ularning tegishli tarzda ishlashi uchun zarur texnik sharoitlarni taʼminlaydigan isteʼmol etil spirtini ishlab chiqaruvchi korxonalarda joylashadi;

Keyingi tahrirga qarang.

ishlab chiqaruvchilar tomonidan isteʼmol etil spirtini realizatsiya qilish 100 foiz haqini oldindan toʻlash shartlarida amalga oshiriladi;

Keyingi tahrirga qarang.

alkogol mahsulotlarini ishlab chiqaruvchilar oldindan toʻlovni amalga oshirmasdan alkogol mahsulotlarini realizatsiya qilish huquqiga ega.

alkogol mahsulotlarini ishlab chiqaruvchilar tomonidan isteʼmol etil spirtini Inspeksiya tomonidan taqsimlangan hajmlardan ortiqcha hajmda xarid qilish Inspeksiyani belgilangan tartibda xabardor qilish yoʻli bilan amalga oshiriladi;

Keyingi tahrirga qarang.

alkogol va tamaki mahsulotlarini ishlab chiqarish hajmlarini rejalashtirish ishlab chiqaruvchilar tomonidan bozor konyunkturasini hisobga olgan holda amalga oshiriladi.

Keyingi tahrirga qarang.

4. 2020-yil 1-yanvardan boshlab aroq va (yoki) likyor-aroq mahsulotlarini ishlab chiqaruvchilar uchun alkogol mahsulotlarini ishlab chiqarish boʻyicha faoliyatni amalga oshirishga quyidagi qoʻshimcha litsenzion talablar joriy etilsin:

uch yil ichida oʻzining texnik uzum navlari plantatsiyalarini bir tekis yaratish va kelgusida vino materiallari va (yoki) vino ishlab chiqarishni tashkil qilish. Bunda texnik uzum navlari ekilganidan keyingi uch yildan soʻng texnik uzum navlari plantatsiyalarining maydoni aroq va (yoki) likyor-aroq mahsulotlarini yillik ishlab chiqarish hajmining 75 foiziga mutanosib keladigan vino materiallari va (yoki) vino ishlab chiqarish uchun zarur boʻlgan hosilni yigʻish imkonini berishi kerak;

aroq hamda isteʼmol etil spirtidan aroq va likyor-aroq mahsulotlarini ishlab chiqarish boʻyicha mavjud yillik ishlab chiqarish quvvatlaridan oʻrnatilgan quvvatlarning 60 foizidan kam boʻlmagan miqdorda foydalanilishini taʼminlash. Bunda yillik ishlab chiqarish hajmi absolyut alkogolga qayta hisoblaganda kamida 100 ming dekalitrni tashkil qilishi lozim;

aroq ishlab chiqarmaydigan korxonalarda isteʼmol etil spirtidan likyor-aroq mahsulotlarini ishlab chiqarish boʻyicha mavjud yillik ishlab chiqarish quvvatlaridan oʻrnatilgan quvvatlarning 50 foizidan kam boʻlmagan miqdorda foydalanilishini taʼminlash.

Bunda uzum, mevalar va rezavordan tayyorlangan alkogol mahsulotlariga minimal ishlab chiqarish hajmi boʻyicha litsenzion talab oʻrnatilmaydi.

Oldingi tahrirga qarang.

5. Belgilansinki, Oʻzbekiston Respublikasi Vazirlar Mahkamasining Etil spirti, alkogolli mahsulotlar ishlab chiqarish va tamaki mahsulotlari ishlab chiqarish faoliyatini litsenziyalash komissiyasi tomonidan alkogolli mahsulotlar ishlab chiqarish faoliyatini amalga oshirishga ilgari berilgan litsenziyalar, amal qilish muddatidan qatʼi nazar, 2020-yil 1-yanvargacha haqiqiy hisoblanadi va yangi litsenziya talablarini hisobga olgan holda qayta rasmiylashtirilishi shart.

(5-band Oʻzbekiston Respublikasi Prezidentining 2019-yil 24-iyuldagi PF-5771-sonli Farmoni tahririda — Qonun hujjatlari maʼlumotlari milliy bazasi, 24.07.2019-y., 06/19/5771/3474-son — 2019-yil 15-avgustdan kuchga kiradi)

6. Oʻzbekiston Respublikasi Davlat aktivlarini boshqarish agentligi:

Toshkent shahri, Abay koʻchasi, 6-uy manzili boʻyicha joylashgan tugatilayotgan “Oʻzsharobsanoat” AJning bino va inshootlarini jihozlari va tashkiliy texnikasi bilan birga Agentlik va Inspeksiyaning operativ boshqaruviga berish, shuningdek tugatish jarayoni yakunlanganidan keyin jamiyatning qolgan pul mablagʻlari va asosiy vositalarini Agentlik va Inspeksiyaga teng ulushlarda taqsimlash;

bir oy muddatda “Oʻzstandart” agentligi balansidagi etil spirtning sifatini aniqlash boʻyicha laboratoriyalar mulkini Inspeksiyaning operativ boshqaruviga berish;

Oldingi tahrirga qarang.

(6-bandning toʻrtinchi xatboshisi Oʻzbekiston Respublikasi Prezidentining 2019-yil 1-iyuldagi PQ-4381-sonli qaroriga asosan chiqarilgan — Qonun hujjatlari maʼlumotlari milliy bazasi, 04.07.2019-y., 07/19/4381/3375-son)

2019-yilning oxirigacha “Oʻzsharobsanoat” AJning mazkur Farmonga 1-ilovada koʻzda tutilgan agrofirmalar, ulgurji bazalar va boshqa tashkilotlar ustav jamgʻarmalaridagi davlat ulushlarini belgilangan tartibda savdoga qoʻyishni taʼminlasin.

Oʻzbekiston Respublikasi Investitsiyalar va tashqi savdo vazirligi hamda Davlat aktivlarini boshqarish agentligi salohiyatli, jumladan xorijiy investorlarni mazkur Farmonga muvofiq realizatsiya qilinadigan obyektlar haqida keng xabardor qilish va ularni xarid qilishga jalb etish boʻyicha zarur chora-tadbirlarni qabul qilsin.

7. Iqtisodiyot va sanoat vazirligi Qishloq xoʻjaligi vazirligi bilan birgalikda bir oy muddatda, texnologik va iqtisodiy maqsadga muvofiqligini inobatga olgan holda, isteʼmol etil spirtini ishlab chiqaruvchilar tomonidan oʻz bugʻdoyzorlarini tashkil qilish boʻyicha takliflarni Oʻzbekiston Respublikasi Vazirlar Mahkamasiga kiritsin.

8. Oʻzbekiston Respublikasi Moliya vazirligi ikki oy muddatda mazkur Farmon talablarini inobatga olgan holda, jumladan quyidagilarni nazarda tutuvchi “Oʻzbekiston Respublikasining ayrim qonun hujjatlariga oʻzgartirishlar va qoʻshimchalar kiritish toʻgʻrisida”gi Qonun loyihasini Oʻzbekiston Respublikasi Vazirlar Mahkamasiga kiritsin:

alkogol mahsulotlari aylanmasini hisobga olish axborot tizimiga ulanishni asosiy litsenziya talabi sifatida belgilagan holda alkogol mahsulotining ulgurji savdosini amalga oshirish boʻyicha litsenziya faoliyatining yangi turini joriy etish;

alkogol va tamaki mahsulotlarining taʼlim, sport va diniy muassasalardan toʻgʻri chiziq boʻyicha ikki yuz metrdan ortiq radiusda joylashgan savdo obyektlarida, shuningdek umumiy savdo maydoni ming kvadrat metrdan ortiq boʻlgan savdo majmualari (bozorlar) va yarmarka pavilyonlarida realizatsiya qilish;

respublika hududiga alkogol mahsulotlarini polietilen, polistirol va boshqa polimer materiallardan tayyorlangan polimer isteʼmol idishlarida olib kirishga taqiq va javobgarlikni oʻrnatish, pivo va vino mahsulotlari bundan mustasno.

9. Oʻzbekiston Respublikasi Prezidentining ayrim hujjatlariga 2-ilovaga muvofiq oʻzgartirish va qoʻshimchalar kiritilsin.

10. Oʻzbekiston Respublikasi Moliya vazirligi va Qishloq xoʻjaligi vazirligi boshqa manfaatdor vazirliklar va idoralar bilan birgalikda ikki oy muddatda qonun hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritilsin.

11. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2019-yil 5-fevral,

PF-5656-son

Oʻzbekiston Respublikasi Prezidentining 2019-yil 5-fevraldagi PF-5656-son Farmoniga
1-ILOVA

“Oʻzsharobsanoat” AJning Oʻzbekiston Respublikasi Davlat aktivlarini boshqarish agentligiga beriladigan tashkilotlar ustav kapitallaridagi ulushlari

roʻyxati

T/r	Tashkilot nomi	Hudud	“Oʻzsharobsanoat” AJ ulushi (foizlarda)
Etil spirti ishlab chiqaruvchi korxonalar
1.	“Andijon biokimyo zavodi” AJ*	Andijon viloyati	51,02
2.	“Biokimyo” AJ*	Toshkent viloyati	51,0
3.	“Bektemir-spirt eksperimental zavodi” AJ*	Toshkent sh.	51,0
Alkogol, likyor-aroq va vinochilik mahsulotlari ishlab chiqaruvchi korxonalar
1.	“Noʻkis vino zavodi” AJ*	Qoraqalpogʻiston Respublikasi	51,0
2.	“Shohrud” AJ	Buxoro viloyati	51,0
3.	“Shahrisabz vino-aroq” AJ	Qashqadaryo viloyati	51,01
4.	“Namanganvino” AJ	Namangan viloyati	57,24
5.	“Xovrenko nomidagi Samarqand vino kombinati” AJ	Samarqand viloyati	51,0
6.	“Denov vino-aroq” AJ	Surxondaryo viloyati	51,0
7.	“Sirdaryovino” AJ	Sirdaryo viloyati	51,0
8.	“Konvin”AJ	Toshkent viloyati	51,0
9.	“Mastona” AJ	Fargʻona viloyati	51,0
10.	“Urganchsharob” AJ	Xorazm viloyati	53,94
11.	“Oʻzbekiston shampani” AJ	Toshkent sh.	51,0
12.	“Toshkentvino kombinati” AJ*	Toshkent sh.	51,79
“Sharobsavdo” ulgurji bazalari
1.	“Qoraqalpoqsharobsavdo” MCHJ	Qoraqalpogʻiston Respublikasi	100,0
2.	“Toʻrtkoʻlsharobsavdo” MCHJ	Qoraqalpogʻiston Respublikasi	100,0
3.	“Ellikqalʼasharobsavdo” MCHJ	Qoraqalpogʻiston Respublikasi	100,0
4.	“Taxiatosh shahar sharobsavdo” MCHJ	Qoraqalpogʻiston Respublikasi	100,0
5.	“Beruniysharobsavdo” MCHJ	Qoraqalpogʻiston Respublikasi	100,0
6.	“Qoʻngʻirotsharobsavdo” MCHJ	Qoraqalpogʻiston Respublikasi	100,0
7.	“Andijonsharobsavdo” MCHJ	Andijon viloyati	100,0
8.	“Qoʻrgʻontepasharobsavdo” MCHJ	Andijon viloyati	100,0
9.	“Shahrixonsharobsavdo” MCHJ	Andijon viloyati	100,0
10.	“Qoradaryosharobsavdo” MCHJ	Andijon viloyati	100,0
11.	“Baliqchi tuman sharobsavdo” MCHJ	Andijon viloyati	100,0
12.	“Xoʻjaobodsharobsavdo” MCHJ	Andijon viloyati	100,0
13.	“Gʻijduvonsharobsavdo” MCHJ	Buxoro viloyati	100,0
14.	“Olot tuman sharobsavdo” MCHJ	Buxoro viloyati	100,0
15.	“Buxoro shahar sharobsavdo” MCHJ	Buxoro viloyati	100,0
16.	“Tozasharob” MCHJ	Buxoro viloyati	100,0
17.	“Jondorsharobsavdo” MCHJ	Buxoro viloyati	100,0
18.	“Peshku tuman sharobsavdo” MCHJ	Buxoro viloyati	100,0
19.	“Doʻstliksharobsavdo” MCHJ	Jizzax viloyati	100,0
20.	“Dashtobodsharobsavdo” MCHJ	Jizzax viloyati	100,0
21.	“Marjonbuloqsharobsavdo” MCHJ	Jizzax viloyati	100,0
22.	“Bahmalsharobsavdo” MCHJ	Jizzax viloyati	100,0
23.	“Gʻallaorol tuman sharobsavdo” MCHJ	Jizzax viloyati	100,0
24.	“Zominsharobsavdo” MCHJ	Jizzax viloyati	100,0
25.	“Kitobsharobsavdo” MCHJ	Qashqadaryo viloyati	100,0
26.	“Nishon tuman sharobsavdo” MCHJ	Qashqadaryo viloyati	100,0
27.	“Yakkabogʻsharobsavdo” MCHJ	Qashqadaryo viloyati	100,0
28.	“Qarshisharobsavdo” MCHJ	Qashqadaryo viloyati	100,0
29.	“Qiziltepasharobsavdo” MCHJ	Navoiy viloyati	100,0
30.	“Navoiy viloyat sharobsavdo” MCHJ	Navoiy viloyati	100,0
31.	“Xatirchisharobsavdo” MCHJ	Navoiy viloyati	100,0
32.	“Zarafshonsharobsavdo” MCHJ	Navoiy viloyati	100,0
33.	“Chortoq tuman sharobsavdo” MCHJ	Namangan viloyati	100,0
34.	“Qorakoʻlsharobsavdo” MCHJ	Namangan viloyati	100,0
35.	“Yangiqoʻrgʻonsharobsavdo” MCHJ	Namangan viloyati	100,0
36.	“Samarqand shahar sharobsavdo” MCHJ	Samarqand viloyati	100,0
37.	“Samarqand tuman sharobsavdo” MCHJ	Samarqand viloyati	100,0
38.	“Oqariqsharobsavdo” MCHJ	Samarqand viloyati	100,0
39.	“Kattaqoʻrgʻon shahar sharobsavdo” MCHJ	Samarqand viloyati	100,0
40.	“Siyosharobsavdo” MCHJ	Samarqand viloyati	100,0
41.	“Ishtixonsharobsavdo” MCHJ	Samarqand viloyati	100,0
42.	“Sifatsharobsavdo” MCHJ	Samarqand viloyati	100,0
43.	“Denovsharobsavdo” MCHJ	Surxondaryo viloyati	100,0
44.	“Qumqoʻrgʻonsharobsavdo” MCHJ	Surxondaryo viloyati	100,0
45.	“Jarqoʻrgʻonsharobsavdo” MCHJ	Surxondaryo viloyati	100,0
46.	“Oltinsoy tuman sharobsavdo” MCHJ	Surxondaryo viloyati	100,0
47.	“Maliksharobsavdo” MCHJ	Sirdaryo viloyati	100,0
48.	“Mirzaobodsharobsavdo” MCHJ	Sirdaryo viloyati	100,0
49.	“Guliston shahar sharobsavdo” MCHJ	Sirdaryo viloyati	100,0
50.	“Toshkentsharobsavdo” MCHJ	Toshkent viloyati	100,0
51.	“Qibraysharobsavdo” MCHJ	Toshkent viloyati	100,0
52.	“Kelessharobsavdo” MCHJ	Toshkent viloyati	100,0
53.	“Damachisharobsavdo” MCHJ	Toshkent viloyati	100,0
54.	“Oʻzgarishsharobsavdo” MCHJ	Toshkent viloyati	100,0
55.	“Olmaliqsharobsavdo” MCHJ	Toshkent viloyati	100,0
56.	“Yangiyoʻlsharobsavdo” MCHJ	Toshkent viloyati	100,0
57.	“Chirchiqsharobsavdo” MCHJ	Toshkent viloyati	100,0
58.	“Quyichirchiqsharobsavdo” MCHJ	Toshkent viloyati	100,0
59.	“Oʻrtaovulsharobsavdo” MCHJ	Toshkent viloyati	100,0
60.	“Ohangaron shahar sharobsavdo” MCHJ	Toshkent viloyati	100,0
61.	“Chinozsharobsavdo” MCHJ	Toshkent viloyati	100,0
62.	“Bekobodsharobsavdo” MCHJ	Toshkent viloyati	100,0
63.	“Gʻazalkentsharobsavdo” MCHJ	Toshkent viloyati	100,0
64.	“Boʻstonliq tuman sharobsavdo” MCHJ	Toshkent viloyati	100,0
65.	“Osiyosharobsavdo” MCHJ	Fargʻona viloyati	100,0
66.	“Qoʻqon shahar sharobsavdo” MCHJ	Fargʻona viloyati	100,0
67.	“Vodilsharobsavdo” MCHJ	Fargʻona viloyati	100,0
68.	“Xorazmsharobsavdo” MCHJ	Xorazm viloyati	100,0
69.	“Xonkasharobsavdo” MCHJ	Xorazm viloyati	100,0
70.	“Xivasharobsavdo” MCHJ	Xorazm viloyati	100,0
71.	“Yangibozorsharobsavdo” MCHJ	Xorazm viloyati	100,0
72.	“Qoʻshkoʻpirsharobsavdo” MCHJ	Xorazm viloyati	100,0
73.	“Markazsharobsavdo” MCHJ	Toshkent sh.	100,0
74.	“Oynursharobsavdo” MCHJ	Toshkent sh.	100,0
75.	“Faizsharobsavdo” MCHJ	Toshkent sh.	100,0
76.	“Chilonzor tuman sharobsavdo” MCHJ	Toshkent sh.	100,0
77.	“Mirzo Ulugʻbek tuman hududiy ixtisoslashgan sharob-savdo bazasi” MCHJ	Toshkent sh.	100,0
78.	“Yantarsharobsavdo” MCHJ	Toshkent sh.	100,0
79.	“Yunusobod tuman sharobsavdo” MCHJ	Toshkent sh.	100,0
80.	“Uchtepasharobsavdo” MCHJ	Toshkent sh.	100,0
81.	“Shayhontoxursharobsavdo” MCHJ	Toshkent sh.	100,0
82.	“Sharqsharobsavdo” MCHJ	Toshkent sh.	100,0
Agrofirmalar
1.	“Agroexport RK-group” MCHJ	Qoraqalpogʻiston Respublikasi	3,35
2.	“Vodiy mirishkori agrofirmasi” MCHJ	Andijon viloyati	10,0
3.	“Oltin shingil agrofirmasi” MCHJ	Andijon viloyati	2,38
4.	“Uzumsharobeksport” MCHJ	Andijon viloyati	10,0
5.	“Buxaraagrofrukt” MCHJ	Buxoro viloyati	1,9
6.	“Shofirkon uzum” MCHJ	Buxoro viloyati	5,86
7.	“Buxaraagromirimpeks” MCHJ	Buxoro viloyati	14,2
8.	“Baxmalagrosilver” MCHJ	Jizzax viloyati	5,92
9.	“Gʻallaorol agrotex gold” MCHJ	Jizzax viloyati	14,66
10.	“Yangioboduzumservis” MCHJ **	Jizzax viloyati	93,5
11.	“Shahrisabz noz-nematlari” MCHJ	Qashqadaryo viloyati	5,57
12.	“Kitobuzumservis” MCHJ	Qashqadaryo viloyati	74,95
13.	“Tupchoq uzumzorlari” MCHJ	Qashqadaryo viloyati	8,44
14.	“Yakkaboguzumservis” MCHJ	Qashqadaryo viloyati	9,0
15.	“Jannatmakon saxovati agrofirmasi” MCHJ	Navoiy viloyati	9,1
16.	“Xatirchi uzumzori” MCHJ	Navoiy viloyati	17,92
17.	“Quyoshli yurt uzumi” MCHJ	Namangan viloyati	11,2
18.	“Kapitalagroimpeks” MCHJ	Namangan viloyati	2,3
19.	“Urgut zamin sohibkori” MCHJ	Samarqand viloyati	5,93
20.	“Sirdaryo moʻminobod toklari” MCHJ	Samarqand viloyati	10,0
21.	“Bulungʻurmevaeksport” MCHJ	Samarqand viloyati	5,2
22.	“Charosagrouzumlari” MCHJ	Samarqand viloyati	8,06
23.	“Agromevauzum” MCHJ	Samarqand viloyati	10,0
24.	“Maroqand oxalik uzumlari” MCHJ	Samarqand viloyati	10,0
25.	“Kattaqoʻrgʻon maska uzum bogʻlari” MCHJ	Samarqand viloyati	10,0
26.	“Ishtixonmevaeksport” MCHJ	Samarqand viloyati	10,0
27.	“Dilkisho-sifat” MCHJ	Samarqand viloyati	9,99
28.	“Shashmohkashob” MCHJ	Surxondaryo viloyati	0,99
29.	“Qumqoʻrgʻon agrofirmasi” MCHJ	Surxondaryo viloyati	10,0
30.	“Oltinsoy kamalagi” MCHJ	Surxondaryo viloyati	10,0
31.	“Qorasuvmevasabzavod” MCHJ	Surxondaryo viloyati	4,72
32.	“Mirzaobodanorzoruzumzorlari” MCHJ	Sirdaryo viloyati	74,7
33.	“Agrobiznesparkent” MCHJ	Toshkent viloyati	5,91
34.	“Parkentkonsaltingtexnikservis” MCHJ	Toshkent viloyati	73,8
35.	“Boʻstonliquzumservis” MCHJ	Toshkent viloyati	2,97
36.	“Yangiyoʻldavragro” MCHJ	Toshkent viloyati	5,87
37.	“Fayzmegamax” MCHJ	Toshkent viloyati	9,38
38.	“Ohangaronuzumagro” MCHJ	Toshkent viloyati	10,0
39.	“Zangiotauzummahsulotsavdo” MCHJ	Toshkent viloyati	10,0
40.	“Mastona Osiyo Namkor” MCHJ	Fargʻona viloyati	1,31
41.	“Quvasoyuzumzori” MCHJ	Fargʻona viloyati	10,0
42.	“Xorazmuzumitayyorlovsavdo” MCHJ	Xorazm viloyati	1,71
Boshqa tashkilotlar
1.	“Yangiobod uzumchilik oʻquv markazi” MCHJ	Jizzax viloyati	1,25
2.	“Uzagroelectron” MCHJ	Qashqadaryo viloyati	100
3.	“Yakkabogʻsharobkonserva” MCHJ	Qashqadaryo viloyati	98,53
4.	“Chorraxamuzmeva” MCHJ	Qashqadaryo viloyati	42,8
5.	“Original gold garden” MCHJ	Qashqadaryo viloyati	32,2
6.	“Davr sharob” MCHJ	Qashqadaryo viloyati	24,3
7.	“Subtropik ekinlari” MCHJ	Surxondaryo viloyati	100
8.	“Xoʻjaipok sanatoriyasi sogʻlomlashtirish majmuasi” MCHJ	Surxondaryo viloyati	42,9
9.	“Chotqol” MCHJ	Toshkent viloyati	12,5
10.	“Vinagroimpeks” MCHJ	Toshkent sh.	52,51
11.	“Mark and Control Sys.” MCHJ	Toshkent sh.	30,0
12.	“Vinolar markazi” MCHJ	Toshkent sh.	12,0
13.	“Qishloq hayoti” gazetasi tahririyati” MCHJ	Toshkent sh.	12,0
14.	“BLKTB-Mevasabzavot” MCHJ	Toshkent sh.	11,35
15.	“Sharobsoz” MCHJ	Toshkent sh.	4,34
16.	“Qishloq qurilish invest” MCHJ	Toshkent sh.	2,75
17.	“Qishloq qurilish bank” ATB	Toshkent sh.	1,20
18.	“Savdogar” ATB	Toshkent sh.	0,02
19.	“Oʻzqishloqxoʻjalikmashlizing” AJ	Toshkent sh.	0,0003

* Davlat ulushi xususiy mulk etib sotilmaydi.

** “Yangioboduzumservis” MCHJga nisbatan mulkiy huquq va majburiyatlar Oʻzbekiston Respublikasi Davlat aktivlarini boshqarish agentligiga oʻtadi.

Keyingi tahrirga qarang.

Oʻzbekiston Respublikasi Prezidentining 2019-yil 5-fevraldagi PF-5656-son Farmoniga
2-ILOVA

Oʻzbekiston Respublikasi Prezidentining ayrim hujjatlariga kiritilayotgan

oʻzgartirish va qoʻshimchalar

1. Oʻzbekiston Respublikasi Prezidentining 1997-yil 19-iyundagi PF-1790-son “Alkogolli mahsulot ishlab chiqarishga davlat monopoliyasini joriy etish toʻgʻrisida”gi Farmonning:

a) 1-bandidan “aroq hamda boshqa alkogolli mahsulotlar” soʻzlari chiqarib tashlansin;

b) 2-bandi oʻz kuchini yoʻqotgan deb hisoblansin.

Keyingi tahrirga qarang.

2. Oʻzbekiston Respublikasi Prezidentining 2003-yil 9-dekabrdagi PF-3358-son “Respublika davlat boshqaruvi organlari tizimini takomillashtirish toʻgʻrisida”gi Farmonida:

a) ilovaning III boʻlimi quyidagi mazmundagi 8-band bilan toʻldirilsin:

“8. Oʻzbekiston Respublikasi Qishloq xoʻjaligi vazirligi huzuridagi Uzumchilik va vinochilikni rivojlantirish agentligi”;

b) ilovaning VI boʻlimi quyidagi mazmundagi 11-band bilan toʻldirilsin:

“11. Oʻzbekiston Respublikasi Moliya vazirligi huzuridagi Alkogol va tamaki bozorini tartibga solish inspeksiyasi”.

Keyingi tahrirga qarang.

3. Oʻzbekiston Respublikasi Prezidentining 2018-yil 27-iyuldagi PF-5490-son “Tadbirkorlik subyektlarining huquqlari va qonuniy manfaatlarini himoya qilish tizimini yanada takomillashtirish chora-tadbirlari toʻgʻrisida”gi Farmoni 2-ilovasining rus tilidagi matni quyidagi mazmundagi 26-band bilan toʻldirilsin:

“

26.

Proverka proizvoditeley etilovogo spirta, alkogolnoy i tabachnoy produksii, a takje predpriyatiy optovoy torgovli alkogolnoy produksii na predmet:

selostnosti izmeritelnix priborov, plomb i drugix sredstv, monitoringa;

ostatkov etilovogo spirta i alkogolnoy produksii;

otsutstviya dopolnitelnix moshnostey po proizvodstvu pishevogo i texnicheskogo etilovogo spirta, a takje alkogolnoy produksii, ne zayavlennix pri poluchenii litsenzii;

sootvetstviya kachestva vinomaterialov iz vinograda, fruktov i yagod deystvuyushim texnicheskim trebovaniyam.

Inspeksiya po regulirovaniyu alkogolnogo i tabachnogo rinka pri Ministerstve finansov Respubliki Uzbekistan

ne boleye
3 dney

”.

Keyingi tahrirga qarang.

4. Oʻzbekiston Respublikasi Prezidentining 2018-yil 28-avgustdagi PF-5527-son “Idoralararo kollegial organlarni tubdan qisqartirish va yanada optimallashtirish chora-tadbirlari toʻgʻrisida”gi Farmoni 1-ilovasining rus tilidagi matni 65-pozitsiyasi quyidagi tahrirda bayon etilsin:

“

65.

Komissiya Kabineta Ministrov po litsenzirovaniyu deyatelnosti po proizvodstvu etilovogo spirta, alkogolnoy produksii i proizvodstvu tabachnix izdeliy

Postanovleniye Kabineta Ministrov Respubliki Uzbekistan ot 7-aprelya 2017 goda № 192 “Ob utverjdenii obnovlennogo sostava Komissii Kabineta Ministrov po litsenzirovaniyu deyatelnosti po proizvodstvu etilovogo spirta, alkogolnoy produksii i proizvodstvu tabachnix izdeliy”

Inspeksiya po regulirovaniyu alkogolnogo i tabachnogo rinka pri Ministerstve finansov Respubliki Uzbekistan

”.

5. Oʻzbekiston Respublikasi Prezidentining 2006-yil 7-noyabrdagi PQ-505-son “Alkogolli mahsulotlarni ishlab chiqarish va sotish samaradorligini oshirishga doir qoʻshimcha chora-tadbirlar toʻgʻrisida”gi qarorida:

a) 1-bandning uchinchi xatboshidagi “faqat “Oʻzsharobsanoat” AJ tomonidan har chorakda tashkil etiladigan yarmarka savdolarida belgilangan tartibda amalga oshiriladi” soʻzlari “Oʻzbekiston Respublikasi Moliya vazirligi huzuridagi Alkogol va tamaki bozorini tartibga solish inspeksiyasi tomonidan belgilangan tartibda tashkil etiladi” soʻzlariga almashtirilsin;

Keyingi tahrirga qarang.

b) 2-bandning uchinchi va toʻrtinchi xatboshilari chiqarib tashlansin;

v) 4-band oʻz kuchini yoʻqotgan deb hisoblansin.

6. Oʻzbekiston Respublikasi Prezidentining 2018-yil 28-fevraldagi PQ-3573-son “Vinochilik sohasini va alkogolli mahsulotlarni realizatsiya qilishni tubdan takomillashtirish chora-tadbirlari toʻgʻrisida”gi qarori 2-bandining beshinchi xatboshi quyidagi mazmundagi jumla bilan toʻldirilsin:

“Bunda ushbu faoliyatga mazkur bandning toʻrtinchi xatboshi talablari tatbiq etilmaydi”.

(Qonun hujjatlari maʼlumotlari milliy bazasi, 06.02.2019-y., 06/19/5656/2586-son, 04.07.2019-y., 07/19/4381/3375-son, 24.07.2019-y., 06/19/5771/3474-son; 24.07.2020-y., 06/20/6033/1094-son; Qonunchilik maʼlumotlari milliy bazasi, 30.04.2021-y., 06/21/6218/0398-son, 23.08.2021-y., 06/21/6280/0811-son, 30.12.2021-y., 06/21/42/1224-son; 05.06.2024-y., 06/24/84/0400-son; 23.11.2024-y., 06/24/184/0954-son; 11.12.2024-y., 06/24/214/1018-son; 22.04.2025-y., 06/25/70/0375-son)