PQ-3380-сон 08.11.2017. “Oʻzbekkoʻmir” AJ va “Shargʻunkoʻmir” AJni “Oʻzbekiston temir yoʻllari” AJ tarkibiga oʻtkazish hamda koʻmir sanoati korxonalarini moliyaviy sogʻlomlashtirish borasidagi tashkiliy chora-tadbirlar toʻgʻrisida

Oʻzbekiston Respublikasi Prezidentining

Qarori

“Oʻzbekkoʻmir” AJ va “Shargʻunkoʻmir” AJni “Oʻzbekiston temir yoʻllari” AJ tarkibiga oʻtkazish hamda koʻmir sanoati korxonalarini moliyaviy sogʻlomlashtirish borasidagi tashkiliy chora-tadbirlar toʻgʻrisida

[Koʻchirma]

Oʻzbekiston Respublikasi Prezidentining “Koʻmir sanoatini boshqarish tuzilmasini takomillashtirish va uning korxonalari faoliyati samaradorligini oshirish chora-tadbirlari toʻgʻrisida” 2017-yil 26-iyuldagi PQ-3147-sonli qarori ijrosini taʼminlash hamda koʻmir sanoati korxonalarining moliyaviy barqarorligini oshirishga doir tadbirlarni oʻz vaqtida bajarish maqsadida:

1. “Oʻzbekiston temir yoʻllari” AJ, “Oʻzbekenergo” AJ, Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Iqtisodiyot vazirligi hamda Moliya vazirligining:

“Oʻzbekenergo” AJga tegishli “Oʻzbekkoʻmir” AJ va “Shargʻunkoʻmir” AJning aksiyalari paketlarini “Oʻzbekiston temir yoʻllari” AJning ustav kapitaliga davlat hissasi sifatida belgilangan tartibda balans qiymati boʻyicha topshirish;

“Oʻzbekiston temir yoʻllari” AJ tomonidan jamiyatlarning aksiyalarini boshqa aksiyadorlardan qonunchilikda belgilangan tartibda bozor qiymati boʻyicha xarid qilgan holda “Oʻzbekkoʻmir” AJ va “Shargʻunkoʻmir” AJni unitar korxonalar etib qayta tashkil etish;

“Oʻzbekkoʻmir” AJga qarashli hududiy distribyutorlik markazlarining 13 ta unitar korxonalarini tugatish, keyinchalik koʻmir omborlarini “Oʻzbekiston temir yoʻllari” AJga qarashli “Temiryoʻlyonilgʻitaʼmin” boshqarmasiga topshirish;

“Oʻzbekiston temir yoʻllari” AJga qarashli “Temiryoʻlyonilgʻitaʼmin” boshqarmasining birlashgan yoqilgʻi-omborxona xoʻjaliklari negizida aholini, budjet tashkilotlarini, iqtisodiyot tarmoqlari korxonalarini koʻmir mahsuloti bilan taʼminlash uchun koʻmir omborxonalari tashkil etish toʻgʻrisidagi takliflariga rozilik berilsin.

2. “Oʻzbekenergo” AJ (U.M. Mustafoyev) Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi (R.A. Gʻulomov) bilan birgalikda “Oʻzbekiston temir yoʻllari” AJning ustav kapitaliga davlat ulushini koʻpaytirish hisobiga berilayotgan “Oʻzbekkoʻmir” AJ va “Shargʻunkoʻmir” AJning “Oʻzbekenergo” AJga tegishli aksiyalari paketlarining balans qiymati summasi miqdorida “Oʻzbekenergo” AJning ustav kapitali kamaytirilishini taʼminlasin.

Oldingi tahrirga qarang.

(3-band Oʻzbekiston Respublikasi Prezidentining 2020-yil 18-martdagi PF-5968-sonli Farmoniga asosan oʻz kuchini yoʻqotgan — Qonun hujjatlari maʼlumotlari milliy bazasi, 19.03.2020-y., 06/20/5968/0331-son)

Oldingi tahrirga qarang.

9. Belgilansinki, “Oʻzbekkoʻmir” UK investitsiya loyihalarni amalga oshirishda tuzgan, amaldagi bitimlari doirasida Oʻzbekiston Respublikasi tijorat banklari tomonidan taqdim etilgan kreditlar boʻyicha majburiyatlarni soʻndirishni “Oʻzbekkoʻmir” UK oʻz mablagʻlari hisobidan, 2-ilovaga muvofiq amalga oshiradi.

(9-band Oʻzbekiston Respublikasi Prezidentining 2018-yil 23-fevraldagi PQ-3563-sonli qarori tahririda — Qonun hujjatlari maʼlumotlari milliy bazasi, 23.02.2018-y., 07/18/3563/0812-son)

10. Belgilansinki:

“Oʻzbekkoʻmir” UK va “Shargʻunkoʻmir” UK energiya manbalarining narxlari (tariflari) qayta koʻrib chiqilgunga qadar koʻmir tarmogʻi tashkilotlari tomonidan olinayotgan elektr energiya uchun haq toʻlashni X tarif guruhi boʻyicha qonunchilikka muvofiq xoʻjalik ehtiyojlari uchun belgilanadigan energiya tizimi tariflari asosida amalga oshiradi;

3-ilovaga muvofiq, “Oʻzbekkoʻmir” AJ tomonidan jalb etilgan kreditlar boʻyicha berilgan “Oʻzbekenergo” AJning topshiriqnomalari belgilangan tartibda “Oʻzbekiston temir yoʻllari” AJga qaytadan rasmiylashtiriladi.

11. 2017-2018-yillar kuz-qish davrida koʻmir qazib chiqarish va respublika boʻyicha yetkazib berishning reja-jadvali 4-ilovaga muvofiq tasdiqlansin.

Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” aksiyadorlik jamiyati boshqaruvchi raisi A.J. Ramatov, “Oʻzbekkoʻmir” UK, “Shargʻunkoʻmir” UK rahbarlari, Qoraqalpogʻiston Respublikasi Vazirlar Kengashining raisi, viloyatlar hokimlari zimmasiga:

kuz-qish davrida aholiga hamda budjet tashkilotlariga ushbu qaror bilan tasdiqlangan hajmlarda koʻmir mahsuloti oʻz vaqtida va toʻliq yetkazib berilishini;

koʻmir mahsulotini yetkazib berishning barcha bosqichlarida uning saqlanishini;

budjet tashkilotlari uchun koʻmir mahsulotiga narx belgilanishi darajasi, aholiga sotiladigan koʻmirning chakana narxiga rioya etilishi, shuningdek, ularning asossiz ravishda qimmatlashib ketishining oldini olish va chek qoʻyish choralari koʻrilishi ustidan samarali nazoratni taʼminlash yuzasidan shaxsiy javobgarlik yuklansin.

12. Maʼlumot uchun qabul qilinsinki:

qonun hujjatlariga muvofiq, unitar korxonalar etib qayta tashkil etilayotgan “Oʻzbekkoʻmir” AJ va “Shargʻunkoʻmir” AJ, ular topshirilgunga va qayta tashkil etilgunga qadar amalda boʻlgan barcha huquqlar, majburiyatlar, imtiyozlar va afzalliklar boʻyicha huquqiy voris hisoblanadilar;

“Oʻzbekkoʻmir” UK va “Shargʻunkoʻmir” UK obyektlarini qoʻriqlash “Oʻzbekiston temir yoʻllari” AJning Harbiylashtirilgan qoʻriqlash boshqarmasi kuchlari tomonidan amalga oshiriladi.

13. Oʻzbekiston Respublika Prezidentining ““Shargʻunkoʻmir” AJning loyiha quvvatini yiliga 900 ming tonnagacha toshkoʻmir qazib chiqarishga yetkazgan holda uni modernizatsiya qilish” investitsiya loyihasini amalga oshirish chora-tadbirlari toʻgʻrisida” 2017-yil 13-yanvardagi PQ-2727-sonli qaroriga 5-ilovaga muvofiq oʻzgartish va qoʻshimchalar kiritilsin.

14. Oʻzbekiston Respublikasi Prezidentining “Koʻmir sanoatini boshqarish tuzilmasini takomillashtirish va uning korxonalari faoliyati samaradorligini oshirish chora-tadbirlari toʻgʻrisida” 2017-yil 26-iyuldagi PQ-3147-sonli qarorining 3-bandi, shuningdek, uning 1- va 2-ilovalari oʻz kuchini yoʻqotgan deb hisoblansin.

15. “Oʻzbekiston temir yoʻllari” AJ (A.S. Shukurov), “Oʻzbekenergo” AJ (U.M. Mustafoyev) Oʻzbekiston Respublikasi Adliya vazirligi hamda boshqa manfaatdor vazirliklar va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

16. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” aksiyadorlik jamiyati boshqaruvi raisi A.J. Ramatov, Oʻzbekiston Respublikasi Bosh vazirining oʻrinbosari — “Oʻzbekneftgaz” AJ boshqaruvi raisi A.S. Sultonov va Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi raisi R.A. Gʻulomov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2017-yil 8-noyabr,

PQ-3380-son

Oldingi tahrirga qarang.

(1-ilova Oʻzbekiston Respublikasi Prezidentining 2020-yil 18-martdagi PF-5968-sonli Farmoniga asosan oʻz kuchini yoʻqotgan — Qonun hujjatlari maʼlumotlari milliy bazasi, 19.03.2020-y., 06/20/5968/0331-son)

LexUZ sharhi

1-ilova norasmiy tarjima.

Oʻzbekiston Respublikasi Prezidentining 2017-yil 8-noyabrdagi PQ-3380-son qaroriga
2-ILOVA

“Oʻzbekkoʻmir” UK investitsiya loyihalarini amalga oshirishda tuzilgan, amaldagi bitimlar doirasida Oʻzbekiston Respublikasi tijorat banklari tomonidan taqdim etilgan kreditlar boʻyicha majburiyatlarini “Oʻzbekkoʻmir” UK oʻz mablagʻlari hisobidan soʻndirishni amalga oshiradigan “Oʻzbekkoʻmir” UK kreditlari

ROʻYXATI

T/r	Kredit beruvchining nomi	Kredit valyutasi	Kredit miqdori	Soʻndirish muddatlari	01.07.2017-yil uchun kredit boʻyicha qoldiq			Kredit maqsadi	Kredit boʻyicha taʼminot
					Jami	shu jumladan:
					Jami	asosiy qarz	foizlar
1.	XXRning Eksimbanki “Oʻzsanoatqurilishbank” ATB orqali	mln doll.	113,84	2010 — 2030-yillar	115,54	98,65	16,89	“Angren IES” AJ 11” 1 — 5-son energobloklarini “Angren” razrezini modernizatsiya qilish orqali 1-bosqich koʻmirni tunu-kun yoqishga oʻtish	Oʻzbekiston Respublikasi Hukumatining kafolati
2.	OʻTTJ “Oʻzsanoatqurilishbank” ATB orqali”	mln doll.	21,83	2010 — 2020-yillar	6,70	5,90	0,80		Oʻzbekiston Respublikasi Hukumatining kafolati
	“Oʻzbekenergo” AJning xorijiy valyutadagi jami kreditlari	mln doll.	135,67		122,24	104,55	17,69
3.	“Ipoteka-bank”ATIB	mln soʻm	21 656,8	2013 — 2020-yillar	21 130,33	18 047,33	3 083,00	Koʻmir sanoati korxonalarini modernizatsiyalash, texnik va texnologik qayta jihozlash va uni mutanosib rivojlantirish	“Oʻzbekkoʻmir” AJ mulki
4.	“Xalq banki” ATB	mln soʻm	29 120,0	2013 — 2021-yillar	27 970,06	22 451,74	5 518,32	Qoraqalpogʻiston Respublikasi, Buxoro va Xorazm viloyatlaridagi “Oʻzbekkoʻmir” AJning distribyutorlik markazlarini qurish va jihozlash
5.	“Aloqa bank” ATB	mln soʻm	4 224,7	2014 — 2021-yillar	5 138,32	3 953,92	1 184,40	Texnologik aloqa va aloqa uzatish hamda maʼlumotlar yetkazish korporotiv tarmogʻi (MEKT)
	“Oʻzbekenergo” AJning milliy valyutadagi kreditlari boʻyicha jami	mln soʻm	55 001,5		54 238,71	44 452,99	9 785,72

LexUZ sharhi

2-ilova norasmiy tarjima.

Oʻzbekiston Respublikasi Prezidentining 2017-yil 8-noyabrdagi PQ-3380-son qaroriga
3-ILOVA

“Oʻzbekenergo” AJning kafolatnomalari belgilangan tartibda “Oʻzbekiston temir yoʻllari” AJga qaytadan rasmiylashtiriladigan “Oʻzbekkoʻmir” AJ tomonidan jalb etilgan kreditlar

ROʻYXATI

T/r	Kredit beruvchining nomi	Kredit valyutasi	Kredit miqdori	Soʻndirish muddatlari	01.07.2017-yil uchun kredit boʻyicha qoldiq			Kredit maqsadi	Kredit boʻyicha taʼminot
					Jami	shu jumladan:
					Jami	asosiy qarz	foizlar
1.	“Aloqa bank” ATB	mln soʻm	39 790,0	2014 — 2023 yy.	52 103,8	39 790,0	12313,8	Markazlashtirilgan dispetcherlik nazorati va ishlab chiqarishni boshqarish avtomatlashtirilgan axborot tizimi	“Oʻzbekenergo” AJ kafilligi
2.	“Xalq banki” ATB	mln soʻm	57 420,4	2015 — 2023 yy.	76 084,2	57 420,4	18 663,8	Temir yoʻl xoʻjaligi va temir yoʻl parkini modernizatsiya qilish	“Oʻzbekenergo” AJning “Energosotish” filialini kafilligi
3.	“Ipoteka-bank”ATIB	mln soʻm	88 340,0	2014 — 2022 yy.	117 342,5	88 340,0	29 002,5	Maʼnan va jismonan eskirgan uskunalarni yangilash (oʻzgartirish)	“Oʻzbekenergo” AJ kafilligi
4.	“Asaka bank” ATB	mln soʻm	133 266,2	2014 — 2023 yy.	185 752,9	133 266,2	52 486,7	Maʼnan va jismonan eskirgan uskunalarni yangilash (oʻzgartirish)	“Oʻzbekenergo” AJ kafilligi
5.	“Oʻzsanoatqurilishbank” ATB	mln soʻm	6 622,3	2016 — 2023 yy.	9 008,0	6 622,3	2 385,7	Kompyuterlashtirish boʻyicha kompleks integratsiyalashtirilgan axborot tizimini joriy etish	“Oʻzbekenergo” AJ kafilligi va “Oʻzbekkoʻmir” AJ mulki
	“Oʻzbekenergo” AJning milliy valyutadagi kreditlari boʻyicha jami	mln soʻm	325 438,9		440 291,4	325 438,9	114 852,5

LexUZ sharhi

3-ilova norasmiy tarjima.

Oʻzbekiston Respublikasi Prezidentining 2017-yil 8-noyabrdagi PQ-3380-son qaroriga
4-ILOVA

2017-2018-yillar kuz-qish davrida koʻmir qazib chiqarish va respublika boʻyicha yetkazib berishning

REJA-JADVALI

											ming tonna
T/r	Nomlanishi	Omborlarda koʻmir qoldiqlari (01.01.2017-y.)	Balansga muvofiq 2017-yilgi topshiriq	shu jumladan:		Qoʻshimcha ehtiyoj**	2017-yil noyabr-dekabr va 2018-yil yanvarga topshiriq	shu jumladan oylar boʻyicha			Yetkazib berish, saqlash, sifati va pirovard oxirida isteʼmolchiga tushirib berish uchun masʼullar
T/r	Nomlanishi	Omborlarda koʻmir qoldiqlari (01.01.2017-y.)	Balansga muvofiq 2017-yilgi topshiriq	2017-y. yanvar —oktabr oylariga aniq qoldiq	2017-yil oxiriga qadar topshiriqqa nisbatan qoldiq	Qoʻshimcha ehtiyoj**	2017-yil noyabr-dekabr va 2018-yil yanvarga topshiriq	2017-yil noyabr	2017-yil dekabr	2018-yil yanvar
I	Koʻmirni qazib olish	2 317,1	3 920,0	3 386,4	533,6	362,3	895,9	319,4	312,0	264,5	“Oʻzbekiston temir yoʻllari” AJ, “Oʻzbekkoʻmir” UK, Qoraqalpogʻiston Respublikasi Vazirlar Kengashi raisi, viloyatlar hokimlari
1.	“Oʻzbekkoʻmir” UK		3 760,0	3 289,4	470,6	339,8	810,4	290,4	284,0	236,0
2.	“Shargʻunkoʻmir” UK		160,0	97,0	63,0	22,5	85,5	29,0	28,0	28,5
II	Koʻmirni ortib joʻnatish*		4 357,0	3 618,8	738,2	362,3	1 100,5	392,8	359,4	348,3
1.	“Oʻzbekkoʻmir” UK		4 197,0	3 527,2	669,8	339,8	1 009,6	362,5	329,1	318,0
2.	“Shargʻunkoʻmir”UK		160,0	91,6	68,4	22,5	90,9	30,3	30,3	30,3

Izohlar.

* Koʻmirni ortib joʻnatish ombordagi koʻmir qoldiqlari sotilishini hisobga olgan holda amalga oshiriladi (2017-yil 1-yanvar holatiga koʻra ombordagi koʻmir qoldigʻi 2 317, 1 ming tonnani tashkil qildi).

** 2017-2018-yilgi kuz-qish davrining beziyon oʻtkazishni taʼminlash boʻyicha Oʻzbekiston Respublikasi Vazirlar Mahkamasi ishchi guruhlarining sayyor yigʻilishlari protokollariga koʻmir mahsulotlariga qoʻshimcha ehtiyoj taklif etilgan boʻlib, unga tuzatishlar kiritilishi lozim.

LexUZ sharhi

4-ilova norasmiy tarjima.

Oʻzbekiston Respublikasi Prezidentining 2017-yil 8-noyabrdagi PQ-3380-son qaroriga
5-ILOVA

Oʻzbekiston Respublikasi Prezidentining 2017-yil 13-yanvardagi “Shargʻunkoʻmir” AJni modernizatsiya qilish va loyiha quvvatini yiliga 900 ming tonnagacha toshkoʻmir qazib olishga yetkazish” investitsiya loyihasini amalga oshirish chora-tadbirlari toʻgʻrisida”gi PQ-2727-son qaroriga kiritiladigan

OʻZGARTIRISH VA QOʻSHIMCHALAR

1. 1-bandning ikkinchi xatboshidagi nomlanishi, preambulasidagi, 2-bandning birinchi va uchinchi xatboshidagi, 3-bandning ikkinchi va uchinchi xatboshilaridagi “AJ” qisqartmasi “UK” qisqartmasiga almashtirilsin.

2. 4-bandning:

ikkinchi xatboshining birinchi va ikkinchi satrlari quyidagi tahrirda yozilsin:

“XXR Eksimbankining jalb etiladigan zayomi boʻyicha “Oʻzbekiston Temir yoʻllari” AJ qarz oluvchi, “Shargʻunkoʻmir” UK birgalikda esa qarz oluvchi va zayomdan maqsadli hamda”;

uchinchi xatboshidagi “Oʻzbekenergo”, “Oʻzbekkoʻmir” va “Shargʻunkoʻmir” AJning” soʻzlari “Oʻzbekiston Temir yoʻllari” AJ, “Oʻzbekkoʻmir” UK va “Shargʻunkoʻmir” UKning” soʻzlari bilan almashtirilsin;

toʻrtinchi xatboshidagi “Oʻzbekkoʻmir” va “Shargʻunkoʻmir” AJ” soʻzlari “Oʻzbekkoʻmir” UK va “Shargʻunkoʻmir” UK” soʻzlari bilan almashtirilsin.

3. 5-banddagi “Oʻzbekenergo” hamda “Shargʻunkoʻmir” AJ soʻzlari “Oʻzbekiston Temir yoʻllari” AJ hamda “Shargʻunkoʻmir” UK soʻzlari bilan almashtirilsin.

4. 6-bandning uchinchi xatboshidagi “Oʻzbekenergo” va “Shargʻunkoʻmir” AJning” soʻzlari “Oʻzbekiston Temir yoʻllari” AJ va “Shargʻunkoʻmir” UKning” soʻzlari bilan almashtirilsin.

5. 8-bandning birinchi xatboshidagi “Oʻzbekiston Temir yoʻllari” AJ, “Oʻzbekkoʻmir” va “Shargʻunkoʻmir” AJga” soʻzlari “Oʻzbekiston Temir yoʻllari” AJ, “Oʻzbekkoʻmir” UK va “Shargʻunkoʻmir” UKga” soʻzlari bilan almashtirilsin.

6. 10-bandda:

Birinchi xatboshidagi “AJni” soʻzi “UKni” soʻzi bilan almashtirilsin;

Ikkinchi xatboshi quyidagi tahrirda bayon etilsin:

“Oʻzbekiston Temir yoʻllari” AJ, “Oʻzbekkoʻmir” UK va “Shargʻunkoʻmir” UK, konsorsium va ularning subpudratchi tashkilotlari Oʻzbekiston Respublikasi Vazirlar Mahkamasi tomonidan roʻyxatlar boʻyicha olib kiradigan hamda respublikada ishlab chiqarilmaydigan uskunalar, mashina va mexanizmlar, butlovchi buyumlar va uzellar, ehtiyot qismlar, materiallar, texnologik jihozlar, avtotransport vositalari, priborlar, dasturiy taʼminot, texnik hujjatlar, shuningdek yoqilgʻi moylash materiallari, portlovchi moddalar hamda metall prokati bojxona toʻlovlaridan (bojxona yigʻimlari bundan mustasno) ozod etiladi”;

mazmuni quyidagicha boʻlgan uchinchi xatboshi bilan toʻldirilsin:

“tuzilgan kontraktlarning shartlariga muvofiq konsorsium, xorijiy subpudrat va konsalting tashkilotlari tomonidan olib kiriladigan maxsus transport va avtotransport vositalari, mashina va mexanizmlar, uskunalar va asboblar, butlovchi buyumlar, uzellar va jihozlar davriy boj toʻlovlari toʻlanmasdan vaqtincha olib kirish bojxona rejimiga joylashtiriladi”;

uchinchi xatboshi toʻrtinchi xatboshi deb hisoblansin.

7. 11-bandda:

1-banddagi “AJni” soʻzi “UKni” deb oʻzgartirilsin;

ikkinchi xatboshidagi “Oʻzbekenergo”, “Oʻzbekkoʻmir” va “Shargʻunkoʻmir” AJ soʻzlari “Oʻzbekiston Temir yoʻllari” AJ, “Oʻzbekkoʻmir” UK va “Shargʻunkoʻmir” UK soʻzlari bilan almashtirilsin;

mazmuni quyidagicha beshinchi xatboshi bilan toʻldirilsin:

“investitsiya loyihasini amalga oshirishda ishtirok etayotgan Oʻzbekiston Respublikasi norezidentlarining doimiy muassasalari yagona ijtimoiy toʻlovdan, xorijiy fuqarolarning mehnatiga haq toʻlash tarzidagi daromad soligʻi toʻlashdan”;

beshinchi, yettinchi xatboshilar tegishli ravishda oltinchi-sakkizinchi xatboshilar deb hisoblansin;

oltinchi xatboshidagi “Oʻzbekenergo”, “Oʻzbekkoʻmir” va “Shargʻunkoʻmir” AJ” soʻzlari “Oʻzbekiston Temir yoʻllari” AJ, “Oʻzbekkoʻmir” UK va “Shargʻunkoʻmir” UK soʻzlari bilan almashtirilsin.

8. 12-band quyidagi tahrirda bayon etilsin:

“Oʻzbekiston Respublikasi Davlat arxitektura va qurilish qoʻmitasi, “Sanoatgeokontexnazorat” Davlat inspeksiyasi, “Oʻzstandart” agentligi, Geologiya va mineral resurslar davlat qoʻmitasi, Surxondaryo viloyati hokimligi va Oʻzbekiston Respublikasining boshqa vakolatli organlari konsorsium hamda u jalb qiladigan loyiha, injiniring va subpudrat tashkilotlariga investitsiya loyihasini amalga oshirish doirasida, tegishli yigʻimlar, toʻlovlar va bojlarni undirmagan holda loyihalashtirish, qurish, burgʻulash-portlatish va geologiya-qidiruv ishlari, xizmatlar koʻrsatish uchun tegishli litsenziyalar hamda ruxsatnomalar, shuningdek, olib kiriladigan va majburiy sertifikatlashtiriladigan uskunalar, butlovchi buyumlar, materiallar, ehtiyot qismlar, priborlar hamda asbob-uskuna, maxsus transport vositalariga muvofiqlik sertifikatlari berilishini taʼminlasin.”.

9. 13-bandning birinchi xatboshida “Oʻzbekenergo” AJ, “Oʻzbekkoʻmir” AJ va “Shargʻunkoʻmir” AJ” soʻzlari “Oʻzbekiston temir yoʻllari” AJ, “Oʻzbekkoʻmir” UK va “Shargʻunkoʻmir” UK” soʻzlari bilan almashtirilsin.

10. 14-banddagi “AJ” qisqartmasi “UK” qisqartmasiga almashtirilsin.

11. 15-bandning birinchi-ikkinchi satrlari quyidagi tahrirda yozilsin: “Oʻzbekiston Respublikasi Bandlik va mehnat munosabatlari vazirligi belgilangan tartibda “Oʻzbekiston Temir yoʻllari” AJ, “Oʻzbekkoʻmir” UK va “Shargʻunkoʻmir” UK” talabnomalariga koʻra, mazkur” ;

12. 16-banddagi, 17-bandning birinchi xatboshidagi Oʻzbekenergo, Oʻzbekkoʻmir va Shargʻunkoʻmir AJ” soʻzlari “Oʻzbekiston Temir yoʻllari” AJ, “Oʻzbekkoʻmir” UK va “Shargʻunkoʻmir” UK soʻzlari bilan almashtirilsin.

13. 18-banddagi “Oʻzbekiston Respublikasi Bosh vazirining oʻrinbosari Gʻ.I. Ibragimov” soʻzlari “Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi O.J. Ramatov” soʻzlari bilan almashtirilsin.

14. 1-ilovaning nomlanishidagi “AJ” qisqartmasi “UK” qisqartmasiga almashtirilsin.

LexUZ sharhi

5-ilova norasmiy tarjima.

(Qonun hujjatlari maʼlumotlari milliy bazasi, 09.11.2017-y., 07/17/3380/0231-son; 23.02.2018-y., 07/18/3563/0812-son; 19.03.2020-y., 06/20/5968/0331-son)