Oʻzbekiston Respublikasi Prezidentining “Kreditorlarning huquqiy himoyasini kuchaytirish va tadbirkorlik faoliyatini moliyalashtirish mexanizmlarini takomillashtirish chora-tadbirlari toʻgʻrisida” 2018-yil 23-noyabrdagi PQ-4026-son qaroriga muvofiq Vazirlar Mahkamasi qaror qiladi:

1. Vazirlar Mahkamasining ““Garov reyestri toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida” 2014-yil 12-iyundagi 155-son qaroriga (Oʻzbekiston Respublikasi QT, 2014-y., 6-son, 61-modda) ilovaga muvofiq oʻzgartirishlar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Moliya vaziri J.A. Qoʻchqorov zimmasiga yuklansin.

1. 1-banddagi “shtatdagi xodimlarning cheklangan soni 6 nafardan iborat boʻlgan (yordamchi va xizmat koʻrsatuvchi xodimlarsiz)” soʻzlari chiqarib tashlansin.

2. 5-bandda:

ikkinchi xatboshidagi “yigirma foizi” soʻzlari “oʻn foizi” soʻzlari bilan almashtirilsin;

uchinchi xatboshidagi “oʻn foizi” soʻzlari “besh foizi” soʻzlari bilan almashtirilsin.