708-сон 03.05.2018. Toshkent shahri qabristonlarida goʻr qazish va marosim xizmatlari uchun pulli xizmatlar koʻrsatish tariflarini belgilash toʻgʻrisida

Toshkent shahar hokimining

Qarori

Toshkent shahri qabristonlarida goʻr qazish va marosim xizmatlari uchun pulli xizmatlar koʻrsatish tariflarini belgilash toʻgʻrisida

“Mahalliy davlat hokimiyati toʻgʻrisida”gi Oʻzbekiston Respublikasi Qonunining 25-moddasiga (Oʻzbekiston Respublikasi Oliy Kengashining Axborotnomasi, 1993-y., 9-son, 320-modda), “Dafn etish va dafn ishi toʻgʻrisida”gi Oʻzbekiston Respublikasi Qonunining 15-moddasiga (“Oʻzbekiston Respublikasi qonun hujjatlari toʻplami”, 2010-y., 52-son, 508-modda), Oʻzbekiston Respublikasi Vazirlar Mahkamasining 2011-yil 4-apreldagi 101-son qarori bilan tasdiqlangan “Dafn etish joylarini saqlash, ulardan foydalanish va qabr usti yodgorliklarini oʻrnatish tartibi toʻgʻrisida”gi Nizomning 8-bandi (“Oʻzbekiston Respublikasi qonun hujjatlari toʻplami”, 2011-y., 14-son, 138-modda), Toshkent shahar hokimligining kapital qurilish, kommunikatsiyalar va kommunal xoʻjalik masalalari majmuasining bildirgisi hamda Toshkent shahar Obodonlashtirish bosh boshqarmasi huzuridagi Fuqarolarga xizmat koʻrsatish boshqarmasining 2018-yil 30-yanvardagi 10-5/150-son murojaat xatini inobatga olib, qaror qilaman:

1. Toshkent shahri qabristonlarida goʻr qazish va marosim xizmatlari uchun pulli xizmatlar koʻrsatish tariflari ilovaga muvofiq belgilansin.

2. Toshkent shahar Obodonlashtirish bosh boshqarmasi (A. Karimov), Fuqarolarga xizmat koʻrsatish boshqarmasi (S. Ibragimov), mazkur qaror bilan belgilangan Toshkent shahri qabristonlarida goʻr qazish va marosim xizmatlari uchun pulli xizmatlar koʻrsatish tariflari Toshkent shahar va Toshkent viloyati hududida joylashgan Toshkent shahriga tegishli qabristonlarda bir xilda qoʻllanilishi hamda koʻrinarli joylariga oʻrnatilishi taʼminlansin.

3. Toshkent shahar hokimining 2016-yil 28-yanvardagi “Toshkent shahri qabristonlarida goʻr qazish va marosim xizmatlari uchun pulli xizmatlar koʻrsatish tariflarini belgilash toʻgʻrisida”gi 74-sonli qarori ushbu qaror qabul qilinishi munosabati bilan oʻz kuchini yoʻqotgan deb hisoblansin.

4. “Vecherniy Tashkent” va “Toshkent oqshomi” gazetalari tahririyati (A. Akromov), Toshkent shahar hokimligi Axborot xizmati (X. Ergashev), “Kompyuterlashtirish markazi” DUK (M. Asomov), mazkur qaror rasmiy eʼlon qilinishini va www.toshkent.uz veb-saytiga joylashtirilishini taʼminlasin.

5. Mazkur qaror rasmiy eʼlon qilingan kundan eʼtiboran kuchga kiradi.

6. Ushbu qaror ijrosini nazorat qilish Toshkent shahar hokimining birinchi oʻrinbosari N. Maksumov zimmasiga yuklatilsin.

Hokim v.b. J. ARTIKXODJAYEV

Toshkent sh.,

2018-yil 3-may,

708-son

Toshkent shahar hokimining 2018-yil 3-maydagi 708-son qaroriga
ILOVA

Toshkent shahri qabristonlarida goʻr qazish va marosim xizmatlari uchun pulli xizmatlar koʻrsatish

TARIFLARI

T/r	Xizmat turlari	Oʻlchov birligi	Narxi (soʻm)
1.	Tegishli diniy konfessiya qabristonlarida fuqarolarga (tashkilotlarga) dafn uchun uchastkalar berish	m²	bepul
2.	Anʼanaviy musulmoncha goʻr qazish:
	katta (1x1 metr chuqurligi 1,5 metrlik* ayvon, qibla tomon chap burchagidagi 0,5 x 0,6 metrlik tuynuk, tuynuk orqali uzunligi 2 metr, eni 1 metr va balandligi 1,1 metrlik laxat)	1 goʻr	92 000
	oʻrtacha (1x1 metr chuqurligi 0,8 — 1,2 metrlik* ayvon, qibla tomon chap burchagidagi 0,5 x 0,6 metrlik tuynuk, tuynuk orqali uzunligi 0,8 — 1,5 metr, eni 0,6 — 0,7 va balandligi 0,6 metrlik laxat)	1 goʻr	63 500
	kichik (0,6 x 0,8 metr chuqurligi 0,7 — 0,8 metrlik* ayvon, qibla tomon chap burchagidagi 0,3 x 0,4 metrlik tuynuk, tuynuk orqali uzunligi 1-1,4 metr, eni 0,4 — 0,5 va balandligi 0,4 metrlik laxat)	1 goʻr	35 000
3.	Qabristonlarda boshqa dinga mansublar uchun goʻr qazish:
	katta (uzunligi 2 metr, eni 1 metr, chuqurligi 1,5 metr* tobut (grob) qopqogʻigacha)	1 goʻr	69 000
	oʻrtacha (uzunligi 1,4 — 1,6 metr, eni 0,7 — 0,8 metr, chuqurligi 1,5 metr* tobut (grob) qopqogʻigacha)	1 goʻr	54 000
	kichik (uzunligi 1 — 1,3 metr, eni 0,5 — 0,6 metr, chuqurligi 1 — 1,5 metr* tobut (grob) qopqogʻigacha)	1 goʻr	35 000
4.	Raqamli ustuncha	dona	20 500
5.	Betonli ustuncha (1,3 metr x 0,2 metr x 0,1 metr)	dona	29 000
6.	Musulmon diniga mansublar uchun tobutlar tayyorlash :*	dona
	1,5 metr	dona	923 000
	1,9 metr	dona	967 000
	2,2 metr	dona	1563 000
7.	Sartaxta***	dona	676 000
8.	Taxtalik tobut (grob) tayyorlash :**
	1,0 — 1,4 metr	dona	131 000
	1,5 — 1,6 metr	dona	244 000
	1,7 — 1,75 metr	dona	261 000
	1,8 — 1,85 metr	dona	287 000
	1,9 — 2,2 metr	dona	305 000
9.	Taxtalik transport qutisi tayyorlash :**
	1,0 — 1,4 metr	dona	258 000
	1,5 — 1,6 metr	dona	464 000
	1,7 — 1,75 metr	dona	504 000
	1,8 — 1,85 metr	dona	538 000
	1,9 — 2,2 metr	dona	573 000
10.	Zichlangan tola qogʻozlik tobut (grob) tayyorlash :**
	0,65 metr	dona	55 500
	0,8 metr	dona	59 000
	1,0 — 1,4 metr	dona	93 000
	1,5 — 1,6 metr	dona	130 000
	1,7 — 1,75 metr	dona	137 000
	1,8 — 1,85 metr	dona	153 000
	1,9 — 2,2 metr	dona	160 000
11.	Zichlangan tolali qogʻozdan tayyorlangan tobutni (grob) ruhlangan tunuka bilan qoplash:
	1,0 — 1,4 metr	dona	137 000
	1,5 — 1,6 metr	dona	246 500
	1,7 — 1,75 metr	dona	268 000
	1,8 — 1,85 metr	dona	286 000
	1,9 — 2,2 metr	dona	304 000
12.	Ruhlangan tobutlar (grob) uchun taxta sinchli zichlangan tolali qogʻozdan transport qutisi tayyorlash :**
	1,0 — 1,4 metr	dona	178 500
	1,5 — 1,6 metr	dona	320 500
	1,7 — 1,75 metr	dona	348 000
	1,8 — 1,85 metr	dona	372 000
	1,9 — 2,2 metr	dona	395 500
13.	Yogʻochli xoch (krest)***	dona	306 000
14.	Tobutni bezash (Gazlama bilan qoplash)		19 000
15.	Burama hoshiya qoqish	dona	15 000
16.	Qopqogʻiga tasmali xoch qoqish	dona	10 000
17.	Maxsus transportdan foydalanish:
	PAZ — 672, “OTAYOL” M — 24, “FOTON”	1 soat	44 500
18.	Marmarga ishlov berish:
	Boʻrttirib yozish (bitta harf)	dona	3 000
	Oʻyib yozish (bitta harf)	dona	2 000
	Ramka oʻyish	dona	14 000
	Oddiy belgi (emblema) oʻyish	dona	13 500
	Murakkab belgi (emblema) oʻyish	dona	18 500
	Yodgorlik toshni raxini olish	metr	2 500
	Qoziq tayyorlash	metr	11 000
	Teshik oʻyish	dona	10 000
	Yodgorliklarni pardozlash	m²	56 000
19.	Yodgorlikni qabr ustidan buzib olish	toʻplam	200 000
20.	Yodgorlik oʻrnatish	toʻplam	300 000
21.	Qabr ustiga qalinligi 16 santimetrlik beton maydonni tayyorlash	m²	130 000
22.	Beton maydonni marmar bilan qoplash	m²	90 000
23.	Marmardan toʻsiqlar tayyorlash va oʻrnatish :**
	Marmardan toʻsiqlarni oʻrnatish	metr	64 000
	1 x 0,12x0,12	metr	42 000
	1 x 0,12 x 0,10	metr	37 000
	1 x 0,10x0,10	metr	34 500
	1 x 0,10x0,09	metr	32 000
24.	Gulchambarlar tayyorlash:
	katta romb (1,8 x 0,8 metr)	dona	129 000
	kichik romb (1,25 x 0,75 metr)	dona	77 000
	kichik romb (1,25 x 0,75 metr) (sunʼiy gullardan)	dona	77 000
	oysimon (1,8 x 0,8 metr)	dona	145 000
	dumaloq (1,6 x 1,2 metr)	dona	175 000
25.	Esdalik tasma tayyorlash	dona	12 000
26.	Eksgumatsiya ishlarini amalga oshirish:
	Fuqarolar arizasiga asosan va tegishli mutasaddi tashkilotlarning ruxsati bilan	1 qabr	69 000
	Oʻzbekiston Respublikasining Jinoyat-protsessual kodeksida belgilangan tartibda	1 qabr	bepul

Izoh:

* Qabrning chuqurligini belgilashda dafn etish usuli, diniy xususiyatlar va mahalliy tuproq-iqlim sharoitlari hisobga olinadi.

** Yogʻoch va marmar hom-ashyolaridan tayyorlanadigan mahsulot turlari “Terak daraxti” va “Zichlangan tolali qogʻozdan” hamda “Mahalliy oqish marmar” turlaridan foydalaniladi.

*** Yogʻoch xom ashyolaridan tayyorlanadigan mahsulot turlari “Qaragʻay daraxti”dan foydalaniladi.

(Qonun hujjatlari maʼlumotlari milliy bazasi, 29.05.2018-y., 11/18/708/1246-son)