toggle_night_mode
Hujjat 24.09.2016 sanasi holatiga
Amaldagi versiyaga o‘tish
Oʻzbekiston Respublikasining qonuni
Oʻzbekiston Respublikasi Oliy Majlisi Qonunchilik palatasining Reglamenti toʻgʻrisida
I. UMUMIY QOIDALAR
Oldingi tahrirga qarang.
1-modda. Oʻzbekiston Respublikasi Oliy Majlisi Qonunchilik palatasi faoliyatining huquqiy asoslari
Oʻzbekiston Respublikasi Oliy Majlisining Qonunchilik palatasi (bundan buyon matnda Qonunchilik palatasi deb yuritiladi) oʻz faoliyatini Oʻzbekiston Respublikasining Konstitutsiyasiga, “Oʻzbekiston Respublikasi Oliy Majlisining Qonunchilik palatasi toʻgʻrisida”gi Oʻzbekiston Respublikasining Konstitutsiyaviy Qonuniga, ushbu Qonunga va boshqa qonunlarga muvofiq amalga oshiradi.
(1-modda Oʻzbekiston Respublikasining 2015-yil 29-dekabrdagi OʻRQ-396-sonli Qonuni tahririda — OʻR QHT, 2015-y., 52-son, 645-modda)
Keyingi tahrirga qarang.
Oldingi tahrirga qarang.
2-modda. Qonunchilik palatasi faoliyatining asosiy prinsiplari
Qonunchilik palatasi faoliyatining asosiy prinsiplari quyidagilardan iborat:
siyosiy xilma-xillik va koʻppartiyaviylik;
masalalarni erkin muhokama qilish va jamoa boʻlib hal etish;
ochiqlik va oshkoralik;
jamoatchilik fikrini hisobga olish.
Qonunchilik palatasining ishi palata barcha deputatlarining professional, doimiy faoliyatiga asoslanadi.
(2-modda Oʻzbekiston Respublikasining 2015-yil 29-dekabrdagi OʻRQ-396-sonli Qonuni tahririda — OʻR QHT, 2015-y., 52-son, 645-modda)
3-modda. Qonunchilik palatasi faoliyatining tashkiliy shakli
Qonunchilik palatasi faoliyatining tashkiliy shakli uning Qonunchilik palatasi sessiyalari davrida, qoida tariqasida, haftasiga uch marta oʻtkaziladigan majlislaridir.
Qonunchilik palatasining majlislari, agar ularning ishida palata deputatlari umumiy sonining kamida yarmi ishtirok etsa, vakolatli hisoblanadi. Oʻzbekiston Respublikasining Konstitutsiyasini, konstitutsiyaviy qonunlarni qabul qilishda, ularga oʻzgartishlar va qoʻshimchalar kiritishda deputatlar umumiy sonining kamida uchdan ikki qismi hozir boʻlishi shart.
Keyingi tahrirga qarang.
Qonunchilik palatasining birinchi majlisi Qonunchilik palatasiga saylovdan keyin ikki oydan kechiktirmay oʻtkaziladi. Mazkur majlisni Oʻzbekiston Respublikasi Markaziy saylov komissiyasining Raisi ochadi va Qonunchilik palatasi Spikeri saylangunga qadar unda raislik qiladi.
Oldingi tahrirga qarang.
Qonunchilik palatasi birinchi majlisi ishini tashkil etish uchun majlisning muvaqqat kotibiyati sanoq komissiyasi va ovozlarni hisoblashning elektron tizimidan foydalanish ustidan muvaqqat nazorat guruhi saylanadi.
(3-moddaning toʻrtinchi qismi Oʻzbekiston Respublikasining 2015-yil 29-dekabrdagi OʻRQ-396-sonli Qonuni tahririda — OʻR QHT, 2015-y., 52-son, 645-modda)
Qonunchilik palatasining birinchi majlisida uning faoliyatini tashkil etish bilan bogʻliq masalalar koʻrib chiqiladi, shu jumladan, qoida tariqasida:
Oldingi tahrirga qarang.
(3-moddaning beshinchi qismi ikkinchi xatboshisi Oʻzbekiston Respublikasining 2015-yil 29-dekabrdagi OʻRQ-396-sonli Qonuniga asosan chiqarilgan — OʻR QHT, 2015-y., 52-son, 645-modda)
Qonunchilik palatasi Spikeri va uning oʻrinbosarlari saylanadi;
siyosiy partiyalar fraksiyalari (bundan buyon matnda fraksiyalar deb yuritiladi) va deputatlar guruhlari roʻyxatga olinadi;
Keyingi tahrirga qarang.
Qonunchilik palatasining qoʻmitalari tuziladi.
Qonunchilik palatasining navbatdan tashqari majlislari uning sessiyalari oraligʻida Oʻzbekiston Respublikasining Prezidenti, Qonunchilik palatasi Spikeri taklifiga yoki Qonunchilik palatasi deputatlari umumiy sonining kamida uchdan bir qismining taklifiga binoan chaqirilishi mumkin.
Qonunchilik palatasining majlislari ochiq, oshkora oʻtkaziladi va ommaviy axborot vositalari tomonidan yoritiladi. Qonunchilik palatasining qaroriga binoan yopiq majlislar oʻtkazilishi ham mumkin.
Qonunchilik palatasi va Oʻzbekiston Respublikasi Oliy Majlisining Senati (bundan buyon matnda Senat deb yuritiladi), qoida tariqasida, alohida-alohida majlis oʻtkazadi.
Qonunda belgilangan hollarda palatalarning qoʻshma majlislari oʻtkaziladi. Oʻzbekiston Respublikasi Oliy Majlisi palatalarining qoʻshma majlislari Oʻzbekiston Respublikasi Prezidentining, Qonunchilik palatasi Spikerining, Senat Raisining taklifiga yoki tegishincha Qonunchilik palatasi deputatlari yoxud senatorlar umumiy sonining kamida uchdan bir qismining taklifiga binoan chaqirilishi mumkin.
 LexUZ sharhi
Batafsil maʼlumot uchun “Oʻzbekiston Respublikasi Oliy Majlisining Qonunchilik palatasi toʻgʻrisida”gi Oʻzbekiston Respublikasi Konstitutsiyaviy Qonunining 11 -moddasiga qarang.
4-modda. Qonunchilik palatasi Spikerini va uning oʻrinbosarlarini saylash
Oldingi tahrirga qarang.
Qonunchilik palatasining birinchi majlisi Qonunchilik palatasi Spikerini saylashdan boshlanadi.
Qonunchilik palatasi Spikerini va uning oʻrinbosarlarini saylash uchun deputatlar orasidan Qonunchilik palatasiga saylovda ishtirok etgan har bir siyosiy partiyadan kamida uch nafar deputatdan iborat Siyosiy partiyalar vakillari kengashi tuziladi. Siyosiy partiyalar vakillari kengashining tarkibi toʻgʻrisidagi qaror Qonunchilik palatasi deputatlari umumiy sonining koʻpchilik ovozi bilan qabul qilinadi.
Siyosiy partiyalar vakillari kengashi oʻz majlisida Qonunchilik palatasi Spikeri va uning oʻrinbosarlari lavozimlariga nomzodlarni deputatlar orasidan koʻrsatish masalasini koʻrib chiqadi. Siyosiy partiyalar vakillari kengashi majlisida Qonunchilik palatasiga saylovda eng koʻp deputatlik oʻrinlarini olgan siyosiy partiyaning vakili raislik qiladi.
Nomzod, agar u yashirin ovoz berish natijasida Qonunchilik palatasi deputatlari umumiy sonining yarmidan koʻp ovozini olgan boʻlsa, Qonunchilik palatasining Spikeri etib saylangan hisoblanadi.
Qonunchilik palatasi Spikeri oʻrinbosarlarining soni, qoida tariqasida, Qonunchilik palatasida tuzilgan fraksiyalar va deputatlar guruhlarining sonidan kelib chiqqan holda Qonunchilik palatasi tomonidan belgilanadi. Qonunchilik palatasida tuzilgan fraksiya va deputatlar guruhi oʻz vakili Qonunchilik palatasi Spikerining oʻrinbosari lavozimlaridan birini egallashida kafolatli huquqqa egadir.
Keyingi tahrirga qarang.
Qonunchilik palatasi Spikerining oʻrinbosarlari yashirin ovoz berish orqali deputatlar umumiy sonining koʻpchilik ovozi bilan Qonunchilik palatasining vakolatlari muddatiga saylanadi.
Qonunchilik palatasi Spikerining oʻrinbosarini saylash uchun fraksiya va deputatlar guruhi, qoida tariqasida, oʻz fraksiyasining, deputatlar guruhining rahbari nomzodini kiritadi.
Keyingi tahrirga qarang.
Fraksiyadan yoki deputatlar guruhidan taqdim etilgan nomzod Qonunchilik palatasi Spikerining oʻrinbosari lavozimiga saylanmagan taqdirda, fraksiya, deputatlar guruhi oʻz fraksiyasi, deputatlar guruhi aʼzolari orasidan boshqa nomzodni taqdim etish huquqiga ega.
Keyingi tahrirga qarang.
Qonunchilik palatasi Spikeri va uning oʻrinbosarlari saylanganligi toʻgʻrisida qarorlar qabul qilinadi, qarorlarni palata majlisida raislik qiluvchi imzolaydi.
(4-modda matni Oʻzbekiston Respublikasining 2015-yil 29-dekabrdagi OʻRQ-396-sonli Qonuni tahririda — OʻR QHT, 2015-y., 52-son, 645-modda)
Keyingi tahrirga qarang.
5-modda. Qonunchilik palatasi Spikerini va uning oʻrinbosarlarini muddatidan ilgari lavozimidan ozod qilish
Qonunchilik palatasi Spikeri yashirin ovoz berish orqali Qonunchilik palatasi deputatlari umumiy sonining uchdan ikki qismidan koʻprogʻining ovozi bilan qabul qilingan Qonunchilik palatasi qaroriga binoan muddatidan ilgari lavozimidan ozod qilinishi mumkin.
Qonunchilik palatasi Spikerining oʻrinbosarlari yashirin ovoz berish orqali Qonunchilik palatasi deputatlari umumiy sonining koʻpchilik ovozi bilan qabul qilingan Qonunchilik palatasining qaroriga binoan muddatidan ilgari lavozimidan ozod qilinishi mumkin.
Keyingi tahrirga qarang.
Oldingi tahrirga qarang.
Qonunchilik palatasi Spikerini yoki uning oʻrinbosarlarini muddatidan ilgari lavozimidan ozod qilish toʻgʻrisidagi masala Qonunchilik palatasi deputatlari umumiy sonining kamida uchdan bir qismidan iborat Qonunchilik palatasi deputatlari guruhining taklifiga binoan palata tomonidan koʻrib chiqiladi. Qonunchilik palatasi Spikerining oʻrinbosarlarini muddatidan ilgari lavozimidan ozod qilish toʻgʻrisidagi masala ularning nomzodlari koʻrsatilgan fraksiyalar yoki deputatlar guruhlari tomonidan ham kiritilishi mumkin.
(5-moddaning uchinchi qismi Oʻzbekiston Respublikasining 2015-yil 29-dekabrdagi OʻRQ-396-sonli Qonuni tahririda — OʻR QHT, 2015-y., 52-son, 645-modda)
Keyingi tahrirga qarang.
Qonunchilik palatasi Spikerini yoki uning oʻrinbosarlarini muddatidan ilgari lavozimidan ozod qilish toʻgʻrisida qaror qabul qilinadi, qarorni palata majlisida raislik qiluvchi imzolaydi.
6-modda. Qonunchilik palatasi Kengashi
Oldingi tahrirga qarang.
Qonunchilik palatasining faoliyatini samarali tashkil etish maqsadida Qonunchilik palatasi Kengashi tuziladi.
(6-moddaning birinchi qismi Oʻzbekiston Respublikasining 2015-yil 29-dekabrdagi OʻRQ-396-sonli Qonuni tahririda — OʻR QHT, 2015-y., 52-son, 645-modda)
Qonunchilik palatasi Kengashining tarkibiga Qonunchilik palatasi Spikeri, uning oʻrinbosarlari, fraksiyalar va deputatlar guruhlarining rahbarlari, Qonunchilik palatasi qoʻmitalarining raislari kiradi.
Keyingi tahrirga qarang.
Oldingi tahrirga qarang.
Qonunchilik palatasining Kengashi:
Qonunchilik palatasi majlisining kun tartibi loyihasini shakllantiradi;
qoʻmitalarning ishini muvofiqlashtirib boradi;
Qonunchilik palatasiga kelib tushgan qonun loyihasini dastlabki tarzda koʻrib chiqish uchun masʼul boʻlgan qoʻmitani (bundan buyon matnda masʼul qoʻmita deb yuritiladi) belgilaydi;
Keyingi tahrirga qarang.
qonun loyihasini Qonunchilik palatasi koʻrib chiqishi uchun qabul qilish yoki uni qonunchilik tashabbusi huquqi subyektiga qaytarish toʻgʻrisida masʼul qoʻmitaning xulosasiga koʻra qaror qabul qiladi;
Keyingi tahrirga qarang.
Keyingi tahrirga qarang.
Qonunchilik palatasi deputatining saylov okrugidagi ishini tashkil etishga koʻmaklashadi;
Qonunchilik palatasi faoliyatini tashkil etish bilan bogʻliq boshqa masalalarni hal etadi.
Kengash oʻz vakolatiga kiradigan masalalar boʻyicha oʻz aʼzolari umumiy sonining koʻpchilik ovozi bilan qarorlar qabul qiladi.
(6-modda Oʻzbekiston Respublikasining 2015-yil 29-dekabrdagi OʻRQ-396-sonli Qonuniga asosan uchinchi va toʻrtinchi qismlar bilan toʻldirilgan — OʻR QHT, 2015-y., 52-son, 645-modda)
Qonunchilik palatasi Kengashiga Qonunchilik palatasi Spikeri rahbarlik qiladi, u Kengashning majlislarini olib boradi va uning qarorlarini imzolaydi.
7-modda. Qonunchilik palatasining qoʻmitalarini tuzish
Qonunchilik palatasi tomonidan uning deputatlari orasidan palataning vakolatlari muddatiga rais, uning oʻrinbosari va aʼzolardan iborat tarkibda qoʻmitalar tuziladi.
Oldingi tahrirga qarang.
Qonunchilik palatasi Spikeri Qonunchilik palatasi qoʻmitalarining tarkibiga saylanishi mumkin emas.
(7-modda ikkinchi qismi Oʻzbekiston Respublikasining 2007-yil 11-apreldagi OʻRQ-90-son Qonuni tahririda — OʻR QHT, 2007-y., 15-son, 153-modda)
 LexUZ sharhi
7-modda ikkinchi qismining Oʻzbekiston Respublikasi Oliy Majlisining Qonunchilik palatasi Spikeri oʻrinbosarlariga taalluqli normalarning amal qilishi Oʻzbekiston Respublikasining 2007-yil 23-iyuldagi OʻRQ-105-sonli Qonuni bilan 2008-yil 1-yanvargacha toʻxtatilgan.
Keyingi tahrirga qarang.
Oldingi tahrirga qarang.
Qonunchilik palatasida budjet va iqtisodiy islohotlar qoʻmitasi, qonunchilik va sud-huquq masalalari qoʻmitasi, mehnat va ijtimoiy masalalar qoʻmitasi, mudofaa va xavfsizlik masalalari qoʻmitasi, xalqaro ishlar va parlamentlararo aloqalar qoʻmitasi, axborot va kommunikatsiya texnologiyalari masalalari qoʻmitasi, ekologiya va atrof-muhitni muhofaza qilish masalalari qoʻmitasi tuzilishi shart. Qonunchilik palatasida boshqa qoʻmitalar ham tuzilishi mumkin.
(7-moddaning uchinchi qismi Oʻzbekiston Respublikasining 2015-yil 29-dekabrdagi OʻRQ-396-sonli Qonuni tahririda — OʻR QHT, 2015-y., 52-son, 645-modda)
Keyingi tahrirga qarang.
Oldingi tahrirga qarang.
Qonunchilik palatasi qoʻmitalarining umumiy soni, qoida tariqasida, oʻn bittadan oshmasligi kerak.
(7-moddaning toʻrtinchi qismi Oʻzbekiston Respublikasining 2015-yil 29-dekabrdagi OʻRQ-396-sonli Qonuni tahririda — OʻR QHT, 2015-y., 52-son, 645-modda)
Oldingi tahrirga qarang.
Qoʻmita raisi, uning oʻrinbosari va qoʻmita aʼzolari lavozimlari deputatlarning qaysi partiyaga yoki guruhga mansubligini hamda saylov yakunlari boʻyicha olingan deputatlik oʻrinlarini inobatga olgan holda yaxlit (umumiy) qarori bilan belgilanadi. Qoʻmita raisi, uning oʻrinbosari va qoʻmita aʼzolari lavozimlariga nomzodlar koʻrsatish yuzasidan takliflarni deputatlar birlashmalarining rahbarlari oʻzaro kelishgan holda kiritadilar.
(7-moddaning beshinchi qismi Oʻzbekiston Respublikasining 2015-yil 29-dekabrdagi OʻRQ-396-sonli Qonuni tahririda — OʻR QHT, 2015-y., 52-son, 645-modda)
Keyingi tahrirga qarang.
Qonunchilik palatasi qoʻmitasining raisi, uning oʻrinbosari va qoʻmita aʼzolari palata majlisida Qonunchilik palatasi deputatlari umumiy sonining koʻpchilik ovozi bilan saylanadi.
Qonunchilik palatasi qoʻmitasining raisi, uning oʻrinbosari, shuningdek qoʻmita aʼzolari saylangani toʻgʻrisida Qonunchilik palatasi qarorlar qabul qiladi.
Oldingi tahrirga qarang.
71-modda. Qonunchilik palatasining qoʻmitalari huzurida ekspert guruhlarini tuzish
Qonun loyihalarini ishlab chiqishga va muhokama qilishga, nazorat-tahlil tadbirlarini tayyorlashga va oʻtkazishga koʻmaklashish maqsadida Qonunchilik palatasining qoʻmitalari huzurida ekspert guruhlari tuziladi.
Ekspert guruhlari davlat organlarining, ilmiy va taʼlim muassasalarining, nodavlat notijorat tashkilotlarining tegishli sohalarda ilmiy ish tajribasiga, qonun loyihalarini tayyorlash va (yoki) amaliy ish tajribasiga ega boʻlgan malakali mutaxassislari orasidan tuziladi.
Qonunchilik palatasining qoʻmitalari huzurida ekspert guruhlarini shakllantirish va ularning faoliyati tartibi Qonunchilik palatasi Kengashi tomonidan tasdiqlanadigan nizom bilan belgilanadi.
(71-modda Oʻzbekiston Respublikasining 2015-yil 29-dekabrdagi OʻRQ-396-sonli Qonuniga asosan kiritilgan — OʻR QHT, 2015-y., 52-son, 645-modda)
 LexUZ sharhi
Qarang: Oʻzbekiston Respublikasi Oliy Majlisi Qonunchilik palatasi Kengashining 2015-yil 15-sentabrdagi 219-III-sonli Qarori bilan tasdiqlangan Oʻzbekiston Respublikasi Oliy Majlisi Qonunchilik palatasining qoʻmitalari huzuridagi ekspert guruhlarini shakllantirish va ularning faoliyati tartibi toʻgʻrisidagi nizom.
8-modda. Qonunchilik palatasining komissiyalarini tuzish
Qonunchilik palatasi muayyan vazifalarni bajarish uchun komissiyalar tuzishi mumkin.
Komissiya Qonunchilik palatasi majlisida Qonunchilik palatasining deputatlari orasidan komissiya raisi va aʼzolari, zarurat boʻlganda esa komissiya raisining oʻrinbosaridan iborat tarkibda tuziladi.
Komissiya tuzilgani toʻgʻrisida Qonunchilik palatasi qaror qabul qiladi.
Komissiya oʻz zimmasiga yuklatilgan vazifalar bajarilganidan soʻng, qaysi muddatga tuzilgan boʻlsa, shu muddat oʻtganidan keyin yoki Qonunchilik palatasining qaroriga binoan muddatidan ilgari oʻz faoliyatini tugatadi.
Oldingi tahrirga qarang.
Oʻzbekiston Respublikasi Oliy Majlisi palatalarining qoʻshma qarori bilan Oʻzbekiston Respublikasi Oliy Majlisining komissiyalari (parlament komissiyalari) tashkil etilishi mumkin.
Zarur boʻlgan hollarda komissiyalar ishiga davlat organlarining va boshqa organlarning vakillari, shuningdek fuqarolik jamiyati institutlarining vakillari jalb etilishi mumkin.
(8-modda Oʻzbekiston Respublikasining 2015-yil 29-dekabrdagi OʻRQ-396-sonli Qonuniga asosan beshinchi va oltinchi qismlar bilan toʻldirilgan — OʻR QHT, 2015-y., 52-son, 645-modda)
Oldingi tahrirga qarang.
81-modda. Qonun loyihalarini va boshqa normativ-huquqiy hujjatlar loyihalarini koʻrib chiqishni tashkil etish boʻyicha muvofiqlashtiruvchi guruh
Qonunchilik palatasining Kengashi huzurida Qonunchilik palatasi devoni xodimlari orasidan uch kishidan iborat tarkibda kiritiladigan qonun loyihalarini va boshqa normativ-huquqiy hujjatlar loyihalarini koʻrib chiqishni tashkil etish boʻyicha muvofiqlashtiruvchi guruh (bundan buyon matnda Muvofiqlashtiruvchi guruh deb yuritiladi) tuziladi.
Kelib tushgan qonun loyihalarini va boshqa normativ-huquqiy hujjatlar loyihalarini roʻyxatdan oʻtkazish, Qonunchilik palatasi Kengashi aʼzolarini ular haqida xabardor qilish va ushbu loyihalarni bundan keyin kuzatib borish Muvofiqlashtiruvchi guruh zimmasiga yuklatiladi.
Muvofiqlashtiruvchi guruh faoliyatini tashkil etish tartibi Qonunchilik palatasi Kengashi tomonidan tasdiqlanadigan nizom bilan belgilanadi.
(81-modda Oʻzbekiston Respublikasining 2013-yil 18-apreldagi OʻRQ-349-sonli Qonuniga asosan kiritilgan — OʻR QHT, 2013-y., 16-son, 215-modda)
Keyingi tahrirga qarang.
9-modda. Fraksiyalar va deputatlar guruhlari
Fraksiya siyosiy partiyadan koʻrsatiladigan deputatlar tomonidan partiya manfaatlarini Qonunchilik palatasida ifodalash maqsadida tuziladigan va belgilangan tartibda roʻyxatdan oʻtkazilgan deputatlar birlashmasidir.
Oldingi tahrirga qarang.
Oʻzbekiston ekologik harakatidan Qonunchilik palatasi tarkibiga saylangan deputatlar deputatlar guruhlarini tuzishga haqli.
(9-moddaning ikkinchi qismi Oʻzbekiston Respublikasining 2008-yil 25-dekabrdagi OʻRQ-194-sonli Qonuni tahririda — Oʻzbekiston Respublikasi qonun hujjatlari toʻplami, 2008-y., 52-son, 510-modda)
Qonunchilik palatasining kamida toʻqqiz nafar deputati fraksiya yoki deputatlar guruhini tuzish huquqiga ega.
Qonunchilik palatasining deputati faqat bir fraksiya yoki deputatlar guruhining aʼzosi boʻlishi mumkin.
Oldingi tahrirga qarang.
Siyosiy partiyadan koʻrsatilgan va Qonunchilik palatasiga saylangan deputat faqat shu partiya fraksiyasining aʼzosi boʻlishi mumkin.
(9-modda beshinchi qismi Oʻzbekiston Respublikasining 2007-yil 11-apreldagi OʻRQ-90-son Qonuni tahririda — OʻR QHT, 2007-y., 15-son, 153-modda)
Oldingi tahrirga qarang.
Qonunchilik palatasi Spikeri oʻz vazifalarini bajarish davrida siyosiy partiyaga aʼzolikni toʻxtatib turadi va fraksiya yoki deputatlar guruhi tarkibiga kirishi mumkin emas.
(9-modda oltinchi qismi Oʻzbekiston Respublikasining 2007-yil 11-apreldagi OʻRQ-90-son Qonuni tahririda — OʻR QHT, 2007-y., 15-son, 153-modda)
 LexUZ sharhi
9-modda oltinchi qismining Oʻzbekiston Respublikasi Oliy Majlisining Qonunchilik palatasi Spikeri oʻrinbosarlariga taalluqli normalarning amal qilishi Oʻzbekiston Respublikasining 2007-yil 23-iyuldagi OʻRQ-105-sonli Qonuni bilan 2008-yil 1-yanvargacha toʻxtatilgan.
Fraksiya yoki deputatlar guruhini tuzish uchun:
fraksiya yoki deputatlar guruhining taʼsis yigʻilishini oʻtkazish;
fraksiya yoki deputatlar guruhini tuzish toʻgʻrisida taʼsis bayonnomasini qabul qilish;
fraksiya yoki deputatlar guruhining rahbarini saylash zarur boʻladi.
Fraksiya yoki deputatlar guruhining rahbari fraksiya yoki deputatlar guruhini tuzish toʻgʻrisidagi taʼsis bayonnomasini Qonunchilik palatasiga taqdim etadi va tegishincha fraksiya yoki deputatlar guruhi tuzilgani haqida Qonunchilik palatasiga axborot beradi, bu Qonunchilik palatasi majlisining bayonnomasida qayd etiladi.
Fraksiyalar va deputatlar guruhlari hisobga olish roʻyxatidan oʻtkaziladi.
Deputatlar birlashmalari faoliyatining tashkiliy shakli ularning majlislaridir.
Fraksiyalar va deputatlar guruhlari ishini muvofiqlashtirib borish, Qonunchilik palatasi majlisiga kiritiladigan masalalarni dastlabki tarzda koʻrib chiqish, fraksiyalar va deputatlar guruhlari nuqtai nazarini kelishib olish maqsadida deputatlar birlashmalari rahbarlarining qoʻshma majlislari oʻtkazilishi mumkin.
Deputatlar birlashmalari oʻzlari qabul qilgan qarorlar, shuningdek deputatlar birlashmalari rahbarlarining qoʻshma majlislarida qabul qilingan qarorlar haqida Qonunchilik palatasi Spikeriga va uning Kengashiga axborot beradilar.
Fraksiya va deputatlar guruhi faoliyati quyidagi hollarda tugatiladi:
fraksiya yoki deputatlar guruhining oʻz tashabbusiga binoan;
Qonunchilik palatasining vakolatlari muddati tugaganda;
fraksiya yoki deputatlar guruhi tarkibiga kiruvchi deputatlar soni ularni tuzish uchun zarur boʻlgan meʼyordan kamayib ketganda;
tegishli siyosiy partiya faoliyati tugaganda (tugatilganda).
Qonunchilik palatasining vakolatlari muddati tugashidan oldin fraksiyalar yoki deputatlar guruhlari faoliyatining tugatilishi Qonunchilik palatasining qarori bilan rasmiylashtiriladi.
Keyingi tahrirga qarang.
Oldingi tahrirga qarang.
91-modda. Parlamentdagi koʻpchilik va parlamentdagi muxolifat. Fraksiyalarning blokka birlashishi
Qonunchilik palatasida koʻpchilik oʻrinni egallagan fraksiya parlamentdagi koʻpchilikni tashkil etadi.
Oldingi tahrirga qarang.
Oʻz dasturiy maqsadli vazifalarining yaqinligidan yoki mosligidan kelib chiqqan holda blok tuzadigan bir nechta fraksiyalar va Oʻzbekiston ekologik harakatidan saylangan deputatlar ham parlamentdagi koʻpchilikni tashkil etishi mumkin.
Yangitdan shakllantirilgan hukumatning tutgan yoʻli va dasturiga yoki uning ayrim yoʻnalishlariga qoʻshilmaydigan fraksiyalar, shuningdek Oʻzbekiston ekologik harakatidan saylangan deputatlar oʻzlarini muxolifat deb eʼlon qilishi mumkin.
(91-moddaning ikkinchi va uchinchi qismlari Oʻzbekiston Respublikasining 2008-yil 25-dekabrdagi OʻRQ-194-sonli Qonuni tahririda— Oʻzbekiston Respublikasi qonun hujjatlari toʻplami, 2008-y., 52-son, 510-modda)
Keyingi tahrirga qarang.
Fraksiyalarning blokka birlashishi qonunda nazarda tutilgan huquqlarni amalga oshirishda ularning mustaqilligini cheklab qoʻymaydi.
Oʻzini parlamentdagi muxolifat deb eʼlon qilgan fraksiya qonunda fraksiyalar uchun nazarda tutilgan vakolatlar bilan bir qatorda quyidagi huquqlarga ega:
Oldingi tahrirga qarang.
qonun loyihasi birinchi oʻqishda koʻrib chiqilguniga qadar oʻsha masalaga doir qonun loyihasining, shuningdek Qonunchilik palatasi qarori loyihasining muqobil tahririni kiritish;
(91-moddaning beshinchi qismi ikkinchi xatboshisi Oʻzbekiston Respublikasining 2015-yil 29-dekabrdagi OʻRQ-396-sonli Qonuni tahririda — OʻR QHT, 2015-y., 52-son, 645-modda)
muhokama etilayotgan masalalar yuzasidan oʻzining alohida fikrini Qonunchilik palatasining yalpi majlisi bayonnomasiga kiritish;
Senat tomonidan rad etilgan qonun boʻyicha kelishuv komissiyasida oʻz vakillarining kafolatli ishtirok etishi.
Keyingi tahrirga qarang.
Parlamentdagi muxolifatning qonun bilan kafolatlangan huquqlari parlamentdagi koʻpchilik tomonidan kamsitilishi mumkin emas.
(91-modda Oʻzbekiston Respublikasining 2007-yil 11-apreldagi OʻRQ-90-son Qonuni bilan kiritilgan — OʻR QHT, 2007-y., 15-son, 153-modda)
II. QONUNCHILIK PALATASI MAJLISIDA MASALALARNI KOʻRIB CHIQISH TARTIBI
10-modda. Qonunchilik palatasi majlisining kun tartibi
Qonunchilik palatasi majlisida koʻrib chiqilishi lozim boʻlgan masalalar ularni koʻrib chiqish navbati, palataning har bir masalani koʻrib chiqishga tayyorlash uchun masʼul boʻlgan qoʻmitalari, maʼruzachilar (qoʻshimcha maʼruzachilar), shuningdek boshqa maʼlumotlar koʻrsatilgan holda majlis kun tartibi loyihasiga kiritiladi.
Qonunchilik palatasi majlisi kun tartibining loyihasi Qonunchilik palatasi Kengashi tomonidan tuziladi.
Qonunchilik palatasining deputatlari Qonunchilik palatasi majlisining kun tartibi loyihasiga kiritilgan masalalar toʻgʻrisida oldindan xabardor qilinadilar.
Qonunchilik palatasi majlisining kun tartibi palata qarori bilan tasdiqlanadi.
11-modda. Qonunchilik palatasi majlislarida ovoz berish shakllari va usullari
Oldingi tahrirga qarang.
Qonunchilik palatasining qarorlari uning majlislarida ochiq yoki yashirin ovoz berish orqali qabul qilinadi. Ochiq ovoz berish fraksiyalarning (deputatlar guruhlarining) tashabbusiga koʻra nomma-nom oʻtkazilishi mumkin, uning natijalari Qonunchilik palatasi majlisining stenogrammasiga ilova qilinadi.
(11-moddaning birinchi qismi Oʻzbekiston Respublikasining 2015-yil 29-dekabrdagi OʻRQ-396-sonli Qonuni tahririda — OʻR QHT, 2015-y., 52-son, 645-modda)
Keyingi tahrirga qarang.
Qonunchilik palatasi majlislarida ovoz berish ovozlarni hisoblashning elektron tizimidan foydalangan holda yoki yashirin ovoz berish byulletenlaridan foydalangan holda amalga oshirilishi mumkin.
Qonunchilik palatasi majlisida ovozlarni hisoblashning elektron tizimidan foydalanilishi ustidan nazoratni Qonunchilik palatasi deputatlari jumlasidan boʻlgan guruh amalga oshiradi.
Ovoz berish shakli va usuli toʻgʻrisidagi qaror Qonunchilik palatasi tomonidan ochiq ovoz berish orqali qabul qilinadi, u yoki bu masala yuzasidan ovoz berish shakli va usuli Oʻzbekiston Respublikasining Konstitutsiyasida hamda konstitutsiyaviy qonunlarda belgilangan hollar bundan mustasno.
Qonunchilik palatasining deputati oʻzining ovoz berish huquqini shaxsan amalga oshiradi.
III. QONUNLARNI HAMDA QONUNCHILIK PALATASI QARORLARINI KOʻRIB CHIQISH TARTIBI
12-modda. Qonun loyihasini Qonunchilik palatasi koʻrib chiqishi uchun kiritish
Qonun loyihasi Qonunchilik palatasiga Qonunchilik tashabbusi huquqi subyektlari tomonidan kiritiladi.
Qonun loyihasini Qonunchilik palatasiga kiritishda quyidagilar taqdim etilishi kerak:
Oldingi tahrirga qarang.
1) qonun loyihasiga uning konsepsiyasi bayon qilingan tushuntirish xati, ushbu konsepsiyada huquqiy jihatdan tartibga solishning asosiy gʻoyasi, maqsadi va predmeti; tegishli ijtimoiy munosabatlarni huquqiy jihatdan tartibga solishning mazkur sohada amalda boʻlgan qonunlar hamda boshqa normativ-huquqiy hujjatlar tahlili ilova qilingan holdagi umumiy tavsifi va holatiga berilgan baho; qonun loyihasini ishlab chiqish zaruriyati asoslari; qonun loyihasining asosiy qoidalari; boʻlgʻusi qonunning ijtimoiy-iqtisodiy, huquqiy va boshqa oqibatlari prognozi belgilab berilgan boʻlishi kerak;
(12-moddaning ikkinchi qismi 1-bandi Oʻzbekiston Respublikasining 2015-yil 29-dekabrdagi OʻRQ-396-sonli Qonuni tahririda — OʻR QHT, 2015-y., 52-son, 645-modda)
2) oʻzgartishlar va qoʻshimchalar kiritish toʻgʻrisidagi, shuningdek qonun loyihasi kiritilishi bilan bogʻliq qonunlarni oʻz kuchini yoʻqotgan deb topish toʻgʻrisidagi qonun loyihasi;
Keyingi tahrirga qarang.
3) oʻzgartirilishi, qoʻshimchalar kiritilishi, oʻz kuchini yoʻqotgan deb topilishi yoki qabul qilinishi lozim boʻlgan qonunosti hujjatlarining roʻyxati;
Oldingi tahrirga qarang.
31) xalqaro hujjatlarning va chet el mamlakatlari qonun hujjatlarining, Oʻzbekiston Respublikasi qonun hujjatlarining tegishli qoidalari, Oʻzbekiston Respublikasi sharoitida tegishli xalqaro tajriba qoʻllanilishining maqbulligi toʻgʻrisidagi asosli takliflar ketma-ket tartibda koʻrsatilgan tahliliy qiyosiy jadval;
(12-moddaning ikkinchi qismi Oʻzbekiston Respublikasining 2014-yil 14-maydagi OʻRQ-372-sonli Qonuniga asosan 31-band bilan toʻldirilgan — OʻR QHT, 2014-y., 20-son, 222-modda)
Keyingi tahrirga qarang.
4) moddiy xarajatlarni talab qiladigan qonun loyihalari uchun moliyaviy-iqtisodiy asoslar;
Oldingi tahrirga qarang.
5) davlat daromadlarini kamaytirish yoki davlat xarajatlarini koʻpaytirish, shuningdek Oʻzbekiston Respublikasi Davlat budjeti moddalari boʻyicha oʻzgartirishlarni nazarda tutuvchi qonunlarning loyihalari yuzasidan Oʻzbekiston Respublikasi Vazirlar Mahkamasining xulosasi.
(12-moddaning ikkinchi qismi 5-bandi Oʻzbekiston Respublikasining 2015-yil 29-dekabrdagi OʻRQ-396-sonli Qonuni tahririda — OʻR QHT, 2015-y., 52-son, 645-modda)
Keyingi tahrirga qarang.
Oldingi tahrirga qarang.
Qonun loyihasi Qonunchilik palatasi tomonidan birinchi oʻqishda qabul qilinguniga qadar qonun loyihasini kiritgan qonunchilik tashabbusi huquqi subyekti loyiha matnini oʻzgartirish yoki oʻzi kiritgan qonun loyihasini chaqirib olish huquqiga ega. Qonunchilik palatasiga ilgari palata tomonidan birinchi oʻqishda qabul qilingan tegishli qonun loyihasiga doir masalaga daxldor boʻlgan qonun loyihasi kelib tushgan hollarda, Qonunchilik palatasi yangi kiritilgan qonun loyihasini qaytarish toʻgʻrisidagi yoxud uni ilgari birinchi oʻqishda qabul qilingan qonun loyihasi bilan birlashtirish haqidagi masalani masʼul qoʻmitaning xulosasi asosida hal etishga haqli.
(12-moddaning uchinchi qismi Oʻzbekiston Respublikasining 2015-yil 29-dekabrdagi OʻRQ-396-sonli Qonuni tahririda — OʻR QHT, 2015-y., 52-son, 645-modda)
13-modda. Qonun loyihasini Qonunchilik palatasi tomonidan koʻrib chiqish uchun qabul qilish
Oldingi tahrirga qarang.
Oldingi tahrirga qarang.
Qonunchilik palatasi Kengashi Muvofiqlashtiruvchi guruhning axborotini eshitib, masʼul qoʻmitani belgilaydi, qonun loyihasi hamda unga ilova qilingan materiallarni masʼul qoʻmitaga va, bir vaqtning oʻzida, fraksiyalarga (deputatlar guruhlariga) topshiradi. Bunda Qonunchilik palatasi Kengashi fraksiyalar (deputatlar guruhlari) tomonidan fikrlar va takliflarni hamda masʼul qoʻmita tomonidan xulosani taqdim etish muddatini belgilaydi.
(13-moddaning birinchi qismi Oʻzbekiston Respublikasining 2015-yil 29-dekabrdagi OʻRQ-396-sonli Qonuni tahririda — OʻR QHT, 2015-y., 52-son, 645-modda)
Keyingi tahrirga qarang.
Qonun loyihasini Qonunchilik palatasi koʻrib chiqishi uchun qabul qilish mumkinligi toʻgʻrisida takliflar ishlab chiqish uchun qonun loyihasi ustida ishlash fraksiyalar (deputatlar guruhlari) va masʼul qoʻmita tomonidan bir vaqtning oʻzida amalga oshiriladi. Bunda fraksiyalarning (deputatlar guruhlarining) qonun loyihasi boʻyicha fikrlari va takliflarisiz masʼul qoʻmita ushbu qonun loyihasi yuzasidan oʻz xulosasini chiqarish huquqiga ega emas.
Keyingi tahrirga qarang.
Masʼul qoʻmita qonun loyihasi boʻyicha barcha fraksiyalardan (deputatlar guruhlaridan) fikrlar va takliflarni toʻplab, Qonunchilik palatasi Kengashiga qonun loyihasini Qonunchilik palatasi koʻrib chiqishi uchun qabul qilish mumkinligi toʻgʻrisida belgilangan muddatda xulosa taqdim etadi.
Keyingi tahrirga qarang.
Oldingi tahrirga qarang.
Qonunchilik palatasi Kengashi masʼul qoʻmitaning xulosasi asosida, fraksiyalarning (deputatlar guruhlarining) fikrlari va takliflarini hisobga olgan holda qonun loyihasini Qonunchilik palatasi koʻrib chiqishi uchun qabul qilish toʻgʻrisida yoki qonun loyihasi ushbu Qonun 12-moddasining ikkinchi qismida belgilangan talablarga muvofiq boʻlmagan taqdirda uni qonunchilik tashabbusi huquqi subyektiga qaytarish haqida qaror qabul qiladi.
(13-moddaning toʻrtinchi va beshinchi qismlari Oʻzbekiston Respublikasining 2015-yil 29-dekabrdagi OʻRQ-396-sonli Qonuniga asosan toʻrtinchi qism bilan almashtirilgan — OʻR QHT, 2015-y., 52-son, 645-modda)
Keyingi tahrirga qarang.
Aniqlangan kamchiliklar bartaraf etilganidan keyin qonun loyihasi Qonunchilik palatasi koʻrib chiqishi uchun yangidan kiritilishi mumkin.
Qonun loyihasi Qonunchilik palatasi koʻrib chiqishi uchun qabul qilinayotganda uning Kengashi qonun loyihasini palata majlisida koʻrib chiqishga tayyorlash muddatini belgilashi shart.
Koʻrib chiqish uchun qabul qilingan qonun loyihasi unga ilova qilingan materiallar bilan Qonunchilik palatasining qoʻmitalariga yuboriladi.
(13-moddaning matni Oʻzbekiston Respublikasining 2013-yil 18-apreldagi OʻRQ-349-sonli Qonuni tahririda — OʻR QHT, 2013-y., 16-son, 215-modda)
14-modda. Qonun loyihasini dastlabki tarzda muhokama qilish
Qonun loyihasini dastlabki tarzda muhokama qilish va uni Qonunchilik palatasida birinchi oʻqishda koʻrib chiqishga tayyorlash masʼul qoʻmita tomonidan amalga oshiriladi.
Oldingi tahrirga qarang.
Fraksiyalar (deputatlar guruhlari) qonun loyihasini dastlabki tarzda muhokama qilish yakunlariga koʻra masʼul qoʻmitaga oʻz fikrlari va takliflarini taqdim etadi.
Keyingi tahrirga qarang.
Masʼul qoʻmita fraksiyalar (deputatlar guruhlari), manfaatdor tashkilotlar hamda ekspertlar guruhlarining fikrlari va takliflarini hisobga olgan holda qonun loyihasining dastlabki tarzdagi muhokamasini oʻtkazadi va, agar Qonunchilik palatasi Kengashi tomonidan boshqa muddat belgilangan boʻlmasa, qonun loyihasi olingan kundan eʼtiboran ikki oy ichida unga:
Keyingi tahrirga qarang.
Qonunchilik palatasi Kengashining qonun loyihasini birinchi oʻqishda koʻrib chiqish uchun Qonunchilik palatasiga kiritish toʻgʻrisidagi qarori loyihasini;
masʼul qoʻmitaning mazkur qonun loyihasini qabul qilish yoki rad etish zarurligi asoslangan xulosasini;
fraksiyalarning (deputatlar guruhlarining) qonun loyihasi boʻyicha fikrlari va takliflarini ilova qilgan holda, Qonunchilik palatasi Kengashi koʻrib chiqishi uchun taqdim etadi.
Keyingi tahrirga qarang.
Oldingi tahrirga qarang.
Qonun loyihasini Qonunchilik palatasi qoʻmitalarida muhokama qilish ochiq, qonun loyihasini kiritgan qonunchilik tashabbusi huquqi subyekti vakillari taklif etilgan holda oʻtkaziladi. Muhokamalarga olimlar, mutaxassislar, fuqarolik jamiyati institutlarining vakillari ham taklif etilishi mumkin.
(14-moddaning toʻrtinchi qismi Oʻzbekiston Respublikasining 2015-yil 29-dekabrdagi OʻRQ-396-sonli Qonuni tahririda — OʻR QHT, 2015-y., 52-son, 645-modda)
Keyingi tahrirga qarang.
Keyingi tahrirga qarang.
Qonunchilik palatasi Kengashi masʼul qoʻmita taqdim etgan qonun loyihasini birinchi oʻqishda koʻrib chiqish uchun Qonunchilik palatasi majlisining kun tartibi loyihasiga kiritish toʻgʻrisida qaror qabul qiladi.
15-modda. Qonun loyihasini Qonunchilik palatasi majlislarida koʻrib chiqish
Oldingi tahrirga qarang.
Qonunchilik palatasi qonun loyihasini, qoida tariqasida, uch oʻqishda koʻrib chiqadi.
Qonun loyihasini Qonunchilik palatasi majlislarida birinchi oʻqishda koʻrib chiqish chogʻida uni qabul qilish zarurati, qonun loyihasining konsepsiyasi, uning Oʻzbekiston Respublikasining Konstitutsiyasi va qonunlariga muvofiqligi, shuningdek qonunni amalga oshirish bilan bogʻliq xarajatlar hamda moliyalashtirish manbalari toʻgʻrisidagi masala muhokama qilinadi. Bunda masʼul qoʻmitadan boʻlgan maʼruzachi birinchi va keyingi oʻqishlarda fraksiyalarning (deputatlar guruhlarining) fikrlari va takliflarini deputatlarga yetkazishi shart.
Keyingi tahrirga qarang.
Fraksiyalarning (deputatlar guruhlarining) qonun loyihasi boʻyicha fikrlari va takliflari majburiy ravishda va har tomonlama muhokama qilinishi lozim.
Keyingi tahrirga qarang.
Qonun loyihasini kiritgan qonunchilik tashabbusi huquqi subyekti yoki uning vakili Qonunchilik palatasi majlisida qonun loyihasini birinchi oʻqishda koʻrib chiqish chogʻida soʻzga chiqishi mumkin.
Keyingi tahrirga qarang.
Qonunchilik palatasi muhokama natijalari boʻyicha qonun loyihasini maromiga yetkazish va keyingi oʻqishda koʻrib chiqish uchun palataga kiritish muddatini majburiy tartibda belgilagan holda uni birinchi oʻqishda qabul qilish haqida yoxud qonun loyihasini rad etish toʻgʻrisida qaror qabul qiladi.
Qonunchilik palatasi muhokamasiga qonun loyihalarining muqobil tahrirlari kiritilgan taqdirda ular bir vaqtda koʻrib chiqilishi kerak. Qonunchilik palatasi deputatlarining qaror qabul qilish uchun talab qilinadigan eng koʻp miqdordagi ovozini toʻplagan qonun loyihasi birinchi oʻqishda qabul qilingan hisoblanadi.
Birinchi oʻqishda qabul qilingan qonun loyihasining matni, qoida tariqasida, Qonunchilik palatasining rasmiy veb-saytida joylashtiriladi, zarur boʻlgan hollarda esa, Qonunchilik palatasining qaroriga koʻra ommaviy axborot vositalarida eʼlon qilinadi.
Keyingi tahrirga qarang.
Masʼul qoʻmita kelib tushgan fikrlar va takliflarni qonun loyihasini ikkinchi oʻqishga tayyorlash chogʻida umumlashtiradi. Qonun loyihasining maromiga yetkazilgan matni fraksiyalarga (deputatlar guruhlariga), shuningdek qonun loyihasini kiritgan qonunchilik tashabbusi huquqi subyektiga ularning ushbu qonun loyihasi boʻyicha fikrlari va takliflarini olish uchun yuboriladi.
Keyingi tahrirga qarang.
Masʼul qoʻmita maromiga yetkazilgan qonun loyihasi boʻyicha fikrlar va takliflarni olganidan soʻng ularning muhokamasini qonun loyihasini kiritgan qonunchilik tashabbusi huquqi subyekti vakillari ishtirokida tashkil etadi. Muhokamalarga olimlar, mutaxassislar, fuqarolik jamiyati institutlarining vakillari ham taklif etilishi mumkin.
Keyingi tahrirga qarang.
Sotsial va ijtimoiy ahamiyatga molik masalalarga daxldor qonun loyihalari muhokamalariga fuqarolik jamiyati institutlarining vakillari taklif etilishi shart.
Keyingi tahrirga qarang.
Masʼul qoʻmita tomonidan asosli deb topilgan takliflar qonun loyihasining matniga kiritiladi.
Keyingi tahrirga qarang.
Qonun loyihasini Qonunchilik palatasi tomonidan ikkinchi oʻqishda koʻrib chiqish chogʻida masʼul qoʻmita tomonidan maʼqullangan fikrlar va takliflar ham, maʼqullanmagan fikrlar va takliflar ham muhokama qilinadi. Qonun loyihasi boʻyicha ovoz berish moddama-modda oʻtkaziladi.
Keyingi tahrirga qarang.
Keyingi tahrirga qarang.
Muhokama natijalari boʻyicha Qonunchilik palatasi qonun loyihasini maromiga yetkazish va keyingi oʻqishda koʻrib chiqish uchun palataga kiritish muddatini belgilagan holda uni ikkinchi oʻqishda qabul qilish haqida yoxud qonun loyihasini rad etish toʻgʻrisida qaror qabul qiladi.
Keyingi tahrirga qarang.
Uchinchi oʻqishda qonun loyihasi muhokama qilinmasdan toʻlaligicha ovozga qoʻyiladi.
Qonun loyihasi birinchi yoki ikkinchi oʻqishda qabul qilingan taqdirda, masʼul qoʻmitaning taklifiga binoan qonunni keyingi oʻqishlar tartib-taomilini istisno etgan holda qabul qilish toʻgʻrisidagi masala ovozga qoʻyilishi mumkin.
Qonun Qonunchilik palatasi tomonidan palata deputatlari umumiy sonining koʻpchilik ovozi bilan qabul qilinadi, bundan ushbu Qonun 151, 17 va 18-moddalarida nazarda tutilgan hollar mustasno.
Qonunchilik palatasi tomonidan qabul qilingan qonun oʻn kun ichida Senatga koʻrib chiqish uchun yuboriladi. Senatga qonun bilan birgalikda qonun loyihasini Qonunchilik palatasiga kiritish chogʻida taqdim etilgan materiallar yuboriladi.
(15-moddaning matni Oʻzbekiston Respublikasining 2015-yil 29-dekabrdagi OʻRQ-396-sonli Qonuni tahririda — OʻR QHT, 2015-y., 52-son, 645-modda)
Oldingi tahrirga qarang.
151-modda. Senat tomonidan rad etilgan qonunni Qonunchilik palatasi tomonidan qayta koʻrib chiqish tartibi
Senat tomonidan rad etilgan qonun Qonunchilik palatasi tomonidan bir oylik muddatda qayta koʻrib chiqilishi lozim.
Masʼul qoʻmita Senat tomonidan rad etilgan qonun yuzasidan xulosa beradi.
Masʼul qoʻmitaning xulosasi olinganidan keyin qonunni Qonunchilik palatasi tomonidan qayta koʻrib chiqish masalasi belgilangan tartibda Qonunchilik palatasi majlisining kun tartibiga kiritiladi.
Senat tomonidan rad etilgan qonunni qayta koʻrib chiqishda Qonunchilik palatasi quyidagi qarorlardan birini qabul qiladi:
yuzaga kelgan kelishmovchiliklarni bartaraf etish uchun belgilangan tartibda kelishuv komissiyasini tuzish;
qonunni Qonunchilik palatasi tomonidan avvalgi qabul qilingan tahririda qabul qilish;
qonunni Qonunchilik palatasining qayta koʻrib chiqishidan olib tashlash.
Agar Qonunchilik palatasi Senat tomonidan rad etilgan qonunni Qonunchilik palatasi deputatlari umumiy sonining uchdan ikki qismidan iborat koʻpchilik ovozi bilan yana maʼqullasa, qonun Oʻzbekiston Respublikasi Oliy Majlisi tomonidan qabul qilingan hisoblanadi hamda imzolanishi va eʼlon qilinishi uchun Oʻzbekiston Respublikasi Prezidentiga yuboriladi.
(151-modda Oʻzbekiston Respublikasining 2015-yil 29-dekabrdagi OʻRQ-396-sonli Qonuniga asosan kiritilgan — OʻR QHT, 2015-y., 52-son, 645-modda)
16-modda. Kelishuv komissiyasi
Senat tomonidan rad etilgan qonun yuzasidan Qonunchilik palatasi va Senat yuzaga kelgan kelishmovchiliklarni bartaraf etish uchun Qonunchilik palatasi deputatlari va Senat aʼzolari orasidan tenglik asosida kelishuv komissiyasini tuzishi mumkin.
Qonunchilik palatasida kelishuv komissiyasini tuzish toʻgʻrisidagi tashabbus Qonunchilik palatasi Spikeridan, shuningdek fraksiyalar va deputatlar guruhlaridan chiqishi mumkin.
Keyingi tahrirga qarang.
Oldingi tahrirga qarang.
Kelishuv komissiyasining Qonunchilik palatasidan koʻrsatilgan tarkibi uning majlisida tasdiqlanadi. Bunda kelishuv komissiyasining Qonunchilik palatasidan koʻrsatilgan tarkibiga oʻzini muxolifat deb eʼlon qilgan fraksiyalarning vakillari kiritilishi shart.
(16-moddaning uchinchi va toʻrtinchi qismlari Oʻzbekiston Respublikasining 2015-yil 29-dekabrdagi OʻRQ-396-sonli Qonuniga asosan uchinchi qism bilan almashtirilgan — OʻR QHT, 2015-y., 52-son, 645-modda)
Kelishuv komissiyasining har bir palatadan saylangan aʼzolari oʻz tarkibidan koʻpchilik ovoz bilan komissiyaning hamraislarini saylaydilar.
Kelishuv komissiyasi qonunning yagona matnini ishlab chiqish maqsadida Senatning har bir eʼtirozini alohida-alohida koʻrib chiqadi.
Kelishuv komissiyasining qarorlari kelishuv komissiyasi tarkibiga kirgan Qonunchilik palatasi deputatlari va senatorlarning alohida-alohida ovoz berishi orqali qabul qilinadi. Qaror, agar komissiyaning har bir palatadan saylangan aʼzolarining koʻpchiligi uni yoqlab ovoz bergan boʻlsa, qabul qilingan hisoblanadi.
Kelishuv komissiyasi oʻz ishining natijalari yuzasidan kelishmovchiliklarni bartaraf etish boʻyicha takliflarni oʻz ichiga olgan xulosa qabul qiladi. Xulosaga qonunga doir oʻzgartishlar va qoʻshimchalar loyihasining matni ilova qilinadi.
Xulosa Qonunchilik palatasi va Senatdan saylangan kelishuv komissiyasining hamraislari tomonidan imzolanib, tegishincha Qonunchilik palatasi va Senatga topshiriladi.
Kelishuv komissiyasining takliflari qabul qilingan taqdirda qonun Qonunchilik palatasi tomonidan qayta koʻrib chiqilishi kerak. Qonunni qayta koʻrib chiqishda kelishuv komissiyasining bayonnomasida mavjud boʻlgan takliflargina muhokama qilinadi.
Kelishuv komissiyasining loaqal bitta taklifi rad etilgan taqdirda Qonunchilik palatasi kelishuv komissiyasiga yangi takliflarni taqdim etish uchun palata tomonidan maʼqullangan tuzatishlarni inobatga olgan holda ishni davom ettirishni taklif qilishi mumkin.
Qonunchilik palatasi qonunni kelishuv komissiyasining tahririda qabul qilsa, u maʼqullash uchun Senatga yuboriladi.
Agar kelishuv komissiyasining qonun boʻyicha ishlari yakunlariga koʻra kelishuvga erishilmasa, qonun Senat tomonidan rad etilgan qonun sifatida qayta koʻrib chiqilishi kerak.
 LexUZ sharhi
Qoʻshimcha maʼlumot uchun qarang: Oʻzbekiston Respublikasi Oliy Majlisi Qonunchilik palatasining 2005-yil 8-noyabrdagi 152-I-sonli va Oʻzbekiston Respublikasi Oliy Majlisi Senatining 2005-yil 3-dekabrdagi 112-I-sonli qarorlari bilan tasdiqlangan “Oʻzbekiston Respublikasi Oliy Majlisi palatalarining kelishuv komissiyasini tuzish va uning faoliyatini tashkil etish tartibi”.
Keyingi tahrirga qarang.
Oldingi tahrirga qarang.
17-modda. Oʻzbekiston Respublikasi Prezidenti qaytargan qonunni Qonunchilik palatasi tomonidan qayta koʻrib chiqish tartibi
Oʻzbekiston Respublikasi Prezidenti tomonidan eʼtirozlar bilan qaytarilgan qonun Qonunchilik palatasi tomonidan bir oylik muddatda qayta koʻrib chiqilishi kerak.
Masʼul qoʻmita Oʻzbekiston Respublikasi Prezidenti tomonidan qaytarilgan qonun yuzasidan xulosa beradi.
Masʼul qoʻmitaning xulosasi olinganidan keyin qonunni Qonunchilik palatasi tomonidan qayta koʻrib chiqish masalasi belgilangan tartibda Qonunchilik palatasi majlisining kun tartibiga kiritiladi.
Oʻzbekiston Respublikasi Prezidenti tomonidan qaytarilgan qonunni qayta koʻrib chiqishda Qonunchilik palatasi tomonidan quyidagi qarorlardan biri qabul qilinadi:
qonunni Oʻzbekiston Respublikasi Prezidentining mulohazalari va takliflarini inobatga olgan holda qabul qilish;
qonunni bundan buyon koʻrib chiqmaslik;
qonunni avvalgi qabul qilingan tahririda maʼqullash.
Agar qonun avvalgi qabul qilingan tahririda Qonunchilik palatasi deputatlari umumiy sonining kamida uchdan ikki qismidan iborat koʻpchilik ovozi bilan maʼqullansa, Senatga maʼqullash uchun yuboriladi.
(17-modda Oʻzbekiston Respublikasining 2015-yil 29-dekabrdagi OʻRQ-396-sonli Qonuni tahririda — OʻR QHT, 2015-y., 52-son, 645-modda)
18-modda. Oʻzbekiston Respublikasi Konstitutsiyasining, konstitutsiyaviy qonunning, ularga oʻzgartishlar va qoʻshimchalar kiritish toʻgʻrisidagi qonunlarning loyihalarini koʻrib chiqishning oʻziga xos xususiyatlari
Keyingi tahrirga qarang.
Oʻzbekiston Respublikasi Konstitutsiyasining, konstitutsiyaviy qonunning, ularga oʻzgartishlar va qoʻshimchalar kiritish toʻgʻrisidagi qonunlarning loyihalarini qabul qilish uchun Qonunchilik palatasi deputatlari umumiy sonining uchdan ikki qismidan iborat koʻpchilik ovozi talab qilinadi.
Keyingi tahrirga qarang.
Qonunchilik palatasi Oʻzbekiston Respublikasining Konstitutsiyasiga oʻzgartishlar va qoʻshimchalar kiritish toʻgʻrisidagi qonun loyihasini tegishli taklif kiritilgandan keyin olti oy ichida uning keng muhokamasini inobatga olgan holda koʻrib chiqishi mumkin.
Keyingi tahrirga qarang.
Agar Qonunchilik palatasi Oʻzbekiston Respublikasining Konstitutsiyasiga oʻzgartishlar va qoʻshimchalar kiritish toʻgʻrisidagi qonun loyihasini qabul qilmasa, uni koʻrib chiqish kamida bir yildan keyin qayta boshlanishi mumkin.
Keyingi tahrirga qarang.
19-modda. Qonunchilik palatasi qarorlarini qabul qilish tartibi
Qonunchilik palatasi qonunlar qabul qilinishi talab etilmaydigan masalalar yuzasidan qarorlar qabul qiladi.
Qaror loyihasi Qonunchilik palatasiga kiritilayotganda unga qisqacha tushuntirish xati va boshqa zarur materiallar ilova qilinadi.
Oldingi tahrirga qarang.
Qonunchilik palatasi Kengashi Muvofiqlashtiruvchi guruhning axborotini eshitib, masʼul qoʻmitani belgilaydi, unga va, bir vaqtning oʻzida, fraksiyalarga (deputatlar guruhlariga) qaror loyihasini hamda unga ilova qilingan materiallarni topshiradi.
Keyingi tahrirga qarang.
Masʼul qoʻmita qaror loyihasi boʻyicha barcha fraksiyalar (deputatlar guruhlari), manfaatdor tashkilotlar hamda ekspertlar guruhlaridan fikrlar va takliflarni toʻplab, uni Qonunchilik palatasi majlisida koʻrib chiqish mumkinligi toʻgʻrisida Qonunchilik palatasi Kengashiga xulosa taqdim etadi.
Keyingi tahrirga qarang.
Qonunchilik palatasi Kengashi masʼul qoʻmitaning xulosasi asosida, fraksiyalarning (deputatlar guruhlarining) fikrlari va takliflarini hisobga olgan holda qaror loyihasini Qonunchilik palatasi majlisining kun tartibiga kiritish yoki kiritmaslik toʻgʻrisida qaror qabul qiladi.
Keyingi tahrirga qarang.
Qonunchilik palatasi majlisida masʼul qoʻmita vakilining axboroti eshitilib, unda fraksiyalarning (deputatlar guruhlarining) qaror loyihasi boʻyicha fikrlari va takliflari deputatlarga yetkazilishi shart.
Keyingi tahrirga qarang.
Oldingi tahrirga qarang.
Fraksiyalarning (deputatlar guruhlarining) qaror loyihasi boʻyicha fikrlari va takliflari majburiy ravishda va har tomonlama muhokama qilinishi lozim.
(19-moddaning yettinchi qismi Oʻzbekiston Respublikasining 2015-yil 29-dekabrdagi OʻRQ-396-sonli Qonuni tahririda — OʻR QHT, 2015-y., 52-son, 645-modda)
Keyingi tahrirga qarang.
Muhokama natijalariga koʻra deputatlar umumiy sonining koʻpchilik ovozi bilan Qonunchilik palatasining qarori qabul qilinadi.
(19-moddaning uchinchi, toʻrtinchi va beshinchi qismlari Oʻzbekiston Respublikasining 2013-yil 18-apreldagi OʻRQ-349-sonli Qonuniga asosan uchinchi — sakkizinchi qismlarga almashtirilgan — OʻR QHT, 2013-y., 16-son, 215-modda)
Agar ovoz berish yakunlariga koʻra qaror loyihasini qabul qilish toʻgʻrisidagi taklif zarur miqdorda ovoz toʻplamagan boʻlsa, taklif rad etilgan hisoblanadi.
Qonunchilik palatasining Senat bilan birgalikdagi vakolatlariga kiritilgan masala yuzasidan qabul qilingan qarori mazkur qaror qabul qilingan kundan eʼtiboran besh kun ichida, agar ushbu Qonunda boshqacha qoida belgilangan boʻlmasa, Senatga yuboriladi.
Keyingi tahrirga qarang.
Oldingi tahrirga qarang.
IV. NAVBATDAGI YIL UCHUN OʻZBEKISTON RESPUBLIKASINING DAVLAT BUDJETINI, DAVLAT MAQSADLI JAMGʻARMALARINING BUDJETLARINI HAMDA SOLIQ VA BUDJET SIYOSATINING ASOSIY YOʻNALISHLARINI QABUL QILISH
(IV boʻlimning nomi Oʻzbekiston Respublikasining 2015-yil 29-dekabrdagi OʻRQ-396-sonli Qonuni tahririda — OʻR QHT, 2015-y., 52-son, 645-modda)
Oldingi tahrirga qarang.
20-modda. Navbatdagi yil uchun Oʻzbekiston Respublikasining Davlat budjeti, davlat maqsadli jamgʻarmalarining budjetlari hamda soliq va budjet siyosatining asosiy yoʻnalishlari loyihasini koʻrib chiqish
(20-moddaning nomi Oʻzbekiston Respublikasining 2015-yil 29-dekabrdagi OʻRQ-396-sonli Qonuni tahririda — OʻR QHT, 2015-y., 52-son, 645-modda)
Oldingi tahrirga qarang.
Navbatdagi yil uchun Oʻzbekiston Respublikasining Davlat budjeti, davlat maqsadli jamgʻarmalarining budjetlari hamda soliq va budjet siyosatining asosiy yoʻnalishlari (bundan buyon matnda Davlat budjeti deb yuritiladi) loyihasi Oʻzbekiston Respublikasi Vazirlar Mahkamasi tomonidan joriy yilning 15-oktabridan kechiktirmay Oʻzbekiston Respublikasi Hisob palatasining xulosasi bilan birga Qonunchilik palatasiga kiritiladi.
(20-moddaning birinchi qismi Oʻzbekiston Respublikasining 2015-yil 29-dekabrdagi OʻRQ-396-sonli Qonuni tahririda — OʻR QHT, 2015-y., 52-son, 645-modda)
Oldingi tahrirga qarang.
Oldingi tahrirga qarang.
Davlat budjeti loyihasi dastlabki tarzda koʻrib chiqish hamda fikrlar va takliflar ishlab chiqish uchun Qonunchilik palatasi Spikeri tomonidan Budjet va iqtisodiy islohotlar qoʻmitasiga, fraksiyalarga (deputatlar guruhlariga), Qonunchilik palatasining qoʻmitalariga topshiriladi.
(20-moddaning ikkinchi qismi Oʻzbekiston Respublikasining 2016-yil 23-sentabrdagi OʻRQ-411-sonli Qonuni tahririda — OʻR QHT, 2016-y., 39-son, 457-modda)
Keyingi tahrirga qarang.
Oldingi tahrirga qarang.
Davlat budjeti loyihasini dastlabki tarzda muhokama qilish chogʻida fraksiyalar (deputatlar guruhlari) va Qonunchilik palatasining qoʻmitalari Davlat budjeti loyihasi parametrlari bilan bogʻliq qoʻshimcha axborotni tegishli organlardan talab qilib olishi mumkin.
(20-modda Oʻzbekiston Respublikasining 2016-yil 23-sentabrdagi OʻRQ-411-sonli Qonuniga asosan uchinchi qism bilan toʻldirilgan — OʻR QHT, 2016-y., 39-son, 457-modda)
Keyingi tahrirga qarang.
Oldingi tahrirga qarang.
Masʼul qoʻmita barcha fraksiyalar (deputatlar guruhlari), Qonunchilik palatasining qoʻmitalari, manfaatdor tashkilotlar hamda ekspertlar guruhlaridan fikrlar va takliflarni toʻplab, Davlat budjeti loyihasini dastlabki tarzda koʻrib chiqishni oʻtkazadi.
(20-moddaning toʻrtinchi qismi Oʻzbekiston Respublikasining 2016-yil 23-sentabrdagi OʻRQ-411-sonli Qonuni tahririda — OʻR QHT, 2016-y., 39-son, 457-modda)
Keyingi tahrirga qarang.
Oldingi tahrirga qarang.
Qonunchilik palatasi Davlat budjeti loyihasini, qoida tariqasida, uch oʻqishda koʻrib chiqadi.
(20-modda Oʻzbekiston Respublikasining 2016-yil 23-sentabrdagi OʻRQ-411-sonli Qonuniga asosan beshinchi qism bilan toʻldirilgan — OʻR QHT, 2016-y., 39-son, 457-modda)
Davlat budjeti loyihasiga doir materiallar Qonunchilik palatasi deputatlariga oldindan, mazkur loyiha Qonunchilik palatasi majlisida koʻrib chiqilguniga qadar yuboriladi.
Oldingi tahrirga qarang.
Davlat budjeti loyihasini Qonunchilik palatasining majlisida muhokama qilish Oʻzbekiston Respublikasi moliya vazirining yoki uning vazifasini bajaruvchi shaxsning maʼruzasi bilan boshlanadi, bu maʼruzadan soʻng masʼul qoʻmitaning vakili soʻzga chiqadi. Bunda masʼul qoʻmitaning vakili fraksiyalarning (deputatlar guruhlarining) Qonunchilik palatasi qoʻmitalarining Davlat budjeti loyihasi boʻyicha fikrlari va takliflarini deputatlarga yetkazishi shart.
(20-moddaning yettinchi qismi Oʻzbekiston Respublikasining 2016-yil 23-sentabrdagi OʻRQ-411-sonli Qonuni tahririda — OʻR QHT, 2016-y., 39-son, 457-modda)
Keyingi tahrirga qarang.
Oldingi tahrirga qarang.
Fraksiyalarning (deputatlar guruhlarining), Qonunchilik palatasi qoʻmitalarining Davlat budjeti loyihasi boʻyicha fikrlari va takliflari Qonunchilik palatasining majlisida majburiy ravishda hamda har tomonlama muhokama qilinishi lozim.
(20-moddaning sakkizinchi qismi Oʻzbekiston Respublikasining 2016-yil 23-sentabrdagi OʻRQ-411-sonli Qonuni tahririda — OʻR QHT, 2016-y., 39-son, 457-modda)
Keyingi tahrirga qarang.
Oldingi tahrirga qarang.
Davlat budjeti loyihasi Qonunchilik palatasi tomonidan koʻrib chiqilayotganda u fraksiyalarning (deputatlar guruhlarining), Qonunchilik palatasi qoʻmitalarining kelib tushgan mulohazalari va takliflarini inobatga olgan holda maromiga yetkazish uchun Oʻzbekiston Respublikasi Vazirlar Mahkamasiga yuborilishi mumkin.
(20-moddaning toʻqqizinchi qismi Oʻzbekiston Respublikasining 2016-yil 23-sentabrdagi OʻRQ-411-sonli Qonuni tahririda — OʻR QHT, 2016-y., 39-son, 457-modda)
Keyingi tahrirga qarang.
Oʻzbekiston Respublikasi Vazirlar Mahkamasi oʻn toʻrt kun ichida Qonunchilik palatasining mulohazalari va takliflarini inobatga olgan holda Davlat budjeti loyihasini maromiga yetkazadi va Davlat budjetining maromiga yetkazilgan loyihasini Qonunchilik palatasiga yuboradi.
Davlat budjetining loyihasi Qonunchilik palatasi tomonidan joriy yilning 15-noyabridan kechiktirmay koʻrib chiqilishi kerak.
Qonunchilik palatasi tomonidan qabul qilingan Davlat budjeti mazkur budjet qabul qilingan kundan eʼtiboran besh kun ichida koʻrib chiqish uchun Senatga yuboriladi.
21-modda. Davlat budjetiga oʻzgartishlar va qoʻshimchalar kiritish
Davlat budjetiga Oʻzbekiston Respublikasi Vazirlar Mahkamasining taqdimiga binoan belgilangan tartibda oʻzgartishlar va qoʻshimchalar kiritilishi mumkin.
Davlat budjetiga oʻzgartishlar va qoʻshimchalar kiritish toʻgʻrisidagi masala, agar bu hol budjetni tartibga solishda qiyinchiliklar keltirib chiqarishi mumkin boʻlsa, Qonunchilik palatasining majlisida birinchi navbatda koʻrib chiqilishi kerak.
Davlat budjetiga oʻzgartishlar va qoʻshimchalar uni qabul qilish uchun belgilangan tartibda kiritiladi.
Keyingi tahrirga qarang.
V. QONUNCHILIK PALATASI TOMONIDAN MANSABDOR SHAXSLARNI TAYINLASH (SAYLASH)
22-modda. Oʻzbekiston Respublikasi Bosh vaziri nomzodini koʻrib chiqish va tasdiqlash
Oldingi tahrirga qarang.
Oʻzbekiston Respublikasi Bosh vaziri nomzodi Qonunchilik palatasiga saylovda eng koʻp deputatlik oʻrinlarini olgan siyosiy partiya yoki teng miqdordagi eng koʻp deputatlik oʻrinlarini qoʻlga kiritgan bir necha siyosiy partiya tomonidan taklif etiladi.
Oʻzbekiston Respublikasi Prezidenti taqdim etilgan Oʻzbekiston Respublikasi Bosh vaziri lavozimiga nomzodni koʻrib chiqqanidan keyin oʻn kun muddat ichida uni Oʻzbekiston Respublikasi Oliy Majlisi palatalarining koʻrib chiqishi va tasdiqlashi uchun taklif etadi.
Oʻzbekiston Respublikasi Prezidentining Oʻzbekiston Respublikasi Bosh vaziri nomzodini tasdiqlash toʻgʻrisidagi taqdimnomasi mazkur taqdimnoma kiritilgan kundan eʼtiboran yetti kun ichida Qonunchilik palatasi tomonidan koʻrib chiqiladi.
Oldingi tahrirga qarang.
Bosh vazir lavozimiga nomzod Qonunchilik palatasida uning nomzodi koʻrib chiqilayotganda va tasdiqlanayotganda Vazirlar Mahkamasining yaqin muddatga va uzoq istiqbolga moʻljallangan harakat dasturini taqdim etadi.
(22-modda Oʻzbekiston Respublikasining 2014-yil 16-apreldagi OʻRQ-367-sonli Qonuniga asosan toʻrtinchi qism bilan toʻldirilgan — OʻR QHT, 2014-y., 16-son, 177-modda)
Oldingi tahrirga qarang.
Vazirlar Mahkamasining yaqin muddatga va uzoq istiqbolga moʻljallangan harakat dasturi Oliy Majlis palatalarining qoʻshma majlisida eshitiladi.
Vazirlar Mahkamasining yaqin muddatga va uzoq istiqbolga moʻljallangan harakat dasturi, fraksiyalar (deputatlar guruhlari) vakillarining oʻz fikrlari va nuqtai nazarlari bayon etilgan maʼruzalari eshitilganidan soʻng Bosh vazir nomzodini tasdiqlash toʻgʻrisidagi masala koʻrib chiqiladi.
(22-modda Oʻzbekiston Respublikasining 2015-yil 29-dekabrdagi OʻRQ-396-sonli Qonuniga asosan beshinchi va oltinchi qismlar bilan toʻldirilgan — OʻR QHT, 2015-y., 52-son, 645-modda)
Keyingi tahrirga qarang.
Oʻzbekiston Respublikasi Bosh vaziri nomzodi uning uchun Qonunchilik palatasi deputatlari umumiy sonining yarmidan koʻpi ovoz bergan taqdirda Qonunchilik palatasi tomonidan tasdiqlangan hisoblanadi.
Agar ovoz berish vaqtida Oʻzbekiston Respublikasi Bosh vaziri nomzodi Qonunchilik palatasida Qonunchilik palatasi deputatlari umumiy sonining koʻpchilik ovozini ololmasa, Oʻzbekiston Respublikasi Prezidenti barcha fraksiyalar bilan qoʻshimcha maslahatlashuvlar oʻtkazganidan soʻng Bosh vazir lavozimiga nomzodni yana bir marta taqdim etish huquqiga ega.
Oʻzbekiston Respublikasi Bosh vaziri va Qonunchilik palatasi oʻrtasida ziddiyatlar doimiy tus olgan holda Qonunchilik palatasi deputatlari umumiy sonining kamida uchdan bir qismi tomonidan Oʻzbekiston Respublikasi Prezidenti nomiga rasman kiritilgan taklif boʻyicha Oʻzbekiston Respublikasi Oliy Majlisi palatalarining qoʻshma majlisi muhokamasiga Bosh vazirga nisbatan ishonchsizlik votumi bildirish haqidagi masala kiritiladi.
Oʻzbekiston Respublikasi Bosh vaziriga nisbatan ishonchsizlik votumi tegishincha Qonunchilik palatasi deputatlari va Senat aʼzolari umumiy sonining kamida uchdan ikki qismi ovoz bergan taqdirda qabul qilingan hisoblanadi. Bunday holatda Oʻzbekiston Respublikasi Prezidenti Bosh vazirni lavozimidan ozod etish toʻgʻrisida qaror qabul qiladi. Bunda Oʻzbekiston Respublikasi Vazirlar Mahkamasining butun tarkibi Bosh vazir bilan birga isteʼfoga chiqadi.
Yangi Oʻzbekiston Respublikasi Bosh vaziri nomzodi Oʻzbekiston Respublikasi Prezidenti tomonidan barcha fraksiyalar bilan tegishli maslahatlashuvlar oʻtkazilganidan soʻng Oʻzbekiston Respublikasi Oliy Majlisining palatalariga koʻrib chiqish va tasdiqlashga taqdim qilish uchun taklif etiladi.
Qonunchilik palatasining Oʻzbekiston Respublikasi Bosh vaziri nomzodini tasdiqlash masalasi yuzasidan qarori mazkur qaror qabul qilingan kundan eʼtiboran uch kun ichida Oʻzbekiston Respublikasi Prezidentiga yuboriladi.
Qonunchilik palatasi tomonidan Bosh vazir lavozimiga nomzod ikki marta rad etilgan taqdirda Oʻzbekiston Respublikasi Prezidenti Bosh vazir vazifasini bajaruvchini tayinlaydi va Qonunchilik palatasini tarqatib yuboradi.
Qonunchilik palatasi tarqatib yuborilgan taqdirda yangi saylov tarqatib yuborish toʻgʻrisidagi qaror qabul qilingan kundan eʼtiboran uch oy ichida oʻtkaziladi.
(22-moddaning matni Oʻzbekiston Respublikasining 2011-yil 18-apreldagi OʻRQ-285-sonli Qonuni tahririda — OʻR QHT, 2011-y., 16-son, 160-modda)
Keyingi tahrirga qarang.
Keyingi tahrirga qarang.
Oldingi tahrirga qarang.
23-modda. Oʻzbekiston Respublikasi Oliy Majlisining Inson huquqlari boʻyicha vakilini (ombudsmanni) va uning oʻrinbosarini saylash
Oʻzbekiston Respublikasi Oliy Majlisining Inson huquqlari boʻyicha vakili (ombudsman) nomzodi Qonunchilik palatasi koʻrib chiqishi uchun Oʻzbekiston Respublikasi Prezidenti tomonidan kiritiladi.
Oʻzbekiston Respublikasi Oliy Majlisining Inson huquqlari boʻyicha vakili (ombudsman) oʻrinbosarining nomzodi Qonunchilik palatasi koʻrib chiqishi uchun Oʻzbekiston Respublikasi Oliy Majlisining Inson huquqlari boʻyicha vakili (ombudsman) tomonidan kiritiladi.
Qonunchilik palatasining Oʻzbekiston Respublikasi Oliy Majlisining Inson huquqlari boʻyicha vakilini (ombudsmanni) va uning oʻrinbosarini saylash toʻgʻrisidagi qarorlari Senatga yuboriladi.
Oʻzbekiston Respublikasi Oliy Majlisining Inson huquqlari boʻyicha vakili (ombudsman) nomzodi Oʻzbekiston Respublikasi Oliy Majlisi palatalarining majlislarida koʻrib chiqilganidan keyin ushbu masala yuzasidan qabul qilingan uzil-kesil qaror qonunda belgilangan tartibda Oʻzbekiston Respublikasi Prezidentiga yuboriladi”;
(23-modda Oʻzbekiston Respublikasining 2009-yil 10-apreldagi 209-sonli Qonuni tahririda — OʻR QHT, 2009-y., 15-son, 179-modda)
24-modda. Oʻzbekiston Respublikasi Markaziy saylov komissiyasini tuzish
Oʻzbekiston Respublikasi Markaziy saylov komissiyasi aʼzoligiga nomzodlar toʻgʻrisidagi takliflar Qonunchilik palatasi koʻrib chiqishi uchun Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari tomonidan kiritiladi.
Qonunchilik palatasining Oʻzbekiston Respublikasi Markaziy saylov komissiyasi aʼzolarini saylash masalasi yuzasidan qarori mazkur qaror qabul qilingan kundan eʼtiboran uch kun ichida Senatga yuboriladi.
VI. OʻZBEKISTON RESPUBLIKASI PREZIDENTINING FARMONLARINI TASDIQLASH TOʻGʻRISIDAGI MASALALARNI KOʻRIB CHIQISH
25-modda. Oʻzbekiston Respublikasi Prezidentining vazirliklar, davlat qoʻmitalarini va davlat boshqaruvining boshqa organlarini tuzish hamda tugatish toʻgʻrisidagi farmonlarini tasdiqlash
Qonunchilik palatasi Oʻzbekiston Respublikasi Prezidentining vazirliklar, davlat qoʻmitalarini va davlat boshqaruvining boshqa organlarini tuzish hamda tugatish toʻgʻrisidagi oʻzining tasdigʻiga kiritilgan farmonlari yuzasidan qarorlar qabul qiladi.
Qonunchilik palatasining Oʻzbekiston Respublikasi Prezidentining vazirliklar, davlat qoʻmitalarini va davlat boshqaruvining boshqa organlarini tuzish hamda tugatish toʻgʻrisidagi farmonlarini tasdiqlash masalasi yuzasidan qarorlari mazkur qarorlar qabul qilingan kundan eʼtiboran uch kun ichida Senatga, shuningdek Oʻzbekiston Respublikasi Prezidentiga yuboriladi.
Keyingi tahrirga qarang.
26-modda. Oʻzbekiston Respublikasi Prezidentining urush holati, umumiy yoki qisman safarbarlik eʼlon qilish toʻgʻrisidagi, favqulodda holat joriy etish, uning amal qilishini uzaytirish va tugatish toʻgʻrisidagi farmonlarini tasdiqlash
Qonunchilik palatasi oʻzining koʻrib chiqishi uchun kiritilgan Oʻzbekiston Respublikasi Prezidentining urush holati eʼlon qilish toʻgʻrisidagi farmonini ushbu farmon kelib tushgan paytdan eʼtiboran 48 soatdan kechiktirmay, Oʻzbekiston Respublikasi Prezidentining umumiy yoki qisman safarbarlik eʼlon qilish toʻgʻrisidagi, favqulodda holat joriy etish, uning amal qilishini uzaytirish va tugatish toʻgʻrisidagi farmonlarini esa ular kelib tushgan paytdan eʼtiboran 72 soatdan kechiktirmay koʻrib chiqadi.
Oʻzbekiston Respublikasi Prezidentining urush holati, umumiy yoki qisman safarbarlik eʼlon qilish toʻgʻrisidagi, favqulodda holat joriy etish, uning amal qilishini uzaytirish va tugatish toʻgʻrisidagi farmonlarini tasdiqlash haqidagi masala Qonunchilik palatasi qoʻmitalarida dastlabki tarzda muhokama qilinmasdan Qonunchilik palatasi tomonidan koʻrib chiqiladi.
Qonunchilik palatasining Oʻzbekiston Respublikasi Prezidentining urush holati, umumiy yoki qisman safarbarlik eʼlon qilish toʻgʻrisidagi, favqulodda holat joriy etish, uning amal qilishini uzaytirish va tugatish toʻgʻrisidagi farmonlarini tasdiqlash masalasi yuzasidan qarorlari darhol Oʻzbekiston Respublikasi Prezidentiga yuboriladi.
VII. QONUNCHILIK PALATASI TOMONIDAN BOSHQA MASALALARNI KOʻRIB CHIQISH
Oldingi tahrirga qarang.
261-modda. Oʻzbekiston Respublikasi Vazirlar Mahkamasining mamlakat ijtimoiy-iqtisodiy hayotining eng muhim masalalari yuzasidan har yilgi maʼruzasini koʻrib chiqish
Keyingi tahrirga qarang.
Oldingi tahrirga qarang.
Oʻzbekiston Respublikasi Vazirlar Mahkamasining oʻtgan yildagi ijtimoiy-iqtisodiy rivojlanish yakunlari va navbatdagi yil uchun nazarda tutilgan asosiy ustuvorliklar toʻgʻrisidagi har yilgi maʼruzasi Oʻzbekiston Respublikasi Bosh vaziri tomonidan Qonunchilik palatasiga taqdim etiladi.
Fraksiyalar, deputatlar guruhlari, Qonunchilik palatasining qoʻmitalari Oʻzbekiston Respublikasi Vazirlar Mahkamasining har yilgi maʼruzasini dastlabki tarzda koʻrib chiqadi hamda fikrlar va takliflarni ishlab chiqadi, fikrlar va takliflar Qonunchilik palatasining majlisida majburiy ravishda hamda har tomonlama muhokama qilinishi lozim.
Keyingi tahrirga qarang.
Oʻzbekiston Respublikasi Vazirlar Mahkamasining har yilgi maʼruzasini koʻrib chiqish yakunlari boʻyicha Qonunchilik palatasi qaror qabul qiladi, unda hukumatning mamlakat ijtimoiy-iqtisodiy rivojlanishining eng muhim masalalarini hal etishga doir faoliyati samaradorligini oshirishga qaratilgan takliflar boʻlishi mumkin.
Keyingi tahrirga qarang.
Oʻzbekiston Respublikasi Vazirlar Mahkamasining har yilgi maʼruzasini koʻrib chiqish yakunlari boʻyicha qabul qilingan Qonunchilik palatasining qarori Oʻzbekiston Respublikasi Vazirlar Mahkamasiga yuboriladi.
(261-moddaning matni Oʻzbekiston Respublikasining 2016-yil 23-sentabrdagi OʻRQ-411-sonli Qonuni tahririda — OʻR QHT, 2016-y., 39-son, 457-modda)
Keyingi tahrirga qarang.
Keyingi tahrirga qarang.
27-modda. Oʻzbekiston Respublikasining referendumini oʻtkazish va uni oʻtkazish sanasini tayinlash haqidagi masalani koʻrib chiqish
Qonunchilik palatasi Oʻzbekiston Respublikasining referendumini oʻtkazish kerakligi toʻgʻrisidagi materiallarni va masʼul qoʻmitaning xulosasini koʻrib chiqib, quyidagi qarorlardan birini qabul qilishi mumkin:
referendum tayinlash va uni taʼminlash chora-tadbirlari toʻgʻrisida;
referendumni oʻtkazish toʻgʻrisidagi tashabbusni rad etish haqida;
referendum oʻtkazmasdan turib, referendum oʻtkazish toʻgʻrisidagi tashabbusda taklif qilingan qonunni yoki boshqa qarorni qabul qilish haqida.
Qonunchilik palatasining Oʻzbekiston Respublikasining referendumi masalasi yuzasidan qarori mazkur qaror qabul qilingan kundan eʼtiboran uch kun ichida Senatga, shuningdek referendum oʻtkazish tashabbuskorlariga yuboriladi.
Agar Qonunchilik palatasi Oʻzbekiston Respublikasining referendumini oʻtkazish toʻgʻrisidagi tashabbusni rad etish haqida qaror qabul qilsa, ayni shu mazmun yoki maʼnodagi taʼrif bilan referendum oʻtkazish toʻgʻrisidagi masala kamida bir yildan keyin Qonunchilik palatasiga koʻrib chiqish uchun takroran kiritilishi mumkin.
28-modda. Oʻzbekiston Respublikasining xalqaro shartnomalarini ratifikatsiya qilish, denonsatsiya qilish, tugatish va ularning amal qilishini toʻxtatib turish
Oldingi tahrirga qarang.
Oʻzbekiston Respublikasining xalqaro shartnomasini ratifikatsiya qilish, denonsatsiya qilish, tugatish yoki uning amal qilishini toʻxtatib turish toʻgʻrisidagi qonun loyihasi Qonunchilik palatasiga Oʻzbekiston Respublikasi Prezidenti yoki Oʻzbekiston Respublikasi Vazirlar Mahkamasi tomonidan shu shartnoma rasmiy matnining tasdiqlangan nusxasi va uni ratifikatsiya qilish, denonsatsiya qilish, tugatish yoki uning amal qilishini toʻxtatib turish maqsadga muvofiqligining asoslarini oʻz ichiga olgan hujjatlar bilan birgalikda kiritiladi.
Oʻzbekiston Respublikasining xalqaro shartnomasini ratifikatsiya qilish, denonsatsiya qilish, tugatish yoki uning amal qilishini toʻxtatib turish toʻgʻrisida Qonunchilik palatasi tomonidan qabul qilingan qonun Senatga yuboriladi.
Agar Qonunchilik palatasi Oʻzbekiston Respublikasining xalqaro shartnomasini ratifikatsiya qilish, denonsatsiya qilish, tugatish yoki uning amal qilishini toʻxtatib turish toʻgʻrisidagi qonunni belgilangan tartibda qabul qilmasa, Oʻzbekiston Respublikasining xalqaro shartnomasi ratifikatsiya qilish, denonsatsiya qilish, tugatish yoki uning amal qilishini toʻxtatib turish tartib-taomilidan oʻtmagan hisoblanadi.
(28-moddaning matni Oʻzbekiston Respublikasining 2015-yil 29-dekabrdagi OʻRQ-396-sonli Qonuni tahririda — OʻR QHT, 2015-y., 52-son, 645-modda)
29-modda. Tumanlar, shaharlar, viloyatlarni tashkil etish, tugatish, ularning nomini va chegaralarini oʻzgartirish toʻgʻrisidagi masalalarni koʻrib chiqish
Qonunchilik palatasi Oʻzbekiston Respublikasi Vazirlar Mahkamasining belgilangan tartibda kiritilgan taklifiga binoan tumanlar, shaharlar, viloyatlarni tashkil etish, tugatish, ularning nomini va chegaralarini oʻzgartirish toʻgʻrisidagi masalalarni koʻrib chiqadi.
Tumanlar, shaharlar, viloyatlarni tashkil etish, tugatish, ularning nomini va chegaralarini oʻzgartirish toʻgʻrisidagi masala rad etilgan taqdirda, u Qonunchilik palatasi koʻrib chiqishi uchun kamida bir yildan keyin qayta kiritilishi mumkin.
Keyingi tahrirga qarang.
30-modda. Qonunchilik palatasi deputatini daxlsizlik huquqidan mahrum etish toʻgʻrisidagi masalalarni koʻrib chiqish
Oʻzbekiston Respublikasi Bosh prokurorining Qonunchilik palatasi deputatini jinoiy javobgarlikka tortish, ushlab turish, qamoqqa olish yoki unga nisbatan sud tartibida beriladigan maʼmuriy jazo choralarini qoʻllashga rozilik olish toʻgʻrisidagi taqdimnomalari Qonunchilik palatasi tomonidan, Qonunchilik palatasining sessiyalari oraligʻidagi davrda esa uning Kengashi tomonidan koʻrib chiqilib, keyinchalik Qonunchilik palatasi Kengashining ushbu masala yuzasidan qarori Qonunchilik palatasining sessiyasida tasdiqlanadi.
Qonunchilik palatasining yoki uning Kengashining Qonunchilik palatasi deputatini daxlsizlik huquqidan mahrum etishga rozilik berish toʻgʻrisidagi qarori yashirin ovoz berish orqali qabul qilinadi.
Qonunchilik palatasining yoki uning Kengashining Qonunchilik palatasi deputatini jinoiy javobgarlikka tortish, ushlab turish, qamoqqa olish yoki unga nisbatan sud tartibida beriladigan maʼmuriy jazo choralarini qoʻllashga rozilik berish masalasi yuzasidan qarori darhol Oʻzbekiston Respublikasi Bosh prokuroriga yuboriladi.
Oldingi tahrirga qarang.
301-modda. Oʻzbekiston Respublikasi Oliy Majlisining Inson huquqlari boʻyicha vakilini (ombudsmanni) daxlsizlik huquqidan mahrum etish toʻgʻrisidagi masalani koʻrib chiqish
Oʻzbekiston Respublikasi Bosh prokurorining Oʻzbekiston Respublikasi Oliy Majlisining Inson huquqlari boʻyicha vakilini (ombudsmanni) jinoiy javobgarlikka tortish, ushlab turish, qamoqqa olish yoki unga nisbatan sud tartibida beriladigan maʼmuriy jazo choralarini qoʻllashga rozilik olish toʻgʻrisidagi taqdimnomasi oʻn kun ichida Qonunchilik palatasi tomonidan koʻrib chiqiladi, Qonunchilik palatasining sessiyalari oraligʻidagi davrda esa uning Kengashi tomonidan koʻrib chiqilib, keyinchalik Qonunchilik palatasi Kengashining ushbu masala boʻyicha qarori Qonunchilik palatasining majlisida tasdiqlanadi.
Qonunchilik palatasining yoki uning Kengashining Oʻzbekiston Respublikasi Oliy Majlisining Inson huquqlari boʻyicha vakilini (ombudsmanni) daxlsizlik huquqidan mahrum etishga rozilik berish toʻgʻrisidagi qarori yashirin ovoz berish orqali qabul qilinadi.
Qonunchilik palatasining yoki uning Kengashining Oʻzbekiston Respublikasi Oliy Majlisining Inson huquqlari boʻyicha vakilini (ombudsmanni) jinoiy javobgarlikka tortish, ushlab turish, qamoqqa olish yoki unga nisbatan sud tartibida beriladigan maʼmuriy jazo choralarini qoʻllashga rozilik berish toʻgʻrisidagi qarori darhol Senatga yuboriladi.
Qonunchilik palatasining Oʻzbekiston Respublikasi Oliy Majlisining Inson huquqlari boʻyicha vakilini (ombudsmanni) daxlsizlik huquqidan mahrum qilishga rozilik berishni rad etishi unga nisbatan jinoyat ishini yuritishni yoki sud tartibida beriladigan maʼmuriy jazoni nazarda tutadigan maʼmuriy huquqbuzarlik toʻgʻrisidagi ishni yuritishni istisno etadigan va bunday ishlarni tugatishga sabab boʻladigan holat hisoblanadi.
(301-modda Oʻzbekiston Respublikasining 2009-yil 10-apreldagi 209-sonli Qonuniga asosan kiritilgan —OʻR QHT, 2009-y., 15-son, 179-modda)
VIII. QONUNCHILIK PALATASI TOMONIDAN NAZORAT QILISH SOHASIDAGI VAKOLATLARNING AMALGA OSHIRILISHI
31-modda. Davlat budjeti ijrosining borishi toʻgʻrisidagi masalalarni koʻrib chiqish
Qonunchilik palatasi Davlat budjetining ijrosi ustidan nazoratni amalga oshiradi. Oʻzbekiston Respublikasi Moliya vazirligi yilning har choragida Qonunchilik palatasiga Davlat budjeti ijrosining borishi toʻgʻrisidagi axborotni va zarur materiallarni yuboradi.
Keyingi tahrirga qarang.
Oldingi tahrirga qarang.
Qonunchilik palatasi Davlat budjetining yilning har choragidagi ijrosining borishini koʻrib chiqadi. Uni koʻrib chiqish vaqtida Oʻzbekiston Respublikasi Vazirlar Mahkamasining hisoboti, fraksiyalarning (deputatlar guruhlarining) fikrlari va takliflari, masʼul qoʻmitaning xulosasi eshitiladi, muhokama oʻtkaziladi va tegishli qaror qabul qilinadi.
(31-moddaning ikkinchi qismi Oʻzbekiston Respublikasining 2016-yil 23-sentabrdagi OʻRQ-411-sonli Qonuni tahririda — OʻR QHT, 2016-y., 39-son, 457-modda)
Keyingi tahrirga qarang.
Oldingi tahrirga qarang.
Oʻzbekiston Respublikasi Vazirlar Mahkamasi Davlat budjetining ijrosi toʻgʻrisidagi yillik hisobotni hisobot yilidan keyingi yilning 15-mayidan kechiktirmay Oʻzbekiston Respublikasi Hisob palatasining xulosasi bilan birga Qonunchilik palatasiga taqdim etadi.
Qonunchilik palatasi Oʻzbekiston Respublikasi Vazirlar Mahkamasi tomonidan taqdim etilgan Davlat budjetining ijrosi toʻgʻrisidagi yillik hisobotni fraksiyalar (deputatlar guruhlari) va Qonunchilik palatasi qoʻmitalarida dastlabki tarzda muhokama qilish asosida koʻrib chiqadi.
Keyingi tahrirga qarang.
Oldingi tahrirga qarang.
Davlat budjeti ijrosining borishi toʻgʻrisidagi masalani dastlabki tarzda muhokama qilish davomida fraksiyalar (deputatlar guruhlari) va Qonunchilik palatasining qoʻmitalari Davlat budjetining daromad qismi ijrosi xususida, ajratilgan mablagʻlarning oʻzlashtirilish holati toʻgʻrisida tegishli organlardan qoʻshimcha axborotni, shuningdek ularning maqsadli sarflanishi va ulardan samarali foydalanilishi haqidagi maʼlumotlarni talab qilib olishi mumkin. Bunda fraksiyalar (deputatlar guruhlari) joylarda budjet mablagʻlarining maqsadli sarflanishi va ulardan samarali foydalanilishi masalalarini Qonunchilik palatasining tegishli qoʻmitalari tomonidan oʻrganish tashabbusi bilan chiqishi mumkin.
(31-modda Oʻzbekiston Respublikasining 2016-yil 23-sentabrdagi OʻRQ-411-sonli Qonuniga asosan beshinchi qism bilan toʻldirilgan — OʻR QHT, 2016-y., 39-son, 457-modda)
Keyingi tahrirga qarang.
Davlat budjetining ijrosi toʻgʻrisidagi yillik hisobot fraksiyalar (deputatlar guruhlari) va Qonunchilik palatasi qoʻmitalarida muhokama qilinganidan keyin Qonunchilik palatasining majlisida koʻrib chiqiladi hamda Qonunchilik palatasining qarori bilan tasdiqlanadi.
(31-modda Oʻzbekiston Respublikasining 2015-yil 29-dekabrdagi OʻRQ-396-sonli Qonuniga asosan uchinchi, toʻrtinchi va beshinchi qismlar bilan toʻldirilgan — OʻR QHT, 2015-y., 52-son, 645-modda)
Keyingi tahrirga qarang.
Keyingi tahrirga qarang.
32-modda. Parlament soʻrovi
Oldingi tahrirga qarang.
Qonunchilik palatasi davlat hokimiyati va boshqaruvi organlarining mansabdor shaxslariga qonunlarning, turli sohalardagi davlat dasturlarining ijrosi masalalari hamda ularning vakolatlariga kiradigan boshqa muhim masalalar yuzasidan asoslantirilgan tushuntirish berish yoki nuqtai nazarini bayon etish talabi bilan parlament soʻrovi yuborishga haqli.
Keyingi tahrirga qarang.
Parlament soʻrovini yuborish haqidagi taklif palata qoʻmitalari, fraksiyalar (deputatlar guruhlari), shuningdek Qonunchilik palatasi deputatlari umumiy sonining kamida beshdan bir qismi tomonidan Qonunchilik palatasi koʻrib chiqishi uchun kiritiladi.
Keyingi tahrirga qarang.
Qonunchilik palatasining parlament soʻrovi toʻgʻrisidagi qarori loyihasi soʻrov tashabbuskorlari tomonidan Qonunchilik palatasining Spikeriga masalani Qonunchilik palatasining navbatdagi majlisi kun tartibiga kiritish uchun yuboriladi.
Qonunchilik palatasining qarori loyihasiga parlament soʻrovi loyihasi, shuningdek boshqa zarur materiallar ilova qilinadi. Parlament soʻrovi loyihasida soʻrovga javob berishning shakli (ogʻzaki yoki yozma) haqidagi takliflar boʻlishi kerak.
Qonunchilik palatasi parlament soʻrovini yuborish toʻgʻrisida deputatlar umumiy sonining koʻpchilik ovozi bilan qaror qabul qiladi.
Davlat hokimiyati va boshqaruvi organlarining mansabdor shaxslari parlament soʻroviga ogʻzaki javobni Qonunchilik palatasining majlisida palata belgilagan muddatda beradi.
Keyingi tahrirga qarang.
Davlat hokimiyati va boshqaruvi organlarining mansabdor shaxslari parlament soʻroviga yozma javobni, agar boshqa muddat belgilangan boʻlmasa, soʻrov olingan kundan eʼtiboran oʻn kundan kechiktirmay yuborishi lozim.
Keyingi tahrirga qarang.
Keyingi tahrirga qarang.
Parlament soʻroviga yozma javob Qonunchilik palatasining majlisida raislik qiluvchi tomonidan oʻqib eshittiriladi. Yozma javobning nusxalari palata majlisida oʻqib eshittirilguniga qadar oldindan deputatlarga yuboriladi.
Keyingi tahrirga qarang.
Oʻzbekiston Respublikasi Oliy sudi raisi, Oliy xoʻjalik sudi raisi, Bosh prokurori, surishtiruv va tergov organlari rahbarlari nomiga yoʻllangan parlament soʻrovi ularning ish yurituvidagi muayyan ishlar va materiallarga taalluqli boʻlishi mumkin emas.
Keyingi tahrirga qarang.
Parlament soʻroviga javob Qonunchilik palatasining majlisida muhokama qilinishi mumkin. Qonunchilik palatasi parlament soʻrovi muhokamasi yakunlari boʻyicha qaror qabul qiladi.
(32-moddaning matni Oʻzbekiston Respublikasining 2015-yil 29-dekabrdagi OʻRQ-396-sonli Qonuni tahririda — OʻR QHT, 2015-y., 52-son, 645-modda)
Oldingi tahrirga qarang.
321-modda. Deputat soʻrovi
Qonunchilik palatasi deputati davlat hokimiyati va boshqaruvi organlarining mansabdor shaxslariga, qoida tariqasida, tegishli saylov okrugi saylovchilarining yoki Oʻzbekiston ekologik harakatining huquqlari va qonuniy manfaatlarini taʼminlash bilan bogʻliq masalalar yuzasidan asoslantirilgan tushuntirish berish yoki nuqtai nazarini bayon etish talabi bilan soʻrov yuborishga haqli.
Keyingi tahrirga qarang.
Davlat hokimiyati va boshqaruvi organlarining mansabdor shaxslari Qonunchilik palatasi deputati soʻroviga, agar boshqa muddat belgilangan boʻlmasa, soʻrov olingan kundan eʼtiboran oʻn kundan kechiktirmay yozma javob yuboradi.
Keyingi tahrirga qarang.
Keyingi tahrirga qarang.
Oʻzbekiston Respublikasi Oliy sudi raisi, Oliy xoʻjalik sudi raisi, Bosh prokurori, surishtiruv va tergov organlari rahbarlari nomiga yoʻllangan deputat soʻrovi ularning ish yurituvidagi muayyan ishlar va materiallarga taalluqli boʻlishi mumkin emas.
(321-modda Oʻzbekiston Respublikasining 2015-yil 29-dekabrdagi OʻRQ-396-sonli Qonuniga asosan kiritilgan — OʻR QHT, 2015-y., 52-son, 645-modda)
Keyingi tahrirga qarang.
Keyingi tahrirga qarang.
Oldingi tahrirga qarang.
33-modda. Oʻzbekiston Respublikasi Bosh vazirining mamlakat ijtimoiy-iqtisodiy rivojlanishining ayrim dolzarb masalalari yuzasidan hisobotini eshitish
Qonunchilik palatasi zarur boʻlgan hollarda oʻz majlisida Oʻzbekiston Respublikasi Bosh vazirining mamlakat ijtimoiy-iqtisodiy rivojlanishining ayrim dolzarb masalalari yuzasidan hisobotini eshitishi mumkin.
Oʻzbekiston Respublikasi Bosh vazirining mamlakat ijtimoiy-iqtisodiy rivojlanishining ayrim dolzarb masalalari yuzasidan hisoboti ushbu Qonunning 32-moddasiga muvofiq parlament soʻrovi tartibida eshitiladi.
(33-modda Oʻzbekiston Respublikasining 2015-yil 29-dekabrdagi OʻRQ-396-sonli Qonuni tahririda — OʻR QHT, 2015-y., 52-son, 645-modda)
Oldingi tahrirga qarang.
Fraksiyalar (deputatlar guruhlari), Qonunchilik palatasining qoʻmitalari Oʻzbekiston Respublikasi Bosh vazirining hisobotini dastlabki tarzda koʻrib chiqadi hamda fikrlar va takliflarni ishlab chiqadi, fikrlar va takliflar Qonunchilik palatasining majlisida majburiy ravishda hamda har tomonlama muhokama qilinishi lozim.
Keyingi tahrirga qarang.
Oʻzbekiston Respublikasi Bosh vazirining hisobotini eshitish yakunlari boʻyicha Qonunchilik palatasi qaror qabul qiladi, unda hukumatning mamlakat ijtimoiy-iqtisodiy rivojlanishining ayrim dolzarb masalalariga doir faoliyati samaradorligini oshirishga qaratilgan takliflar boʻlishi mumkin.
Oʻzbekiston Respublikasi Bosh vazirining hisobotini eshitish yakunlari boʻyicha qabul qilingan Qonunchilik palatasining qarori Oʻzbekiston Respublikasi Vazirlar Mahkamasiga yuboriladi.
(33-modda Oʻzbekiston Respublikasining 2016-yil 23-sentabrdagi OʻRQ-411-sonli Qonuniga asosan uchinchi, toʻrtinchi va beshinchi qismlar bilan toʻldirilgan — OʻR QHT, 2016-y., 39-son, 457-modda)
Keyingi tahrirga qarang.
Oldingi tahrirga qarang.
331-modda. Hukumat aʼzolarining oʻz faoliyatiga doir masalalar yuzasidan axborotini eshitish
Qonunchilik palatasi zarur boʻlgan hollarda oʻzining majlisida hukumat aʼzolarining oʻz faoliyatiga doir masalalar yuzasidan axborotini eshitishi mumkin.
Hukumat aʼzolarining oʻz faoliyatiga doir masalalar yuzasidan axborotini eshitish masalasi fraksiyalar va deputatlar guruhlarining tashabbusiga koʻra Qonunchilik palatasi tomonidan koʻrib chiqiladi.
Keyingi tahrirga qarang.
Keyingi tahrirga qarang.
Oldingi tahrirga qarang.
Hukumat aʼzolarining oʻz faoliyatiga doir masalalar yuzasidan axborotini eshitish toʻgʻrisida Qonunchilik palatasi qaror qabul qiladi, qaror Oʻzbekiston Respublikasi Vazirlar Mahkamasiga oldindan yuboriladi.
(331-moddaning uchinchi qismi Oʻzbekiston Respublikasining 2016-yil 23-sentabrdagi OʻRQ-411-sonli Qonuni tahririda — OʻR QHT, 2016-y., 39-son, 457-modda)
Oldingi tahrirga qarang.
Hukumat aʼzolarining axborotini eshitish yakunlari boʻyicha Qonunchilik palatasi qaror qabul qiladi, unda hukumat aʼzolarining faoliyati samaradorligini oshirishga qaratilgan takliflar boʻlishi, shuningdek ularning ishiga baho berilishi mumkin.
Hukumat aʼzolarining axborotini eshitish yakunlari boʻyicha qabul qilingan Qonunchilik palatasining qarori Oʻzbekiston Respublikasi Vazirlar Mahkamasiga yuboriladi.
(331-moddaning toʻrtinchi qismi Oʻzbekiston Respublikasining 2016-yil 23-sentabrdagi OʻRQ-411-sonli Qonuniga asosan toʻrtinchi va beshinchi qismlar bilan almashtirilgan — OʻR QHT, 2016-y., 39-son, 457-modda)
Keyingi tahrirga qarang.
Keyingi tahrirga qarang.
332-modda. Oʻzbekiston Respublikasi Oliy Majlisi Inson huquqlari boʻyicha vakilining (ombudsmanning) faoliyati toʻgʻrisidagi hisobotni eshitish
Keyingi tahrirga qarang.
Qonunchilik palatasi har yili, hisobot yilidan keyingi yilning 15-fevralidan kechiktirmay oʻz majlisida Oʻzbekiston Respublikasi Oliy Majlisi Inson huquqlari boʻyicha vakilining (ombudsmanning) faoliyati toʻgʻrisidagi hisobotni eshitadi.
Oʻzbekiston Respublikasi Oliy Majlisi Inson huquqlari boʻyicha vakilining (ombudsmanning) faoliyati toʻgʻrisidagi hisobot dastlabki tarzda fraksiyalar va deputatlar guruhlari tomonidan koʻrib chiqiladi.
Keyingi tahrirga qarang.
Qonunchilik palatasi majlisida Oʻzbekiston Respublikasi Oliy Majlisi Inson huquqlari boʻyicha vakilining (ombudsmanning) faoliyati toʻgʻrisidagi hisobotni muhokama qilish Oʻzbekiston Respublikasi Oliy Majlisi Inson huquqlari boʻyicha vakilining (ombudsmanning) maʼruzasi bilan boshlanadi, maʼruzadan soʻng fraksiyalarning va deputatlar guruhlarining vakillari soʻzga chiqadi.
Keyingi tahrirga qarang.
Oʻzbekiston Respublikasi Oliy Majlisi Inson huquqlari boʻyicha vakilining (ombudsmanning) faoliyati toʻgʻrisidagi hisobotni eshitish yakunlari boʻyicha Qonunchilik palatasi qaror qabul qiladi, qaror qabul qilingan kundan eʼtiboran oʻn kun ichida Oʻzbekiston Respublikasi Oliy Majlisi Inson huquqlari boʻyicha vakiliga (ombudsmanga) va Senatga yuboriladi.
Keyingi tahrirga qarang.
333-modda. Oʻzbekiston Respublikasi Hisob palatasining hisobotini eshitish
Keyingi tahrirga qarang.
Qonunchilik palatasi har yili, hisobot yilidan keyingi yilning 15-mayidan kechiktirmay oʻz majlisida Oʻzbekiston Respublikasi Hisob palatasining hisobotini eshitadi.
Keyingi tahrirga qarang.
Oʻzbekiston Respublikasi Hisob palatasining hisoboti dastlabki tarzda fraksiyalar va deputatlar guruhlari, shuningdek Budjet va iqtisodiy islohotlar qoʻmitasi tomonidan koʻrib chiqiladi.
Keyingi tahrirga qarang.
Fraksiyalar va deputatlar guruhlari Budjet va iqtisodiy islohotlar qoʻmitasiga oʻz takliflari hamda fikrlarini yuboradi.
Keyingi tahrirga qarang.
Oʻzbekiston Respublikasi Hisob palatasining hisobotini koʻrib chiqish yakunlari boʻyicha Budjet va iqtisodiy islohotlar qoʻmitasi fraksiyalar va deputatlar guruhlari taqdim etgan takliflar hamda fikrlarni inobatga olgan holda mazkur hisobot yuzasidan xulosani, shuningdek Oʻzbekiston Respublikasi Hisob palatasining tegishli yildagi hisoboti toʻgʻrisida Qonunchilik palatasining qarori loyihasini tayyorlaydi hamda ularni palata koʻrib chiqishi uchun taqdim etadi.
Keyingi tahrirga qarang.
Oʻzbekiston Respublikasi Hisob palatasining hisobotini koʻrib chiqish chogʻida Qonunchilik palatasi Oʻzbekiston Respublikasi Hisob palatasi raisining maʼruzasini, Budjet va iqtisodiy islohotlar qoʻmitasi vakilining qoʻshimcha maʼruzasini, shuningdek fraksiyalar va deputatlar guruhlari vakillarining chiqishlarini eshitadi.
Keyingi tahrirga qarang.
Oʻzbekiston Respublikasi Hisob palatasining hisobotini eshitish yakunlari boʻyicha Qonunchilik palatasi qaror qabul qiladi, qaror qabul qilingan kundan eʼtiboran oʻn kun ichida Oʻzbekiston Respublikasi Hisob palatasiga va Senatga yuboriladi.
(331 — 334-moddalar Oʻzbekiston Respublikasining 2015-yil 29-dekabrdagi OʻRQ-396-sonli Qonuniga asosan kiritilgan — OʻR QHT, 2015-y., 52-son, 645-modda)
Keyingi tahrirga qarang.
334-modda. Qonunchilik palatasi qoʻmitalari tomonidan nazorat vakolatlarining amalga oshirilishi
Keyingi tahrirga qarang.
Qonunchilik palatasining qoʻmitalari, shuningdek Qonunchilik palatasining deputatlari davlat organlaridan va boshqa tashkilotlardan, mansabdor shaxslardan hujjatlarni, ekspert xulosalarini, statistika maʼlumotlarini va boshqa maʼlumotlarni soʻrab olishi mumkin.
Qonunchilik palatasining qoʻmitalari yoki Qonunchilik palatasining deputatlari tomonidan soʻralayotgan axborotni tegishli davlat organi, boshqa tashkilot, mansabdor shaxs murojaat olingan kundan eʼtiboran oʻn kundan kechiktirmay taqdim etishi kerak.
Oldingi tahrirga qarang.
Qonunchilik palatasi qoʻmitalari qoʻmitalarning ish rejalariga, Qonunchilik palatasi va uning Kengashi qarorlariga muvofiq oʻz majlislarida davlat hokimiyati va boshqaruvi organlari rahbarlarining ular tomonidan qonunlarga rioya etilishi, Qonunchilik palatasi va uning Kengashi qarorlarining, palata qoʻmitalari qarorlarining bajarilishi toʻgʻrisidagi axborotini eshitishi mumkin.
(334-moddaning uchinchi qismi Oʻzbekiston Respublikasining 2016-yil 23-sentabrdagi OʻRQ-411-sonli Qonuni tahririda — OʻR QHT, 2016-y., 39-son, 457-modda)
Keyingi tahrirga qarang.
Oldingi tahrirga qarang.
Davlat hokimiyati va boshqaruvi organlari rahbarlarining axborotini eshitish yakunlari boʻyicha Qonunchilik palatasining qoʻmitalari qarorlar qabul qiladi, qarorlar tegishli davlat hokimiyati va boshqaruvi organiga yuboriladi.
Keyingi tahrirga qarang.
Qonunchilik palatasining qoʻmitalari oʻz ish rejalariga muvofiq qonunlarning, Qonunchilik palatasi qarorlarining davlat hokimiyati va boshqaruvi organlari tomonidan ijro etilishi holatini, huquqni qoʻllash amaliyotini vaqti-vaqti bilan joylarga chiqib oʻrganadi.
Keyingi tahrirga qarang.
Qonun hujjatlarining ijro etilishi holatini, huquqni qoʻllash amaliyotini oʻrganish yakunlari boʻyicha Qonunchilik palatasining qoʻmitalari oʻz majlislarida davlat hokimiyati va boshqaruvi organlari rahbarlarining axborotini eshitishi, shuningdek oʻrganish natijalarini Qonunchilik palatasi koʻrib chiqishi uchun kiritish toʻgʻrisida qarorlar qabul qilishi mumkin.
Keyingi tahrirga qarang.
Qonunchilik palatasining qoʻmitalari yangi qabul qilingan qonunlar ijrosini taʼminlash uchun qonun osti hujjatlarining oʻz vaqtida qabul qilinishi yuzasidan monitoringni amalga oshiradi. Monitoringni amalga oshirish yakunlari Qonunchilik palatasi qoʻmitalarining majlislarida koʻrib chiqilishi mumkin.
(334-moddaning toʻrtinchi va beshinchi qismlari Oʻzbekiston Respublikasining 2016-yil 23-sentabrdagi OʻRQ-411-sonli Qonuniga asosan toʻrtinchi — yettinchi qismlar bilan almashtirilgan — OʻR QHT, 2016-y., 39-son, 457-modda)
Keyingi tahrirga qarang.
Oldingi tahrirga qarang.
335-modda. Parlament tekshiruvi
Keyingi tahrirga qarang.
Jamiyat va davlatning eng muhim manfaatlariga daxl qiluvchi, mamlakat xavfsizligi asoslariga, uning barqaror rivojlanishiga salbiy taʼsir koʻrsatishi mumkin boʻlgan muayyan faktlarni yoki voqealarni oʻrganish maqsadida Oʻzbekiston Respublikasi Oliy Majlisi palatalarining qoʻshma qarori bilan parlament tekshiruvlari oʻtkazilishi mumkin.
Qonunchilik palatasi va Senat parlament tekshiruvini oʻtkazish uchun Qonunchilik palatasi deputatlari va Senat aʼzolari orasidan komissiya tuzadi.
Komissiya parlament tekshiruvini oʻtkazishda quyidagilarga haqli:
davlat hokimiyati va boshqaruvi organlarining vakillarini, mutaxassislar, ekspertlar va olimlarni komissiya ishiga jalb etish;
davlat hokimiyati va boshqaruvi organlaridan, boshqa tashkilotlardan, shuningdek fuqarolardan zarur maʼlumotlarni soʻrab olish;
davlat hokimiyati va boshqaruvi organlarining, boshqa tashkilotlarning mansabdor shaxslarini, shuningdek fuqarolarni tushuntirishlar berish uchun taklif etish.
Keyingi tahrirga qarang.
Komissiya Oʻzbekiston Respublikasi Oliy Majlisi palatalarining qaroriga muvofiq boshqa huquqlarga ham ega boʻlishi mumkin.
Komissiya bajarilgan ish toʻgʻrisida Oʻzbekiston Respublikasi Oliy Majlisining palatalari tomonidan belgilangan muddatda ularni xabardor qiladi.
(335-modda Oʻzbekiston Respublikasining 2016-yil 23-sentabrdagi OʻRQ-411-sonli Qonuniga asosan kiritilgan — OʻR QHT, 2016-y., 39-son, 457-modda)
Keyingi tahrirga qarang.
Keyingi tahrirga qarang.
Oldingi tahrirga qarang.
VIII1. QONUNCHILIK PALATASI DEPUTATINING SAYLOVCHILAR, SIYOSIY PARTIYA BILAN ISHLARINI TASHKIL ETISH TARTIBI
Oldingi tahrirga qarang.
336-modda. Qonunchilik palatasi deputatining saylovchilar, siyosiy partiya bilan ishlari
(335-moddaning raqami Oʻzbekiston Respublikasining 2016-yil 23-sentabrdagi OʻRQ-411-sonli Qonuniga asosan 336 raqamiga almashtirilgan — OʻR QHT, 2016-y., 39-son, 457-modda)
Keyingi tahrirga qarang.
Qonunchilik palatasi deputati oʻz okrugi saylovchilari, uni deputatlikka nomzod qilib koʻrsatgan siyosiy partiya bilan aloqa bogʻlab turadi, Qonunchilik palatasida ularning manfaatlarini ifoda etadi. Oʻzbekiston ekologik harakatidan saylangan Qonunchilik palatasi deputatlari mazkur harakat bilan aloqa bogʻlab turadi va Qonunchilik palatasida uning manfaatlarini ifoda etadi.
Keyingi tahrirga qarang.
Keyingi tahrirga qarang.
Fraksiyalar har yili Qonunchilik palatasining Kengashi bilan birgalikda deputatlarning saylovchilar bilan saylov okruglaridagi ishlari uchun moʻljallangan vaqtni belgilaydi.
Keyingi tahrirga qarang.
Saylovchilar bilan uchrashuvlar oʻtkazish chogʻida Qonunchilik palatasi deputati:
mamlakatda amalga oshirilayotgan islohotlarning borishi, Qonunchilik palatasining qonun ijodkorligi va nazorat-tahlil faoliyati, fraksiyaning faoliyati, uning mamlakatni sotsial-iqtisodiy hamda ijtimoiy-siyosiy rivojlantirishning eng muhim masalalariga doir nuqtai nazari toʻgʻrisida saylovchilarga axborot beradi;
yangi qabul qilingan qonunlarning mohiyati va ahamiyatini saylovchilarga yetkazadi;
qabul qilingan qonunlarning ijro etilishi holatini huquqning qoʻllanilish samaradorligini va qonun hujjatlarini yanada takomillashtirish zaruratini aniqlash maqsadida oʻrganadi;
Keyingi tahrirga qarang.
fraksiya tomonidan belgilanadigan boshqa vazifalarni bajaradi.
Oldingi tahrirga qarang.
337-modda. Qonunchilik palatasi deputatining saylov okrugidagi ishlarini tashkil etish
(336-moddaning raqami Oʻzbekiston Respublikasining 2016-yil 23-sentabrdagi OʻRQ-411-sonli Qonuniga asosan 337 raqamiga almashtirilgan — OʻR QHT, 2016-y., 39-son, 457-modda)
Keyingi tahrirga qarang.
Qonunchilik palatasining Kengashi Qonunchilik palatasi deputatining saylov okrugidagi ishlarini tashkil etish yuzasidan fraksiyalarning fikrlari va takliflarini inobatga olgan holda chora-tadbirlar koʻradi.
Qonunchilik palatasi deputati saylov okrugiga chiqishidan oldin fraksiya hamda Qonunchilik palatasi tomonidan hujjatlar, zarur axborot va maʼlumot materiallari bilan taʼminlanadi.
Qonunlarning ijrosi, davlat dasturlarini hamda siyosiy partiyalarning dasturiy maqsadlarini amalga oshirish yuzasidan aniq masalalarni ishlab chiqish uchun fraksiyalar zarur boʻlgan hollarda oʻz deputatlarining saylovchilar bilan saylov okruglaridagi ishlarini tashkil etadi.
Fraksiyalar deputatlarning saylov okruglaridagi ishlari yakunlarini umumlashtiradi, zarur boʻlgan hollarda dolzarb masalalarni Qonunchilik palatasiga koʻrib chiqish uchun kiritadi.
Oldingi tahrirga qarang.
338-modda. Qonunchilik palatasi deputatining saylov okrugidagi ishlarini tashkil etishga mahalliy davlat hokimiyati organlari tomonidan koʻmaklashish
(337-moddaning raqami Oʻzbekiston Respublikasining 2016-yil 23-sentabrdagi OʻRQ-411-sonli Qonuniga asosan 338 raqamiga almashtirilgan — OʻR QHT, 2016-y., 39-son, 457-modda)
Keyingi tahrirga qarang.
Mahalliy davlat hokimiyati organlari Qonunchilik palatasi deputatini saylovchilar bilan uchrashuvlar oʻtkazish uchun zarur shart-sharoitlar bilan taʼminlaydi. Ijro etuvchi hokimiyat organlari binolar ajratilishini tashkil etadi, fuqarolarni deputatning saylovchilar bilan uchrashuvlari oʻtkaziladigan, deputat tomonidan fuqarolar qabul qilinadigan vaqt va joy haqida xabardor qiladi, qabullarda va uchrashuvlarda ishtirok etish uchun oʻz masʼul vakillarini deputatning taklifiga koʻra yuboradi, shuningdek deputatning joylardagi ishiga koʻmaklashish yuzasidan boshqa chora-tadbirlar koʻradi.
Oldingi tahrirga qarang.
339-modda. Jismoniy va yuridik shaxslarning murojaatlarini koʻrib chiqish
(338-moddaning raqami Oʻzbekiston Respublikasining 2016-yil 23-sentabrdagi OʻRQ-411-sonli Qonuniga asosan 339 raqamiga almashtirilgan — OʻR QHT, 2016-y., 39-son, 457-modda)
Keyingi tahrirga qarang.
Jismoniy va yuridik shaxslarning Qonunchilik palatasiga kelib tushgan murojaatlarini koʻrib chiqish hamda Qonunchilik palatasida jismoniy shaxslarning va yuridik shaxslar vakillarining shaxsiy qabulini oʻtkazish Qonunchilik palatasi deputatlari tomonidan qonunga hamda Qonunchilik palatasi Kengashi tomonidan tasdiqlanadigan tartibga muvofiq amalga oshiriladi.
(VIII1 boʻlim Oʻzbekiston Respublikasining 2015-yil 29-dekabrdagi OʻRQ-396-sonli Qonuniga asosan kiritilgan — OʻR QHT, 2015-y., 52-son, 645-modda)
IX. YAKUNLOVCHI QOIDALAR
34-modda. Qonunchilik palatasining xalqaro aloqalari
Qonunchilik palatasi boshqa davlatlarning parlamentlari va xalqaro parlament tashkilotlari bilan parlamentlararo hamkorlik toʻgʻrisida bitimlar tuzishi, rasmiy parlament delegatsiyalari almashinishi, shuningdek xalqaro aloqalarni mustahkamlashga qaratilgan turli tadbirlarni oʻtkazishi mumkin.
Keyingi tahrirga qarang.
Boshqa davlatlarning parlamentlari rahbarlariga, davlatlar va hukumatlar boshliqlariga, parlament delegatsiyalarining rahbarlariga ularning iltimosiga binoan Qonunchilik palatasi majlisida soʻzga chiqish imkoniyati berilishi mumkin.
Keyingi tahrirga qarang.
35-modda. Qonunchilik palatasi xarajatlarining smetasini tasdiqlash
Qonunchilik palatasi, uning organlari va Qonunchilik palatasi deputatlarining faoliyati bilan bogʻliq xarajatlar smetasi Qonunchilik palatasi Spikeri tomonidan tasdiqlanadi.
Keyingi tahrirga qarang.
Oʻzbekiston Respublikasining Prezidenti I. KARIMOV
Toshkent sh.,
2003-yil 29-avgust,
522-II-son
(Oʻzbekiston Respublikasi Oliy Majlisining Axborotnomasi, 2003-y., 9-10-son, 136-modda; Oʻzbekiston Respublikasi qonun hujjatlari toʻplami, 2007-y., 15-son, 153-modda; 29-30-son, 298-modda; 2008-y., 52-son, 510-modda; 2009-y., 15-son, 179-modda; 2011-y., 16-son, 160-modda; 2013-y., 16-son, 215-modda; 2014-y., 16-son, 177-modda, 20-son, 222-modda; 2015-y., 52-son, 645-modda; 2016-y., 39-son, 457-modda; 2017-y., 24-son, 487-modda, 37-son, 978-modda; Qonun hujjatlari maʼlumotlari milliy bazasi, 10.01.2018-y., 03/18/459/0536-son, 19.04.2018-y., 03/18/476/1087-son, 24.07.2018-y., 03/18/486/1559-son, 09.01.2019-y., 03/19/512/2435-son, 06.03.2019-y., 03/19/527/2706-son; 11.05.2019-y., 03/19/536/3114-son, 23.05.2019-y., 03/19/540/3167-son, 28.08.2019-y., 03/19/557/3657-son, 05.09.2019-y., 03/19/563/3685-son; 10.12.2019-y., 03/19/590/4129-son; 10.08.2020-y., 03/20/631/1153-son; Qonunchilik maʼlumotlari milliy bazasi, 21.04.2021-y., 03/21/683/0375-son, 19.11.2021-y., 03/21/729/1064-son; 27.10.2022-y., 03/22/796/0966-son; 19.12.2023-y., 03/23/883/0949-son; 19.02.2024-y., 03/24/909/0133-son; 18.11.2024-y., 03/24/1002/0936-son; 10.04.2025-y., 03/25/1054/0329-son; 31.07.2025-y., 03/25/1077/0674-son; 26.12.2025-y., 03/25/1107/1216-son; 01.05.2026-y., 03/26/1142/0440-son)