1438-сон 29.12.2004. Oliy taʼlim muassasalarining pedagogika va kasbiy taʼlim yoʻnalishlari boʻyicha davlat grantlari asosida tahsil olgan bitiruvchilarni umumtaʼlim maktablari va taʼlim muassasalariga ishga taqsimlash tartibi toʻgʻrisida nizomni tasdiqlash haqida

Hujjat kuchini yo‘qotgan 10.08.2005

Oʻzbekiston Respublikasi Xalq taʼlimi vazirligi
Oʻzbekiston Respublikasi Oliy va oʻrta maxsus taʼlim vazirligi
Oʻzbekiston Respublikasi Iqtisodiyot vazirligi
OʻZBEKISTON RESPUBLIKASI MEHNAT VA AHOLINI IJTIMOIY MUHOFAZA QILISh VAZIRLIGINING

Qarori

OLIY TAʼLIM MUASSASALARINING PEDAGOGIKA VA KASBIY TAʼLIM YOʻNALIShLARI BOʻYIChA DAVLAT GRANTLARI ASOSIDA TAHSIL OLGAN BITIRUVChILARNI UMUMTAʼLIM MAKTABLARI VA TAʼLIM MUASSASALARIGA IShGA TAQSIMLASh TARTIBI TOʻGʻRISIDA NIZOMNI TASDIQLASh HAQIDA

[Oʻzbekiston Respublikasi Adliya vazirligi tomonidan 2004-yil 29-dekabrda 1438-son bilan davlat roʻyxatidan oʻtkazildi]

LexUZ sharhi

Ushbu qaror Oʻzbekiston Respublikasi Iqtisodiyot vazirligi, Oʻzbekiston Respublikasi Oliy va oʻrta maxsus taʼlim vazirligi, Oʻzbekiston Respublikasi Xalq taʼlimi vazirligi, Oʻzbekiston Respublikasi Mehnat va aholini ijtimoiy muhofaza qilish vazirligining 2005-yil 1-avgustdagi 57-son, 154-2-son, 19-1-son, 02/2658-1-son qarori bilan oʻz kuchini yoʻqotdi — Oʻzbekiston Respublikasi Qonun hujjatlari toʻplami, 2005-y., 32-33-son, 259-modda)

Oʻzbekiston Respublikasi Vazirlar Mahkamasining 2004-yil 24-iyundagi 294-sonli “2004/2005 oʻquv yilida Oʻzbekiston Respublikasining oliy taʼlim muassasalariga qabul toʻgʻrisidagi qarorining 5-bandiga muvofiq qaror qilamiz:

1. “Oliy taʼlim muassasalarining pedagogika va kasbiy taʼlim yoʻnalishlari boʻyicha davlat grantlari asosida tahsil olgan bitiruvchilarni umumtaʼlim maktablari va taʼlim muassasalariga ishga taqsimlash tartibi toʻgʻrisida nizom” ilovaga muvofiq tasdiqlansin.

2. Mazkur Nizom Oʻzbekiston Respublikasi Adliya vazirligi tomonidan davlat roʻyxatidan oʻtkazilgandan kundan oʻn kundan soʻng kuchga kiradi.

Xalq taʼlimi vaziri T. JOʻRAYEV

Toshkent sh.,

2004-yil 7-dekabr,

82-son

Oliy va oʻrta maxsus taʼlim vaziri R. QOSIMOV

Toshkent sh.,

2004-yil 7-dekabr,

286-son

Iqtisodiyot vaziri R. AZIMOV

Toshkent sh.,

2004-yil 7-dekabr,

46-son

Mehnat va aholini ijtimoiy muhofaza qilish vaziri O. OBIDOV

Toshkent sh.,

2004-yil 7-dekabr,

95-son

Kelishildi:

Oʻzbekiston Kasaba Uyushmalari Federatsiyasi Kengashi raisi D. JAHONGIROVA

Toshkent sh.,

2004-yil 7-dekabr

Xalq taʼlimi vazirligi, Oliy va oʻrta maxsus taʼlim vazirligi, Iqtisodiyot vazirligi, Mehnat va aholini ijtimoiy muhofaza qilish vazirligining
2004-yil 7-dekabrdagi 82, 286, 46, 95-conli qarori bilan
TASDIQLANGAN

Oliy taʼlim muassasalarining pedagogika va kasbiy taʼlim yoʻnalishlari boʻyicha davlat grantlari asosida tahsil olgan bitiruvchilarni umumtaʼlim maktablari va taʼlim muassasalariga ishga taqsimlash tartibi toʻgʻrisida

NIZOM

Mazkur Nizom Oʻzbekiston Respublikasi Prezidentining 2004-yil 21 maydagi PF–3431-sonli “2004—2009-yillarda maktab taʼlimini rivojlantirish Davlat umummilliy dasturi toʻgʻrisida”gi Farmoni, Oʻzbekiston Respublikasi Vazirlar Mahkamasining 2004-yil 24-iyundagi 294-sonli “2004-2005 oʻquv yilida Oʻzbekiston Respublikasining oliy taʼlim muassasalariga qabul toʻgʻrisida”gi qarorini bajarish hamda taʼlim muassasalari, ayniqsa umumtaʼlim maktablarini oliy maʼlumotli pedagog kadrlar bilan taʼminlanishini yaxshilash, ishga taqsimlanadigan yosh mutaxassislarni (bundan keyin bitiruvchilar) ishga joylashtirish, ularning ijtimoiy-iqtisodiy va huquqiy muhofazasini taʼminlash maqsadida ishlab chiqilgan.

I. Umumiy qoidalar

1. Ushbu Nizom pedagogika va kasbiy taʼlim yoʻnalishlari boʻyicha davlat grantlari asosida tahsil olgan oliy taʼlim muassasalari bitiruvchilarini, ularni kamida uch yil ishlab berish sharti bilan, taʼlim muassasalariga, birinchi navbatda umumtaʼlim maktablariga ishga taqsimlash qoidalari va tartibini oʻz ichiga oladi.

2. Oliy taʼlim muassasalariga pedagogika va kasbiy taʼlim yoʻnalishlari bakalavriat va magistratura boʻyicha davlat grantlari asosida qabul qilingan talabalar bilan rektor oʻrtasida oʻqishni tamomlagandan soʻng taʼlim muassasalarida kamida uch yil ishlab berish toʻgʻrisida shartnoma oʻquv yili boshida yaʼni sentyabr oyida imzolanadi.

3. Oliy taʼlim muassasalarini pedagogika va kasbiy taʼlim yoʻnalishlari boʻyicha davlat grantlari asosida bakalavriyatni tamomlagan bituruvchilar magistraturaga toʻlov kontrakt asosida oʻqishga qabul qilingan taqdirda uch yil ishlab berish majburiyati magistraturani yakunlagandan soʻng ushbu Nizom talablari asosida amalga oshiriladi.

4. Agar bitiruvchi Oliy taʼlim muassasalarini pedagogika va kasbiy taʼlim yoʻnalishlari boʻyicha bakalavriat va magistratura boʻyicha davlat grantlari asosida oʻqigan taqdirda uning ishlab berish majburiyati uch yil deb hisoblanadi.

5. Pedagogika va kasbiy taʼlim yoʻnalishlari boʻyicha davlat grantlari asosida tahsil olgan oliy taʼlim muassasalari bitiruvchilari doimiy yashash joyiga qarab ishga taqsimlanadi.

6. Bitiruvchilarni egallagan taʼlim yoʻnalishi va kasbiy tayyorgarligiga koʻra doimiy yashash joyiga qarab, aniq bir maktablarga, kollejlarga taqsimlashni muvofiqlashtirish uchun Xalq taʼlimi vazirligi qoshida Oliy va oʻrta maxsus taʼlim vazirligi bilan hamkorlikda Maxsus komissiya tuziladi (bundan keyin Maxsus komissiya).

II. Bitiruvchilarga boʻlgan ehtiyojni aniqlash va buyurtmalarni shakllantirish

7. Tasarrufida taʼlim muassasalari boʻlgan vazirliklar va idoralar, Qoraqalpogʻiston Respublikasi Xalq taʼlimi vazirligi, Toshkent shahar va viloyatlar Xalq taʼlimi va oʻrta maxsus, kasb-hunar taʼlimi boshqarmalari pedagog kadrlarga boʻlgan ehtiyojni, mavjud ish joylari haqidagi maʼlumotlarni, taʼlim muassasalarining fanlar, tillar kesimidagi oliy maʼlumotli pedagoglarga boʻlgan ehtiyojni har yili 1-aprelga qadar aniqlaydilar hamda Maxsus komissiyaga ish joyi koʻrsatilgan holda, kafolatlangan talabnoma (buyurtma)ni taqdim etadilar.

8. Maxsus komissiya oliy maʼlumotli pedagoglarga boʻlgan ehtiyoj hamda ularga boʻlgan buyurtmalarni umumlashtirib, Xalq taʼlimi va Oliy va oʻrta maxsus taʼlim vazirliklari tasarrufidagi oliy taʼlim muassasalari bitiruvchilari taqsimoti koʻrsatkichlarini shakllantiradi.

9. Maxsus komissiya tomonidan buyurtmalar asosida shakllantirilgan taqsimot koʻrsatkichlari oliy taʼlim muassasalariga yuboriladi.

10. Bitiruvchilarni ishga taqsimlash ular oliy taʼlim muassasasini bitirishidan kamida 1 oy oldin oʻtkaziladi.

III. Bitiruvchilarni ishga taqsimlash tartibi

9. Bitiruvchilarning taqsimoti oliy taʼlim muassasasi rektori tasdiqlagan taqsimot komissiya tomonidan oʻtkaziladi. Komissiya tarkibiga: oliy taʼlim muassasasi rektori — komissiya raisi, fakultet dekani, kafedra mudirlari, hududiy xalq taʼlimi va oʻrta maxsus, kasb-hunar taʼlimi boshqarmalari vakillari aʼzo qilib kiritiladi.

10 Oliy taʼlim muassasasi tomonidan bitiruvchilardan doimiy yashash joyidagi qaysi taʼlim muassasasida ishlashni xohlashi toʻgʻrisida soʻrov-anketalari toʻldirib olinadi va ular bitiruvchilarni ishga taqsimlanish jarayonida inobatga olinadi.

11. Taqsimot komissiyasi:

a) Bitiruvchilarni oliy taʼlim muassasasida egallagan taʼlim yoʻnalishlari va malakasiga, pedagog kadrlarga boʻlgan buyurtmaga asosan hamda ularning reytingi, oilaviy sharoiti, doimiy yashash joyi va taklif etilayotgan ish joylarida ishlash istagini hisobga olgan holda ishga taqsimlaydi.

b) Har bir bitiruvchini taklif qilinayotgan ish joyi, mehnat va maishiy sharoitlar, lavozimi, ish haqi miqdori toʻgʻrisidagi maʼlumotlar bilan tanishtiradi;

v) Majlis bayonnomasi va bitiruvchilar shaxsiy taqsimoti qaydnomasini yuritadi (1-ilova).

12. Oliy taʼlim muassasalarida toʻlov-kontrakt boʻyicha taʼlim olgan bitiruvchilar oʻz ixtiyori bilan taqsimot komissiyasida ishtirok etishi va uning roziligi asosida komissiya qarori bilan taklif etilayotgan ish joylariga ishga yuborilishi mumkin.

13. Agar taqsimot komissiyasi bitiruvchini ish bilan taʼminlay olmasa, unga mustaqil ishga joylashish imkoniyati berilganligi toʻgʻrisida maʼlumotnoma taqdim etadi (2-ilova).

14. Komissiya ishini tugatgandan soʻng bitiruvchilarni, ularning salomatligi, oilaviy sharoiti oʻzgarishi asosida, qayta taqsimlash hududiy xalq taʼlimi va oʻrta maxsus kasb-hunar taʼlimi boshqarmalari tomonidan koʻrib chiqilishi mumkin.

15. Oliy taʼlim muassasalari taqsimot komissiyasi ishi tugagach bir haftalik muddatda taʼlim muassasalariga yuborilayotgan har bir bitiruvchiga ishga yuborilganligi toʻgʻrisidagi yoʻllanmani (3-ilova) toʻldirib, uni tasdiqlab berish uchun komissiya qarori va taqsimot roʻyxatidan koʻchirma bilan birga tegishli hududiy xalq taʼlimi va oʻrta maxsus, kasb-hunar taʼlimi boshqaruv organiga yuboradilar.

Oʻz navbatida tegishli hududiy taʼlim boshqaruv organlari tomonidan oʻn kun muddatda yoʻllanma tasdiqlanib, oliy taʼlim muassasasiga qaytariladi.

16. Bitiruvchiga oliy taʼlim muassasasini bitirganlik toʻgʻrisidagi diplomdan koʻchirma, ishga yuborilganlik toʻgʻrisidagi yoʻllanmani topshirish oʻqishni tugatganidan soʻng uch kundan kechiktirmasdan amalga oshiriladi. Oliy taʼlim muassasasi rektori bitiruvchiga diplomdan koʻchirma, ishga yuborilayotganlik toʻgʻrisida yoʻllanmani oʻz vaqtida berilishiga shaxsan javobgardir. Bitiruvchiga belgilangan nusxadagi yoʻllanma oʻrniga boshqa hujjatlar berilishiga ruxsat berilmaydi.

17. Mustaqil ishga joylashish imkoniyati berilganligi toʻgʻrisidagi maʼlumotnomani olgan bitiruvchilarga tegishli oliy taʼlim muassasasining diplomini asl nusxasi beriladi.

18. Umumtaʼlim maktablari, akademik litsey, kasb-hunar kollejlari direktorlari Oliy taʼlim muassasasi bitiruvchilari bilan oʻrnatilgan tartibda ishga yuborilganlik toʻgʻrisidagi yoʻllanmaga muvofiq mehnat shartnomasi tuzadi.

19. Bitiruvchilar ishga yuborilganlik toʻgʻrisidagi yoʻllanmada koʻrsatilgan muddatda ish joylariga etib borishlari shart.

IV. Bitiruvchilarga beriladigan imtiyozlar

20. Ishga taqsimlangan bitiruvchi maktab, akademik litsey yoki kasb-hunar kollejiga ishga joylashgach, taʼlim muassasasi unga mehnat qilishi uchun shart-sharoitlarni yaratadi.

21. Oliy taʼlim muassasalarini tugatgan va taʼlim muassasasiga ishga yuborilgan bitiruvchi taqsimot komissiyasi qaroridan norozi boʻlgan taqdirda oliy taʼlim muassasasi tegishli boʻlgan vazirlikka hamda sudga murojaat etish huquqiga ega.

V. Yakuniy qoidalar

22. Bitiruvchi uzrsiz sabablarga koʻra tayinlangan joyda ishlashni xohlamasa, unga nisbatan amaldagi qonunchilik asosida choralar koʻriladi.

‎	‎	‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎‎200__ y. __________ da _________________________ ni
‎	‎	‎	‎	‎	‎	‎	‎	^{‎‎(oliy taʼlim muassasasi nomi)}
‎BITIRUVChILAR ShAXSIY TAQSIMOTI QAYDNOMASI ‎
‎‏T/r ‎	‎Familiyasi, ismi sharifi ‎	jinsi‎‏ ‎	tugʻilgan yili‎‏ ‎	‎‏millati ‎	oilaviy ahvoli‎‏ ‎	doimiy yashash joyi (ota-onasining manzili)	Bitiruvchi tugatgan taʼlim yoʻnalishi‎‏ ‎	Qayerga ishga yuboriladi‎‎			Bitiruvchi imzosi‎‏ ‎
‎‏T/r ‎	‎Familiyasi, ismi sharifi ‎	jinsi‎‏ ‎	tugʻilgan yili‎‏ ‎	‎‏millati ‎	oilaviy ahvoli‎‏ ‎	doimiy yashash joyi (ota-onasining manzili)	Bitiruvchi tugatgan taʼlim yoʻnalishi‎‏ ‎	viloyat xalq taʼlimi boshqarmasi (nomi)‎	muassasa (tashkilot) nomi‎	lavozimi‎	Bitiruvchi imzosi‎‏ ‎
‎	‎	‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎	‎	‎

MUSTAQIL IShGA JOYLAShISh IMKONIYATI BERILGANLIGI TOʻGʻRISIDA ‎№___ MAʼLUMOTNOMA ‎	‎	Bitiruvchi ishga qabul qilingandan soʻng 5 kunlik muddatda toʻldirilib oʻquv yurtiga qaytarilishi lozim.‎
200__y. “___”___________________________da ‎________________________________________ ^{‎(oʻquv yurti nomi toʻliq yoziladi)‎}_________________________________________	‎	MUSTAQIL IShGA JOYLAShISh IMKONIYATI BERILGANLIGI TOʻGʻRISIDAGI ‎№___ MAʼLUMOTNOMAGA TASDIQ ‎
___________mutaxassisligi boʻyicha tamomlagan ‎________________________________________ga‎	‎	200__y. “___”___________________________da _______________________________‎tamomlagan‎
^{(ismi, sharifi toʻliq yoziladi)‎}	‎	^{(oʻquv yurti nomi)‎}
Pedagogika va kasbiy taʼlim yoʻnalishlari boʻyicha davlat grantlari asosida tahsil olgan oliy taʼlim muassasalari bitiruvchilarini, ularni kamida uch yil ishlab berish sharti bilan taʼlim muassasalariga, birinchi navbatda umumtaʼlim maktablariga ishga taqsimlash haqidagi Nizomning III boʻlim, 13-bandiga binoan mustaqil ishga joylashish imkoniyati berildi. ‎ ‎Oliy oʻquv yurti rektori _____________ M.Oʻ. ‎(imzo) ‎‎‎	‎	_______________________________________ ^{‎(ismi, sharifi)}
	‎	____________________________lavozimiga‎
	‎	ishga qabul qilindi.‎
	‎	________________________________‎
	‎	^{tuman xalq taʼlimi boʻlimi mudiri (imzo)‎}
	‎	‎
	‎	_______M.Oʻ.‎

____________________ ^{‎(Vazirlik nomi)‎}	____________________ ‎^{(Vazirlik nomi)‎ ‎}	‎____________________ ‎^{(Vazirlik nomi)‎}	Bitiruvchi ish joyiga kelgach 5 kunlik muddatda toʻldirilib, viloyat xalq taʼlimi boshqarmasiga qaytariladi. ‎‎
‎IShGA YuBORILGANLIK TOʻGʻRISIDA ‎ №_____ yoʻllanma boʻlagi	‎IShGA YuBORILGANLIK TOʻGʻRISIDA ‎ ‎№_____ yoʻllanma ‎	‎IShGA YuBORILGANLIK TOʻGʻRISIDA ‎ ‎№_____ yoʻllanma ‎	‎IShGA YuBORILGANLIK TOʻGʻRISIDA ‎ ‎ №_____ yoʻllanma ‎
‎200__y._____da________ ‎_____________________	‎200__y._____da________ ‎_____________________ ‎	‎200__y._____da________ ‎_____________________ ‎	_____________________ ^{(tuman xalq taʼlimi boʻlimi nomi)‎}
^{‎(oʻquv yurti nomi}	^{‎(oʻquv yurti nomi ‎}	^{‎(oʻquv yurti nomi ‎}	‎
‎___________________ni	‎___________________ni ‎	‎___________________ni ‎	_________maʼlum qiladiki,
^{‎toʻliq yoziladi)}	^{‎toʻliq yoziladi) ‎}	^{‎toʻliq yoziladi) ‎}	_____________________‎ ^{‎(oʻquv yurti ‎}
_‎____________________ ‎_____mutaxassisligi boʻyicha ‎tamomlagan	_‎____________________ ‎_____mutaxassisligi boʻyicha ‎ tamomlagan ‎	_‎____________________ ‎_____mutaxassisligi boʻyicha ‎ tamomlagan ‎	___________^{ni tamomlagan‎ ‎nomi koʻrsatiladi)}
______________________ ^{(ismi sharifi toʻliq yoziladi)}	______________________^{(ismi sharifi toʻliq yoziladi) ‎}	______________________^{(ismi sharifi toʻliq yoziladi) ‎}	oʻrt.__________________^{(ismi sharifi toʻliq yoziladi) ‎}
_‎____________lavozimida ‎ishlash uchun____________ ‎_____________________	_‎____________lavozimida ‎ishlash uchun____________ ‎_____________________ ‎	_‎____________lavozimida ‎ishlash uchun____________ ‎_____________________ ‎	200__ “___” ________ da ish ‎‎ joyiga etib keldi va ______ ‎ lavozimiga tayinlandi ‎
‎(xalq taʼlimi boshqarmasi yoki muassasa nomi)	‎(xalq taʼlimi boshqarmasi yoki muassasa nomi) ‎	‎(xalq taʼlimi boshqarmasi yoki muassasa nomi) ‎ ‎	‎
‎______________ixtiyoriga ‎yuboriladi	‎______ixtiyoriga ‎yuboriladi ‎	‎______ixtiyoriga ‎yuboriladi ‎(xalq taʼlimi boshqarmasi yoki muassasa nomi)‎	‎
Etib kelish muddati ‎200_y. “_” ‎________________‎	Etib kelish muddati 200_y. “_” ‎______________‎ ‎	Etib kelish muddati 200_y. “_” ‎______________‎ ‎	M.Oʻ.___________tuman xalq ‎taʼlimi boʻlimi mudiri_____‎
‎	‎	‎	^(imzo)‎
‎M.Oʻ.“__”__________200__y.‎	Kadrlar boshqarmasi ___M.Oʻ. ‎( boʻlimi ) boshligʻi ^(imzo)‎	Viloyat xalq taʼlimi ____M.Oʻ. ‎‎boshqarmasi boshligʻi ^(imzo)	‎“____”____________200__y.‎
‎	‎“____”____________200__y.‎ ‎	‎	‎

(Oʻzbekiston Respublikasi Qonun hujjatlari toʻplami, 2004-y., 52-son, 529-modda)