|
Hujjat kuchini yo‘qotgan 23.06.2025
|
Oʻzbekiston Respublikasi Prezidentining
Qarori
Istiqbolli boshqaruv kadrlarini tanlov asosida tanlab olishning zamonaviy tizimini yaratish chora-tadbirlari toʻgʻrisida
LexUZ sharhiMazkur qaror Oʻzbekistan Respublikasi Prezidentining 2025-yil 19-iyundagi PF-95-sonli “Davlat fuqarolik xizmatini yangi yondashuvlar asosida tashkil etish hamda professional va natijadorlikka yoʻnaltirilgan davlat xizmatchilari korpusini shakllantirish chora-tadbirlari toʻgʻrisida”gi Farmoniga asosan oʻz kuchini yoʻqotgan.
Oʻtgan davr mobaynida davlat va jamiyat boshqaruvi, ijtimoiy-iqtisodiy, sud-huquq va boshqa sohalarda boshqaruv kadrlarini tayyorlash boʻyicha muayyan ishlar amalga oshirildi. Xususan, yuqori malakali boshqaruv kadrlari zaxirasini shakllantirishga ijobiy taʼsir koʻrsatgan Oʻzbekiston Respublikasi Prezidenti huzuridagi Davlat boshqaruvi akademiyasi faoliyati isloh qilindi, shuningdek, Akademiya huzurida mamlakatimizning istiqbolli yosh mutaxassislarini qayta tayyorlaydigan va malakasini oshiradigan Yoshlar muammolarini oʻrganish va istiqbolli kadrlarni tayyorlash instituti tashkil etildi.
Shu bilan birga, bugungi kunda mamlakatimizda davlat hokimiyatini yanada demokratlashtirishning huquqiy asoslarini takomillashtirish, qonun ustuvorligini taʼminlash, fuqarolar va tadbirkorlik subyektlari huquqlari va qonuniy manfaatlarini himoya qilishning taʼsirchan mexanizmlarini joriy etish borasida amalga oshirilayotgan keng koʻlamli islohotlar yuqori malakali boshqaruv kadrlarini tanlab olish va tayyorlash, ularning zaxirasini shakllantirish tizimini, jumladan bu borada zamonaviy yondashuvni ishlab chiqish orqali takomillashtirishni taqozo etmoqda.
Istiqbolli boshqaruv kadrlarining tizimli asosda tanlab olinishini taʼminlash, shuningdek, davlat va xoʻjalik boshqaruvi organlari, mahalliy ijro etuvchi hokimiyat organlari, boshqa davlat organlari va tashkilotlari (keyingi oʻrinlarda — davlat tashkilotlari) tizimida ularning kasbiy malakasini uzluksiz oshirib borishga koʻmaklashish maqsadida:
1. Oʻzbekiston Respublikasi Innovatsion rivojlanish vazirligi, Oʻzbekiston Respublikasi Prezidenti huzuridagi Davlat boshqaruvi akademiyasi va “Buyuk kelajak” xalqaro nodavlat notijorat tashkilotining 3 yilda bir marta istiqbolli boshqaruv kadrlarini tanlab olish boʻyicha “Taraqqiyot” respublika tanlovini (keyingi oʻrinlarda — tanlov) oʻtkazish toʻgʻrisidagi taklifi maʼqullansin.
2. Quyidagilar:
Istiqbolli boshqaruv kadrlarini tanlab olish boʻyicha “Taraqqiyot” respublika tanlovini oʻtkazishni tashkil etish boʻyicha respublika komissiyasi (keyingi oʻrinlarda — Respublika komissiyasi) tarkibi 1-ilovaga muvofiq;
Istiqbolli boshqaruv kadrlarini tanlab olish boʻyicha “Taraqqiyot” respublika tanlovini tashkil etish va oʻtkazish tartibi toʻgʻrisidagi nizom 2-ilovaga muvofiq tasdiqlansin.
3. Belgilansinki:
tanlovda tayanch oliy maʼlumotga va tegishli sohada rahbarlik lavozimida kamida uch yil ish tajribasiga ega, 30 yoshdan 45 yoshgacha boʻlgan (45 yosh ham qoʻshilgan holda) Oʻzbekiston Respublikasi fuqarolari ishtirok etishi mumkin;
Respublika komissiyasi tanlovni oʻtkazish bilan bogʻliq tadbirlarga vazirlik va idoralar, boshqa davlat tashkilotlari vakillarini, shuningdek, yetakchi olim va mutaxassislarni, jumladan xorijiy olim va mutaxassislarni jalb etish huquqiga ega;
Oʻzbekiston Respublikasi Prezidenti huzuridagi Davlat boshqaruvi akademiyasi (keyingi oʻrinlarda — Akademiya) Respublika komissiyasining ishchi organi hisoblanadi;
tanlovning xolisona va shaffof oʻtkazilishi, shuningdek, nomzodlarning sifatli va xolisona tanlab olinishi, qoʻyiladigan talablarga ularning muvofiqligi uchun javobgarlik Respublika komissiyasi zimmasiga yuklanadi.
4. Belgilab qoʻyilsinki:
davlat tashkilotlarida mehnat qilayotgan ishtirokchilarning tanlovda ishtirok etish davrida ularning egallab turgan lavozimi va oʻrtacha oylik ish haqi saqlab qolinadi;
tanlov gʻoliblariga bazaviy hisoblash miqdorining 50 baravari miqdorida, final bosqichining qolgan ishtirokchilariga esa — bazaviy hisoblash miqdorining 25 baravari miqdorida bir martalik pul mukofoti toʻlanadi;
(4-bandning uchinchi xatboshisi Oʻzbekiston Respublikasi Prezidentining 2019-yil 13-dekabrdagi PF-5894-sonli Farmoni tahririda — Qonun hujjatlari maʼlumotlari milliy bazasi, 14.12.2019-y., 06/19/5894/4161-son)
tanlov gʻoliblari tegishli yoʻnalishlar boʻyicha davlat tashkilotlarida rahbarlik lavozimlariga tayinlanadi va tanlovning tegishli nominatsiyalari boʻyicha rivojlangan xorijiy mamlakatlarning sohaga oid tashkilotlarida kamida uch oy muddatlik stajirovka oʻtaydi;
tanlov final bosqichining qolgan ishtirokchilari tegishli davlat tashkilotlarining boshqaruv kadrlari zaxirasiga kiritiladi, shuningdek ish bilan taʼminlanganidan soʻng, tanlovning tegishli nominatsiyalari boʻyicha rivojlangan xorijiy mamlakatlarning sohaga oid tashkilotlarida kamida bir oy muddatlik stajirovka oʻtaydi;
rivojlangan xorijiy mamlakatlarning sohaga oid tashkilotlarida stajirovka oʻtagan tanlov gʻoliblari va final bosqichining ishtirokchilari zimmasiga ularni stajirovkaga yuborgan davlat tashkilot bilan tuziladigan shartnomada nazarda tutilgan muddat davomida shu tashkilotda ishlab berish majburiyati yuklatiladi;
tanlov gʻoliblarini tegishli rahbarlik lavozimlariga tayinlash, tanlov gʻoliblari va final bosqichi ishtirokchilarining rivojlangan xorijiy mamlakatlarning sohaga oid tashkilotlarida stajirovka oʻtashi yuzasidan chora-tadbirlarni koʻrish, shuningdek, boshqaruv kadrlari zaxirasiga kiritilgan final bosqichi ishtirokchilarining faoliyatini keyinchalik ularni xizmat boʻyicha koʻtarish yoki rahbarlik lavozimlariga tayinlash uchun monitoring qilish ishlari Oʻzbekiston Respublikasi Prezidenti Administratsiyasining umumiy muvofiqlashtiruvi ostida amalga oshiriladi.
(4-band Oʻzbekiston Respublikasi Prezidentining 2019-yil 20-fevraldagi PQ-4200-sonli qarori tahririda — Qonun hujjatlari maʼlumotlari milliy bazasi, 21.02.2019-y., 07/19/4200/2643-son)
5. Oʻzbekiston Respublikasi Innovatsion rivojlanish vazirligi Axborot texnologiyalari va kommunikatsiyalarini rivojlantirish vazirligi, Vazirlar Mahkamasi huzuridagi Davlat test markazi va Akademiya bilan birgalikda ikki oy muddatda:
talabgorlarni roʻyxatdan oʻtkazish, ishtirokchilarning soʻrovnomalarini koʻrib chiqish, test va boshqa tanlov sinovlarini oʻtkazish, shuningdek, ularning natijalarini taqdim etish imkoniyatlariga ega boʻlgan tanlovning maxsus veb-portalini yaratishni;
axborot tizimlari, resurslari, maʼlumotlar bazalari, dasturiy mahsulotlarni ishlab chiqish, shuningdek, Respublika komissiyasi ishchi organini tanlovni tashkil etish va oʻtkazish uchun zarur apparat-dasturiy komplekslar bilan jihozlashni taʼminlasin.
6. Quyidagilar tanlovni oʻtkazishning moliyalashtirish manbalari etib belgilansin:
tanlov oʻtkazishni tashkil etish qismida — Akademiyaga xarajatlar smetasi boʻyicha ajratiladigan budjet mablagʻlari, shuningdek, yuridik va jismoniy shaxslarning homiylik mablagʻlari, xalqaro moliya institutlarining grantlari hamda qonun hujjatlarida taqiqlanmagan boshqa manbalar;
Oldingi tahrirga qarang.
(6-bandning uchinchi xatboshisi Oʻzbekiston Respublikasi Prezidentining 2019-yil 20-fevraldagi PQ-4200-sonli qaroriga asosan chiqarilgan — Qonun hujjatlari maʼlumotlari milliy bazasi, 21.02.2019-y., 07/19/4200/2643-son)
tanlov gʻoliblari va final bosqichi ishtirokchilariga bir martalik pul mukofotini toʻlash qismida — Oʻzbekiston Respublikasi Vazirlar Mahkamasining zaxira jamgʻarmasi mablagʻlari va qonun hujjatlarida taqiqlanmagan boshqa manbalar;
tanlov gʻoliblari va final bosqichi ishtirokchilarining rivojlangan xorijiy mamlakatlarning sohaga oid tashkilotlarida tegishli nominatsiyalar boʻyicha stajirovka oʻtashi qismida — birinchi navbatda davlat tashkilotlari — tanlov gʻoliblari va final bosqichi ishtirokchilarining ish beruvchilari mablagʻlari, Ilm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlari, xalqaro moliya institutlarining grantlari, yuridik va jismoniy shaxslarning homiylik mablagʻlari hamda qonun hujjatlarida taqiqlanmagan boshqa manbalar.
(6-bandning toʻrtinchi xatboshisi Oʻzbekiston Respublikasi Prezidentining 2023-yil 3-iyuldagi PF-107-sonli Farmoni tahririda — Qonunchilik maʼlumotlari milliy bazasi, 04.07.2023-y., 06/23/107/0441-son)
tanlovning maxsus veb-portalini yaratish, axborot tizimlari, resurslari, maʼlumotlar bazalari, dasturiy mahsulotlarni ishlab chiqish, shuningdek, Respublika komissiyasi ishchi organini tanlovni tashkil etish va oʻtkazish uchun zarur apparat-dasturiy komplekslar bilan jihozlash qismida — Axborot-kommunikatsiya texnologiyalarini rivojlantirish jamgʻarmasi mablagʻlari va qonun hujjatlarida taqiqlanmagan boshqa manbalar.
7. Oliy taʼlim, fan va innovatsiyalar vazirligi huzuridagi Innovatsion rivojlanish agentligi Tashqi ishlar vazirligi va Akademiya bilan birgalikda tanlovni oʻtkazish doirasidagi tadbirlarni moliyalashtirish uchun xalqaro moliya institutlarining grantlari hamda yuridik va jismoniy shaxslarning homiylik mablagʻlarini jalb etish choralarini koʻrsin.
(7-band Oʻzbekiston Respublikasi Prezidentining 2023-yil 3-iyuldagi PF-107-sonli Farmoni tahririda — Qonunchilik maʼlumotlari milliy bazasi, 04.07.2023-y., 06/23/107/0441-son)
8. “Taraqqiyot strategiyasi” markaziga:
tanlov oʻtkazilishi ustidan jamoatchilik monitoringini amalga oshirish va uni yanada takomillashtirish boʻyicha tavsiyalar ishlab chiqishni;
tanlov yakunlariga bagʻishlangan axborot-tahliliy sharhlarning davlat, rus va ingliz tillarida tayyorlanishi va eʼlon qilinishini, shuningdek, keng tarqatilishini taʼminlash tavsiya etilsin.
9. Oʻzbekiston Respublikasi Prezidenti huzuridagi Loyiha boshqaruvi milliy agentligi Innovatsion rivojlanish vazirligi, Akademiya va boshqa manfaatdor idoralar bilan birgalikda tanlovni oʻtkazish yakunlari yuzasidan tanlov doirasida istiqbolli boshqaruv kadrlarini tanlab olish tizimini takomillashtirish, jumladan talabgorlarga qoʻyiladigan zamonaviy talablarni joriy etish boʻyicha Oʻzbekiston Respublikasi Prezidenti Administratsiyasiga taklif kiritsin.
(9-band Oʻzbekiston Respublikasi Prezidentining 2019-yil 1-fevraldagi PF-5650-sonli Farmoni tahririda)
10. Oʻzbekiston Respublikasi Bandlik va mehnat munosabatlari vazirligi Adliya vazirligi, Akademiya va boshqa manfaatdor idoralar bilan birgalikda ikki oy muddatda:
Davlat tashkilotlarida boʻsh lavozimlarni toʻldirish uchun boshqaruv kadrlari zaxirasini tanlovning final bosqichi ishtirokchilari orasidan shakllantirish tartibi toʻgʻrisidagi nizom loyihasini;
qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisidagi takliflarni Vazirlar Mahkamasiga kiritsin.
11. Oʻzbekiston Milliy teleradiokompaniyasi, Oʻzbekiston Milliy axborot agentligi va boshqa ommaviy axborot vositalariga tanlovni oʻtkazish bilan bogʻliq tadbirlarni, shuningdek, uning natijalarini keng yoritish, jumladan mavzuga oid maqolalar, turkum telekoʻrsatuv va radioeshittirishlarni tashkil etish tavsiya qilinsin.
12. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining Davlat maslahatchisi — Oʻzbekiston Respublikasi Prezidenti huzuridagi Davlat boshqaruvi akademiyasi rektori R.S. Kasimov va Oʻzbekiston Respublikasi Prezidenti Davlat maslahatchisining birinchi oʻrinbosari B.M. Mavlonov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 30-may,
PQ-3755-son
Oʻzbekiston Respublikasi Prezidentining 2018-yil 30-maydagi PQ-3755-son qaroriga
1-ILOVA
1-ILOVA
Istiqbolli boshqaruv kadrlarini tanlab olish boʻyicha “Taraqqiyot” respublika tanlovini oʻtkazishni tashkil etish boʻyicha respublika komissiyasi
tarkibi
|
1. |
R.S. Qosimov |
— |
Oʻzbekiston Respublikasi Prezidenti maslahatchisi — OʻzbekistonRespublikasi Prezidenti huzuridagi Davlat boshqaruvi akademiyasi rektori, komissiya rahbari |
|
2. |
N.M. Rustambekov |
— |
Oʻzbekiston Respublikasi Prezidenti maslahatchisining oʻrinbosari, komissiya rahbari oʻrinbosari |
|
3. |
A.D. Daminov |
— |
Oʻzbekiston Respublikasi Prezidenti maslahatchisining oʻrinbosari, komissiya rahbari oʻrinbosari |
|
4. |
D.R. Li |
— |
Oʻzbekiston Respublikasi Prezidenti huzuridagi Loyiha boshqaruvi milliy agentligi direktori |
|
5. |
E.M. Gʻaniyev |
— |
Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari |
|
6. |
A.A. Azizov |
— |
Oʻzbekiston Respublikasi Davlat xavfsizligi xizmati raisi |
|
7. |
O.B. Murodov |
— |
Oʻzbekiston Respublikasi Bosh prokurori |
|
71. |
A.F. Musayev |
— |
Oʻzbekiston Respublikasi Prezidenti Administratsiyasi kadrlar salohiyatini rivojlantirish shuʼbasi mudiri |
|
8. |
X.B. Yodgorov |
— |
Oʻzbekiston Respublikasi Oliy sudi raisining oʻrinbosari |
|
9. |
I.Yu. Abdurahmonov |
— |
Oʻzbekiston Respublikasi innovatsion rivojlanish vaziri |
|
10. |
Sh.D. Kudbiyev |
— |
Oʻzbekiston Respublikasi bandlik va mehnat munosabatlari vaziri |
|
11. |
R.K. Davletov |
— |
Oʻzbekiston Respublikasi adliya vaziri |
|
12. |
B.A. Xodjayev |
— |
Oʻzbekiston Respublikasi iqtisodiyot vaziri |
|
13. |
Sh.M. Sodiqov |
— |
Oʻzbekiston Respublikasi axborot texnologiyalari va kommunikatsiyalarini rivojlantirish vaziri |
|
14. |
J.I. Xidayxodjayev |
— |
Oʻzbekiston Respublikasi tashqi ishlar vazirining maslahatchisi — Oʻzbekiston Respublikasi Tashqi ishlar vazirligi Ijro etuvchi apparati rahbari |
|
15. |
E.S. Kanyazov |
— |
adliya vazirining oʻrinbosari — Toshkent davlat yuridik universiteti rektori |
|
16. |
X.T. Azizov |
— |
Oʻzbekiston Respublikasi Prezidenti huzuridagi Davlat boshqaruvi akademiyasining birinchi prorektori |
|
17. |
E.S. Tulyakov |
— |
“Rivojlanish strategiyasi” Markazining ijrochi direktori |
|
18. |
A.B. Kalonov |
— |
“Buyuk kelajak” xalqaro nodavlat notijorat tashkiloti ekspert kengashining raisi |
|
19. |
B.B. Alimov |
— |
Oʻzbekiston Respublikasi Prezidenti huzuridagi Davlat boshqaruvi akademiyasi prorektori, komissiya kotibi |
Izoh. Komissiya aʼzolari boshqa lavozimga oʻtgan taqdirda,uning tarkibiga mazkur lavozimlarga yangi tayinlangan yoki zimmasiga tegishli funksiyalarni bajarish vazifasi yuklangan shaxslar kiritiladi.
LexUZ sharhi1-ilova norasmiy tarjima..
Oʻzbekiston Respublikasi Prezidentining 2018-yil 30-maydagi PQ-3755-son qaroriga
2-ILOVA
2-ILOVA
Istiqbolli boshqaruv kadrlarini tanlab olish boʻyicha “Taraqqiyot” respublika tanlovini tashkil etish va oʻtkazish tartibi toʻgʻrisida
NIZOM
1-bob. Umumiy qoidalar
1. Ushbu Nizom istiqbolli boshqaruv kadrlarini tanlab olish boʻyicha “Taraqqiyot” respublika tanlovini (keyingi oʻrinlarda — tanlov) tashkil etish va oʻtkazish tartibini belgilaydi.
2. Tanlovning asosiy vazifalari quyidagilardan iborat:
davlat va xoʻjalik boshqaruvi organlari, mahalliy ijro etuvchi hokimiyat organlari hamda boshqa tashkilotlarning yuqori malakali kadrlarini aniqlash va ragʻbatlantirish;
yetakchilik fazilatlari va boshqaruvchilik bilimlari yuqori darajada boʻlgan istiqbolli rahbarlarni tanlash va qoʻllab-quvvatlash;
davlat va xoʻjalik boshqaruvi organlari, mahalliy ijro etuvchi hokimiyat organlari hamda boshqa davlat organlari va tashkilotlari (keyingi oʻrinlarda — davlat tashkilotlari) uchun istiqbolli boshqaruv kadrlari zaxirasini shakllantirish.
3. Tanlov qonuniylik, xolislik, shaffoflik, kollegiallik va teng huquqlilik tamoyillari asosida oʻtkaziladi.
2-bob. Tanlovni tashkil etish va oʻtkazish
4. Tanlovni Oʻzbekiston Respublikasi Prezidenti huzuridagi Davlat boshqaruvi akademiyasi (keyingi oʻrinlarda — Akademiya) tomonidan Oʻzbekiston Respublikasi Oliy taʼlim, fan va innovatsiyalar vazirligi, Raqamli texnologiyalar vazirligi bilan hamkorlikda tashkil qiladi va oʻtkazadi.
(4-band Oʻzbekiston Respublikasi Prezidentining 2023-yil 3-iyuldagi PF-107-sonli Farmoni tahririda — Qonunchilik maʼlumotlari milliy bazasi, 04.07.2023-y., 06/23/107/0441-son)
5. Tanlov ushbu Nizomning 1-ilovasida keltirilgan nominatsiyalar boʻyicha har 3 yilda bir marta tashkil etiladi.
6. Tanlov mazkur Nizomning 2-ilovasiga muvofiq sxema boʻyicha quyidagi toʻrt bosqichda oʻtkaziladi:
tashkiliy bosqich (1-bosqich);
onlayn saralash (2-bosqich);
bevosita tur (3-bosqich);
final (4-bosqich).
7. Tanlovning tashkiliy bosqichi quyidagilarni oʻz ichiga oladi:
Tanlovni tashkil etish va oʻtkazish respublika komissiyasi (keyingi oʻrinlarda — Respublika komissiyasi) tomonidan qatnashchilarni saralab olish uchun har bir nominatsiya boʻyicha tanlov komissiyasi tarkibini shakllantirish va tasdiqlash;
tanlov komissiyalari tomonidan qatnashchilarning soʻrovnomalarini oʻrganish uchun ishchi guruhlar tarkiblarini shakllantirish va tasdiqlash. Ishchi guruhlari va ularning aʼzolari tarkibi hamda miqdori har bir nominatsiya boʻyicha berilgan buyurtmalar soniga bogʻliq boʻladi;
onlayn saralash boshlanishidan qadar kamida bir oy oldin tanlovni oʻtkazish sanasi va shartlari toʻgʻrisida ommaviy axborot vositalari, shuningdek, “Taraqqiyot” veb-portali (keyingi oʻrinlarda — veb-portal)da davlat tili va rus tilida eʼlon berish.
8. Tanlovning onlayn saralashbosqichi quyidagilarni oʻz ichiga oladi:
a) qatnashchilarni veb-portalda elektron tarzda roʻyxatga olish.
Tanlovda ishtirok etish uchun veb-portalda tayanch oliy maʼlumotga va tegishli sohada rahbarlik lavozimida kamida 3 yil ish tajribasiga ega, 30 yoshdan 45 yoshgacha boʻlgan(45 yosh ham qoʻshilgan holda) Oʻzbekiston Respublikasi fuqarolari roʻyxatdan oʻtishi mumkin.
Talabgorning veb-portalda roʻyxatdan oʻtishiuning tanlovni oʻtkazish qoidalari bilan tanishganligi va ularni toʻliq maʼqullashini tasdiqlaydi. Har bir tanlov qatnashchisi faqat bir marta va bitta nominatsiya boʻyicha roʻyxatdan oʻtishi mumkin;
b) roʻyxatga olingan qatnashchilar tomonidan veb-portaldaonlayn buyurtmanoma berish va tanlovda ishtirok etish uchun soʻrovnomalarni toʻldirish.
Tanlov qatnashchilari tomonidan taqdim etiladigan buyurtmanoma qaysi nominatsiyaga taalluqli ekanligini ular mustaqil ravishda tanlaydilar. Ishchi guruh buyurtmanomalarni koʻrib chiqishda ishtirokchi tomonidan soʻrovnomada koʻrsatilgan tegishli sohadagi ish tajribasiga qarab nominatsiyani oʻzgartirishni tavsiya etishga haqlidir.
Tanlov qatnashchilari soʻrovnomada belgilangan shaklga muvofiq haqqoniymaʼlumotlarni koʻrsatishi shart. Soʻrovnomaga bila turib yolgʻon axborotni kiritish ishtirokchini tanlovdan chetlatish uchun asos boʻladi.
Talabgorlar tomonidan tanlovda qatnashishga buyurtma berish uchun soʻrovnomaning shakli Akademiya rektorining buyrugʻi bilan tasdiqlanadi;
v) soʻrovnomalarni oʻrganish hamda intellekt darajasini aniqlash testi (IQ-test), psixologik barqarorlik va chet tillarni bilish darajasini aniqlash sinovlari uchun ishtirokchilarni saralab olish. Bunda, ishchi guruhlar aʼzolari tanlov ishtirokchilaridan soʻrovnomada koʻrsatilgan maʼlumotlar tasdiqlanishini talab qilish huquqiga ega;
g) saralab olingan qatnashchilarning roʻyxatini veb-portalda eʼlon qilish, bunda intellekt darajasini aniqlash testi (IQ-test), psixologik barqarorlik va chet tillarni bilish darajasini aniqlash sinovlari oʻtkazilgan sana koʻrsatiladi;
d) ishtirokchilarning intellekt darajasini aniqlash testi (IQ-test), psixologik barqarorlik va chet tillarni bilish darajasini aniqlash sinovlarini oʻtkazish. Uning yakunlari boʻyicha olingan natijalar asosidatanlov komissiyalari oʻtish ballarini belgilaydi. Oʻtish ballarini toʻplagan ishtirokchilar siyosiy-huquqiy va ijtimoiy-iqtisodiy islohotlar sohasidagi bilim darajasini aniqlash boʻyicha testlarga qoʻyiladi;
e) siyosiy-huquqiy va ijtimoiy-iqtisodiy islohotlar sohasidagi bilim darajasini aniqlash boʻyicha testlarga qoʻyilgan ishtirokchilarning roʻyxatini va uni oʻtkazish sanasini veb-portalda eʼlon qilish;
j) siyosiy-huquqiy va ijtimoiy-iqtisodiy islohotlar sohasida bilim darajasini aniqlash boʻyicha test sinovini oʻtkazish. Uning yakunlari boʻyicha olingan natijalar asosida tanlov komissiyalari oʻtish ballarini belgilaydi. Oʻtish ballarini toʻplagan ishtirokchilar bevosita turga qoʻyiladi;
z) bevosita turga qoʻyilgan ishtirokchilar roʻyxatini, uni oʻtkazish sanasi va joyini veb-portalda eʼlon qilish.
9. Ishtirokchilarning intellekt darajasi (IQ-test), psixologik barqarorlik, chet tillarni bilish hamda siyosiy-huquqiy va ijtimoiy-iqtisodiy islohotlar sohasidagi bilim darajasini aniqlash test sinovlari respublika mintaqalarida markazlashtirilgan tartibda onlayn rejimida oʻtkaziladi.
10. CEFR (Common European Framework of Reference) boʻyicha kamida V2 darajasiga, IELTS (International English Language Testing System) boʻyicha 5,5 ballga yoki TOEFL (Test of English as a Foreign Language) boʻyicha 72 ballga muvofiq keladigan chet tilini egallaganlikni rasmiy ravishda tasdiqlovchi amaldagi xalqaro sertifikatga ega boʻlgan tanlov ishtirokchilari chet tillarni bilish boʻyicha test sinovidan ozod qilinadi. Ushbu ishtirokchilar uchun maksimal ball qoʻyiladi.
11. Tanlovning bevosita turi quyidagilarni oʻz ichiga oladi:
a) ishtirokchilar tomonidan nominatsiyaga qarab tanlangan mavzularning birida 5 ta masala boʻyicha yozma tahliliy maʼruza tayyorlash, unda tegishli soha (tarmoq)ning bugungi holati tahlil qilinishi va uni yanada rivojlantirish boʻyicha aniq takliflar berilishi kerak.
Tanlov komissiyalari ishtirokchilarning tahliliy maʼruzalarini baholash yakunlari boʻyicha:
olingan natijalar asosida tegishli nominatsiya uchun oʻtish ballarini belgilaydi;
qatnashchilardan uch yuz nafarini(har bir nominatsiya boʻyicha kamida 18 kishi) saralab oladi;
Oldingi tahrirga qarang.
(11-bandning “b” kichik bandi Oʻzbekiston Respublikasi Prezidentining 2019-yil 20-fevraldagi PQ-4200-sonli qaroriga asosan chiqarilgan — Qonun hujjatlari maʼlumotlari milliy bazasi, 21.02.2019-y., 07/19/4200/2643-son)
v) tashkilotchilik qobiliyatlari va boshqaruvchilik salohiyatini aniqlash yuzasidan ishtirokchilarni yozma test sinovidan oʻtkazish.
Tanlov komissiyalari tashkilotchilik qobiliyatlari va boshqaruvchilik salohiyatini aniqlash yuzasidan yozma test sinovi natijalari boʻyicha finalchilarni aniqlaydi, ularning umumiy soni 150 kishidan oshmasligi lozim.
12. Tanlov finali quyidagilarni oʻz ichiga oladi:
guruhlarda vaziyatli vazifalar yechish;
tanlangan nominatsiya boʻyicha tanlov komissiyalari aʼzolari bilan yakkama-yakka suhbat.
13. Qatnashchilarning guruhlarda vaziyatli vazifalar yechish va yakkama-yakka suhbat natijalarining yigʻindisi boʻyicha 50 nafar qatnashchi tanlov gʻolibi deb topiladi, qolgan 100 nafar finalchi esa tegishli sohada boshqaruv kadrlari zaxirasiga qoʻshiladi.
14. Tanlov komissiyalari tanlov finali yakunlarini umumlashtiradi va ularni Respublika komissiyasiga tasdiqlash uchun taqdim etadi.
15. Tanlov gʻoliblariga eng kam ish haqining 50 baravari miqdorida, boshqaruv kadrlari zaxirasiga kiritilgan qolgan finalchilarga esa — eng kam ish haqining 25 baravari miqdorida bir martalik mukofot puli toʻlanadi.
3-bob. Tanlov ishtirokchilarini baholash va uning gʻoliblarini aniqlash mezonlari
16. Tanlov ishtirokchilarining boshqaruvchilik mahorati darajasi, fikrlashning tizimliligi, yetakchilik sifatlari va oʻzgarishlarga moslashuvchanligi ularni baholash mezonlari hisoblanadi.
17. Respublika komissiyasi tanlov yakunlari chiqarilgan kundan boshlab besh ish kuni ichida uning natijalarini, shuningdek, gʻoliblar hamda finalchilarni mukofotlash joyi va vaqti toʻgʻrisidagi axborotni veb-portalda joylashtiradi.
Oldingi tahrirga qarang.
(18-band Oʻzbekiston Respublikasi Prezidentining 2019-yil 20-fevraldagi PQ-4200-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 21.02.2019-y., 07/19/4200/2643-son)
19. Tanlov gʻoliblari tegishli yoʻnalishlar boʻyicha davlat tashkilotlarida rahbarlik lavozimlariga tayinlanadi va tanlovning tegishli nominatsiyalari boʻyicha rivojlangan xorijiy mamlakatlarning sohaga oid tashkilotlarida kamida uch oy muddatlik stajirovkadan oʻtadi.
Tanlov final bosqichining qolgan ishtirokchilari tegishli davlat tashkilotlarining boshqaruv kadrlari zaxirasiga kiritiladi, shuningdek ish bilan taʼminlanganidan soʻng, tanlovning tegishli nominatsiyalari boʻyicha rivojlangan xorijiy mamlakatlarning sohaga oid tashkilotlarida kamida bir oy muddatlik stajirovkadan oʻtadi.
Zarur hollarda davlat davlat tashkilotlari oʻz mablagʻlari hisobidan tanlov gʻoliblari va final bosqichi ishtirokchilarini xorijiy mamlakatlarning sohaga oid tashkilotlarida stajirovkaga yuborishdan avval chet tillar boʻyicha intensiv kurslardan oʻtishini taʼminlaydi.
Tanlov gʻoliblarini tegishli rahbarlik lavozimlariga tayinlash, tanlov gʻoliblari va final bosqichi ishtirokchilarini rivojlangan xorijiy mamlakatlarning sohaga oid tashkilotlarida stajirovkadan oʻtishiyuzasidan chora-tadbirlar koʻrish, shuningdek, boshqaruv kadrlari zaxirasiga kiritilgan final bosqichi ishtirokchilarining faoliyatini keyinchalik ularni xizmat boʻyicha koʻtarish yoki rahbarlik lavozimlariga tayinlash uchun monitoring qilish ishlari Oʻzbekiston Respublikasi Prezidenti Administratsiyasining umumiy muvofiqlashtiruvi ostida amalga oshiriladi.
20. Respublika komissiyasi tanlov komissiyalarining taqdimnomasiga koʻra har bir nominatsiya boʻyicha tanlov finali ishtirokchilari va gʻoliblari sonini, shuningdek, taqdim etilgan buyurtmanomalar soniga va tanlov qatnashchilarini saralab olish natijalariga qarab bevosita turda stajirovkadan oʻtish uchun tanlab olingan shaxslar sonini qayta koʻrib chiqishga haqlidir.
4-bob. Tanlov komissiyasi
21. Har bir nominatsiya boʻyicha tuziladigan tanlov komissiyalari tanlovni tashkillashtirish va oʻtkazish yuzasidan ishchi organlari hisoblanadi.
22. Tanlov komissiyasining tarkibi sohadagi vazirliklar, idoralarning mutaxassislaridan, shuningdek, mustaqil ekspertlardan iborat tarkibdashakllantiriladi va Respublika komissiyasi tomonidan tasdiqlanadi.
23. Tanlov komissiyasi tarkibiga komissiya raisi, rais oʻrinbosari, kotibi, shuningdek, uning aʼzolari kiradi. Tanlov komissiyasi aʼzolarining soni toq sondan iborat boʻlishi lozim.
24. Tanlov komissiyasi:
ishtirokchilarning soʻrovnomalarini oʻrganish uchun tuzilgan ishchi guruhlari faoliyatini muvofiqlashtiradi;
talabgorlarni tanlovda ishtirok etishga qoʻyish yoki qoʻymaslik toʻgʻrisida qaror qabul qiladi;
ishtirokchilar tomonidan tanlov boʻyicha sinovlar bajarilishini baholaydi;
ishtirokchilarni tanlovning navbatdagi bosqichlariga qoʻyish, shuningdek, tanlov finalchilari va gʻoliblarini aniqlash toʻgʻrisida qaror qabul qiladi;
tanlov ishtirokchilari tomonidan tanlovni oʻtkazish qoidalarini buzish hollari aniqlangan taqdirda, ularni tanlovdan chetlashtirish toʻgʻrisidagi taqdimnomalarni, shuningdek, tanlovga oid sinovlarni oʻtkazish tartib-qoidalarini takomillashtirish boʻyicha takliflarni Respublika komissiyasiga kiritadi.
25. Tanlov komissiyasining yigʻilishi uning aʼzolari umumiy sonining kamida uchdan ikki qismi ishtirok etgan taqdirda vakolatli hisoblanadi.
26. Tanlov komissiyasining qarorlari aʼzolarning oddiy koʻpchilik ovozi bilan qabul qilinadi. Ovozlar teng kelib qolgan hollarda raisning ovozi hal qiluvchi hisoblanadi.
27. Tanlov komissiyasi qarorlari ikki nusxada tuziladigan va yigʻilishda ishtirok etgan barcha aʼzolar tomonidan imzolanadigan bayonnomalar bilan rasmiylashtiriladi.
28. Tanlov komissiyalarining faoliyatini tashkiliy-texnik jihatdan taʼminlash Akademiya tomonidan amalga oshiriladi.
5-bob. Apellyatsiya komissiyasi
29. Tanlovni oʻtkazish bilan bogʻliq shikoyat va arizalarni koʻrib chiqish uchun Respublika komissiyasining qarori bilan apellyatsiya komissiyasi tuziladi.
Apellyatsiya komissiyasining shaxsiy tarkibi va ish reglamenti Respublika komissiyasi tomonidan belgilanadi.
30. Apellyatsiya komissiyasiga ariza har bir tanlov bosqichida nazarda tutilgan sinovlarning natijalari eʼlon qilingandan soʻng uch kun ichida taqdim etiladi.
31. Apellyatsiya komissiyasi qabul qilingan arizani uch kun mobaynida koʻrib chiqishi va arizachining hozirligida asoslantirilgan qaror qabul qilishi lozim.
6-bob. Yakunlovchi qoida
32. Ushbu Nizom talablarini buzishda aybdor boʻlgan shaxslar qonunchilikka muvofiq javobgar boʻladi.
LexUZ sharhi2-ilova norasmiy tarjima..
Istiqbolli boshqaruv kadrlarini tanlab olish boʻyicha “Taraqqiyot” respublika tanlovini tashkil etish va oʻtkazish tartibi toʻgʻrisidagi Nizomga
1-ILOVA
1-ILOVA
Istiqbolli boshqaruv kadrlarini tanlab olish boʻyicha “Taraqqiyot” respublika tanlovining nominatsiyalari
ROʻYXATI
|
T/r |
Nominatsiya nomi |
Gʻoliblar soni |
|
1. |
Davlat va jamiyat boshqaruvi sohasidagi eng yaxshi boshqaruvchi |
3 |
|
2. |
Sud-huquq sohasidagi eng yaxshi boshqaruvchi |
3 |
|
3. |
Moliya-kredit sohasidagi eng yaxshi boshqaruvchi |
3 |
|
4. |
Sanoat sohasidagi eng yaxshi boshqaruvchi |
3 |
|
5. |
Axborot texnologiyalari va kommunikatsiyalari sohasidagi eng yaxshi boshqaruvchi |
4 |
|
6. |
Qishloq va suv xoʻjaligi sohasidagi eng yaxshi boshqaruvchi |
3 |
|
7. |
Arxitektura va qurilish sohasidagi eng yaxshi boshqaruvchi |
3 |
|
8. |
Kommunal xoʻjalik sohasidagi eng yaxshi boshqaruvchi |
3 |
|
9. |
Soliq va bojxona sohasidagi eng yaxshi boshqaruvchi |
3 |
|
10. |
Ekologiya va atrof-muhitni muhofaza qilish sohasidagi eng yaxshi boshqaruvchi |
3 |
|
11. |
Taʼlim, fan va innovatsiyalar |
3 |
|
12. |
Sogʻliqni saqlash |
3 |
|
13. |
Madaniyat, sanʼat va sport sohasidagi eng yaxshi boshqaruvchi |
3 |
|
14. |
Tashqi siyosat, tashqi iqtisodiy faoliyat va turizm sohasidagi eng yaxshi boshqaruvchi |
4 |
|
15. |
Makroiqtisodiyot va hududiy rivojlanish sohasidagi eng yaxshi boshqaruvchi |
3 |
|
16. |
Transport va logistika sohasidagi eng yaxshi boshqaruvchi |
3 |
|
Jami: |
50 | |
LexUZ sharhi1-ilova norasmiy tarjima..
Istiqbolli boshqaruv kadrlarini tanlab olish boʻyicha “Taraqqiyot” respublika tanlovini tashkil etish va oʻtkazish tartibi toʻgʻrisidagi Nizomga
2-ILOVA
2-ILOVA
Istiqbolli boshqaruv kadrlarini tanlab olish boʻyicha “Taraqqiyot” respublika tanlovini oʻtkazish
SXEMASI
|
Bosqichlar |
Tadbirlar |
Muddat |
|
I bosqich. Tashkiliy bosqich |
Tanlovni tashkil etish va oʻtkazish respublika komissiyasi tomonidan qatnashchilarni saralab olish uchun har bir nominatsiya boʻyicha tanlov komissiyasi tarkibini shakllantirish va tasdiqlash |
1-sentabrga qadar |
|
Tanlov komissiyalari tomonidan qatnashchilarning soʻrovnomalarini oʻrganish uchun ishchi guruhlar tarkiblarini shakllantirish va tasdiqlash | ||
|
onlayn saralash boshlanishidan qadar kamida bir oy oldin tanlovni oʻtkazish sanasi va shartlari toʻgʻrisida ommaviy axborot vositalari, shuningdek, veb-portalda davlat tili va rus tilida eʼlon berish | ||
|
II bosqich. Onlayn saralash |
Qatnashchilarni veb-portalda elektron tarzda roʻyxatga olish |
30-oktabrga qadar |
|
Roʻyxatga olingan qatnashchilar tomonidan veb-portalda onlayn buyurtmanoma berish va tanlovda ishtirok etish uchun soʻrovnomalarni toʻldirish | ||
|
Soʻrovnomalarni oʻrganish hamda intellekt darajasini aniqlash testi (IQ-test), psixologik barqarorlik va chet tillarni bilish darajasini aniqlash sinovlari uchun ishtirokchilarni saralab olish |
10 — 20-noyabr | |
|
Saralab olingan qatnashchilarning roʻyxatini veb-portalda eʼlon qilish, bunda intellekt darajasini aniqlash testi (IQ-test), psixologik barqarorlik va chet tillarni bilish darajasini aniqlash sinovlari oʻtkazilgan sana koʻrsatiladi |
20-noyabr | |
|
Ishtirokchilarning intellekt darajasini aniqlash testi (IQ-test), psixologik barqarorlik va chet tillarni bilish darajasini aniqlash sinovlarini onlayn tarzda oʻtkazish |
25 — 30-noyabr | |
|
Siyosiy-huquqiy va ijtimoiy-iqtisodiy islohotlar sohasidagi bilim darajasini aniqlash boʻyicha testlarga qoʻyilgan ishtirokchilarning roʻyxatini va uni oʻtkazish sanasini veb-portalda eʼlon qilish |
30-noyabr | |
|
Siyosiy-huquqiy va ijtimoiy-iqtisodiy islohotlar sohasida bilim darajasini aniqlash boʻyicha test sinovini oʻtkazish |
1 — 5-dekabr | |
|
Bevosita turga qoʻyilgan ishtirokchilar roʻyxatini, uni oʻtkazish sanasi va joyini veb-portalda eʼlon qilish |
5-dekabr | |
|
III bosqich. Bevosita tur |
Ishtirokchilar tomonidan nominatsiyaga qarab tanlangan mavzularning birida 5 ta masala boʻyicha yozma tahliliy maʼruza tayyorlash. 300 ishtirokchi saralab olinadi |
15 — 25-dekabr |
|
Tashkilotchilik qobiliyatlari va boshqaruvchilik salohiyatini aniqlash yuzasidan ishtirokchilarni yozma test sinovidan oʻtkazish. 300 ishtirokchidan koʻpi bilan 150 nafar final ishtirokchisi aniqlab olinadi |
25-fevral — 2-mart | |
|
IV bosqich. Final |
Final ishtirokchilari tomonidan guruhlarda vaziyatli vazifalar yechish |
5 — 10-mart |
|
Tanlangan nominatsiya boʻyicha tanlov komissiyalari aʼzolari bilan yakkama-yakka suhbat |
15 — 20-mart | |
|
Har bir nominatsiya boʻyicha gʻoliblarni aniqlash (jami 50 nafar). Respublika komissiyasi tomonidan tanlov natijalarini veb-portalda eʼlon qilish |
25-martga qadar | |
|
Tanlov gʻoliblarini davlat va xoʻjalik boshqaruvi organlari, mahalliy ijro etuvchi hokimiyat organlari, boshqa davlat organlari va tashkilotlarida tegishli yoʻnalishlar boʻyicha rahbar lavozimlariga tayinlash |
1-iyunga qadar | |
|
Tanlov gʻoliblarining dastlab chet tillar boʻyicha intensiv kurslarda oʻqishi va rivojlangan xorijiy mamlakatlarning sohaga oid tashkilotlarida stajirovkadan oʻtishi |
1-dekabrga qadar | |
|
Tanlov final bosqichi qolgan ishtirokchilarining dastlab chet tillar boʻyicha intensiv kurslarda oʻqishi va rivojlangan xorijiy mamlakatlarning sohaga oid tashkilotlarida stajirovkadan oʻtishi |
Belgilangan tartibda ishga joylashtirilgandan soʻng |
LexUZ sharhi2-ilova norasmiy tarjima..
(Qonun hujjatlari maʼlumotlari milliy bazasi, 31.05.2018-y., 07/18/3755/1285-son; 21.02.2019-y., 07/19/4200/2643-son, 14.12.2019-y., 06/19/5894/4161-son; 04.07.2023-y., 06/23/107/0441-son)
