1.07.00.00.00 Moliya va kredit toʻgʻrisidagi qonunchilik. Bank faoliyati / 07.19.00.00 Bank tizimi / 07.19.02.00 Tijorat banklari. Xususiy banklar. Xorijiy banklar]
[TSZ:
1.Moliya / Banklar va boshqa kredit muassasalari. Kreditlar]
Oʻzbekiston Respublikasi Markaziy banki Boshqaruvining
Qarori
Tijorat banklarining Oʻzbekiston Respublikasi Markaziy bankida depozitga oʻtkaziladigan majburiy rezervlari toʻgʻrisidagi nizomni tasdiqlash haqida
[Oʻzbekiston Respublikasi Adliya vazirligi tomonidan 2018-yil 25-aprelda roʻyxatdan oʻtkazildi, roʻyxat raqami 3002]
Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi, “Banklar va bank faoliyati toʻgʻrisida”gi qonunlari, Oʻzbekiston Respublikasi Prezidentining 2018-yil 9-yanvardagi PF-5296-son “Oʻzbekiston Respublikasi Markaziy bankining faoliyatini tubdan takomillashtirish chora-tadbirlari toʻgʻrisida”gi Farmoni va 2017-yil 13-sentabrdagi PQ-3272-son “Pul-kredit siyosatini yanada takomillashtirish chora-tadbirlari toʻgʻrisida”gi qaroriga muvofiq Oʻzbekiston Respublikasi Markaziy banki Boshqaruvi qaror qiladi:
1. Tijorat banklarining Oʻzbekiston Respublikasi Markaziy bankida depozitga oʻtkaziladigan majburiy rezervlari toʻgʻrisidagi nizom ilovaga muvofiq tasdiqlansin.
2. Mazkur qaror 2018-yil 1-iyundan kuchga kiradi.
Markaziy bank raisi M. NURMURATOV
Toshkent sh.,
2018-yil 31-mart,
12/8-son
Oʻzbekiston Respublikasi Markaziy banki Boshqaruvining 2018-yil 31-martdagi 12/8-sonli qaroriga ILOVA
Tijorat banklarining Oʻzbekiston Respublikasi Markaziy bankida depozitga oʻtkaziladigan majburiy rezervlari toʻgʻrisidagi
NIZOM
Mazkur Nizom Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi, “Banklar va bank faoliyati toʻgʻrisida”gi qonunlari, Oʻzbekiston Respublikasi Prezidentining 2018-yil 9-yanvardagi PF-5296-son “Oʻzbekiston Respublikasi Markaziy bankining faoliyatini tubdan takomillashtirish chora-tadbirlari toʻgʻrisida”gi Farmoni va Oʻzbekiston Respublikasi Prezidentining 2017-yil 13-sentabrdagi PQ-3272-son “Pul-kredit siyosatini yanada takomillashtirish chora-tadbirlari toʻgʻrisida”gi qaroriga muvofiq tijorat banklari (bundan buyon matnda — banklar deb yuritiladi) tomonidan majburiy rezervlarni hisoblash va Oʻzbekiston Respublikasi Markaziy bankida (bundan buyon matnda — Markaziy bank deb yuritiladi) depozitga oʻtkazish tartibini belgilaydi.
1. Mazkur Nizomda quyidagi asosiy tushunchalardan foydalaniladi:
majburiy rezervlar — banklar tomonidan Markaziy bankda alohida ochilgan hisobvaraqqa majburiy tartibda milliy valyuta va chet el valyutasida depozitga oʻtkazilgan pul mablagʻlari;
rezerv shakllantiriladigan majburiyatlar — banklarning mazkur Nizomning 1-ilovasida roʻyxati keltirilgan milliy valyuta va chet el valyutalaridagi majburiyatlari;
majburiy rezervlar normativi — Markaziy bank tomonidan bankning rezerv shakllantiriladigan majburiyatlariga nisbatan oʻrnatiladigan foiz miqdori;
majburiy rezervlarning normativ miqdori — banklar tomonidan Markaziy bankka oʻtkazilishi lozim boʻlgan majburiy rezervlar hajmi. Majburiy rezervlarning normativ miqdori rezerv shakllantiriladigan majburiyatlarning hisob-kitob davridagi oʻrtacha miqdoriga majburiy rezervlar normativini koʻpaytirish orqali hisoblanadi;
oʻrtachalash koeffitsiyenti — milliy valyutadagi majburiy rezervlar normativ miqdorining Markaziy bankdagi vakillik hisobvaragʻida saqlanadigan oʻrtachalashtirilgan miqdorini aniqlashda foydalaniladigan qiymati 0 dan 1 gacha boʻlgan koeffitsiyent;
majburiy rezervlarning oʻrtachalashtirilgan miqdori — banklar tomonidan milliy valyutadagi majburiy rezervlarning normativ miqdoriga nisbatan oʻrtachalash koeffitsiyentini qoʻllash orqali hisoblangan hamda banklarning Markaziy bankdagi vakillik hisobvaraqlarida saqlash davri mobaynida saqlanishi lozim boʻlgan oʻrtacha hisobdagi pul mablagʻlarining eng kam miqdori;
Markaziy bankka oʻtkazilishi lozim boʻlgan majburiy rezerv mablagʻlari — majburiy rezervlarning normativ miqdoridan chegiriladigan mablagʻlar hamda majburiy rezervlarning oʻrtachalashtirilgan miqdori chegirilgandagi qoldiq;
majburiy rezervlarning hisob-kitob davri — birinchi kuni seshanbadan boshlanib, oxirgi kuni dushanbada tugaydigan oʻn toʻrt kalendar kunidan iborat boʻlgan majburiy rezervlarni hisoblash davri;
majburiy rezervlarni saqlash davri — birinchi kuni payshanbadan boshlanib, oxirgi kuni chorshanbada tugaydigan oʻn toʻrt kalendar kunidan iborat boʻlgan majburiy rezervlarni saqlash davri.
2. Majburiy rezervlar normativi hamda oʻrtachalash koeffitsiyenti Markaziy bank Boshqaruvi qarori bilan oʻrnatiladi va rezerv shakllantiriladigan majburiyatlarning turi, valyutasi va muddatiga bogʻliq boʻladi.
4. Majburiy rezervlar boʻyicha banklarga foizlar toʻlash haqidagi qaror Markaziy bank Boshqaruvi tomonidan Markaziy bankning Kredit qoʻmitasi taklifiga asosan respublika iqtisodiyotidagi vaziyat, bank tizimidagi likvidlik holati va monetar siyosatning asosiy yoʻnalishlaridan kelib chiqqan holda qabul qilinadi.
5. Banklarning boshqa davlatlar hududida roʻyxatga olingan boʻlinmalarining majburiy rezervlarini hisoblash va depozitga oʻtkazish ushbu davlatlar qonunchiligiga muvofiq amalga oshiriladi.
6. Milliy valyutadagi majburiyatlar boʻyicha majburiy rezervlar milliy valyutada Markaziy bankdagi rezident banklarning majburiy rezerv hisobvaragʻiga pul oʻtkazish yoki Markaziy bankdagi vakillik hisobvaragʻida oʻrtachalashtirilgan miqdorni ushlab turish orqali shakllantiriladi.
Chet el valyutasidagi majburiyatlar boʻyicha majburiy rezervlar chet el valyutasida Markaziy bankdagi rezident banklarning majburiy rezerv hisobvaragʻiga pul oʻtkazish orqali shakllantiriladi.
8. Chet el valyutasidagi mablagʻlarni majburiy rezervlarga depozitga oʻtkazish AQSH dollari, yevro, Angliya funt sterlingi, Shveysariya franki, Yaponiya iyenasi va Xitoy yuanida hisob-kitob davrining oxirgi kunida amal qilgan Markaziy bankning rasmiy kursi boʻyicha kross kurs asosida amalga oshirilishi mumkin.
2-bob. Majburiy rezervlarni hisoblash va depozitga oʻtkazish
9. Har bir hisob-kitob davrining tugashi bilan banklar tomonidan ushbu Nizomning 2-ilovasiga muvofiq shaklda mazkur Nizomning 3-ilovasidagi uslubiy koʻrsatmalar asosida Markaziy bankka depozitga oʻtkazilishi lozim boʻlgan majburiy rezervlar miqdori hisoblanadi.
Markaziy bankda depozitga oʻtkazilishi lozim boʻlgan majburiy rezervlar miqdori majburiy rezervlar normativini rezerv shakllantiriladigan majburiyatlarning hisob-kitob davridagi oʻrtacha miqdoriga koʻpaytirish orqali hisoblanadi.
10. Rezerv shakllantiriladigan milliy valyuta yoki chet el valyutasidagi majburiyatlarning oʻrtacha miqdori hisob-kitob davrining har bir kuni uchun rezerv shakllantiriladigan majburiyatlar hisobvaraqlarining tegishli valyutadagi qoldiqlarini jamlash va ushbu summani hisob-kitob davridagi kalendar kunlari soniga boʻlish orqali aniqlanadi.
Majburiy rezervlarning normativ miqdoridan chegiriladigan mablagʻlarning oʻrtacha miqdori hisob-kitob davrining har bir kuni uchun chegiriladigan hisobvaraqlarining tegishli valyutadagi qoldiqlarini jamlash va ushbu summani hisob-kitob davridagi kalendar kunlari soniga boʻlish orqali hisoblanadi.
Bayram va dam olish kunlari uchun ushbu kunlardan oldingi oxirgi ish kunining rezerv shakllantiriladigan majburiyatlar hisobvaraqlarining balans qoldiqlari olinadi.
11. Majburiy rezervlar hisob-kitobini Markaziy bankka taqdim qilish va qoʻshimcha ravishda majburiy rezervlar hisobvaragʻiga depozitga oʻtkazish lozim boʻlgan summalarni oʻtkazish banklar tomonidan hisob-kitob davri tugagan kundan keyingi uch ish kuni mobaynida amalga oshiriladi.
12. Majburiy rezervlarga ortiqcha mablagʻlar oʻtkazilganda, majburiy rezervlar hisob-kitobi taqdim etilgan kundan keyingi ikki ish kuni mobaynida, ortiqcha mablagʻlar Markaziy bank tomonidan bankka qaytariladi.
13. Majburiy rezervlar hisob-kitobi banklar tomonidan Markaziy bankka elektron pochta orqali belgilangan tartibda elektron raqamli imzo bilan imzolangan holda yoʻllanishi shart.
14. Majburiy rezervlar hisob-kitobi va taqdim qilingan hujjatlarning mazkur Nizom talablariga muvofiqligini tekshirish maʼlumotlar toʻliqligini, arifmetik hisob-kitoblarning toʻgʻriligini hamda hujjatlarda qayd qilingan maʼlumotlarning banklarning hisob-kitob davridagi buxgalterlik balansiga mos kelishini aniqlash orqali amalga oshiriladi.
Hujjatlarda yaxlitlash va almashuv kursi oʻzgarishi natijasida yuzaga keladigan farq boʻlishiga yoʻl qoʻyiladi.
15. Keyingi saqlash davri boshlanguniga qadar banklarga Markaziy bankka taqdim etilgan hisob-kitoblar va hujjatlarga tuzatishlar kiritish imkoniyati beriladi. Tuzatish kiritilgan hisob-kitoblar bilan birga tegishli bank boshqaruv raisi tomonidan imzolangan tushuntirish xati taqdim etiladi.
16. Markaziy bankka oʻtkazilgan majburiy rezerv mablagʻlari banklarda 10309 — “Oʻzbekiston Respublikasi Markaziy bankidagi majburiy rezerv hisobvaragʻi”da va Markaziy bankda 21312 — “Rezident banklarning majburiy rezerv hisobvaragʻi”da yuritiladi.
Banklarning 10309 — “Oʻzbekiston Respublikasi Markaziy bankidagi majburiy rezerv hisobvaragʻi”dagi qoldiq Markaziy bankdagi 21312 — “Rezident banklarning majburiy rezerv hisobvaragʻi”dagi mablagʻlar qoldigʻiga teng boʻlishi lozim.
3-bob. Oʻrtachalash koeffitsiyenti qoʻllanilganda majburiy rezervlarni hisob-kitob qilish va depozitga oʻtkazish
17. Markaziy bank tomonidan oʻrtachalash koeffitsiyentini qoʻllash huquqi quyidagi talablarga javob beradigan banklarga beriladi:
majburiy rezervlarni hisob-kitob qilish va Markaziy bankdagi depozitga oʻtkazish tartibiga rioya qilgan;
oʻtgan davrda majburiy rezervlarning oʻrtachalashtirilgan miqdorini banklarning Markaziy bankdagi vakillik hisobvaraqlarida saqlash boʻyicha majburiyatini bajargan.
Mazkur talablarga javob bermagan banklarga majburiy rezervlar miqdoriga nisbatan oʻrtachalash koeffitsiyentini qoʻllash huquqi berilmaydi.
18. Markaziy bank tomonidan banklarga majburiy rezervlar miqdoriga nisbatan oʻrtachalash koeffitsiyentini qoʻllash huquqini berish masalasi ularning murojaatlari asosida uch ish kunida koʻrib chiqiladi va bankka xabar beriladi.
Oʻrtachalash koeffitsiyentini qoʻllash huquqi berilgan hollarda mazkur huquq keyingi saqlash davridan boshlab kuchga kiradi.
19. Banklar tomonidan mazkur Nizomning 17-bandida koʻrsatilgan talablar bajarilmagan taqdirda Markaziy bank tomonidan berilgan huquq bekor qilinadi. Mazkur huquqning qayta berilishi masalasi ikki oydan soʻng Markaziy bank tomonidan bankning tegishli murojaatnomasi asosida koʻrib chiqiladi.
20. Markaziy bankka oʻtkazilishi lozim boʻlgan majburiy rezerv mablagʻlari miqdori majburiy rezervlarning normativ miqdoridan chegiriladigan mablagʻlar hamda majburiy rezervlarning oʻrtachalashtirilgan miqdorini ayirgan holda aniqlanadi.
21. Majburiy rezervlarni saqlash davrida oʻrtachalash koeffitsiyentini qoʻllash huquqidan foydalanish uchun banklar majburiy rezervlarning oʻrtachalashtirilgan miqdorini hisoblaydi va Markaziy bankka taqdim etadi.
Majburiy rezervlarning oʻrtachalashtirilgan miqdorini hisoblash davri majburiy rezervlarni hisob-kitob davriga teng boʻladi.
22. Majburiy rezervlarni saqlash davrida banklarning Markaziy bankdagi vakillik hisobvaraqlaridagi mablagʻlarning oʻrtacha qoldigʻi majburiy rezervlarning oʻrtachalashtirilgan miqdoridan kam boʻlmasligi talab etiladi.
4-bob. Majburiy rezervlarni qayta rasmiylashtirish va majburiy rezerv talablarini bajarish majburiyatini toʻxtatish
23. Banklarning qoʻshib yuborish, qoʻshib olish, boʻlish va ajratib chiqarish shaklida qayta tashkil etilgan holatlarda majburiy rezervlar qayta rasmiylashtiriladi.
24. Bankni moliyaviy sogʻlomlashtirish va bankrotlik holatlarida, unga vaqtinchalik tashqi boshqaruv tayinlanganda, shuningdek alohida bank operatsiyalarini amalga oshirish yoki vakillik hisobvaragʻidagi mablagʻlardan foydalanish boʻyicha cheklovlar oʻrnatilganda majburiy rezervlarni tartibga solish amaliyoti toʻxtatilmaydi.
25. Markaziy bank tomonidan bankning bank operatsiyalarini amalga oshirish huquqini beruvchi litsenziyasi chaqirib olinganda bankning majburiy rezervlar boʻyicha talablarni bajarish majburiyati toʻxtatiladi.
5-bob. Banklar tomonidan rezerv talablarining bajarilishi ustidan nazorat
26. Banklar tomonidan majburiy rezerv talablari bajarilishi ustidan nazoratni Markaziy bank amalga oshiradi.
27. Majburiy rezervlar boʻyicha hisob-kitoblarning oʻz vaqtida taqdim etilmasligi yoki ularning notoʻgʻriligi, saqlash davrida kamomadni qoplash uchun talab etiladigan mablagʻlarning oʻtkazilmasligi va oʻrtachalashtirilgan majburiy rezervlar boʻyicha majburiyatning bajarilmasligi majburiy rezerv talablarini buzilishi hisoblanadi.
28. Banklar tomonidan majburiy rezerv talablari va majburiy rezervlarning oʻrtachalashtirilgan miqdorini toʻgʻri shakllantirilganligi banklarning balans hisoboti asosida Markaziy bank tomonidan tekshirib boriladi.
6-bob. Yakuniy qoidalar
29. Bank tomonidan mazkur Nizomda belgilangan talablar bajarilmagan taqdirda Markaziy bank tomonidan qatʼiy tartibda majburiy rezervlar boʻyicha yetishmayotgan mablagʻlar va mazkur mablagʻlar hajmiga nisbatan qayta moliyalash stavkasining ikki baravaridan oshmaydigan miqdorda jarima undiriladi.
30. Markaziy bank tomonidan bankning bank operatsiyalarini amalga oshirish huquqini beruvchi litsenziyasi chaqirib olingan taqdirda Markaziy bank uch kunlik muddatda bankning tugatish komissiyasi soʻrovnomasiga asosan bank majburiyatlari boʻyicha hisob-kitoblarni amalga oshirish uchun Markaziy bankda depozitga oʻtkazilgan majburiy rezerv mablagʻlarini bankning tugatish komissiyasi hisobvaragʻiga qaytaradi.
Tijorat banklarining Oʻzbekiston Respublikasi Markaziy bankida depozitga oʻtkaziladigan majburiy rezervlari toʻgʻrisidagi nizomga 1-ILOVA
Tijorat banklarining Oʻzbekiston Respublikasi Markaziy bankida rezerv shakllantiriladigan majburiyatlari
ROʻYXATI
T/r
Balans hisobvaragʻi
raqami
Rezerv shakllantiriladigan majburiyatlar nomlari
1.
20200
Talab qilib olinguncha saqlanadigan depozitlar
2.
20400
Jamgʻarma depozitlar
3.
20600
Muddatli depozitlar
4.
21202
Boshqaruv (menejer) cheklari
5.
22604
Mijozlarning boshqa depozitlari — Jamgʻarma — Maqsadli
6.
22608
Mijozlarning qimmatli qogʻozlar bilan boʻladigan operatsiyalar boʻyicha mablagʻlari
7.
22610
Oʻzbekiston pochtasi” OAJ tarkibiy boʻlinmalari tomonidan toʻlanadigan pensiya va nafaqalar
8.
22612
Oʻzbekiston pochtasi” OAJ tarkibiy boʻlinmalari tomonidan amalga oshiriladigan pul oʻtkazmalari va davriy nashrlarga obuna
9.
22613
Valyuta bozorida konvertatsiya qilish uchun mijozlarning zaxiralangan mablagʻlari
10.
22616
Jismoniy shaxslarning bank hisob raqamlaridagi masofadan turib xizmat koʻrsatish tizimi orqali boshqariladigan mablagʻlari
11.
22617
Pensionerlarning plastik kartochkalari boʻyicha majburiyatlar
12.
22618
Jismoniy shaxslarning plastik kartochkalari boʻyicha majburiyatlar
13.
22619
Yakka tartibdagi tadbirkorlarning plastik kartochkalari boʻyicha majburiyatlar
14.
22620
Korporativ plastik kartochkalar boʻyicha majburiyatlar
15.
22622
Yuridik shaxslarning oʻz vakolatxonalari va filiallari taʼminoti uchun ajratgan mablagʻlari
16.
22624
Ayrim turdagi aksizli tovarlarni sotadigan yuridik shaxslarning maqsadli mablagʻlari
17.
22626
Korxona va tashkilotlarning maqsadli mablagʻlari
18.
22630
Mahalliy budjetdan moliyalashtirilayotgan, fuqarolarning oʻzini oʻzi boshqarish organlari tomonidan tayinlangan ijtimoiy nafaqalar mablagʻlari
19.
22632
Pensiya jamgʻarmasining tuman (shahar) boʻlinmalari tomonidan moliyalashtiriladigan, naqd pul bilan beriladigan pensiyalar, ijtimoiy nafaqalar, kompensatsiyalar va boshqa toʻlovlar uchun mablagʻlar
20.
22634
Tabiiy gaz uchun kelib tushadigan pul mablagʻlarini jamlash uchun yagona maxsus hisobvaraq
21.
22636
Elektr energiyasi uchun kelib tushadigan pul mablagʻlarini jamlash uchun yagona maxsus hisobvaraq
22.
22638
Suv taʼminoti va suv chiqarish xizmati uchun kelib tushadigan pul mablagʻlarini jamlash uchun yagona maxsus hisobvaraq
23.
22696
Boshqa depozit majburiyatlari
24.
23100
Mijozlarning plastik kartalariga oʻtkazilishi lozim boʻlgan pul mablagʻlari boʻyicha tranzit hisobvaraqlari
25.
23402
Respublika budjetining mablagʻlari
26.
23403
Bojxona toʻlovlari boʻyicha Respublika budjetining daromadlari
27.
23404
Respublika qaramogʻidagi budjet muassasalarining mablagʻlari
28.
23405
Nobudjet tashkilotlar va korxonalar uchun respublika budjetidan ajratilgan mablagʻlar
29.
23406
Hukumat kreditlari boʻyicha foizli daromadlar
30.
23407
Yagona soliq toʻlovi boʻyicha Respublika budjetining daromadlari
31.
23409
Yer va yagona yer soliqlari boʻyicha Respublika budjetining daromadlari
32.
23410
Hukumat subsidiyalari fondi
33.
23411
Davlat bojlari, yigʻimlar va soliq boʻlmagan toʻlovlar, maʼmuriy va moliyaviy sanksiyalarni toʻlash boʻyicha mablagʻlar
34.
23422
Kapital qoʻyilmalarni respublika budjetidan moliyalashtirish
35.
23424
Kapital qoʻyilmalarni mahalliy budjetlardan moliyalashtirish
36.
23426
Mahalliy budjet mablagʻlari — Tuman/shahar
37.
23427
Nobudjet tashkilotlar va korxonalarning tuman/shahar budjetidan ajratilgan mablagʻlari
38.
23430
Mahalliy budjet mablagʻlari — Viloyat
39.
23431
Nobudjet tashkilotlar va korxonalarning viloyat budjetidan ajratilgan mablagʻlari
40.
23432
Mahalliy budjet mablagʻlari — Qoraqalpogʻiston Respublikasi
41.
23433
Nobudjet tashkilotlar va korxonalarning Qoraqalpogʻiston Respublikasi budjetidan ajratilgan mablagʻlari
42.
23442
Investitsiya dasturlarini moliyalashtirish uchun davlat budjetidan va markazlashgan kreditlar hisobidan ajratilgan boʻnak mablagʻlar
43.
23500
Mijozlarning plastik kartalaridan kelib tushgan tushum
44.
29801
Mijozlar bilan hisob-kitoblar
45.
29814
Mijozlarning hisobvaraqlariga kirim qilinishi lozim boʻlgan terminallar orqali tushgan tushumlar
46.
29840
Moliya vazirligiga oʻtkaziladigan talab qilib olinmagan depozitlar
47.
29842
Harakatsiz depozit majburiyatlari
48.
29846
Talab qilib olinmagan boshqa kredit qoldiqlari
49.
29849
Pensiya jamgʻarmasining tuman (shahar) boʻlinmalari tomonidan moliyalashtiriladigan, pensiyalar, ijtimoiy nafaqalar, kompensatsiyalar va boshqa toʻlovlar uchun boshqa banklardan olingan naqd pul bilan beriladigan mablagʻlar
Jismoniy shaxslarning bank hisob raqamlaridagi masofadan turib xizmat koʻrsatish tizimi orqali boshqariladigan mablagʻlari
22616
14.
Pensionerlarning plastik kartochkalari boʻyicha majburiyatlar
22617
15.
Jismoniy shaxslarning plastik kartochkalari boʻyicha majburiyatlar
22618
16.
Mijozlarning plastik kartalariga oʻtkazilishi lozim boʻlgan pul mablagʻlari boʻyicha tranzit hisobvaraqlari
23100
(minus 23102, 23104)
17.
Yuridik shaxslarning korporativ plastik kartalariga oʻtkazilishi lozim boʻlgan pul mablagʻlari boʻyicha tranzit hisobvaraqlari
23102
18.
Yakka tartibdagi tadbirkorlarning korporativ plastik kartalariga oʻtkazilishi lozim boʻlgan pul mablagʻlari boʻyicha tranzit hisobvaraqlari
23104
19.
Hukumatga tegishli daromad va boshqa tushumlar hisobvaraqlari
23400
(minus 23416)
20.
Mijozlarning plastik kartalaridan kelib tushgan tushum
23500
21.
Mijozlar bilan hisob-kitoblar
29801
22.
Mijozlarning hisobvaraqlariga kirim qilinishi lozim boʻlgan terminallar orqali tushgan tushumlar
29814
23.
Moliya vazirligiga oʻtkaziladigan talab qilib olinmagan depozitlar
29840
24.
Depozit majburiyatlari — harakatsiz
29842
25.
Boshqa kreditlar — talab qilinmagan qoldiqlar
29846
26.
Pensiya jamgʻarmasining tuman (shahar) boʻlinmalari tomonidan moliyalashtiriladigan, pensiyalar, ijtimoiy nafaqalar, kompensatsiyalar va boshqa toʻlovlar uchun boshqa banklardan olingan naqd pul bilan beriladigan mablagʻlar
Hisob-kitob elektron pochta orqali berilishi lozim.
Jadval kataklari boʻsh qoldirilmasligi kerak. Agar axborot boʻlmasa nol koʻrsatilsin.
Hisob-kitobda umumiy summa butunligicha ming soʻmda koʻrsatilishi lozim. 500 soʻm va undan kam boʻlgan summa hisobga olinmaydi (chiqarib tashlanadi), 500 soʻmdan ortiq boʻlgan summa minggacha yaxlitlanadi.
Hisob-kitob tuzishda ham musbat, ham manfiy summalar uchrashi mumkin.
Hisob-kitobni tuzishda har kunlik balans hisoboti asosida hisoblanadigan oʻrtacha ikki haftalik balans maʼlumotlari aks ettirilishi lozim.
Yuridik shaxslar uchun belgilangan majburiy rezerv normativlari yakka tartibdagi tadbirkorlar uchun ham qoʻllaniladi.
(V) Ustun — Milliy valyutadagi rezerv shakllantiriladigan majburiyatlarning oʻrtacha ikki haftalik qoldigʻi. Bu ustunda milliy valyutadagi koʻrsatib oʻtilgan majburiyatlarning oʻrtacha ikki haftalik qoldigʻi koʻrsatilishi lozim.
(G) Ustun — Xorijiy valyutadagi rezerv shakllantiriladigan majburiyatlarning oʻrtacha ikki haftalik qoldigʻi. Bu ustunda xorijiy valyutadagi koʻrsatib oʻtilgan majburiyatlarning oʻrtacha ikki haftalik qoldigʻi koʻrsatilishi lozim.
(D) Ustun — Milliy valyutadagi majburiyatlar uchun majburiy rezerv normativi. Bu ustunda milliy valyutadagi majburiyatlar uchun Markaziy bank tomonidan belgilangan majburiy rezerv normativlari foizlarda koʻrsatilishi lozim.
(E) Ustun — Chet el valyutasidagi majburiyatlar uchun majburiy rezerv normativi. Bu ustunda chet el valyutasidagi majburiyatlar uchun Markaziy bank tomonidan belgilangan majburiy rezerv normativlari foizlarda koʻrsatilishi lozim.
(J) Ustun — Majburiy rezervlarning normativ miqdori. Quyidagi formula boʻyicha hisoblanadi:
1-satr. Yuridik shaxslarning talab qilib olinguncha saqlanadigan depozitlari. Bu satrda 20206 hisobvaragʻidagi qoldigʻi olib tashlangan holda 20200 balans hisobvaragʻining qoldigʻi koʻrsatiladi.
2-satr. Yuridik shaxslarning jamgʻarma depozitlari. Bu satrda 20406 hisobvaragʻidagi qoldigʻi olib tashlangan holda 20400 balans hisobvaragʻining qoldigʻi koʻrsatiladi.
3-satr. Yuridik shaxslarning 1 yilgacha boʻlgan muddatli depozitlari. Bu satrda 20606 hisobvagʻidagi qoldigʻi olib tashlangan holda 20600 balans hisobvaragʻi qoldigʻidagi muddati 1 yilgacha boʻlgan depozitlari summasi koʻrsatiladi.
4-satr. Yuridik shaxslarning muddati 1 yildan 2 yilgacha boʻlgan muddatli depozitlar. Bu satrda 20606 hisobvaragʻidagi qoldigʻi olib tashlangan holda 20600 balans hisobvaragʻi qoldigʻidagi muddati 1 yildan 2 yilgacha boʻlgan depozitlari summasi koʻrsatiladi.
5-satr. Yuridik shaxslarning muddati 2 yildan yuqori boʻlgan muddatli depozitlar. Bu satrda 20606 hisobvaragʻidagi qoldigʻi olib tashlangan holda 20600 balans hisobvaragʻi qoldigʻidagi muddati 2 yildan yuqori boʻlgan depozitlari summasi koʻrsatiladi.
6-satr. Jismoniy shaxslarning talab qilib olinguncha saqlanadigan depozitlari. Bu satrda 20206 balans hisobvaragʻining qoldigʻi koʻrsatiladi.
7-satr. Jismnoniy shaxslarning jamgʻarma depozitlari. Bu satrda 20406 balans hisobvaragʻining qoldigʻi koʻrsatiladi.
8-satr. Jismoniy shaxslarning 1 yilgacha boʻlgan muddatli depozitlari. Bu satrda 20606 balans hisobvaragʻi qoldigʻidagi muddati 1 yilgacha boʻlgan depozitlari summasi koʻrsatiladi.
9-satr. Jismoniy shaxslarning muddati 1 yildan 2 yilgacha boʻlgan muddatli depozitlar. Bu satrda 20606 balans hisobvaragʻi qoldigʻidagi muddati 1 yildan 2 yilgacha boʻlgan depozitlari summasi koʻrsatiladi.
10-satr. Jismoniy shaxslarning muddati 2 yildan yuqori boʻlgan muddatli depozitlar. Bu satrda 20606 balans hisobvaragʻi qoldigʻidagi muddati 2 yildan yuqori boʻlgan depozitlari summasi koʻrsatiladi.
11-satr. Boshqaruv (menejerlik) cheklari. Bu satrda 21202 balans hisobvaragʻining qoldigʻi koʻrsatiladi.
12-satr. Mijozlarning boshqa depozitlari. Bu satrda 22602, 22606, 22614, 22616, 22617, 22618 va 22628 hisobvaraqlari qoldiqlari olib tashlangan holda 22600 balans hisobvaragʻining qoldigʻi koʻrsatiladi.
13-satr. Jismoniy shaxslarning bank hisob raqamlaridagi masofadan turib xizmat koʻrsatish tizimi orqali boshqariladigan mablagʻlari. Bu satrda 22616 balans hisobvaragʻining qoldigʻi koʻrsatiladi.
14-satr. Pensionerlarning plastik kartochkalari boʻyicha majburiyatlar. Bu satrda 22617 balans hisobvaragʻining qoldigʻi koʻrsatiladi.
15-satr. Jismoniy shaxslarning plastik kartochkalari boʻyicha majburiyatlar. Bu satrda 22618 balans hisobvaragʻining qoldigʻi koʻrsatiladi.
16-satr. Mijozlarning plastik kartalariga oʻtkazilishi lozim boʻlgan pul mablagʻlari boʻyicha tranzit hisobvaragʻlari. Bu satrda 23102 va 23104 hisobvaraqlari qoldiqlari olib tashlangan holda 23100 balans hisobvaragʻining qoldigʻi koʻrsatiladi.
17-satr. Yuridik shaxslarning korporativ plastik kartalariga oʻtkazilishi lozim boʻlgan pul mablagʻlari boʻyicha tranzit hisobvaraqlari. Bu satrda 23102 balans hisobvaragʻining qoldigʻi koʻrsatiladi.
18-satr. Yakka tartibdagi tadbirkorlarning korporativ plastik kartalariga oʻtkazilishi lozim boʻlgan pul mablagʻlari boʻyicha tranzit hisobvaraqlari. Bu satrda 23104 balans hisobvaragʻining qoldigʻi koʻrsatiladi.
19-satr. Hukumatga tegishli daromad va boshqa tushumlar hisobvaraqlari. Bu satrda 23416 hisobvaragʻidagi qoldigʻi olib tashlangan holda 23400 balans hisobvaragʻining qoldigʻi koʻrsatiladi.
20-satr. Mijozlarning plastik kartalaridan kelib tushgan tushum. Bu satrda 23500 balans hisobvaragʻining qoldigʻi koʻrsatiladi.
21-satr. Mijozlar bilan hisob-kitoblar. Bu satrda 29801 balans hisobvaragʻining qoldigʻi koʻrsatiladi.
22-satr. Mijozlarning hisobvaraqlariga kirim qilinishi lozim boʻlgan terminallar orqali tushgan tushumlar. Bu satrda 29814 balans hisobvaragʻining qoldigʻi koʻrsatiladi.
23-satr. Moliya vazirligiga oʻtkaziladigan talab qilib olinmagan depozitlar. Bu satrda 29840 balans hisobvaragʻining qoldigʻi koʻrsatiladi.
24-satr. Harakatsiz depozit majburiyatlari — Bu satrda 29842 balans hisobvaragʻining qoldigʻi koʻrsatiladi.
25-satr. Talab qilib olinmagan boshqa kredit qoldiqlari. Bu satrda 29846 balans hisobvaragʻining qoldigʻi koʻrsatiladi.
26-satr. Pensiya jamgʻarmasining tuman (shahar) boʻlinmalari tomonidan moliyalashtiriladigan, pensiyalar, ijtimoiy nafaqalar, kompensatsiyalar va boshqa toʻlovlar uchun boshqa banklardan olingan naqd pul bilan beriladigan mablagʻlar. Bu satrda 29849 balans hisobvaragʻining qoldigʻi koʻrsatiladi.
27-satr. Boshqa majburiyatlar. Bu satrda 29896 balans hisobvaragʻining qoldigʻi koʻrsatiladi.
28-satr. Rezerv shakllantiriladigan majburiyatlarning jami. Bu satrning (J) ustunida 1 — 27 satrlarning (J) ustunidagi mablagʻlarning jami hamda (Z) ustunida esa 1 — 27 satrlarning (Z) ustunidagi mablagʻlarning jami koʻrsatiladi.
30-satr. Rezerv shakllantiriladigan majburiyatlardan chegiriladigan mablagʻlar ayrilgandagi qoldiq. Bu satrning (J) ustuni quyidagi formula orqali hisoblanadi:
34-satr. Hisob-kitob davrida majburiy rezervlarda saqlanayotgan mablagʻlar. Bu satrda 10309 balans hisobvaragʻining hisob-kitob davrining oxirgi sanasidagi qoldigʻi koʻrsatiladi.
35-satr. Majburiy rezerv hisobvaragʻiga qoʻshimcha ravishda depozitga oʻtkazish yoki Markaziy bank tomonidan qaytarilishi lozim boʻlgan mablagʻlar. Bu satrning (J) ustuni quyidagi formula orqali hisoblanadi:
