|
Hujjat kuchini yo‘qotgan 24.05.2018
|
O‘zbekiston Respublikasi Vazirlar Mahkamasining
qarori
Iqtisodiyot va soliq sohasidagi jinoyatlarga qarshi kurashishni kuchaytirish chora-tadbirlari to‘g‘risida
[Ko‘chirma]
LexUZ sharhiMazkur qaror O‘zbekiston Respublikasi Prezidentining 2018-yil 23-maydagi PF-5446-sonli “Budjet mablag‘laridan foydalanish samaradorligini tubdan oshirish va iqtisodiy jinoyatlarga qarshi kurashish mexanizmlarini takomillashtirish chora-tadbirlari to‘g‘risida”gi Farmoniga asosan o‘z kuchini yo‘qotgan.
Prokuratura, ichki ishlar, Davlat soliq qo‘mitasi organlari, boshqa huquqni muhofaza qilish organlari tomonidan iqtisodiyot va soliq sohasidagi jinoyatlarga qarshi kurashish, soliqlar va to‘lovlarning O‘zbekiston Respublikasi Davlat budjetiga to‘liq tushishini ta’minlash, iqtisodiyot sohasidagi jinoyatlar va soliqqa oid qonunlar buzilishining oldini olish chora-tadbirlari amalga oshirilmoqda.
(muqaddimaning birinchi xatboshisi O‘zbekiston Respublikasi Vazirlar Mahkamasining 2016-yil 26-apreldagi 122-sonli qarori tahririda — O‘R QHT, 2016-y., 17-son, 176-modda)
Davlat soliq qo‘mitasi huzuridagi Soliq sohasidagi qonun buzilishlariga qarshi tezkor kurashish bosh boshqarmasi xodimlari tomonidan ko‘rilayotgan tezkor chora-tadbirlar natijasida soliqlar va majburiy to‘lovlarni to‘lashdan bosh tortish, aksiz solig‘iga tortiladigan tovarlarni noqonuniy ishlab chiqarish va sotish hamda boshqa iqtisodiy jinoyatlar bilan bog‘liq holatlar muntazam ravishda aniqlanmoqda.
Shu bilan birga, Davlat soliq qo‘mitasi huzuridagi tezkor bosh boshqarma faoliyati ushbu xizmat oldiga qo‘yilgan talablarga to‘liq javob bermaydi:
ishda batartiblik va izchillik yo‘q, sa’y-harakatlarning mayda buzilishlar va jinoyatlarga qarshi kurashga tarqoq holda yo‘naltirilishiga yo‘l qo‘yilmoqda, korrupsiya, iqtisodiy va soliqqa oid jinoyatlarni keltirib chiqaruvchi muhim sabablarni topish va cheklash mahorati yetishmayapti;
bevosita soliq xizmatlari, tergov organlari, tezkor-qidiruv bo‘linmalari xatti-harakatlarida lozim darajali va zarur aloqa, uyg‘unlik yo‘q, natijada qonun normalarining yo‘l qo‘yilgan buzilishlari uchun jazo muqarrarligi prinsipining bajarilishiga erishilmayapti;
kadrlarni tanlash, tayyorlash, qayta tayyorlash va almashtirib turishning amaldagi tizimi jiddiy yaxshilashni talab qiladi.
Iqtisodiyot va soliqqa oid jinoyatlarga qarshi kurashish samaradorligini oshirish, davlat, yuridik va jismoniy shaxslarning iqtisodiy manfaatlarini himoya qilish maqsadida Vazirlar Mahkamasi qaror qiladi:
1. O‘zbekiston Respublikasi Davlat soliq qo‘mitasi huzuridagi Soliq sohasidagi qonun buzilishlariga qarshi tezkor kurashish bosh boshqarmasi bazasida va uning mavjud shtatdagi xodimlari doirasida O‘zbekiston Respublikasi Bosh prokuraturasi huzuridagi soliq, valyutaga oid jinoyatlarga va jinoiy faoliyatdan olingan daromadlarni legallashtirishga qarshi kurashish departamenti (keyingi o‘rinlarda “Departament” deb ataladi) va uning joylardagi bo‘linmalari tashkil etilsin.
(1-bandning birinchi xatboshi O‘zbekiston Respublikasi Vazirlar Mahkamasining 2006-yil 6-iyuldagi 130-sonli qarori tahririda— O‘R QHT, 2006-y., 27-son, 250-modda)
O‘zbekiston Respublikasi Davlat soliq qo‘mitasi tuzilmasidagi Soliq sohasidagi qonun buzilishlariga qarshi tezkor kurashish bosh boshqarmasi va uning hududiy bo‘linmalari tugatilsin, bo‘shaydigan 1172 nafar shtat yangi tashkil etilayotgan Departament tarkibiga berilsin.
Oldingi tahrirga qarang.
(2-band O‘zbekiston Respublikasi Vazirlar Mahkamasining 2006-yil 6-iyuldagi 130-sonli qaroriga muvofiq o‘z kuchini yo‘qotgan — O‘R QHT, 2006-y., 27-son, 250-modda)
Oldingi tahrirga qarang.
(3-band O‘zbekiston Respublikasi Vazirlar Mahkamasining 2006-yil 6-iyuldagi 130-sonli qaroriga muvofiq o‘z kuchini yo‘qotgan — O‘R QHT, 2006-y., 27-son, 250-modda)
Oldingi tahrirga qarang.
(4-band O‘zbekiston Respublikasi Vazirlar Mahkamasining 2006-yil 6-iyuldagi 130-sonli qaroriga muvofiq o‘z kuchini yo‘qotgan — O‘R QHT, 2006-y., 27-son, 250-modda)
Oldingi tahrirga qarang.
(5-band O‘zbekiston Respublikasi Vazirlar Mahkamasining 2006-yil 6-iyuldagi 130-sonli qaroriga muvofiq o‘z kuchini yo‘qotgan — O‘R QHT, 2006-y., 27-son, 250-modda)
Oldingi tahrirga qarang.
(6-band O‘zbekiston Respublikasi Vazirlar Mahkamasining 2006-yil 6-iyuldagi 130-sonli qaroriga muvofiq o‘z kuchini yo‘qotgan — O‘R QHT, 2006-y., 27-son, 250-modda)
7. Quyidagilar:
Oldingi tahrirga qarang.
(7-bandning ikkinchi xatboshi O‘zbekiston Respublikasi Vazirlar Mahkamasining 2002-yil 28-noyabrdagi 415-sonli qarori bilan chiqarilgan — O‘R QHT, 2002-y., 22-son, 182-modda)
Oldingi tahrirga qarang.
(7-bandning uchinchi xatboshi O‘zbekiston Respublikasi Vazirlar Mahkamasining 2002-yil 28-noyabrdagi 415-sonli qarori bilan chiqarilgan — O‘R QHT, 2002-y., 22-son, 182-modda)
Departament xodimlarining darajali maxsus unvonlari, shuningdek egallab turilgan lavozimlar bo‘yicha darajali maxsus unvonlari 4 va 4a-ilovalarga muvofiq;
Oldingi tahrirga qarang.
(7-bandning beshinchi xatboshi O‘zbekiston Respublikasi Vazirlar Mahkamasining 2002-yil 28-noyabrdagi 415-sonli qarori bilan chiqarilgan — O‘R QHT, 2002-y., 22-son, 182-modda)
O‘zbekiston Respublikasi Bosh prokuraturasi huzuridagi soliq, valyutaga oid jinoyatlarga va jinoiy faoliyatdan olingan daromadlarni legallashtirishga qarshi kurashish departamentida xizmatni o‘tash to‘g‘risidagi Nizom 6-ilovaga muvofiq tasdiqlansin.
(7-bandning oltinchi xatboshisi O‘zbekiston Respublikasi Vazirlar Mahkamasining 2006-yil 6-iyuldagi 130-sonli qarori tahririda— O‘R QHT, 2006-y., 27-son, 250-modda)
8. Iqtisodiyot va soliq sohasidagi jinoyatlar bo‘yicha jinoiy ishlarning o‘z vaqtida va sifatli ko‘rib chiqilishini ta’minlash maqsadida:
Oldingi tahrirga qarang.
O‘zbekiston Respublikasi Bosh prokuraturasining Iqtisodiy jinoyat va korrupsiyaga qarshi kurashish bosh boshqarmasi, shuningdek Tashqi iqtisodiy faoliyatdagi korrupsiya, o‘g‘irliklar va boshqa suiiste’mollarga qarshi kurashish boshqarmasi bazasida O‘zbekiston Respublikasi Bosh prokuraturasining Iqtisodiy jinoyat va korrupsiyaga qarshi kurashish boshqarmasi;
(8-bandning ikkinchi xatboshi O‘zbekiston Respublikasi Vazirlar Mahkamasining 2002-yil 28-noyabrdagi 415-sonli qarori tahririda — O‘R QHT, 2002-y., 22-son, 182-modda)
hududiy va ularga tenglashtirilgan prokuratura organlarining iqtisodiy jinoyat va korrupsiyaga qarshi kurashish bo‘limlari, shuningdek tashqi iqtisodiy faoliyatdagi korrupsiya, o‘g‘irliklar va boshqa suiiste’mollarga qarshi kurashish bo‘limlari bazasida hududiy va ularga tenglashtirilgan prokuratura organlarining iqtisodiy jinoyat va korrupsiyaga qarshi kurashish bo‘limlari tashkil etilsin.
Oldingi tahrirga qarang.
Belgilab qo‘yilsinki, O‘zbekiston Respublikasi Bosh prokuraturasining Iqtisodiy jinoyatlar va korrupsiyaga qarshi kurashish boshqarmasi hamda prokuratura hududiy organlarining tegishli bo‘limlariga ham Departament, ham boshqa idoralar, huquqni muhofaza qilish organlari va Prokuraturaning o‘zi tomonidan qo‘zg‘atilgan iqtisodiy hamda soliqqa oid jinoyatlar bo‘yicha jinoiy ishlarni ko‘rib chiqish vazifasi yuklanadi.
(8-bandning to‘rtinchi xatboshi O‘zbekiston Respublikasi Vazirlar Mahkamasining 2002-yil 28-noyabrdagi 415-sonli qarori tahririda — O‘R QHT, 2002-y., 22-son, 182-modda)
Iqtisodiy jinoyatlar va korrupsiyaga qarshi kurashish boshqarmasining shtatdagi xodimlarining cheklangan soni 11 kishi, hududiy hamda ularga tenglashtirilgan prokuratura organlari iqtisodiy jinoyatlar va korrupsiyaga qarshi kurashish bo‘limlari bo‘yicha 4—6 kishi (Toshkent shahar prokuraturasida 7 kishigacha) etib belgilansin.
Oldingi tahrirga qarang.
Belgilab qo‘yilsinki, O‘zbekiston Respublikasi Bosh prokuraturasining Iqtisodiy jinoyatlar va korrupsiyaga qarshi kurashish bosh boshqarmasini, shuningdek Tashqi iqtisodiy faoliyatda korrupsiya, o‘g‘irliklar va boshqa suiiste’mollarga qarshi kurashish boshqarmasini qayta tashkil etish natijasida bo‘shab qoladigan 18 kishidan iborat shtatdagi xodimlar soni prokuratura hududiy organlarining tergov bo‘linmalarini mustahkamlashga yo‘naltiriladi.
(8-bandning oltinchi xatboshi O‘zbekiston Respublikasi Vazirlar Mahkamasining 2002-yil 28-noyabrdagi 415-sonli qarori tahririda — O‘R QHT, 2002-y., 22-son, 182-modda)
Oldingi tahrirga qarang.
9. O‘zbekiston Respublikasi Bosh prokuraturasi (R. Qodirov), Moliya vazirligi (M. Nurmurodov) soliqqa oid jinoyatlarga qarshi kurashish bo‘linmalari ta’minoti xarajatlari smetasiga tegishli o‘zgartirishlar kiritsinlar.
(9-band O‘zbekiston Respublikasi Vazirlar Mahkamasining 2002-yil 28-noyabrdagi 415-sonli qarori tahririda — O‘R QHT, 2002-y., 22-son, 182-modda)
Oldingi tahrirga qarang.
10. O‘zbekiston Respublikasi Bosh prokuraturasi (R. Qodirov) Makroiqtisodiyot va statistika vazirligi (R. Azimov), Moliya vazirligi (M. Nurmurodov) va Davlat soliq qo‘mitasi (B. Xo‘jayev) bilan birgalikda Departamentni va uning hududiy bo‘linmalarini transport, maxsus texnika va boshqa moddiy-texnika vositalari bilan ta’minlasin.
(10-band O‘zbekiston Respublikasi Vazirlar Mahkamasining 2002-yil 28-noyabrdagi 415-sonli qarori tahririda — O‘R QHT, 2002-y., 22-son, 182-modda)
11. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bir oy muddatda Departamentni hamda uning joylardagi bo‘linmalarini zarur binolar va xonalar bilan ta’minlash chora-tadbirlarini ko‘rsinlar.
Oldingi tahrirga qarang.
12. Makroiqtisodiyot va statistika vazirligi (R. Azimov) va Moliya vazirligi (M. Nurmurodov) O‘zbekiston Respublikasi Bosh prokuraturasining asoslangan hisob-kitoblariga binoan ushbu qarorda nazarda tutilgan tadbirlarni amalga oshirish uchun zarur mablag‘lar ajratsinlar.
(12-band O‘zbekiston Respublikasi Vazirlar Mahkamasining 2002-yil 28-noyabrdagi 415-sonli qarori tahririda — O‘R QHT, 2002-y., 22-son, 182-modda)
13. Davlat soliq qo‘mitasi soliq sohasidagi qonun buzilishlariga qarshi tezkor kurashish bosh boshqarmasiga va uning hududiy bo‘linmalariga tegishli bo‘lgan bino, avtotransport, tashkiliy texnika, mebel va boshqa moddiy-texnika vositalarini Departament balansiga bersin.
14. O‘zbekiston Respublikasi Bosh prokuraturasi (R. Qodirov) ikki oy muddatda:
O‘zbekiston Respublikasi prokuratura organlari bo‘linmalarining tashkiliy-shtat tuzilmasini ushbu qarorga muvofiqlashtirsin;
Departament rahbariyati bilan birgalikda uning apparatini va joylardagi bo‘linmalarini yuqori malakali kadrlar bilan ta’minlasin;
Adliya vazirligi (A. Polvon-zoda) bilan birgalikda amaldagi qonun hujjatlariga ushbu qarordan kelib chiqadigan tegishli o‘zgartirish va qo‘shimchalar kiritish to‘g‘risida takliflar tayyorlasin;
Oliy va o‘rta maxsus ta’lim vazirligi (S. G‘ulomov) va Davlat soliq qo‘mitasi (B. Xo‘jayev) bilan birgalikda 2002/2003 o‘quv yilida O‘zbekiston Respublikasi Davlat soliq qo‘mitasi huzuridagi soliq va bojxona organlari akademiyasining “Soliqlar va soliqqa tortish” fakultetiga Soliq va valyutaga oid jinoyatlarga qarshi kurashish departamenti uchun tinglovchilar qabul qilish bo‘yicha takliflar kiritsin;
Ichki ishlar vazirligi (Z. Almatov) bilan birgalikda O‘zbekiston Respublikasi Ichki ishlar vazirligi Akademiyasi bazasida Soliq va valyutaga oid jinoyatlarga qarshi kurashish departamenti bo‘linmalari xodimlarini qayta tayyorlashni ta’minlasin.
(14-band O‘zbekiston Respublikasi Vazirlar Mahkamasining 2002-yil 28-noyabrdagi 415-sonli qarori tahririda— O‘R QHT, 2002-y., 22-son, 182-modda)
15. Hukumatning 7-ilovaga muvofiq ayrim qarorlariga o‘zgartirish va qo‘shimchalar kiritilsin.
16. Mazkur qarorning bajarilishini nazorat qilish O‘zbekiston Respublikasining Bosh vaziri O‘. Sultonov va O‘zbekiston Respublikasi Prezidentining Davlat maslahatchisi T. Xudoybergenov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2001-yil 6-iyul,
291-son
Oldingi tahrirga qarang.
(1-ilova O‘zbekiston Respublikasi Vazirlar Mahkamasining 2002-yil 28-noyabrdagi 415-sonli qaroriga muvofiq o‘z kuchini yo‘qotgan— O‘R QHT, 2002-y., 22-son, 182-modda)
Oldingi tahrirga qarang.
(2-ilova O‘zbekiston Respublikasi Vazirlar Mahkamasining 2002-yil 28-noyabrdagi 415-sonli qaroriga muvofiq o‘z kuchini yo‘qotgan — O‘R QHT, 2002-y., 22-son, 182-modda)
Oldingi tahrirga qarang.
(2a-ilova O‘zbekiston Respublikasi Vazirlar Mahkamasining 2002-yil 28-noyabrdagi 415-sonli qaroriga muvofiq o‘z kuchini yo‘qotgan — O‘R QHT, 2002-y., 22-son, 182-modda)
Oldingi tahrirga qarang.
(3-ilova O‘zbekiston Respublikasi Vazirlar Mahkamasining 2002-yil 28-noyabrdagi 415-sonli qaroriga muvofiq o‘z kuchini yo‘qotgan — O‘R QHT, 2002-y., 22-son, 182-modda)
Oldingi tahrirga qarang.
(3a-ilova O‘zbekiston Respublikasi Vazirlar Mahkamasining 2002-yil 28-noyabrdagi 415-sonli qaroriga muvofiq o‘z kuchini yo‘qotgan — O‘R QHT, 2002-y., 22-son, 182-modda)
O‘zbekiston Respublikasi Bosh prokuraturasi huzuridagi soliq, valyutaga oid jinoyatlarga va jinoiy faoliyatdan olingan daromadlarni legallashtirishga qarshi kurashish departamenti hamda uning hududiy bo‘linmalari xodimlarining darajali maxsus unvonlari
(4-ilovaning nomi O‘zbekiston Respublikasi Vazirlar Mahkamasining 2006-yil 6-iyuldagi 130-sonli qarori tahririda— O‘R QHT, 2006-y., 27-son, 250-modda)
I. Oliy darajali maxsus unvonlar
2-darajali Davlat adliya maslahatchisi
3-darajali Davlat adliya maslahatchisi
II. Yuqori darajali maxsus unvonlar
Adliya katta maslahatchisi
Adliya maslahatchisi
Adliya kichik maslahatchisi
III. Quyi darajali maxsus unvonlar
1-darajali yurist
2-darajali yurist
3-darajali yurist
O‘zbekiston Respublikasi Prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti va uning hududiy bo‘linmalari xodimlarining darajali
UNVONLARI
|
Asosiy lavozimlar nomi |
Darajali unvonlar |
| Departament boshlig‘i | 2-darajali Davlat adliya maslahatchisi |
| Departament boshlig‘ining o‘rinbosari | 3-darajali Davlat adliya maslahatchisi |
|
Departament markaziy apparati boshqarmalari boshliqlari, boshqarmalar boshliqlarining o‘rinbosarlari, bo‘limlar boshliqlari, inspeksiya boshlig‘i, Departamentning hududiy boshqarmalari boshliqlari |
Adliya katta maslahatchisi |
|
Departament markaziy apparati bo‘limlari boshliqlarining o‘rinbosarlari, Departament boshlig‘ining yordamchisi, Departament markaziy apparatining bosh inspektorlari, bosh taftishchilari, bosh surishtiruvchilari, hududiy boshqarmalar boshliqlarining o‘rinbosarlari, hududiy boshqarmalarning bo‘limlari boshliqlari va bo‘limlar (bo‘linmalar) boshliqlarining o‘rinbosarlari |
Adliya maslahatchisi |
|
Departament markaziy apparati va hududiy boshqarmalarning katta inspektorlari, inspektorlari, katta surishtiruvchilari, katta taftishchilari, katta kriminalistlari, kriminalistlari, tuman (shahar) bo‘limlari boshliqlari va ularning o‘rinbosarlari |
Adliya kichik maslahatchisi |
|
Tuman (shahar) bo‘linmalaridagi katta surishtiruvchilar, surishtiruvchilar, katta inspektorlar va inspektorlar (darajali unvonda bo‘lish muddatiga qarab) |
3-darajali yurist 2-darajali yurist 1-darajali yurist |
(4a-ilovaning matni O‘zbekiston Respublikasi Vazirlar Mahkamasining 2013-yil 5-dekabrdagi 318-sonli qarori tahririda — O‘R QHT, 2013-y., 50-son, 647-modda)
Oldingi tahrirga qarang.
(5-ilova O‘zbekiston Respublikasi Vazirlar Mahkamasining 2002-yil 28-noyabrdagi 415-sonli qaroriga muvofiq o‘z kuchini yo‘qotgan — O‘R QHT, 2002-y., 22-son, 182-modda)
O‘zbekiston Respublikasi Prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentida xizmatni o‘tash to‘g‘risida
NIZOM
I. Umumiy qoidalar
1. Mazkur Nizom O‘zbekiston Respublikasi Prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentiga (keyingi o‘rinlarda “Departament” deb yuritiladi) qabul qilish tartibi va xizmatni o‘tash shart-sharoitlarini, Departament xodimlariga darajali unvonlar berish va ulardan mahrum qilish, ularni rag‘batlantirish va intizomiy javobgarlikka tortish tartibini belgilaydi.
Departament organlarida xizmatni o‘tash, Departament organlari xodimlariga darajali unvonlar berish hamda ulardan mahrum etish, ularni rag‘batlantirish va intizomiy javobgarlikka tortishning huquqiy asoslarini O‘zbekiston Respublikasining Konstitutsiyasi, O‘zbekiston Respublikasining “Prokuratura to‘g‘risida”gi Qonuni, mazkur Nizom, O‘zbekiston Respublikasi Bosh prokurorining buyruqlari hamda boshqa qonun hujjatlari tashkil qiladi.
Ushbu Nizomning amal qilishi Departamentning darajali unvonlarga ega bo‘lgan barcha xodimlariga, shuningdek sinov muddatini o‘tayotgan shaxslarga tatbiq etiladi.
Departamentda xizmat qilish qonuniylik, inson va fuqaroning huquq va erkinliklarini hurmat qilish va ularga rioya etish, oshkoralik, nazorat qilinish va hisobot berish tamoyillariga muvofiq quriladi.
2. Departament xodimlariga O‘zbekiston Respublikasi Bosh prokuratura tomonidan belgilangan shakl bo‘yicha va tartibda xizmat guvohnomalari beriladi.
Guvohnoma lavozimga tayinlash to‘g‘risidagi tegishli buyruq chiqarilgandan keyin prokuratura organi yoki Departament rahbarining, yoxud ularning o‘rinbosarlarining imzosi qo‘yilgan holda beriladi.
Departament boshlig‘iga xizmat guvohnomasi O‘zbekiston Respublikasi Prezidenti tomonidan beriladi.
Departament xodimi guvohnomadan egallab turgan lavozimda xizmatni o‘tashning butun muddati mobaynida foydalanadi. Lavozim yoki darajali unvon o‘zgargan taqdirda xodimga yangi guvohnoma beriladi.
Guvohnomaning Departament xodimining aybi bilan yo‘qotilishi lavozimdagi nojo‘ya xatti-harakat hisoblanadi va intizomiy javobgarlikni keltirib chiqaradi. Guvohnoma yo‘qotilishining har bir holati bo‘yicha xizmat tekshiruvi o‘tkaziladi.
II. Departamentga xizmatga qabul qilish va uni o‘tash
3. Departamentda xizmat qilish uchun oliy yuridik, iqtisodiy, axborot texnologiyalari ma’lumotiga ega bo‘lgan hamda sog‘lig‘iga ko‘ra xizmat majburiyatlarini bajarishga qodir bo‘lgan zarur kasb-kor va ma’naviy fazilatlarga ega bo‘lgan O‘zbekiston Respublikasi fuqarolari qabul qilinadilar.
Departament organlariga xizmatga qabul qilishda nomzodlarning ushbu Nizomda belgilangan talablarga muvofiqligini o‘rganish maqsadida tekshirish hamda maxsus komissiya tomonidan bilim saviyasi, zarur kasb malakasi va ishchanlik qobiliyatini aniqlashga qaratilgan majburiy suhbat o‘tkaziladi.
Departament organlariga xizmatga qabul qilishda zimmalariga yuklanadigan xizmat vazifalarini bajarishga sog‘lig‘i imkon berishini aniqlash maqsadida nomzodlar majburiy tartibda tibbiy ko‘rikdan o‘tkaziladi.
Departamentda xizmatni o‘tashning ichki tartibi Departament boshlig‘i tomonidan tasdiqlanadi.
4. Departamentga birinchi marta xizmatga kiruvchi shaxslar uchun 3 oygacha bo‘lgan sinov muddati belgilanadi.
Sinov muddati vaqti ko‘p yillik xizmati uchun foiz ustamasi to‘lash va pensiya tayinlash huquqini beruvchi Departamentdagi ish stajiga qo‘shiladi.
Sinov muddatini o‘tayotgan shaxslar:
agar ularning qo‘yilayotgan talablarga nomuvofiqligi aniqlansa Departament bo‘linmalari rahbariyatining tashabbusi bilan;
xizmatga kirgan shaxsning tashabbusi bilan (o‘z xohishiga ko‘ra, oilaviy sharoitlar bo‘yicha va boshqa uzrli sabablarga ko‘ra) Departamentdan xizmatdan bo‘shatilishi mumkin.
5. Departament xodimini xizmatga qabul qilish va lavozimga tayinlash O‘zbekiston Respublikasi Bosh prokurori yoki Departament boshlig‘ining vakolatlari doirasida ularning buyruqlari bilan rasmiylashtiriladi. Departamentning hududiy boshqarmalarida yordamchi shaxslar va texnik xodimlarni xizmatga qabul qilishni ushbu boshqarmalar boshliqlari amalga oshiradilar.
Xizmatga qabul qilish to‘g‘risidagi buyruq xodimga imzo qo‘ydirib e’lon qilinadi.
6. Agar shaxs:
O‘zbekiston Respublikasi fuqarosi bo‘lmasa;
sudning qarori bilan huquqiy layoqatsiz yoki huquqiy layoqati cheklangan deb e’tirof etilgan bo‘lsa;
sudlangan bo‘lsa;
nojo‘ya xatti-harakatlar sodir etganligi uchun huquqni muhofaza qiluvchi, sud yoki boshqa davlat organlaridan hamda boshqa tashkilotlardan bo‘shatilgan shaxslar bo‘lsa Departamentga xizmatga qabul qilinishi mumkin emas.
Departament organlariga xizmatga qabul qilinganda Departament organlari xodimlari o‘z vakolatlari davrida siyosiy partiyalarga a’zolikni to‘xtatib turadilar.
7. Prokuratura organlarida o‘zaro yaqin qarindoshlik yoki quda-andachilikda bo‘lgan Departament organlari xodimlarining (ota-onalar, aka-ukalar, opa-singillar, o‘g‘il va qizlar, er-xotinlar, shuningdek, er-xotinlarning ota-onalari, aka-ukalari, opa-singillari va bolalari), basharti ulardan biri ikkinchisiga bevosita bo‘ysunib yoki uning nazorati ostida xizmat qiladigan bo‘lsa, birgalikda xizmat qilishlari taqiqlanadi.
8. Departamentning attestatsiyadan o‘tkazilgan xodimlariga darajali unvonlar beriladi. Darajali unvonlar ro‘yxati O‘zbekiston Respublikasi Hukumati tomonidan belgilanadi.
9. Departament organlari xodimlari haq to‘lanadigan faoliyatning biror-bir turi bilan shug‘ullanishi mumkin emas. Ilmiy, o‘qituvchilik va ijodiy faoliyat bilan ular faqat asosiy ish vaqtidan bo‘sh paytda shug‘ullanishlari mumkin.
10. Departament xodimlari lavozimlari ro‘yxati Departament boshlig‘i tomonidan tasdiqlanadigan shtat jadvali bilan belgilanadi.
Departament organlari faoliyatining ichki tizimli tashkil etilishi O‘zbekiston Respublikasi Bosh prokurori tomonidan tasdiqlanadigan Departament Reglamenti hamda Departamentning Qoraqalpog‘iston Respublikasi, viloyatlar va Toshkent shahar boshqarmalarining Namunaviy reglamenti bilan belgilanadi.
11. Departament xodimi mazkur Nizomga 1-ilovaga muvofiq qasamyod qabul qiladi. Qasamyod Departamentning rahbarlari va mansabdor shaxslari hozirligida tantanali vaziyatda qabul qilinadi.
Qasamyod yakka tartibda qabul qilinadi. Qasamyod qabul qiluvchi shaxs qasamyod matnini ovoz chiqarib o‘qiydi va unga imzo chekadi.
Qasamyod matni yozilgan varaq imzolanib xodimning shaxsiy hujjatlari yig‘ma jildida saqlanadi.
12. Departament organlarining xodimlari xizmatni o‘tash davrida O‘zbekiston Respublikasi Bosh prokurori tomonidan tasdiqlanadigan Departament organlari xodimining kasb odobnomasiga rioya qilishlari shart.
Departament organlari xodimining kasb odobnomasi talablarini buzish qonunchilikda belgilangan javobgarlikni keltirib chiqaradi. Qayd etilgan qoidalar buzilishining har bir holati bo‘yicha xizmat tekshiruvi o‘tkaziladi.
Xizmat tekshiruvi o‘tkazilishi davrida Departament xodimi vaqtinchalik, lekin bir oydan ortiq bo‘lmagan muddatga xizmat vazifalarini bajarishdan ozod qilinishi mumkin.
Xizmat tekshiruvi o‘tkazish va Departament xodimini vaqtinchalik xizmat vazifalarini bajarishdan ozod qilish tartibi O‘zbekiston Respublikasi Bosh prokurori tomonidan belgilanadi.
13. Departament organlari xodimlarining xizmat pog‘onalarida yuqorilab borishi ularning ishchanlik va shaxsiy sifatlari, topshirilgan sohada erishgan natijalari va professional tayyorgarligiga muvofiq ravishda amalga oshiriladi. Bunda xodimning yuqori lavozimga tayinlanishga roziligi talab qilinmaydi.
14. Poraxo‘rlik va boshqa suiiste’molchiliklarning oldini olish va ularga yo‘l qo‘ymaslik, xodimning shaxsiy va ishchanlik fazilatlarini, uning faoliyati samaradorligini muntazam o‘rganish, shuningdek Departament organlari faoliyatining turli yo‘nalishlarida malaka va ish tajribasiga ega bo‘lgan kadrlar zaxirasini shakllantirish maqsadida xodimlarning lavozimlarini o‘zgartirish (rotatsiya) o‘tkaziladi.
Departament xodimlarini rotatsiya qilish tartibi O‘zbekiston Respublikasi Bosh prokurorining buyrug‘i bilan belgilanadi.
15. Departament xodimining egallab turgan lavozimiga xizmat bo‘yicha muvofiqligini aniqlash maqsadida O‘zbekiston Respublikasi Bosh prokurorining buyrug‘i bilan belgilangan tartibda va muddatlarda attestatsiya o‘tkaziladi.
Attestatsiya o‘tkazishda attestatsiyadan o‘tkazilayotgan mansabdor shaxsning kasb-kor bo‘yicha yaroqliligi va egallab turgan lavozimiga muvofiqligi, shuningdek uning bundan buyon xizmat qilishiga va darajali unvon berishga doir takliflar ko‘rib chiqiladi.
Lavozimiga Bosh prokurorning buyruqlari bilan tayinlanadigan xodimlar O‘zbekiston Respublikasi Bosh prokurori huzuridagi maxsus inspeksiya tomonidan, Departament boshlig‘ining buyruqlari bilan lavozimga tayinlanadigan xodimlar esa — Departamentning attestatsiya komissiyasi tomonidan attestatsiyadan o‘tkaziladi.
III. Darajali unvonlar
16. O‘zbekiston Respublikasi qonun hujjatlariga muvofiq ushbu Nizom Departament xodimlariga darajali unvonlar belgilash va berish tartibini belgilab beradi.
17. Darajali unvon berish xodimning ishchanlik va shaxsiy fazilatlarini hisobga olgan holda va egallab turgan lavozimi va ish stajiga muvofiq izchil tartibda amalga oshiriladi.
Ushbu Nizomning 641-bandida sanab o‘tilgan Departament xodimlariga darajali unvonlari ular egallab turgan lavozimdan qat’i nazar, belgilangan muddatlarda beriladi.
Prokuratura organlarining amaldagi kadrlar zaxirasiga kiritilgan va unda bo‘lgan O‘zbekiston Respublikasi Prezidenti devoni xodimlariga darajali unvonlar O‘zbekiston Respublikasi Bosh prokurori tomonidan O‘zbekiston Respublikasi Prezidenti devonining tegishli tarkibiy bo‘linmasi rahbarining tavsiyanomasiga asosan beriladi.
(17-band O‘zbekiston Respublikasi Vazirlar Mahkamasining 2017-yil 9-iyundagi 365-son qaroriga asosan xatboshilar bilan to‘ldirilgan — O‘R QHT, 2017-y., 24-son, 497-modda)
18. Darajali unvonlar ro‘yxati va ularning lavozimlarga muvofiqligi O‘zbekiston Respublikasi Vazirlar Mahkamasi tomonidan belgilanadi.
19. Har bir darajali unvonda bo‘lishning quyidagi muddatlari belgilanadi:
| 3-darajali yurist | — | 2 yil |
| 2-darajali yurist | — | 2 yil 6 oy |
| 1-darajali yurist | — | 3 yil |
| adliya kichik maslahatchisi | — | 3 yil |
| adliya maslahatchisi | — | 3 yil 6 oy |
O‘zbekiston Respublikasi Prezidenti devonining boshqaruv xodimi sifatida ishlangan davr darajali unvoni olish uchun zarur bo‘lgan ish stajiga qo‘shiladi.
(19-band O‘zbekiston Respublikasi Vazirlar Mahkamasining 2017-yil 9-iyundagi 365-son qaroriga asosan xatboshi bilan to‘ldirilgan — O‘R QHT, 2017-y., 24-son, 497-modda)
20. 2 va 3-darajali davlat adliya maslahatchisi darajali unvonlari Bosh prokurorning taqdimnomasiga ko‘ra O‘zbekiston Respublikasi Prezidenti tomonidan beriladi.
Boshqa darajali unvonlar Departament boshlig‘ining taqdimnomasiga ko‘ra O‘zbekiston Respublikasi Bosh prokurori tomonidan beriladi.
Departament organlariga birinchi marta xizmatga qabul qilingan va darajali unvonlarga ega bo‘lmagan xodimlarga 3-darajali yurist unvoni, ular attestatsiyadan o‘tgandan so‘ng beriladi.
(20-bandning uchinchi xatboshisi O‘zbekiston Respublikasi Vazirlar Mahkamasining 2017-yil 9-iyundagi 365-son qarori tahririda — O‘R QHT, 2017-y., 24-son, 497-modda)
21. Navbatdagi adliya katta maslahatchisi darajali unvoni, qoidaga ko‘ra, O‘zbekiston Respublikasi Bosh prokuraturasi Akademiyasini rahbarlik lavozimlarini egallash uchun zaxirada turuvchi kadrlarni kasbiy qayta tayyorlash dasturi bo‘yicha yoki Akademiya magistraturasini muvaffaqiyatli tamomlagan Departament xodimlariga beriladi.
(21-bandning birinchi xatboshisi O‘zbekiston Respublikasi Prezidentining 2018-yil 8-maydagi PF-5438-sonli Farmoni tahririda — Qonun hujjatlari ma’lumotlari milliy bazasi, 10.05.2018-y., 06/18/5438/1189-son)
Adliya katta maslahatchisining darajali unvoni, istisno tariqasida fidokorona mehnati va namuna ko‘rsatgan Departament xodimlariga alohida xizmatlari uchun ham berilishi mumkin.
22. Boshqa huquqni muhofaza qiluvchi organlardan va o‘zga tashkilotlardan Departamentga ishga o‘tgan xodimlarga darajali unvonlar ularning Departamentda tayinlangan lavozimi, oldingi unvoni yoki ish tajribasi hisobga olingan holda beriladi, qonun hujjatlarida belgilangan holatlar bundan mustasno.
(22-bandning birinchi xatboshisi O‘zbekiston Respublikasi Prezidentining 2017-yil 29-sentabrdagi PF-5196-sonli Farmoni tahririda — Qonun hujjatlari ma’lumotlari milliy bazasi, 2017-y.)
Ularga navbatdagi darajali unvon ushbu Nizomda nazarda tutilgan tartibda beriladi.
23. O‘zbekiston Respublikasi Bosh prokurori, istisno tariqasida, quyidagi huquqlarga ega:
ayrim hollarda Departament xodimlariga xizmat majburiyatlarini namunali bajarganligi uchun Departament boshlig‘ining taqdimnomasiga ko‘ra navbatdagi darajali unvonlarni belgilangan muddat tugamasdan avval berish;
(23-bandning ikkinchi xatboshisi O‘zbekiston Respublikasi Vazirlar Mahkamasining 2017-yil 9-iyundagi 365-son qarori tahririda — O‘R QHT, 2017-y., 24-son, 497-modda)
yuqoriroq lavozimga tayinlaganda Departament boshlig‘ining taqdimnomasiga ko‘ra unvonni navbatdan tashqari, lekin xodim egallab turgan unvondan ko‘pi bilan ikki pog‘ona yuqori unvon berish;
attestatsiyadan o‘tishi talab etilmaydigan xodimlarga ishda o‘rnak ko‘rsatganligi uchun darajali unvonlar berish.
(23-band O‘zbekiston Respublikasi Vazirlar Mahkamasining 2017-yil 9-iyundagi 365-son qaroriga asosan xatboshi bilan to‘ldirilgan — O‘R QHT, 2017-y., 24-son, 497-modda)
24. Departamentning darajali unvonlar berilgan xodimlari mazkur unvonga umrbod ega bo‘lib qoladilar. Xodim o‘zini badnom qiladigan qilmishi uchun Departamentdan bo‘shatilganda darajali unvondan mahrum etilishi mumkin. Departament xodimi o‘z xizmat burchini qo‘pol ravishda buzgan taqdirda yoki noloyiq xulq-atvori uchun uning unvoni pasaytirilishi mumkin.
25. Departament xodimlarini oliy darajali unvonlardan mahrum etish yoki ularning oliy darajali unvonlarini pasaytirish O‘zbekiston Respublikasi Prezidenti tomonidan, boshqa darajali unvonlardan mahrum etish yoki unvonni pasaytirish O‘zbekiston Respublikasi Bosh prokurori tomonidan amalga oshiriladi.
Departament xodimlarini darajali unvonlardan mahrum etish sudning hukmi bo‘yicha amalga oshirilishi mumkin.
26. Departamentning darajali unvonlarga ega bo‘lgan xodimlariga lavozim maoshlariga oylik pul ustamalari to‘lanadi.
27. Departamentning darajali unvonga ega bo‘lgan xodimlari xizmat vazifalarini bajarish davrida alohida ko‘rinishdagi belgilar taqilgan prokuratura organlari xodimlari uchun belgilangan xizmat kiyimi kiyadilar.
Departament xodimlarining xizmat kiyimini kiyib yurish tartibi O‘zbekiston Respublikasi Bosh prokurori tomonidan belgilanadi.
Departamentning darajali unvonlarga ega bo‘lib, pensiyaga chiqishi munosabati bilan xizmatdan bo‘shagan shuningdek prokuratura organlarining amaldagi kadrlar zaxirasiga kiritilgan va unda bo‘lgan xodimlari o‘tkaziladigan tantanalar va rasmiy tadbirlarda alohida belgili xizmat kiyimini kiyib yurish huquqini saqlab qoladi.
(27-bandning uchinchi xatboshisi O‘zbekiston Respublikasi Vazirlar Mahkamasining 2017-yil 9-iyundagi 365-son qarori tahririda — O‘R QHT, 2017-y., 24-son, 497-modda)
IV. Rag‘batlantirish
28. Departament organlari xodimlari xizmatdagi tashabbuskorliklari va tezkorligi, xizmat vazifalarini vijdonan va namunali bajarganliklari uchun rag‘batlantiriladilar.
29. Rag‘batlantirishning quyidagi turlari mavjud:
tashakkurnoma;
pul mukofoti;
ilgari berilgan intizomiy jazoni amal qilish muddati tugashidan avval olib tashlash;
faxriy yorliq;
sovg‘a;
qimmatbaho sovg‘a;
navbatdan tashqari darajali unvon yoki navbatdagi darajali unvonni berish;
navbatdan tashqari darajali unvon yoki navbatdagi darajali unvonni belgilangan muddat tugagunga qadar yoxud egallab turgan lavozimidan qat’i nazar berish;
I, II, III darajali “A’lo xizmatlari uchun” ko‘krak nishoni bilan taqdirlash;
(29-band O‘zbekiston Respublikasi Vazirlar Mahkamasining 2017-yil 9-iyundagi 365-son qaroriga asosan o‘ninchi xatboshi bilan to‘ldirilgan — O‘R QHT, 2017-y., 24-son, 497-modda)
“O‘zbekiston Respublikasi prokuraturasining Faxriy xodimi” ko‘krak nishoni bilan taqdirlash.
Shuningdek, O‘zbekiston Respublikasi Bosh prokurorining hamda Davlat muassasalari va ijtimoiy xizmat ko‘rsatish xodimlari kasaba uyushmalari uyushmasi Respublika kengashining Faxriy yorlig‘i bilan mukofotlash mumkin.
(29-bandning o‘n ikkinchi xatboshisi O‘zbekiston Respublikasi Vazirlar Mahkamasining 2017-yil 9-iyundagi 365-son qarori tahririda — O‘R QHT, 2017-y., 24-son, 497-modda)
Departamentning xodimlari alohida xizmatlari uchun O‘zbekiston Respublikasi davlat mukofotlariga taqdim etilishi mumkin.
Ish haqi, boshqa mukofotlar, mehnatga haq to‘lash tizimida nazarda tutilgan qo‘shimcha haq va ustamalar rag‘batlantirish turlariga kirmaydi.
Departament boshlig‘iga o‘zining shaxsiy farmoyishi bilan oddiy xodimdan boshlab Departament boshlig‘i o‘rinbosarigacha xodimlarning lavozim maoshlariga bir yillik lavozim maoshi miqdorida rag‘batlantirish shaklida mukofotlash ustamalari belgilash huquqi beriladi. Ushbu masala bo‘yicha alohida Nizom Moliya vazirligi bilan kelishiladi.
Departament va uning hududiy bo‘linmalari xodimlarini rag‘batlantirish Departament faoliyati natijasi va u tufayli O‘zbekiston Respublikasi Davlat budjeti olgan mablag‘lar miqdoridan kelib chiqib amalga oshiriladi. Agar Departament tomonidan undirilgan va O‘zbekiston Respublikasi Davlat budjetiga tushgan mablag‘lar Departamentning ish haqi fondi miqdoridan ortiq bo‘lmasa va uning xodimlarining ish haqini qoplamasa xodimlarga mukofotlash ustamalari to‘lanmaydi.
(29-bandning o‘n beshinchi xatboshisi O‘zbekiston Respublikasi Vazirlar Mahkamasining 2016-yil 26-apreldagi 122-sonli qarori tahririda — O‘R QHT, 2016-y., 17-son, 176-modda)
30. Departamentning intizomiy jazo berilgan xodimlari oldin berilgan intizomiy jazo olib tashlanishi shaklida rag‘batlantirilishi mumkin.
31. Rag‘batlantirish quyidagi tartibda amalga oshiriladi:
tashakkurnoma e’lon qilish, pul mukofoti yoki sovg‘a berish, muqaddam berilgan intizomiy jazoni amal qilish muddati tugagunga qadar olib tashlash O‘zbekiston Respublikasi Bosh prokurori, Departament boshlig‘i, Departamentning Qoraqalpog‘iston Respublikasi, viloyatlar va Toshkent shahar boshqarmalari boshliqlari tomonidan amalga oshiriladi;
qimmatbaho sovg‘a, O‘zbekiston Respublikasi Bosh prokurorining Faxriy yorlig‘i bilan taqdirlash, navbatdan tashqari darajali unvon yoki navbatdagi darajali unvonni belgilangan muddatdan oldin, yoxud egallab turgan lavozimidan qat’i nazar, berish, “O‘zbekiston Respublikasi prokuraturasining Faxriy xodimi”, “I, II, III darajali “A’lo xizmatlari uchun” ko‘krak nishonlari bilan taqdirlash, shuningdek O‘zbekiston Respublikasi Bosh prokurori hamda Davlat muassasalari va ijtimoiy xizmat ko‘rsatish xodimlari kasaba uyushmasi Respublika kengashining Faxriy yorlig‘i bilan taqdirlash, O‘zbekiston Respublikasining davlat mukofotlariga taqdim etish O‘zbekiston Respublikasi Bosh prokurori tomonidan amalga oshiriladi.
(31-bandning uchinchi xatboshisi O‘zbekiston Respublikasi Vazirlar Mahkamasining 2017-yil 9-iyundagi 365-son qarori tahririda — O‘R QHT, 2017-y., 24-son, 497-modda)
32. Rag‘batlantirish to‘g‘risida buyruq chiqariladi va u Departamentning rag‘batlantirilayotgan xodimiga e’lon qilinadi. Zarur hollarda esa Departamentning barcha xodimlari e’tiboriga yetkaziladi. Rag‘batlantirish to‘g‘risidagi buyruq nusxasi xodimning shaxsiy hujjatlari yig‘ma jildiga tikib qo‘yiladi.
V. Intizomiy jazolar
33. Departament xodimlariga nisbatan intizomiy jazolar o‘z xizmat vazifasini bajarmaganligi yoki lozim darajada bajarmaganligi yoki Departament xodimi degan nomga dog‘ tushiradigan nojo‘ya xatti-harakat sodir etganligi uchun qo‘llaniladi.
34. Quyidagilar intizomiy jazolar hisoblanadi:
hayfsan;
o‘rtacha oylik ish haqining ellik foizidan ortiq bo‘lmagan miqdordagi jarima;
lavozimida pasaytirish;
darajali unvonni bir pog‘onaga pasaytirish;
xizmat majburiyatlarini muntazam yoki bir marta qo‘pol ravishda buzganligi uchun xizmatdan bo‘shatish.
Quyidagilar xizmat vazifasini bir marta qo‘pol ravishda buzish hisoblanadi:
uzrli sabablarsiz progul (shu jumladan ish kuni mobaynida uch soatdan ortiq xizmatda bo‘lmaslik);
xizmatga mast holda kelish, shuningdek ish joyida spirtli ichimliklar iste’mol qilish;
jinoiy jazolanadigan qilmish yoki nojo‘ya xatti-harakat sodir etish;
Departament xodimining Qasamyodini buzish.
35. O‘zbekiston Respublikasi Bosh prokurori Departamentning xizmatga qabul qilish huquqi uning vakolatiga kiruvchi xodimlariga nisbatan intizomiy jazoning barcha turlarini qo‘llashga haqlidir. Departament boshlig‘i va hududiy boshqarmalar boshliqlari Departament yoki hududiy bo‘linmalar xodimlariga nisbatan intizomiy jazolarni ushbu Nizomning 34-bandida nazarda tutilgan hayfsan va jarima shaklida qo‘llashlari mumkin. Bundan tashqari, ular xizmatga qabul qilish huquqi o‘z vakolatlariga kiruvchi xodimlarning lavozimini pasaytirishi yoxud ishdan bo‘shatishi mumkin.
36. Intizomiy jazo qo‘llash to‘g‘risidagi masalani hal etayotgan mansabdor shaxs sodir etilgan xatti-harakatni shaxsan o‘zi o‘rganib chiqishi shart. Zarur hollarda xizmat tekshiruvi tayinlanishi mumkin.
Intizomiy jazo qo‘llangungacha Departament xodimidan tushuntirish xati talab qilib olinishi lozim. Xodimning tushuntirish xati berishdan bosh tortishi uning sodir etgan nojo‘ya xatti-harakati uchun jazo qo‘llashga to‘siq bo‘la olmaydi.
Har bir nojo‘ya xatti-harakat uchun faqat bitta intizomiy jazo qo‘llanishi mumkin.
Intizomiy jazo bevosita aniqlangan nojo‘ya xatti-harakat uchun, biroq qilmish aniqlangan kundan boshlab bir oydan kechikmay qo‘llaniladi, bu muddatga xodimning kasal yoki mehnat ta’tilida bo‘lgan vaqti kirmaydi.
Intizomiy jazo qilmish sodir etilgan kundan boshlab olti oy o‘tgach, xizmat tekshiruvi natijalari bo‘yicha esa — u sodir etilgan kundan boshlab ikki yildan keyin qo‘llanishi mumkin emas. Ko‘rsatib o‘tilgan muddatlarga jinoiy ishni ko‘rib chiqish vaqti kirmaydi.
Intizomiy jazo buyruq bilan beriladi va u Departament xodimiga ma’lum qilinib, tilxat olinadi hamda uning shaxsiy yig‘ma jildiga qo‘shib qo‘yiladi. Xodimga nisbatan intizomiy jazo qo‘llash haqidagi buyruq Departamentning tegishli bo‘linmasi xodimlariga, zarur hollarda esa barcha xodimlarga ham e’lon qilinishi mumkin.
O‘zbekiston Respublikasi Bosh prokurori tomonidan lavozimga tayinlangan Departament xodimi intizomiy javobgarlikka tortilgan hollarda, intizomiy jazo qo‘llash haqidagi buyruq nusxasi O‘zbekiston Respublikasi Bosh prokuraturasiga yuboriladi.
37. O‘zbekiston Respublikasi Bosh prokurori va Departament boshlig‘i, buyruqda o‘z qarorini asoslagan holda, jazoni bekor qilish, uni kuchaytirish yoki yengillashtirish huquqiga egadirlar. Agar intizomiy jazo chorasi sifatida ishdan bo‘shatish qo‘llangan bo‘lsa, u holda O‘zbekiston Respublikasi Bosh prokurori yoki Departament boshlig‘i ishdan bo‘shatishni asossiz deb topib, xodimni ilgarigi lavozimiga tiklash va unga majburiy ishlanmagan vaqti uchun, biroq ko‘pi bilan bir yil uchun o‘rtacha ish haqini to‘lash to‘g‘risida buyruq chiqaradilar.
38. Agar xodim jazo qo‘llanilgan kundan boshlab bir yil mobaynida yangi intizomiy jazo olmagan bo‘lsa, u intizomiy jazo olmagan deb hisoblanadi.
Qo‘llanilgan intizomiy jazo agar xodim xizmat vazifalarini bajarishda o‘zini vijdonli va namunali tutsa, bu haqdagi buyruq qabul qilingan kundan kamida olti oy o‘tgach, ushbu jazoni qo‘llagan mansabdor shaxs, Departament boshlig‘i yoki O‘zbekiston Respublikasi Bosh prokurori tomonidan olib tashlanishi mumkin
39. Intizomiy jazo mavjudligi Departament xodimining lavozim bo‘yicha yuqori ko‘tarilishiga yoki unga darajali unvon berilishiga, shuningdek rahbarlik lavozimlari uchun zaxiraga kiritilishiga (bo‘lishiga) to‘sqinlik qiluvchi holat hisoblanadi.
40. Intizomiy jazolar qo‘llashda o‘zlariga berilgan vakolatlarni oshirib yuborgan yoki ularni Departament yoki hududiy boshqarmalar xodimlariga nisbatan zarur darajada qo‘llamagan Departament boshlig‘i, hududiy boshqarmalar boshliqlari O‘zbekiston Respublikasi Prokurori oldida javob beradilar.
41. Xodimga nisbatan qo‘llangan intizomiy jazo yuzasidan intizomiy jazo qo‘llanganligi to‘g‘risidagi buyruq xodimga e’lon qilingandan keyin ikki hafta muddatda O‘zbekiston Respublikasi Bosh prokuroriga yoki Departament boshlig‘iga shikoyat qilinishi mumkin.
Shikoyat u tushgan kundan boshlab o‘n besh kun muddatda, qo‘shimcha tekshiruv o‘tkazish zarur bo‘lgan hollarda esa — u tushgan kundan boshlab bir oydan kechikmay ko‘rib chiqiladi.
Shikoyat bilan murojaat qilish intizomiy jazo ijrosini to‘xtatmaydi.
42. Departament organlari xodimlari davlat himoyasida bo‘ladi.
Xizmat vazifasini bajarish vaqtida Departament organlari xodimini ushlab turishga, shaxsiy tintuv o‘tkazishga, uning narsalarini va foydalanayotgan transportini ko‘zdan kechirishga yo‘l qo‘yilmaydi, qonunda nazarda tutilgan hollar bundan mustasno.
Departament organlarining xodimlariga, shuningdek Departament organlaridan xizmatdan bo‘shatilgan shaxslarga nisbatan ularning Departament organlarida xizmat vazifalarini bajarish jarayonida sodir etgan qilmishlari uchun jinoyat ishi kuzatish masalasi hamda Departament organlari xodimlarining ma’muriy huquqbuzarliklari uchun javobgarlik masalasi O‘zbekiston Respublikasi Bosh prokurori, uning o‘rinbosarlari, Qoraqalpog‘iston Respublikasi prokurori, viloyatlar, Toshkent shahar prokurorlari va ularga tenglashtirilgan prokurorlar tomonidan vakolatlari doirasida qonun hujjatlarida belgilangan tartibda hal etiladi.
VI. Departament organlarining kadrlar zaxirasi
43. Departamentning kadrlar zaxirasi shakllantiriladi.
Departament organlarining kadrlar zaxirasini shakllantirishdan asosiy maqsad Departament organlariga zarur kasbiy fazilatlarga ega bo‘lgan shaxslarning xizmatga qabul qilinishi, rahbarlik lavozimlariga yuklatilgan vazifalarni professional va samarali amalga oshirish uchun boshqaruvchilik qobiliyatiga ega xodimlar taqdim etilishini ta’minlash, shuningdek ularni tarbiyalash, o‘qitish va joy-joyiga qo‘yishdan iborat.
Departament organlarining kadrlar zaxirasini shakllantirish va u bilan ishlash kollegiallik va xolislik tamoyillariga asosan amalga oshiriladi.
44. Quyidagilar Departament organlarining kadrlar zaxirasini shakllantirish va u bilan ishlash faoliyatining ustuvor yo‘nalishlari hisoblanadi:
Departament organlariga ushbu Nizom bilan belgilangan talablarga javob beradigan shaxslarni xizmatga qabul qilish;
Departament xodimlarining nazariy bilimlari, amaliy va axborot-tahlil ko‘nikmalarini yuksaltirish, ishchanlik va professional sifatlarini takomillashtirish, ularni axborot-kommunikatsiya texnologiyalari va tezkor-qidiruv faoliyatining zamonaviy yutuqlari bilan tanishtirish;
yuqori lavozimlar uchun mas’uliyatli, malakali hamda kasbiy tayyorgarlikka ega Departament organlari xodimlarini tanlab olish va ularni kadrlar zaxirasiga kiritish;
kadrlar zaxirasiga kiritilgan Departament organlari xodimlarini qayta tayyorlash va tarbiyalash, shuningdek ularda boshqaruvchilik qobiliyatlarini shakllantirish;
Departament organlari xodimlarining xizmat pog‘onalarida yuqorilab borishni tizimli rejalashtirish va tashkil etish.
Departament organlari tizimidagi yuqori lavozimlarga, qoida tariqasida, kadrlar zaxirasida turgan Departament organlari xodimlari tayinlanadi.
Kadrlar zaxirasi bilan ishlash jarayonida, ularni kelgusida Departamentning Qoraqalpog‘iston Respublikasi, viloyatlar va Toshkent shahar boshqarmalari boshliqlari lavozimiga ko‘tarish maqsadida Departament organlari rahbar xodimlarini tanlash va tayyorlashga alohida e’tibor qaratiladi.
45. Departament organlarining kadrlar zaxirasi quyidagilardan iborat:
Departament organlariga xizmatga qabul qilish uchun nomzodlar zaxirasi;
Departamentning Qoraqalpog‘iston Respublikasi, viloyatlar va Toshkent shahar boshqarmalari katta inspektorlari, inspektorlari, bosh surishtiruvchilari, katta surishtiruvchilari, katta taftishchilari, bosh taftishchilari, taftishchilari lavozimlariga ko‘tarish uchun kadrlar zaxirasi;
Departamentning Qoraqalpog‘iston Respublikasi, viloyatlar va Toshkent shahar boshqarmalarida tarkibiy bo‘linmalar boshliqlari va boshliqlarining o‘rinbosarlari lavozimlariga, shuningdek ularga tenglashtirilgan lavozimlarga, tuman (shahar) bo‘limlari boshliqlari va ularning o‘rinbosarlari lavozimlarga ko‘tarish uchun kadrlar zaxirasi;
Departament tarkibiy bo‘linmalarining bosh inspektorlari, katta inspektorlari, bosh surishtiruvchilari, katta surishtiruvchilari, bosh taftishchilari, katta taftishchilari va katta kriminalisti lavozimlariga ko‘tarish uchun kadrlar zaxirasi;
Departament boshlig‘i, Departament boshlig‘ining o‘rinbosarlari, Departamentning Qoraqalpog‘iston Respublikasi, viloyatlar va Toshkent shahar boshqarmalari boshliqlari va ularning o‘rinbosarlari, Departament tarkibiy bo‘linmalari boshliqlari va ularning o‘rinbosarlari, shuningdek ularga tenglashtirilgan lavozimlarga ko‘tarish uchun kadrlar zaxirasi.
46. Rahbar kadrlar zaxirasiga kiritish uchun mezon bo‘lib, Departament organlari tizimidagi rahbarlik lavozimlarida yuklatilgan vazifalarni bajara olish uchun zarur ko‘nikma va sifatlarga egaligi hisoblanadi.
Bunda Departamentning Qoraqalpog‘iston Respublikasi, viloyatlar va Toshkent shahar boshqarmalari boshliqlari, shuningdek Departamentning tarkibiy bo‘linmalari rahbarlari lavozimlariga Departament organlari kadrlar zaxirasiga Departament va prokuratura organlarining o‘zlariga yuklangan xizmat vazifalarini vijdonan bajarayotgan, tegishli dunyoqarashga, nazariy bilimlarga, ijobiy shaxsiy va ishchanlik sifatlariga, turli lavozimlardagi amaliy ish tajribasiga, tashkiliy-tahliliy qobiliyatga, qat’iy xarakter, prinsipiallik va mas’uliyatni his etishga ega bo‘lgan xodimlari kiritiladi.
47. Kadrlar zaxirasiga nomzodlar Departament boshlig‘i, Departament boshlig‘ining o‘rinbosarlari, Departamentning Qoraqalpog‘iston Respublikasi, viloyatlar va Toshkent shahar boshqarmalari boshliqlari, shuningdek Departamentning kadrlar bo‘limi va tarkibiy bo‘linmalari rahbarlari, shuningdek Bosh prokuratura va Departament organlarining boshqarmalari attestatsiya komissiyalari tomonidan taqdim etiladi.
Departamentning kadrlar bo‘limi tomonidan Departament organlarining shaxsiy tarkib bo‘yicha inspeksiyasi va boshqa bo‘linmalar bilan birgalikda eng mas’uliyatli, malakali va tayyorlangan xodimlarni xizmat bo‘yicha yuqoriga ko‘tarishni ta’minlash maqsadida kadrlar zaxirasiga nomzodlarni xolisona tanlash, ularni o‘rganish hamda kasbga tizimli ravishda tayyorlash ishlari amalga oshiriladi.
48. Kadrlar zaxirasi bilan ishlash tizimli asosda mavjud vakansiyalardan qat’i nazar, olib boriladi, rahbarlik lavozimlariga zaxira tarkibi yiliga kamida bir marotaba shakllantiriladi.
Departament boshlig‘i, Departament boshlig‘ining o‘rinbosarlari, hududiy boshqarmalarning boshliqlari va ularning o‘rinbosarlari, shuningdek Departament markaziy apparati tarkibiy bo‘linmalarining rahbarlari lavozimlariga ko‘tarish uchun kadrlar zaxirasi Bosh prokuraturaning kadrlar boshqarmasi bilan kelishilgan holda va Departamentning tezkor yig‘ilishlarida tasdiqlanadi.
Departament organlarida qolgan lavozimlarga kadrlar zaxirasi, tegishli ravishda, Departamentning markaziy apparati va hududiy boshqarmalarining tezkor yig‘ilishlarida tasdiqlanadi.
Departament organlariga xizmatga qabul qilish uchun nomzodlar zaxirasi Departamentning hamda Departamentning Qoraqalpog‘iston Respublikasi, viloyatlar va Toshkent shahar boshqarmalarining kadrlar bo‘limi tomonidan, ushbu Nizom talablariga javob beradigan oliy ta’lim muassasalari bitiruvchilari va Departament organlari ish yurituvchilari hamda mutaxassislaridan shakllantiriladi.
49. Kadrlar zaxirasini shakllantirishga mas’ul bo‘lgan Departament organlarining mansabdor shaxslari kadrlar zaxirasiga nomzodlarni taqdim etish bo‘yicha ishlarning to‘g‘ri tashkil etilishi va uning xolisona shakllantirilishi uchun to‘liq javobgardirlar.
50. Departament organlarining kadrlar zaxirasini shakllantirish va u bilan ishlash ushbu Nizom hamda O‘zbekiston Respublikasi Bosh prokurorining sohaviy buyruqlarida belgilangan tartibda amalga oshiriladi.
VII. Departament xodimlarini moddiy va ijtimoiy ta’minlash
51. Departament xodimlarining pul ta’minoti mansab maoshi, darajali unvon uchun har oylik qo‘shimcha to‘lovlar, ko‘p yillik xizmat uchun to‘lanadigan ustamalar, mehnatning alohida shart-sharoitlari uchun ustamalar, prokuratura organlari xodimlari uchun belgilangan tartibda va miqdorlarda belgilanadigan davlat xizmatchilarining lavozim maoshlariga ustamalardan (mehnatni rag‘batlantirish koeffitsiyenti) iborat.
Departament xodimlariga O‘zbekiston Respublikasi Prezidentining “O‘zbekiston Respublikasi prokuraturasi organlari xodimlarini moddiy rag‘batlantirish va ijtimoiy muhofaza qilishni kuchaytirish chora-tadbirlari to‘g‘risida” 2013-yil 13-noyabrdagi PQ-2065-son qarori normalari tatbiq etiladi.
Yagona tarif setkasi bo‘yicha mehnatga haq to‘lash razryadlari va Departament xodimlarining lavozim maoshlariga mehnatning alohida shart-sharoitlari uchun oylik ustamalar miqdorlari ushbu Nizomga 2 — 6-ilovalarga muvofiq belgilanadi.
Ko‘p yillik xizmati uchun ustamani hisoblash huquqini beruvchi maxsus staj Bosh prokurorning buyrug‘i bilan tasdiqlangan va O‘zbekiston Respublikasi Bandlik va mehnat munosabatlari vazirligi hamda Moliya vazirligi bilan kelishilgan O‘zbekiston Respublikasi prokuratura organlarining xodimlariga ko‘p yillik xizmati uchun ustamalar to‘lash tartibi to‘g‘risidagi nizomda nazarda tutilgan qoidalar bo‘yicha hisoblab chiqariladi.
(51-bandning to‘rtinchi xatboshisi O‘zbekiston Respublikasi Vazirlar Mahkamasining 2017-yil 9-iyundagi 365-son qarori tahririda — O‘R QHT, 2017-y., 24-son, 497-modda)
52. Darajali unvonlar berilgan shaxslar bepul xizmat kiyimi bilan ta’minlanadi.
53. Departament xodimlariga 30 kalendar kunlik har yilgi haqi to‘lanadigan mehnat ta’tili beriladi. Departamentning 15 kalendar yildan ortiq ish stajiga ega bo‘lgan xodimlarga ish staji:
15 kalendar yildan ortiq bo‘lganda — 5 kun;
25 kalendar yildan ortiq bo‘lganda — 10 kun haq to‘lanadigan qo‘shimcha mehnat ta’tili beriladi.
Xodimlarni har yilgi navbatdagi ta’tildan chaqirib olishga xizmat bo‘yicha o‘ta zarur hollarda, xodimning roziligi bilan yo‘l qo‘yiladi. Ta’tilning foydalanilmagan qismi kech muddatlarga o‘tkaziladi.
Departament organlaridan xodimlar soni yoki shtati qisqarganligi munosabati bilan (tashkiliy-shtat tadbirlari), kasalligi tufayli yoki pensiyaga chiqishi sababli ishdan bo‘shatilgan xodimlarga ularning xohishiga ko‘ra, haq to‘lanadigan navbatdagi yillik mehnat ta’tili beriladi, undan foydalanilmagan taqdirda O‘zbekiston Respublikasi qonunchiligi asosida pullik kompensatsiya to‘lanadi.
Xizmat o‘tashni tugatgan Departament organi xodimiga foydalanilmagan barcha yillik asosiy va qo‘shimcha ta’tillar uchun pullik kompensatsiya to‘lanadi.
54. Oilaviy holatlar, shuningdek boshqa uzrli sabablar bo‘yicha Departament xodimlariga navbatdagi ta’til hisobiga hisoblanmaydigan ish haqi saqlanmaydigan qisqa muddatli ta’til berilishi mumkin.
55. Departament xodimlariga turar joy binolari qonun hujjatlariga muvofiq beriladi.
Yashash sharoitini yaxshilashga muhtoj bo‘lgan Departament xodimlariga belgilangan tartibda ijtimoiy-moddiy yordam beriladi.
56. Departament xodimlari va ular oila a’zolarining pensiya ta’minoti qonunda belgilangan tartibda amalga oshiriladi.
57. Xodimlar O‘zbekiston Respublikasi Ichki ishlar vazirligi tibbiy muassasalarida tibbiy xizmatlardan bepul foydalanish huquqiga ega.
Departamentning pensiya oluvchi xodimlari va ularning oila a’zolariga tibbiy xizmatlar ko‘rsatish ular ro‘yxatda turgan davolash muassasalarida amalga oshiriladi.
58. Departament xodimlari xizmat safarlariga yuborilganda barcha turdagi transport vositalariga yo‘l chiptalari va mehmonxonalarda joylarni band qilish va navbatsiz olish huquqidan foydalanadilar.
59. Departament xodimlarining hayoti va sog‘lig‘ining majburiy davlat sug‘urtasi, belgilangan tartibda, O‘zbekiston Respublikasi respublika budjeti mablag‘lari hisobiga amalga oshiriladi.
(59-band O‘zbekiston Respublikasi Vazirlar Mahkamasining 2016-yil 26-apreldagi 122-sonli qarori tahririda — O‘R QHT, 2016-y., 17-son, 176-modda)
VIII. Departamentda xizmat o‘tashni to‘xtatish
60. Departamentda xizmat o‘tash xodim ishdan bo‘shatilganda tugatiladi.
Departamentda xizmatni o‘tash:
O‘zbekiston Respublikasi Bosh prokurori va Departament boshlig‘ining tashabbusi bilan;
Departament xodimining tashabbusi bilan;
taraflarning ixtiyoriga bog‘liq bo‘lmagan holatlarda tugatiladi.
(60-bandning beshinchi xatboshisi O‘zbekiston Respublikasi Vazirlar Mahkamasining 2017-yil 9-iyundagi 365-son qarori tahririda — O‘R QHT, 2017-y., 24-son, 497-modda)
Xizmatni o‘tashni taraflar ixtiyoriga bog‘liq bo‘lmagan holatlar bo‘yicha bekor qilinishiga quyidagilar asos bo‘ladi:
Departament xodimining boshqa ishga, shu jumladan saylab qo‘yiladigan lavozimga o‘tishi;
xodim harbiy xizmatga chaqirilishi;
shu ishni ilgari bajarib kelgan xodimning xizmatga tiklanishi;
xodimning vafot etishi, uning bedarak yo‘qolgan deb topilishi yoki vafot etgan deb e’lon qilinishi;
qonun hujjatlarida nazarda tutilgan boshqa holatlar.
(60-band O‘zbekiston Respublikasi Vazirlar Mahkamasining 2017-yil 9-iyundagi 365-son qaroriga asosan oltinchi — o‘n birinchi xatboshilar bilan to‘ldirilgan — O‘R QHT, 2017-y., 24-son, 497-modda)
O‘zbekiston Respublikasi Bosh prokurori va Departament boshlig‘ining tashabbusi bilan xizmat o‘tashni tugatish uchun quyidagilar asos bo‘ladi:
xizmatni tashkil etishdagi o‘zgarishlar, Departament organlari xodimlarining (shtatlar) soni qisqarishi yoki xizmat xususiyatining o‘zgarishi;
xodimning malakasi yetarli bo‘lmaganligi yoki sog‘lig‘iga ko‘ra bajarayotgan ishiga noloyiqligi sababli;
xodim tomonidan o‘z xizmat vazifalarini muntazam ravishda buzilishi. Xizmat vazifalarini muntazam ravishda buzish deb xodim ilgari sodir etgan xizmat vazifalarining buzganligi uchun intizomiy jazoga tortilgan kundan e’tiboran bir yil mobaynida intizomiy qoidabuzarlikni takroran sodir etishi hisoblanadi (agar jazo muddatidan ilgari olib tashlangan bo‘lmasa);
xodim tomonidan xizmat vazifalarini bir marta qo‘pol ravishda buzish;
xodimning unga taklif etilgan lavozimlarda xizmatni bundan keyin o‘tashni, shu jumladan yuqori turuvchi lavozimga o‘tishni rad etishi va rotatsiya tartibi sababi bo‘yicha bir oy o‘tgandan keyin kadrlar bo‘limi ixtiyorida bo‘lishi;
ushbu Nizomning 9-bandida ko‘rsatilgan faoliyat xodimga ogohlantirish qilinganidan keyin ham davom ettirilishi;
xodimning prokuratura organlarida xizmatda bo‘lish yoshi chegarasiga yetishi;
Departament organi xodimining O‘zbekiston Respublikasi fuqaroligini yo‘qotishi;
Departament xodimining egallab turgan lavozimiga nomunosib nojo‘ya xatti-harakat sodir etishi.
61. Departament xodimlarining xizmatda bo‘lishlari uchun cheklangan yosh chegarasi — erkaklar uchun 60 va ayollar uchun — 55 yosh.
Departamentda xizmatda bo‘lishning cheklangan yoshiga yetgan, yuksak kasbiy tayyorgarlikka va egallab turgan lavozimida katta amaliy ish tajribasiga ega bo‘lgan, sog‘lig‘iga ko‘ra unga yuklangan majburiyatlarni bajarishga qodir bo‘lgan xodim O‘zbekiston Respublikasi Bosh prokurorining roziligi bilan Departament organlarida xizmatni davom ettirishi mumkin.
62. Egallab turgan lavozimidan ozod qilingan xodim oxirgi xizmat joyidagi o‘rtacha oylik maoshi saqlangan holda kadrlar bo‘limi ixtiyorida qoladi. Uni kelgusidagi xizmat vazifasiga tayinlash masalasi egallab turgan lavozimdan ozod etish to‘g‘risidagi buyruq chiqarilgan paytdan boshlab bir oydan kech bo‘lmagan muddatda hal etilishi kerak (ushbu muddatga xodimning vaqtinchalik mehnatga layoqatsizlik davri kirmaydi).
63. Departament organlari xodimlarining mehnat nizolari O‘zbekiston Respublikasi Bosh prokurori va Departament boshlig‘i tomonidan ko‘rib chiqiladi.
64. Departamentning pensiyaga chiqqan xodimlariga O‘zbekiston Respublikasi Bosh prokurori tomonidan belgilanadigan shakl bo‘yicha pensiya guvohnomasi beriladi.
641. O‘zbekiston Respublikasi Oliy Majlisi Senati a’zoligiga saylangan (tayinlangan) yoki O‘zbekiston Respublikasi Oliy Majlisi Qonunchilik palatasi deputati etib saylangan, shuningdek O‘zbekiston Respublikasi Prezidentining lavozimga tayinlash yoki tasdiqlash to‘g‘risidagi qarori yoki taqdimnomasiga asosan davlat hokimiyati va boshqaruv organlariga o‘tgan yoxud Qoraqalpog‘iston Respublikasi Vazirlar Kengashi Raisi, Rais o‘rinbosari, viloyat, Toshkent shahri, tuman (shahar) hokimi yoki hokim o‘rinbosari lavozimiga tayinlangan va tasdiqlangan Departament xodimi Bosh prokurorning buyrug‘i bilan prokuratura organlarining amaldagi kadrlar zaxirasiga kiritilishi mumkin.
Alohida hollarda, boshqa ishga ishga o‘tgan Departament xodimi Bosh prokuraturaning attestatsiya komissiyasi taklifiga asosan Bosh prokurorning buyrug‘i bilan prokuratura organlarining amaldagi kadrlar zaxirasiga kiritilishi mumkin.
(641-bandi ikkinchi xatboshisi O‘zbekiston Respublikasi Prezidentining 2018-yil 7-maydagi PQ-3699-sonli qarori tahririda — Qonun hujjatlari ma’lumotlari milliy bazasi, 11.05.2018-y., 07/18/3699/1184-son)
Xodimning ushbu bandda ko‘rsatilgan faoliyat muddati navbatdagi darajali unvonni berish huquqini beruvchi, ko‘p yillik xizmati uchun to‘lanadigan ustamani to‘lash, pullik ta’minot maoshini belgilash yoki pensiya tayinlash uchun Departament organlaridagi xizmat stajiga qo‘shiladi.
642. Ushbu Nizomning 641-bandida ko‘rsatilgan prokuratura organlarining amaldagi kadrlar zaxirasiga kiritilgan va unda bo‘lgan xodimlar, ular saylangan yoki tayinlangan organlardagi mehnat sharoitlarini hisobga olgan holda, prokuratura organlari xodimlari uchun belgilangan barcha imtiyozlar, moddiy va ijtimoiy muhofaza qilish choralaridan foydalanadilar.
Ushbu Nizomning 641-bandida ko‘rsatilgan prokuratura organlarining amaldagi kadrlar zaxirasiga kiritilgan va unda bo‘lgan xodimlarga ushbu Nizomning III bo‘limida belgilangan tartibda darajali unvonlar va harbiy unvonlar, shuningdek O‘zbekiston Respublikasi Bosh prokurori tomonidan belgilangan shaklda prokuratura organlarining amaldagi kadrlar zaxirasi xodimi guvohnomasi beriladi.
Soliq imtiyozlari va moliyaviy imtiyozlarning, shuningdek, boshqa moddiy afzalliklarning qo‘llanilishi Departament xodimi saylangan yoki tayinlangan organ tomonidan unda amalda bo‘lgan lavozim bo‘yicha maoshi va boshqa to‘lovlar miqdori saqlangan holda amalga oshiriladi.
Shu bilan birga, bunday xodimlarga darajali unvonlar, ko‘p yillik xizmati uchun ustamalar hamda Departament xodimlari uchun belgilangan mehnatning alohida sharoitlari uchun har oylik ustamaning o‘rtacha miqdori to‘lanadi.
643. Prokuratura organlarining amaldagi kadrlar zaxirasiga o‘tkazilgan xizmatni o‘tashni tugatgan xodimlar, shuningdek, ularning oila a’zolari bevosita Departament organlarida xizmat o‘tashni tugatgan xodimlar va ularning oila a’zolari kabi huquqlar, imtiyozlar va afzalliklardan foydalanadilar.
644. Ushbu Nizom 641 — 643-bandlarining amal qilishi Departamentdan ushbu Nizomning 641-bandida ko‘rsatilgan organlarga avval saylangan yoki o‘tgan xodimlarga ham prokuratura organlarining amaldagi kadrlar zaxirasiga kiritilgan vaqtdan boshlab tatbiq etiladi
(641 — 644-bandlar O‘zbekiston Respublikasi Vazirlar Mahkamasining 2017-yil 9-iyundagi 365-son qaroriga asosan kiritilgan — O‘R QHT, 2017-y., 24-son, 497-modda)
65. Amaldagi kadrlar zaxirasiga kiritilgan va unda bo‘lgan Departament xodimlariga ularning boshqa davlat organlaridagi vakolat muddatlari tugaganidan so‘ng, muqaddam Departament organlarida egallagan yoki unga teng lavozim berilishi kafolatlari ta’minlanadi, xodimning egallab turgan lavozimiga noloyiqligi yoki sog‘lig‘i holatiga yoxud mehnat (xizmat) majburiyatlarini bajarmaganligi uchun mehnat faoliyati tugatilgan hollar bundan mustasno.
(65-band O‘zbekiston Respublikasi Vazirlar Mahkamasining 2017-yil 9-iyundagi 365-son qarori tahririda — O‘R QHT, 2017-y., 24-son, 497-modda)
66. Departamentning ishdan noqonuniy bo‘shatilgan, boshqa lavozimga o‘tkazilgan, darajali unvondan mahrum etilgan xodimlari muqaddam egallagan lavozimiga va darajali unvonida qayta tiklanadi yoki boshqa teng lavozimga tayinlanadi.
Departamentga ishga tiklangan xodimlarning majburiy progul vaqti ularga ko‘p yillik xizmati uchun to‘lanadigan ustamani hisoblash hamda navbatdagi darajali unvonni berish uchun ish stajlarida hisobga olinadi.
O‘zbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentida xizmatni o‘tash to‘g‘risidagi nizomga
1-ILOVA
1-ILOVA
|
O‘zbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti xodimining | |||
|
Men (qasamyod qabul qiluvchining familiyasi, ismi, otasining ismi) O‘zbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentiga xizmatga kirar ekanman, O‘zbekiston Respublikasi xalqiga sodiq bo‘lishga qasamyod qilaman. | |||
|
O‘zbekiston Respublikasi Konstitutsiyasiga, inson va fuqaro huquqlariga rioya etishga, boshliqlarning buyruqlarini vijdonan bajarishga, vijdonli, jasur xodim bo‘lishga, Vatanning iqtisodiy manfaatlarini sergaklik bilan qo‘riqlashga, davlat va xizmat sirlarini qattiq saqlashga qasamyod qilaman. | |||
|
Agar men qabul qilgan Qasamyodni buzsam O‘zbekiston Respublikasi qonunlarida belgilangan javobgarlikka tortilishga tayyorman. | |||
|
(Imzo) |
| | |
|
(Sana) |
| | |
O‘zbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentida xizmatni o‘tash to‘g‘risidagi nizomga
2-ILOVA
2-ILOVA
O‘zbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti markaziy apparati xodimlarining Yagona tarif setkasi bo‘yicha mehnatga haq to‘lash
razryadlari
| T/r |
Lavozimlar nomi |
Razryadlar |
| 1. | Departament boshlig‘i | 19 |
| 2. | Boshqarma boshlig‘i | 18 |
| 3. | Bo‘lim boshlig‘i, inspeksiya boshlig‘i, navbatchi qism boshlig‘i | 17 |
| 4. | Bosh: surishtiruvchi, taftishchi, inspektor; Departament boshlig‘ining yordamchisi | 15 |
| 5. | Katta: surishtiruvchi, taftishchi, inspektor, kriminalist | 14 |
| 6. | Kriminalist | 13 |
| 7. | Bosh mutaxassis | 12 |
| 8. | Etakchi mutaxassis | 11 |
Izoh: departament boshlig‘i birinchi o‘rinbosarining razryadi Departament boshlig‘i tarif stavkasidan 3% past;
Departament boshlig‘i o‘rinbosarining razryadi Departament boshlig‘i tarif stavkasidan 5% past;
boshqarmalar va bo‘limlar boshliqlari o‘rinbosarlarining razryadi boshqarmalar va bo‘limlar boshliqlarining tarif stavkasidan 5% past.
O‘zbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentida xizmatni o‘tash to‘g‘risidagi nizomga
3-ILOVA
3-ILOVA
Departament hududiy boshqarmalari xodimlarining Yagona tarif setkasi bo‘yicha mehnatga haq to‘lash
RAZRYaDLARI
| Lavozimlar nomi |
Viloyatlar guruhlari bo‘yicha razryadlar | |||
| Guruhdan tashqari | 1-guruh | 2-guruh | 3-guruh | |
|
boshqarma boshlig‘i |
18 | 17 | 16 | 16 |
|
bo‘limlar boshliqlari |
17 | 16 | 15 | 15 |
|
bosh: surishtiruvchi, taftishchi |
14 | 14 | 14 | 14 |
|
katta: surishtiruvchi, taftishchi, inspektor, kriminalist |
13 | 13 | 13 | 13 |
|
surishtiruvchi, taftishchi, inspektor, kriminalist |
12 | 12 | 12 | 12 |
|
bosh mutaxassis |
11 | 11 | 11 | 11 |
|
mutaxassislar: |
| | | |
|
I toifa |
9 | 9 | 9 | 9 |
Izoh: boshqarmalar, bo‘limlar boshliqlari o‘rinbosarlarining razryadi boshqarmalar va bo‘limlar boshliqlari tarif stavkasidan 5% past.
| Guruhdan tashqari | 1-guruh | 2-guruh | 3-guruh |
| Toshkent sh. | Qoraqalpog‘iston Respublikasi , | Buxoro viloyati, | Jizzax viloyati, |
| | Andijon viloyati, | Namangan viloyati, | Sirdaryo viloyati |
| | Qashqadaryo viloyati, | Navoiy viloyati, | |
| | Samarqand viloyati, | Surxondaryo viloyati, | |
| | Toshkent viloyati, | Xorazm viloyati | |
| | Farg‘ona viloyati | | |
O‘zbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentida xizmatni o‘tash to‘g‘risidagi nizomga
4-ILOVA
4-ILOVA
Departament shahar bo‘limlari xodimlarining Yagona tarif setkasi bo‘yicha mehnatga haq to‘lash
RAZRYaDLARI
|
Lavozimlar nomi |
Shaharlar guruhlari bo‘yicha razryadlar | |
| 1-guruh | 2-guruh | |
|
bo‘limlar boshliqlari |
15 | 14 |
|
katta: surishtiruvchi, inspektor |
12 | 12 |
|
surishtiruvchi, taftishchi, inspektor, kriminalist |
11 | 11 |
Izoh: bo‘lim boshlig‘i o‘rinbosarining razryadi bo‘lim boshlig‘i tarif stavkasidan 5 % past.
| | 1-guruh | 2-guruh |
| | Andijon shahri, | Guliston shahri, |
| | Buxoro shahri, | Jizzax shahri, |
| | Qarshi shahri, | Termiz shahri, |
| | Navoiy shahri, | Urganch shahri |
| | Namangan shahri, | |
| | Nukus shahri, | |
| | Samarqand shahri, | |
| | Farg‘ona shahri | |
O‘zbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentida xizmatni o‘tash to‘g‘risidagi nizomga
5-ILOVA
5-ILOVA
Departament tumanlar bo‘limlari xodimlarining Yagona tarif setkasi bo‘yicha mehnatga haq to‘lash
RAZRYaDLARI
|
Lavozimlar nomi |
razryadlar |
| bo‘lim boshlig‘i | 14 |
| katta: surishtiruvchi, inspektor | 12 |
| surishtiruvchi, inspektor | 11 |
Izoh: bo‘lim boshlig‘i o‘rinbosarining razryadi bo‘lim boshlig‘i tarif stavkasidan 5% past.
O‘zbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentida xizmatni o‘tash to‘g‘risidagi nizomga
6-ILOVA
6-ILOVA
O‘zbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentining xodimlari darajali unvonlariga ega bo‘lgan xodimlari lavozim maoshlariga alohida mehnat sharoitlari uchun har oylik ustamalar
miqdorlari
|
Lavozimning nomi |
Lavozim maoshiga ustama miqdori (foizlarda) |
| Departamentning markaziy apparati | 20 |
| Qoraqalpog‘iston Respublikasi, viloyatlar va Toshkent shahri bo‘yicha Departament boshqarmalari | 30 |
| Departamentning shaharlar (tumanlar) bo‘limlari | 40 |
Izoh: alohida mehnat sharoitlari uchun har oylik ustama qonun hujjatlarida belgilangan rag‘batlantiruvchi qo‘shimcha haq va ustamalarni hisoblashda Departament xodimlarining lavozim maoshi tarkibiga kiritiladi.
(6-ilovaning matni O‘zbekiston Respublikasi Vazirlar Mahkamasining 2013-yil 5-dekabrdagi 318-sonli qarori tahririda — O‘R QHT, 2013-y., 50-son, 647-modda)
O‘zbekiston Respublikasi Vazirlar Mahkamasining ayrim qarorlariga kiritilayotgan o‘zgartirishlar va qo‘shimchalar
1. Vazirlar Mahkamasining “Davlat soliq organlari faoliyatini tashkil etishni takomillashtirish to‘g‘risida” 2000-yil 13-martdagi 87-son qarorida:
5-bandning ikkinchi xatboshidan “Soliq sohasida huquq buzilishlarga qarshi tezkor kurashish bosh boshqarmasi va uning hududiy boshqarmalari” so‘zlari chiqarib tashlansin;
7-banddan “Soliq sohasida huquq buzilishlarga qarshi tezkor kurashish bosh boshqarmasi va uning hududiy boshqarmalari” so‘zlari chiqarib tashlansin;
Oldingi tahrirga qarang.
(2-band O‘zbekiston Respublikasi Vazirlar Mahkamasining 2010-yil 21-maydagi 98-sonli qaroriga asosan o‘z kuchini yo‘qotgan — O‘R QHT, 2010-y., 21-son, 162-modda)
(O‘zbekiston Respublikasi qonun hujjatlari to‘plami, 2001-y., 13-son, 88-modda; 2002-y., 22-son, 182-modda; 2010-y., 21-son, 162-modda; 2013-y., 50-son, 647-modda; 2016-y., 17-son, 176-modda; 2017-y., 24-son, 497-modda; Qonun hujjatlari ma’lumotlari milliy bazasi, 10.05.2018-y., 06/18/5438/1189-son; 11.05.2018-y., 07/18/3699/1184-son)
