Ishlab chiqarish quvvatlarini modernizatsiya qilish, “Jizzax akkumulyator zavodi” AJ ishlab chiqarayotgan mahsulot turlarini kengaytirish maqsadida:

1. “Oʻzavtosanoat” AJ, Oʻzbekiston Respublikasi Iqtisodiyot vazirligi va Xususiylashtirilgan korxonalarga koʻmaklashish va raqobatni rivojlantirish davlat qoʻmitasining “Jizzax akkumulyator zavodi” AJning ustav kapitalida “Oʻzavtosanoat” AJga tegishli ulushning 51,78 foizini (keyingi oʻrinlarda — aksiyalar paketi) belgilangan tartibda xorijiy investorlarga sotish toʻgʻrisidagi taklifiga rozilik berilsin.

2. “Oʻzavtosanoat” AJ aksiyalar paketining bozor qiymatini aniqlashni va ularning birja savdolariga qoʻyilishini belgilangan tartibda taʼminlasin.

3. Oʻzbekiston Respublikasi Prezidenti va Oʻzbekiston Respublikasi Hukumatining ayrim qarorlariga ilovaga muvofiq oʻzgartishlar kiritilsin.

4. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari N.S. Otajonov va “Oʻzavtosanoat” AJ boshqaruvi raisi U.Z. Salimov zimmasiga yuklansin.

1. “Oʻzbekiston Respublikasi Prezidenti va Oʻzbekiston Respublikasi Hukumatining ayrim qarorlariga oʻzgartish va qoʻshimchalar kiritish toʻgʻrisida” Oʻzbekiston Respublikasi Prezidentining 2017-yil 23-yanvardagi PQ-2737-sonli qarori ilovasi 4-bandi “b)” kichik bandining ikkinchi xatboshi chiqarib tashlansin.

2. Oʻzbekiston Respublikasi Vazirlar Mahkamasining 2016-yil 10-fevraldagi “Oʻzbekiston Respublikasi Prezidentining “Aksiyadorlik jamiyatlariga xorijiy investorlarni jalb etishga doir qoʻshimcha chora- tadbirlar toʻgʻrisida” 2015-yil 21-dekabrdagi PQ-2454-son qarorini amalga oshirish chora-tadbirlari haqida”gi 33-sonli qarorining 3-ilovasida:

a) ““Oʻzavtosanoat” AK” soʻzlari ““Oʻzavtosanoat” AJ” soʻzlari bilan almashtirilsin;

b) ““Oʻzavtosanoat” AJ” boʻlimidagi 8 — pozitsiyasi chiqarib tashlansin.