|
Hujjat kuchini yo‘qotgan 27.01.2021
|
Oʻzbekiston Respublikasi Vazirlar Mahkamasining
qarori
Tender savdolarini tashkil etishni takomillashtirish chora-tadbirlari toʻgʻrisida
LexUZ sharhiMazkur qaror Oʻzbekistan Respublikasi Vazirlar Mahkamasining 2021-yil 26-yanvardagi 37-sonli “Davlat xaridlarini amalga oshirishda xarid qilish tartib-taomillarini tashkil etish jarayonlarini axborot-kommunikatsiya texnologiyalaridan foydalangan holda yanada takomillashtirish choralari toʻgʻrisida”gi qaroriga asosan oʻz kuchini yoʻqotgan.
Xorijiy kreditlar va grantlar mablagʻlaridan yanada samarali foydalanish, mamlakatimizdagi va chet ellik mahsulot yetkazib beruvchilar oʻrtasidagi raqobatni rivojlantirish, mahsulot yetkazib berishga kichik va oʻrta tadbirkorlik subyektlarini keng jalb qilish, xom ashyo, materiallar, butlovchi buyumlar va asbob-uskunalarni xarid qilish yuzasidan tender savdolari tashkil etish va oʻtkazish tizimini takomillashtirish maqsadida Vazirlar Mahkamasi qaror qiladi:
1. Belgilansinki, Oʻzbekiston Respublikasi budjet tizimi budjetlari va Oʻzbekiston Respublikasi Prezidenti yoki Hukumatining qarorlariga muvofiq tashkil etilgan budjetdan tashqari jamgʻarmalar mablagʻlari hamda donor mamlakatlar, xalqaro, xorijiy hukumat va nohukumat tashkilotlar bilan Oʻzbekiston Respublikasi Prezidenti yoki Hukumati tomonidan tuzilgan shartnomalar doirasida beriladigan xorijiy grantlar, shuningdek, Oʻzbekiston Respublikasi kafolati ostida beriladigan xorijiy kreditlar hisobiga moliyalashtiriladigan va bitta kontrakt boʻyicha qiymati 100 ming AQSH dollariga teng miqdordan ortiq boʻlgan import qilinadigan va mamlakatimizda ishlab chiqarilgan xom ashyo, materiallar, butlovchi buyumlar va asbob-uskunalarni xarid qilish tender asosida amalga oshiriladi.
Quyidagi hollarda tenderlar oʻtkazilmaydi, agar:
tovarlar (ishlar, xizmatlar) Oʻzbekiston Respublikasi Prezidenti va Vazirlar Mahkamasining qarorlariga muvofiq xarid qilinayotgan boʻlsa;
donor mamlakatlarning, tegishli xalqaro, xorijiy hukumat va nohukumat tashkilotlarning tartibotlarida yoki Oʻzbekiston Respublikasi davlat kafolati ostida xorijiy kreditlar va xorijiy grantlar berish shartlarida oʻzgacha hol belgilangan boʻlsa.
(1-band Oʻzbekiston Respublikasi Vazirlar Mahkamasining 2017-yil 18-dekabrdagi 992-sonli qarori tahririda — Qonun hujjatlari maʼlumotlari milliy bazasi, 19.12.2017-y., 09/17/992/0426-son)
2. Xom ashyo, materiallar, butlovchi buyumlar va asbob-uskunalarni xarid qilish boʻyicha tender savdolari oʻtkazish toʻgʻrisidagi Nizom ilovaga muvofiq tasdiqlansin.
Belgilab qoʻyilsinki, budjet tashkilotlari va budjet mablagʻlari oluvchilar tovarlar, ishlar, xizmatlarning barcha turlarini xarid qilishda ushbu Nizomga amal qiladilar, qonun hujjatlarida nazarda tutilgan hollar bundan mustasno.
(2-bandning ikkinchi xatboshisi Oʻzbekiston Respublikasi Vazirlar Mahkamasining 2016-yil 26-apreldagi 122-sonli qarori tahririda — OʻR QHT, 2016-y., 17-son, 176-modda)
Vazirliklar va idoralarga, korxonalar va tashkilotlarga oʻz mablagʻlari hisobiga xom ashyo, materiallar, butlovchi buyumlar va asbob-uskunalar xarid qilishda tasdiqlangan Nizomga amal qilish tavsiya etilsin.
3. Belgilab qoʻyilsinki, mazkur qaror talablari bajarilishi taʼminlanishi uchun vazirliklar va idoralar, konsernlar, uyushmalar, korporatsiyalar, kompaniyalar korxonalar, tashkilotlar va hududiy boshqaruv organlari rahbarlari shaxsan javob beradilar.
4. Vazirliklar va idoralar bir oy muddatda oʻz normativ hujjatlarini mazkur qarorga muvofiqlashtirsinlar.
5. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ. Sultonov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2000-yil 21-noyabr,
456-son
Xom ashyo, materiallar, butlovchi buyumlar va asbob-uskunalar xarid qilish boʻyicha tender savdolari oʻtkazish toʻgʻrisida
NIZOM
I. Umumiy qoidalar
Oldingi tahrirga qarang.
1. Ushbu Nizom, xorijiy tovar yetkazib beruvchilar bilan bir qatorda, mamlakatimiz korxonalarini, shu jumladan kichik biznes subyektlarini tender savdolari jarayoniga jalb etish maqsadida ishlab chiqilgan.
(1-band Oʻzbekiston Respublikasi Vazirlar Mahkamasining 2004-yil 17-yanvardagi 28-sonli qarori tahririda — OʻR QHT, 2004-y., 3-son, 31-modda)
2. Nizom:
Oʻzbekiston Respublikasi budjet tizimi budjetlari mablagʻlari;
(2-bandning ikkinchi xatboshisi Oʻzbekiston Respublikasi Vazirlar Mahkamasining 2016-yil 26-apreldagi 122-sonli qarori tahririda — OʻR QHT, 2016-y., 17-son, 176-modda)
Oldingi tahrirga qarang.
(2-bandning uchinchi xatboshisi Oʻzbekiston Respublikasi Vazirlar Mahkamasining 2016-yil 26-apreldagi 122-sonli qaroriga asosan chiqarilgan — OʻR QHT, 2016-y., 17-son, 176-modda)
Oʻzbekiston Respublikasi Prezidenti yoki Hukumatining qarorlariga muvofiq tashkil etilgan boshqa budjetdan tashqari jamgʻarmalar;
(2-bandning uchinchi xatboshisi Oʻzbekiston Respublikasi Vazirlar Mahkamasining 2016-yil 26-apreldagi 122-sonli qarori tahririda — OʻR QHT, 2016-y., 17-son, 176-modda)
donor mamlakatlar, xalqaro, xorijiy hukumat va nohukumat tashkilotlar bilan Oʻzbekiston Respublikasi Prezidenti yoki Hukumati tomonidan tuzilgan shartnomalar doirasida beriladigan xorijiy grantlar;
Oʻzbekiston Respublikasi kafolati ostida beriladigan xorijiy kreditlar hisobiga moliyalashtiriladigan import qilinadigan va Oʻzbekiston Respublikasida ishlab chiqarilgan xom ashyo, materiallar, butlovchi buyumlar va asbob-uskunalarni xarid qilish yuzasidan tender savdolari (keyingi oʻrinlarda “tenderlar” deb ataladi) oʻtkazishni tashkil etish mexanizmini belgilab beradi.
(2-band Oʻzbekiston Respublikasi Vazirlar Mahkamasining 2012-yil 8-noyabrdagi 319-sonli qarori tahririda — OʻR QHT, 2012-y., 45-son, 516-modda)
Oldingi tahrirga qarang.
(2-bandning oltinchi xatboshisi Oʻzbekiston Respublikasi Vazirlar Mahkamasining 2017-yil 18-dekabrdagi 992-sonli qaroriga asosan chiqarilgan — Qonun hujjatlari maʼlumotlari milliy bazasi, 19.12.2017-y., 09/17/992/0426-son)
3. Ushbu Nizomning amal qilishi:
Oʻzbekiston Respublikasi Prezidenti va Vazirlar Mahkamasi tomonidan qabul qilingan qarorlarga muvofiq tovarlar (ishlar, xizmatlar)ni xarid qilishga;
agar donor mamlakatlarning, tegishli xalqaro, xorijiy hukumat va nohukumat tashkilotlarning tartibotlarida yoki Oʻzbekiston Respublikasi kafolati ostida xorijiy kreditlar berish va xorijiy grantlar berish shartlarida tovarlar (ishlar, xizmatlar)ni xarid qilishning oʻzgacha tartibi belgilangan boʻlsa;
Oʻzbekiston Respublikasi Prezidenti saylovlarini, Oʻzbekiston Respublikasi Oliy Majlisiga, xalq deputatlari viloyatlar, tumanlar va shaharlar Kengashlariga saylovlarni, shuningdek Oʻzbekiston Respublikasi referendumlarini tayyorlash va oʻtkazish uchun tovarlar (ishlar, xizmatlar)ni xarid qilishga tatbiq etilmaydi.
(3-band Oʻzbekiston Respublikasi Vazirlar Mahkamasining 2016-yil 13-yanvardagi 9-sonli qarori tahririda — OʻR QHT, 2016-y., 3-son, 24-modda)
4. Quyidagilar:
xom ashyo, materiallar, butlovchi buyumlar va asbob-uskunalar xarid qilishga yoʻnaltiriladigan Oʻzbekiston Respublikasi budjet tizimi budjetlari mablagʻlaridan, Hukumat kafolati ostida beriladigan xorijiy kreditlar va xorijiy grantlardan foydalanish samaradorligini oshirish;
(4-bandning ikkinchi xatboshisi Oʻzbekiston Respublikasi Vazirlar Mahkamasining 2016-yil 26-apreldagi 122-sonli qarori tahririda — OʻR QHT, 2016-y., 17-son, 176-modda)
xarid qilinadigan xom ashyo, materiallar, butlovchi buyumlar va asbob-uskunalar sifatini oshirish tenderlar oʻtkazishning maqsadi hisoblanadi.
5. Tender savdolari 100 ming AQSH dollariga teng miqdordan ortiq bitta kontrakt boʻyicha tovarlar yetkazib berishni amalga oshirishda oʻtkaziladi.
Kamida 1 ming AQSH dollari summasidagi bir kontrakt boʻyicha yetkazib berishda xarid tovarlar (ishlar, xizmatlar)ning narxi, sifati va yetkazib berish muddatlari boʻyicha eng maqbul shartlarni taklif etgan yetkazib beruvchilar bilan toʻgʻridan-toʻgʻri shartnomalar tuzish yoʻli bilan amalga oshiriladi.
Bir ming AQSH dollaridan 100 ming AQSH dollarigacha summaga bitta kontrakt boʻyicha yetkazib berishda xarid:
xarid qilinadigan tovarlar, ishlar va xizmatlarning tavsifnomasini, sonini, bajarish muddatini va tovarni yetkazib berish joyini koʻrsatgan holda takliflarni yetkazib beruvchilarga yoki pudratchilarga yuborish;
yetkazib beruvchilar yoki pudratchilar eʼlon qilgan narxlar va tavsifnomalarni taqqoslash yoʻli bilan buyurtmachilar tomonidan tashkil etiladigan idoraviy tanlov komissiyalari tomonidan baholanadigan eng yaxshi takliflarni tanlab olish yoʻli bilan amalga oshiriladi.
Idoraviy tanlov komissiya buyurtmachining rahbar xodimlari va vakolatli mutaxassislaridan kamida uch nafardan iborat boʻlgan tarkibda tuziladi. Idoraviy komissiyaning qarori protokol bilan rasmiylashtiriladi.
51. Quyidagi hollarda tender (tanlov) oʻtkazmasdan tovar yetkazib beruvchilar (bajaruvchilar, pudratchilar) bilan kontraktlar tuzilishi mumkin:
Oldingi tahrirga qarang.
(51-bandning “2” kichik bandi Oʻzbekiston Respublikasi Vazirlar Mahkamasining 2017-yil 18-dekabrdagi 992-sonli qaroriga asosan chiqarilgan — Qonun hujjatlari maʼlumotlari milliy bazasi, 19.12.2017-y., 09/17/992/0426-son)
Oldingi tahrirga qarang.
(51-bandning “3” kichik bandi Oʻzbekiston Respublikasi Vazirlar Mahkamasining 2017-yil 18-dekabrdagi 992-sonli qaroriga asosan chiqarilgan — Qonun hujjatlari maʼlumotlari milliy bazasi, 19.12.2017-y., 09/17/992/0426-son)
3) shartnoma tuzish vaqtida 300 AQSH dollariga teng oshmagan summada tovarlar sotib olinganda roʻyxati Davlat xaridlari boʻyicha Hukumat komissiyasi tomonidan belgilanadigan, davlat xaridlari Oʻzbekiston Respublika tovar-xom ashyo birjasining maxsus axborot portali orqali elektron savdo yoʻli bilan amalga oshiriladigan eng zarur tovarlar (ishlar, xizmatlar) bundan mustasno;
(51-bandning “3” kichik bandi Oʻzbekiston Respublikasi Vazirlar Mahkamasining 2015-yil 26-martdagi 69-sonli qarori tahririda — OʻR QHT, 2015-y., 12-son, 139-modda)
4) tarix va madaniyat yodgorliklari sifatida davlat muhofazasiga olingan hamda davlat muzey, kutubxona, arxiv fondlarini, kinofotofondini va boshqa shunga oʻxshash fondlarni toʻldirish uchun moʻljallangan tarixiy, badiiy yoki boshqa madaniyat ahamiyatiga molik madaniy boyliklar (kartinalar, skulpturalar, adabiy asarlar va boshqalar), shu jumladan muzey predmetlari va muzey kolleksiyalari, shuningdek nodir va qimmatli nashrlar va qoʻlyozmalar, arxiv hujjatlari, jumladan ularning nusxalarini yetkazib berishni amalga oshirganda;
5) tovarlarni sotishga alohida huquqi boʻlgan faqat bitta yetkazib beruvchidan tovarlar xarid qilish mumkin boʻlganda;
6) tuzilgan kontraktning shartlari dastlabki kontrakt umumiy summasining 20 foizidan oshmaydigan summaga teng qoʻshimcha ishlarni bajarish maqsadida oʻzgarganda;
7) bajarish yoki xizmat koʻrsatishni amalga oshirish faqat davlat hokimiyati va boshqaruv organlari tomonidan yoki ularga boʻysunuvchi davlat muassasalari va korxonalari tomonidan ularning vakolatlariga muvofiq mumkin boʻlgan ishlar yoki xizmatlarga ehtiyoj tugʻilganda;
8) yengib boʻlmas kuchlar (tabiiy ofatlar, yongʻinlar, falokatlar, avariyalar va hokazolar) oqibatlarini bartaraf etish (oldini olish) uchun zarur boʻlgan muayyan tovarlarga budjet tashkilotlarining tezkor ehtiyoji tugʻilganda, buning natijasida vaqtning yoʻqotilishi talab qilinadigan boshqa buyurtmani joylashtirish usullarini qoʻllash maqsadga muvofiq boʻlmaganda (Oʻzbekiston Respublikasi Moliya vazirligi yoki uning hududiy boʻlinmalari (keyingi oʻrinlarda moliya organlari deb ataladi) bilan kelishuvi boʻyicha);
(51-bandning 8-kichik bandi Oʻzbekiston Respublikasi Prezidentining 2014-yil 4-dekabrdagi PQ-2270-sonli qarori tahririda — OʻR QHT, 2014-y., 50-son, 590-modda)
9) yetkazib beruvchilarning yoki kontraktda ularning manfaatdorligi yoʻqligi sababli buyurtmachi tomonidan, budjet tashkilotlari tomonidan oʻtkazilgan tender (tanlov) boʻlib oʻtmagan deb hisoblash natijasida, agar buyurtmachi uzoq tumanlarda joylashgan boʻlsa, buyurtmachining faoliyat koʻrsatish hududida va yaqin joylashgan tumanlarda faqat bitta yetkazib beruvchi mavjud boʻlsa, shuningdek boshqa joylardan narx kotirovkalarini olish hech qanday foyda olish yoki iqtisod qilish aniqlanganda va transport xarajatlari uchun narxlar oshib ketishiga olib kelganda. Bunda yagona yetkazib beruvchiga buyurtmalarni joylashtirish tegishli moliya organlari bilan kelishgan holda amalga oshiriladi.
(51-bandning 9-kichik bandi Oʻzbekiston Respublikasi Prezidentining 2014-yil 4-dekabrdagi PQ-2270-sonli qarori tahririda — OʻR QHT, 2014-y., 50-son, 590-modda)
Oldingi tahrirga qarang.
(51-bandning 10-kichik bandi Oʻzbekiston Respublikasi Vazirlar Mahkamasining 2017-yil 2-oktabrdagi 787-sonli qaroriga asosan chiqarilgan)
52. Yengib boʻlmas kuchlar oqibatlarini bartaraf etish (oldini olish) uchun tovarlarga shoshilinch ehtiyoj vujudga kelgan taqdirda yoki kontraktda ularning manfaatdorligi yoʻqligi sababli tender (tanlov)ni boʻlib oʻtmagan deb hisoblash natijasida buyurtmachi tender (tanlov) oʻtkazmasdan yagona yetkazib beruvchiga buyurtmani joylashtirish toʻgʻrisidagi qarorni kelishish uchun tegishli moliya organlariga yozma murojaat yuboradi.
Yagona yetkazib beruvchiga buyurtmani joylashtirish toʻgʻrisidagi qarorning kelishish muddati tegishli moliya organiga kelishish toʻgʻrisida murojaat kelib tushgan kundan boshlab oʻn ish kunidan oshmasligi kerak.
Buyurtmachi tomonidan tender. (tanlov) boʻlib oʻtmagan deb hisoblash natijasida yagona yetkazib beruvchiga buyurtmani joylashtirish toʻgʻrisidagi qaror qabul qilingan taqdirda uni kelishish uchun tegishli moliya organiga murojaatdan tashqari, shuningdek tender (tanlov) oʻtkazish va uni boʻlib oʻtmagan deb hisoblash toʻgʻrisidagi hujjatlarning nusxalari taqdim qilinadi.
Bunda kontrakt yagona yetkazib beruvchi bilan faqat tender (tanlov) hujjatlarida nazarda tutilgan shartlarda tuzilishi mumkin, tuzilgan kontrakt bahosi tender (tanlov) oʻtkazish toʻgʻrisidagi xabarnomada koʻrsatilgan kontraktning dastlabki bahosidan oshmasligi kerak.
(51 va 52-bandlar Oʻzbekiston Respublikasi Prezidentining 2008-yil 29-dekabrdagi PQ-1024-sonli qaroriga asosan kiritilgan — OʻR QHT, 2008-y., 52-son, 515-modda)
Oldingi tahrirga qarang.
(53-band Oʻzbekiston Respublikasi Vazirlar Mahkamasining 2017-yil 18-dekabrdagi 992-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 19.12.2017-y., 09/17/992/0426-son)
Oldingi tahrirga qarang.
(54-band Oʻzbekiston Respublikasi Vazirlar Mahkamasining 2017-yil 18-dekabrdagi 992-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 19.12.2017-y., 09/17/992/0426-son)
Oldingi tahrirga qarang.
(55-band Oʻzbekiston Respublikasi Vazirlar Mahkamasining 2017-yil 18-dekabrdagi 992-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 19.12.2017-y., 09/17/992/0426-son)
6. Tender boʻyicha xaridlarda qatnashuvchi mamlakatimiz tovar ishlab chiqaruvchilari (yetkazib beruvchilari) bilan hisob-kitoblar soʻmlarda, xalqaro moliya institutlari, donor mamlakatlar, xorijiy davlatlar Hukumatlari, boshqa norezidentlar mablagʻlari hisobiga Oʻzbekiston Respublikasi hududida amalga oshirilayotgan loyihalar boʻyicha xalqaro tenderlarda qatnashayotganlar bilan esa — kontraktda koʻrsatilgan valyutada amalga oshiriladi.
(6-band Oʻzbekiston Respublikasi Vazirlar Mahkamasining 2013-yil 13-noyabrdagi 307-sonli qarori tahririda — OʻR QHT, 2013-y., 46-son, 603-modda)
7. Qarorlarni oshkora va xolisona qabul qilish, mamlakatimiz tovar ishlab chiqaruvchilari (yetkazib beruvchilari) uchun ustuvorlikni saqlagan holda tender qatnashchilari uchun teng raqobat sharoitlari yaratish tenderlar oʻtkazishni tashkil etishning asosiy tamoyillari hisoblanadi.
8. Tender savdolari xaridlarning faqat manbalarning mavjudligi va mablagʻ bilan taʼminlash miqdorlari toʻgʻrisida tasdiqnomalar (moliya organlari yoki davlat maqsadli va boshqa budjetdan tashqari jamgʻarmalarni taqsimlovchi organlarning bildirish xati, xorijiy kreditorlar bilan Hukumat kafolati ostida imzolangan kredit shartnomalari, xorijiy grantlar berish toʻgʻrisidagi bildirish xati va boshqalar) mavjud boʻlgan hajmi boʻyicha eʼlon qilinishi mumkin.
(8-band Oʻzbekiston Respublikasi Vazirlar Mahkamasining 2016-yil 26-apreldagi 122-sonli qarori tahririda — OʻR QHT, 2016-y., 17-son, 176-modda)
LexUZ sharhi LexUZ sharhiII. Tenderlarni tashkil etish
9. Tenderlar tenderlarni oʻtkazishning doimiy yoki vaqtinchalik organi boʻlgan tender komissiyasi tomonidan oʻtkaziladi.
Tender komissiyasi xarid qiluvchi tashkilot (keyingi oʻrinlarda “buyurtmachi” deb ataladi) tomonidan tuziladi.
(9-bandning ikkinchi xatboshisi Oʻzbekiston Respublikasi Vazirlar Mahkamasining 2017-yil 18-dekabrdagi 992-sonli qarori tahririda — Qonun hujjatlari maʼlumotlari milliy bazasi, 19.12.2017-y., 09/17/992/0426-son)
Tarmoq vazirliklari va idoralari rozi boʻlgan taqdirda ularning viloyat, tuman, shahar boʻlimlari, ushbu Nizom talablariga rioya qilgan holda, tender oʻtkazish boʻyicha buyurtmachilar boʻlishi mumkin.
10. Tender komissiyasi aʼzolari soni toq (odatda kamida toʻqqiz, oʻn bir kishi), shu jumladan uning tarkibi quyidagilardan iborat boʻladi:
buyurtmachining vakillari;
Oʻzbekiston Respublikasi Moliya vazirligi, Oʻzbekiston Respublikasi Investitsiyalar boʻyicha davlat qoʻmitasi, Oʻzbekiston Respublikasi Monopoliyaga qarshi kurashish qoʻmitasi yoki ularning hududiy boʻlinmalari vakillari (zarur boʻlganda);
(10-bandning uchinchi xatboshisi Oʻzbekiston Respublikasi Vazirlar Mahkamasining 2019-yil 19-dekabrdagi 1014-sonli qarori tahririda — Qonun hujjatlari maʼlumotlari milliy bazasi, 20.12.2019-y., 09/19/1014/4173-son)
— Oʻzbekiston Respublikasi Vazirlar Mahkamasi huzuridagi “OʻzInjiniring” respublika loyiha instituti, shuningdek, buyurtmachining tarmoq ilmiy-texnik kengashlari vakillari;
(10-band Oʻzbekiston Respublikasi Vazirlar Mahkamasining 2017-yil 18-dekabrdagi 992-sonli qaroriga asosan toʻrtinchi xatboshi bilan toʻldirilgan — Qonun hujjatlari maʼlumotlari milliy bazasi, 19.12.2017-y., 09/17/992/0426-son)
xizmat koʻrsatuvchi tijorat banki va mustaqil ekspert tashkilotlar vakillari;
buyurtmachining yuqori tashkilotlari, vazirliklari, idoralari vakillari;
tender savdolari xorijiy tovar yetkazib beruvchilarni jalb etgan holda tashkil qilingan taqdirda, transport-ekspeditorlik kompaniyalari vakillari.
Buyurtmachining yoki unga qarashli korxonalar va tashkilotlar vakillari soni tender komissiyasi tarkibining 30 foizidan oshmasligi kerak.
Tender komissiyasi aʼzolarining tayinlanishi yuzasidan buyurtmachi javob beradi.
11. Tender komissiyasining ishchi organi tenderlarni oʻtkazishni (tovar yetkazib beruvchilarni oldindan malakali tanlash, tushadigan takliflarni ekspert baholash, binolar va yordamchi xodimlar berish, reklama ishlarini tashkil etish, tender komissiyasi hujjatlarini va shu kabilarni amalga oshirishni) amalda tashkil etuvchi asosiy organ hisoblanadi.
12. Buyurtmachining tanlovi boʻyicha shartnoma asosida ixtisoslashgan tashkilot yoki buyurtmachining oʻzi ishchi organ boʻlishi mumkin, u zarur boʻlganda shartnoma asosida boshqa tashkilotlar mutaxassislarini ham jalb etishi mumkin.
Tovar yetkazib berish qiymati 1,0 mln AQSH dollariga teng miqdordan oshadigan bitta kontrakt boʻyicha amalga oshirilganda ishchi organ buyurtmachi tomonidan Vazirlar Mahkamasining tegishli komplekslari bilan kelishgan holda belgilanadi.
Ishchi organ — ixtisoslashgan tashkilotning, shuningdek boshqa tashkilotlar mutaxassislarining huquq va vazifalari doirasi shartnomalarda belgilanadi.
13. Tenderlarni oʻtkazishda buyurtmachi:
Oldingi tahrirga qarang.
tenderlarni oʻtkazish, ularning oʻtkazilish sanasi toʻgʻrisida qaror qabul qiladi, sotib olinadigan tovarlarning eng yuqori bahosini belgilaydi va rasmiy farmoyish chiqaradi;
(13-bandning ikkinchi xatboshisi Oʻzbekiston Respublikasi Prezidentining 2008-yil 29-dekabrdagi PQ-1024-sonli qarori tahririda — OʻR QHT, 2008-y., 52-son, 515-modda)
ishchi organ faoliyatini nazorat qilib boradi va tender komissiyasi ishida qatnashadi;
tender hujjatlarini tayyorlash shartlarini belgilaydi;
tenderlarni tayyorlash va oʻtkazish bilan bogʻliq xarajatlarni amalga oshiradi;
tender gʻolibi bilan kontrakt tuzadi.
14. Ishchi organ buyurtmachi bilan kelishgan holda:
savdo va uni rasmiylashtirish tartibotini belgilaydi;
tender hujjatlarini ishlab chiqishni tashkil etadi;
ommaviy axborot vositalarida eʼlon beradi va/yoki taklifnomalar joʻnatishni tashkil etadi;
jalb etiladigan ekspertlar va konsultantlar faoliyatini muvofiqlashtirib boradi;
daʼvogarlarni tender hujjatlari bilan tanishtiradi;
arizalarni qabul qiladi, ularning hisobga olib borilishini, saqlanishini va maxfiyligini taʼminlaydi.
III. Tenderlarning turlari
15. Oʻtkazish usullariga koʻra tenderlar ochiq yoki yopiq boʻlishi mumkin. Tender turi buyurtmachi tomonidan belgilanadi.
16. Ochiq tenderlarda, mulkchilik shakllaridan qatʼi nazar, barcha yuridik shaxslar qatnashishi mumkin.
17. Yopiq tenderlar istisno hollarda Vazirlar Mahkamasining tegishli komplekslari bilan kelishgan holda, buyurtmachi oldindan belgilab qoʻygan tashkilotlar ishtirokida oʻtkaziladi, bu tashkilotlarga taklifnomalar joʻnatiladi.
IV. Tenderni tashkil etish va oʻtkazish bosqichlari
18. Tenderni tashkil etish va oʻtkazish quyidagi bosqichlardan iborat boʻladi:
tenderning sohasini belgilash;
tender hujjatlarini (ixtisoslashgan texnik va tijoriy konsultantlarni jalb etgan holda) tayyorlash;
tenderni ommaviy axborot vositalarida eʼlon qilish va/yoki tenderda qatnashishi mumkin boʻlganlarga tenderda qatnashish uchun taklifnomalar joʻnatish;
tender qatnashchilaridan tender boʻyicha takliflarni qabul qilish;
tenderda qatnashishi mumkin boʻlganlarni aniqlash;
tender boʻyicha tushgan takliflarni baholash va tender gʻolibini aniqlash;
tender gʻolibi bilan kontraktni imzolash.
V. Tender toʻgʻrisidagi eʼlonlarni tayyorlash va chop etish
19. Ishchi organ tender (tender savdolari) oʻtkazilishidan kamida 30 kun oldin ommaviy axborot vositalarida eʼlon qilish (bunda ushbu maqsad uchun ham mamlakatimizda, ham chet ellarda eng keng tarqalgan va ixtisoslashgan jurnallar, gazetalarni tanlash majburiy hisoblanadi) va/yoki mamlakatimizdagi ishlab chiqaruvchilarni, shu jumladan kichik biznes va xususiy tadbirkorlik subyektlarini albatta jalb etgan holda pochta, telefaks orqali yoki boshqacha shaklda aniq daʼvogarlarga rasmiy taklifnomalar yuborish yoʻli bilan daʼvogarlarga yetkazadi.
(19-bandning birinchi xatboshisi Oʻzbekiston Respublikasi Vazirlar Mahkamasining 2017-yil 18-dekabrdagi 992-sonli qarori tahririda — Qonun hujjatlari maʼlumotlari milliy bazasi, 19.12.2017-y., 09/17/992/0426-son)
Yopiq tenderlar oʻtkazilganda tender toʻgʻrisidagi eʼlon ommaviy axborot vositalarida chop etilmaydi.
(19-band Oʻzbekiston Respublikasi Vazirlar Mahkamasining 2016-yil 26-apreldagi 122-sonli qarori tahririda — OʻR QHT, 2016-y., 17-son, 176-modda)
20. Tenderlar toʻgʻrisidagi axborotda quyidagi maʼlumotlar boʻladi:
ishchi organning nomi;
tenderning mavzusi;
tovarni yetkazib berish shartlari va moʻljallangan yetkazib berishni bajarish muddatlari;
Oldingi tahrirga qarang.
sotib olinadigan tovarning eng yuqori narxi;
(20-band Oʻzbekiston Respublikasi Prezidentining 2008-yil 29-dekabrdagi PQ-1024-sonli qaroriga asosan beshinchi xatboshi bilan toʻldirilgan— OʻR QHT, 2008-y., 52-son, 515-modda)
tenderda qatnashish uchun daʼvogarlarni oldindan malakali tanlash muddatlari;
tender hujjatlarini olishi mumkin boʻlgan tender komissiyasi ishchi organining manzili, bogʻlanish telefoni va telefaksi;
tender hujjatlarining narxi;
tender boʻyicha taklif berish vaqtida tender qatnashchisi uchun zakalat summasi;
tender komissiyasi tomonidan takliflarni qabul qilib olishning (kun va soat koʻrsatilgan holdagi) soʻnggi muddati;
Oldingi tahrirga qarang.
mamlakatimiz tovar ishlab chiqaruvchilari (ishlarni bajaruvchilar, xizmatlar koʻrsatuvchilar) uchun qonun hujjatlarida nazarda tutilgan narx imtiyozlari;
(20-bandning oʻn birinchi xatboshi Oʻzbekiston Respublikasi Vazirlar Mahkamasining 2009-yil 20-fevraldagi 50-sonli qarori tahririda — OʻR QHT, 2009-y., 9-son, 89-modda)
Oldingi tahrirga qarang.
mamlakatimiz tovar ishlab chiqaruvchilari (yetkazib beruvchilari)ning, shu jumladan kichik biznes korxonalarining tenderda qatnashishi mumkinligiga doir koʻrsatmalar.
(20-bandning oʻn birinchi xatboshisi Oʻzbekiston Respublikasi Vazirlar Mahkamasining 2004-yil 17-yanvardagi 28-sonli qarori tahririda — OʻR QHT, 2004-y., 3-son, 31-modda)
VI. Tender hujjatlariga qoʻyiladigan asosiy shartlar
21. Tender hujjatlari quyidagilardan iborat boʻladi:
tender qatnashchisi uchun yoʻriqnoma;
tenderning texnik qismi;
tenderning tijorat qismi;
kontraktning rasmiy shakli.
22. Tender qatnashchisi uchun yoʻriqnomada:
tenderlar qachon oʻtkazilishi toʻgʻrisida maʼlumot olish yuzasidan tender komissiyasining ishchi organi vakili bilan bogʻlanish uchun manzil va bogʻlanish telefonlari;
tender komissiyasiga yuborilayotgan tender takliflarining nusxalari soni toʻgʻrisida koʻrsatma;
tender taklifini rasmiylashtirish tartibi va uni vizalashga nisbatan qoʻyiladigan talab;
tender taklifi uning qatnashchisi tomonidan tender komissiyasiga taqdim etilgandan soʻng unga oʻzgartirishlar kiritish va uni rasmiylashtirish tartibi;
narxlar belgilash va valyutaga oid koʻrsatma;
tender komissiyasiga takliflar berish tartibotiga nisbatan talab;
tender qatnashchisining kelishib olingan vaqt mobaynida oʻz taklifidan qaytmasligini kafolatlovchi zakalat pulining miqdori, uni toʻlash va qaytarib olish tartibi;
buyurtmachining xohishiga koʻra — tender savdolari natijalari boʻyicha tuzilgan kontraktni zarur darajada bajarish yuzasidan beriladigan pul kafolati (garovga sifatidagi)ning miqdori, uni toʻlash va qaytarib olish tartibi;
tender qatnashchilari tomonidan tender hujjatlari talablariga asoslangan takliflar bilan bir qatorda muqobil takliflar berish mumkinligi toʻgʻrisida axborot;
tender qatnashchisining iltimosi asosli boʻlganda tenderlarning yopilishi sanasini boshqa kunga koʻchirish mumkinligiga oid koʻrsatma;
har qanday hujjatning va oʻtkazilgan tenderlar doirasida tuziladigan hujjatlarning maxfiyligi taʼminlanishi;
takliflar solingan konvertlarni ochish tartiboti bayoni va tender komissiyasi tomonidan tender gʻolibini aniqlash muddati koʻrsatiladi.
23. Tenderning texnik qismida xarid qilinadigan tovarga nisbatan zarur texnologiya talablari boʻladi.
Texnik topshiriq Oʻzbekiston Respublikasi Iqtisodiyot va sanoat vazirligi huzuridagi Loyihalar va import kontraktlarini kompleks ekspertiza qilish markazi” DUK bilan qonun hujjatlarida belgilangan tartibda kelishilishi kerak.
(23-bandning ikkinchi xatboshisi Oʻzbekiston Respublikasi Vazirlar Mahkamasining 2019-yil 26-martdagi 254-sonli qarori tahririda — Qonun hujjatlari maʼlumotlari milliy bazasi, 27.03.2019-y., 09/19/254/2839-son)
24. Tender hujjatining tijorat qismi quyidagilarni oʻz ichiga oladi:
tovar narxi va uni belgilash tartibi (tender savdolarida qatnashish uchun xorijiy tovar yetkazib beruvchilar jalb qilingan hollarda xarid qilinadigan tovarlarni tashib keltirishning qiymati alohida ajratib koʻrsatiladi);
yetkazib berish shartlari;
toʻlov sharti va toʻlovlar jadvali;
bitishuvlarni mablagʻ bilan taʼminlash manbalari.
25. Kontrakt rasmiyatchiligi kontraktlarga nisbatan qoʻyiladigan talablarga javob berishi kerak, jumladan:
kontraktning xalqaro savdo huquqining umumiy qabul qilingan meʼyorlariga muvofiqligi;
kontraktning Oʻzbekiston Respublikasi qonun hujjatlari va normativ hujjatlariga muvofiqligi.
Bitim (kontrakt) rasmiyatchiliklarini tuzish chogʻida buyurtmachi yoki ishchi organ maslahatlashish uchun shartnoma asosida ixtisoslashtirilgan konsalting firmalariga murojaat qilishga haqlidir.
VII. Tender qatnashchilari
26. Tenderlarda ularda qatnashish uchun qoʻyiladigan shartlarni bajargan, tender asosida xarid qilinadigan mahsulotning tegishli hajmlarini yetkazib berish tajribasiga ega boʻlgan ham xorijiy firmalar va tashkilotlar, ham vatanimiz ishlab chiqaruvchilari (tovar yetkazib beruvchilari) qatnashishlari mumkin.
27. Eʼlon bosib chiqarilgandan soʻng tenderda qatnashishni xohlovchi daʼvogarlar tender hujjatlari oladilar, ular pul toʻlash asosida har bir daʼvogarga beriladi. Tender hujjati olish uchun toʻlov miqdori tender komissiyasi tomonidan belgilanadi. Mamlakatimiz ishlab chiqaruvchilari (tovar yetkazib beruvchilari) uchun tender hujjatlari olish uchun toʻlov miqdori soʻmlarda belgilanadi.
28. Ishchi organ tushgan buyurtmanomalar va mazkur Nizomga asosan daʼvogarlarni oldindan malakali tanlab olish uchun materiallarni toʻplaydi va tartibga soladi.
VIII. Tenderda qatnashish uchun daʼvogarlarni tanlab olish
29. Tender boshlangunga qadar tenderda ishtirok etish uchun qoʻyiladigan daʼvogarlarning tender komissiyasi tomonidan malakali tanlovi oʻtkaziladi.
30. Ishchi organi tomonidan amalga oshiriladigan malakali tanlovda:
qayta tashkil etish, tugatilish yoki bankrotlik bosqichida boʻlgan;
malakali tanlov uchun barcha zarur hujjatlarni belgilangan muddatda taqdim etmagan;
ilgari tuzilgan kontraktlar boʻyicha qabul qilingan majburiyatlarni zarur darajada bajarmagan;
tender eʼlon qilingunga qadar taʼsis etilganiga 6 oy boʻlmagan;
buyurtmachi bilan sud yoki hakamlik muhokamasida ishi koʻrib chiqilayotgan;
tijorat va moliya koʻrsatkichlari boʻyicha tender komissiyasining talablariga javob bermaydigan tashkilotlar va firmalarning tenderlarda ishtirok etishlariga yoʻl qoʻyilmaydi.
31. Tanlab olingan qatnashchilar roʻyxati tender komissiyasi tomonidan tasdiqlanadi.
32. Tenderda qatnashishga ruxsat etishni rad etish toʻgʻrisidagi qaror tender komissiyasi tomonidan qabul qilinadi va bu haqda ishchi organ daʼvogarlarni yozma ravishda xabardor qiladi.
IX. Tender oʻtkazish tartibi
33. Ommaviy axborot vositalarida tender oʻtkazish toʻgʻrisidagi eʼlon rasman bosib chiqarilgan sana yoki tender qatnashchisi pochta (sana pochta shtempeli boʻyicha aniqlanadi), telefaks boʻyicha yoki boshqa shaklda xabar qilingan (taklif etilgan) sana tender ochilgan sana hisoblanadi.
34. Oʻtkaziladigan tenderlar doirasida tender takliflari tayyorlash muddati tender komissiyasi tomonidan belgilanadi va tender ochilishi toʻgʻrisidagi eʼlonda koʻrsatib oʻtiladi.
35. Tender komissiyasi tender takliflarini taqdim etish muddatini uzaytirish toʻgʻrisida qaror qabul qilishi mumkin, ushbu qaror tenderning barcha qatnashchilariga nisbatan joriy etiladi.
36. Tender komissiyasi oʻz ishi tartibini mustaqil ravishda ishlab chiqadi va tasdiqlaydi. Mazkur masala boʻyicha qaror tender komissiyasi aʼzolari umumiy sonining oddiy koʻpchilik ovozi bilan qabul qilinadi. Ovozlar teng boʻlib qolgan hollarda tender komissiyasi raisining ovozi hal qiluvchi ovoz hisoblanadi.
37. Har bir aniq holatda tender komissiyasi tenderda qatnashish uchun daʼvogar tomonidan beriladigan zakalatni olish tartibi, miqdori va shaklini belgilab beradi. Zakalat miqdori xarid hisob-kitob qiymatining 1-5 foizi doirasida boʻlishiga yoʻl qoʻyiladi. Zakalatlar buyurtmachi yoki ishchi organning hisobvaragʻiga kiritiladi (agar ixtisoslashtirilgan tashkilot ishchi organ boʻlib hisoblangan hollarda). Mamlakatimiz tovar ishlab chiqaruvchilari (tovar yetkazib beruvchilari)ning zakalatlari soʻmlarda olinadi.
38. Tender takliflari faqat muhrlangan ikki qavatli xat jildda qabul qilinadi. Ishchi organning nomi va manzili koʻrsatilgan tashqi xat jildda tender qatnashchisi tomonidan zakalat berilganligini tasdiqlovchi hujjat, ichki xat jildda — tender taklifi, savdosi eʼlon qilingan tovarning nomi va takliflarni qabul qilish uchun belgilangan sana boʻladi.
Barcha hujjatlar roʻyxatga olish daftariga topshiruvchi va qabul qilib oluvchi shaxsning imzosi bilan qabul qilib olingan sana va vaqt yozib qoʻyilgan holda qabul qilinadi. Roʻyxatga olish daftari ip oʻtkazib bogʻlangan, tartib raqami qoʻyilgan va buyurtmachining yoki ishchi organ (ixtisoslashtirilgan tashkilot)ning gerbli muhri bilan tasdiqlangan boʻlishi kerak.
39. Xat jildlarni ochish tartibi, ularni koʻrib chiqish va saqlash tartibi maxfiylik meʼyoriga rioya qilingan holda tender komissiyasi tomonidan belgilanadi.
40. Tender komissiyasi tender buyurtmanomalarini qabul qilishning oxirgi sanasini, xat jildlarni ochish vaqti va joyini belgilaydi.
Koʻrsatib oʻtilgan sanadan keyin olingan takliflar koʻrib chiqilmaydi va xat jildlar ochilmasdan tender qatnashchilariga qaytarib yuboriladi. Tender qatnashchisi koʻrsatib oʻtilgan sanadan soʻng oʻzgartirishlar kiritgan yoki oʻz taklifini qaytarib olgan hollarda zakalat unga qaytarib berilmaydi. Tender qatnashchisi tender buyurtmanomalari qabul qilib olinadigan oxirgi sanagacha kechi bilan 5 kun muddatda oʻz taklifini qaytarib olish huquqiga egadir.
41. Tender komissiyasi majlisini oʻtkazish uchun kvorum uning tarkibining 70 foizini tashkil etadi. Tender komissiyasining barcha majlislari va barcha qabul qilingan qarorlari protokollar bilan rasmiylashtirilishi kerak.
Tender qatnashchilarining takliflari solingan xat jildlar bevosita tender komissiyasi majlisida ochiladi. Bunday hollarda tender komissiyasi majlisining protokolida tender qatnashchilari tomonidan taqdim etilgan takliflarning tender hujjatlariga muvofiqligi yozib qoʻyiladi.
42. Tender takliflarini koʻrib chiqish muddati tender komissiyasi tomonidan xat jild ochilgan vaqtdan boshlab belgilanadi. Bu muddat sotib olinadigan tovarning turiga bogʻliq boʻlib uch oydan ortiq boʻlishi mumkin emas. Takliflarni koʻrib chiqish chogʻida ularning tender hujjatlari talablariga muvofiqligi aniqlanadi, zarur hujjatlarning mavjudligi va ularning toʻgʻri rasmiylashtirilishi tekshiriladi.
43. Tender komissiyasi tushgan takliflarning tender shartlariga muvofiqligini tekshiradi va tender shartlarida belgilangan, shuningdek ushbu Nizom X-I boʻlimining talablariga muvofiq, eng koʻp raqobat narxlari, yetkazib berish shartlari, toʻlov va boshqa mezonlar boʻyicha gʻoliblarni aniqlaydi.
Sharoitlar teng boʻlgan boshqa hollarda gʻolibni aniqlashda mamlakatimiz ishlab chiqaruvchilari (yetkazib beruvchilari)ga ustunlik beriladi.
(43-bandning birinchi xatboshi Oʻzbekiston Respublikasi Vazirlar Mahkamasining 2009-yil 20-fevraldagi 50-sonli qarori tahririda — OʻR QHT, 2009-y., 9-son, 89-modda)
44. Tenderni tashkil etish va oʻtkazish xarajatlari, shuningdek, ekspert tashkilotlarining xizmatlari uchun toʻlovlar qatnashchilar tomonidan tender hujjatlarini sotib olish uchun toʻlangan mablagʻlardan toʻlanadi.
45. Tender oʻtkazilgandan keyin buyurtmachi yoki ishchi organ (ixtisoslashtirilgan tashkilot) qatnashchilarga (gʻolib bundan mustasno) ularning zakalatlarini bank operatsiyalarini oʻtkazish xarajatlarini chiqarib tashlagan holda qaytaradi. Zakalat tender gʻolibi eʼlon qilingan vaqtdan boshlab belgilangan muddat mobaynida, biroq 11 bank kunidan kechiktirmay qaytariladi. Tender gʻolibining zakalati kontrakt shartlari bajarilib boʻlgunga qadar bunday kontrakt shartlarining tender gʻolibi tomonidan kerakli tarzda bajarilishiga kafolat sifatida buyurtmachining ixtiyorida qolishi mumkin.
46. Tenderda qatnashish huquqi boshqa yuridik shaxslarga berilishiga yoʻl qoʻyilmaydi.
47. Agar:
tenderni yopish muddati tugaydigan vaqtgacha birorta ham tender taklifi tushmasa;
tenderga kamida uchta qatnashchining taklifi taqdim etilsa;
(47-bandning uchinchi xatboshisi Oʻzbekiston Respublikasi Vazirlar Mahkamasining 2011-yil 1-apreldagi 100-sonli qarori tahririda — OʻR QHT, 2011-y., 14-son, 137-modda)
taqdim etilgan barcha tender takliflarida zarur hujjatlarning paketi boʻlmaganda tender komissiyasi tomonidan tender oʻtkazilmagan deb eʼlon qilinishi mumkin.
kichik biznes subyektlari uchun ajratilgan kvotalar boʻyicha oʻtkaziladigan tender qatnashchilari orasida ushbu toifa tashkilotlar boʻlmasa.
(47-band Oʻzbekiston Respublikasi Vazirlar Mahkamasining 2011-yil 1-apreldagi 100-sonli qaroriga asosan xatboshi bilan toʻldirilgan — OʻR QHT, 2011-y., 14-son, 137-modda)
48. Agar tushgan tender takliflarining birortasi tender hujjatlari shartlariga muvofiq boʻlmagan taqdirda, tender oʻtkazildi, ammo salbiy natijaga ega deb hisoblanadi.
X. Tender takliflarini baholash tartibi
49. Tender takliflarini baholash tender komissiyasi tomonidan belgilangan muddat mobaynida oʻtkaziladi. Takliflarni baholash tender komissiyasi tomonidan belgilangan har bir baholash mezoni boʻyicha ball qoʻyish yoʻli bilan amalga oshiriladi. Tender qatnashchilari yoki ularning vakillari tender takliflarini baholash chogʻida qatnashish huquqiga ega emas. Baholash chogʻida tender komissiyasi tushuntirishlar berish, qoʻshimcha maʼlumotlar va tasdiqlashlar olish uchun daʼvogarlarni chaqirish huquqiga ega. Tender xulosalarini chiqarishda tender qatnashchilari va ularning ishonchli vakillari ishtirok etishi mumkin.
50. Tender komissiyasi tender takliflarini baholash uchun ekspert va maslahat beruvchi tashkilotlarning vakillarini jalb qilishi mumkin.
51. Tender qatnashchilari tomonidan taqdim etilgan takliflar bilan tanishgandan keyin tender komissiyasining har bir aʼzosi asoslangan yozma xulosa berish huquqiga ega.
52. Tender gʻolibi toʻgʻrisidagi rasmiy qaror tender komissiyasi tomonidan qabul qilinadi. Ushbu masala boʻyicha qaror tender komissiyasi aʼzolari sonining oddiy koʻpchilik ovozi bilan qabul qilinadi. Ovozlar teng boʻlgan taqdirda Tender komissiyasi raisining ovozi hal qiluvchi ovoz hisoblanadi.
53. Tender takliflarini koʻrib chiqish va baholash toʻgʻrisidagi maʼlumotlar baholash tartibotiga rasman aloqasi boʻlmagan shaxslarga maʼlum qilinmaydi. Tender komissiyasi aʼzolari va jalb etilgan ekspertlar mazkur maʼlumotlarning oshkor qilinishi uchun javob beradilar.
54. Arifmetik yoki boshqa xatolar mavjud boʻlgan taqdirda tender komissiyasi tender takliflarini qaytarish yoki tender takliflarini bundan keyin tenderda koʻrib chiqish shartlarini, bu haqda tender qatnashchisini xabardor qilgan holda, belgilash huquqiga ega.
55. Tender takliflarini baholash va tender gʻolibini aniqlash:
tender hujjatlarida bayon qilingan mezonlarga;
Oldingi tahrirga qarang.
taklif etilgan narxlarning oʻrtacha jahon va konsalting firmasi, yoki Iqtisodiyot vazirligi huzuridagi Tovar bozorlari konyunkturasini oʻrganish hamda investitsiya loyihalari va dasturlarini ekspertiza qilish respublika markazi yoki Tashqi iqtisodiy aloqalar, investitsiyalar va savdo vazirligining xulosalari boʻyicha bozor konyunkturasida yuzaga kelgan narxlarga mosligiga asosan amalga oshiriladi.
(55-bandning uchinchi xatboshisi Oʻzbekiston Respublikasi Vazirlar Mahkamasining 2005-yil 8-sentabrdagi 206-son qarori tahririda — OʻR QHT, 2005-y., 34-36-son, 264-modda)
LexUZ sharhiOldingi tahrirga qarang.
Ishtirokchilarning tijorat takliflarini teng shartlarga keltirish maqsadida qonun hujjatlariga muvofiq qoʻshimcha qiymat soligʻidan ozod qilinadigan import qiluvchilar, import tovarlar yetkazib berish (ishlarni bajarish, xizmatlar koʻrsatish)dagi tender takliflari ishtirokchilarining tender takliflarini baholashda koʻrsatilgan soliq summasini qoʻshgan holda hisoblanadi;
(55-band Oʻzbekiston Respublikasi Vazirlar Mahkamasining 2009-yil 20-fevraldagi 50-sonli qaroriga asosan toʻrtinchi xatboshi bilan toʻldirilgan — OʻR QHT, 2009-y., 9-son, 89-modda)
Shuningdek, taqdim etilgan tender takliflarining qoʻshimcha texnik, tashkiliy va tijoriy ustunliklari hamda tender qatnashchisining obroʻ-eʼtibori ham eʼtiborga olinishi mumkin.
Bunda, agar tenderda xorijiy yetkazib beruvchilar bilan birga mamlakatimiz korxonalari-ishlab chiqaruvchilari ishtirok etsa, bu korxonalarga tovarlar va xizmatlar davlat xaridi (Davlat budjeti, Respublika yoʻl jamgʻarmasi, Oʻzbekiston Respublikasi Moliya vazirligi huzuridagi budjetdan tashqari Taʼlim va tibbiyot muassasalarini moddiy-texnika bazasini rivojlantirish jamgʻarmasi va ijtimoiy soha muassasalarining budjetdan tashqari mablagʻlari), shuningdek davlat ulushi 50 foizdan ortiq boʻlgan korxonalar mablagʻlari hisobiga xarid qilish doirasida amalga oshiriladigan tender savdolarida ishtirok etganda 20 foizgacha miqdorda narx imtiyozlari beriladi.
(55-bandning oltinchi xatboshisi Oʻzbekiston Respublikasi Vazirlar Mahkamasining 2017-yil 18-sentabrdagi 740-sonli qarori tahririda — OʻR QHT, 2017-y., 38-son, 1049-modda)
Boshqa teng sharoitlarda kichik biznes subyektlariga afzallik beriladi.
(55-band Oʻzbekiston Respublikasi Vazirlar Mahkamasining 2011-yil 1-apreldagi 100-sonli qaroriga asosan xatboshi bilan toʻldirilgan — OʻR QHT, 2011-y., 14-son, 137-modda)
56. Tender komissiyasining tender gʻolibi toʻgʻrisidagi protokolida quyidagi maʼlumotlar boʻladi:
tender gʻolibi va tender gʻolibidan keyin eng yuqori ballga ega boʻlgan zaxiradagi qatnashchilarning nomlari;
tender komissiyasining tarkibi;
ovoz berish natijalari;
tender qatnashchilarining tender takliflari jamlama jadvali;
tender gʻolibi bilan kontraktni imzolash muddatlari.
Protokol tender komissiyasining qatnashayotgan aʼzolari tomonidan imzolanishi va tender komissiyasining raisi tomonidan tasdiqlanishi kerak.
57. Agar tender gʻolibi kontrakt tuzishdan bosh tortgan taqdirda, kontrakt tuzish huquqi zaxiradagi birinchi qatnashchiga beriladi.
58. Agar tender boʻlib oʻtmagan yoki salbiy natijaga ega boʻlgan taqdirda tender qaytadan oʻtkazilishi mumkin.
59. Tenderni oʻtkazish bilan bogʻliq nizolar Oʻzbekiston Respublikasining amaldagi qonun hujjatlarida belgilangan tartibda koʻrib chiqiladi.
60. Tender natijalari 3 kun mobaynida ishchi organ tomonidan ommaviy axborot vositalarida eʼlon qilinadi.
X-I. Mamlakatimiz tovar ishlab chiqaruvchilari (ishlarni bajaruvchilar, xizmatlar koʻrsatuvchilar) uchun narx imtiyozlari bergan holda tender savdolari oʻtkazishda tender takliflarini baholash xususiyatlari
601. Ushbu Nizomning 55-bandi oltinchi xatboshida nazarda tutilgan narx imtiyozlari tender savdolariga qoʻyilgan va ular bevosita tovar ishlab chiqaruvchilar (ishlar bajaruvchilar, xizmatlar koʻrsatuvchilar) (keyingi oʻrinlarda mamlakatimiz korxonalari-ishlab chiqaruvchilari deb ataladi) ekanligini tasdiqlaydigan zarur hujjatlarni tender komissiyasiga taqdim qilgan mamlakatimiz korxonalari-ishlab chiqaruvchilari (ishlarni bajaruvchilar, xizmatlar koʻrsatuvchilar)ga beriladi.
602. Tender ishtirokchisi tomonidan import tovarlari yetkazib berish (ishlarni bajarish, xizmatlar koʻrsatish) bilan eng yaxshi narx taklif etilgan taqdirda tender komissiyasi mamlakatimiz korxonalari-ishlab chiqaruvchilari takliflari orasidan koʻrsatilgan eng yaxshi narxga kamida 20 foizga oshiradigan va tender savdolari va qonun hujjatlari shartlariga mos keladigan uchtagacha eng yaxshi takliflarni tanlab oladi. Bunda, qonun hujjatlariga muvofiq qoʻshimcha qiymat soligʻidan ozod qilinadigan tender ishtirokchisi tomonidan import tovarlari yetkazib berish (ishlarni bajarish, xizmatlar koʻrsatish) bilan eng yaxshi narx taklif etilgan boʻlsa mamlakatimiz korxonalari-ishlab chiqaruvchilari takliflarini tanlab olish uchun qoʻshimcha qiymat soligʻi summasiga qoʻshib hisoblagan holda koʻrsatib oʻtilgan eng yaxshi narx qoʻllaniladi.
Tender komissiyasi bir kun mobaynida tanlab olingan mamlakatimiz korxonalari-ishlab chiqaruvchilari bilan navbatma-navbat ularning tender takliflari narxlarini kamaytirish yuzasidan toʻgʻridan-toʻgʻri muzokaralar olib boradi va muzokaralar natijalarini tasdiqlaydi. Bunda har bir mamlakatimiz korxonalari-ishlab chiqaruvchilari bilan muzokaralar natijalari protokol bilan rasmiylashtiriladi va gʻolib aniqlangunga qadar konfedensial hisoblanadi.
603. Mamlakatimiz korxonalari-ishlab chiqaruvchilari bilan toʻgʻridan-toʻgʻri muzokaralar natijalari boʻyicha quyidagilar:
mamlakatimizning boshqa korxonalari-ishlab chiqaruvchilariga nisbatan — olib kirishda qoʻshimcha qiymat soligʻi toʻlash boʻyicha imtiyoz berish qonun hujjatlarida nazarda tutilmagan tovarlar (ishlar, xizmatlar) turlari boʻyicha eng yaxshi narxni taklif etgan;
mamlakatimizning boshqa korxonalari-ishlab chiqaruvchilariga nisbatan, lekin qoʻshimcha qiymat soligʻi summasiga qoʻshib hisoblagan holda import tovarlar yetkazib berish (ishlarni bajarish, xizmatlar koʻrsatish) boʻyicha eng yaxshi narxdan oshmaydigan — olib kirishda qoʻshimcha qiymat soligʻi toʻlashdan ozod qilish boʻyicha imtiyoz qonun hujjatlarida nazarda tutilgan tovarlar (ishlar, xizmatlar) boʻyicha eng yaxshi narxni taklif etgan mamlakatimiz korxonasi-ishlab chiqaruvchisi tender gʻolibi deb aniqlanadi.
604. Tender ishtirokchisi tomonidan qonun hujjatlariga muvofiq qoʻshimcha qiymat soligʻi toʻlashdan ozod qilinadigan import tovarlar yetkazib berish (ishlarni bajarish, xizmatlar koʻrsatish) boʻyicha eng yaxshi narx taklif etilgan boʻlsa va mamlakatimiz korxonalari-ishlab chiqaruvchilari bilan toʻgʻridan-toʻgʻri muzokaralar natijalariga koʻra, qoʻshimcha qiymat soligʻi summasiga qoʻshib hisoblagan holda koʻrsatilgan eng yaxshi narxdan oshmaydigan narxni taklif etish mumkin boʻlmagan taqdirda, import tovarlar yetkazib berish (ishlarni bajarish, xizmatlar koʻrsatish) boʻyicha eng yaxshi narx taklif etgan tender ishtirokchisi tender gʻolibi deb eʼlon qilinadi”.
(X-I boʻlim Oʻzbekiston Respublikasi Vazirlar Mahkamasining 2009-yil 20-fevraldagi 50-sonli qaroriga asosan kiritilgan — OʻR QHT, 2009-y., 9-son, 89-modda)
XI. Tender natijalari boʻyicha tuzilgan kontraktlar bajarilishining kafolati, roʻyxatga olinishi va ijro etish monitoringi
61. Zaruriyat boʻlganda tender gʻolibi kontrakt bajarilishining kafolati sifatida kontrakt umumiy summasining oʻn foizigacha boʻlgan summaga buyurtmachiga xizmat koʻrsatuvchi bank bilan vakillik hisobvaragʻiga ega boʻlgan bankning kafolati sifatida majburiyatlar bajarilishini yoki buyurtmachining hisobvaragʻiga pul depoziti oʻtkazilishini taʼminlaydi.
62. Tender natijalari boʻyicha tuzilgan import kontraktlarni ekspertizadan oʻtkazish yuqorida koʻrsatilgan bank kafolatini olish boʻyicha buyurtmachining tasdigʻi boʻlganda amaldagi qonun hujjatlariga muvofiq Oʻzbekiston Respublikasi Tashqi iqtisodiy aloqalar, investitsiyalar va savdo vazirligida amalga oshiriladi.
Mamlakatimizning ishlab chiqaruvchilari (yetkazib beruvchilari) gʻolib deb topilganda tender natijalari boʻyicha tuzilgan kontraktlar Oʻzbekiston Respublikasi Tashqi iqtisodiy aloqalar, investitsiyalar va savdo vazirligida ekspertizadan oʻtkazilmaydi.
(62-band Oʻzbekiston Respublikasi Vazirlar Mahkamasining 2005-yil 8-sentabrdagi 206-son qarori tahririda — OʻR QHT, 2005-y., 34-36-son, 264-modda)
LexUZ sharhi63. Tender kontraktlarini bajarish monitoringi buyurtmachi tomonidan kontraktlar toʻliq va oʻz vaqtida bajarilgunga qadar buyurtmachiga xizmat koʻrsatuvchi bankka axborot taqdim etish bilan amalga oshiriladi.
XII. Yakunlovchi qoidalar
(XII-boʻlimning nomi Oʻzbekiston Respublikasi Vazirlar Mahkamasining 2012-yil 23-maydagi 143-sonli qarori tahririda — OʻR QHT, 2012-y., 21-son, 232-modda)
631. Tanlov (tender) savdolarini oʻtkazishda raqobat toʻgʻrisidagi qonun hujjatlari talablariga rioya qilinishi monopoliyaga qarshi organ tomonidan nazorat funksiyalarini amalga oshirishda, oʻrganishlar oʻtkazishda, shuningdek xoʻjalik yurituvchi subyektlar, davlat boshqaruvi organlari, mahalliy davlat hokimiyati organlari murojaatlari va tegishli organlarning taqdimnomasi asosida nazorat qilinadi. Ushbu nazorat va oʻrganishni amalga oshirish tartibi monopoliyaga qarshi organ tomonidan belgilanadi.
(631-band Oʻzbekiston Respublikasi Vazirlar Mahkamasining 2012-yil 23-maydagi 143-sonli qaroriga asosan kiritilgan — OʻR QHT, 2012-y., 21-son, 232-modda)
64 Quyidagilar:
ishchi organ tarkibiga kirgan shaxslar tushgan tender takliflarining hisobga olinishi, ularning saqlanishi va maxfiyligi uchun;
tender komissiyasining raisi va aʼzolari maʼlumotlarning oshkor qilinmasligi, tender qatnashchilari, tender komissiyasining qolgan aʼzolari va jalb qilingan ekspertlar bilan til biriktirilishiga yoʻl qoʻyilmasligi, shuningdek boshqa huquqqa zid harakatlarga yoʻl qoʻyilmasligi uchun qonun hujjatlarida nazarda tutilgan tarzda javob beradilar.
65. Kontraktni miqdor, sifat va texnik koʻrsatkichlar boʻyicha bajarmagan tender gʻolibi qonun hujjatlarida va/yoki kontraktda nazarda tutilgan tarzda javob beradi.
(Oʻzbekiston Respublikasi qonun hujjatlari toʻplami, 2000-y., 9-10-son, 145-modda; 2003-y., 4-son, 42-modda;17-18-son, 161-modda; 2004-y., 3-son, 31-modda; 2005-y., 34—36-son, 264-modda; 2007-y., 52-son, 534-modda; 2008-y., 52-son, 515-modda; 2009-y., 9-son, 89-modda, 52-son, 560-modda; 2011-y., 7-8-son, 63-modda, 14-son, 137-modda; 2012-y., 6-son, 60-modda, 21-son, 232-modda, 45-son, 516-modda; 2013-y., 15-son, 201-modda, 24-son, 315-modda, 37-son, 485-modda, 46-son, 603-modda; 2014-y., 50-son, 590-modda; 2015-y., 12-son, 139-modda, 44-son, 564-modda; 2016-y., 3-son, 24-modda; 2016-y., 17-son, 176-modda; 2017-y., 33-son, 863-modda, 38-son, 1049-modda; Qonun hujjatlari maʼlumotlari milliy bazasi, 19.12.2017-y., 09/17/992/0426-son; 20.02.2018-y., 07/18/3550/0793-son; 27.03.2019-y., 09/19/254/2839-son; 20.12.2019-y., 09/19/1014/4173-son)
