Oʻzbekiston Respublikasi Vazirlar Mahkamasining

Notariatning faol modeli doirasida notariuslar tomonidan “yagona darcha” tamoyili boʻyicha bitimlarni tasdiqlashda davlat organlari va tashkilotlari bilan hamkorlik qilishning maʼmuriy reglamentlarini tasdiqlash toʻgʻrisida

Oʻzbekiston Respublikasi Prezidentining “Nizolarning oldini olishga qaratilgan institut sifatida notariat tizimini yanada takomillashtirish chora-tadbirlari toʻgʻrisida” 2018-yil 25-maydagi PQ-3741-son qaroriga muvofiq hamda notarial xizmatlar koʻrsatish tartibotini yanada takomillashtirish maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Nizolarning oldini olishga qaratilgan institut sifatida notariat tizimini yanada takomillashtirish chora-tadbirlari toʻgʻrisida” 2018-yil 25-maydagi PQ-3741-son qarori bilan Notariatning faol modeli doirasida Notariuslar tomonidan bitimlarni tasdiqlashda “yagona darcha” tamoyili boʻyicha amalga oshiriladigan huquqiy va texnik tusdagi qoʻshimcha harakatlar roʻyxati maʼqullanganligi hamda 2019-yil 1-yanvardan boshlab amalga kiritilishi belgilanganligi maʼlumot uchun qabul qilinsin.

2. Quyidagilar tasdiqlansin va 2019-yil 1-yanvardan boshlab amalga kiritilsin:

Oldingi tahrirga qarang.

Turar joy oldi-sotdi shartnomasini notarial tasdiqlashda turar joyda doimiy yashash joyi boʻyicha roʻyxatga olingan shaxslar haqidagi maʼlumotlarni olishning maʼmuriy reglamenti 1-ilovaga muvofiq;

(2-bandning ikkinchi xatboshisi Oʻzbekiston Respublikasi Vazirlar Mahkamasining 2020-yil 28-sentabrdagi 593-sonli qarori tahririda — Qonun hujjatlari maʼlumotlari milliy bazasi, 29.09.2020-y., 09/20/593/1340-son)

Notarial harakatlarni amalga oshirishda biometrik va pasportga oid maʼlumotlarini tekshirishning maʼmuriy reglamenti 2-ilovaga muvofiq;

Oldingi tahrirga qarang.

Koʻchmas mulkni boshqa shaxsga oʻtkazish shartnomasini notarial tasdiqlashda yer uchastkasi, bino va inshootlar hamda koʻp yillik dov-daraxtlar haqida maʼlumotlar olishning maʼmuriy reglamenti 3-ilovaga muvofiq;

(2-bandning toʻrtinchi xatboshisi Oʻzbekiston Respublikasi Vazirlar Mahkamasining 2023-yil 14-sentabrdagi 470-sonli qarori tahririda — Qonunchilik maʼlumotlari milliy bazasi, 16.09.2023-y., 09/23/470/0707-son)

Xususiylashtirilgan turar joyni boshqa shaxsga oʻtkazish shartnomasini notarial tasdiqlashda xususiylashtirishga rozilik bergan shaxslar haqida maʼlumotlar olishning maʼmuriy reglamenti 4-ilovaga muvofiq;

Yuridik shaxslar ishtirokidagi notarial harakatlarni amalga oshirishda yuridik shaxslar haqida maʼlumotlar olishning maʼmuriy reglamenti 5-ilovaga muvofiq;

Koʻchmas mulkni boshqa shaxsga oʻtkazish shartnomasini tasdiqlashda kommunal xizmatlardan qarzdorlik mavjud yoki mavjud emasligi haqida maʼlumotlar olishning maʼmuriy reglamenti 6-ilovaga muvofiq.

3. Belgilansinki, 2019-yil 1-yanvardan boshlab, notarial harakatni amalga oshirishda notariuslar Oʻzbekiston Respublikasi Prezidentining “Nizolarning oldini olishga qaratilgan institut sifatida notariat tizimini yanada takomillashtirish chora-tadbirlari toʻgʻrisida” 2018-yil 25-maydagi PQ-3741-son qaroriga 1-ilovada koʻrsatilgan maʼlumotlarni vakolatli davlat organlari va tashkilotlardan kuryerlik xizmati yoki idoralararo elektron tizim orqali oladilar.

4. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda ular qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov va Oʻzbekiston Respublikasi adliya vaziri R.K. Davletov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2018-yil 14-sentabr,

733-son

Vazirlar Mahkamasining 2018-yil 14-sentabrdagi 733-son qaroriga
1-ILOVA

Oldingi tahrirga qarang.

Turar joy oldi-sotdi shartnomasini notarial tasdiqlashda turar joyda doimiy yashash joyi boʻyicha roʻyxatga olingan shaxslar haqidagi maʼlumotlarni olishning

MAʼMURIY REGLAMENTI

(1-ilovaning nomi Oʻzbekiston Respublikasi Vazirlar Mahkamasining 2020-yil 28-sentabrdagi 593-sonli qarori tahririda — Qonun hujjatlari maʼlumotlari milliy bazasi, 29.09.2020-y., 09/20/593/1340-son)

1-bob. Umumiy qoidalar

Oldingi tahrirga qarang.

1. Ushbu Reglament notariatning faol modeli doirasida notariuslar tomonidan “yagona darcha” tamoyili boʻyicha turar joy oldi-sotdi shartnomasini notarial tasdiqlashda turar joyda doimiy yashash joyi boʻyicha roʻyxatga olingan shaxslar haqida maʼlumotlarni (jismoniy shaxsning shaxsiy identifikatsiya raqami, F.I.O, pasport seriyasi, raqami, uni bergan organ va berilgan vaqti) (keyingi oʻrinlarda maʼlumot deb ataladi) olishda ichki ishlar organlari bilan hamkorlik qilish tartibini belgilaydi.

(1-band Oʻzbekiston Respublikasi Vazirlar Mahkamasining 2020-yil 28-sentabrdagi 593-sonli qarori tahririda — Qonun hujjatlari maʼlumotlari milliy bazasi, 29.09.2020-y., 09/20/593/1340-son)

Oldingi tahrirga qarang.

2. Notariuslarning ichki ishlar organlari bilan axborotlar almashuvi kuryerlik xizmati orqali yoki idoralararo elektron tizimlar orqali real vaqt rejimida amalga oshiriladi.

(2-band Oʻzbekiston Respublikasi Vazirlar Mahkamasining 2020-yil 1-apreldagi 195-sonli qarori tahririda — Qonun hujjatlari maʼlumotlari milliy bazasi, 01.04.2020-y., 09/20/195/0391-son)

3. Maʼlumotlarni olish ushbu Reglament 1-ilovaga muvofiq sxema boʻyicha amalga oshiriladi.

Oldingi tahrirga qarang.

2-bob. Turar joyda doimiy roʻyxatga olingan shaxslar haqida maʼlumot olishda notariuslar va ichki ishlar organlarining oʻzaro hamkorlik qilishi tartibi

(2-bobning nomi Oʻzbekiston Respublikasi Vazirlar Mahkamasining 2020-yil 1-apreldagi 195-sonli qarori tahririda — Qonun hujjatlari maʼlumotlari milliy bazasi, 01.04.2020-y., 09/20/195/0391-son)

Oldingi tahrirga qarang.

4. Turar joy mulkdori yoki qonun hujjatlarida belgilangan tartibda uning nomidan harakat qilishga vakolatli boʻlgan vakil turar joy oldi-sotdi shartnomasini notarial tasdiqlash uchun notariusga koʻchmas mulkka egalik huquqini tasdiqlovchi hujjat bilan birgalikda pasport yoki shaxsni tasdiqlovchi boshqa hujjatlarni hamda qonun hujjatlarida nazarda tutilgan hujjatlarni taqdim etadi.

(4-bandning birinchi xatboshisi Oʻzbekiston Respublikasi Vazirlar Mahkamasining 2023-yil 14-sentabrdagi 470-sonli qarori tahririda — Qonunchilik maʼlumotlari milliy bazasi, 16.09.2023-y., 09/23/470/0707-son)

Bunda notarius maʼlumotni kuryerlik xizmati orqali yoki idoralararo elektron tizimlar orqali real vaqt rejimida mustaqil oladi.

5. Notariuslar maʼlumot olish uchun Reglamentga 2-ilovaga muvofiq turar joy joylashgan hududdagi ichki ishlar organiga kuryerlik xizmati orqali yozma shaklda yoki idoralararo elektron tizim orqali elektron shaklda soʻrovnoma bilan murojaat qiladi.

Bosqichlar	Subyektlar	Tadbirlar	Bajarish muddatlari

1-bosqich	Jismoniy yoki yuridik shaxs	1. Turar joy oldi-sotdi shartnomasini notarial tasdiqlash haqida notariusga murojaat qilish. 2. Koʻchmas mulkka egalik huquqini tasdiqlovchi hujjat bilan birgalikda pasport yoki shaxsni tasdiqlovchi boshqa hujjatni taqdim etish.	1. Oʻz xohishiga koʻra. 2. Murojaat qilganda.
1-bosqich	Jismoniy yoki yuridik shaxs		1. Oʻz xohishiga koʻra. 2. Murojaat qilganda.

2-bosqich	Notarius	Turar joy joylashgan ichki ishlar organiga kuryerlik xizmati yoki idoralararo elektron tizim orqali turar joyda doimiy yashash joyi boʻyicha roʻyxatga olingan shaxslar haqidagi maʼlumotlarni soʻrab soʻrovnoma yuborish.	Hujjatlar taqdim etilganda 20 daqiqa ichida.
2-bosqich	Notarius		Hujjatlar taqdim etilganda 20 daqiqa ichida.

3-bosqich	Ichki ishlar organlari	Notarius soʻroviga asosan turar joyda doimiy yashash joyi boʻyicha roʻyxatga olingan shaxslar haqidagi maʼlumotni taqdim etish.	Agar soʻrovnoma: kuryerlik xizmati orqali yuborilsa — bir soat ichida; idoralararo elektron tizim orqali yuborilsa — zudlik bilan real vaqt rejimida.





4-bosqich	Notarius	Turar joy oldi-sotdi shartnomasini notarial tasdiqlash.	Hujjatlar toʻliq taqdim etilganda 30 daqiqa ichida.

Turar joy oldi-sotdi shartnomasini notarial tasdiqlashda turar joyda doimiy yashash joyi boʻyicha roʻyxatga olingan shaxslar haqidagi maʼlumotlarni olish uchun soʻrovnoma shakli
_____________________ sana	__________________________ __________________________ notarial idoraning nomi va manzili _____________________ qayd raqami __________________________ __________________________ ichki ishlar organining nomi
Turar joy oldi-sotdi shartnomasini notarial tasdiqlashda turar joyda doimiy yashash joyi boʻyicha roʻyxatga olingan shaxslar haqida maʼlumotlarni olish uchun SOʻROVNOMA
Turar joy toʻgʻrisidagi maʼlumotlar
1. Turar joy joylashgan manzil:
2. Turar joyning kadastr raqami:

____________________________ notarius F.I.O.	____________________________ imzo va muhr (soʻrovnoma yozma shaklda boʻlsa)

Turar joyda doimiy yashash joyi boʻyicha roʻyxatga olingan shaxslar haqida maʼlumot shakli
_____________________ sana	__________________________ __________________________ ichki ishlar organi nomi _____________________ qayd raqami __________________________ __________________________ notarial idoraning nomi va manzili
Turar joyda doimiy yashash joyi boʻyicha roʻyxatga olingan shaxslar haqida MAʼLUMOT
Turar joy toʻgʻrisidagi maʼlumotlar
1. Turar joy joylashgan manzil:
2. Turar joyning kadastr raqami:
Turar joyda doimiy yashash joyi boʻyicha roʻyxatga olingan shaxslar toʻgʻrisidagi maʼlumotlar
Familiyasi, ismi, otasining ismi:	Jismoniy shaxsning shaxsiy identifikatsiya raqami, pasport seriyasi, raqami, uni bergan organ va berilgan vaqti:
1.
2.

____________________________ ichki ishlar organi xodimi lavozimi F.I.O.	____________________________ imzo va muhr (soʻrovnoma yozma shaklda boʻlsa)


Koʻchmas mulkni boshqa shaxsga oʻtkazish shartnomasini notarial tasdiqlashda yer uchastkasi, bino va inshootlar hamda koʻp yillik dov-daraxtlar haqidagi maʼlumotlarni olish uchun soʻrovnoma shakli

		_____________________ _____________________ notarial tashkilotning nomi va manzili
____________________ Sana		_____________________ qayd raqami

		____________________ Davlat kadastrlari palatasi tuman (shahar) filiali nomi

Koʻchmas mulkni boshqa shaxsga oʻtkazish shartnomasini notarial tasdiqlashda yer uchastkasi, bino va inshootlar hamda koʻp yillik dov-daraxtlar haqidagi maʼlumotlarni olish uchun SOʻROVNOMA

Bino va inshoot toʻgʻrisidagi maʼlumotlar
1. Koʻchmas mulkka boʻlgan huquq guvohnomasi raqami
2. Kadastr raqami

_____________________		____________________
Notarius F.I.O.	QR-kod	imzo va muhr (agar soʻrovnoma yozma shaklda boʻlsa)


Koʻchmas mulk haqida maʼlumot shakli

		_____________________ _____________________ Davlat kadastrlari palatasi tuman (shahar) filiali nomi
_____________________		_____________________
Sana		qayd raqami
		_____________________ notarial tashkilotning nomi va manzili

Koʻchmas mulk haqida MAʼLUMOT

Koʻchmas mulk mulkdori — jismoniy shaxs toʻgʻrisidagi maʼlumotlar
1. Familiyasi, ismi, otasining ismi
2. Jismoniy shaxsning shaxsiy identifikatsiya raqami, pasport seriyasi, raqami, uni bergan organ va berilgan vaqti
3. Doimiy yashash manzili
Koʻchmas mulk mulkdori — yuridik shaxs toʻgʻrisidagi maʼlumotlar
1. Nomi
2. STIR
Koʻchmas mulk toʻgʻrisidagi maʼlumotlar
1. Koʻchmas mulk joylashgan manzil
2. Koʻchmas mulkka boʻlgan huquq guvohnomasi raqami
3. Kadastr raqami
4. Koʻchmas mulk tarkibi
5. Umumiy maydoni hajmi
6. Yashash maydoni hajmi
7. Koʻchmas mulk inventar bahosi
8. Koʻchmas mulkni boshqa shaxsga oʻtkazishga taqiq va xatlov mavjud yoki mavjud emasligi

________________________		___________________
Davlat kadastrlari palatasi tuman (shahar) filiali mansabdor shaxsi lavozimi, F.I.O.	QR-kod	imzo va muhr (agar soʻrovnoma yozma shaklda boʻlsa)

Xususiylashtirilgan turar joyni boshqa shaxsga oʻtkazish shartnomasini notarial tasdiqlashda xususiylashtirishga rozilik bergan shaxslar haqidagi maʼlumotlarni olish uchun soʻrovnoma shakli
_____________________ sana	________________________________ ________________________________ notarial idoraning nomi va manzili ______________________ qayd raqami ________________________________ ________________________________ vakolatli organ nomi
Xususiylashtirilgan turar joyni boshqa shaxsga oʻtkazish shartnomasini notarial tasdiqlashda xususiylashtirishga rozilik bergan shaxslar haqida maʼlumotlarni olish uchun SOʻROVNOMA
Xususiylashtirilgan turar joy mulkdori — jismoniy shaxs toʻgʻrisidagi maʼlumotlar
1. Familiyasi, ismi, otasining ismi:
2. Jismoniy shaxsning shaxsiy identifikatsiya raqami, pasport seriyasi, raqami, uni bergan organ va berilgan vaqti:
3. Doimiy yashash manzili:
4. STIR:
Xususiylashtirilgan turar joy toʻgʻrisidagi maʼlumotlar
1. Turar joy joylashgan manzil:
2. Xususiylashtirilgan turar joy kadastr raqami:

____________________________ notarius F.I.O.	____________________________ imzo va muhr (soʻrovnoma yozma shaklda boʻlsa)

Xususiylashtirishga rozilik bergan shaxslar haqida maʼlumot shakli
_____________________ sana	________________________________ ________________________________ vakolatli organ nomi ______________________ qayd raqami ________________________________ ________________________________ notarial idoraning nomi va manzili
Xususiylashtirishga rozilik bergan shaxslar haqida MAʼLUMOT
Xususiylashtirilgan turar joy mulkdori — jismoniy shaxs toʻgʻrisidagi maʼlumotlar
1. Familiyasi, ismi, otasining ismi:
2. Jismoniy shaxsning shaxsiy identifikatsiya raqami, pasport seriyasi, raqami, uni bergan organ va berilgan vaqti:
3. Doimiy yashash manzili:
4. STIR:
Xususiylashtirilgan turar joy toʻgʻrisidagi maʼlumotlar
1. Turar joy joylashgan manzil:
2. Turar joyga mulk huquqini beruvchi hujjat turi, sanasi va raqami:
Xususiylashtirishda ishtirok etgan shaxslar haqidagi maʼlumot
Familiyasi, ismi, otasining ismi	Jismoniy shaxsning familiyasi, ismi (mavjud boʻlsa), otasining ismi (mavjud boʻlsa) va tugʻilgan yili (mavjud boʻlsa)
1.
2.

____________________________ vakolatli organ mansabdor shaxsi lavozimi, F.I.O.	____________________________ imzo va muhr (soʻrovnoma yozma shaklda boʻlsa)

Yuridik shaxslar ishtirokidagi notarial harakatlarni amalga oshirishda yuridik shaxslar haqidagi maʼlumotlarni olish uchun soʻrovnoma shakli
_____________________ sana	__________________________ __________________________ notarial idoraning nomi va manzili _____________________ qayd raqami __________________________ __________________________ davlat xizmatlari markazi nomi
Yuridik shaxslar ishtirokidagi notarial harakatlarni amalga oshirishda yuridik shaxslar haqidagi maʼlumotlarni olish uchun SOʻROVNOMA
Yuridik shaxs toʻgʻrisida maʼlumotlar
1. STIR:

____________________________ notarius F.I.O.	____________________________ imzo va muhr (soʻrovnoma yozma shaklda boʻlsa)

Yuridik shaxslar haqidagi maʼlumot shakli
_____________________ sana	__________________________ __________________________ davlat xizmatlari markazi nomi _____________________ qayd raqami __________________________ __________________________ notarial idoraning nomi va manzili
Yuridik shaxslar haqida MAʼLUMOT
Yuridik shaxs toʻgʻrisidagi maʼlumotlar
1. Nomi va tashkiliy huquqiy shakli:
2. Yuridik shaxsning davlat roʻyxatidan oʻtkazilganligi toʻgʻrisida guvohnomasi
3. Taʼsis hujjatlari:
4. Taʼsis hujjatlariga kiritilgan oʻzgartirish va qoʻshimchalar
5. Joylashgan joyi (pochta manzili):
6. STIR:

____________________________ davlat xizmatlari markazi mansabdor shaxsi lavozimi, F.I.O.	____________________________ imzo va muhr (soʻrovnoma yozma shaklda boʻlsa)

Koʻchmas mulkni boshqa shaxsga oʻtkazish shartnomasini tasdiqlashda kommunal xizmatlardan qarzdorlik mavjud yoki mavjud emasligi haqida maʼlumotlarni olish uchun soʻrovnoma shakli
_____________________ sana	_____________________________ _____________________________ notarial idoraning nomi va manzili _____________________ qayd raqami _____________________________ _____________________________ xizmat koʻrsatuvchi tashkilot nomi
Koʻchmas mulkni boshqa shaxsga oʻtkazish shartnomasini tasdiqlashda kommunal xizmatlardan qarzdorlik mavjud yoki mavjud emasligi haqida maʼlumotlarni olish uchun SOʻROVNOMA
Koʻchmas mulk mulkdori — jismoniy shaxs toʻgʻrisidagi maʼlumotlar
1. Familiyasi, ismi, otasining ismi:
2. Jismoniy shaxsning shaxsiy identifikatsiya raqami, pasport seriyasi, raqami:
3. STIR:
Koʻchmas mulk mulkdori — yuridik shaxs toʻgʻrisidagi maʼlumotlar
1. Nomi:
2. STIR:
Koʻchmas mulk toʻgʻrisidagi maʼlumotlar
1. Koʻchmas mulk joylashgan manzil:
2. Koʻchmas mulk kadastr raqami:

____________________________ notarius F.I.O.	____________________________ imzo va muhr (soʻrovnoma yozma shaklda boʻlsa)

Kommunal xizmatlardan qarzdorlik mavjud yoki mavjud emasligi haqida maʼlumot shakli
_____________________ sana	_____________________________ _____________________________ xizmat koʻrsatuvchi tashkilot nomi _____________________ qayd raqami _____________________________ _____________________________ notarial idoraning nomi va manzili
Kommunal xizmatlardan qarzdorlik mavjud yoki mavjud emasligi haqida MAʼLUMOT
Koʻchmas mulk mulkdori — jismoniy shaxs toʻgʻrisidagi maʼlumotlar
1. Familiyasi, ismi, otasining ismi:
2. Jismoniy shaxsning shaxsiy identifikatsiya raqami, pasport seriyasi, raqami:
Koʻchmas mulk mulkdori — yuridik shaxs toʻgʻrisidagi maʼlumotlar
1. Nomi:
2. STIR:
Koʻchmas mulk toʻgʻrisidagi maʼlumotlar
1. Koʻchmas mulk joylashgan manzil:
2. Turar joyga boʻlgan huquq guvohnomasi raqami yoki kadastr raqami:
Kommunal xizmatlardan qarzdorlik mavjud yoki mavjud emasligi haqidagi maʼlumotlar
1. Isteʼmolchining shaxsiy hisob raqami:
2. Qarzdorlik mavjud yoki mavjud emasligi, agar mavjud boʻlsa summasi

____________________________ xizmat koʻrsatuvchi tashkilot mansabdor shaxsi lavozimi, F.I.O.	____________________________ imzo va muhr (soʻrovnoma yozma shaklda boʻlsa)