|
Hujjat kuchini yo‘qotgan 09.03.2018
|
Oʻzbekiston Respublikasi Vazirlar Mahkamasining
qarori
ALOQA SOHASIDAGI MEʼYORIY HUJJATLAR, DAVLAT VA TARMOQ STANDARTLARI TALABLARINI, KOʻRSATILAYOTGAN XIZMATLAR SIFATINI BUZGANLIK UChUN MOLIYAVIY SANKSIYALAR (JARIMALAR) TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2018-yil 7-martdagi 185-sonli “Aloqa, axborotlashtirish va telekommunikatsiya xizmatlari sifatini yanada yaxshilashga doir chora-tadbirlar toʻgʻrisida”gi qaroriga asosan 2018-yil 1-iyundan oʻz kuchini yoʻqotadi.
Belgilangan standartlar va meʼyorlarga muvofiq aloqa xizmati sifatini oshirish, shuningdek pochta va telekommunikatsiyalar xizmati isteʼmolchilarining huquqlari himoya qilinishini taʼminlash maqsadida Vazirlar Mahkamasi qaror qiladi:
1. Quyidagilar:
aloqa sohasidagi meʼyoriy hujjatlar, davlat va tarmoq standartlari talablarini, koʻrsatilayotgan xizmatlar sifatini buzganlik uchun moliyaviy sanksiyalar (jarimalar) miqdori 1-ilovaga muvofiq;
Aloqa sohasidagi meʼyoriy hujjatlar, davlat va tarmoq standartlari talablarini, koʻrsatilayotgan xizmatlar sifatini buzganlik uchun moliyaviy sanksiyalar (jarimalar)ni hisoblash tartibi 2-ilovaga muvofiq tasdiqlansin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Isayev zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2000-yil 14-avgust,
318-son
Vazirlar Mahkamasining 2000-yil 14-avgustdagi 318-son qaroriga
1-ILOVA
1-ILOVA
Aloqa sohasidagi meʼyoriy hujjatlar, davlat va tarmoq standartlari talablarini, koʻrsatilayotgan xizmatlar sifatini buzganlik uchun moliyaviy sanksiyalar (jarimalar)
MIQDORLARI
Mazkur moliyaviy sanksiyalar (jarimalar) aloqa sohasidagi meʼyoriy hujjatlar, davlat va tarmoq standartlari talablarini, koʻrsatilayotgan xizmatlar sifatini buzganlik uchun belgilanadi.
Moliyaviy sanksiyalar (jarimalar) Aloqa sohasidagi meʼyoriy hujjatlar, davlat va tarmoq standartlari talablarini, koʻrsatilayotgan xizmatlar sifatini buzganlik uchun moliyaviy sanksiyalar (jarimalar)ni hisoblash tartibiga muvofiq hisoblanadi. Moliyaviy sanksiyalar (jarimalar)ning miqdorlari Oʻzbekiston Respublikasida amaldagi eng kam ish haqi miqdoriga muvofiq hisoblab chiqiladi.
| T/r | Koʻrsatkichlarning nomi | Moliyaviy sanksiyalar (jarimalar)ning miqdori (eng kam ish haqi miqdoriga nisbatan baravar) |
|
1. Pochta aloqasi, har bir holat uchun | ||
| 1.1. | Pul oʻtkazish operatsiyalari boʻyicha korxonaning aybi bilan paydo boʻlgan jarimalar |
2 |
| 1.2. | Oʻtkazilgan pul va pensiya summalarining korxonaning aybi bilan kamomadi va oʻgʻirilanishi |
11 |
| 1.3. | Pochta joʻnatmalarining korxonaning aybi bilan yoʻqolishi va oʻgʻirlanishi |
10 |
| 1.4. | Viloyatlar ichkarisidagi (Toshkent shahrida shahar yoʻnalishi boʻyicha) yoʻnalishlar boʻyicha pochta almashilmasligi |
1 |
| 1.5. | Magistral yoʻnalishlar boʻyicha pochta almashilmasligi |
2 |
| 1.6. | Joʻnatuvchidan oluvchiga yozma xat-xabarlar borishida nazorat muddatlarining buzilishi (respublika va viloyat markazlari hamda Qoraqalpogʻiston Respublikasi oʻrtasida) |
0,1 |
|
2. Telegraf aloqasi, har bir telegramma uchun | ||
| 2.1. | Nazorat muddatlaridan oʻtkazib yuborilgan holda berilgan telegrammalar |
0,1 |
| 2.2. | Nazorat muddatlaridan oʻtkazib yuborilgan holda yetkazilgan telegrammalar |
0,1 |
| 2.3. | Xizmat yoz�shmalari va shikoyatlar boʻyicha aniqlangan, yaroqsiz holda tayyorlangan telegrammalar (joʻnatilgan, kelgan, tranzit) |
0,1 |
|
3. Shaharlararo va xalqaro telefon aloqasi, har foiz va buyurtma uchun | ||
| 3.1. | Xalqaro telefon avtomat aloqasi boʻyicha tushgan, soʻzlashuv bilan yakunlanmagan chaqiriqlarning har foizi |
0,5 |
| 3.2. | Shaharlararo avtomat telefon aloqasi boʻyicha tushgan, soʻzlashuv bilan yakunlanmagan chaqiriqlarning har foizi |
0,2 |
| 3.3. | Shaharlararo telefon soʻzlashuviga berilgan har bir buyurtmaning korxonaning aybi bilan bajarilmasligi |
0,1 |
|
4. Aloqa tarmoqlarining magistral va ichki zona uzatish liniyalari, kanallari, traktlari | ||
| 4.1. | Kabel, havo, radiorele va yoʻldosh aloqasi liniyalari tonal chastotasi kanallarining korxonaning aybi bilan bekor turish muddati (kanal/soat) |
0,1 |
| 4.2. | Televizion stvollar harakatining korxonaning aybi bilan bekor turish muddati, 100 km stvol orasida (bir minut uchun) |
0,1 |
| 4.3. | Boshlangʻich uzatish tarmoq tizimining normalarga muvofiq boʻlmagan liniya traktlari soni (har bir trakt uchun): |
|
| | kabel va radiorele aloqa liniyalarida |
2 |
| | havo aloqa liniyalarida |
1 |
| | yoʻldosh aloqa liniyalarida |
10 |
|
5. Mahalliy (shahar va qishloq) telefon aloqasi | ||
| 5.1. | Buzilishlarni nazorat muddatlaridan ortiq muddatlarda bartaraf etish (har 1000 telefon-soat uchun) |
0,1 |
| 5.2. | Ishlamaydigan taksofonlar (taksofon) |
0,1 |
|
6. Simli radioeshittirish, har bir 1000 radionuqta/soat uchun | ||
| 6.1. | Radiotranslatsiya uzellari stansiyalari va podstansiyalarining korxonaning aybi bilan bekor turishi |
0,1 |
|
7. Televideniye, har bir minut uchun | ||
| 7.1. | Quvvati 1 Vtdan 1000 Vtgacha boʻlgan uzatuvchilar harakatining korxonaning aybi bilan uzilish muddati shu jumladan meʼyordan ortiq muddatlarda |
0,5 |
| 7.2. | Quvvati 1Vt dan 1000 Vtgacha boʻlgan televizion uzatuvchilar ishlashining korxonaning aybi bilan belgilangan texnik meʼyorlarga nisbatan uzilish muddati |
0,25 |
| 7.3. | Quvvati 1kVtgacha boʻlgan televizion uzatkichlar ishlashining korxonaning aybi bilan belgilangan texnik meʼyorlarga nisbatan uzilish muddati |
0,5 |
| 7.4. | Quvvati 1000 Vt dan ortiq boʻlgan uzatkichlar harakatining korxonaning aybi bilan uzilish muddati |
1 |
| | shu jumladan meʼyordan ortiq muddatlarda |
2 |
|
8. Yoʻldosh aloqasi, har bir minut uchun | ||
| 8.1. | Yoʻldosh aloqasining yerdagi qabul qilish va qabul qiluvchi-uzatuvchi stansiyalari ishlashidagi uzilishlar |
|
| | a) televizion stvolda (qabul qiluvchi) |
2 |
| | b) telefon stvolida (qabul qiluvchi-uzatuvchi) |
1 |
| 8.2. | Yoʻldosh aloqasining yerdagi stansiyalari ishidagi mazkur korxonaga bogʻliq sabablarga koʻra belgilangan texnik meʼyorlarga nisbatan uzilishlar, |
|
| | a) televizion stvolda (uzatuvchi va qabul qiluvchi) |
2 |
| | b) telefon stvolida (qabul qiluvchi-uzatuvchi) |
1 |
|
9. Radioeshittirish, har bir minut uchun | ||
| 9.1. | Radioeshittirish uzatkichlari ishlashida korxonaning aybi bilan uzilishlar muddati |
1 |
| | shu jumladan nazorat muddatlaridan ortiq muddatlarda |
2 |
| 9.2. | Radioeshittirish uzatkichlari ishida korxonaning aybi bilan belgilangan texnik meʼyorlarga nisbatan uzilishlar muddati |
0,5 |
|
10. Radioaloqa, har bir minut uchun | ||
| 10.1. | Radioaloqa uzatkichlari ishlashida korxonaning aybi bilan uzilishlar muddati |
0,5 |
| | shu jumladan meʼyoriy muddatlardan ortiq muddatlarda |
1 |
| 10.2. | Radioaloqa uzatkichlari ishida korxonaning aybi bilan belgilangan texnik meʼyorlarga nisbatan uzilishlar muddati |
0,1 |
| 10.3. | Korxonaning aybi bilan radio qabul qilish qurilmalarining ishlashidagi (barcha ish turlarida) uzilishlar muddati |
1 |
|
11. Davriy matbuot | ||
| 11.1. | Obuna va chakana summalarining kamomadi va oʻgʻirlanishi (holat) |
11 |
| 11.2. | Obuna va chakana nashrlarning kamomadi va oʻgʻirlanishi (nusxa) |
0,1 |
| 11.3 | Respublika gazetalarini isteʼmolchilarga matbuot tarqatuvchi xodimlarning aybi bilan yetkazib berish muddatlarining buzilishi (10 nusxa) |
0,1 |
|
12. Shikoyatlar | ||
| 12. | Korxonaning aybi bilan pochta va telekommunikatsiyalar ishi ustidan shikoyatlar |
1 |
Vazirlar Mahkamasining 2000-yil 14-avgustdagi 318-son qaroriga
2-ILOVA
2-ILOVA
Aloqa sohasidagi meʼyoriy hujjatlar, davlat va tarmoq standartlari talablarini, koʻrsatilayotgan xizmatlar sifatini buzganlik uchun moliyaviy sanksiyalarni hisoblash
TARTIBI
1. Mazkur Tartib Oʻzbekiston Respublikasi Vazirlar Mahkamasining “Chastota spektridan foydalanish, teleradiodasturlarni shakllantirish va tarqatish hamda maʼlumotlar uzatish samaradorligini oshirish yuzasidan qoʻshimcha chora-tadbirlar toʻgʻrisida” 1998-yil 10-iyuldagi 293-son qaroriga asosan ishlab chiqilgan hamda pochta va telekommunikatsiyalar sohasida faoliyat koʻrsatayotgan xoʻjalik subyektlariga joriy etiladi.
2. Moliyaviy sanksiyalar Oʻzbekiston Respublikasida pochta va telekommunikatsiyalar xoʻjalik yurituvchi subyektlari faoliyati ustidan davlat nazorati oʻrnatish boʻyicha Davlat aloqa inspeksiyasi (Davlat aloqa inspeksiyasi) tomonidan texnik parametrlar, texnik foydalanish qoidalari, pochta va telekommunikatsiyalar vositalari ishlarining va xizmat koʻrsatish sifati buzilganligi uchun koʻrsatkichlarning yagona tizimi boʻyicha hisoblanadi, tabiiy ofatlar yoki favqulodda vaziyatlar oqibatida paydo boʻlgan buzilishlar bundan mustasno.
Oldingi tahrirga qarang.
Tadbirkorlik subyektlariga nisbatan iqtisodiy sanksiyalar sud tartibida qoʻllanadi, ular tomonidan sodir etilgan qonun buzilishi aybi tan olingan va iqtisodiy sanksiyalar summasi ixtiyoriy ravishda toʻlangan hollarda esa — Oʻzbekiston Respublikasida pochta va telekommunikatsiyalar xoʻjalik yurituvchi subyektlari faoliyati ustidan davlat nazorati oʻrnatish boʻyicha Davlat aloqa inspeksiyasi (Davlat aloqa inspeksiyasi) tomonidan qoʻllanadi.
(2-band Oʻzbekiston Respublikasi Vazirlar Mahkamasining 2006-yil 10-noyabrdagi 235-sonli qaroriga muvofiq xatboshi bilan toʻldirilgan — OʻR QHT, 2006-y., 46-47-son, 458-modda)
3. Moliyaviy sanksiyalarni hisoblash uchun davlat va idoraviy statistika maʼlumotlari asos boʻlib hisoblanadi.
Har chorakdagi ish natijalari boʻyicha moliyaviy sanksiyalarni hisoblash moliyaviy sanksiyalarning tasdiqlangan koʻrsatkichlari va miqdorlariga muvofiq maxsus hisob-kitob bilan rasmiylashtiriladi.
4. Moliyaviy sanksiyalar sifatidagi undirib olinadigan mablagʻlar xoʻjalik yurituvchi subyektlar tomonidan har chorakda, hisobot davridan keyin 30 kun muddatda Pochta va telekommunikatsiyalarni rivojlantirishni davlat tomonidan qoʻllab-quvvatlash jamgʻarmasiga oʻtkaziladi, raqobat toʻgʻrisidagi qonun hujjatlari va isteʼmolchilarning huquqlarini himoya qilish toʻgʻrisidagi qonun hujjatlarini buzganlik uchun solinadigan jarimalar bundan mustasno.
(4-band Oʻzbekiston Respublikasi Vazirlar Mahkamasining 2012-yil 23-maydagi 143-sonli qarori tahririda — OʻR QHT, 2012-y., 21-son, 232-modda)
5. Taqdim etilgan statistika hisobotlarining ishonchliligi va moliyaviy sanksiyalarning oʻz vaqtida toʻlanishi Davlat aloqa inspeksiyasi tomonidan tekshiriladi.
6. Sanksiyalarning toʻliq miqdorda oʻtkazilmaganligi aniqlangan taqdirda tegishli summa xoʻjalik yurituvchi subyektlar tomonidan Davlat aloqa inspeksiyasining qarori olingan paytdan boshlab ikki hafta muddatda Pochta va telekommunikatsiyalarni rivojlantirishni davlat tomonidan qoʻllab-quvvatlash jamgʻarmasiga oʻtkaziladi.
Oldingi tahrirga qarang.
7. Pul joʻnatmalari va pensiya summalari, pochta joʻnatmalarining tadbirkorlik subyektlari tomonidan birinchi marta va ehtiyotsizlik tufayli sodir etilgan, shuningdek zarar yetkazmaydigan obuna va chakana savdo summalari va nashrlarining korxona aybi bilan oʻgʻirlanishidan tashqari, normativ hujjatlarni, davlat va tarmoq standartlarini buzganlik uchun xoʻjalik yurituvchi subyektlarni javobgarlikka tortish ularning mansabdor shaxslariga nisbatan maʼmuriy javobgarlik choralarini qoʻllash bilan cheklanadi. Ushbu holatda xoʻjalik yurituvchiga nisbatan iqtisodiy sanksiyalar qoʻllanmaydi.
Xoʻjalik yurituvchi subyektning oxirgi hisobot sanasidagi joriy aktivlari summasining 20 foizidan ortiq boʻlgan iqtisodiy sanksiyalarni undirish unga undiriladigan summani undirish toʻgʻrisida qaror qabul qilingan kundan boshlab 6 oy mobaynida toʻlovlarni har oyda boʻlib-boʻlib toʻlash imkonini bergan holda amalga oshiriladi.
(7-band Oʻzbekiston Respublikasi Vazirlar Mahkamasining 2006-yil 10-noyabrdagi 235-sonli qarori tahririda — OʻR QHT, 2006-y., 46-47-son, 458-modda)
8. Meʼyoriy hujjatlar, davlat va tarmoq standartlari talablarini buzganlik uchun moliyaviy sanksiyalarni hisoblash:
Pochta va telekommunikatsiyalar xoʻjalik yurituvchi subyektlarini abonentlar (mijozlar)ga pochta va telekommunikatsiyalar xizmatlari koʻrsatilmaganligi yoki ular sifatining pastligi uchun amaldagi qoidalarga muvofiq ularga yetkazilgan zararni qoplash yoki qayta hisob-kitob qilishdan;
mansabdor shaxslarni Oʻzbekiston Respublikasining amaldagi qonun hujjatlariga muvofiq javobgarlikdan ozod qilmaydi.
9. Davlat aloqa inspeksiyasining moliyaviy sanksiyalarni hisoblash toʻgʻrisidagi qarorlari ustidan qonun hujjatlarida belgilangan tartibda shikoyat qilinishi mumkin.
