|
Hujjat kuchini yo‘qotgan 23.11.2021
|
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Adliya vazirligi yuridik texnikumlari bitiruvchilarini Toshkent davlat yuridik universiteti bakalavriatiga oʻqishga qabul qilish toʻgʻrisida nizomni tasdiqlash haqida
(qaror nomi Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-noyabrdagi 705-sonli “Oʻzbekiston Respublikasi Adliya vazirligi tizimidagi taʼlim muassasalari faoliyatini yanada takomillashtirish chora-tadbirlari toʻgʻrisida”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida” 2018-yil 13-apreldagi PQ-3666-son qaroriga muvofiq hamda mamlakat hududlari uchun malakali yuridik kadrlarni tayyorlash tizimini yanada takomillashtirish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida” 2018-yil 13-apreldagi PQ-3666-son qarori bilan 2021/2022 oʻquv yilidan boshlab yuridik texnikumlari bitiruvchilari Toshkent davlat yuridik universitetiga hududiy adliya organlarining yoʻllanmalari boʻyicha kirish test sinovlarisiz yakka tartibdagi suhbat oʻtkazish orqali bakalavrlarni tayyorlashning maxsus uch yillik dasturi boʻyicha va oʻqishning tugashidan soʻng taqsimotga muvofiq uch yil davomida uzluksiz ishlab berish majburiyatini olgan holda kirishga haqli ekanligi belgilanganligi maʼlumot uchun qabul qilinsin.
(1-band Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
2. Oʻzbekiston Respublikasi Adliya vazirligi yuridik texnikumlari bitiruvchilarini Toshkent davlat yuridik universiteti bakalavriatiga oʻqishga qabul qilish toʻgʻrisida Nizom ilovaga muvofiq tasdiqlansin.
(2-band Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
3. Oʻzbekiston Respublikasi Adliya vazirligi “Oʻzbekiston Respublikasi Adliya vazirligi yuridik texnikumlari bitiruvchilariga hududiy adliya organlari tomonidan berilgan yoʻllanmalarning yagona reyestri” Axborot tizimini yaratish va joriy etishni 2019-yil 1-martigacha taʼminlasin.
(3-band Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
4. Mazkur qarorning bajarilishini nazorat qilish Oʻzbekiston Respublikasi adliya vaziri R.K. Davletov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 24-iyul,
573-son
Vazirlar Mahkamasining 2018-yil 24-iyuldagi 573-son qaroriga
ILOVA
ILOVA
Oʻzbekiston Respublikasi Adliya vazirligi yuridik texnikumlari bitiruvchilarini Toshkent davlat yuridik universiteti bakalavriatiga oʻqishga qabul qilish toʻgʻrisida
nizom
(ilova nomi Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
1-bob. Umumiy qoidalar
1. Mazkur Nizom Oʻzbekiston Respublikasi Prezidentining “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida” 2018-yil 13-apreldagi PQ-3666-son qaroriga muvofiq:
hududiy adliya organlari tomonidan Oʻzbekiston Respublikasi Adliya vazirligi yuridik texnikumlari bitiruvchilariga yoʻllanmalar berish;
(1-bandning ikkinchi xatboshisi Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
abituriyentlarni Toshkent davlat yuridik universiteti (keyingi oʻrinlarda TDYU deb ataladi) bakalavriatiga test sinovlarisiz yakka tartibda suhbat oʻtkazish orqali bakalavrlarni tayyorlashning maxsus uch yillik dasturi boʻyicha oʻqishga qabul qilish;
oʻqish tugagandan soʻng TDYU bakalavriati bitiruvchilarining taqsimotga muvofiq uzluksiz ishlab berishini amalga oshirish tartibini belgilaydi.
2. Ushbu Nizomda quyidagi asosiy tushunchalardan foydalaniladi:
abituriyent — TDYU bakalavriatiga test sinovlarisiz yakka tartibda suhbat oʻtkazish orqali bakalavrlarni tayyorlashning maxsus uch yillik dasturi asosida hududiy adliya organi yoʻllanmasi boʻyicha kirayotgan Oʻzbekiston Respublikasi Adliya vazirligi yuridik texnikumi bitiruvchisi;
(2-bandning ikkinchi xatboshisi Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
Oʻzbekiston Respublikasi Adliya vazirligi yuridik texnikumlari bitiruvchilariga hududiy adliya organlari tomonidan berilgan yoʻllanmalarning yagona reyestri (keyingi oʻrinlarda Yoʻllanmalar yagona reyestri deb ataladi) — hududiy adliya organlari tomonidan berilgan yoʻllanmalar haqidagi maʼlumotlarni avtomatlashtirilgan tarzda yigʻish (kiritish), qayta ishlash, aktuallashtirish, yangilash, saqlash va tahlil qilishga moʻljallangan axborot tizimi;
(2-bandning uchinchi xatboshisi Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
taqsimot komissiyasi — bitiruvchilarning uzluksiz ishlashini taʼminlash, shuningdek uzluksiz ishlash jarayonini muvofiqlashtirish va nazorat qilish maqsadida Oʻzbekiston Respublikasi adliya vazirining buyrugʻi bilan Adliya vazirligi masʼul xodimlari, hududiy adliya organlari va TDYU rahbar xodimlaridan iborat tarkibda tashkil etiladigan komissiya;
suhbat komissiyasi — TDYU bakalavriatiga qabul qilish uchun abituriyentlar bilan yakka tartibda suhbat oʻtkazish maqsadida TDYU taqdimotiga asosan Oʻzbekiston Respublikasi adliya vazirining buyrugʻi bilan tashkil etiladigan komissiya;
TDYU qabul komissiyasi — har yili TDYU rektori buyrugʻi bilan tashkil etiladigan TDYU bakalavriatiga qabulni tashkil etishni, shu jumladan abituriyentlar hujjatlarini qabul qilish va ularga maslahat xizmatlari koʻrsatishni amalga oshiruvchi komissiya;
maxsus komissiya — har yili hududiy adliya organi boshligʻi buyrugʻi bilan tashkil etiladigan yuridik kollejlar bitiruvchilariga yoʻllanmalar berish masalasini koʻrib chiquvchi komissiya;
hududiy adliya organlari — Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari.
3. TDYU bakalavriatiga abituriyentlarni qabul qilish kvotalardan tashqari Oʻzbekiston Respublikasi Adliya vazirligi (keyingi oʻrinlarda Adliya vazirligi deb ataladi) tomonidan mamlakat hududlari boʻyicha belgilanadigan oʻrinlar soniga mos ravishda amalga oshiriladi. Talabalar oʻqishi qonunchilikka muvofiq toʻlov-kontrakt asosida amalga oshiriladi.
4. TDYU bakalavriatiga oʻqishga qabul qilish Oʻzbekiston Respublikasi taʼlim muassasalariga oʻqishga qabul qilish Davlat komissiyasi (keyingi oʻrinlarda Davlat komissiyasi deb ataladi) tomonidan yakka tartibda suhbat natijalariga koʻra reyting tizimi boʻyicha toʻplangan ballar asosida amalga oshiriladi.
5. Abituriyentlar uchun yakka tartibdagi suhbat:
mamlakatda amalga oshirilayotgan keng qamrovli islohotlarning mohiyati va ahamiyatini tushunishni (davlat va jamiyat qurilishi, qonun ustuvorligini taʼminlash, iqtisodiyotni rivojlantirish va liberallashtirish, shuningdek ijtimoiy soha va boshqa sohalardagi islohotlar haqida tasavvur va fikrlash qobiliyatining mavjudligi);
ixtisoslikni tanlashda motivatsiya (huquqshunos kasbining mohiyati va ijtimoiy ahamiyatini tushunish, unga doimiy qiziqish koʻrsatish, oʻrta maxsus, kasb-hunar taʼlimi);
(5-bandning uchinchi xatboshisi Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
shaxsiy-kasbiy xususiyatlarni (oʻqishga qobiliyat, kasbiy vazifalarni hal qilishda amaliy faoliyat, intizomlilik, hamjihatlik, masʼuliyatlilik, qaror qabul qilishda mustaqillik darajasi, shaxsiy yutuqlar mavjudligi, shuningdek oʻz ustida ishlash va ijodkorlik qobiliyatlari);
yurisprudensiya sohasidagi bilim va kasbiy koʻnikmalarning mavjudligi (professional taʼlimi darajasida yurisprudensiya sohasida oʻz fikrini bayon qilish va tahlil qilish koʻnikmalarining mavjudligi).
(5-bandning beshinchi xatboshisi Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
6. TDYU bakalavriatiga abituriyentlarni oʻqishga qabul qilishni tashkil etish mazkur Nizomning 1-ilovasidagi sxemaga muvofiq amalga oshiriladi.
2-bob. Hududiy adliya organlari tomonidan yoʻllanmalar berish
1-§. Umumiy shartlar
7. Maxsus komissiya har yili, qoida tariqasida, tegishli oʻquv yilining 10-mayidan kechikmay tuziladi. Maxsus komissiya tarkibiga adliya organlari va muassasalari xodimlari bilan bir qatorda, hududdagi boshqa tashkilotlar, shu jumladan Oʻzbekiston yoshlar ittifoqi, Oʻzbekiston Xotin-qizlar qoʻmitasi, “Mahalla” jamgʻarmasi vakillari ham ularning rahbarlari bilan kelishilgan holda kiritiladi.
Maxsus komissiya oʻz faoliyatini kollegiallik, oshkoralik, xolislik va betaraflik prinsiplari asosida amalga oshiradi.
Maxsus komissiyaga komissiyaning boshqa aʼzolari faoliyatini oʻzaro umumiy muvofiqlashtiruvchi rais boshchilik qiladi. Maxsus komissiya faoliyatini tashkiliy taʼminlash uning kotibiga yuklanadi.
8. Yuridik texnikumlar bitiruvchilari har yili 25-maydan kechikmay maxsus komissiyaga yoʻllanma berishni soʻrab ariza bilan murojaat qiladi. Bunda maxsus komissiya faqatgina komissiya tashkil etilgan tegishli oʻquv yili bitiruvchilarining arizalarini koʻrib chiqadi.
(8-band Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
9. Arizaga mazkur Nizomning 15-bandida koʻrsatilgan yoʻllanma olish uchun minimal talablarni tasdiqlovchi hujjatlar, oʻqish joyidan tavsifnoma ilova qilinadi.
10. Maxsus komissiya har yili 1-iyundan 10-iyunga qadar yuridik texnikumlar bitiruvchilarining arizalarini koʻrib chiqadi.
(10-bandning birinchi xatboshisi Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
Arizalar Maxsus komissiya majlislarida koʻrib chiqiladi.
11. Maxsus komissiyaning majlislar oʻtkazish jadvali hududiy adliya organlari boshliqlari buyrugʻi bilan tasdiqlanadi. Majlisga taklif etilgan yuridik texnikumlar bitiruvchilari roʻyxati buyruqqa ilova qilinadi.
(11-band Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
12. Majlislar oʻtkazish jadvali yuridik texnikum veb-saytida, qoida tariqasida, majlis boshlanishiga kamida bir hafta qolganda eʼlon qilinadi.
(12-band Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
13. Maxsus komissiya majlisi, qoida tariqasida, yuridik texnikum binolarida oʻtkaziladi. Maxsus komissiya majlisi komissiya aʼzolari umumiy sonining kamida 2/3 qismi ishida ishtirok etgan boʻlsa, vakolatli hisoblanadi.
(13-band Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
14. Maxsus komissiya majlisida yuridik texnikum bitiruvchisi yuksak huquqiy ongi va huquqiy madaniyatini, shuningdek maʼnaviy-axloqiy fazilatlarini aniqlash uchun suhbatdan oʻtadi. Shuningdek, komissiya taqdim etilgan hujjatlar boʻyicha qoʻshimcha savollar berishi mumkin.
(14-band Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
15. Yoʻllanma berish masalasi koʻrib chiqilayotganda, maxsus komissiya quyidagi asosiy minimal talablarni hisobga oladi:
a) yuridik texnikum bitiruvchisining umumiy oʻzlashtirish koʻrsatkichi reyting natijalari boʻyicha 71 va undan ortiq foizni tashkil qilishi kerak;
b) bitiruvchining chet tilini bilish darajasini tasdiqlovchi quyidagi milliy yoki xalqaro sertifikatga ega ekanligi:
ingliz tili uchun — milliy sertifikat yoki International English Language Testing System (IELTS 5,5 (bunda writing modulidan 5,5 ball), Test of English as a Foreign Language (TOEFL IBT 72), Cambridge Assessment English FCE va CAE xalqaro imtihon tizimlari boʻyicha tilni bilish darajalari B2 va undan yuqori;
yapon tili uchun — milliy sertifikat yoki Japanese Language Proficiency Test (JLPT № 2) xalqaro imtihon tizimlari boʻyicha tilni bilish darajalari B2 va undan yuqori;
nemis tili uchun — milliy sertifikat yoki Goethe-Zertifikat, Deutsches Sprachdiplom (DSD II) xalqaro imtihon tizimlari boʻyicha tilni bilish darajalari B2 va undan yuqori;
fransuz tili uchun — milliy sertifikat yoki Diplôme dʼEtudes en Langue Française (DELF), Test de Connaissance du Français (TCF4) xalqaro imtihon tizimlari boʻyicha tilni bilish darajalari B2 va undan yuqori;
boshqa tillar uchun — milliy sertifikat yoki xalqaro imtihon tizimlari boʻyicha tilni bilish darajalari B2 va undan yuqori;
v) yuridik texnikum bitiruvchisining yuridik texnikum ijtimoiy hayotidagi faol ishtiroki (maʼnaviy-maʼrifiy va jamoat ishlari, loyihalar va tanlovlarda ishtirok etishi va boshqalar);
g) yuridik texnikum bitiruvchisining yuridik texnikumda oʻrnatilgan ichki tartib qoidalar, odob-axloq qoidalariga rioya etishi va namunali xulq-atvorga egaligi.
Mazkur bandda koʻrsatilgan asosiy minimal talablarga tegishli masalalarni koʻrib chiqishda, bitiruvchining yuridik texnikumdagi butun oʻqish davri hisobga olinadi.
(15-band Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
16. Yuridik texnikum bitiruvchisiga yoʻllanma berish yoki yoʻllanma berishni rad etish haqidagi maxsus komissiya qarori majlisda ishtirok etgan komissiya aʼzolarining oʻz qarorini komissiya majlisi bayonnomasida asoslab, koʻpchilik ovoz bilan qabul qilinadi.
(16-bandning birinchi xatboshisi Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
Maxsus komissiya majlisi bayonnomasi majlisda ishtirok etgan barcha aʼzolar tomonidan imzolanib, rais tomonidan tasdiqlanadi.
2-§. Yoʻllanmalar berish
17. Maxsus komissiyaning qarori asosida hududiy adliya organi boshligʻi tomonidan yoʻllanma berish yoki yoʻllanma berishni rad etish haqidagi yakuniy qaror qabul qilinadi. Bunda yuridik texnikum bitiruvchisiga yoʻllanma berish haqida qabul qilingan qaror xolisligi uchun shaxsiy javobgarlik hududiy adliya organi boshligʻi zimmasiga yuklanadi.
Texnikum ichki tartib-qoidalarini buzganlik uchun intizomiy chora qoʻllanilgan yuridik texnikum bitiruvchisiga yoʻllanma berilmaydi.
(17-band Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
18. Taqdim etiladigan yoʻllanmalarning umumiy soni yuridik texnikum jami bitiruvchilari sonining 30 foizidan oshmasligi kerak.
(18-band Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
19. Yoʻllanma berish hududiy adliya organi boshligʻi buyrugʻi bilan yoʻllanma olgan yuridik texnikum bitiruvchilari roʻyxatini koʻrsatgan holda rasmiylashtiriladi. Yoʻllanma olgan yuridik texnikum bitiruvchisiga buyruqdan koʻchirma beriladi.
(19-band Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
20. Yoʻllanma berish haqidagi buyruqlar bir kun ichida feldyegerlik xizmati orqali Yoʻllanmalar yagona reyestriga tegishli maʼlumotlarni kiritish uchun Adliya vazirligiga yuboriladi.
3-bob. Hujjatlarni qabul qilish
21. Abituriyentlarni qabul qilish oʻrinlari soni haqidagi maʼlumot, TDYU veb-saytiga, qoida tariqasida, hujjatlar qabul qilish boshlanishidan bir oy oldin joylashtiriladi.
22. Abituriyentlarning oʻqishga qabul qilish haqidagi arizalari TDYU qabul komissiyasi tomonidan 15-iyundan 30-iyungacha qabul qilinadi.
23. TDYU bakalavriatiga qabul qilish uchun hujjatlar Internet jahon axborot tarmogʻi orqali taqdim etiladi.
Abituriyentlar real vaqt rejimida TDYU rektori nomiga oʻqishga qabul qilish haqidagi arizani mazkur Nizomning 2-ilovasiga muvofiq elektron shaklda toʻldiradi.
24. Qabul qilish toʻgʻrisidagi elektron arizaga quyidagilar elektron shaklda ilova qilinadi:
abituriyent pasporti;
diplom va ilovasi;
3,5 x 4,5 sm hajmidagi rangli fotosurat.
Arizaga ilova qilinayotgan har bir hujjat haqiqiyligi saqlanishini taʼminlovchi (har bir dyuymga 200 nuqtadan kam boʻlmagan) alohida fayl koʻrinishida boʻlishi kerak. Har bir fayl oʻlchami 10 Mbdan oshmasligi lozim.
Arizani hujjatlar “PDF” (portable document format) formatida skaner qilingan nusxalari koʻrinishida ilova qilingan holda joʻnatishga yoʻl qoʻyiladi.
25. Agar barcha zarur hujjatlar mazkur Nizomning 22, 23 va 24-bandlarida nazarda tutilgan talablarga muvofiq taqdim etilgan va Yoʻllanmalar yagona reyestrida yoʻllanma mavjud boʻlgan taqdirda, 72 soat ichida noyob raqam berish orqali ariza roʻyxatga olinadi va abituriyentga belgilangan muddatda hujjatlarning asl nusxalarini taqdim etish haqida xabar beriladi.
Hujjatlar komissiya tomonidan qabul qilingan vaqt ariza uchun noyob raqam olingan vaqt hisoblanadi.
26. Agar taqdim etilgan hujjatlar mazkur Nizomning 22, 23 va 24-bandlarida nazarda tutilgan talablarga muvofiq boʻlmagan va Yoʻllanmalar yagona reyestrida yoʻllanma mavjud boʻlmagan taqdirda, 72 soat ichida arizada koʻrsatilgan elektron pochta manzil boʻyicha abituriyentga tegishli xabarnoma yuboriladi. Bunda abituriyentga koʻrsatib oʻtilgan kamchiliklarni tuzatish va hujjatlarni qabul qilishning belgilangan muddati tugagunga qadar ularni takroran taqdim etish imkoniyati beriladi.
Hujjatlar qabul qilishning belgilangan muddatlari tugagandan soʻng hujjatlarga qoʻshimchalar va oʻzgartirishlar kiritish qatʼiyan man qilinadi.
27. Roʻyxatga olingan qabul qilish toʻgʻrisidagi arizalar soni har kuni TDYU saytida joylashtiriladi.
4-bob. Yakka tartibdagi suhbatni oʻtkazish
28. Yakka tartibdagi suhbat 1-iyuldan 10-iyulgacha suhbat komissiyasi tomonidan oʻtkaziladi.
Obyektiv sabablarga koʻra ushbu muddatlarda suhbat oʻtkazish imkoniyati boʻlmasa, TDYU yakka tartibdagi suhbat oʻtkazish muddatini oʻzgartirishi mumkin. Bunda abituriyentlar belgilangan muddatdan kamida bir hafta oldin xabardor qilinadi.
Yakka tartibdagi suhbat komissiya qaroriga asosan onlayn tarzda Internet jahon axborot tarmogʻi orqali oʻtkazilishi mumkin.
(28-band Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qaroriga asosan xatboshilar bilan toʻldirilgan — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
29. Suhbat komissiyasi tarkibiga Adliya vazirligi va TDYU xodimlari bilan bir qatorda, boshqa tashkilotlar vakillari tashkilot rahbarlari bilan kelishilgan holda kiritilishi mumkin.
Suhbat komissiyasi oʻz faoliyatini kollegiallik, oshkoralik, xolislik va betaraflik prinsiplari asosida amalga oshiradi.
Suhbat komissiyasiga komissiyaning boshqa aʼzolari faoliyatini oʻzaro umumiy muvofiqlashtiruvchi rais boshchilik qiladi. Suhbat komissiyasi faoliyatini tashkiliy taʼminlash uning kotibiga yuklanadi.
30. Yakka tartibdagi suhbat oʻtkazilishiga qadar maslahatlar tashkil etiladi, maslahatlar jadvali TDYU qabul komissiyasi raisi tomonidan tasdiqlanadi.
31. Yakka tartibdagi suhbatni oʻtkazish uchun bino va auditoriyalarni tayyorlashni tashkil etish uchun javobgarlik TDYU qabul komissiyasi masʼul kotibining bakalavriatga oʻqishga qabul qilish boʻyicha oʻrinbosari zimmasiga yuklanadi.
32. Yakka tartibdagi suhbat oʻtkazish jadvali TDYU veb-saytida, qoida tariqasida, suhbat boshlanishidan 10 kun oldin joylashtiriladi.
33. Yakka tartibdagi suhbat TDYUdagi taʼlim tillarida oʻtkaziladi. Yakka tartibdagi suhbat tili abituriyentning oʻzi tomonidan aniqlanib, uning oʻqishga qabul qilish haqidagi arizasida koʻrsatiladi. Uning TDYUdagi keyingi oʻquv faoliyati yakka tartibdagi suhbat oʻtkazilgan til boʻyicha amalga oshiriladi.
34. Abituriyentlar yakka tartibdagi suhbatdan oʻtishlari uchun tegishli navbat boʻyicha kiritiladi. Yakka tartibdagi suhbatdan avval abituriyent pasport yoki uning oʻrnini bosuvchi hujjatni taqdim etishi shart.
35. Abituriyentning yakka tartibdagi suhbatga uyali telefon va boshqa aloqa va telekommunikatsiya vositalari, lugʻat, kitob va shpargalkalar olib kirishi va foydalanishi qatʼiyan taqiqlanadi.
36. Yakka tartibdagi suhbatni oʻtkazish davomida suhbat komissiyasi tomonidan abituriyentga mazkur Nizomning 5-bandida koʻrsatilgan mezonlardan kelib chiqqan holda savollar beriladi.
Yakka tartibdagi suhbatni oʻtkazish davomida abituriyentga qoʻshimcha savollar berilishi mumkin. Bitta abituriyent bilan yakka tartibdagi suhbat 20 daqiqagacha davom etadi.
Yakka tartibdagi suhbat natijalari 100 ballik tizimda ballar qoʻyish yoʻli bilan baholanadi. Mazkur Nizomning 5-bandida koʻrsatilgan har bir mezon boʻyicha maksimal ball 25 ballni tashkil etadi.
Oldingi tahrirga qarang.
(37-band Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
38. Yakka tartibdagi suhbat natijalarini aniqlash uchun suhbat komissiyasining har bir aʼzosi boshqa aʼzolardan mustaqil holda mazkur Nizomning 3-ilovasiga muvofiq shakldagi baholash varaqasini toʻldiradi va uni suhbat komissiyasi kotibiga taqdim etadi. Suhbat komissiyasi kotibi abituriyentga suhbat komissiyasi aʼzolari tomonidan qoʻyilgan oʻrtacha ballni hisoblab chiqadi.
Yakka tartibdagi suhbat natijalari reyting tizimi boʻyicha, abituriyentga qoʻyilgan ballar (0 dan 100 gacha oraliqda) asosida aniqlanadi.
Imtihon komissiyasi bayonnomasida abituriyentlar roʻyxati hududlar boʻyicha, Adliya vazirligi tomonidan belgilangan oʻrinlar soniga mos ravishda kamayib borish tartibida, eng yuqori ball olgan abituriyentdan boshlab joylashtiriladi. Bunda bir hudud uchun ajratilgan oʻrinlarni boshqa hududlardagi abituriyentlar hisobidan toʻldirishga yoʻl qoʻyilmaydi.
39. Yakka tartibdagi suhbat jarayoni va natijalari suhbat komissiyasining barcha aʼzolari tomonidan imzolanadigan va rais tomonidan tasdiqlanadigan bayonnomada qayd etiladi.
Yakka tartibdagi suhbat jarayoni va natijalarini qayd etishda video va audioyozuvlardan foydalaniladi.
40. Suhbat natijalari TDYU veb-saytida suhbat oʻtkazilgandan soʻng ertangi ish kunida eʼlon qilinadi.
41. Abituriyentlarni qabul qilish quyidagi hollarda amalga oshirilmaydi:
jadval boʻyicha yakka tartibdagi suhbatga kelmaganda (0 ball qoʻyiladi);
yakka tartibdagi suhbatda belgilangan maksimal ballning 55 foizi va undan kam ball toʻplanganda.
42. TDYU bakalavriatiga abituriyentlarni qabul qilish uchun yakka tartibdagi suhbatni qayta oʻtkazishga yoʻl qoʻyilmaydi.
43. Yakka tartibdagi suhbat natijalari ustidan shikoyat qilinmaydi va apellatsiya tartibida koʻrib chiqilmaydi.
44. Yakka tartibdagi suhbatdan muvaffaqiyatli oʻtgan abituriyentlar qabul komissiyasiga yakka tartibdagi suhbat oʻtkazilgan vaqtdan boshlab uch kun davomida hujjatlarning aslini taqdim etadi.
(44-band Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
Hujjatlarda, shu jumladan elektron shaklda taqdim etilgan hujjatlarda soxtalashtirish va qalbakilashtirish aniqlangan taqdirda abituriyent yakka tartibdagi suhbatdan chetlashtiriladi (TDYU talabalar safidan chetlashtiriladi), hujjatlari esa belgilangan tartibda huquqni muhofaza etuvchi organlarga yuboriladi.
45. Suhbat natijalari 25-iyulga qadar TDYU bakalavriatiga abituriyentlarni qabul qilish haqida qaror qabul qilish uchun Davlat komissiyasiga yuboriladi.
5-bob. Qabul qilishni rasmiylashtirish, oʻqish uchun toʻlov
46. TDYU bakalavriatiga qabul qilish toʻgʻrisidagi Davlat komissiyasi qarori, qoida tariqasida, 25-avgustdan kechiktirmasdan qabul qilinadi.
47. Toʻlov-kontrakt asosida oʻqishga qabul qilish Davlat komissiyasi qaroriga asosan TDYU va yuridik hamda jismoniy shaxslar oʻrtasida kontrakt (shartnoma) tuzish va kontrakt toʻlovi miqdori 15-sentabrdan kechiktirmay, oʻtkazilgandan soʻng TDYU rektori buyrugʻi bilan rasmiylashtiriladi.
Belgilangan namunadagi shartnoma blankalari Davlat komissiyasi qarori qabul qilingan kundan boshlab beriladi hamda TDYU rahbari va bosh buxgalteri imzosi bilan yuridik shaxslar uchun 3 nusxada va jismoniy shaxslar uchun 2 nusxada rasmiylashtiriladi.
Davlat komissiyasi qaroriga koʻra TDYU bakalavriatiga toʻlov-kontrakt asosida oʻqishga tavsiya qilingan abituriyentlar uchun toʻlovlar har yili qonunchilik va shartnoma shartlarida koʻrsatilgan muddatlarda amalga oshiriladi.
Talabalikka tavsiya etilgan abituriyentlarni 2-sentabrdan boshlab darslarga qatnashishga ruxsat etish toʻgʻrisida buyruq rasmiylashtiriladi.
Oldingi tahrirga qarang.
(471-band Oʻzbekiston Respublikasi Vazirlar Mahkamasining 2021-yil 6-apreldagi 189-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 08.04.2021-y., 09/21/189/0303-son)
Oldingi tahrirga qarang.
(472-band Oʻzbekiston Respublikasi Vazirlar Mahkamasining 2021-yil 6-apreldagi 189-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 08.04.2021-y., 09/21/189/0303-son)
48. TDYU bakalavriatiga hududiy adliya organlarining yoʻllanmalariga koʻra oʻqishga qabul qilingan talabalar maxsus uch yillik dastur boʻyicha taʼlim oladilar.
6-bob. Taqsimotga muvofiq uzluksiz ishlab berishni tashkil etish
1-§. Bitiruvchilarni uzluksiz ishlab berish uchun taqsimlash
49. TDYU bakalavriati bitiruvchilarini (keyingi oʻrinlarda bitiruvchi deb ataladi) uzluksiz ishlab berish uchun taqsimlash har yili taqsimot komissiyasi tomonidan davlat va xoʻjalik boshqaruv organlari, huquqni muhofaza qiluvchi organlar, sudlar va boshqa tashkilotlar tomonidan taqdim etilgan arizalarga asosan amalga oshiriladi.
Taqsimlash jarayonida taqsimot komissiyasi bitiruvchining reyting natijalarini, oilaviy holatini va taklif etilgan ish oʻrnida ishlash xohishini hisobga oladi. Eng yuqori reyting natijasiga ega boʻlgan bitiruvchilar oʻz tanlovi boʻyicha mavjud ish oʻrinlariga ishga joylashishda birinchi navbatda talabgor boʻladi.
Taqsimot komissiyasi tomonidan bitiruvchilarni TDYUda oʻqish uchun yoʻllanma berilgan hududdagi tegishli tashkilotlardagi boʻsh ish oʻrinlariga uzluksiz ishlab berish uchun taqsimlash amalga oshiriladi.
50. Taqsimot komissiyasi faoliyatini tashkil etish tartibi Adliya vazirligi tomonidan belgilanadi.
51. Bitiruvchi magistraturaga oʻqishga kirganda uch yil davomida uzluksiz ishlab berish majburiyati mazkur Nizomga muvofiq magistraturani tamomlagandan soʻng boshlanadi.
52. Bitiruvchilarni ishga taqsimlash, qoida tariqasida, bitiruvchi oʻqishni tamomlagandan soʻng, bir oydan kechiktirmay amalga oshiriladi.
53. Taqsimot komissiyasi qarori asosida hududiy adliya organlari mazkur Nizomning 4-ilovasiga muvofiq shaklda, tashkilotni aniq koʻrsatgan holda, bitiruvchiga ishga yoʻllanma rasmiylashtiradi va taqdim etadi. Bir vaqtning oʻzida bitiruvchiga yoʻllanma bilan birga mazkur Nizomning 5-ilovasiga muvofiq ishga kelgani va joylashgani haqidagi hujjat ham beriladi.
54. Ishga yoʻllanma berilganidan keyin hududiy adliya organi, tegishli tashkilot — ish beruvchi, TDYU va bitiruvchi oʻrtasida uzluksiz ishlab berishning aniq shartlarini hamda bitiruvchining majburiyatlarini aniq belgilab beruvchi toʻrt tomonlama shartnoma 4 nusxada tuziladi.
Shartnoma namunasi belgilangan tartibda Adliya vazirligi tomonidan tasdiqlanadi.
55. TDYU taqsimot komissiyasining bitiruvchini ishga taqsimlash haqidagi qarori qabul qilingandan soʻng uch kundan kechiktirmay ishga yuborilayotgan har bir bitiruvchiga oliy maʼlumot toʻgʻrisidagi diplomdan koʻchirma beradi.
2-§. Bitiruvchilarni ishga qabul qilish va ularning mehnat faoliyati
56. Bitiruvchilar ishga taqsimlanganidan keyin bir oydan oshmagan muddatda toʻrt tomonlama shartnomada koʻrsatilgan ish joyida hozir boʻlishlari va mehnat faoliyatini boshlashlari shart.
57. Ish beruvchi toʻrt tomonlama shartnomaga va ishga yoʻllanmaga muvofiq bitiruvchi bilan qonun hujjatlarida belgilangan tartibda mehnat shartnomasi tuzadi.
58. Ish beruvchi bitiruvchi tomonidan taqdim etilgan bitiruvchining ishga kelgani va joylashgani haqidagi hujjatni toʻldiradi va keyinchalik uni TDYUga taqdim etish uchun oʻn kun muddat ichida hududiy adliya organiga yuboradi.
TDYU bitiruvchining ishga kelgani va joylashgani haqidagi hujjat asosida mazkur Nizomning 6-ilovasidagi jurnalga muvofiq har bir bitiruvchi hisobini yuritib borishi shart.
59. Bitiruvchining uch yillik uzluksiz ishlab berish muddati quyidagilarni oʻz ichiga oladi:
yoʻllanma berilgan hududdagi turli tashkilotlarda va lavozimlarda ishlash muddati;
muddatli harbiy xizmat va safarbarlik chaqiruvi rezervidagi harbiy xizmatni oʻtash muddatlari.
Ijtimoiy mehnat taʼtili muddati uch yillik uzluksiz ishlab berish muddatiga kiritilmaydi.
60. Taqsimot boʻyicha uzluksiz ishlab berishga yuborilgan bitiruvchi ishga joylashgandan soʻng, ish beruvchi unga tegishli mehnat sharoitlari yaratadi, zarur hollarda turar joy bilan taʼminlash choralarini koʻradi.
61. Bitiruvchining uch yillik uzluksiz ishlab berish muddati tugagandan soʻng ishni davom ettirish haqidagi masala mehnat qonunchiligiga muvofiq ish beruvchi va xodim oʻrtasida oʻzaro kelishuvga asosan hal etiladi.
62. Bitiruvchi uzluksiz ishlab berish muddati davomida u taqsimot boʻyicha yuborilgan tashkilot tugatilsa, mehnat shartnomasi (kontrakt) ish beruvchining tashabbusi bilan bekor qilinsa, bitiruvchi hududiy adliya organini 3 kun ichida xabardor qilishi shart. Hududiy adliya organining murojaati boʻyicha taqsimot komissiyasi tegishli hududdagi boshqa tashkilotlarda mavjud boʻsh ish oʻrinlariga ular taqdim etgan talabnomalar asosida bitiruvchini taqsimlashni amalga oshiradi.
63. Ushbu Nizomga muvofiq uzluksiz ishlab berish uchun taqsimlangan bitiruvchida uzluksiz ishlab berish joyini oʻzgartirish uchun asosli sabablar vujudga kelgan taqdirda (nikoh tuzish, doimiy yashash uchun respublikaning boshqa hududiga koʻchib ketish va boshqalar) bitiruvchi taqsimot komissiyasiga uzluksiz ishlab berish joyini oʻzgartirish uchun tegishli tasdiqlovchi hujjatlarni taqdim etgan holda murojaat qilishga haqli.
Komissiya oʻn besh kun ichida bitiruvchining murojaatini va taqdim etilgan tasdiqlovchi hujjatlarni koʻrib chiqish natijalari boʻyicha bitiruvchiga majburiy ishlab berish uchun boshqa joyni ushbu Nizom talablariga muvofiq belgilab beradi.
3-§. Bitiruvchilarning uzluksiz ishlab berishdan bosh tortishi
64. Bitiruvchi uzluksiz ishlab berishdan bosh tortgan hollarda, TDYUda oʻqishni bitirgan vaqtda amalda boʻlgan shartnoma summasining yigirma besh barobari miqdorida TDYUga kompensatsiya toʻlaydi.
65. Uzluksiz ishlab berish muddati davomida mehnat shartnomasi (kontrakt) bitiruvchining tashabbusi bilan bekor qilinsa, hududiy adliya organi bu haqda ish beruvchidan bildirishnoma olgandan soʻng 1 kun ichida taqsimot komissiyasiga xabar beradi.
Komissiya 3 kun ichida bitiruvchi tomonidan kompensatsiya miqdorini toʻlashni taʼminlash, shuningdek sud tartibida undirish uchun TDYUga tegishli materiallarni taqdim etadi.
Bunda kompensatsiya miqdori bitiruvchi tomonidan ishlab berilgan vaqtga proporsional hisoblab chiqiladi.
66. Bitiruvchi uzluksiz ishlab berishdan bosh tortishi bilan bogʻliq TDYUga toʻlaydigan kompensatsiya miqdorini toʻliq hajmda universitet rivojlantirish Jamgʻarmasi hisobiga toʻlaydi.
67. Mazkur Nizomga muvofiq bitiruvchi mehnatga layoqatsizligi tufayli uzluksiz ishlab berolmagan holatlarda uning keyingi mehnat faoliyati toʻgʻrisidagi qaror taqsimot komissiyasi tomonidan belgilangan tartibda qabul qilinadi.
Mehnat layoqatini yoʻqotgani sababli (tasdiqlovchi hujjatlar mavjud boʻlganda) uzluksiz ishlab berish imkoniyatiga ega boʻlmagan bitiruvchilar taqsimot komissiyasi qarori asosida kompensatsiya toʻlashdan ozod etiladi.
7-bob. Yakunlovchi qoidalar
68. Hududiy adliya organi tomonidan berilgan yoʻllanma ikki yil davomida amal qiladi.
69. Yoʻllanma olmagan yuridik texnikum bitiruvchilarining hujjatlari maxsus komissiya qarori chiqqandan soʻng bir yil davomida saqlanadi va undan soʻng belgilangan tartibda yoʻq qilinadi yoki shu muddat davomida bitiruvchining yozma arizasiga koʻra unga qaytariladi.
(69-band Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
70. TDYU bakalavriatiga qabul qilingan abituriyentlarning yakka tartibdagi suhbat natijalaridan tegishli koʻchirmalar ularning shaxsiy yigʻmajildiga tikib qoʻyiladi.
TDYU bakalavriatiga qabul qilinmagan abituriyentlarning yakka tartibdagi suhbat natijalari 6 oy davomida saqlanadi va undan soʻng belgilangan tartibda yoʻq qilinadi.
71. TDYU bitiruvchiga diplomning asl nusxasini u uzluksiz ishlab berish muddatini tamomlaganidan soʻng bir hafta muddatda mehnat daftarchasidagi yozuv va bitiruvchi uzluksiz ishlab bergan tashkilotning yozma tasdigʻi asosida beradi.
72. TDYU mazkur Nizomga muvofiq uzluksiz ishlab berishdan bosh tortgan bitiruvchilarga oliy maʼlumot toʻgʻrisidagi diplomning asl nusxasini ular kompensatsiyani toʻliq miqdorda toʻlagandan soʻng beradi.
73. Uzluksiz ishlab berish muddati davomida bitiruvchi bilan mehnat shartnomasi (kontrakt) bekor qilinsa, 1 kun ichida ish beruvchi hududiy adliya organiga buyruq nusxasini ilova qilgan holda xabar qiladi.
74. Mazkur Nizom talablari buzilishida aybdor boʻlgan shaxslar qonun hujjatlariga muvofiq javob berishadi.
Oʻzbekiston Respublikasi Adliya vazirligi yuridik texnikumlari bitiruvchilarini Toshkent davlat yuridik universiteti bakalavriatiga oʻqishga qabul qilish toʻgʻrisidagi nizomga
1-ILOVA
1-ILOVA
(1-ilovaning belgisi Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
Oʻzbekiston Respublikasi Adliya vazirligi yuridik texnikumlari bitiruvchilarini Toshkent davlat yuridik universiteti bakalavriatiga oʻqishga qabul qilish
SXEMASI
(1-ilovaning nomi Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
Oʻzbekiston Respublikasi Adliya vazirligi yuridik texnikumlari bitiruvchilarini Toshkent davlat yuridik universiteti bakalavriatiga oʻqishga qabul qilish toʻgʻrisidagi nizomga
2-ILOVA
2-ILOVA
| | | | | |
Toshkent davlat yuridik universiteti rektori | |||
| | | | | |
__________________________________ga | |||
| | | | | | |
(F.I.O.) |
| |
| | | | | |
______________________________________ | |||
| | | | | |
(abituriyentning F.I.O. (toʻliq yoziladi)) | |||
|
Toshkent davlat yuridik universiteti bakalavriatiga | ||||||||
| Menga “yurisprudensiya” taʼlim yoʻnalishiga oʻqishga kirish uchun ___________________________________________ | ||||||||
| oʻquv tilida oʻtkaziladigan yakka tartibdagi suhbatda qatnashishga ruxsat berishingizni soʻrayman. (oʻzbek, rus) | ||||||||
|
________________________________________________________________________________________________ | ||||||||
| _____________________________________________________________________ ni _________ yilda tugatganman. | ||||||||
| Maʼlumotim haqidagi hujjat (diplom): seriya _____________ № ___________________________________________ | ||||||||
| Yakka tartibdagi suhbatni_________________________________________________________________ tilda oʻtaman. | ||||||||
| | |
(oʻzbek, rus) |
| |||||
| Tugʻilgan vaqtim va joyim: _________yil ________ ___________, _________________________________________ | ||||||||
| | |
(yil) |
(kun) |
(oy) |
(tugʻilgan joyi) | |||
|
Doimiy turar joyim: ______________________________________________________________________________ | ||||||||
| ________________________________________________________________________________________________ | ||||||||
| Pasport maʼlumotlarim: ___________ ___________, ____________________________________________________ | ||||||||
| | |
(seriya) |
(raqam) |
(kim tomonidan va qachon berilgan) | ||||
| ________________________________________________________________________________________________ | ||||||||
| Yakka tartibdagi suhbat oʻtkazish qoidalari bilan tanishdim. | ||||||||
|
__________________________ |
|
_____________ |
____________________________ | |||||
|
(abituriyentning F.I.O.) |
|
(imzo) |
(ariza topshirilgan sana) | |||||
(2-ilova Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
Oʻzbekiston Respublikasi Adliya vazirligi yuridik texnikumlari bitiruvchilarini Toshkent davlat yuridik universiteti bakalavriatiga oʻqishga qabul qilish toʻgʻrisidagi nizomga
3-ILOVA
3-ILOVA
|
Toshkent davlat yuridik universiteti bakalavriatiga maxsus uch yillik dastur boʻyicha oʻqishga qabul qilish uchun yakka tartibdagi suhbatda abituriyentlar javobini | |||||||||||||||||||
| | | | | | | | | | | | | | | | | Sana ______________ | |||
|
Abituriyentning F.I.O._____________________________________________________________________________ | |||||||||||||||||||
|
T/r |
Suhbat mezonlari |
Ballar | |||||||||||||||||
|
1. |
Mamlakatda amalga oshirilayotgan keng qamrovli islohotlarning mohiyati va ahamiyatini tushunish | | |||||||||||||||||
|
2. |
Ixtisoslikni tanlashda motivatsiya | | |||||||||||||||||
|
3. |
Shaxsiy-kasbiy xususiyatlar | | |||||||||||||||||
|
4. |
yurisprudensiya sohasidagi bilim va kasbiy koʻnikmalarning mavjudligi | | |||||||||||||||||
|
| |||||||||||||||||||
| Suhbat komissiyasi aʼzosi: | |||||||||||||||||||
| _____________________________________________________________ | | |
______________________ | ||||||||||||||||
| | | | |
(F.I.O.) |
| | | | | | | | |
(imzo) |
| ||||
(3-ilova Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
Oʻzbekiston Respublikasi Adliya vazirligi yuridik texnikumlari bitiruvchilarini Toshkent davlat yuridik universiteti bakalavriatiga oʻqishga qabul qilish toʻgʻrisidagi nizomga
4-ILOVA
4-ILOVA
(4-ilovaning belgisi Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
|
____-son IShGA YOʻLLANMA | |||||||||||||||||||
| “___”____________ 20__ y. |
| | | | | | | | | | |
Toshkent sh. | |||||||
|
Toshkent davlat yuridik universitetini tamomlagan _____________________________________________________ga | |||||||||||||||||||
| uch yil davomida uzluksiz ishlab berish uchun yoʻllanma berildi. (bitiruvchining F.I.O) | | ||||||||||||||||||
| Taqsimot komissiyasi qaroriga koʻra ___________________________________________________________________ | |||||||||||||||||||
|
|
(bitiruvchi F.I.O) | ||||||||||||||||||
|
__________________________________________________________________ ga uzluksiz ishlab berishga yuborildi. | |||||||||||||||||||
|
(bitiruvchi yuborilgan tashkilot nomi) |
| ||||||||||||||||||
| _____________________________________________________ |
____________ |
|
_______________________ | ||||||||||||||||
| | | | |
(lavozim nomi) |
| | | |
(imzo, muhr) |
|
(hududiy adliya organi boshligʻining F.I.O.) | ||||||||
Oʻzbekiston Respublikasi Adliya vazirligi yuridik texnikumlari bitiruvchilarini Toshkent davlat yuridik universiteti bakalavriatiga oʻqishga qabul qilish toʻgʻrisidagi nizomga
5-ILOVA
5-ILOVA
(5-ilovaning belgisi Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
|
Bitiruvchining ishga kelgani va joylashgani | |||||||||||||||||||
| “___”____________ 20__ y. |
| | | | | | | | | | |
t./sh. __________ | |||||||
|
________________________________________________________________________________________________ | |||||||||||||||||||
|
(tashkilot-ish beruvchi nomi) |
| ||||||||||||||||||
| Toshkent davlat yuridik universitetini tamomlagan va _____-son ishga yoʻllanma olgan _________________________ ________________________________________________________________________________________________ | |||||||||||||||||||
|
|
(bitiruvchi F.I.O) | ||||||||||||||||||
|
______________________“___” ___________ 20 __ y. ishga yetib kelganini xabar qilamiz. | |||||||||||||||||||
| | ( kelish sanasi) | | |||||||||||||||||
|
“__”____________20___ y. ____-son mehnat shartnomasi va “__” ______________ 20____ y.___-son buyruqqa asosan | |||||||||||||||||||
|
(lavozim nomi) | |||||||||||||||||||
| _____________________________________________________ |
____________ |
|
______________________ | ||||||||||||||||
| | | | |
(lavozim nomi) |
| | | |
(imzo, muhr) |
|
(tashkilot rahbari-ish beruvchining F.I.O.) | ||||||||
Oʻzbekiston Respublikasi Adliya vazirligi yuridik texnikumlari bitiruvchilarini Toshkent davlat yuridik universiteti bakalavriatiga oʻqishga qabul qilish toʻgʻrisidagi nizomga
6-ILOVA
6-ILOVA
(6-ilovaning belgisi Oʻzbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/677/1443-son)
TDYU bitiruvchisiga berilgan yoʻllanmalar va ularning ishga joylashganini hisobga olish
JURNALI
|
T/r |
Familiyasi, ismi, otasining ismi |
Jinsi |
Tugʻilgan yili |
Oilaviy holati |
Doimiy yashash joyi |
Yoʻnalish nomi |
Taqsimot boʻyicha tashkilot nomi |
Bitiruvchi imzosi |
Ishga kelgani va joylashgani haqidagi hujjatni olgani haqida qayd |
Bakalavriatni tamomlagandan soʻng magistraturada oʻqishni davom ettirishi |
Uch yil uzluksiz ishlab berilgani haqidagi maʼlumot |
Qoʻshimcha maʼlumotlar |
|
|
||||||||||||
|
|
(Qonun hujjatlari maʼlumotlari milliy bazasi, 25.07.2018-y., 09/18/573/1576-son; 31.10.2020-y., 09/20/677/1443-son; 08.04.2021-y., 09/21/189/0303-son)
