1.03.00.00.00 Fuqarolik qonunchiligi / 03.08.00.00 Mulk huquqi va boshqa ashyoviy huquqlar / 03.08.05.00 Davlat tasarrufidan chiqarish va xususiylashtirish (shuningdek, 08.01.06.00ga qarang) / 03.08.05.03 Davlat mulki obyektlarini sotish]
[TSZ:
1.Fuqarolik qonunchiligi. Tadbirkorlik / Davlat tasarrufidan chiqarish va xususiylashtirish]
Oʻzbekiston Respublikasi Vazirlar Mahkamasining
qarori
Davlat mulki obyektlarini sotish va davlat mulkini ijaraga berish boʻyicha elektron savdolar oʻtkazish tartibi toʻgʻrisidagi nizomni tasdiqlash haqida
Oʻzbekiston Respublikasi Vazirlar Mahkamasining “Davlat aktivlarini sotishda va ijaraga berishda elektron savdolarni tashkil etish chora-tadbirlari toʻgʻrisida” 2018-yil 22-martdagi 209-son qaroriga muvofiq, davlat mulki obyektlarini xususiylashtirish tartibini takomillashtirish, ularni sotish mexanizmlari va tartibotlari samaradorligini oshirish, shuningdek, davlat mulki obyektlariga doir bitimlarni sodir etishda ommaviylik va shaffofligini taʼminlash maqsadida Vazirlar Mahkamasi qaror qiladi:
1. Davlat mulki obyektlarini sotish va davlat mulkini ijaraga berish boʻyicha elektron savdolar oʻtkazish tartibi toʻgʻrisidagi nizom ilovaga muvofiq tasdiqlansin.
2. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmuradov, va Xususiylashtirilgan korxonalarga koʻmaklashish va raqobatni rivojlantirish davlat qoʻmitasi raisi R.A. Gulyamov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 16-iyun,
454-son
Vazirlar Mahkamasining 2018-yil 16-iyundagi 454-son qaroriga ILOVA
Davlat mulki obyektlarini sotish va davlat mulkini ijaraga berish boʻyicha elektron savdolar oʻtkazish tartibi toʻgʻrisida
NIZOM
1-bob. Umumiy qoidalar
1. Ushbu Nizom elektron shaklda oʻtkaziladigan auksionlar va tanlovlar vositasida masʼuliyati cheklangan jamiyatlarning ustav fondlaridagi (ustav kapitallaridagi) davlat ulushlarini, davlat koʻchmas mulk obyektlarini sotish tartibini hamda davlat mulkini nodavlat yuridik va jismoniy shaxslarga ijaraga berish tartibini belgilaydi.
2. Ushbu Nizomning amal qilishi quyidagi holatlarda yuzaga keladigan munosabatlarga:
a) davlat mulki obyektlarini:
sudning qarori asosida sotishda;
erkin iqtisodiy zonalar, texnoparklar va kichik sanoat zonalari hududlarida joylashgan davlat mulki obyektlarini sotishda;
davlat mulkini chet el investorlariga sotishda Tender savdolarini oʻtkazish boʻyicha davlat komissiyasining (keyingi oʻrinlarda Davlat tender komissiyasi deb ataladi) qarori asosida, agar uning qarorida boshqacha holat nazarda tutilgan boʻlmasa;
Oʻzbekiston Respublikasi Prezidenti yoki Vazirlar Mahkamasining qarorlari asosida sotishda, agar ushbu qarorlarda boshqacha holat nazarda tutilgan boʻlmasa;
b) quyidagilarni:
davlat mulki obyektlarini nol stavka boʻyicha ijaraga berishda;
erkin iqtisodiy zonalar, texnoparklar va kichik sanoat zonalari hududida joylashgan davlat mol-mulkini ijaraga berishda;
v) Oʻzbekiston Respublikasi Prezidentning “Davlat aktivlarini boshqarish tizimini takomillashtirish chora-tadbirlari toʻgʻrisida” 2018-yil 12-maydagi PQ-3720-son qaroriga muvofiq 2018 — 2020-yillarda davlat korxonalarini va ustav fondida davlat ulushi ustuvor boʻlgan boshqa yuridik shaxslarni transformatsiya qilish dasturida ishtirok etuvchi davlat kompaniyalarining mulki yuzasidan, agar Oʻzbekiston Respublikasi Prezidenti huzuridagi Loyiha boshqaruvi milliy agentligining qarorida boshqacha holat belgilangan boʻlmasa, tatbiq etilmaydi.
3. Ushbu Nizomning maqsadlari uchun quyidagi asosiy tushunchalardan foydalaniladi:
ijarachi — davlat mulkining ijara shartnomasini ushbu Nizomda belgilangan shartlar asosida va tartibda tuzgan nodavlat yuridik yoki jismoniy shaxs;
ijaraga beruvchi — Qoraqalpogʻiston Respublikasi Raqobat qoʻmitasi, Oʻzbekiston Respublikasi Davlat raqobat qoʻmitasining viloyat va Toshkent shahar hududiy boshqarmalari huzuridagi Davlat mulkini ijaraga berish markazi;
auksion raqami — savdoda ishtirok etish uchun elektron buyurtmanoma mavjud boʻlganda auksionda ishtirok etish uchun ishtirokchiga beriladigan raqam;
balansda saqlovchi — sotiladigan (ijaraga beriladigan) davlat mulki obyekti unga biriktirilgan yuridik shaxs;
sotib olish toʻlovi — xaridor tomonidan sotib olinadigan davlat mulki obyekti uchun Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi huzuridagi Xususiylashtirilgan korxonalarga koʻmaklashish fondiga biryoʻla yoki boʻlib-boʻlib toʻlanadigan milliy valyutadagi pul mablagʻlari;
kafolatlangan zakalat (keyingi oʻrinlarda zakalat deb ataladi) — elektron savdolarda ishtirok etish uchun talabgorlar tomonidan kiritiladigan pul miqdori, quyidagi miqdorlarda belgilanadi:
davlat mulki obyektlarini sotishda — boshlangʻich qoʻyilgan narxining 5 foizi miqdorida;
ijaraga berilganda — ijaraga beriladigan obyekt ijara toʻlovi yillik tayanch stavkasining 5 foizi miqdorida;
“nol” xarid qiymati boʻyicha sotishda — investitsiya majburiyatlari belgilangan minimal qiymatning 5 foizi miqdorida;
davlat mulki — davlat korxonalari va budjet tashkilotlariga biriktirilgan mol-mulk, shuningdek, ommaviy mulkni tasarruf etuvchi yoxud vakolatli davlat organi tomonidan yuridik shaxslarga tasarruf etish huquqisiz (davlat mulki obyektlarini investitsiya majburiyatlari va boshqa majburiyatlar bilan sotish hollari bundan mustasno) berilgan yuridik shaxslarning mol-mulki (shu jumladan texnoparklar hududidagi davlat mulki);
savdolarni oʻtkazish sanasi — auksionni oʻtkazish yoki tanlov yakunlarini chiqarish sanasi va vaqti;
investitsiya majburiyatlari — pul bilan baholanadigan va qonun hujjatlariga zid boʻlmagan shakllarda amalga oshiriladigan davlat mulki obyektini sotishda davlat mulki obyektiga investitsiyalarni amalga oshirish boʻyicha xaridor tomonidan qabul qilinadigan majburiyatlar;
axborot tizimi — axborotni toʻplash, saqlash, izlash, unga ishlov berish va undan foydalanishni amalga oshirish imkonini beruvchi axborot resurslari, axborot texnologiyalari va aloqa vositalarining tashkiliy tartibga solingan majmui;
tanlov hujjatlari — davlat mulki obyektining texnik tartiboti, tijorat, tashkiliy va boshqa xususiyatlari haqida hamda tanlovning shartlari va tartiboti haqida boshlangʻich maʼlumotni oʻz ichiga olgan, veb-portalda sotuvchi tomonidan eʼlon qilinadigan tanlovni oʻtkazish qoidalari, tanlov taklifining shakllaridan iborat boʻlgan hujjatlar toʻplami;
tanlov taklifi — tanlov hujjatlarida belgilanadigan shartlarda shartnomani tuzish taklifi;
boshlangʻich narx — davlat mulki obyektini savdolarga qoʻyishda sotuvchi tomonidan qoʻyilgan narx;
ulushning nominal qiymati –davlat ulushini baholash sanasida balansda aks ettirilgan davlat ulushining qiymati;
davlat mulki obyektlari — davlatga mulk huquqi asosida tegishli boʻlgan koʻchmas mulk, mulkiy huquqlar va davlat ulushlari;
elektron savdo maydonchasining operatori (keyingi oʻrinlarda operator deb ataladi) — “E-IJRO AUKSIO№” yagona elektron savdo maydonchasida elektron onlayn-auksionlarni (tanlovlarni) tashkil etish va oʻtkazishni amalga oshirish vakolati berilgan “Elektron onlayn-auksionlarni tashkil etish markazi” davlat unitar korxonasi;
qoldiq qiymat — obyektni baholash sanasida balansda aks ettirilgan uning qiymati;
gʻolib — davlat mulki obyekti uchun eng yuqori narxni taklif etgan yoki uning tanlov taklifi tanlovning shartlariga eng yuqori darajada mos boʻlgan savdolar ishtirokchisi;
xaridor — sotuvchi bilan davlat mulki obyektining oldi-sotdi shartnomasini (keyingi oʻrinlarda oldi-sotdi shartnomasi deb ataladi) tuzgan savdolar gʻolibi;
talabgor — savdolarda ishtirok etish niyatini bildirgan va operatorning ixtisoslashtirilgan veb-portalida ushbu Nizom bilan belgilangan tartibda roʻyxatdan oʻtkazilgan nodavlat yuridik yoki jismoniy shaxs (Oʻzbekiston Respublikasining rezidenti yoki norezidenti);
sotuvchi — Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi (keyingi oʻrinlarda Davlat raqobat qoʻmitasi deb ataladi) yoki uning hududiy organi;
ijtimoiy majburiyatlar — davlat mulki obyektini sotishda xaridor tomonidan qabul qilinadigan, pul bahosiga ega boʻlmagan va qonun hujjatlariga zid boʻlmagan shakllarda amalga oshiriladigan majburiyatlar;
ixtisoslashtirilgan veb-portal (keyingi oʻrinlarda veb-portal deb ataladi) — Internet butunjahon axborot tarmogʻida joylashgan, sotuvchining (ijaraga beruvchining) va sotiladigan (ijaraga beriladigan) davlat mulki obyektlarining elektron axborot bazasiga (keyingi oʻrinlarda axborot bazasi deb ataladi) yagona kirish nuqtasini taqdim etadigan resurs;
elektron savdo maydonchasining texnik uzilishi — elektron onlayn-auksion tartibotida ishtirokchilardan birining ishtirok etishi imkoniyatini istisno etuvchi yoki operator xodimiga elektron onlayn-auksion oʻtkazilishiga xizmat koʻrsatishning texnik imkoniyatini taʼminlamaydigan elektron savdo maydonchasidagi texnik nosozliklar;
davlat mulki obyektlari savdolari (keyingi oʻrinlarda savdolar deb ataladi) — sotuvchi (ijaraga beruvchi) tomonidan davlat mulki obyektlarini sotish va davlat mulkini ijaraga berish boʻyicha auksion yoki tanlov shakllarida tashkil etiladigan savdolar;
savdo maydonchasi — auksion (tanlov) oʻtkazilishi uchun zarur boʻlgan axborotni kiritish, saqlash va unga ishlov berish imkoniyatini taʼminlaydigan ixtisoslashtirilgan veb-portalning boʻlimi;
tanlov shartlari — tanlovni oʻtkazish tartibi, davlat mulki obyektlarining soni va oʻlchamlari, ular boʻyicha majburiyatlar, ishtirokchilarga qoʻyiladigan investitsion va ijtimoiy majburiyatlar hamda talablar yuzasidan sotuvchi tomonidan belgilanadigan shartlar;
ishtirokchi — tanlovda yoki auksionda ishtirok etishga qoʻyilgan talabgor;
elektron savdo maydonchasi (keyingi oʻrinlarda savdo maydonchasi deb ataladi) — davlat mulki obyektlarini sotish va ijaraga berish boʻyicha auksionlar va tanlovlarni tashkil etish va oʻtkazish uchun zarur boʻlgan axborotni kiritish, saqlash va unga ishlov berish imkoniyatini hamda manfaatdor shaxslarning elektron onlayn-auksionlar (tanlovlar) jarayonlariga bevosita kirish imkoniyatini taʼminlaydigan axborot tizimi;
elektron auksion (keyingi oʻrinlarda auksion deb ataladi) — xaridorni (ijarachini) musobaqa asosida aniqlash boʻyicha veb-portalda oʻtkaziladigan savdolar shakli, bunda davlat mulki obyektining oldi-sotdi (ijara) shartnomasini tuzish huquqiga ommaviy tarzda eng katta narxni taklif etgan ishtirokchi ega boʻladi;
elektron hujjat — elektron shaklda qayd etilgan, elektron raqamli imzo (keyingi oʻrinlarda ERI deb ataladi) bilan tasdiqlangan axborot. Elektron hujjat bitimni amalga oshirishning isboti sifatida qoʻllanishi mumkin;
elektron tanlov (keyingi oʻrinlarda tanlov deb ataladi) — ixtisoslashtirilgan veb-portalda ishtirokchilar tomonidan tanlov hujjatlarining mezonlari va shartlariga muvofiq taqdim etilgan eng yaxshi takliflarni tanlash yoʻli bilan xaridorni aniqlash boʻyicha savdolarning shakli.
4. Balansda saqlovchi savdolarda sotiladigan (ijaraga beriladigan) davlat mulki obyektidan foydalanish imkonini va uning xaridorga (ijarachiga) oʻtishi paytigacha saqlanishini taʼminlaydi va u haqdagi maʼlumotning haqqoniyligi uchun javob beradi.
5. Davlat mulki obyektlarini sotish, sotishga tayyorlash va savdolarga qoʻyish va ularni sotish shartlarini belgilash tartibi hamda oldi-sotdi shartnomalarini tuzish, bajarilishini nazorat qilish va bekor qilish hamda savdolarda sotilmagan davlat mulki obyektlarini tasarruf etish tartibi, ushbu Nizomga zid kelmaydigan qismi yuzasidan, Oʻzbekiston Respublikasi Vazirlar Mahkamasining “Davlat mulki obyektlarini xususiylashtirish tartibi toʻgʻrisidagi nizomlarni tasdiqlash toʻgʻrisida” 2014-yil 6-oktabrdagi 279-son qarori bilan belgilanadi.
6. Davlat mulkini ijaraga berish tashabbusi bilan chiqish, ijaraga berishga tayyorlash, binolar va inshootlar boʻyicha ijara haqini (ijara haqining tayanch stavkasini) hisoblash tartibi hamda ijara shartnomasini tuzish, shu jumladan, shartnoma tuzishning ustuvor huquqini sotish tartibi, ijara shartnomalarini tuzish, bajarilishini nazorat qilish va bekor qilish tartibi, ushbu Nizomga zid kelmaydigan qismi yuzasidan, Oʻzbekiston Respublikasi Vazirlar Mahkamasining “Davlat mulkini ijaraga berish tartibini takomillashtirish chora-tadbirlari toʻgʻrisida” 2009-yil 8-apreldagi 102-son qarori bilan belgilanadi.
7. Davlat mulki obyektlarini sotish va davlat mulkini ijaraga berish ushbu Nizomga 1-ilovaga muvofiq sxema boʻyicha amalga oshiriladi.
8. Operator savdolarni oʻtkazish qoidalari va reglamentini belgilaydi va uning barcha manfaatdor shaxslarning tanishib chiqishi uchun, shu jumladan, veb-portalda tanishish uchun doimiy ochiqligini taʼminlashi shart.
Elektron onlayn-auksionni tashkil etish yuzasidan xizmatlari uchun operator miqdori shartnomada belgilanadigan, biroq mulkni sotish miqdori yoki yillik ijara haqi miqdorining bir foizidan oshmaydigan miqdorda haq oladi.
Obyektlarni “nol” xarid qiymati boʻyicha sotishda operator oʻz xizmatlarini bepul amalga oshiradi.
9. Boshlangʻich narx sotib olish qiymati boʻyicha — davlat mulki obyekti (ulushi) qiymatini baholash toʻgʻrisida baholash tashkilotining hisobotida va baholash toʻgʻrisidagi hisobotning ishonchliligini ekspertizadan oʻtkazish natijalari haqidagi ekspert xulosasida belgilangan miqdorda sotilgan taqdirda belgilanadi.
Obyektlarni “nol” xarid qiymati boʻyicha sotishda investitsion majburiyatlarining eng kam qiymatining miqdori Davlat tender komissiyasi yoki hududiy tanlov komissiyasining qarori bilan belgilanadi.
2-bob. Savdolarni tashkil etish
10. Savdolarni oʻtkazish uchun sotuvchi (ijaraga beruvchi):
operator bilan veb-portalda savdolarni oʻtkazish boʻyicha elektron xizmatlar koʻrsatilishi boʻyicha shartnoma tuzadi;
auksion (tanlov) sanasini belgilaydi;
ochiq auksion (tanlov) oʻtkazilishidan kamida oʻttiz kun oldin, obyektlarni ijaraga berish holatlarida esa — auksion oʻtkazilishidan kamida 15 kun oldin “Birja” gazetasida va Qoraqalpogʻiston Respublikasi Vazirlar Kengashi, viloyatlar va Toshkent shahrining davriy matbuot nashrlarida hamda oʻzining rasmiy veb-saytida ochiq auksion (tanlov) toʻgʻrisidagi bildirishnomani eʼlon qiladi;
sotiladigan (ijaraga beriladigan) davlat mulki obyektlari toʻgʻrisidagi axborotni qonun hujjatlarida belgilangan tartibda oshkor qiladi;
operatorga taqdim etiladigan elektron hujjatlarning namunalari taqdim etilishini taʼminlaydi va ularni veb-portalda joylashtirish uchun ularni rasmiylashtirish tartibini tushuntiradi;
qonun hujjatlariga muvofiq boshqa funksiyalarni bajaradi.
11. Operator sotuvchi yoki ijaraga beruvchi bilan tuzilgan veb-portalda savdolarni oʻtkazish boʻyicha elektron xizmatlarni koʻrsatish toʻgʻrisida shartnomaga muvofiq quyidagilarni amalga oshiradi:
ushbu Nizomga muvofiq talabgorlar ichidan auksion (tanlov) ishtirokchilarining roʻyxatini shakllantirish;
kafolatlangan zakalatlarni qabul qilish va savdolarning ishtirokchilariga qaytarish va sotuvchiga (ijaraga beruvchiga) savdolarda gʻolib boʻlgan ishtirokchining kafolatlangan zakalatini oʻtkazish (savdolar operatorining xizmat haqi chegirilgan holda);
elektron hujjatlarni va elektron xabarlarni, shu jumladan, elektron savdolar ishtirokchilarining xabarlarini saqlash;
elektron savdolar ishtirokchilarining kirishi imkoniyatlarini va toʻlovlari oʻtkazilishini taʼminlash;
veb-portalning barcha tashrif buyuruvchilariga savdolarning borishini kuzatish uchun ochiq kirish imkonini taʼminlash;
veb-portalda auksion (tanlov) toʻgʻrisida bildirishnoma eʼlon qilingan paytdan boshlab nodavlat yuridik va jismoniy shaxslarga ularning soʻrovlari boʻyicha sotiladigan (ijaraga beriladigan) davlat mulki obyekti toʻgʻrisida qoʻshimcha maʼlumotni berish;
veb-portalda auksion (tanlov) yakunlari toʻgʻrisidagi axborotni auksion (tanlov) oʻtkazilgan kundan boshlab besh ish kuni ichida eʼlon qilish;
“E-IJRO AUKSION” veb-portalida elektron savdolar toʻgʻrisidagi bildirishnomani — obyektlarni sotish holatlarida — auksion (tanlov) oʻtkazilishidan kamida 30 kun oldin, obyektlarni ijaraga berish holatlarida esa — auksion oʻtkazilishidan kamida 15 kun oldin eʼlon qilish;
elektron savdolarni oʻtkazishda elektron hujjatlarning va elektron xabarlarning aylanishi bilan bogʻliq boʻlgan boshqa funksiyalar.
12. Operator sotuvchi (ijaraga beruvchi) va xaridor (ijarachi) oʻrtasida savdolarning bayonnomasi asosida tuziladigan shartnomaning tomoni hisoblanmaydi.
13. Operator:
elektron hujjatlarga, elektron xabarlarga va shaxsiy maʼlumotlarga ruxsat etilmagan kirishdan himoyalanish choralarini koʻrishga;
elektron hujjatlarni va elektron xabarlarni uchinchi shaxslarga bermaslikka, operatorning muassisi va qonun yoki savdolarni oʻtkazish boʻyicha elektron xizmatlar koʻrsatish toʻgʻrisidagi shartnomada nazarda tutilgan holatlar bundan mustasno;
axborot tizimlarida mavjud boʻlgan axborotning butunligi va maxfiyligini taʼminlashga majburdir.
Operator qonun hujjatlariga va shartnomaga muvofiq boshqa majburiyatlarni amalga oshirishi mumkin.
14. Operator uning tomonidan uzatiladigan elektron savdolar subyektlarining elektron hujjatlari va elektron xabarlari mazmuni bilan bogʻliq boʻlgan huquqiy oqibatlar uchun javob bermaydi.
15. Elektron auksionda (tanlovda) ishtirok etish uchun buyurtmanomalar operatorning veb-portalida avtomatik rejimda bildirishnoma joylashtirilgan kundan boshlab qabul qilinadi va buyurtmanomalarni qabul qilish elektron auksion (tanlov) oʻtkazilishi kunidan ikki ish kuni oldin (soat 13:00 gacha) yakunlanadi.
16. Buyurtmanomalarni qabul qilishning belgilangan muddatidan keyin tushgan buyurtmanomalar qabul qilinmaydi.
17. Buyurtmanoma elektron shaklda beriladi va ERI bilan tasdiqlanadi.
18. Operator savdolarda ishtirok etish yuzasidan elektron buyurtmanomalarning (keyingi oʻrinlarda elektron buyurtmanoma deb ataladi) va ularga ilova qilinadigan elektron hujjatlarning saqlanishini hamda ularning maxfiyligini taʼminlaydi.
19. Auksion (tanlov) davomida elektron savdo maydonchasining texnik uzilishi yuzaga kelgan holda operator ushbu texnik uzilish mavjudligi holatini qayd etadi va veb-portal sahifasida texnik uzilish mavjud boʻlganda barcha auksion (tanlov) ishtirokchilarini veb-portalda axborotni joylashtirish orqali elektron pochta va (yoki) SMS-xabarlar orqali bu haqda xabardor qiladi.
Ishtirokchining kompyuter va (yoki) telekommunikatsion jihozida texnik uzilish boʻlganda auksion davom ettiriladi.
Auksion (tanlov) oʻtkazilishiga toʻsqinlik qiladigan veb-portal texnik uzilishi holati mavjud boʻlgan taqdirda, operator bu haqda sotuvchini (ijaraga beruvchini) xabardor qiladi va auksion (tanlov) texnik uzilish bartaraf etilgan kunning ikkinchi ish kuniga koʻchiriladi, auksionda (tanlovda) ishtirok etgan ishtirokchilarni ushbu auksionni (tanlovni) davom ettirish sanasi va vaqti toʻgʻrisida veb-portalda axborotni joylashtirish orqali elektron pochta va (yoki) SMS-xabarlar orqali majburiy tartibda oldindan xabardor qiladi.
20. Savdolarni oʻtkazishga tayyorgarlik sotuvchining (ijaraga beruvchining) ichki tartibotlariga va ushbu Nizomga muvofiq amalga oshiriladi.
21. Savdolar oʻtkazilishi toʻgʻrisidagi bildirishnomani eʼlon qilishdan oldin sotuvchi (ijaraga beruvchi) har bir sotiladigan (ijaraga beriladigan) davlat mulki obyekti boʻyicha quyidagi axborotni operatorga veb-portaldagi axborot bazasiga kiritish uchun taqdim etadi:
a) sotish (ijara) obyekti yuzasidan maʼlumot, ushbu Nizomga 2 — 4-ilovalarga muvofiq;
b) sotish (ijara) obyektining balansda saqlovchisi haqidagi maʼlumot (pochta va elektron manzil, telefon, faks);
v) ijaraga beriladigan binolar va inshootlar boʻyicha ijara haqini hisoblash (ijara haqining tayanch stavkasi);
g) mavjud yuklatilgan majburiyatlar toʻgʻrisidagi maʼlumot;
d) sotish obyekti boʻyicha belgilangan tartibda tuzilgan quyidagi hujjatlarning skaner qilingan nusxalari:
sotiladigan davlat mulki obyektini baholash hisoboti — sotib olish qiymati evaziga sotishda;
davlat ulushini sotishda:
xatlov komissiyasining aʼzolari va rahbari tomonidan imzolangan jamiyatning mol-mulk xatlovi va moliyaviy majburiyatlari dalolatnomalari;
jamiyat ijroiya organining birinchi rahbari tomonidan imzolangan va jamiyat muhri bilan tasdiqlangan oxirgi yil uchun moliyaviy hisobotlarning nusxalari;
obyektning binolari va inshootlarining fotosuratlari, kamida 4 dona;
davlat koʻchmas mulk obyektini sotishda:
obyektning binolari va inshootlarining fotosuratlari, kamida 4 dona;
xususiylashtirish boʻyicha komissiyaning aʼzolari va rahbari tomonidan imzolangan xatlov dalolatnomalari;
davlat koʻchmas mulk obyektining kadastr hujjatlari, shu jumladan, kadastr xaritasi (rejasi) va boshqa huquqlarni belgilovchi hujjatlarning nusxalari (mavjud boʻlganda);
yer uchastkasiga (yer osti boyliklari va boshqa tabiiy resurslarga — mavjud boʻlganda) boʻlgan huquqlarni tasdiqlovchi hujjatlar;
e) faoliyatning ixtisosligini saqlab qolish zarurligi haqida koʻrsatma;
j) faoliyatning ixtisosligi saqlanishi muddati (agar uning saqlanishi nazarda tutilgan boʻlsa);
z) sotiladigan davlat koʻchmas mulk obyektini tasarruf etish huquqiga taʼsir etadigan mavjud yuklangan majburiyatlar yoki cheklashlar toʻgʻrisida maʼlumot;
i) madaniy meros obyektlarini muhofaza qilish va ulardan foydalanish boʻyicha organning xulosasi (zarur boʻlganda).
Sotuvchining qaroriga binoan veb-portaldagi axborot bazasiga qoʻshimcha maʼlumot kiritilishi mumkin.
22. Operator sotuvchi (ijaraga beruvchi) tomonidan axborot bazasiga maʼlumot kiritilishi paytidan boshlab bir ish kuni mobaynida ularni xatolar yoʻqligi va ushbu Nizom bilan belgilangan talablarga muvofiqlik yuzasidan tekshiradi.
23. Axborot bazasiga kiritilgan maʼlumotlarni tekshirish natijalariga koʻra operator veb-portalda ushbu Nizomga 2 — 4-ilovalarga muvofiq savdolar oʻtkazilishi toʻgʻrisidagi bildirishnomani va sotish (ijara) obyekti haqidagi maʼlumotni eʼlon qiladi yoxud sotuvchiga (ijaraga beruvchiga) — uning tomonidan operator aniqlagan xatolar tuzatilmagan holatida, ularni eʼlon qilishni rad etadi.
24. Savdolar oʻtkazilishi toʻgʻrisidagi bildirishnoma veb-portalda savdolarni oʻtkazishdan kamida oʻttiz kalendar kun oldin joylashtiriladi.
25. Savdolar oʻtkazilishi toʻgʻrisidagi bildirishnoma eʼlon qilinganidan keyin operator barcha istagan shaxslarning veb-portalda joylashtirilgan sotiladigan (ijaraga beriladigan) davlat mulki obyekti haqidagi maʼlumotga erkin kirishi imkoniyatini, balansda saqlovchi esa — barcha istagan shaxslarning sotiladigan (ijaraga beriladigan) davlat mulki obyektiga erkin kirishi imkoniyatini taʼminlaydi.
26. Savdolar ishtirokchilarini roʻyxatdan oʻtkazish veb-portalda bildirishnoma eʼlon qilingan kundan boshlab veb-portalda amalga oshiriladi va savdolar boshlanishidan ikki ish kuni oldin, soat 13:00 da yakunlanadi.
27. Auksionda ishtirok etish uchun talabgor majburiyatlar bajarilishini taʼminlash kafolati sifatida zakalatni savdolar oʻtkazilishi toʻgʻrisidagi bildirishnomada koʻrsatilgan operatorning hisob raqamiga kiritishi shart.
28. Auksion ishtirokchilari tomonidan operatorning hisob raqamiga muayyan davlat mulki obyekti boʻyicha belgilangan zakalat miqdoridan ortiq boʻlgan har qanday zakalat miqdorining kiritilishiga yoʻl qoʻyiladi. Bunda zakalat faqat ushbu obyekt boʻyicha savdolarda ishtirok etish uchun ishtirokchi tomonidan ushbu zakalat kiritilgan obyektni sotib olish (ijaraga olish) huquqini beradi.
29. Savdolarda ishtirok etish uchun talabgorlar quyidagilarni koʻrsatgan holda oldindan veb-portalda roʻyxatdan oʻtishi lozim:
jismoniy shaxslar uchun — soliq toʻlovchining identifikatsiya raqami (keyingi oʻrinlarda STIR deb ataladi) (Oʻzbekiston Respublikasi rezidentlari uchun), familiyasi, ismi va otasining ismi (mavjud boʻlganda) va pasportga oid maʼlumotlar;
yuridik shaxslar uchun — soliq toʻlovchining identifikatsiya raqami (keyingi oʻrinlarda STIR deb ataladi) (Oʻzbekiston Respublikasi rezidentlari uchun), yuridik shaxsning toʻliq nomi, birinchi rahbarning familiyasi, ismi va otasining ismi (mavjud boʻlganda);
zakalatni qaytarish uchun bankdagi bank hisob raqamining rekvizitlari (auksion ishtirokchilari uchun);
aloqa qilish uchun maʼlumotlar (pochta va elektron manzillar, mobil telefon raqami, faks raqami (mavjud boʻlganda).
Yuqoridagi maʼlumotlar oʻzgarganda ishtirokchi bir ish kuni mobaynida veb-portalga kiritilgan maʼlumotlarga oʻzgartirish kiritadi.
Ishtirokchi toʻgʻrisidagi maʼlumotlar veb-portalda aks ettirilmaydi.
30. Auksion (tanlov) ishtirokchisi sifatida roʻyxatdan oʻtish uchun veb-portalda ushbu Nizomga 5-ilovaga muvofiq shaklda savdolarda ishtirok etish uchun buyurtmanomani roʻyxatdan oʻtkazish lozim.
Buyurtmanoma ERI bilan tasdiqlanadi va unga zakalat kiritilganligini tasdiqlovchi toʻlov hujjatining elektron (skaner qilingan) nusxasi ilova qilinadi.
Bunda toʻlov hujjatining toʻlov maqsadi katagida ushbu lot boʻyicha zakalat kiritilgan lotning raqami koʻrsatilishi kerak.
Bir nechta auksion (tanlov) obyektlari boʻyicha zakalatni kiritish alohida toʻlov hujjatlari bilan amalga oshiriladi.
31. Ishtirokchi oʻzining savdolarda ishtirok etish uchun buyurtmanomasini veb-portal orqali savdolarda ishtirok etish uchun buyurtmanomalarni taqdim etishning oxirgi muddati (soati) tugashidan oldin istalgan muddatda qaytarib olishi mumkin. Bu holatda ishtirokchidan oldin tushgan zakalat buyurtmanomani qaytarib olish toʻgʻrisida bildirishnoma tushgan kundan boshlab kechi bilan besh bank kuni mobaynida qaytarilishi lozim.
32. Buyurtmanomalar va ularga ilova qilingan savdolar ishtirokchilarining elektron hujjatlari axborot bazasida saqlanadi va savdolar oʻtkazilishi toʻgʻrisida bildirishnomada koʻrsatilgan sana va vaqtgacha uchinchi shaxslar tomonidan yuklab olish va koʻrib chiqish imkoniyati boʻlmaydi, ushbu buyurtmanomani bergan ishtirokchidan tashqari.
33. Savdolarda ishtirok etish uchun buyurtmanoma tushganidan keyin operator tomonidan axborot bazasida uning yuzasidan buyurtmanoma berilgan sotiladigan (ijaraga beriladigan) davlat mulki obyekti boʻyicha zakalat tushganligi haqidagi maʼlumot mavjudligini avtomatik tekshirish oʻtkaziladi.
34. Axborot bazasida operatorning hisob raqamiga zakalatning toʻliq hajmda tushishi haqidagi maʼlumot boʻlmagan taqdirda veb-portal ishtirokchining buyurtmanomasini rad etadi.
35. Tanlovda ishtirok etish uchun talabgor veb-portalda ushbu Nizomga 6-ilovaga muvofiq shaklni toʻldirish yoʻli bilan tanlov hujjatlariga muvofiq tuzilgan tanlov taklifini (investitsion majburiyatlarning taklif etilgan miqdori, ularni kiritish shakllari, muddati va shartlarini) taqdim etishi shart.
36. Sotiladigan davlat mulki obyektini kamida bir yil ijaraga oluvchi ijarachi buyurtmanomaga Oʻzbekiston Respublikasi Qurilish vazirligining tegishli xizmatlari asosiy fondlarni modernizatsiyalash va kapital taʼmirlash amalga oshirilganligi haqidagi ekspertizasi xulosalarini, bandlik va mehnat munosabatlari organining sotiladigan davlat mulki obyektini ijaraga berish davrida yaratilgan yangi ish joylari haqidagi maʼlumotnomasining elektron (skaner qilingan) nusxalarini ilova qiladi.
37. Veb-portal buyurtmanomalarni avtomatik tekshirish natijalari boʻyicha elektron pochtaga va SMS-xabarlar berish orqali, buyurtmanomaning qabul qilinganligi haqida yoxud buyurtmanomani qabul qilishni rad etish sabablari toʻgʻrisida xabarni yuboradi.
38. Talabgorning ushbu Nizomning 27 va 29-bandlari talablariga rioya qilmaganligi veb-portal tomonidan buyurtmanomani qabul qilishni rad etish uchun asos boʻladi.
39. Ishtirokchilar uchun elektron savdolarda ishtirok etish reglamenti operator tomonidan elektron savdolarni oʻtkazishda foydalaniladigan dasturiy-texnik vositalardan hamda ushbu Nizomdan kelib chiqib belgilanadi va veb-portalda eʼlon qilinadi.
40. Savdolarga qoʻyilgan ishtirokchiga veb-portal tomonidan berilgan buyurtmanoma raqamiga muvofiq elektron auksionga (tanlovga) kirish imkoniyati beriladi.
Ishtirokchilarning har biriga ishtirokchining auksion raqami avtomatik tarzda beriladi.
Bunda savdolarning ishtirokchisiga har bir roʻyxatga olingan buyurtmanoma boʻyicha savdolar boshlanganligi haqidagi xabar elektron pochta va SMS-xabar berish orqali yuboriladi.
41. Savdolarda gʻolib boʻlgan ishtirokchining zakalati operator tomonidan savdolarning gʻolibini aniqlash sanasidan boshlab uch ish kuni mobaynida sotuvchining (ijaraga beruvchining) hisob raqamiga oʻtkaziladi (savdolar operatorining xizmat haqi chegirilgan holda). Bunda gʻolib tomonidan kiritilgan zakalat sotib olish (ijara) toʻlovlari miqdoriga kiritiladi, qolgan savdolar ishtirokchilariga esa kiritilgan zakalat operator tomonidan besh bank kuni mobaynida qaytariladi.
42. Sotuvchi savdolarning shartlariga toʻliq mos boʻlgan buyurtmanomani bergan yagona ishtirokchi bilan oldi-sotdi shartnomasini tuzadi.
Agar buyurtmanoma berish vaqti yakunlangan paytga kelib faqat bir ishtirokchi tomonidan buyurtmanoma berilgan boʻlsa, operator elektron auksion (tanlov) oʻtkazilishi kunida ushbu ishtirokchiga elektron xat orqali auksion (tanlov) obyektini boshlangʻich narxi (ijaraning tayanch stavkasi) boʻyicha sotib olish (ijaraga olish) toʻgʻrisidagi taklifni (ofertani) yuboradi.
Agar ishtirokchi besh ish kuni mobaynida operatorning taklifiga javoban sotib olish (ijaraga olish) toʻgʻrisidagi javobni (akseptni) yuborsa, u auksion gʻolibi eʼtirof etiladi, bu haqda ushbu Nizom bilan belgilangan tartibda auksion (tanlov) natijalari toʻgʻrisida bayonnoma rasmiylashtiriladi.
Auksion (tanlov) ishtirokchisi, agar u taklif yuborilgan paytdan boshlab besh ish kuni mobaynida operatorga auksion (tanlov) obyektini sotib olish istagi yoʻqligi haqida xabar bersa yoki ushbu muddat mobaynida operatorga sotib olish (ijaraga olish) toʻgʻrisida yozma ravishda yoki elektron xat orqali xabar bermasa, auksion (tanlov) obyektini sotib olishni rad etgan deb eʼtirof etiladi.
43. Oldi-sotdi (ijara) shartnomasini tuzishdan bosh tortgan yoki uni rad etgan auksion (tanlov) gʻolibiga uning tomonidan kiritilgan zakalat miqdori qaytarilmaydi. Bunda:
zakalat miqdorining 50 foizi operatorning tasarrufida qoladi;
zakalat miqdorining 50 foizi Davlat raqobat qoʻmitasining budjetdan tashqari fondiga yoʻnaltiriladi.
45. Savdolar oʻtkazilgandan keyin 20 kundan kechikmay elektron savdolarning bayonnomasi asosida sotuvchi, balansda saqlovchi va (auksion, tanlov) savdolarining gʻolibi oʻrtasida davlat mulki obyektining oldi-sotdi (ijara) shartnomasi tuziladi.
Bunda oldi-sotdi (ijara) shartnomalarini roʻyxatdan oʻtkazish sotuvchi (ijaraga beruvchi) tomonidan amalga oshiriladi.
46. Savdolarning gʻolibi oldi-sotdi (ijara) shartnomasini imzolashni rad etgan taqdirda:
auksionda sotilganda — sotuvchi (ijaraga beruvchi) veb-portal tomonidan narx taklifining mezonlaridan kelib chiqib avtomatik tarzda aniqlanadigan, shartnomani imzolashdan bosh tortgan yoki rad etgan birinchi gʻolib tomonidan taklif etilgan narxdan bir qadam pastroq boʻlgan auksion ishtirokchisi bilan oldi-sotdi (ijara) shartnomasini tuzishni taklif etadi;
tanlovda sotilganda — sotuvchi veb-portal tomonidan eng yaxshi taklif mezonlaridan kelib chiqib avtomatik tarzda aniqlanadigan, shartnomani imzolashdan bosh tortgan yoki rad etgan birinchi gʻolibning taklifidan keyingi eng yaxshi taklif boʻlgan tanlov ishtirokchisi bilan oldi-sotdi shartnomasini tuzishni taklif etadi.
Agar bu ishtirokchi ham oldi-sotdi (ijara) shartnomasini imzolashdan rad etsa, auksion yoki tanlov natijalari bekor qilinadi.
47. Auksion (tanlov) gʻolibi oldi-sotdi (ijara) shartnomasini tuzishdan bosh tortishi yoki rad etishi va davlat mulki obyektini sotib olish (ijara) shartnomasining shartlarini bajarmasligi yoki tegishlicha bajarmasligi hamda gʻolibning aniqlangan til biriktirish holati va auksion (tanlov) jarayonini buzadigan boshqa harakatlarda ishtirok etishi holatida bunday gʻolib ushbu davlat mulki obyektini sotish (ijaraga berish) boʻyicha keyingi savdolarda ishtirok eta olmaydi.
48. Savdolarning natijalari toʻgʻrisidagi elektron bayonnoma auksion yoki tanlovning natijalarini hamda gʻolibning va sotuvchining (ijaraga beruvchining) davlat mulki obyekti yuzasidan sotish (ijara) narxi boʻyicha yoki investitsion va ijtimoiy majburiyatlar bajarilishi sharti bilan oldi-sotdi (ijara) shartnomasini imzolash majburiyatlarini qayd etuvchi hujjat hisoblanadi.
Auksion (tanlov) natijalari toʻgʻrisidagi bayonnomada:
oʻtkazilgan elektron auksion (tanlov) sanasi toʻgʻrisidagi;
davlat mulki obyekti elektron auksionga (tanlovga) qoʻyilganligining asoslari toʻgʻrisidagi;
auksion (tanlov) gʻolibi va auksionning (tanlovning) boshqa ishtirokchilari toʻgʻrisidagi;
auksion (tanlov) obyekti toʻgʻrisidagi, jumladan, uni tavsiflovchi maʼlumotlar (koʻchmas mulkning umumiy va foydali maydoni, ijaraga olinadigan binoning yoki uning bir qismining maydoni, yuklatilgan majburiyatlar va mulkiy huquqning muddatlari, davlat ulushining miqdori va boshqa xususiyatlari);
shartnomani tuzish uchun zarur boʻlgan boshqa shartlar toʻgʻrisidagi maʼlumotlar koʻrsatiladi.
49. Obyektning oldi-sotdi shartnomasini rasmiylashtirish yozma shaklda, hozir boʻlish tartibida amalga oshiriladi.
50. Savdolar yakunlari ular boʻyicha bekor qilingan yoxud oldi-sotdi shartnomalari bekor qilingan yoki haqiqiy emas deb topilgan davlat mulki obyektlarining savdolarga qoʻyilishi quyidagi tartibda:
davlat mulki obyektlarini davlat mulki obyektining boshlangʻich narxi boʻyicha sotib olish qiymati evaziga sotishda — agar savdolar yakunlari bekor qilingan sanadan boshlab yoki savdolarga qoʻyish sanasi va shartnomalarni bekor qilish yoki haqiqiy emas deb eʼtirof etish sanasi oʻrtasidagi muddat ikki yildan oshmasa;
bosqichma-bosqich pasaytirish mexanizmi qoʻllanganda davlat mulki obyektlarini davlat mulki obyektining oxirgi savdolarga qoʻyilishi sanasiga kelib uning shakllantirilgan narxi boʻyicha sotib olish qiymati evaziga sotishda — agar savdolar yakunlari bekor qilingan sanadan boshlab yoki ularni savdolarga qoʻyish sanasi va shartnomalarni bekor qilish yoki haqiqiy emas deb eʼtirof etish sanasi oʻrtasidagi muddat bir yildan oshmasa;
ijaraga beriladigan davlat mulki obyektining ijara haqi tayanch stavkasining yillik miqdori boʻyicha ijaraga berishda — agar savdolar natijalari bekor qilingan sanadan boshlab yoki savdolarga qoʻyish sanasi va shartnomalarni bekor qilish yoki haqiqiy emas deb tan olish sanasi oʻrtasidagi muddat joriy yil uchun oxirgi tasdiqlangan eng kam ijara stavkasidan boshlab bir yildan oshmasa;
davlat mulki obyektlarini “nol” xarid qiymati boʻyicha Davlat tender komissiyasi yoki hududiy tanlov komissiyasining qarorida belgilangan investitsion majburiyatlarning eng kam qiymati boʻyicha sotishda — agar savdolar yakunlari bekor qilingan sanadan boshlab yoki savdolarga qoʻyish sanasi va shartnomalarni bekor qilish yoki haqiqiy emas deb tan olish sanasi oʻrtasidagi muddat ikki yildan oshmasa amalga oshiriladi.
51. Agar savdolar yakunlari bekor qilingan sanadan boshlab yoki ularni savdolarga qoʻyish sanasi va shartnomalarni bekor qilish yoki haqiqiy emas deb eʼtirof etish sanasi oʻrtasidagi muddat ikki yildan oshgan boʻlsa, davlat mulki obyekti takroriy baholanishi va belgilangan tartibda savdolarga qoʻyilishi zarur.
52. Auksion toʻgʻrisidagi bildirishnomada quyidagi maʼlumotlar boʻlishi lozim:
sotuvchining (ijaraga beruvchining) nomi va pochta manzili, uning aloqa qilish uchun telefon raqami, telefaks, elektron pochta manzili;
auksionga qoʻyilgan davlat koʻchmas mulk obyektining nomi, xususiyatlari va tavsifi va u joylashgan joy hamda balansda saqlovchining nomi, uning faoliyatining ixtisosligi;
jamiyatning nomi, joylashgan manzili, faoliyatining ixtisosligi va auksionga qoʻyilgan davlat ulushining miqdori;
sotiladigan davlat mulki obyektining boshlangʻich narxi;
auksion oʻtkaziladigan sana, vaqt;
oldi-sotdi shartnomasi tuzilishining yakuniy muddati;
zakalat kiritish miqdori, muddati va tartibi, uni kiritish uchun bank rekvizitlari;
buyurtmanomalarni qabul qilishning oxirgi muddati (kuni va soati koʻrsatilgan holda);
qoʻshimcha maʼlumotlarni olish mumkin boʻlgan manzil va aloqa qilish uchun telefon raqami.
53. Auksion ishtirokchilari auksion boshlanishidan oldin bir soat mobaynida ERIdan foydalanib virtual savdolarning savdo maydonchasiga kirishni amalga oshiradi. Auksion savdolar oʻtkazilishi toʻgʻrisidagi bildirishnomada koʻrsatilgan vaqtda, savdo maydonchasida sotiladigan davlat mulki obyektini boshlangʻich narxi boʻyicha avtomatik tarzda joylashtirish orqali boshlanadi.
54. Auksion musobaqa asosida, narxini oshirish tamoyili boʻyicha, buyurtmanomalar boʻlmaganda esa — sotuvchi bilan kelishilmagan holda qonun hujjatlarida va ushbu Nizomda belgilangan tartibda narxni bosqichma-bosqich pasaytirish mexanizmi avtomatik tarzda qoʻllanilgan holda oʻtkaziladi.
55. Auksionlar ish kuni davomida, soat 09:00 dan soat 18:00 gacha boʻlgan vaqt oraligʻida oʻtkaziladi.
56. Agar lotning narxini oshirish haqidagi taklifni oxirgi tasdiqlash ishtirokchi tomonidan elektron auksion oʻtkazilishi vaqti tugashigacha oʻn daqiqadan kam vaqt qolganda amalga oshirilgan boʻlsa, auksionni oʻtkazish muddati taklifni oxirgi tasdiqlash paytidan boshlab oʻn daqiqa muddatgacha uzaytiriladi. Har bir keyingi taklif elektron auksion oʻtkazilishi muddatini oʻn daqiqaga uzaytiradi. Bunda elektron auksion oʻtkazilishi muddati koʻpi bilan uch soatga uzaytiriladi va auksion soat 21:00 gacha yakunlanishi lozim. Lotning narxi haqidagi taklifni oxirgi boʻlib soat 21:00 gacha tasdiqlagan ishtirokchi auksion gʻolibi deb tan olinadi.
57. Agar:
elektron auksionda ishtirok etish uchun birorta auksion ishtirokchisi qoʻyilmagan boʻlsa, shu jumladan, unda ishtirok etish uchun birorta buyurtmanoma tushmagan boʻlsa;
auksion ishtirokchilaridan birortasi mulkni auksion jarayonida taklif etilgan narx boʻyicha sotib olish istagini bildirmagan boʻlsa;
auksionda ishtirok etishga faqat bitta ishtirokchi qoʻyilgan boʻlsa va u auksion obyektini sotib olishni ushbu Nizomning 42-bandida belgilangan tartibda rad etgan boʻlsa, davlat mulki obyektlari boʻyicha auksion boʻlib oʻtmagan deb eʼtirof etiladi.
58. Auksion bosqichi:
birinchi toʻrt bosqichda — auksion obyekti boshlangʻich qiymatining besh foizini;
beshinchi va keyingi bosqichlarda — auksion obyekti boshlangʻich qiymatining uch foizini tashkil etadi.
Istisno tariqasida boshlangʻich qiymati elektron auksion oʻtkazilishi toʻgʻrisida bildirishnomani joylashtirish paytiga kelib belgilangan eng kam oylik ish haqining ikki ming baravaridan ortiq boʻlgan davlat mulki obyektini sotishda, auksion bosqichi esa auksion obyektining boshlangʻich qiymatidan ikki foizni tashkil etadi.
59. Elektron auksion auksion ishtirokchilaridan lotning boshlangʻich narxidan bir bosqichga oshirilgan lotning narxi toʻgʻrisida taklifni tasdiqlashni soʻrashdan boshlanadi.
60. Agar auksion ishtirokchilaridan biri taklifni soʻrash paytidan boshlab oʻn daqiqa ichida lotning belgilangan bosqich miqdoriga oshirilgan narxni tasdiqlasa, lot narxi toʻgʻrisidagi keyingi taklifni tasdiqlash vaqti oʻn daqiqaga uzaytiriladi.
61. Agar oxirgi tasdiqlangan taklif paytidan boshlab oʻn daqiqa ichida lotning narxini oshirish toʻgʻrisida keyingi taklif birorta ishtirokchi tomonidan tasdiqlanmasa, elektron auksion auksion natijalari toʻgʻrisidagi bayonnomani avtomatik shakllantirish bilan yakunlanadi. Lotning narxi haqidagi taklifni oxirgi boʻlib tasdiqlagan ishtirokchi auksion gʻolibi deb eʼtirof etiladi.
Agar davlat mulki obyekti elektron auksion boʻlib oʻtmagan deb eʼtirof etilishi tufayli sotilmagan boʻlsa, takroriy auksion elektron auksion boʻlib oʻtmagan deb eʼtirof etilishi kunidan boshlab koʻpi bilan oʻn besh ish kunidan keyin, bildirishnomada koʻrsatilgan sanada va vaqtda oʻtkaziladi.
62. Takroriy elektron auksion auksionga qoʻyilgan ikkita va undan ortiq ishtirokchilar mavjud boʻlganda oʻtkaziladi.
63. Sotuvchi yagona ishtirokchidan tushgan, savdolarning shartlariga toʻliq mos boʻlgan buyurtmanomani roʻyxatga olishda yagona ishtirokchi bilan oldi-sotdi shartnomasini tuzadi.
64. Elektron auksion auksion ishtirokchilaridan sotish obyektining boshlangʻich narxidan bir bosqichga oshirilgan lotning narxi toʻgʻrisidagi taklifni tasdiqlashni soʻrashdan boshlanadi.
Agar auksion boshlanishi paytidan boshlab yigirma daqiqa mobaynida savdo maydonchasida:
ishtirokchilardan birortasi sotiladigan davlat mulki obyektini boshlangʻich narxni belgilangan bosqichga oshirish yoʻli bilan sotib olish istagini tasdiqlamagan boʻlsa, auksion boʻlib oʻtmagan deb eʼtirof etiladi va sotuvchi veb-portalda belgilangan tartibda savdolarning shartlariga toʻliq mos boʻlgan buyurtmanomani birinchi boʻlib roʻyxatdan oʻtkazgan ishtirokchi bilan oldi-sotdi shartnomasini tuzadi;
ishtirokchilardan biri sotish obyektining boshlangʻich narxini bir belgilangan bosqichga oshirish yoʻli bilan sotish obyektini sotib olish niyatini tasdiqlasa, boshlangʻich narx belgilangan bosqichga oshiriladi;
joriy narx oshirilganidan keyin birorta ishtirokchi joriy narxni bir belgilangan bosqichga oshirish yoʻli bilan sotish obyektini sotib olish niyatini tasdiqlamasa, sotiladigan davlat mulki obyektini sotib olish istagini oxirgi boʻlib tasdiqlagan ishtirokchi gʻolib deb eʼtirof etiladi va auksion boʻlib oʻtgan deb eʼtirof etiladi.
65. Taklifnomada belgilangan talabgorlar takliflarini qabul qilish yakunlanishi sanasiga kelib talabgorlarning takliflari mavjud boʻlmasa, talabgorlar takliflarini qabul qilish sanasi yana ikki oyga uzaytiriladi.
Bunda auksionlar birinchi auksion oʻtkazilishi sanasidan boshlab oʻn besh ish kunida bir marta davriylik bilan oʻtkaziladi va bildirishnomada koʻrsatilgan sana va vaqtda boshlanadi.
66. Ushbu Nizomning 65-bandida belgilangan uzaytirilgan muddatda takliflar mavjud boʻlmaganda, ushbu muddat tamom boʻlgandan soʻng keyingi kunda davlat mulki obyektlarini qoʻyish narxini bosqichma-bosqich pasaytirish mexanizmi qoʻllanadi va auksionga qoʻyilgan boshlangʻich narxining 50 foiziga yetguncha, har bir 15 kunda auksionga qoʻyilgan boshlangʻich narxdan 10 foizga kamaytiriladi, biroq bunda:
davlat ulushini sotishda — baholash sanasiga kelib nominal qiymatidan past boʻlmasligi lozim;
davlat koʻchmas mulk obyektlarini sotishda — baholash sanasiga kelib qoldiq qiymatidan past boʻlmasligi lozim.
67. Ushbu Nizomning 66-bandida koʻrsatilgan mexanizm qoʻllanganidan keyin davlat koʻchmas mulk obyektlari sotilmagan taqdirda ular Qoraqalpogʻiston Respublikasi Vazirlar Kengashi, viloyatlar va Toshkent shahar hokimligining takliflari asosida Davlat tender komissiyasining qarori boʻyicha “nol” xarid qiymati boʻyicha, investitsion majburiyatlarni qabul qilish va yangi ish joylari yaratish sharti bilan sotilishi yoki qonun hujjatlarida belgilangan tartibda konservatsiya qilinishi yoki boʻshatiladigan yer uchastkalari zaxira yerlar toifasiga kiritilgan holda buzib tashlanishi mumkin.
68. Har bir sotilgan davlat mulki obyekti boʻyicha auksion natijalari veb-portal tomonidan avtomatik tarzda shakllantiriladigan elektron bayonnoma bilan rasmiylashtiriladi.
Operator maxsus blankada auksion natijalari toʻgʻrisidagi bayonnomani rasmiylashtiradi, uni muhr bilan tasdiqlaydi va auksion gʻolibiga topshiradi (yoki auksion gʻolibining roziligi bilan uni pochta orqali yuboradi). Bayonnomaning nusxasi belgilangan tartibda sotuvchiga yuboriladi.
Bayonnoma davlat mulki obyektining oldi-sotdi shartnomasini tuzish yoki takroriy auksion oʻtkazilishi uchun asos hisoblanadi.
69. Ushbu auksionda ishtirok etish uchun buyurtmanomalarni bergan barcha ishtirokchilarga avtomatik tarzda auksion natijalari toʻgʻrisidagi bildirishnoma elektron pochta va (yoki) SMS-xabar berish orqali yuboriladi.
4-bob. Davlat mulki obyektlarini tanlov asosida “nol” xarid qiymati boʻyicha sotish
70. Tanlov toʻgʻrisidagi bildirishnomada quyidagi maʼlumotlar boʻlishi kerak:
sotuvchining nomi va pochta manzili, aloqa qilish uchun uning telefon raqami, telefaks, elektron pochta manzili;
tanlovga qoʻyilgan davlat koʻchmas mulk obyektining nomi, tavsifi va xususiyatlari va uning joylashgan joyi hamda balansda saqlovchining nomi, uning faoliyatining ixtisosligi (davlat koʻchmas mulkini sotishda);
jamiyatning nomi, uning joylashgan joyi, faoliyatining ixtisosligi va tanlovga qoʻyilgan davlat ulushining miqdori (davlat ulushini sotishda);
investitsion (kiritish shakli va shartlari batafsil koʻrsatilgan holda) va ijtimoiy majburiyatlarning eng kam hajmi;
mavjud yuklatilgan majburiyatlar haqidagi maʼlumot;
savdolarni oʻtkazish shartlari, sanasi va vaqti (ishtirokchilarning tanlov takliflarini baholash);
oldi-sotdi shartnomasini tuzishning oxirgi muddati;
buyurtmanomalarni qabul qilishning oxirgi muddati (sanasi va vaqti koʻrsatilgan holda);
qoʻshimcha maʼlumotlarni olish mumkin boʻlgan manzil va aloqa qilish uchun telefon raqami.
71. Tanlov shartlari operator tomonidan veb-portalda 7-ilovaga muvofiq shakl boʻyicha eʼlon qilinadi.
72. Operator tomonidan veb-portalda tanlov oʻtkazilishi toʻgʻrisida bildirishnoma eʼlon qilinganidan keyin tanlov shartlarini oʻzgartirishga faqat uni savdodan yechib va savdolarga takroriy qoʻyilishi holatidagina yoʻl qoʻyiladi.
73. Agar:
tanlov boshlanishi paytiga kelib hech kim buyurtmanoma bermagan boʻlsa;
yagona ishtirokchi mavjud boʻlsa va u tanlov obyektini sotib olishni rad etgan boʻlsa;
tanlov ishtirokchilaridan birortasi taklif etilgan tanlov shartlari boʻyicha davlat mulki obyektini sotib olish istagini bildirmagan boʻlsa, davlat mulki obyektlari boʻyicha tanlov boʻlib oʻtmagan deb eʼtirof etiladi.
74. Oldi-sotdi shartnomasi tuzilganidan keyin xaridor yoki uning vakolatli vakili investitsion va ijtimoiy majburiyatlarni tuzilgan oldi-sotdi shartnomasi shartlariga muvofiq bajaradi. Bunda tanlovda yutib chiqilgan taqdirda tanlov gʻolibi va boshqa ishtirokchilar tomonidan kiritilgan zakalat umumiy asoslarda besh bank kuni ichida qaytariladi.
75. Yagona ishtirokchi roʻyxatdan oʻtkazilgan taqdirda uning tanlov takliflari tanlov shartlariga muvofiqlik yoki nomuvofiqlik jihatidan taqqoslanadi va uning yakunlari boʻyicha elektron bayonnoma rasmiylashtiriladi, u veb-portal tomonidan avtomatik tarzda shakllantiriladi va elektron hujjat va yagona tanlov ishtirokchisi bilan davlat mulki obyektining oldi-sotdi shartnomasini tuzish uchun asos hisoblanadi.
76. Ishtirokchilarning tanlov takliflarini baholash veb-portal orqali avtomatik tarzda, savdolar oʻtkazilishi toʻgʻrisida bildirishnomada koʻrsatilgan savdolarning sanasi va vaqti kelgach amalga oshiriladi.
77. Tanlov takliflarini baholashda tanlovda ishtirok etish shartlariga va tartibotlariga rioya etilishi, tanlov shartlarida koʻrsatilgan maʼlumotlarning mavjudligi tekshiriladi.
78. Tanlov takliflarini baholash va tanlov gʻolibini aniqlash ushbu Nizomga 8-ilovaga muvofiq ballar tizimi boʻyicha amalga oshiriladi.
79. Tanlov taklifi tanlov shartlariga eng koʻp darajada muvofiq deb eʼtirof etilgan ishtirokchi tanlov gʻolibi deb eʼtirof etiladi.
80. Ikki va undan ortiq tanlov takliflarining ballari teng boʻlganda sotiladigan davlat mulki obyektini kamida bir yil davomida ijaraga olgan ijarachi boʻlgan ishtirokchi (ishtirokchi tomonidan ushbu holat buyurtmanomada koʻrsatilishi sharti bilan va ushbu Nizomning 36-bandida koʻrsatilgan tegishli elektron (skaner qilingan) hujjatlar ilova qilingan holda), bunday ishtirokchi boʻlmaganda esa, uning buyurtmanomasi avvalroq roʻyxatdan oʻtkazilgan ishtirokchi gʻolib deb eʼtirof etiladi.
81. Taklifnomada belgilangan talabgorlar takliflarini qabul qilish yakunlanishi sanasiga kelib talabgorlarning takliflari mavjud boʻlmaganda talabgorlar takliflarini qabul qilish sanasi yana ikki oyga uzaytiriladi.
82. Tanlovlar, birinchi tanlov oʻtkazilishi sanasidan boshlab ikki oy mobaynida oʻn besh ish kunida bir marta davriylik bilan oʻtkaziladi va uning yakunlari bildirishnomada koʻrsatilgan sana va vaqtda rasmiylashtiriladi.
83. Har bir sotilgan davlat mulki obyekti boʻyicha tanlov natijalari barcha tushgan tanlov takliflari koʻrsatilgan, veb-portal tomonidan avtomatik tarzda shakllantiriladigan elektron bayonnoma bilan rasmiylashtiriladi.
Operator maxsus blankada tanlov natijalari toʻgʻrisidagi bayonnomani uch nusxada rasmiylashtiradi, uni muhr bilan tasdiqlaydi va ulardan biri tanlov gʻolibiga topshiriladi (yoxud tanlov gʻolibining roziligi bilan uni pochta orqali yuboradi) va bir nusxasi sotuvchiga topshiriladi.
Bayonnoma davlat mulki obyektining oldi-sotdi shartnomasini tuzish yoki takroriy tanlov oʻtkazilishi uchun asos hisoblanadi.
84. Ushbu tanlovda ishtirok etish uchun buyurtmanomalarni bergan barcha ishtirokchilarga avtomatik tarzda tanlov natijalari toʻgʻrisidagi bildirishnoma elektron pochta va (yoki) SMS-xabar berish orqali yuboriladi.
5-bob. Davlat mulkini ijaraga berish boʻyicha auksionning oʻtkazilishi
85. Ijaraga berish boʻyicha auksion toʻgʻrisidagi bildirishnoma quyidagi maʼlumotlarni oʻz ichiga olishi lozim:
ijaraga beruvchining nomi va pochta manzili, aloqa qilish uchun uning telefon va faks raqami, elektron pochta manzili;
auksionga qoʻyilgan davlat koʻchmas mulk obyektining nomi, tavsifi va xususiyatlari va uning joylashgan joyi hamda balansda saqlovchining nomi, uning faoliyatining ixtisosligi;
ijaraning muddati;
davlat mulkini ijaraga berish shartlari, shu jumladan, undan foydalanish shartlari;
auksion oʻtkaziladigan sana va vaqt;
ijara shartnomasini tuzishning oxirgi muddati;
zakalat kiritish miqdori, muddati va tartibi, uni kiritish uchun bank rekvizitlari;
buyurtmanomalarni qabul qilishning oxirgi muddati (kuni va soati koʻrsatilgan holda);
qoʻshimcha maʼlumotlarni olish mumkin boʻlgan manzil va aloqa qilish uchun telefon raqami;
ijaraga beruvchining ixtiyoriga koʻra boshqa maʼlumotlar.
86. Davlat mulkini ijaraga berish boʻyicha auksion oʻtkazilishida binolar va inshootlar boʻyicha yillik ijara haqining boshlangʻich narxi ushbu obyekt boʻyicha belgilangan tartibda aniqlangan ijara haqining yillik tayanch stavkasiga teng.
Mol-mulkning boshqa turlari uchun ijara toʻlovi stavkasining boshlangʻich narxi quyidagi miqdorda belgilanadi:
agar ijaraga topshirilayotgan mulkdan amalda foydalanilgan muddat undan samarali foydalanish muddatidan ortiq boʻlmasa yoki ushbu muddatga teng boʻlsa yoki amalda foydalanilgan muddatni aniqlash mumkin boʻlmasa — mol-mulk tiklanish qiymatining 30 foizi miqdorida;
agar ijaraga topshirilayotgan mol-mulkdan amalda foydalanilgan muddat undan samarali foydalanish muddatidan ortiq boʻlsa — mol-mulk tiklanish qiymatining 20 foizidan kam boʻlmagan miqdorda.
87. Auksion ishtirokchilari auksion boshlanishidan oldin bir soat mobaynida ERI dan foydalanib virtual savdolarning savdo maydonchasiga kirishni amalga oshiradi. Auksion savdolar oʻtkazilishi toʻgʻrisidagi bildirishnomada koʻrsatilgan vaqtda, savdo maydonchasida davlat mulki ijara haqining boshlangʻich narxini avtomatik tarzda joylashtirish orqali boshlanadi.
88. Auksion musobaqa asosida davlat mulki ijara haqining narxini oshirish tamoyili boʻyicha oʻtkaziladi.
89. Auksionlar ish kuni davomida soat 09:00 dan soat 18:00 gacha boʻlgan vaqt oraligʻida oʻtkaziladi.
90. Agar lotning narxini oshirish haqidagi taklifni oxirgi tasdiqlash ishtirokchi tomonidan elektron auksion oʻtkazilishi vaqti tugashigacha oʻn daqiqadan kam vaqt qolganda amalga oshirilgan boʻlsa, auksionni oʻtkazish muddati taklifni oxirgi tasdiqlash paytidan boshlab oʻn daqiqa muddatgacha uzaytiriladi. Har bir keyingi taklif elektron auksion oʻtkazilishi muddatini oʻn daqiqaga uzaytiradi. Bunda elektron auksion oʻtkazilishi muddati koʻpi bilan uch soatga uzaytiriladi va auksion soat 21:00 gacha yakunlanishi lozim. Lotning narxi haqidagi taklifni oxirgi boʻlib soat 21:00 gacha tasdiqlagan ishtirokchi auksion gʻolibi deb eʼtirof etiladi.
91. Agar:
auksion boshlanishi paytiga kelib savdo maydonchasida hech kim buyurtmanoma bermagan boʻlsa;
auksion ishtirokchilaridan birortasi mulkni auksion jarayonida taklif etilgan narx boʻyicha sotib olish istagini bildirmagan boʻlsa, davlat mulki obyektlari boʻyicha auksion boʻlib oʻtmagan deb hisoblanadi.
92. Sotuvchi savdolarning shartlariga toʻliq mos boʻlgan buyurtmanomasi roʻyxatdan oʻtkazilgan yagona ishtirokchi bilan oldi-sotdi shartnomasini tuzadi.
93. Auksion bosqichi:
birinchi toʻrt bosqichda — auksion obyekti boshlangʻich qiymatining besh foizini;
beshinchi va keyingi bosqichlarda — auksion obyekti boshlangʻich qiymatining uch foizini tashkil etadi.
Istisno tariqasida yillik ijara haqining boshlangʻich qiymati elektron auksion oʻtkazilishi toʻgʻrisidagi bildirishnomani joylashtirish paytiga kelib belgilangan eng kam oylik ish haqining ikki yuz baravaridan ortiq boʻlgan davlat mulki obyektini ijaraga berishda auksion bosqichi auksion obyektining boshlangʻich qiymatining ikki foizni tashkil etadi.
94. Agar auksion boshlanishi paytidan boshlab yigirma daqiqa davomida savdo maydonchasida:
ishtirokchilardan birortasi boshlangʻich narxni belgilangan bosqichga oshirish yoʻli bilan davlat mulkini ijaraga olish istagini tasdiqlamagan boʻlsa, auksion amalga oshmagan deb eʼtirof etiladi va sotuvchi veb-portalda belgilangan tartibda savdolarning shartlariga toʻliq mos boʻlgan buyurtmanomani birinchi boʻlib roʻyxatdan oʻtkazgan ishtirokchi bilan ijara shartnomasini tuzadi;
ishtirokchilardan biri oʻzining ushbu obyektning boshlangʻich narxini bir belgilangan bosqichga oshirish yoʻli bilan davlat mulkini ijaraga olish niyatini tasdiqlasa, boshlangʻich narx belgilangan bosqichga oshiriladi;
joriy narx oshirilganidan keyin birorta ishtirokchi oʻzining joriy narxni bir belgilangan bosqichga oshirish yoʻli bilan davlat mulkini ijaraga olish niyatini tasdiqlamasa, davlat mulkini ijaraga olish istagini oxirgi boʻlib tasdiqlagan ishtirokchi gʻolib deb eʼtirof etiladi va ushbu obyekt boʻyicha auksion amalga oshgan deb eʼtirof etiladi.
95. Har bir ijaraga beriladigan davlat mulki boʻyicha auksion natijalari veb-portal tomonidan avtomatik tarzda shakllantiriladigan elektron bayonnoma bilan rasmiylashtiriladi.
Operator maxsus blankada auksion natijalari toʻgʻrisidagi bayonnomani uch nusxada rasmiylashtiradi, uni muhr bilan tasdiqlaydi va auksion gʻolibiga topshiradi (yoki auksion gʻolibining roziligi bilan uni pochta orqali yuboradi) va bayonnomaning bir nusxasini ijaraga beruvchiga yuboradi.
Bayonnoma davlat mulki obyektining ijara shartnomasini tuzish yoki takroriy auksion oʻtkazilishi uchun asos hisoblanadi.
96. Ushbu auksionda ishtirok etish uchun buyurtmanomalarni bergan barcha ishtirokchilarga avtomatik tarzda auksion natijalari toʻgʻrisidagi bildirishnoma elektron pochta va (yoki) SMS-xabar berish orqali yuboriladi.
97. Taklifnomada belgilangan talabgorlar takliflarini qabul qilish yakunlanishi sanasiga kelib talabgorlarning takliflari mavjud boʻlmaganda, talabgorlar takliflarini qabul qilish sanasi har gal obyektni ijaraga berishgacha 15 kunga uzaytiriladi.
98. Auksionlar birinchi auksion oʻtkazilishi sanasidan boshlab doimiy tartibda oʻn besh ish kunida bir marta davriylik bilan oʻtkaziladi va bildirishnomada koʻrsatilgan sana va vaqtda boshlanadi.
99. Operator va Davlat raqobat qoʻmitasining hududiy organlari oʻrtasidagi oʻzaro munosabatlar reglamenti Oʻzbekiston Respublikasi Bosh prokuraturasi huzuridagi Majburiy ijro etish byurosi va Davlat raqobat qoʻmitasining birgalikdagi qarori bilan tasdiqlanadi.
6-bob. Nazorat qilish va savdolarni tashkil etish va oʻtkazishda ishtirok etuvchi shaxslarning javobgarligi
100. Ushbu Nizomning talablariga rioya qilinishi ustidan nazorat Davlat raqobat qoʻmitasi, Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi va Oʻzbekiston Respublikasi Bosh prokuraturasi huzuridagi Majburiy ijro etish byurosi vakillari orasidan tuziladigan arbitraj komissiyasi tomonidan amalga oshiriladi, uning reglamenti ularning birgalikdagi qarori bilan belgilanadi.
101. Operator sotuvchi bilan davlat koʻchmas mulk obyektlarini sotish boʻyicha xizmat koʻrsatish yuzasidan tuzilgan shartnoma shartlarining bajarilishi uchun, savdolarning ishtirokchilari tomonidan taqdim etilgan hujjatlarning saqlanishi va maxfiyligini taʼminlash uchun qonun hujjatlarida belgilangan tartibda javob beradi.
102. Balansda saqlovchi qonun hujjatlariga muvofiq:
sotiladigan davlat koʻchmas mulk obyektlari yangi mulkdorga topshirilishi paytigacha saqlanishini taʼminlash, davlat koʻchmas mulk obyektini qabul qilish-topshirish dalolatnomasini oʻz vaqtida rasmiylashtirish uchun;
ushbu Nizomga muvofiq taqdim etiladigan maʼlumotlarning haqqoniyligi uchun javob beradi.
103. Savdolarni tashkil etish va oʻtkazishda ishtirok etuvchi shaxslar talabgorlar tomonidan taqdim etilgan hujjatlarning saqlanishi va maxfiyligi taʼminlanishi uchun qonun hujjatlarida belgilangan tartibda javob beradi.
7-bob. Yakunlovchi qoida
104. Davlat mulki obyektlarini sotishda yoki ijaraga berishda yuzaga keladigan nizolar qonun hujjatlarida belgilangan tartibda koʻrib chiqiladi.
Davlat mulki obyektlarini sotish va davlat mulkini ijaraga berish boʻyicha elektron savdolar oʻtkazish tartibi toʻgʻrisidagi nizomga 1-ILOVA
Davlat mulki obyektlarini sotish va davlat mulkini ijaraga berish
SXEMASI
1-bosqich
Davlat raqobat qoʻmitasi, uning hududiy organlari
Baholash tashkilotining obyektning qiymatini baholash hisobotida hamda baholash toʻgʻrisidagi hisobotining ishonchliligini ekspertizasini oʻtkazish natijalari toʻgʻrisida ekspert xulosasida aniqlangan miqdorda obyektlarni sotish toʻgʻrisida buyruq chiqarish.
Obyektlarni “nol” xarid qiymati boʻyicha sotish holatlarida, investitsion majburiyatlarning minimal qiymati miqdori Davlat tender komissiyasi yoki hududiy tanlov komissiyasining qarori bilan belgilanadi.
Obyektni ijaraga berish holatlarida, tayanch stavkasi belgilangan tartibda aniqlanadi.
Davlat mulk obyektlarini xususiylashtirish toʻgʻrisida hujjatlar toʻplamini ijobiy koʻrib chiqishdan keyin 10 kun ichida.
Obyektni ijaraga beruvchi va balansda saqlovchi tomonidan imzolangan xatlovdan oʻtkazish dalolatnomasi asosida 5 kun ichida.
2-bosqich
Davlat raqobat qoʻmitasi, uning hududiy organlari
Operator bilan savdolarni tashkil etish xizmatlari koʻrsatish yuzasidan shartnomani tuzish.
Xizmat koʻrsatish shartnomasida koʻrsatilgan muddatlarda.
Davlat raqobat qoʻmitasi, uning hududiy organlari, savdolar operatori
OAV da va Davlat raqobat qoʻmitasi veb-saytida elektron savdolarni oʻtkazish (auksion yoki tanlov) toʻgʻrisida eʼlonni chop etish, sotish (ijaraga berish) uchun taklif etilgan obyektlar toʻgʻrisida maʼlumotni oshkor etish.
Obyektlarni sotish holatida — elektron savdolar, auksion (tanlov) oʻtkazilishidan kamida 30 kun oldin, obyektlarni ijaraga berish holatida esa — auksion oʻtkazilishidan kamida 15 kun oldin.
Savdolar operatori
Savdolar tashkilotchisi tomonidan elektron savdolarda ishtirok etish uchun arizalarni qabul qilish.
Savdolarni oʻtkazish toʻgʻrisida eʼlonda koʻrsatilgan muddatlarda.
3-bosqich
Savdolar operatori
Elektron savdolarni oʻtkazish.
Savdolar birinchi auksion (tanlov) oʻtkazilishi sanasidan boshlab 2 oy ichida oʻn besh ish kunida bir marta davriyligi bilan oʻtkaziladi.
Savdolar operatori
Tanlov ishtirokchilarini uning natijalari toʻgʻrisida xabardor qilish.
Ushbu tanlovda (auksionda) ishtirok etish uchun arizalar bergan ishtirokchilarga, elektron pochta va (yoki) SMS-xabar berish orqali tanlov (auksion) natijalari toʻgʻrisida xabarnoma avtomatik tarzda yuboriladi.
Davlat raqobat qoʻmitasi, uning hududiy organlari, davlat mulk obyektini ijaraga beruvchi, balansda saqlovchi
20 kundan kech boʻlmagan muddatda elektron savdolar bayonnomasi asosida sotuvchi, balansda saqlovchi va (auksion, tanlov) savdolarini gʻolib oʻrtasida davlat mulk obyektining oldi-sotdi (ijara) shartnomasi tuziladi.
4-bosqich
Savdolar operatori, Davlat raqobat qoʻmitasi, uning hududiy organlari
Uzaytirilgan muddat davomida, taklifnomada belgilangan sotib olish qiymati evaziga sotiladigan obyektlar boʻyicha takliflarni qabul qilish yakunlanishi sanasiga kelib, talabgorlardan takliflar boʻlmaganda, har 15 kunda 10 foiz qadami bilan, tanlovga (auksionga) qoʻyilgan boshlangʻich narxidan 50 foizigacha narxni qadam-baqadam kamaytirish mexanizmi qoʻllanadi, lekin quyidagilardan past boʻlmaydi:
davlat ulushini sotishda — baholash sanasidagi nominal qiymati;
davlat koʻchmas mulk obyektini sotishda — baholash sanasidagi qoldiq qiymati.
Davlat mulki obyektlarini sotish va davlat mulkini ijaraga berish boʻyicha elektron savdolar oʻtkazish tartibi toʻgʻrisidagi nizomga 2-ILOVA
Sotiladigan davlat ulushi toʻgʻrisida
MAʼLUMOT
T/r
Koʻrsatkich
Haqiqiy qiymati
1.
Jamiyat nomi
2.
Jamiyat STIR
3.
Jamiyat manzili
4.
Ustav kapitali (mln soʻm)
5.
Jamiyatning ustav fondidagi davlat ulushi (%)
6.
Jamiyatning ustav fondidagi sotiladigan davlat ulushi (%)
7.
Sotiladigan ulushning narxi (ming soʻm)
8.
Yer uchastkasining egallagan umumiy maydoni (ga)
9.
Binolar va inshootlarning egallagan umumiy maydoni (kv.m)
9.1.
shu jumladan qurilishi tugallanmagan
10.
Asosiy fondlarning balans qiymati (mln soʻm)
11.
Asosiy fondlarning eskirishi (%)
12.
Aylanma aktivlar (mln soʻm)
13.
Debitorlik qarzdorligi (mln soʻm)
14.
Kreditorlik qarzdorligi (mln soʻm)
15.
Sof foyda (zarar) (+/- mln soʻm)
16.
Ishchilarning oʻrtacha yillik soni (kishi)
Davlat mulki obyektlarini sotish va davlat mulkini ijaraga berish boʻyicha elektron savdolar oʻtkazish tartibi toʻgʻrisidagi nizomga 3-ILOVA
Sotiladigan koʻchmas mulk obyekti toʻgʻrisida
MAʼLUMOT
T/r
Koʻrsatkich
Haqiqiy qiymati
1.
Nomi
2.
Joylashuvi
3.
Balansda saqlovchining nomi
4.
Yer uchastkasining egallagan umumiy maydoni (ga)
5.
Binolar va inshootlarning egallagan umumiy maydoni (kv.m)
6.
Qurilgan yili
7.
Asosiy faoliyat turi
8.
Kommunikatsiyalar bilan taʼminlanganligi
8.1.
Suv
8.2.
Gaz
8.3.
Elektr energiyasi
8.4.
Kanalizatsiya tarmogʻi
9.
Sotiladigan obyektning narxi (ming soʻm)
Davlat mulki obyektlarini sotish va davlat mulkini ijaraga berish boʻyicha elektron savdolar oʻtkazish tartibi toʻgʻrisidagi nizomga 4-ILOVA
Ijaraga beriladigan davlat koʻchmas mulk obyekti toʻgʻrisida
MAʼLUMOT
T/r
Koʻrsatkich
Haqiqiy qiymati
1.
Nomi
2.
Joylashuvi
3.
Balansda saqlovchining nomi
4.
Binolar va inshootlarning egallagan umumiy maydoni (kv.m)
5.
Ijaraga beriladigan obyektning maydoni (kv.m)
6.
Qurilgan yili
7.
Asosiy faoliyat turi
8.
Kommunikatsiyalar bilan taʼminlanganligi
8.1.
Suv
8.2.
Gaz
8.3.
Elektr energiyasi
8.4.
Kanalizatsiya tarmogʻi
9.
Ijara haqining tayanch stavkasi
Davlat mulki obyektlarini sotish va davlat mulkini ijaraga berish boʻyicha elektron savdolar oʻtkazish tartibi toʻgʻrisidagi nizomga 5-ILOVA
Elektron savdolarda ishtirok etish uchun ARIZA 1. _______________________________________________________________________________________________ (jismoniy shaxsning familiyasi, ismi, otasining ismi (mavjud boʻlganda) yoki yuridik shaxsning nomi, tashkiliy-huquqiy shakli koʻrsatilgan holda)
STIR ___________________ Manzili: ___________________________________________________________________________________________ Elektron pochta manzili: ___________________________________________________________________________ Telefon (faks) raqami, mavjud boʻlganda: __________________________________________________________________
(davlat va shahar kodi koʻrsatilgan holda)
Mobil telefon raqami: _________________________________________________________________________
(SMS-xabarni olish uchun davlat kodi va operatori koʻrsatilgan holda)
2. Ushbu hujjat bilan, yuridik shaxs ________________________________________________________
(yuridik shaxsning nomi)
tugatish yoki bankrot deb tan olish bosqichida emasligini tasdiqlayman.
3. Davlat mulki obyektlarini sotish (ijaraga berish) toʻgʻrisida eʼlonni koʻrib chiqib, Davlat mulki obyektlarini sotish va davlat mulkini ijaraga berish boʻyicha elektron savdolar oʻtkazish tartibi toʻgʻrisida nizom bilan va davlat mulki obyektining namunaviy oldi-sotdi (ijara) shartnomasi bilan tanishib chiqib: 20___ yil ___ ___ da veb-portalda boʻlib oʻtadigan. (auksion yoki tanlov oʻtkazilishi sanasi koʻrsatilsin)
Auksionda
Tanlovda
ishtirok etishni istayman (istaymiz). Lot raqami _________________________ 4. Kiritilgan zakalatlar toʻgʻrisida maʼlumot:
Uning yuzasidan savdolarda ishtirok etish uchun kafolat zakalati kiritilgan obyektning nomi
Toʻlov hujjati raqami
Toʻlov hujjati sanasi
Kafolat zakalatining miqdori (soʻm)
Kafolat zakalatini qaytarish uchun bank hisobraqamining rekvizitlari: _________________________________________________________________________________________________ _________________________________________________________________________________________________
5. Ushbu hujjat bilan quyidagilarga rozilik bildiraman: a) ishtirokchiga qoʻyiladigan talablarga nomuvofiqligi holatida, savdolarda ishtirok etish huquqi berilmaydi; b) savdolarning gʻolibi deb eʼlon qilinganda, savdolarning yakunlari boʻyicha elektron bayonnomani tasdiqlash kunidan boshlab yigirma taqvim kuni ichida oldi-sotdi (ijara) shartnomasini tuzish majburiyatini oʻz zimmamga olaman (olamiz); v) belgilangan muddatda oldi-sotdi (ijara) shartnomasini tuzishni rad etish yoki undan voz kechish holatida, kiritilgan kafolat zakalatining miqdori qaytarilmaydi. Bunda: zakalat miqdorining 50 foizi operator tasarrufida qoladi; zakalat miqdorining 50 foizi Oʻzbekiston Respublikasining Xususiylashtirilgan korxonalarga koʻmaklashish va raqobatni rivojlantirish davlat qoʻmitasining budjetdan tashqari fondiga yoʻnaltiriladi; g) auksion (tanlov) gʻolibi oldi-sotdi (ijara) shartnomasini tuzishdan voz kechishi yoki rad etishi va davlat mulki obyektini sotib olish (ijara) shartnomasining shartlarini bajarmasligi yoki tegishlicha bajarmasligi hamda gʻolibning aniqlangan til biriktirish holati va auksion (tanlov) jarayonini buzadigan boshqa harakatlarda ishtirok etishi holatida, bunday gʻolib ushbu davlat mulki obyektini �otish (ijaraga berish) boʻyicha keyingi savdolarda ishtirok eta olmaydi; d) ushbu ariza savdolarning yakunlari toʻgʻrisida elektron bayonnoma bilan birga savdolar obyektining oldi-sotdi (ijara) shartnomasi tuzilishigacha amal qiladigan shartnoma kuchiga ega boʻladi. 6. Arizaga quyidagi maʼlumotlar va hujjatlar (mavjud boʻlganda) ilova qilinadi: _________________________________________________________________________________________________
Elektron savdolarda ishtirok etish Reglamenti bilan tanishdim
davlat mulki obyektining namunaviy oldi-sotdi (ijara) shartnomasi bilan tanishdim
20___ y. ___ ___
Ariza veb-portal tomonidan 20___ yil ___ ___ soat ____ dan ____ daqiqa oʻtganda qabul qilingan.
Davlat mulki obyektlarini sotish va davlat mulkini ijaraga berish boʻyicha elektron savdolar oʻtkazish tartibi toʻgʻrisidagi nizomga 6-ILOVA
Tavsiya etiladigan (majburiy boʻlmagan) faoliyat turi (obyektdan foydalanish turi)
2.
Ularni amalga oshirish yuzasidan cheklovlar koʻzda tutilgan faoliyat turlari (mavjud boʻlganda)
3.
Ishtirokchilarga qoʻyiladigan talablar
4.
Investitsion majburiyatlarning minimal hajmi (mln soʻm)
5.
Investitsiyalarni kiritish muddati (oylar)
6.
Ijtimoiy majburiyatlarning minimal hajmi
6.1.
shu jumladan yaratiladigan ish joylarining soni
6.2.
Faoliyat yoʻnalishining saqlanishi (muddati) (mavjud boʻlganda)
6.3.
Ishlab chiqarish va xizmatlarning hajmi (soʻm, tonna, dona va hokazo) (mavjud boʻlganda)
6.4.
Ishlab chiqarish va xizmatlarning umumiy hajmida eksport ulushi (%) (mavjud boʻlganda)
6.5.
Muayyan isteʼmolchilarga (ijtimoiy zaif aholi tabaqalariga, strategik ahamiyatli tashkilotlarga, yetkazib berish muddatlari va hajmi) mahsulot va xizmatlarni yetkazib berish (mavjud boʻlganda), shu jumladan:
7.
boshqa majburiyatlar (mavjud boʻlganda)
Davlat mulki obyektlarini sotish va davlat mulkini ijaraga berish boʻyicha elektron savdolar oʻtkazish tartibi toʻgʻrisidagi nizomga 8-ILOVA
Tanlov takliflarini baholash shakli
T/r
Investitsion majburiyatlar
Ballar
Kiritiladigan investitsiyalar miqdori, jami, shu jumladan:
60
1.
qurilish-montaj ishlari
20
1.1.
kiritiladigan investitsiyalarning umumiy miqdoridan 20 foizgacha miqdorda
5
1.2.
kiritiladigan investitsiyalarning umumiy miqdoridan 50 foizgacha miqdorda
10
1.3.
kiritiladigan investitsiyalarning umumiy miqdoridan 50 foizdan ortiq miqdorda
15
1.4.
barcha tanlov ishtirokchilariga nisbatan eng koʻp investitsiyalar hajmi
20
2.
uskunalar, texnika va texnologiyalar
25
2.1.
kiritiladigan investitsiyalarning umumiy miqdoridan 20 foizgacha miqdorda
10
2.2.
kiritiladigan investitsiyalarning umumiy miqdoridan 50 foizgacha miqdorda
15
2.3.
kiritiladigan investitsiyalarning umumiy miqdoridan 50 foizdan ortiq miqdorda
20
2.4.
barcha tanlov ishtirokchilariga nisbatan eng koʻp investitsiyalar hajmi
25
3.
aylanma vositalar (xomashyo, materiallar va hokazo)
10
3.1.
kiritiladigan investitsiyalarning umumiy miqdoridan 20 foizgacha miqdorda
3
3.2.
kiritiladigan investitsiyalarning umumiy miqdoridan 50 foizgacha miqdorda
5
3.3.
kiritiladigan investitsiyalarning umumiy miqdoridan 50 foizdan ortiq miqdorda
7
3.4.
barcha tanlov ishtirokchilariga nisbatan eng koʻp investitsiyalar hajmi
10
4.
obodonlashtirish va hokazo
5
4.1.
kiritiladigan investitsiyalarning umumiy miqdoridan 20 foizgacha miqdorda
2
4.2.
kiritiladigan investitsiyalarning umumiy miqdoridan 50 foizgacha miqdorda
3
4.3.
kiritiladigan investitsiyalarning umumiy miqdoridan 50 foizdan ortiq miqdorda
4
4.4.
barcha tanlov ishtirokchilariga nisbatan eng koʻp investitsiyalar hajmi
5
Investitsion majburiyatlarni bajarish muddati
5
5.1.
tanlov shartlarida belgilangan muddatlarda
2
5.2.
tanlov shartlarida belgilanganidan kamroq muddatlarda
3
5.3.
barcha tanlov ishtirokchilariga nisbatan eng kam muddatlarda
5
Ijtimoiy majburiyatlar
35
6.
Yaratiladigan ish joylarining soni
30
6.1.
tanlov shartlarida belgilangan miqdorda
5
6.2.
tanlov shartlarida belgilanganidan koʻproq miqdorda
10
6.3.
tanlov shartlarida belgilanganidan 50 foiz koʻp miqdorda
20
6.4
barcha tanlov ishtirokchilariga nisbatan eng koʻp miqdorda
30
7.
Ishlab chiqarish va xizmatlarning hajmlari
5
7.1.
barcha tanlov ishtirokchilariga nisbatan, foydalanishga kiritishdan keyin ishlab chiqarish va xizmatlarning eng katta hajmi (yiliga soʻm)
