|
Hujjat kuchini yo‘qotgan 27.05.1997
|
OʻZBEKISTON RESPUBLIKASI PREZIDENTI HUZURIDAGI VAZIRLAR MAHKAMASINING
qarori
OʻZBEKISTON RESPUBLIKASI XALQARO MADANIY-MAʼRIFIY ALOQALAR MILLIY UYuShMASINI TAShKIL ETISh TOʻFRISIDA
LexUZ sharhiUshbu qaror Oʻzbekiston Respublikasi Vazirlar Mahkamasining 1997-yil 27-maydagi 265-sonli “Vazirlar Mahkamasining “Oʻzbekiston Respublikasi xalqaro madaniy-maʼrifiy aloqalar milliy uyushmasini tashkil etish toʻgʻrisida” 1992-yil 25-martdagi 142-son va “Oʻzbekiston Respublikasi xalqaro madaniy-maʼrifiy aloqalar milliy uyushmasini tashkil etish masalalari”ga oid 1992-yil 16-iyundagi 291-son qarorlari haqida” qarori bilan oʻz kuchini yoʻqotgan.
Oʻzbekiston Respublikasining mustaqilligi toʻgʻrisidagi Deklaratsiya prinsiplariga asoslanib, xalqaro aloqalarning kengayotganligini hisobga olib, xorijiy mamlakatlar bilan jamoatchilik aloqalari faoliyatini bir joyga jamlash va tartibga solish, yagona siyosatni shakllantirish va xalq diplomatiyasini ragʻbatlantirish maqsadida Vazirlar Mahkamasi qaror qiladi:
1. Xorijiy mamlakatlar bilan doʻstlik va madaniy aloqalar Oʻzbekiston jamiyati hamda Xorijdagi vatandoshlar bilan aloqa “Vatan” jamiyatining ular negizida Oʻzbekiston Respublikasi Xalqaro madaniy-maʼrifiy aloqalar milliy uyushmasi tashkil etish haqidagi taklifi qabul qilinsin.
2. Madaniyat, ommaviy axborot vositalari va turizm Kompleksi (oʻrtoq Samandarov) ikki hafta muddat ichida manfaatdor tashkilotlar bilan birgalikda Oʻzbekiston Respublikasi Xalqaro madaniy-maʼrifiy aloqalar milliy uyushmasi tuzilmasini hamda Nizomini ishlab chiqsin va tasdiqlasin.
Vazirlar Mahkamasining Raisi I. KARIMOV
Toshkent sh.,
1992-yil 25-mart,
142-son
