PQ-3416-сон 30.11.2017. Oʻzbekiston Respublikasi Innovatsion rivojlanish vazirligi faoliyatini tashkil etish toʻgʻrisida

Hujjat 01.02.2019 sanasi holatiga
Amaldagi versiyaga o‘tish

Oʻzbekiston Respublikasi Prezidentining

Qarori

Oʻzbekiston Respublikasi Innovatsion rivojlanish vazirligi faoliyatini tashkil etish toʻgʻrisida

Oʻzbekiston Respublikasi Prezidentining 2017-yil 29-noyabrdagi “Oʻzbekiston Respublikasi Innovatsion rivojlanish vazirligini tashkil etish toʻgʻrisida”gi PF-5264-son Farmonini ijro etish yuzasidan:

1. Quyidagilar:

Oʻzbekiston Respublikasi Innovatsion rivojlanish vazirligining tashkiliy tuzilmasi 1-ilovaga muvofiq;

Oldingi tahrirga qarang.

Oʻzbekiston Respublikasi Innovatsion rivojlanish vazirligi boshqaruv xodimlarining cheklangan soni 105 nafardan iborat markaziy apparati tuzilmasi 2-ilovaga muvofiq;

(1-bandning uchinchi xatboshisi Oʻzbekiston Respublikasi Prezidentining 2018-yil 6-avgustdagi PQ-3899-sonli qarori tahririda)

Oʻzbekiston Respublikasi Innovatsion rivojlanish vazirligi toʻgʻrisidagi nizom 3-ilovaga muvofiq;

Innovatsion rivojlanish va novatorlik gʻoyalarini qoʻllab-quvvatlash jamgʻarmasi ijro etuvchi direksiyasining tuzilmasi 4-ilovaga muvofiq;

Innovatsion rivojlanish va novatorlik gʻoyalarini qoʻllab-quvvatlash jamgʻarmasi Kuzatuv kengashining tarkibi 5-ilovaga muvofiq;

Innovatsion rivojlanish va novatorlik gʻoyalarini qoʻllab-quvvatlash jamgʻarmasi toʻgʻrisidagi nizom 6-ilovaga muvofiq tasdiqlansin.

Keyingi tahrirga qarang.

2. Oʻzbekiston Respublikasi innovatsion rivojlanish vaziriga:

zarur hollarda, boshqaruv xodimlarining belgilangan soni va mehnatga haq toʻlash fondi doirasida Oʻzbekiston Respublikasi Innovatsion rivojlanish vazirligi (keyingi oʻrinlarda Vazirlik deb yuritiladi) markaziy apparatining tuzilmasiga oʻzgartirishlar kiritish;

Innovatsion rivojlanish va novatorlik gʻoyalarini qoʻllab-quvvatlash jamgʻarmasining (keyingi oʻrinlarda Jamgʻarma deb yuritiladi) mablagʻlari hisobidan Vazirlik xodimlarining qoʻshimcha shtat birliklarini joriy etish;

Vazirlikka yuklatilgan vazifalarni bajarish doirasida davlat organlari va boshqa tashkilotlar, yetakchi loyiha institutlari, ilmiy-taʼlim muassasalarining yuqori malakali mutaxassislari, shuningdek, xalqaro tashkilotlar, chet el kompaniyalari va mutaxassislarini maslahatchi sifatida jalb qilish;

yuqori malakali chet el mutaxassislarini ishga qabul qilish, shuningdek, ularga Jamgʻarma mablagʻlari hisobidan ish haqi va boshqa toʻlovlarni belgilash huquqi berilsin.

3. Belgilab qoʻyilsinki:

Vazirlik Oʻzbekiston Respublikasini innovatsion va ilmiy-texnik rivojlantirish sohasida jamiyat va davlat hayotini har tomonlama rivojlantirishga, mamlakatning intellektual va texnologik salohiyatini oshirishga qaratilgan yagona davlat siyosatini amalga oshiruvchi davlat boshqaruvi organi hisoblanadi;

Vazirlik Oʻzbekiston Respublikasi Vazirlar Mahkamasiga, qonun hujjatlarida nazarda tutilgan faoliyatning alohida masalalari boʻyicha — bevosita Oʻzbekiston Respublikasi Prezidentiga boʻysunadi.

Vazirlik huquq va majburiyatlar boʻyicha Oʻzbekiston Respublikasi Fan va texnologiyalar agentligining huquqiy vorisi hisoblanadi;

Jamgʻarma huquq va majburiyatlar boʻyicha tugatilayotgan Fan va texnologiyalar boʻyicha Davlat komissiyasi huzuridagi Ilmiy-texnik faoliyatni qoʻllab-quvvatlash va rivojlantirish jamgʻarmasining huquqiy vorisi hisoblanadi;

Oʻzbekiston Respublikasi innovatsion rivojlanish vaziri, shuningdek, uning oʻrinbosarlari Oʻzbekiston Respublikasi Bosh vazirining taqdimnomasiga binoan Oʻzbekiston Respublikasi Prezidenti tomonidan lavozimga tayinlanadi va lavozimdan ozod qilinadi.

Keyingi tahrirga qarang.

4. Oʻzbekiston Respublikasi Tashqi ishlar vazirligi Vazirlik buyurtmalari boʻyicha yuklatilgan vazifalar doirasida jalb qilinayotgan chet el mutaxassislariga kirish vizalarini rasmiylashtirishni taʼminlasin.

5. Oʻzbekiston Respublikasi Ichki ishlar vazirligi Vazirlikning buyurtmalari boʻyicha yuklatilgan vazifalar doirasida jalb qilinayotgan chet el mutaxassislariga davlat boji undirilmasdan koʻp martalik vizalar rasmiylashtirilishi, berilishi va muddati uzaytirilishini, shuningdek, ularni vaqtincha propiska qilish, turgan joyi boʻyicha hisobga olish hamda ularning uzaytirilishini taʼminlasin.

Keyingi tahrirga qarang.

6. Oʻzbekiston Respublikasi Bandlik va mehnat munosabatlari vazirligi Vazirlikning buyurtmalari boʻyicha yuklatilgan vazifalarni amalga oshirish uchun respublikaga chet el mutaxassislarini jalb qilishga ruxsatnomalar berilishini (uzaytirilishini), shuningdek, jalb qilinayotgan chet el mutaxassislariga Oʻzbekiston Respublikasi hududida mehnat faoliyatini amalga oshirish huquqiga tasdiqnomalar berilishini (uzaytirilishini) taʼminlasin.

7. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi belgilangan tartibda Vazirlikni zarur aloqa vositalari, jumladan hukumat aloqasi bilan taʼminlasin.

Keyingi tahrirga qarang.

8. Jamgʻarma quyidagilardan:

yagona ijtimoiy toʻlovdan tashqari barcha turdagi soliq va toʻlovlar, shuningdek, davlat maqsadli jamgʻarmalariga majburiy ajratmalar toʻlashdan;

Keyingi tahrirga qarang.

belgilangan tartibda tasdiqlangan roʻyxat boʻyicha respublikada ishlab chiqarilmaydigan va Jamgʻarma mablagʻlari hisobidan Oʻzbekiston Respublikasi hududiga olib kiriladigan ilmiy-laboratoriya asbob-uskunalari bojxona toʻlovlaridan (bojxona rasmiylashtiruvi uchun yigʻimlar bundan mustasno) ozod qilinsin.

9. Oʻzbekiston milliy teleradiokompaniyasi va Milliy axborot agentligi Vazirlik faoliyati ommaviy axborot vositalarida tizimli ravishda keng yoritilishini tashkil etsin.

10. Oʻzbekiston Respublikasi Adliya vazirligi boshqa manfaatdor vazirlik va idoralar bilan birgalikda ikki oy muddatda:

qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin;

idoraviy normativ-huquqiy hujjatlarning ushbu qarorga muvofiqlashtirilishini taʼminlasin.

11. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining davlat maslahatchilari U.S. Ismailov, O.B. Murodov va Oʻzbekiston Respublikasining Bosh prokurori I.B. Abdullayev zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2017-yil 30-noyabr,

PQ-3416-son

Oʻzbekiston Respublikasi Prezidentining 2017-yil 30-noyabrdagi PQ-3416-son qaroriga
1-ILOVA

Oʻzbekiston Respublikasi Innovatsion rivojlanish vazirligining

TASHKILIY TUZILMASI

Oldingi tahrirga qarang.

(1-ilova Oʻzbekiston Respublikasi Prezidentining 2018-yil 19-apreldagi PQ-3674-sonli qarori tahririda — Qonun hujjatlari maʼlumotlari milliy bazasi, 20.04.2018-y., 07/18/3674/1088-son)

Keyingi tahrirga qarang.

Oʻzbekiston Respublikasi Prezidentining 2017-yil 30-noyabrdagi PQ-3416-son qaroriga
2-ILOVA

Oʻzbekiston Respublikasi Innovatsion rivojlanish vazirligi markaziy apparatining

TUZILMASI

Boshqaruv xodimlarining cheklangan soni — 82 birlik.

Keyingi tahrirga qarang.

Oʻzbekiston Respublikasi Prezidentining 2017-yil 30-noyabrdagi PQ-3416-son qaroriga
3-ILOVA

Oʻzbekiston Respublikasi Innovatsion rivojlanish vazirligi toʻgʻrisida

NIZOM

1-bob. Umumiy qoidalar

1. Mazkur Nizom Oʻzbekiston Respublikasi Innovatsion rivojlanish vazirligining (keyingi oʻrinlarda Vazirlik deb yuritiladi) maqomi, asosiy vazifalari, funksiyalari, huquq va majburiyatlari, faoliyatini tashkil etish va hisobot berish tartibi, shuningdek, uning rahbarlarining funksional majburiyatlari va javobgarligini belgilaydi.

2. Vazirlik:

Oʻzbekiston Respublikasini innovatsion va ilmiy-texnik rivojlantirish sohasida jamiyat va davlat hayotini har tomonlama rivojlantirish, mamlakatning intellektual va texnologik salohiyatini oshirishga qaratilgan yagona davlat siyosatini amalga oshiruvchi davlat boshqaruv organi hisoblanadi;

oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari, shuningdek, ushbu Nizom va boshqa qonun hujjatlariga amal qiladi;

Oʻzbekiston Respublikasi Vazirlar Mahkamasiga, qonun hujjatlarida nazarda tutilgan faoliyatning alohida masalalari boʻyicha — bevosita Oʻzbekiston Respublikasi Prezidentiga boʻysunadi;

innovatsion gʻoyalar, ishlanmalar va texnologiyalarni joriy etish masalalari boʻyicha davlat boshqaruvi organlari, ilmiy-tadqiqot va axborot-tahlil muassasalari hamda boshqa tashkilotlarning faoliyatini muvofiqlashtiradi;

ilmiy-tadqiqot, taʼlim va boshqa muassasalar tomonidan amalga oshiriladigan davlat ilmiy-texnikaviy dasturlari va loyihalarining yagona buyurtmachisi hisoblanadi.

3. Vazirlikning oʻz vakolatlari doirasida qabul qilingan qarorlari davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar va ularning mansabdor shaxslari hamda fuqarolar tomonidan bajarilishi majburiy hisoblanadi.

4. Vazirlikning rasmiy nomlanishi:

a) davlat tilida:

toʻliq nomi — Oʻzbekiston Respublikasi Innovatsion rivojlanish vazirligi, qisqartmasi — Innovatsiya vazirligi;

b) rus tilida:

toʻliq nomi — Ministerstvo innovatsionnogo razvitiya Respubliki Uzbekistan, qisqartmasi — Mininnovatsii;

v) ingliz tilida:

toʻliq nomi — Ministry of innovational development of the Republic of Uzbekistan, qisqartmasi — Innovation ministry.

5. Vazirlik tizimiga quyidagilar kiradi:

markaziy apparat;

Ilmiy-texnik axborot markazi;

Oldingi tahrirga qarang.

Ilgʻor texnologiyalar markazi;

(5-band Oʻzbekiston Respublikasi Prezidentining 2018-yil 19-apreldagi PQ-3674-sonli qaroriga asosan toʻrtinchi xatboshi bilan toʻldirilgan — Qonun hujjatlari maʼlumotlari milliy bazasi, 20.04.2018-y., 07/18/3674/1088-son)

ilmiy-tadqiqot, axborot-tahlil muassasalari;

Innovatsion rivojlanish va novatorlik gʻoyalarini qoʻllab-quvvatlash jamgʻarmasi;

ilmiy-texnik kengashi;

chet ellik maslahatchilar guruhi;

nashriyot.

6. Vazirlik yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi yozilgan muhr, mustaqil balans, Oʻzbekiston Respublikasi Moliya vazirligi Gʻaznachiligida shaxsiy gʻazna hisobvaraqlari, bank hisob raqamlari, shu jumladan xorijiy valyutadagi hisob raqamlariga ega boʻladi.

2-bob. Vazirlik va uning markaziy apparati vazifalari va funksiyalari

1-§. Vazirlikning vazifalari va funksiyalari

7. Quyidagilar Vazirlikning asosiy vazifalari hisoblanadi:

mamlakatni rivojlantirishning uzoq muddatli ssenariylarini hisobga olgan holda innovatsiyalarni ishlab chiqish hamda davlat va jamiyat qurilishiga joriy etish, shuningdek, jamiyat va davlat taraqqiyotini taʼminlovchi ilmiy tadqiqotlar va ilgʻor texnologiyalarning ustuvor va istiqbolli yoʻnalishlarini rivojlantirish strategiyasini belgilash;

tez oʻzgaruvchan jahon konyunkturasini hisobga olgan holda iqtisodiyotning jadal rivojlanishini taʼminlash boʻyicha strategik va oldindan rejalashtirish;

aholi hayot darajasi va sifatini yaxshilash, uning farovonligini oshirishni taʼminlash boʻyicha davlat organlari va tashkilotlari faoliyatini har tomonlama tahlil qilish va prognoz qilish, shuningdek, mamlakat ijtimoiy-iqtisodiy salohiyatining barqaror oʻsishi uchun zarur shart-sharoitlarni taʼminlay oladigan fan va innovatsiyalarni rivojlantirishning zamonaviy infratuzilmasini shakllantirish;

qishloq xoʻjaligini modernizatsiya qilish va intensiv rivojlantirishga yoʻnaltirilgan innovatsiyalarni joriy etish;

ijtimoiy rivojlanishga, shu jumladan taʼlim va sogʻliqni saqlash tizimiga innovatsiyalarni joriy etish;

atrof-muhitni muhofaza qilish va tabiatdan foydalanish tizimiga innovatsiyalarni joriy etish;

davlat ilmiy-texnik va innovatsion siyosatining ustuvor yoʻnalishlarini belgilash hamda grant asosida fundamental, amaliy va innovatsion tadqiqotlarning davlat ilmiy-texnikaviy dasturlarini tasdiqlash;

mamlakatni rivojlantirishning uzoq muddatli ssenariylarini hisobga olgan holda nou-xaularni ishlab chiqish, innovatsion faoliyat va raqobatbardosh ilmiy-texnika mahsulotlari bozorini kengaytirishga yoʻnaltirilgan zamonaviy texnologiyalarni joriy etish;

innovatsion gʻoyalar, ishlanmalar va texnologiyalarni joriy etish boʻyicha xalqaro hamkorlikni rivojlantirish hamda normativ-huquqiy bazani takomillashtirish.

8. Vazirlik oʻziga yuklatilgan vazifalarga muvofiq quyidagi funksiyalarni amalga oshiradi:

a) mamlakatni rivojlantirishning uzoq muddatli ssenariylarini hisobga olgan holda innovatsiyalarni ishlab chiqish hamda davlat va jamiyat qurilishiga joriy etish, shuningdek, jamiyat va davlat taraqqiyotini taʼminlovchi ilmiy tadqiqotlar va ilgʻor texnologiyalarning ustuvor va istiqbolli yoʻnalishlarini rivojlantirish strategiyasini belgilash sohasida:

innovatsion gʻoyalar, ishlanmalar va texnologiyalarni ishlab chiqish, davlat va jamiyat boshqaruvini rivojlantirishga koʻmaklashish, davlat xizmatlari sifatini oshirishga yoʻnaltirilgan ilmiy tadqiqotlarni oʻtkazishni tashkil etadi;

davlat organlari va tashkilotlarining hududlardagi dolzarb muammolarni hal etish boʻyicha fuqarolik jamiyati institutlari va aholi bilan oʻzaro hamkorligining innovatsion yondashuvlarini ishlab chiqadi;

jamoat nazoratini amalga oshirishning zamonaviy mexanizmlarini joriy etadi;

innovatsion gʻoyalar, ishlanmalar va texnologiyalarning ishlab chiqilishini tashkil etadi, ilmiy tadqiqotlar natijalarini targʻib qilish va amaliy foydalanish mexanizmlarini shakllantiradi;

ilmiy-texnikaviy loyihalar, fundamental, amaliy va innovatsion tadqiqotlarning davlat ekspertizasini amalga oshiradi;

davlat organlari va tashkilotlarida innovatsion faoliyatni uning samaradorlik indikatorlari asosida oʻrganish va holatini baholashni amalga oshiradi, mazkur sohani takomillashtirish boʻyicha takliflarni yigʻadi va umumlashtiradi;

baholash va oʻrganish natijalari asosida ilgʻor texnologiyalarni birinchi darajada joriy etishni talab qiladigan tegishli tarmoq va sohalarni rivojlantirishning asosiy yoʻnalishlarini belgilaydi;

innovatsion jarayonni amalga oshirishning eng maqbul variantini tizimlashtiradi, aniq vaziyatlar uchun optimal boshqaruv qarorlarini ishlab chiqadi;

b) tez oʻzgaruvchan jahon konyunkturasini hisobga olgan holda iqtisodiyotning jadal rivojlanishini taʼminlash boʻyicha strategik va oldindan rejalashtirish sohasida:

iqtisodiyot tarmoqlarining, shu jumladan favqulodda vaziyatlarda barqaror faoliyat koʻrsatishi, iqtisodiyotda investitsiya faoliyatini hisobga olgan holda chuqur tarkibiy oʻzgartirish, jahon bozorida raqobatbardosh mahsulotlar ishlab chiqishga qulay shart-sharoitlar yaratish boʻyicha takliflarni tayyorlaydi;

eksport geografiyasini diversifikatsiya qilish uchun qulay shart-sharoitlar yaratish, iqtisodiyot tarmoqlari va mahalliy ishlab chiqaruvchilarning eksport salohiyatini kengaytirish hamda safarbar qilish, shuningdek, milliy brendlarni targʻib qilish boʻyicha chora-tadbirlarni ishlab chiqadi;

kichik biznes va xususiy tadbirkorlikni, shu jumladan biznesni yuritishga qulay shart-sharoitlarni yaratish va iqtisodiyotni yanada liberallashtirish orqali rivojlantirishga oid uzoq muddatli dasturlarni tayyorlaydi;

milliy iqtisodiyotni modernizatsiya qila oladigan ilmiy, loyiha va ilmiy-texnologik tashkilotlari tizimini rivojlantirish, shuningdek, istiqbolda ilmiy-texnik salohiyatni shakllantirish boʻyicha dasturlarni ishlab chiqadi;

hududlar innovatsion faoliyati koʻlamini kengaytirish va iqtisodiyotni diversifikatsiya qilish, qoloq tuman va shaharlarni jadal rivojlantirish hisobiga hududlarning iqtisodiy rivojlanish darajasida tabaqalashuvni qisqartirishga koʻmaklashadi;

iqtisodiyotning energiya va resurs sarfi hajmini qisqartirish, energiya tejaydigan texnologiyalarni ishlab chiqarishga keng joriy etish, muqobil energiya manbalaridan foydalanishni kengaytirish boʻyicha chora-tadbirlarni ishlab chiqadi;

Oʻzbekiston Respublikasi Markaziy banki bilan oʻzaro hamkorlikda moliya, pul-kredit siyosatini takomillashtirish, milliy valyutani mustahkamlash, valyutani tartibga solishning ilgʻor bozor mexanizmlarini bosqichma-bosqich joriy etish boʻyicha takliflarni tayyorlaydi;

yangi erkin iqtisodiy zonalar, texnoparklar, sanoat zonalari, logistika xablarini yaratish va amaldagilarining samaradorligini oshirish boʻyicha chora-tadbirlarni ishlab chiqadi va amalga oshiradi, shuningdek, respublikaning innovatsion salohiyatini oshirishga koʻmaklashadi;

iqtisodiyotni ragʻbatlantirish va xususiy investitsiyalarni birinchi navbatda infratuzilma obyektlari hamda resurs sarfi yuqori boʻlgan tarmoqlarga jalb qilish uchun davlat-xususiy sheriklik mexanizmlarini keng joriy etish boʻyicha kompleks chora-tadbirlarni ishlab chiqadi;

atrof-muhitni ifloslantirish darajasini kamaytiradigan ekologik toza texnologiyalarni qoʻllagan holda ishlab chiqarish qobiliyatini oshirishni nazarda tutuvchi “yashil iqtisodiyot” texnologiyalarini joriy etishga koʻmaklashadi;

makroiqtisodiy, soliq-budjet, pul-kredit parametrlari, shuningdek, integratsiya jarayonlarining taʼsirini baholash bilan oʻzaro bogʻliqlikda iqtisodiyot tarmoqlarini oʻrta va uzoq muddatli rivojlantirish ssenariylarini shakllantirishga koʻmaklashadi;

xizmatlar sohasini jadal rivojlantirishga va uning tuzilmasini tubdan oʻzgartirishga, eng avvalo, innovatsion ishlanmalar va texnologiyalarni joriy etish hisobiga uning sifatini va yalpi ichki mahsulotni shakllantirishdagi rolini oshirishga koʻmaklashadi;

innovatsion yondashuvlarni ishlab chiqish va joriy etish orqali turizm sohasining raqobatbardoshligini oshirishga koʻmaklashadi;

mamlakat iqtisodiyotini jadal rivojlantirishga qaratilgan ilmiy tadqiqotlar oʻtkazishni tashkil etadi;

v) aholi hayot darajasi va sifatini yaxshilash, uning farovonligini oshirishni taʼminlash boʻyicha davlat organlari va tashkilotlari faoliyatini har tomonlama tahlil qilish va prognoz qilish, shuningdek, mamlakat ijtimoiy-iqtisodiy salohiyatining barqaror oʻsishi uchun zarur shart-sharoitlarni taʼminlay oladigan fan va innovatsiyalarni rivojlantirishning zamonaviy infratuzilmasini shakllantirish sohasida:

aholi farovonligini oshirish, kam taʼminlangan oilalar sonini va daromadlarning tabaqalashuvini qisqartirish maqsadida fuqarolarning real daromadlarini tahlil qiladi;

aholi bandligini, shu jumladan investitsiyalar, xalqaro moliya institutlari va xorijiy tashkilotlar mablagʻlarini jalb qilish hisobiga oshirishning ilgʻor metodlarini joriy etish boʻyicha chora-tadbirlarni ishlab chiqadi;

manfaatdor davlat organlari va tashkilotlari bilan oʻzaro hamkorlikda uzluksiz taʼlim, ayniqsa muhandis-texnik kadrlarni tayyorlash sohasidagi tizimni tubdan takomillashtirish, taʼlim xizmatlarining hammabopligi va sifatini hamda texnik yoʻnalishdagi mutaxassislikning nufuzini oshirish boʻyicha takliflarni tayyorlaydi;

davlat organlari va tashkilotlari faoliyatiga ilmiy, ilmiy-texnik tadqiqotlar hamda innovatsion ishlanmalarning natijalarini joriy etish boʻyicha chora-tadbirlarni koʻradi;

“Xavfsiz shahar”, “Aqlli shahar” konsepsiyalarini joriy etishni, sogʻlom turmush tarzini ommalashtirish uchun zarur sharoitlarni yaratadigan madaniy, sport va boshqa obyektlarni tashkil qilishni ham nazarda tutuvchi ilgʻor standartlarni hisobga olgan holda faqat bosh rejalar, rejalashtirish va qurilish loyihalariga muvofiq izchil shaharsozlikni taʼminlaydi;

milliy transport infratuzilmasini rivojlantirish, mamlakatning transport tizimini xalqaro standartlarga muvofiqlashtirish, mamlakatning xalqaro transport magistrallariga koʻp variantli chiqishini taʼminlaydigan yangi transport yoʻllarini yaratish, mavjudlarini kengaytirish va modernizatsiya qilish boʻyicha takliflarni tayyorlaydi;

oʻz vakolati doirasida turli sohalarga innovatsion mahsulotlar va texnologiyalarni joriy etish va foydalanishga qaratilgan konsalting xizmatlari sohasini yaratish va rivojlantirish imkonini yaratadi;

g) qishloq xoʻjaligini modernizatsiya qilish va intensiv rivojlantirishga qaratilgan innovatsiyalarni joriy etish sohasida:

yuqori texnologiyali tarmoqlarning mahalliy xom ashyo resurslari negizida xom ashyodan tayyor mahsulot darajasigacha qayta ishlashni chuqurlashtirishga moʻljallangan faol agrosanoat siyosatining zarur mexanizmlarini yaratish boʻyicha takliflarni ishlab chiqadi;

mamlakatning oziq-ovqat xavfsizligini yanada mustahkamlash, ekologik toza mahsulot ishlab chiqarilishini kengaytirish, shuningdek, uning aholi uchun maksimal hammabopligi va xorijiy bozorlarda raqobatbardoshligini taʼminlash boʻyicha dasturlarni tayyorlaydi;

eng avvalo, mavjud yer, suv va boshqa tabiiy resurslardan oqilona foydalanish imkonini beruvchi “Aqlli qishloq xoʻjaligi” konsepsiyasiga asoslangan qishloq xoʻjaligi ishlab chiqarishining zamonaviy sinalgan shakllarini joriy etadi;

agrar sektorda qishloq xoʻjaligi ishlab chiqarishini maksimal darajada avtomatlashtirish, ustuvor qishloq xoʻjaligi ekinlarining hosildorligini jiddiy oshirish va qishloq xoʻjaligi korxonalarining moliyaviy koʻrsatkichlarini yaxshilash, shuningdek, mamlakat oziq-ovqat xavfsizligini taʼminlash imkonini beruvchi innovatsion gʻoyalar, ishlanmalar va texnologiyalarni joriy etadi;

qishloq xoʻjaligi mahsulotlarining savdo bozorlari va ularni toʻgʻridan-toʻgʻri yetkazib berishni kengaytirish, ularning jahon bozoridagi raqobatbardoshligini taʼminlashga koʻmaklashadi;

d) ijtimoiy rivojlanishga, shu jumladan taʼlim va sogʻliqni saqlash tizimiga innovatsiyalarni joriy etish sohasida:

taʼlim tizimida innovatsiyalarni, shu jumladan oʻqitishning zamonaviy va interfaol metodlarini joriy etish orqali targʻib qiladi, raqamli texnologiyalardan keng foydalanishni nazarda tutuvchi innovatsion oʻquv dasturlarini ishlab chiqishni taʼminlaydi;

“inson kapitali”ning sifat darajasini oshirish, respublikaning intellektual mahsulotlar va xizmatlarning jahon bozorida ishtirokini kengaytirish boʻyicha takliflarni ishlab chiqadi;

sogʻliqni saqlash tizimini jahon standartlarini hisobga olgan holda, shu jumladan kasalliklarni barvaqt aniqlash va masofadan profilaktika qilish, shuningdek, aholining uzoq umr koʻrishi uchun qoʻshimcha sharoitlar yaratish hamda kasallik va oʻlim koʻrsatkichlarini pasaytirishni taʼminlaydigan ilgʻor texnologiyalar, “Aqlli tibbiyot” va “Yagona tibbiyot axborot markazi” konsepsiyalarini joriy etish orqali jadal rivojlantirishga koʻmaklashadi;

e) atrof-muhitni muhofaza qilish va tabiatdan foydalanish tizimiga innovatsiyalarni joriy etish sohasida:

tabiiy resurslardan oqilona foydalanish va qayta ishlash, biologik landshaft xilma-xilligini saqlashning strategik yoʻnalishlarini ishlab chiqishni taʼminlaydi;

atrof-muhitni muhofaza qilish sohasiga innovatsiyalarni, shu jumladan ekologik toza texnologiyalardan foydalanish va ishlab chiqarishda texnologik jarayonlarni takomillashtirish orqali joriy etish boʻyicha takliflarni tayyorlaydi;

inson hayotida ekologik qulay sharoitlar va respublika hududini atrof- muhitning transchegaraviy ifloslanishidan himoya qilish tizimini yaratish masalalarini tizimli va kompleks oʻrganishni tashkil etadi;

tabiiy resurslar, suvni tozalash va chuchuklashtirish, undan oqilona foydalanishning zamonaviy shakllaridan samarali foydalanish va qayta ishlashning ustuvor yoʻnalishlarini ishlab chiqishni tashkil etadi;

atrof-muhitning ifloslanishi, atmosfera havosiga zararli moddalarni chiqarish, suv obyektlariga oqova suvlarni chiqarish darajasini kamaytirishga qaratilgan innovatsion texnologik yechimlarni ishlab chiqadi;

muqobil energiya manbalari, energiya tejovchi texnologiyalardan foydalanish, ekologik toza avtotransport yoqilgʻisi, chang va gaz tozalovchi texnologiyalarni ishlab chiqish boʻyicha innovatsion gʻoyalar, ishlanmalar va texnologiyalarning amaliy tatbiq etilishini qoʻllab-quvvatlaydi;

maishiy va sanoat chiqindilarini, shu jumladan energiya va biooʻgʻitlar ishlab chiqarish uchun qayta ishlashning yuqori texnologiyalarini joriy etish boʻyicha ilmiy asoslantirilgan takliflarni tayyorlaydi;

iqtisodiyotning energiya va resurs sarfi hajmini qisqartiradi, ishlab chiqarishga energiya samarador va energiya tejovchi texnologiyalarni joriy etadi;

j) davlat ilmiy-texnik va innovatsion siyosatining ustuvor yoʻnalishlarini belgilash hamda grant asosida fundamental, amaliy va innovatsion tadqiqotlarning davlat ilmiy-texnikaviy dasturlarini tasdiqlash sohasida:

mamlakatni ijtimoiy-iqtisodiy, ijtimoiy-siyosiy rivojlantirish hamda zamonaviy ilm-fan yutuqlarini hisobga olgan holda fan va texnologiya rivojlanishining ustuvor yoʻnalishlarini ishlab chiqadi, tasdiqlaydi va amalga oshiradi;

ilmiy tadqiqotlar, ilmiy va innovatsion faoliyatni moliyalashtirish mexanizmlarining samaradorligini oshirish boʻyicha takliflarni tayyorlaydi;

innovatsion tadqiqotlar, gʻoyalar, ishlanmalar va texnologiyalarni ragʻbatlantirish, shuningdek, istiqbolli fundamental va amaliy tadqiqotlar va novatorlik gʻoyalarni, shu jumladan normativ-huquqiy bazani takomillashtirish orqali ishlab chiqishning samarali tizimini yaratadi;

ilmiy-texnik salohiyatni oqilona joylashtirish va samarali foydalanish, iqtisodiyotni rivojlantirishga fan va texnologiyalarning hissasini oshirishga yoʻnaltirilgan fanni yanada rivojlantirish sohasidagi dasturlarni amalga oshirishni taʼminlaydi;

z) mamlakatni rivojlantirishning uzoq muddatli ssenariylarini hisobga olgan holda nou-xaularni ishlab chiqish, innovatsion faoliyat va raqobatbardosh ilmiy-texnika mahsulotlari bozorini kengaytirishga yoʻnaltirilgan zamonaviy texnologiyalarni joriy etish sohasida:

Oʻzbekistonni innovatsion texnologiyalarni yaratish va innovatsion kompaniyalarni jalb qilish markaziga aylantirish imkonini beruvchi shart-sharoitlar yaratish boʻyicha chora-tadbirlarni ishlab chiqadi;

innovatsion ilmiy-tadqiqot va tajriba-konstruktorlik ishlarini ragʻbatlantirish, koʻrgazma tadbirlarini tashkil etish, yetakchi xorijiy ilmiy-tadqiqot muassasalari bilan oʻzaro manfaatli yaqin hamkorlikni yoʻlga qoʻyish uchun davlat tomonidan imtiyoz va preferensiyalar ajratish orqali mazkur ishlarni qoʻllab-quvvatlaydi;

yuqori texnologik mahsulotlarni ishlab chiqish boʻyicha taʼlim, ilmiy-tadqiqot va boshqa muassasalar, ilmiy-eksperimental ixtisoslashtirilgan laboratoriyalar, yuqori texnologiyalar markazlari, texnoparklar va boshqa innovatsiyaga yoʻnaltirilgan tuzilmalarning faoliyatini muvofiqlashtiradi, shuningdek, ularning moddiy-texnika va ilmiy salohiyatini mustahkamlashga koʻmaklashadi;

innovatsion texnologiyalar, biznes-inkubatorlar, startap-akseleratorlarni ishlab chiqish va tijoratlashtirish boʻyicha zamonaviy ilmiy-texnologik komplekslarni yetakchi jahon ishlab chiqaruvchilarining ishlab chiqarish quvvatlarini jalb qilish orqali yaratadi, shuningdek, IT-infratuzilmasini rivojlantirishga koʻmaklashadi;

innovatsion gʻoyalar, ishlanmalar va texnologiyalarning har yilgi respublika yarmarkalarini tashkil qiladi va oʻtkazadi, shuningdek ular doirasida tuzilgan shartnomalarning bajarilishini monitoring qiladi;

texnologik rivojlanishning uzoq muddatli ehtiyojlari va tendensiyalarini hisobga olgan holda zamonaviy yuqori texnologiyali ishlab chiqarish, shu jumladan yangi avlod transport vositalari, robot texnikalari va boshqa yuqori texnologiyali mahsulotlar turlarini mahalliylashtirish boʻyicha loyihalarni ishlab chiqish va joriy etish borasida tashabbus qiladi;

Davlat budjetining mablagʻlari hisobidan yaratilgan intellektual mulk obyektlarini keyinchalik xalqaro litsenziyalash maqsadida baholashga koʻmaklashadi;

ilmiy-texnika mahsulotlari bozorini kengaytirish, yaratilayotgan innovatsion gʻoyalarni qoʻllab-quvvatlash va investitsiya qilishni taʼminlash hamda ularni yangi mahsulot va xizmatlarga aylantirish, intellektual mulk huquqlarini himoya qilishni taʼminlash hamda uzoq muddatli istiqbolga moʻljallangan texnologiyalarni yaratish sohasida dasturiy chora-tadbirlarni ishlab chiqadi;

innovatsion gʻoyalar va ishlanmalarni joriy etish va ulardan foydalanishni qoʻllab-quvvatlash, oʻsib kelayotgan novatorlar avlodi uchun sharoitlar yaratish, taʼlim muassasalarida innovatsion dasturlarni joriy etish borasida imkoniyatlarni yaratish boʻyicha amaliy chora-tadbirlarni roʻyobga chiqaradi;

yuqori texnologiyali innovatsion parklarni tashkil etish va ularda keng koʻlamli innovatsion loyihalarni amalga oshirish, toʻgʻridan-toʻgʻri chet el investitsiyalarini jalb etish, ilmiy hajmdor ishlab chiqarishlarni tashkil etish va rivojlantirish uchun shart-sharoitlar yaratish boʻyicha kompleks chora-tadbirlarni ishlab chiqadi;

telekommunikatsiya tarmoqlarini rivojlantirish va ularning jahon axborot tarmogʻiga integratsiya qilish, respublikaning innovatsion rivojlangan davlat sifatida nufuzini mustahkamlaydi;

koinot va sunʼiy yoʻldosh texnologiyalarini oʻrganish bilan bogʻliq tadqiqotlar sohasida respublika salohiyatini oshirishni taʼminlaydi;

davlat ilmiy-texnikaviy dasturlarining bajarilishi, shuningdek, mamlakatning ijtimoiy-iqtisodiy rivojlanishida ilmiy-tadqiqot ishlari natijalaridan foydalanishni tizimli monitoring qiladi;

intellektual mulk obyektiga boʻlgan huquqni tasdiqlaydigan patent va boshqa hujjatlarni olish tartib-taomillarini soddalashtirish va jadallashtirish imkonini beruvchi qonun va normativ-huquqiy hujjatlarni ishlab chiqishda ishtirok etadi;

i) innovatsion gʻoyalar, ishlanmalar va texnologiyalarni joriy etish boʻyicha xalqaro hamkorlikni rivojlantirish hamda normativ-huquqiy bazani takomillashtirish sohasida:

chet el investitsiyalari, grantlar, xalqaro va xorijiy moliya institutlari mablagʻlarini jalb qilish maqsadida xorijiy davlatlar, xalqaro va chet el tashkilotlari, ilmiy jamgʻarmalar vakillari bilan muzokaralar olib borilishini taʼminlaydi;

manfaatdor davlat organlari va tashkilotlari tomonidan Vazirlik vakolatiga taalluqli boʻlgan masalalar boʻyicha xalqaro hamkorlik sohasida chet ellik sheriklar bilan shartnomalar tuzishni muvofiqlashtiradi va taʼminlaydi;

ilmiy tadqiqotlar oʻtkazish uchun chet el investitsiyalari va grantlarini jalb qilish maqsadida xorijiy davlatlar, xalqaro va chet el tashkilotlari, ilmiy jamgʻarmalar vakillari bilan muzokaralar olib boradi;

mahalliy innovatsion mahsulotlarni jahon bozorlarida ilgari surish imkonini beruvchi ilmiy ishlanmalarni xalqaro litsenziyalash tamoyillari va samarali mexanizmlarini ishlab chiqish va amalga oshirishni muvofiqlashtiradi, shuningdek, xalqaro litsenziyadan royaltini olish mexanizmlari va hajmlarini belgilaydi;

mahalliy innovatsion ishlanmalarga intellektual mulk huquqini tasdiqlovchi xalqaro patentlar, mualliflik guvohnomalari yoki boshqa hujjatlarni olish imkonini yaratadi;

tadqiqotlarni jahon darajasida oʻtkazish, texnologiyalarni transfer qilish sohasida qonun hujjatlarini birxillashtirish va uygʻunlashtirish, shuningdek, Vazirlikka yuklatilgan vazifa va funksiyalarni samarali bajarish uchun yuqori malakali olimlar va mutaxassislarni jalb qiladi.

9. Vazirlik qonun hujjatlariga muvofiq boshqa funksiyalarni ham amalga oshirishi mumkin.

2-§. Vazirlik markaziy apparatining vazifalari va funksiyalari

10. Vazirlik markaziy apparatining asosiy vazifasi tarkibiy tuzilmalar va idoraviy mansub tashkilotlar bilan birgalikda Vazirlikka yuklatilgan vazifa hamda funksiyalarning samarali bajarilishini taʼminlash hisoblanadi.

11. Vazirlik markaziy apparati yuklatilgan asosiy vazifalarga muvofiq quyidagi funksiyalarni amalga oshiradi:

Vazirlik va uning rahbariyati faoliyatini tashkiliy-nazorat va axborot-tahliliy taʼminlashni amalga oshiradi;

tarkibiy tuzilmalarning uygʻun faoliyatini, shuningdek, Vazirlikka yuklatilgan vazifa va funksiyalar bajarish doirasida idoraviy mansub tashkilotlar bilan oʻzaro hamkorlikni taʼminlaydi;

tarkibiy tuzilmalar va idoraviy mansub tashkilotlar faoliyati ustidan, shu jumladan ular tomonidan qonun hujjatlari, idoraviy hamda idoralararo normativ hujjatlarga rioya etilishi ustidan rahbarlik qiladi hamda muvofiqlashtiradi, shuningdek, nazorat qiladi;

topshiriqlar, qonun hujjatlarini ijro etishda, shuningdek, shaxsiy tashabbusi bilan Vazirlik vakolatiga taalluqli boʻlgan masalalar boʻyicha normativ-huquqiy hujjatlar va boshqa hujjatlar loyihalarini ishlab chiqadi;

Vazirlik vakolatiga taalluqli boʻlgan tezkor, tashkiliy, kadrlarga oid, moliyaviy, ishlab chiqarish-xoʻjalik va boshqa masalalarni hal etadi.

3-bob. Vazirlikning huquqlari va javobgarligi

1-§. Vazirlikning huquqlari va javobgarligi

12. Vazirlik oʻziga yuklangan vazifalar va funksiyalarni bajarish uchun quyidagi huquqlarga ega:

davlat organlari va boshqa tashkilotlardagi ishlar holatini oʻrganish, innovatsion faoliyatni takomillashtirish boʻyicha takliflarni toʻplash hamda umumlashtirish;

innovatsion faoliyatni uning samaradorlik indikatorlari asosida baholash, ilgʻor texnologiyalarni birinchi navbatda joriy etishni talab qiluvchi tegishli tarmoq va sohalar rivojlanishining asosiy yoʻnalishlarini belgilash;

innovatsion gʻoyalar, ishlanmalar va texnologiyalarni joriy etish masalalari boʻyicha davlat boshqaruv organlari, ilmiy-tadqiqot, axborot-tahlil muassasalari va boshqa tashkilotlar faoliyatini muvofiqlashtirish, ulardan Vazirlik vakolatiga kiradigan masalalarni hal etish uchun zarur maʼlumotlarni soʻrab olish;

ijtimoiy-iqtisodiy soha uchun fundamental, amaliy va innovatsion tadqiqotlarni amalga oshirish borasida ilmiy-texnik xizmatlar koʻrsatishga davlat topshiriqlarini shakllantirish;

ilmiy tadqiqotlar, ishlanmalar va texnologiyalar natijalarini tijoratlashtirish, shuningdek, texnologiyalarni transfer qilishga koʻmaklashish;

Oldingi tahrirga qarang.

Oʻzbekiston Respublikasi Prezidenti Administratsiyasi yoki Oʻzbekiston Respublikasi Vazirlar Mahkamasiga normativ-huquqiy hujjatlar loyihalari, shuningdek, Vazirlik vakolatiga taalluqli boʻlgan masalalar boʻyicha boshqa hujjatlarni belgilangan tartibda kiritish;

(12-bandning yettinchi xatboshisi Oʻzbekiston Respublikasi Prezidentining 2019-yil 1-fevraldagi PF-5650-sonli Farmoni tahririda)

Vazirlik vakolatiga kiradigan masalalar boʻyicha zarur axborotlarni bepul asosda davlat statistika organlaridan olish;

Vazirlik, uning tarkibiy tuzilmalari va idoraviy mansub tashkilotlar xodimlari tomonidan ularning tegishli sohadagi faoliyatining asosiy koʻrsatkichlari boʻyicha parametrlar bajarilishi va belgilangan indikatorlarga erishishni hisobga olgan holda ularni moddiy ragʻbatlantirish tartibi, miqdorlari va shartlarini belgilash;

Oldingi tahrirga qarang.

Vazirlik vakolatiga kiradigan masalalar boʻyicha takliflarni koʻrib chiqish uchun Oʻzbekiston Respublikasi Prezidenti Administratsiyasi, Oʻzbekiston Respublikasi Vazirlar Mahkamasi, davlat organlari va tashkilotlariga kiritish;

(12-bandning oʻninchi xatboshisi Oʻzbekiston Respublikasi Prezidentining 2019-yil 1-fevraldagi PF-5650-sonli Farmoni tahririda)

Vazirlik vakolatiga kiradigan masalalar boʻyicha idoralararo tusdagi xalqaro shartnomalarni belgilangan tartibda tuzish;

Vazirlik vakolatiga taalluqli boʻlgan masalalar boʻyicha Oʻzbekiston Respublikasi manfaatlarini xalqaro darajada belgilangan tartibda ifodalash;

ilmiy-texnika va innovatsion loyihalarni ekspertizadan oʻtkazish, shuningdek, Vazirlik vakolatiga kiradigan muammolarni hal qilish uchun yetakchi olimlar hamda davlat organlari va tashkilotlarining yuqori malakali mutaxassislaridan iborat idoralararo ilmiy-texnik, innovatsion kengashlar, shuningdek, fan va texnologiyalar rivojlanishining muhim yoʻnalishlari boʻyicha ekspert guruhlarini tuzish;

ilmiy kadrlar tayyorlash va xodimlar malakasini oshirish boʻyicha idoraviy ilmiy hamda oʻquv markazlari, maslahat va axborot markazlari, ilmiy laboratoriyalarni belgilangan tartibda tashkil etish;

respublikaning ilmiy-tadqiqot, taʼlim va boshqa muassasalari tomonidan amalga oshiriladigan davlat ilmiy-texnikaviy dasturlari hamda loyihalari buyurtmalarining asosiy yoʻnalishlarini ishlab chiqish;

innovatsion gʻoyalar, ishlanmalar va texnologiyalarni hisobga olgan holda tarmoq hamda hududlarni rivojlantirishning kompleks chora-tadbirlari va dasturlarini ishlab chiqish, shuningdek, ularni belgilangan tartibda tasdiqlashga kiritish;

innovatsion rivojlanish sohasida ilmiy tadqiqotlar va ishlanmalar oʻtkazish boʻyicha ushbu ishlarni bajarishga davlat buyurtmasiga muvofiq loyihalarni tanlash uchun tanlovlar eʼlon qilish hamda tanlov komissiyalari tuzish;

ilmiy va innovatsion tadqiqotlarga davlat organlari va tashkilotlari mutaxassislari, ilmiy-tadqiqot hamda axborot-tahlil muassasalari xodimlarini, taʼlim muassasalari, shu jumladan xorijiy taʼlim muassasalari olimlari va oʻqituvchilarini milliy ekspertlar sifatida jalb qilish;

har yili innovatsion gʻoyalar, ishlanmalar va texnologiyalar respublika yarmarkalarini tashkil etish hamda oʻtkazish, shuningdek, ular doirasida tuzilgan shartnomalarning bajarilishini monitoring qilish;

Vazirlik vakolatiga kiradigan masalalar boʻyicha xorijiy davlatlarning tegishli tuzilmalari va xalqaro tashkilotlar, ilmiy laboratoriyalar hamda institutlar bilan hamkorlik qilish;

Vazirlik, uning tarkibiy tuzilmalari va idoraviy mansub tashkilotlarning moddiy-texnika bazasi hamda ijtimoiy infratuzilmasini yaxshilash choralarini koʻrish;

ilmiy, ilmiy-texnik tadqiqotlarga yoʻnaltiriladigan budjet moliyaviy resurslarini taqsimlashda ishtirok etish;

Vazirlik vakolatiga kiradigan masalalar boʻyicha davlat organlari va tashkilotlarining rahbarlari va mutaxassislarini jalb qilgan holda belgilangan tartibda yigʻilishlar chaqirish.

Vazirlik qonun hujjatlariga muvofiq boshqa huquqlarga ham ega boʻlishi mumkin.

13. Vazirlik:

zimmasiga yuklangan vazifa va funksiyalarning lozim darajada hamda samarali bajarilishi, shuningdek, tegishli sohada davlat siyosatining amalga oshirilishi;

tegishli sohada faoliyatning asosiy koʻrsatkichlari boʻyicha parametrlar va belgilangan indikatorlarga erishishning soʻzsiz taʼminlanishi;

Oldingi tahrirga qarang.

joriy etilayotgan innovatsiyalar, gʻoyalar va texnologiyalarning, shuningdek, Oʻzbekiston Respublikasi Prezident Administratsiyasi va Oʻzbekiston Respublikasi Vazirlar Mahkamasiga kiritiladigan hamda vazirlik tomonidan qabul qilinadigan normativ-huquqiy hujjatlar va boshqa hujjatlar loyihalarining amalga oshirilishi sifati, yakuniy natijalari hamda oqibatlari;

(13-bandning toʻrtinchi xatboshisi Oʻzbekiston Respublikasi Prezidentining 2019-yil 1-fevraldagi PF-5650-sonli Farmoni tahririda)

tegishli sohani rivojlantirish hamda hududlarning muammoli masalalarini hal etish boʻyicha dasturlar, chora-tadbirlar rejalari, “yoʻl xaritalari” va boshqa hujjatlarning samarali amalga oshirilishi;

fuqarolar va tadbirkorlik subyektlari huquq va qonuniy manfaatlariga rioya etilishi hamda himoya qilinishi uchun javobgardir.

4-bob. Vazirlik rahbarlarining asosiy funksional majburiyatlari

14. Quyidagilar Oʻzbekiston Respublikasi innovatsion rivojlanish vazirining (keyingi oʻrinlarda vazir deb yuritiladi) asosiy funksional majburiyatlari hisoblanadi:

Oʻzbekiston Respublikasining Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

Vazirlik faoliyatiga umumiy rahbarlik qilish, Oʻzbekiston Respublikasi Prezidentining tegishli hujjati, Oʻzbekiston Respublikasi Vazirlar Mahkamasining qarori va boshqa qonun hujjatlari bilan Vazirlik zimmasiga yuklatilgan vazifa hamda funksiyalarning bajarilishini tashkil etish;

Oʻzbekiston Respublikasi Prezidenti hujjatlari va Oʻzbekiston Respublikasi Vazirlar Mahkamasining qarorlari bilan tasdiqlangan Vazirlik faoliyatini yanada takomillashtirish boʻyicha konsepsiyalar, kompleks dasturlar hamda chora-tadbirlarning ijro etilishini tanqidiy va chuqur tahlil qilish;

Vazirlik va unga idoraviy mansub tashkilotlar faoliyati bilan bogʻliq prognoz koʻrsatkichlariga erishishni soʻzsiz taʼminlash boʻyicha taʼsirchan chora-tadbirlarni ishlab chiqish hamda qabul qilish;

Oldingi tahrirga qarang.

Vazirlik vakolatiga kiradigan masalalar boʻyicha Oʻzbekiston Respublikasi Prezidenti Administratsiyasi tarkibiy boʻlinmalari va Oʻzbekiston Respublikasi Vazirlar Mahkamasi komplekslari, shuningdek, tegishli davlat organlari va tashkilotlari bilan oʻzaro hamkorlik qilish, Oʻzbekiston Respublikasi Vazirlar Mahkamasi va uning Rayosati majlislarida masalalarni koʻrib chiqishda ishtirok etish;

(14-bandning oltinchi xatboshisi Oʻzbekiston Respublikasi Prezidentining 2019-yil 1-fevraldagi PF-5650-sonli Farmoni tahririda)

Oʻzbekiston Respublikasi Prezidenti, Oʻzbekiston Respublikasi Bosh vaziri va uning oʻrinbosarlari, ayrim yuqori turuvchi tashkilotlar topshiriqlarini ijro etish;

oʻz oʻrinbosarlari vakolatlarini belgilash, ular oʻrtasida majburiyatlarni taqsimlash, Vazirlikning boshqa mansabdor shaxslari vakolatlarini belgilash, Vazirlik faoliyatining alohida uchastkalariga rahbarlik qilish uchun shaxsiy masʼuliyat darajasini belgilash;

Vazirlik faoliyatining rejalashtirilishini tashkil etish, Vazirlik va oʻz oʻrinbosarlarining har choraklik ish rejalarini tasdiqlash, ularning bajarilishi ustidan nazoratni taʼminlash;

Oʻzbekiston Respublikasi Prezidenti va Oʻzbekiston Respublikasi Vazirlar Mahkamasi hujjatlari hamda topshiriqlarini tashkil qilish va ijro etish monitoringi taʼsirchan tizimini tashkil etish, ijro intizomini mustahkamlash boʻyicha kompleks amaliy chora-tadbirlarni roʻyobga chiqarish, shuningdek, idoraviy mansub boʻlinmalar rahbarlarining topshiriqlarni oʻz vaqtida hamda sifatli ijro etishi ustidan shaxsiy javobgarligini oshirish boʻyicha chora-tadbirlar koʻrish;

Vazirlik xodimlarini qayta tayyorlash va malakasini oshirish tizimini tashkil etish;

Vazirlik tizimida kadrlarni tanlash va joy joyiga qoʻyish, ularning samarali faoliyat yuritishi uchun zarur shart-sharoitlar yaratish, Vazirlikning kadrlar zaxirasini shakllantirish;

Oldingi tahrirga qarang.

Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi va Oʻzbekiston Respublikasi Vazirlar Mahkamasi nomenklaturasiga kiradigan boʻsh lavozimlarga taklif etilgan kadrlar, shuningdek, Vazirlikka ishga qabul qilinayotgan boshqa kadrlarning professional, oʻz ishini bilishi, amaliy tajriba, yuqori darajadagi ishchanlik va maʼnaviy-axloqiy fazilatlarga ega ekanligi kafolatini taʼminlash;

(14-bandning oʻn uchinchi xatboshisi Oʻzbekiston Respublikasi Prezidentining 2019-yil 1-fevraldagi PF-5650-sonli Farmoni tahririda)

innovatsion gʻoyalar, ishlanmalar va texnologiyalarni joriy etishni nazarda tutuvchi dasturlar hamda chora-tadbirlarning sifatli ishlab chiqilishini tashkil etish;

Oldingi tahrirga qarang.

faoliyat sohasi masalalari boʻyicha normativ-huquqiy hujjatlar loyihalari sifatli ishlab chiqilishini, ular qonun hujjatlari talablariga qatʼiy muvofiq ravishda oʻz vaqtida kiritilishini tashkil etish, ularning Vazirlar Mahkamasi apparatida puxta ishlanishida, Vazirlar Mahkamasi rahbariyati huzurida himoya qilinishi va Oʻzbekiston Respublikasi Prezidenti Administratsiyasida koʻrib chiqilishida ishtirok etish;

(14-bandning oʻn beshinchi xatboshisi Oʻzbekiston Respublikasi Prezidentining 2019-yil 1-fevraldagi PF-5650-sonli Farmoni tahririda)

Vazirlikning qonun loyihalarini sifatli tayyorlash faoliyatini tashkil etish;

Vazirlik vakolatiga kiradigan masalalar boʻyicha normativ-huquqiy hujjatlarni qabul qilish, zarur hollarda, boshqa davlat organlari va tashkilotlari bilan birgalikda tegishli qarorlar qabul qilish;

Vazirlikka taqdim etilgan takliflar va normativ-huquqiy hujjatlar loyihalarining toʻliq hamda har tomonlama koʻrib chiqilishini taʼminlash, ularni puxta huquqiy, moliyaviy, iqtisodiy va boshqa ekspertizadan oʻtkazish, shuningdek, belgilangan muddatlarda ularni kelishish (viza qoʻyish);

Vazirlik rahbarlari va xodimlari xizmat safarlarini qonun hujjatlari talablariga toʻliq muvofiq ravishda tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanilishini taʼminlash;

oʻz oʻrinbosarlari va idoraviy mansub boʻlinmalar rahbarlari faoliyatining samaradorligi hamda natijadorligini tizimli tanqidiy tahlil qilish, Vazirlik hayʼati majlislarida ularning shaxsiy hisobotlarini eshitish, yakunlari boʻyicha zarur chora-tadbirlar koʻrish;

Vazirlik xodimlarini ragʻbatlantirish va intizomiy javobgarlikka tortish masalalarini hal qilish, oʻz oʻrinbosarlarini ragʻbatlantirish hamda intizomiy javobgarlikka tortish, shu jumladan, ular egallab turgan lavozimda qolishi maqsadga muvofiqligi toʻgʻrisidagi masalalarni koʻrib chiqish boʻyicha takliflar kiritish, ularning shaxsiy javobgarligini oshirishga doir tizimli chora-tadbirlarni amalga oshirish;

Vazirlik va uning idoraviy mansubligidagi boʻlinmalari xodimlari tomonidan davlat boshqaruvi organlari xodimlarining Odob-axloq qoidalari talablariga rioya etilishini taʼminlash;

Oʻzbekiston Respublikasining “Korrupsiyaga qarshi kurashish toʻgʻrisida”gi Qonuni talablariga muvofiq korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyoti va qonun hujjatlarini takomillashtirish boʻyicha chora-tadbirlar ishlab chiqish hamda amalga oshirish yoʻli bilan ular sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

Vazirlik va uning idoraviy mansubligidagi tashkilotlar ishini tashkil etishning zamonaviy shakllari joriy etilishini taʼminlash;

aholi va tadbirkorlik subyektlari bilan oʻzaro hamkorlik qilishda, shu jumladan “yagona darcha” prinsipini joriy etish orqali davlat xizmatlari koʻrsatish sifati va samaradorligini oshirish hamda ulardan erkin foydalanishni taʼminlash va Oʻzbekiston Respublikasining “Elektron hukumat toʻgʻrisida”gi Qonunini amalga oshirish doirasida zamonaviy axborot-kommunikatsiya texnologiyalaridan foydalanish;

jismoniy va yuridik shaxslarning murojaatlarini koʻrib chiqish boʻyicha samarali ishlarni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish;

Oʻzbekiston Respublikasi Prezidentining Xalq qabulxonalari bilan samarali hamkorlikni, ular faoliyatida Vazirlik xodimlari hamda rahbarlarining faol ishtirok etishini tashkil qilish, jismoniy va yuridik shaxslarning murojaatlari oʻz vaqtida hamda toʻliq koʻrib chiqilishini taʼminlash;

davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish.

15. Quyidagilar vazir oʻrinbosarlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya qilish;

Vazir vaqtincha boʻlmaganda tegishli buyruq asosida uning vazifalarini bajarish;

mutasaddilik qiladigan Vazirlikning idoraviy mansub boʻlinmalari faoliyatini muvofiqlashtirish, nazorat qilish va ularga bevosita rahbarlik qilish, ularning xodimlari oʻrtasida vazifalarni taqsimlash;

Vazirlik faoliyatining mutasaddilik qiladigan yoʻnalishlari boʻyicha Oʻzbekiston Respublikasi Prezidenti hujjatlari va Oʻzbekiston Respublikasi Vazirlar Mahkamasining qarorlari bilan tasdiqlangan davlat organlari va tashkilotlari faoliyatini yanada takomillashtirish boʻyicha konsepsiyalar, kompleks dasturlar hamda chora-tadbirlarning ijro etilishi jarayonini tanqidiy va chuqur tahlil qilish;

mutasaddilik qiladigan idoraviy mansub boʻlinmalar tomonidan prognoz koʻrsatkichlariga erishishni soʻzsiz taʼminlash boʻyicha taʼsirchan chora-tadbirlar koʻrish, boʻlinmalar rahbarlari hisobotlarini muntazam eshitish va qayd etilgan koʻrsatkichlarga erishish uchun ularning shaxsiy javobgarligini oshirish;

mutasaddilik qiladigan idoraviy mansub boʻlinmalar rahbarlarining har choraklik rejalarini tasdiqlash, ularning bajarilishi ustidan nazoratni taʼminlash;

Oʻzbekiston Respublikasi Prezidenti va Vazirlar Mahkamasining qarorlari hamda topshiriqlari ijrosini taʼminlash, mutasaddilik qiladigan idoraviy mansub boʻlinmalarda ijro intizomini mustahkamlash boʻyicha kompleks amaliy chora-tadbirlarni roʻyobga chiqarish, shuningdek, ular rahbarlarining topshiriqlar oʻz vaqtida va sifatli ijro etilishi uchun shaxsiy javobgarligini oshirish chora-tadbirlarini koʻrish;

Vazirlik hayʼati qarorlari, vazirning buyruq va topshiriqlari oʻz vaqtida hamda sifatli bajarilishini taʼminlash;

mutasaddilik qiladigan idoraviy mansub boʻlinmalarda kadrlarni tanlash va joy-joyiga qoʻyish boʻyicha vazirga takliflar taqdim etish, ularning professionalligi, layoqatliligi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash, ularning kasbiy malakasini oshirish chora-tadbirlarini koʻrish, mutasaddilik qiladigan idoraviy mansub boʻlinmalarda kadrlar zaxirasini shakllantirish;

innovatsion gʻoyalar, ishlanmalar va texnologiyalarni joriy etishni nazarda tutuvchi dasturlar hamda tadbirlar sifatli ishlab chiqilishini tashkil etish;

mutasaddilik qiladigan idoraviy mansub boʻlinmalar tomonidan normativ-huquqiy hujjatlar loyihalari sifatli ishlab chiqilishini tashkil etish, tayyorlangan hujjatlar loyihalarini koʻrib chiqish va ular keyinchalik vazir tomonidan koʻrib chiqish va imzolash (viza qoʻyish), ular qonunchilik talablariga qatʼiy muvofiq ravishda Vazirlar Mahkamasiga oʻz vaqtida kiritilishini taʼminlash, shuningdek, Vazirlar Mahkamasi Ijro etuvchi apparatida normativ-huquqiy hujjatlar loyihalarini ishlab chiqishda Vazirning topshirigʻiga binoan ishtirok etish;

Vazirlikka taqdim etilgan takliflar va normativ-huquqiy hujjatlar loyihalarini toʻliq hamda har tomonlama koʻrib chiqish, ularni puxta huquqiy, moliyaviy, iqtisodiy va boshqa ekspertizadan oʻtkazish;

xizmat safarlarini qonun hujjatlari talablariga toʻliq muvofiq amalga oshirish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanilishini taʼminlash;

mutasaddilik qiladigan idoraviy mansub boʻlinmalar rahbarlari va xodimlari faoliyatining samaradorligi hamda natijadorligini tizimli tanqidiy tahlil qilish, Vazirlik hayʼati majlislarida ularning shaxsiy hisobotlarini eshitish, yakunlari boʻyicha zarur chora-tadbirlar koʻrish;

Vazirlik faoliyat sohasiga tegishli boʻlgan masalalar boʻyicha faoliyatni takomillashtirishga doir amaliy chora-tadbirlar koʻrish, qonun hujjatlarini takomillashtirish yuzasidan takliflar ishlab chiqish hamda ularni Vazirlik rahbariyatiga kiritish;

mutasaddilik qiladigan idoraviy mansub boʻlinmalar rahbarlari va xodimlarini ragʻbatlantirish hamda intizomiy javobgarlikka tortish, shu jumladan, ularning egallab turgan lavozimda qolishi maqsadga muvofiqligi toʻgʻrisidagi masalani koʻrib chiqish boʻyicha takliflarni Vazirlik rahbariyatiga kiritish, funksional vazifalar va yuklangan vazifalar bajarilishi uchun ularning shaxsiy javobgarligini oshirish boʻyicha tizimli chora-tadbirlar koʻrish;

mutasaddilik qiladigan idoraviy mansub boʻlinmalar rahbarlari va xodimlari tomonidan davlat boshqaruvi organlari xodimlarining Odob-axloq qoidalari talablariga rioya etilishini taʼminlash;

Vazirga davlat xizmatlari koʻrsatish sifati va samaradorligini oshirish hamda ulardan erkin foydalanishni taʼminlash boʻyicha takliflar kiritish;

jismoniy va yuridik shaxslarning murojaatlarini koʻrib chiqish boʻyicha samarali ishni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish;

Oʻzbekiston Respublikasi Prezidentining Xalq qabulxonalari bilan samarali hamkorlikni, ular faoliyatida qonunchilik talablariga muvofiq faol ishtirok etishni, jismoniy va yuridik shaxslarning barcha murojaatlari oʻz vaqtida hamda toʻliq koʻrib chiqilishini taʼminlash;

davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish.

16. Quyidagilar Vazirlik markaziy apparati boʻlinmalari boshliqlarining asosiy funksional majburiyatlari hisoblanadi:

Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya qilish;

boʻlinmalarning faoliyatiga bevosita rahbarlik qilish, mazkur boʻlinmaga yuklatilgan vazifa va funksiyalarning bajarilishini tashkil etish;

oʻz vakolatlari doirasida Vazirlikning idoraviy mansub tashkilotlari faoliyatini muvofiqlashtirish;

prognoz koʻrsatkichlarining bajarilishini tizimli tahlil qilish hamda boʻlinmalar ushbu koʻrsatkichlarga soʻzsiz erishishini taʼminlashga qaratilgan qoʻshimcha chora-tadbirlar koʻrish boʻyicha takliflarni Vazirning mutasaddilik qiladigan oʻrinbosarlariga kiritish;

Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining hujjatlari va topshiriqlari bajarilishini taʼminlash, boʻlinmalar xodimlari tomonidan ijro intizomini mustahkamlash boʻyicha kompleks amaliy chora-tadbirlarni roʻyobga chiqarish, shuningdek, qonun hujjatlariga muvofiq topshiriqlarning oʻz vaqtida va sifatli bajarilishi uchun boʻlinmalar xodimlarining shaxsiy masʼuliyatini oshirish chora-tadbirlarini koʻrish;

Vazirlik hayʼati qarorlari, vazir va uning oʻrinbosarlari buyruq hamda topshiriqlari oʻz vaqtida va sifatli bajarilishini taʼminlash;

boʻlinmalarning har choraklik ish rejalarini ishlab chiqishni taʼminlash, ularni tasdiqlashga kiritish, unda koʻrsatilgan vazifa va tadbirlarning oʻz vaqtida va sifatli bajarilishini taʼminlash;

boʻlinmaga yuklatilgan vazifalarning bajarilishini nazorat qilish va muvofiqlashtirish, Vazirlikning idoraviy mansub tashkilotlari faoliyatiga amaliy va metodik yordam koʻrsatish;

boʻlinmalar faoliyati masalalari boʻyicha qonun hujjatlarini takomillashtirish yuzasidan takliflar ishlab chiqish va ularni Vazirlik rahbariyatiga koʻrib chiqish uchun kiritish;

boʻlinmalarda kadrlarni tanlash va joy-joyiga qoʻyishda vazir oʻrinbosarlariga takliflar taqdim etish, professional, oʻz ishini bilishi, amaliy tajriba, yuksak darajada ishlash xususiyatlari va maʼnaviy-axloqiy fazilatlarga ega ekanligi kafolatini taʼminlash, ularning kasb malakasini oshirish choralarini koʻrish, boʻlinmalarda kadrlar zaxirasini shakllantirish;

innovatsion gʻoyalar, ishlanmalar va texnologiyalarni joriy etishni nazarda tutuvchi dastur va chora-tadbirlarni sifatli ishlab chiqishni tashkil etish;

boʻlinmalar tomonidan normativ-huquqiy hujjatlar loyihalarining sifatli ishlab chiqilishini tashkil etish, ularni keyinchalik Vazirlik rahbariyati tomonidan koʻrib chiqish, imzolash (viza qoʻyish) uchun oʻrganish va viza qoʻyish, ularning qonun hujjatlari talablariga qatʼiy muvofiq ravishda Vazirlar Mahkamasiga oʻz vaqtida kiritilishini taʼminlash, Vazirlik rahbariyatining topshirigʻi boʻyicha normativ-huquqiy hujjatlar loyihalarini Vazirlar Mahkamasi Ijro etuvchi apparatida ishlab chiqishda ishtirok etish;

Vazirlikka taqdim etilgan takliflar va normativ-huquqiy hujjatlar loyihalarini toʻliq va har tomonlama koʻrib chiqish, ularni puxta huquqiy, moliyaviy, iqtisodiy va boshqa ekspertizadan oʻtkazish;

xizmat safarlarini qonun hujjatlari talablariga toʻliq muvofiq ravishda amalga oshirish, xizmat safarlari asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanilishini taʼminlash;

boʻlinmalar xodimlari faoliyatining samaradorligi va natijadorligini tizimli tanqidiy tahlil qilish, yigʻilishlarda ularning shaxsiy hisobotlarini eshitish, ularning yakunlari boʻyicha zarur chora-tadbirlar koʻrish;

boʻlinma xodimlari tomonidan davlat boshqaruvi organlari xodimlarining Odob-axloq qoidalari talablariga rioya etilishini taʼminlash;

Oʻzbekiston Respublikasining “Korrupsiyaga qarshi kurashish toʻgʻrisida”gi Qonuni talablariga muvofiq boʻlinmalarda korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

davlat xizmatlarining samaradorligi, sifatini oshirish va ulardan erkin foydalanishni taʼminlashga doir takliflarni Vazirlik rahbariyatiga kiritish;

jismoniy va yuridik shaxslarning murojaatlarini koʻrib chiqish, aholi bilan toʻgʻridan-toʻgʻri va ochiq muloqotni yoʻlga qoʻyish, belgilangan muddatlarda va tartibda jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan joylarga borib qabul qilish;

Oʻzbekiston Respublikasi Prezidentining Xalq qabulxonalari bilan samarali hamkorlik qilish, qonun hujjatlariga muvofiq ularning ishida faol ishtirok etish, jismoniy va yuridik shaxslarning Oʻzbekiston Respublikasi Prezidentining Virtual qabulxonasidan kelib tushgan murojaatlarini oʻz vaqtida va toʻliq koʻrib chiqish;

davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish.

5-bob. Vazirlik rahbarlarining javobgarligi

17. Vazir mazkur Nizomga muvofiq:

Vazirlikka yuklatilgan vazifa va funksiyalar bajarilishining toʻliq, oʻz vaqtida va sifatli tashkil etilishi, shuningdek, oʻz funksional vazifalarining bajarilishi;

Vazirlik huquqlarining samarali amalga oshirilishi uchun shaxsan javob beradi.

18. Vazir oʻrinbosarlari mazkur Nizomga muvofiq:

mutasaddilik qiladigan Vazirlikning tarkibiy tuzilmasi va idoraviy mansub tashkilotlarda Vazirlikka yuklatilgan vazifa va funksiyalarning lozim darajada bajarilishi, shuningdek, oʻz funksional vazifalarining bajarilishi;

mutasaddilik qiladigan Vazirlikning tarkibiy tuzilmasi va idoraviy mansub tashkilotlari orqali Vazirlik huquqlarining samarali amalga oshirilishi uchun shaxsan javob beradi.

19. Markaziy apparat boʻlinmalarining rahbarlari tegishli boʻlinmaga yuklatilgan vazifa va funksiyalarning soʻzsiz va lozim darajada bajarilishi, shuningdek, oʻz funksional vazifalarining bajarilishi uchun shaxsan javob beradi.

6-bob. Vazirlik faoliyatini tashkil etish

1-§. Vazirlik rahbariyati

20. Vazirlikka Oʻzbekiston Respublikasi Bosh vazirining taqdimnomasiga binoan Oʻzbekiston Respublikasi Prezidenti tomonidan lavozimga tayinlanadigan va lavozimdan ozod qilinadigan vazir boshchilik qiladi.

21. Vazir oʻz maqomiga koʻra Oʻzbekiston Respublikasi Vazirlar Mahkamasining aʼzosi hisoblanadi.

22. Vazirning Oʻzbekiston Respublikasi Bosh vazirining taqdimnomasiga binoan Oʻzbekiston Respublikasi Prezidenti tomonidan lavozimga tayinlanadigan va lavozimdan ozod qilinadigan toʻrt nafar oʻrinbosarlari, shu jumladan bir nafar birinchi oʻrinbosari boʻladi.

23. Vazir boʻlmagan vaqtda uning vakolatlari vazifalar taqsimotiga binoan uning oʻrinbosarlari tomonidan bajariladi.

24. Vazirlik markaziy apparat xodimlari, idoraviy mansub tashkilotlari rahbarlari vazir tomonidan lavozimga tayinlanadi va lavozimdan ozod etiladi.

25. Idoraviy mansub tashkilotlar haqidagi nizomlar vazir tomonidan tasdiqlanadi.

2-§. Vazirlik markaziy apparati boʻlinmalarining unga idoraviy mansub boʻlinmalar bilan oʻzaro hamkorligi tartibi

26. Vazirlik markaziy apparati boʻlinmalarining unga idoraviy mansub tashkilotlar bilan oʻzaro hamkorligini taʼminlash markaziy apparat boʻlinmalarining rahbarlari tomonidan amalga oshiriladi.

27. Vazirlikning markaziy apparat boʻlinmalari idoraviy mansub tashkilotlar bilan oʻzining faoliyat yoʻnalishi boʻyicha oʻzaro hamkorlik qilib:

idoraviy mansub tashkilotlarga topshiriqlarni yetkazadi va ularning ijrosini nazorat qiladi;

boʻlinmalarning bevosita faoliyatiga oid masalalar boʻyicha Vazirlikning idoraviy mansub tashkilotlariga soʻrovnomalar yuboradi va ularning ijrosini nazorat qiladi;

monitoring, oʻrganishlar, zaruriyat tugʻilganda, oʻz vakolati doirasida tekshirishlar oʻtkazadi, Vazirlikning idoraviy mansub boʻlinmalari faoliyatini umumlashtiradi, uni takomillashtirishga qaratilgan chora-tadbirlarni ishlab chiqadi va qabul qiladi;

Vazirlikning idoraviy mansub tashkilotlari faoliyatini tashkil etish va natijalari haqidagi hisobot va axborot materiallari, statistik va boshqa maʼlumotlarni oʻrganishni tashkil etadi;

Vazirlikning idoraviy mansub tashkilotlari ish rejalarini tahlil qiladi, ularning faoliyatini rejalashtirishni takomillashtirish boʻyicha chora-tadbirlarni koʻradi;

Vazirlikning idoraviy mansub tashkilotlaridan kelib tushgan murojaatlarni koʻrib chiqadi;

innovatsion gʻoyalar, ishlanmalar va texnologiyalarni joriy etishni nazarda tutuvchi dastur va tadbirlarni sifatli ishlab chiqishda Vazirlikning idoraviy mansub tashkilotlari ishtirokini tashkil etadi;

normativ-huquqiy hujjatlar loyihalarini tayyorlashda Vazirlikning idoraviy mansub tashkilotlari ishtirokini tashkil etadi, qonunchilikni takomillashtirish boʻyicha ulardan kelib tushgan takliflarni koʻrib chiqadi.

28. Vazirlikning idoraviy mansub boʻlinmalari Vazirlikning markaziy apparati boʻlinmalari bilan oʻzaro hamkorlik qiladi, shu jumladan:

vazirlik topshiriqlarining ijrosi toʻgʻrisida axborot beradi;

biriktirilgan sohadagi qonunchilik ijrosi yuzasidan faoliyat natijalari toʻgʻrisida markaziy apparatga axborot taqdim qiladi;

ularning faoliyatini monitoring, oʻrganish va tekshirish natijasida aniqlangan ishdagi kamchiliklar va qonunbuzilishlarni bartaraf etish natijalari toʻgʻrisida axborot beradi;

innovatsion gʻoyalar, ishlanmalar va texnologiyalarni joriy etishni nazarda tutuvchi dasturlar va tadbirlarni ishlab chiqish toʻgʻrisida takliflar kiritadi;

oʻzining ish natijalari toʻgʻrisidagi hisobotlarni, shuningdek, mavjud muammolarni hal etishga qaratilgan takliflarni belgilangan tartibda va muddatlarda Vazirlikning markaziy apparatiga taqdim etadi;

vakolatli organlar tomonidan oʻzining faoliyatida oʻtkazilgan tekshirish natijalari toʻgʻrisida xabardor qiladi.

29. Vazirlikning markaziy apparati boʻlinmalari va uning idoraviy mansub boʻlinmalarining oʻzaro hamkorlik jarayonida kelib chiqadigan kelishmovchiliklar vazirning topshirigʻi boʻyicha uning tegishli oʻrinbosarlari tomonidan koʻrib chiqiladi. Agar mazkur muhokamadan keyin kelishmovchiliklar tartibga solinmagan taqdirda, ular boʻyicha qaror bevosita vazir tomonidan qabul qilinadi.

3-§. Vazirlikning hayʼati, boshqa maslahat, konsultativ ekspert organlari

30. Vazirlikda vazir (hayʼat raisi), uning oʻrinbosarlari, shuningdek, Vazirlik faoliyatining asosiy yoʻnalishlarini muvofiqlashtiruvchi idoraviy mansub boʻlinmalar rahbarlaridan iborat tarkibda hayʼat tuziladi.

Hayʼat tarkibining soni va shaxsiy tarkibi vazir taqdimnomasiga binoan Oʻzbekiston Respublikasi Vazirlar Mahkamasi tomonidan tasdiqlanadi.

31. Hayʼatga quyidagi vazifalar yuklanadi:

mazkur Nizom bilan belgilangan Vazirlik faoliyatining asosiy yoʻnalishlarini tayyorlash va amalga oshirish;

Vazirlik tizimi xodimlari va rahbarlarining qonun hujjatlarida belgilangan vazifalarning oʻz vaqtida va sifatli bajarilishini taʼminlash uchun shaxsiy javobgarligini oshirish choralarini koʻrgan holda idoraviy mansub boʻlinmalar rahbarlarining hisobotlari muntazam ravishda eshitilishini tashkil qilish;

Vazirlik faoliyatining sohalari boʻyicha dasturlarning bajarilishi natijadorligini muntazam ravishda, lekin har chorakda kamida bir marta koʻrib chiqish;

Vazirlik faoliyatiga oid masalalarni joyida muhokama qilishni taʼminlagan holda hayʼatning kengaytirilgan sayyor majlislarini oʻtkazishni tashkil etish, shuningdek, yuzaga kelgan muammolarni bartaraf etish boʻyicha tegishli qarorlarni ishlab chiqish va qabul qilish;

Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qarorlari va topshiriqlari bilan belgilangan vazifalarning oʻz vaqtida va sifatli amalga oshirilishini taʼminlash uchun Vazirlik rahbarlari va xodimlarining ijro intizomini mustahkamlash hamda shaxsiy javobgarligini oshirish.

Hayʼat Vazirlik vakolatiga taalluqli boʻlgan boshqa masalalarni ham koʻrib chiqish huquqiga ega.

32. Hayʼat majlisiga Vazirlik vakolatlariga kiradigan masalalar boʻyicha davlat organlari va tashkilotlari rahbarlari taklif etilishi mumkin.

33. Hayʼat uning majlisida tarkibining yarmidan koʻpi qatnashgan taqdirda vakolatli boʻladi. Koʻrib chiqilayotgan masalalar boʻyicha qarorlar oddiy koʻpchilik ovoz bilan qabul qilinadi.

34. Hayʼat qarorlari vazirning buyruqlari bilan amalga oshiriladi.

35. Vazir va hayʼat aʼzolari oʻrtasida kelishmovchiliklar yuzaga kelgan taqdirda vazir yuzaga kelgan kelishmovchiliklar toʻgʻrisida Oʻzbekiston Respublikasi Vazirlar Mahkamasiga axborot bergan holda mustaqil ravishda qaror qabul qiladi. Hayʼat aʼzolari ham oʻz fikr-mulohazalarini Oʻzbekiston Respublikasi Vazirlar Mahkamasiga xabar qilishlari mumkin.

36. Hayʼat faoliyatining tartibi hayʼat tomonidan tasdiqlanadigan reglament bilan belgilanadi.

37. Vazirlikda tarkibi va nizomlari vazir tomonidan tasdiqlanadigan Ilmiy-texnik kengash, konsultativ va ekspert guruhlari tashkil etiladi.

7-bob. Vazirlik faoliyatining samaradorligi va natijadorligini baholash mezonlari va ish indikatorlari

38. Vazirlikning samaradorligi muntazam baholanishi lozim.

39. Vazirlikning samaradorligi va natijadorligiga berilgan baholar Vazirlik faoliyatining samaradorligi va natijadorligini baholash mezonlari va ish indikatorlariga asoslanadi.

40. Vazirlik faoliyatining samaradorligi va natijadorligini baholash yakunlari boʻyicha:

Vazirlik rahbarlari va xodimlarini ragʻbatlantirish (mukofotlash) yoki intizomiy javobgarlikka tortish;

Vazirlik faoliyatida aniqlangan kamchiliklarni bartaraf etish va uning faoliyatini yanada takomillashtirish chora-tadbirlari koʻriladi.

41. Vazirlik faoliyatining samaradorligi va natijadorligini baholash tartibi va uslubiyoti qonun hujjatlarida belgilanadi.

8-bob. Vazirlikni moliyalashtirish va moddiy-texnik taʼminlash, uning xodimlari mehnatiga haq toʻlash va moddiy ragʻbatlantirish

Oldingi tahrirga qarang.

42. Vazirlikni moliyalashtirish va moddiy-texnik taʼminlash Oʻzbekiston Respublikasining Davlat budjeti, Innovatsion rivojlanish va novatorlik gʻoyalarini qoʻllab-quvvatlash jamgʻarmasi, budjetdan tashqari jamgʻarmalar mablagʻlari hamda qonun hujjatlari bilan taqiqlanmagan boshqa mablagʻlar hisobidan amalga oshiriladi.

(42-band Oʻzbekiston Respublikasi Prezidentining 2018-yil 7-maydagi PQ-3698-sonli qarori tahririda — Qonun hujjatlari maʼlumotlari milliy bazasi, 08.05.2018-y., 07/18/3698/1178-son)

43. Ilmiy-texnik axborot markazi, shuningdek, Vazirlik nashriyotini moliyalashtirish va moddiy-texnik taʼminlash ularning xoʻjalik faoliyatidan tushgan daromadlarini inobatga olgan holda Innovatsion rivojlanish va novatorlik gʻoyalarini qoʻllab-quvvatlash jamgʻarmasi mablagʻlari hisobidan amalga oshiriladi.

44. Vazirlik xodimlarining ish haqi lavozim maoshi, mukofotlar, qoʻshimcha haqlar, ustamalar va qonun hujjatlarida nazarda tutilgan boshqa toʻlovlardan iborat.

Vazirlik xodimlari lavozim maoshlariga har oylik ustamalar va ragʻbatlantirish xususiyatiga ega boʻlgan qoʻshimcha haqlar vazir tomonidan tasdiqlanadigan nizomga muvofiq toʻlanadi.

45. Vazirlik xodimlariga ish haqi toʻlash va ularni moddiy ragʻbatlantirish manbalari mehnatga haq toʻlash fondi, budjetdan tashqari jamgʻarmalar mablagʻlari va qonun hujjatlarida taqiqlanmagan boshqa mablagʻlardan iborat.

9-bob. Vazirlikning hisobdorligi

46. Vazir Oʻzbekiston Respublikasi Vazirlar Mahkamasi va Oʻzbekiston Respublikasi Prezidentiga Vazirlikning faoliyati toʻgʻrisida muntazam ravishda hisobot beradi.

47. Oʻzbekiston Respublikasi Vazirlar Mahkamasi Vazirlik rahbarlari faoliyatini ularga yuklatilgan vazifalarning samarali bajarilishi yuzasidan doimiy monitoring qiladi, Vazirlik faoliyatining samaradorligiga xolisona baho beradi.

48. Monitoring va baholash yakunlari boʻyicha Vazirlikning alohida oʻrnak koʻrsatgan rahbarlari, mansabdor shaxslari va xodimlari ragʻbatlantiriladi yoxud yoʻl qoʻyilgan jiddiy kamchiliklar uchun egallab turgan lavozimidan ozod etishgacha boʻlgan javobgarlikka tortiladi.

10-bob. Yakunlovchi qoida

49. Vazirlikni qayta tashkil etish va tugatish qonun hujjatlarida belgilangan tartibda amalga oshiriladi.

Keyingi tahrirga qarang.

Oʻzbekiston Respublikasi Prezidentining 2017-yil 30-noyabrdagi PQ-3416-son qaroriga
4-ILOVA

Innovatsion rivojlanish va novatorlik gʻoyalarini qoʻllab-quvvatlash jamgʻarmasi ijro etuvchi direksiyasining

TUZILMASI

Boshqaruv xodimlarining umumiy shtatlar soni — 5 ta birlik.

Xizmat koʻrsatuvchi va texnik xodimlar soni qonun hujjatlarida belgilangan normativlar boʻyicha aniqlanadi.

Keyingi tahrirga qarang.

Oʻzbekiston Respublikasi Prezidentining 2017-yil 30-noyabrdagi PQ-3416-son qaroriga
5-ILOVA

Innovatsion rivojlanish va novatorlik gʻoyalarini qoʻllab-quvvatlash jamgʻarmasining Kuzatuv kengashi

TARKIBI

Oldingi tahrirga qarang.

1.	Abduraxmonov I.Yu.	—	Oʻzbekiston Respublikasi innovatsion rivojlanish vaziri, Kuzatuv kengashi raisi
2.	Daminov A.D.	—	Oʻzbekiston Respublikasi Prezidenti maslahatchisining oʻrinbosari
3.	Kuchkarov J.A.	—	Oʻzbekiston Respublikasi Bosh vazirining oʻrinbosari — Oʻzbekiston Respublikasi moliya vaziri
4.	Mirzayev Z.T.	—	Oʻzbekiston Respublikasi Bosh vazirining oʻrinbosari
5.	Lavozimga koʻra	—	Oʻzbekiston Respublikasi Vazirlar Mahkamasining Investitsiyalar, innovatsion rivojlantirish, erkin iqtisodiy va kichik sanoat zonalari faoliyatini muvofiqlashtirish, turizm masalalari axborot-tahlil departamenti mudiri
6.	Xodjayev B.A.	—	Oʻzbekiston Respublikasi iqtisodiyot vaziri
7.	Madjidov I.U.	—	Oʻzbekiston Respublikasi oliy va oʻrta maxsus taʼlim vaziri
8.	Inoyatov U.I.	—	Oʻzbekiston Respublikasi xalq taʼlimi vaziri
9.	Shin A.V.	—	Oʻzbekiston Respublikasi maktabgacha taʼlim vaziri
10.	Shadmanov A.K.	—	Oʻzbekiston Respublikasi sogʻliqni saqlash vaziri
11.	Shermatov Sh.X.	—	Oʻzbekiston Respublikasi axborot texnologiyalari va kommunikatsiyalarini rivojlantirish vaziri v.b.
12.	Toʻxtayev A.X.	—	Oʻzbekiston Respublikasi Qurilish vaziri
13.	Kuchkarov B.T.	—	Oʻzbekiston Respublikasi Ekologiya va atrof-muhitni muhofaza qilish davlat qoʻmitasi raisi
14.	Karimov A.M.	—	Oʻzbekiston Nodavlat notijorat tashkilotlari milliy assotsiatsiyasi raisi
15.	Yuldashev B.S.	—	Oʻzbekiston Respublikasi Fanlar akademiyasi prezidenti
16.	lavozimga koʻra	—	Innovatsion rivojlanish va novatorlik gʻoyalarini qoʻllab-quvvatlash jamgʻarmasining ijro etuvchi direktori

Izoh: Kengash aʼzolari boshqa ishga oʻtgan taqdirda uning tarkibiga ushbu lavozimlarga yangidan tayinlangan shaxslar yoki tegishli vazifalarni bajarish zimmasiga yuklangan shaxslar kiritiladi.

(5-ilova Oʻzbekiston Respublikasi Prezidentining 2019-yil 1-fevraldagi PF-5650-sonli Farmoni tahririda)

Keyingi tahrirga qarang.

Oʻzbekiston Respublikasi Prezidentining 2017-yil 30-noyabrdagi PQ-3416-son qaroriga
6-ILOVA

Innovatsion rivojlanish va novatorlik gʻoyalarini qoʻllab-quvvatlash jamgʻarmasi toʻgʻrisida

NIZOM

1-bob. Umumiy qoidalar

1. Ushbu Nizom Innovatsion rivojlanish va novatorlik gʻoyalarini qoʻllab-quvvatlash jamgʻarmasining (keyingi oʻrinlarda Jamgʻarma deb yuritiladi) mablagʻlarini shakllantirish, boshqarish va foydalanish tartibini belgilaydi.

2. Jamgʻarma yuridik shaxs hisoblanadi, mustaqil balansga, Oʻzbekiston Respublikasi tijorat banklarida talab qilib olinadigan milliy va xorijiy valyutadagi depozit hisob raqamlariga, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga ega.

3. Jamgʻarma oʻz faoliyatida Oʻzbekiston Respublikasining Konstitutsiyasi, Oʻzbekiston Respublikasining qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, boshqa qonun hujjatlariga, Jamgʻarma Kuzatuv kengashining qarorlariga, shuningdek, ushbu Nizomga amal qiladi.

2-bob. Jamgʻarma mablagʻlarini shakllantirish va sarflash

4. Jamgʻarma mablagʻlari quyidagilar hisobidan shakllantiriladi:

Oʻzbekiston Respublikasi Intellektual mulk agentligiga patent bojlari, yigʻimlar va soliq toifasiga kirmaydigan boshqa toʻlovlardan kelib tushgan valyuta mablagʻlarining 90 foizi;

xalqaro moliya tashkilotlari va institutlarining grantlari va kreditlari;

yuridik va jismoniy shaxslar, shu jumladan chet ellik shaxslarning homiylik mablagʻlari;

qonun hujjatlarida taqiqlanmagan boshqa tushumlar.

5. Mazkur Nizomning 4-bandida koʻrsatilgan Oʻzbekiston Respublikasi Intellektual mulk agentligining valyuta mablagʻlari Agentlik tomonidan Jamgʻarmaning hisob raqamlariga har oyda valyutaning har bir turi boʻyicha alohida hisobot oyidan keyingi oyning 10-kunigacha oʻtkaziladi.

Jamgʻarmaga kelib tushadigan boshqa mablagʻlar tegishli hisob raqamlarga valyutaning har bir turi boʻyicha alohida oʻtkaziladi.

6. Jamgʻarmaga mablagʻlar kelib tushishining toʻliqligini nazorat qilish Oʻzbekiston Respublikasi Innovatsion rivojlanish vazirligi (keyingi oʻrinlarda Vazirlik deb yuritiladi) va Jamgʻarma Kuzatuv kengashi tomonidan amalga oshiriladi.

7. Jamgʻarma mablagʻlari quyidagilarga yoʻnaltiriladi:

ilmiy-tadqiqot va oliy taʼlim muassasalarida mamlakatda ilm-fan va texnologiyalarning jadal rivojlanishini taʼminlashga, innovatsion mahsulotlarni chiqarishni oʻzlashtirishga yoʻnaltirilgan ilgʻor ilmiy tadqiqot va izlanish ishlarini olib borish uchun tanlov asosida mutlaqo yangi va zamonaviy yuqori texnologik asbob-uskunalar bilan jihozlangan ilmiy laboratoriyalar tashkil etish boʻyicha tadbirlarni moliyalashtirish;

mahalliy innovatsion ishlanmalar va texnologiyalarni transfer qilish maqsadida davlat ilmiy-texnika dasturlari doirasida yaratilgan intellektual mulk huquqini (patentlarni) baholash, shuningdek, xorijda roʻyxatdan oʻtkazish va koʻllab-quvvatlash xarajatlarini qoplash;

davlat ilmiy-texnika dasturlarini amalga oshirishda ishtirok etuvchi ilmiy va oliy taʼlim muassasalarining ilmiy laboratoriyalarini zamonaviy ilmiy asbob-uskunalar bilan qoʻshimcha jihozlash hamda zarur sarflash materiallari va butlovchi qismlar bilan uzluksiz taʼminlash boʻyicha tadbirlarni moliyalashtirish;

ilmiy-tadqiqot va oliy taʼlim muassasalarining yetakchi elektron ilmiy maʼlumotlar bazalaridan erkin foydalanishini taʼminlash, shuningdek, xalqaro nashrlarda ilmiy natijalarni chop etishga tayyorlash boʻyicha xarajatlarni qoplash;

yosh olimlarning yetakchi xorijiy ilmiy tashkilotlarda (markazlar, universitetlar va boshqalar), shu jumladan ilmiy laboratoriyalarni jihozlash uchun sotib olinadigan yuqori texnologik asbob-uskunalarda ishlash metodikasini oʻzlashtirishi uchun qisqa muddatli ilmiy stajirovkalarini moliyalashtirish;

texnologiyalarni transfer qilish sohasida tadqiqotlar oʻtkazish, qonunchilikni birxillashtirish va uygʻunlashtirish, shuningdek, Vazirlikka yuklatilgan vazifa va funksiyalarni samarali bajarish uchun tuzilgan shartnomalar (kontraktlar) asosida jalb qilingan xorijiy yuqori malakali olim va mutaxassislarning xarajatlarini (mehnatga haq toʻlash, transport xarajatlari va boshqalar) moliyalashtirish;

Oldingi tahrirga qarang.

Vazirlik va Jamgʻarma ijro etuvchi direksiyasi xodimlarini moddiy ragʻbatlantirish va moddiy-texnik taʼminlash;

(7-bandning sakkizinchi xatboshisi Oʻzbekiston Respublikasi Prezidentining 2018-yil 7-maydagi PQ-3698-sonli qarori tahririda — Qonun hujjatlari maʼlumotlari milliy bazasi, 08.05.2018-y., 07/18/3698/1178-son)

Oldingi tahrirga qarang.

Vazirlik Ilmiy-texnik axborot markazi, nashriyoti, shuningdek, Vazirlik qarori bilan tashkil etiladigan ilmiy kadrlar tayyorlash va xodimlar malakasini oshirish boʻyicha idoraviy ilmiy hamda oʻquv markazlari, maslahat va axborot markazlari, ilmiy laboratoriyalarning xoʻjalik faoliyatidan tushgan daromadlarini hisobga olgan holda ularni moliyalashtirish va moddiy-texnik taʼminlash;

(7-bandning toʻqqizinchi xatboshisi Oʻzbekiston Respublikasi Prezidentining 2018-yil 7-maydagi PQ-3698-sonli qarori tahririda — Qonun hujjatlari maʼlumotlari milliy bazasi, 08.05.2018-y., 07/18/3698/1178-son)

Vazirlikka yuklatilgan vazifa va funksiyalarga muvofiq amalga oshiriladigan boshqa tadbirlarni, shu jumladan innovatsion gʻoyalar, ishlanmalar va texnologiyalarning har yillik yarmarkalarini tashkil etish va oʻtkazishni moliyalashtirish.

8. Jamgʻarma tomonidan mazkur Nizomning 7-bandida koʻrsatilmagan tadbirlarni moliyalashtirish Jamgʻarma Kuzatuv kengashining qaroriga asosan amalga oshiriladi.

9. Jamgʻarmaning daromad va xarajatlar smetasi Jamgʻarma Kuzatuv kengashi tomonidan tasdiqlanadi.

10. Jamgʻarmadan pul mablagʻlarini ajratish tasdiqlangan daromadlar va xarajatlar smetasi, shuningdek, Jamgʻarma Kuzatuv kengashining qarori asosida amalga oshiriladi.

11. Jamgʻarma mablagʻlaridan foydalanish:

ilmiy tadqiqotlarning tasdiqlangan ustuvor yoʻnalishlariga muvofiq ilmiy laboratoriyalarni yaratish va qoʻshimcha jihozlash, shuningdek, zarur sarflash materiallari va butlovchi buyumlar bilan taʼminlash boʻyicha belgilangan tartibda oʻtkazilgan tanlov asosida saralash, shuningdek, yosh olimlarni yetakchi xorijiy ilmiy tashkilotlarda (markazlar, universitetlar va boshqalar), shu jumladan ilmiy laboratoriyalarni jihozlash uchun sotib olinadigan yuqori texnologik asbob-uskunalarda ishlash metodikasini oʻzlashtirishga qisqa muddatli ilmiy stajirovkalarga yuborish maqsadida tanlov asosida saralash yakunlari. Bunda Jamgʻarma Kuzatuv kengashi ilmiy-tadqiqot va oliy taʼlim muassasalarining asoslantirilgan takliflari boʻyicha tanlov oʻtkazmasdan turib qaror chiqarish huquqiga ega;

davlat ilmiy-texnika dasturlari doirasida yaratilgan intellektual mulk obyektlari (patentlari)ga huquqlarni xorijda roʻyxatdan oʻtkazish va qoʻllab-quvvatlash uchun ularning roʻyxatini, shuningdek, erkin foydalanishni taʼminlash xarajatlari Jamgʻarma mablagʻlari hisobidan qoplanadigan yetakchi xorijiy elektron ilmiy maʼlumotlar bazalari roʻyxatini tasdiqlash;

belgilangan tartibda Jamgʻarma xarajatlar smetasini tasdiqlash boʻyicha Kuzatuv kengashining qarorlari asosida amalga oshiriladi.

12. Ilmiy tadqiqotlarning tasdiqlangan ustuvor yoʻnalishlariga muvofiq ilmiy laboratoriyalarni yaratish va qoʻshimcha jihozlash, shuningdek, zarur sarflash materiallari va butlovchi buyumlar bilan taʼminlash boʻyicha xaridlarni tashkil etish uchun:

Jamgʻarmaning ijro etuvchi direksiyasi, Vazirlik va buyurtmanoma bergan ilmiy-tadqiqot muassasasi (oliy taʼlim muassasasi) oʻrtasida uch tomonlama shartnoma tuziladi;

Vazirlik xorijiy yetkazib beruvchilar va ishlab chiqaruvchilarni belgilangan tartibda tanlash asosida ular bilan tovar yetkazib berishga (shu jumladan zarurat boʻlganda, tovarni ilmiy-tadqiqot yoki oliy taʼlim muassasasiga yetkazib berish, ishga tushirish-sozlash va boshqa oʻziga xos ishlarni amalga oshirishga) tegishli kontraktlarni tuzadi, shuningdek, xorijiy valyutada moliyalashtirishni ochish uchun Jamgʻarmaga buyurtmanoma beradi;

Vazirlikdan tovarni qabul qilib olish buyurtmanomani bergan tegishli ilmiy-tadqiqot yoki oliy taʼlim muassasasi tomonidan bepul asosda amalga oshiriladi.

Bunda tovar yetkazib berilganligini tasdiqlovchi hujjatlarning nusxalari Jamgʻarma ijro etuvchi direksiyasiga Vazirlik tomonidan taqdim etiladi.

13. Bepul asosda olingan ilmiy asbob-uskuna, sarflash materiallari va butlovchi buyumlardan maqsadli va samarali foydalanilishi uchun masʼuliyat tegishli ilmiy-tadqiqot va oliy taʼlim muassasalari rahbarlari zimmasiga yuklanadi.

14. Quyidagi xarajatlarni:

ilmiy-tadqiqot va oliy taʼlim muassasalarining yetakchi elektron ilmiy maʼlumotlar bazalaridan erkin foydalanishini taʼminlash boʻyicha xarajatlarni toʻlash Jamgʻarmaning ijro etuvchi direksiyasi va maʼlumotlar bazasining egasi boʻlgan muassasa oʻrtasida tegishli maʼlumotlar bazasiga obuna boʻlish haqida tuziladigan shartnoma asosida amalga oshiriladi;

yosh olimlarning yetakchi xorijiy ilmiy tashkilotlarda (markazlar, universitetlar va boshqalar) qisqa muddatli ilmiy stajirovkalari boʻyicha xarajatlarni toʻlash Jamgʻarma ijro etuvchi direksiyasi, Vazirlik, xodimi yosh olim hisoblanadigan ilmiy-tadqiqot muassasasi (oliy taʼlim muassasasi) hamda yetakchi xorijiy ilmiy tashkilot oʻrtasidagi shartnoma bilan tartibga solinadigan ilmiy stajirovka shartlari, talablari va muddatlariga muvofiq amalga oshiriladi;

davlat ilmiy-texnika dasturlari doirasida yaratilgan intellektual mulk huquqlari (patentlar)ni xorijda roʻyxatdan oʻtkazish va qoʻllab-quvvatlash xarajatlarini toʻlash Jamgʻarma ijro etuvchi direksiyasi, tegishli buyurtmanoma bergan ilmiy-tadqiqot yoki oliy taʼlim muassasasi va xorijiy patent idorasi (patent idorasi agenti) oʻrtasidagi uch tomonlama shartnoma asosida amalga oshiriladi.

15. Jamgʻarma mablagʻlarini sarflash Jamgʻarma daromadlari va xarajatlarining tasdiqlangan smetasiga muvofiq uning hisob raqamlaridan amalga oshiriladi.

16. Jamgʻarma ijro etuvchi direksiyasi Jamgʻarmaga ajratilgan mablagʻlardan foydalanilishi va keyingi hisobot davrida kutilayotgan xarajatlar toʻgʻrisidagi maʼlumotlarni Kuzatuv kengashining navbatdagi yigʻilishiga koʻrib chiqish uchun kiritadi.

17. Jamgʻarmaning joriy yilda foydalanilmagan mablagʻlari budjetga olib qoʻyilmaydi va ulardan keyingi davrda foydalaniladi.

3-bob. Jamgʻarma faoliyatini tashkil etish

18. Jamgʻarmani boshqarish Oʻzbekiston Respublikasi innovatsion rivojlanish vaziri boshqaradigan Kuzatuv kengashi tomonidan amalga oshiriladi.

19. Jamgʻarma Kuzatuv kengashi tarkibi Oʻzbekiston Respublikasi Prezidenti tomonidan tasdiqlanadi.

Jamgʻarma Kuzatuv kengashining aʼzolari oʻz faoliyatini jamoatchilik asosida amalga oshiradi.

20. Jamgʻarma Kuzatuv kengashi zaruratga qarab har chorakda kamida bir marta majlis oʻtkazadi. Zarur hollarda, Jamgʻarma Kuzatuv kengashining navbatdan tashqari majlislari chaqirilishi mumkin.

21. Jamgʻarma Kuzatuv kengashi majlisi unda Kuzatuv kengashi aʼzolarining kamida uchdan ikki qismi ishtirok etgan taqdirda vakolatli hisoblanadi.

Jamgʻarma Kuzatuv kengashining qarori ishtirok etuvchi aʼzolarning oddiy koʻpchilik ovozi bilan qabul qilinadi va Kuzatuv kengashi raisi tomonidan imzolanadi.

Ovozlar teng boʻlgan taqdirda Jamgʻarma Kuzatuv kengashi raisining ovozi hal qiluvchi ovoz hisoblanadi.

22. Jamgʻarma Kuzatuv kengashi:

har yili Jamgʻarmaning daromadlari va xarajatlari prognozi parametrlarini, shuningdek, Jamgʻarmaga tushgan va sarflangan mablagʻlar boʻyicha hisobotni tasdiqlaydi;

ilmiy tadqiqotlarning tasdiqlangan ustuvor yoʻnalishlariga muvofiq ilmiy laboratoriyalarni yaratish va qoʻshimcha jihozlash boʻyicha tanlovlarni oʻtkazish tartibini, shuningdek, zarur sarflash materiallari va butlovchi qismlar bilan taʼminlashni belgilaydi;

yosh olimlarni yetakchi xorijiy ilmiy tashkilotlarda (markazlar, universitetlar va boshqalar), shu jumladan ilmiy laboratoriyalarni jihozlash uchun sotib olinadigan yuqori texnologik asbob-uskunalarda ishlash metodikasini oʻzlashtirish uchun qisqa muddatli ilmiy stajirovkalarga yuborish maqsadida ularni tanlov asosida saralash tartibini belgilaydi;

Vazirlikning takliflari asosida davlat ilmiy-texnika dasturlari doirasida yaratilgan intellektual mulk obyektlariga (patentlarga) boʻlgan huquqlarni roʻyxatdan oʻtkazish uchun ularning roʻyxatini tasdiqlaydi;

yetakchi xorijiy elektron ilmiy maʼlumotlar bazalaridan erkin foydalanish uchun talab etiladigan xarajatlarni Jamgʻarma mablagʻlari hisobidan qoplashni nazarda tutgan holda Vazirlik takliflari asosida maʼlumotlar bazasi roʻyxatini tasdiqlaydi;

Jamgʻarma ijro etuvchi direksiyasining shtat jadvalini va uni taʼminlash uchun xarajatlar smetasini tasdiqlaydi;

Jamgʻarmaga xorijiy investitsiyalar, grantlar hamda homiylik xayriyalarini jalb qilishda koʻmaklashadi;

Jamgʻarma oldiga qoʻyilgan vazifalarni hal etishga manfaatdor davlat organlari va tashkilotlarini jalb qiladi;

Jamgʻarma daromadlarini toʻliq shakllantirish hamda mablagʻlaridan maqsadli foydalanish yuzasidan Jamgʻarma faoliyati ustidan nazoratni amalga oshiradi;

Jamgʻarma mablagʻlarini shakllantirish hamda ulardan foydalanish bilan bogʻliq boshqa vakolatlarni amalga oshiradi.

23. Jamgʻarmaning joriy faoliyatiga, shu jumladan mablagʻlarning toʻplanishi va sarflanishiga rahbarlik Jamgʻarmaning ijro etuvchi direksiyasi tomonidan amalga oshiriladi.

24. Jamgʻarmaning ijro etuvchi direksiyasiga Jamgʻarma Kuzatuv kengashi tomonidan lavozimga tayinlanadigan va lavozimdan ozod etiladigan ijro etuvchi direktor rahbarlik qiladi.

25. Jamgʻarmaning ijro etuvchi direksiyasi quyidagi huquqlarga ega:

mablagʻlar ajratishga kelib tushgan buyurtmalar boʻyicha maʼlumotlar olish;

Jamgʻarmaga ajratilgan mablagʻlardan maqsadli foydalanilishini monitoring qilish;

mablagʻlardan maqsadsiz foydalanilgan hollarda moliyalashtirishni toʻxtatib turish, keyinchalik ushbu masalani Jamgʻarma Kuzatuv kengashiga koʻrib chiqish uchun kiritish;

xorijiy valyutada hisob raqamlar ochish va yuritish, belgilangan tartibda ular boʻyicha tegishli operatsiyalarni amalga oshirish;

Jamgʻarma Kuzatuv kengashi raisining roziligi bilan boʻsh mablagʻlarni Oʻzbekiston Respublikasining tijorat banklarida milliy valyutada depozitlarga joylashtirish;

Jamgʻarma Kuzatuv kengashi ruxsati bilan Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qarorlariga muvofiq davlat va jamiyat qurilishi, iqtisodiyot, qishloq va suv xoʻjaligi, taʼlim, ilm-fan, sogʻliqni saqlashni rivojlantirish sohalaridagi investitsiya loyihalari boʻyicha moliyalashtiruvchi taraf, shuningdek, grantlar va qonun hujjatlarida taqiqlanmagan boshqa turdagi tushumlar yuzasidan ijro etuvchi organ sifatida ishtirok etish.

26. Jamgʻarmaning ijro etuvchi direksiyasi quyidagilarga majbur:

Jamgʻarmaning daromadlari va xarajatlari hisobini yuritish, shuningdek, ular boʻyicha choraklik va yillik hisobotlarni shakllantirish;

Jamgʻarmadan tasdiqlangan daromadlar va xarajatlar smetasida nazarda tutilmagan qoʻshimcha mablagʻlarni ajratish boʻyicha kelib tushgan buyurtmalarni toʻplash, ularni umumlashtirish va Jamgʻarma Kuzatuv kengashi koʻrib chiqishi uchun tayyorlash;

qonun hujjatlariga muvofiq har yili Jamgʻarma faoliyatining auditorlik tekshiruvini oʻtkazish va ommaviy axborot vositalarida hisobot eʼlon qilish;

Jamgʻarma daromadlarini shakllantirish tartibini takomillashtirish ishlarini amalga oshirish;

Jamgʻarma Kuzatuv kengashi qarorlarini oʻz vaqtida ijro etish;

Jamgʻarma Kuzatuv kengashi qarorlarini Vazirlikka yetkazish;

Jamgʻarmaga ajratilgan mablagʻlarning foydalanilishini monitoring qilish;

Jamgʻarma mablagʻlarining kelib tushishi va undan foydalanilishi boʻyicha hisobotlarni Kuzatuv kengashiga taqdim etish.

27. Ijro etuvchi direksiya qonun hujjatlariga muvofiq boshqa huquqlarga ham ega boʻlishi, shuningdek, uning zimmasida boshqa majburiyatlar ham boʻlishi mumkin.

28. Jamgʻarma ijro etuvchi direksiyasi har chorakda hisobot oyidan keyingi oyning 15 sanasidan kechiktirmay Oʻzbekiston Respublikasi innovatsion rivojlanish vaziriga, shuningdek, har yili Jamgʻarma Kuzatuv kengashiga hisobotlar taqdim etadi.

Jamgʻarma mablagʻlaridan foydalanilishi toʻgʻrisidagi hisobot har chorakda Jamgʻarma Kuzatuv kengashi tomonidan koʻrib chiqiladi.

29. Ijro etuvchi direksiyaning taʼminoti Jamgʻarmaning Kuzatuv kengashi tomonidan tasdiqlanadigan xarajatlar smetasi asosida Jamgʻarma mablagʻlari hisobidan amalga oshiriladi.

Jamgʻarma ijro etuvchi direksiyasi xodimlariga davlat boshqaruvi organlari xodimlari uchun belgilangan mehnatga haq toʻlash shartlari tatbiq etiladi.

Jamgʻarma ijro etuvchi direksiyasi xodimlarini moddiy ragʻbatlantirish (ustama, qoʻshimcha haq, oylik mukofotlar) Jamgʻarma Kuzatuv kengashi tomonidan belgilanadi.

30. Jamgʻarmaning ijro etuvchi direktori:

Jamgʻarmaning joriy faoliyatini tashkil etadi va Jamgʻarmaga yuklatilgan vazifalar bajarilishi, shu jumladan uning mablagʻlaridan maqsadli foydalanilishi uchun javob beradi;

Vazirlik bilan kelishgan holda Jamgʻarma xodimlarini lavozimga tayinlaydi va lavozimdan ozod etadi;

davlat organlari, muassasalari va tashkilotlari, yuridik hamda jismoniy shaxslar, shu jumladan xorijiy davlatlarning davlat organlari, muassasalari va tashkilotlari, yuridik hamda jismoniy shaxslari, shuningdek, xalqaro tashkilotlar oldida Jamgʻarma manfaatlarini ifodalaydi;

yuridik va jismoniy shaxslar bilan Jamgʻarma faoliyatiga tegishli shartnomalarni tuzadi, Jamgʻarma nomidan ishonchnomasiz ish koʻradi;

shtatlar jadvalini, Jamgʻarma mablagʻlari hisobidan Jamgʻarma taʼminotining xarajatlar smetasini tuzadi va tasdiqlash uchun Jamgʻarma Kuzatuv kengashiga taqdim etadi;

Jamgʻarmaning lavozim yoʻriqnomalari va boshqa ichki hujjatlarini tasdiqlaydi;

Jamgʻarma nomidan daʼvolar taqdim etadi;

Jamgʻarma xodimlari bajarishi majburiy boʻlgan buyruqlar va farmoyishlar chiqaradi;

Jamgʻarma mablagʻlarining jamlanishi va sarflanishi masalalari boʻyicha tushuntirishlar beradi;

ushbu Nizom va qonun hujjatlariga muvofiq boshqa masalalar boʻyicha qarorlar qabul qiladi.

31. Jamgʻarmaning ijro etuvchi direktori qonun hujjatlariga muvofiq boshqa huquqlarga ham ega boʻlishi, shuningdek, uning zimmasida boshqa majburiyatlar ham boʻlishi mumkin.

4-bob. Jamgʻarma mablagʻlaridan foydalanilishini hisobga olish va nazorat qilish

32. Jamgʻarma mablagʻlarining kelib tushishi va undan foydalanilishining buxgalteriya hisobini yuritish, shuningdek, hisobotlarni tuzish Jamgʻarmaning ijro etuvchi direksiyasi tomonidan qonun hujjatlarida belgilangan tartibda amalga oshiriladi.

33. Jamgʻarma ijro etuvchi direksiyasi qonun hujjatlariga muvofiq har yili Jamgʻarma faoliyatining auditorlik tekshiruvini oʻtkazadi va ommaviy axborot vositalarida hisobot eʼlon qiladi.

34. Oʻzbekiston Respublikasi Moliya vazirligi Jamgʻarma mablagʻlaridan maqsadli foydalanilishi ustidan nazoratni amalga oshiradi.

35. Jamgʻarma mablagʻlaridan Kuzatuv kengashi tomonidan tasdiqlangan xarajatlar smetasiga muvofiq maqsadli foydalanilishi uchun masʼuliyat Jamgʻarmaning ijro etuvchi direktori zimmasiga yuklanadi.

5-bob. Yakunlovchi qoidalar

36. Jamgʻarmani tugatish va qayta tashkil etish qonun hujjatlariga muvofiq amalga oshiriladi.

37. Ushbu Nizom talablari buzilishida aybdor boʻlgan shaxslar qonun hujjatlarida belgilangan tartibda javobgar boʻladilar.

Keyingi tahrirga qarang.

(Qonun hujjatlari maʼlumotlari milliy bazasi, 30.11.2017-y., 07/17/3416/0338-son; 03.03.2018-y., 06/18/5329/0846-son; 20.04.2018-y., 07/18/3674/1088-son; 08.05.2018-y., 07/18/3698/1178-son, 08.06.2018-y., 06/18/5457/1324-son, 31.07.2018-y., 06/18/5483/1594-son, 31.08.2019-y., 07/19/4433/3673-son; 26.09.2019-y., 06/19/5837/3812-son; 27.01.2021-y., 06/21/6146/0065-son; 02.04.2021-y., 06/21/6198/0269-son; 10.06.2026-y., 06/26/109/0580-son)