PQ-3374-сон 03.11.2017. Oʻzbekiston Respublikasi Prezidentining “Mahalliy ijroiya hokimiyati organlari faoliyatini yanada takomillashtirish toʻgʻrisida” 2016-yil 22-dekabrdagi PQ-2691-son qaroriga oʻzgartirish va qoʻshimchalar kiritish, shuningdek baʼzi qarorlarini oʻz kuchini yoʻqotgan deb hisoblash toʻgʻrisida

Hujjat 04.11.2017 sanasi holatiga
Amaldagi versiyaga o‘tish

Oʻzbekiston Respublikasi Prezidentining

Qarori

Oʻzbekiston Respublikasi Prezidentining “Mahalliy ijroiya hokimiyati organlari faoliyatini yanada takomillashtirish toʻgʻrisida” 2016-yil 22-dekabrdagi PQ-2691-son qaroriga oʻzgartirish va qoʻshimchalar kiritish, shuningdek baʼzi qarorlarini oʻz kuchini yoʻqotgan deb hisoblash toʻgʻrisida

Oʻzbekiston Respublikasi Prezidentining “Toshkent viloyatining maʼmuriy-hududiy tuzilishini hamda mahalliy ijroiya hokimiyati organlari faoliyatini yanada takomillashtirish chora-tadbirlari toʻgʻrisida” 2017-yil 20-iyuldagi PQ-3142-son qarori va “Oʻzbekiston Respublikasi Qishloq va suv xoʻjaligi vazirligi faoliyatini tubdan takomillashtirish chora-tadbirlari toʻgʻrisida” 2017-yil 4-avgustdagi PF-5134-son Farmoniga muvofiq:

1. Oʻzbekiston Respublikasi Prezidentining “Mahalliy ijroiya hokimiyati organlari faoliyatini yanada takomillashtirish toʻgʻrisida” 2016-yil 22-dekabrdagi PQ-2691-son qaroriga 1-ilovaga muvofiq oʻzgartirish va qoʻshimchalar kiritilsin.

Keyingi tahrirga qarang.

2. Oʻzbekiston Respublikasi Prezidentining baʼzi qarorlari 2-ilovaga muvofiq oʻz kuchini yoʻqotgan deb hisoblansin.

3. Qoraqalpogʻiston Respublikasi Joʻqorgʻi Kengesiga Qoraqalpogʻiston Respublikasi Vazirlar Kengashi tuzilmasini ushbu qarorda belgilangan talablarga muvofiq qayta koʻrib chiqib, yangi tuzilmasi va boshqaruv xodimlarining shtat birligini tasdiqlash tavsiya etilsin.

4. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining Davlat maslahatchisi U.S. Ismailov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2017-yil 3-noyabr,

PQ-3374-son

Oʻzbekiston Respublikasi Prezidentining 2017-yil 3-noyabrdagi PQ-3374-son qaroriga
1-ILOVA

1. 1-ilovaning matni quyidagi tahrirda bayon etilsin:

“Viloyat hokimliklari boshqaruv apparatining namunaviy tuzilmasi*

Boshqaruv xodimlarining cheklangan soni — 50 — 55 nafar.

* Toshkent viloyatidan tashqari.

** Xorazm, Buxoro va Samarqand viloyatlariga tegishli

*** Boshqaruv xodimlarining cheklangan soni hududlarning toifasidan kelib chiqqan holda belgilanadi”.

2. 2-ilovada “Voyaga yetmaganlar ishlari boʻyicha komissiyaning masʼul xodimi” bloki “Voyaga yetmaganlar ishlari boʻyicha hududiy idoralararo komissiya kotibi” bloki bilan almashtirilsin.

3. 2a-ilovaning matni quyidagi tahrirda bayon etilsin:

“Viloyatga boʻysunuvchi shaharlar hokimliklari boshqaruv apparatining namunaviy tuzilmasi

Boshqaruv xodimlarini cheklangan soni — 18 — 23 nafar.

* Bekobod, Xonobod, Shirin va Quvasoy shaharlari hokimliklariga tegishli.

** Xiva va Shahrisabz shaharlarida hokimning iqtisodiyot, tadbirkorlik, sanoatni va turizmni rivojlantirish masalalari boʻyicha birinchi oʻrinbosari lavozimi joriy etiladi.

*** Quvasoy shahar hokimligiga tegishli.

**** Boshqaruv xodimlarining cheklangan soni viloyatga boʻysunuvchi shaharlarning toifasidan kelib chiqqan xolda belgilanadi”.

4. 2b-ilovaning matni quyidagi tahrirda bayon etilsin:

“Qishloq tumanlari hokimliklari boshqaruv apparatining namunaviy tuzilmasi

Boshqaruv xodimlarini cheklangan soni — 19 — 25 nafar.

* Taxtakoʻpir, Moʻynoq, Qoʻngʻirot. Toʻrtkoʻl, Amudaryo, Nukus, Shumanay, Taxiatosh, Xoʻjayli. Izboskan, Paxtaobod, Jalaquduk, Xoʻjaobod, Buloqboshi, Marhamat. Olot, Qorakoʻl, Mirzachoʻl, Forish. Baxmal, Yangiobod, Dehqonobod, Gʻuzor, Mirishkor, Shaxrisabz, Kitob, Uchquduq, Tomdi, Pop, Chust, Kosonsoy, Yaigiqoʻrgʻon, Chortoq, Uychi, Uchqoʻrgʻon, Bulungʻur, Urgut. Mirzaobod, Oqoltin, Xovos, Jarqoʻrgʻon, Qumqoʻrgʻon, Uzun, Termiz, Muzrabot, Sherobod, Boʻstonliq, Qibray, Zangiota, Toshkent, Ohangaron, Yangiyoʻl, Chinoz, Bekobod. Boʻka, Piskent, Dangʻara, Furqat, Beshariq, Oʻzbekiston, Quva, Fargʻona, Oltiariq, Rishton, Soʻh, Bogʻot, Yangiariq, Xiva Qoʻshkoʻpir, Shovot, Gurlan tumanlari hokimliklariga tegishli (jami — 71 ta).

** Kegeyli, Mirishkor, Chiroqchi. Sherobod. Payariq. Pastdargʻom, Xovos, Qiziriq tumanlariga tegishli.

*** Boshqaruv xodimlarining cheklangan soni qishloq tumanlarining toifasidan kelib chiqqan xolda belgilanadi”.

5. 2v-ilovaning matni quyidagi tahrirda bayon etilsin:

“Alohida tumanlar hokimliklari boshqaruv apparatining namunaviy tuzilmasi*

Boshqaruv xodimlarining cheklangan soni — 23 — 25 nafar.

* Qoʻrgʻontspa, Romitan, Zomin, Nishon, Hazorasp, Sirdaryo, Sariosiyo, Asaka hokimliklariga tegishli.

** Asaka tumani hokimligidan tashqari.

*** Boshqaruv xodimlarining cheklangan soni qishloq tumanlarining toifasidan kelib chikkan xolda belgilanadi”.

6. 2g-ilovada “Voyaga yetmaganlar ishlari boʻyicha komissiyaning masʼul kotibi” bloki “Voyaga yetmaganlar ishlari boʻyicha hududiy idoralararo komissiya kotibi” bloki bilan almashtirilsin.

7. 3-ilovaning matni quyidagi tahrirda bayon etilsin:

“Viloyatlar va Toshkent shahar hokimliklari boshqaruv apparati xodimlarining cheklangan soni

T/r	Hududlar nomi	Boshqaruv xodimlarining cheklangan soni
I toifali hududlar boʻyicha
1.	Andijon viloyati	53
2.	Qashqadaryo viloyati	53
3.	Samarqand viloyati	55
4.	Toshkent viloyati*	64
5.	Fargʻona viloyati	53
II toifali hududlar boʻyicha
6.	Buxoro viloyati	55
7.	Navoiy viloyati	53
8.	Namangan viloyati	53
9.	Surxondaryo viloyati	53
10.	Xorazm viloyati	55
III toifali hududlar boʻyicha
11.	Jizzax viloyati	50
12.	Sirdaryo viloyati	50
Toifadan tashqari
13.	Toshkent shahri **	59
Jami		706

* Turizmni rivojlantirish departamenti (35 nafar) hisobga olinmagan xolda.

** Kapital qurilish boshqarmasi (8 nafar), Investitsiyalar va xususiylashtirilgan korxonalarga koʻmaklashish boshqarmasi (6 nafar) hamda Yoʻlovchi transportining barcha turlari harakatini litsenziyalash va muvofiqlashtirish departamenti (40 nafar) hisobga olinmagan holda”.

8. 3a-ilovada:

a) quyidagi mazmundagi 13-pozitsiya bilan toʻldirilsin:

“
13.	Nurafshon	24
			”;

b) “Boshqaruv xodimlarining cheklangan soni” ustunidagi “330” raqami “354” raqami bilan almashtirilsin.

9. 3b-ilovada:

a) quyidagi mazmundagi 16 va 17-pozitsiyalar bilan toʻldirilsin:

“
16.	Ohangaron	18
17.	Yangiyoʻl	18
			”;

b) “Boshqaruv xodimlarining cheklangan soni” ustunidagi “303” raqami “339” raqami bilan almashtirilsin.

10. 3v-ilovada:

a) “Qoraqalpogʻiston Respublikasi” boʻlimida:

“I toifa” kichik boʻlimining “Boshqaruv xodimlarining cheklangan soni” ustunida:

2-pozitsiyadagi “25” raqami “20” raqami bilan almashtirilsin;

quyidagi mazmundagi 8-pozitsiya bilan toʻldirilsin:

“
8.	Taxiatosh	20
			”;

14-pozitsiya quyidagi tahrirda bayon etilsin:

“
15.	Jami	307
			”;

b) “Qashqadaryo viloyati” boʻlimida:

“I toifa” kichik boʻlimining “Boshqaruv xodimlarining cheklangan soni” ustunida:

1-pozitsiyadagi “23” raqami “19” raqami bilan almashtirilsin;

13-pozitsiyadagi “262” raqami “258” raqami bilan almashtirilsin;

v) “Toshkent viloyati” boʻlimida:

“I toifa” kichik boʻlimining “Boshqaruv xodimlarining cheklangan soni” ustunida:

3-pozitsiyadagi “23” raqami “21” raqami bilan almashtirilsin;

5-pozitsiyadagi “25” raqami “21” raqami bilan almashtirilsin;

“II toifa” kichik boʻlimida:

1-pozitsiyaning “Boshqaruv xodimlarining cheklangan soni” ustunidagi “25” raqami “21” raqami bilan almashtirilsin;

quyidagi mazmundagi 10-pozitsiya bilan toʻldirilsin:

“
10.	Toshkent	19
			”;

14-pozitsiya quyidagi tahrirda bayon etilsin:

“
15.	Jami	300
			”;

g) “Xorezmskaya oblast” boʻlimida:

nomidagi “Xorezmskaya oblast” soʻzlari “Xorazm viloyati” soʻzlari bilan almashtirilsin;

“I toifa” kichik boʻlimining “Boshqaruv xodimlarining cheklangan soni” ustunida:

2-pozitsiyadagi “23” raqami “19” raqami bilan almashtirilsin;

10-pozitsiyadagi “203” raqami “199” raqami bilan almashtirilsin;

d) 157-pozitsiya quyidagi tahrirda bayon etilsin:

“
159.	Respublika boʻyicha jami	3200
			”.

Keyingi tahrirga qarang.

Oʻzbekiston Respublikasi Prezidentining 2017-yil 3-noyabrdagi PQ-3374-son qaroriga
2-ILOVA

Oʻzbekiston Respublikasi Prezidentining oʻz kuchini yoʻqotgan deb hisoblanayotgan baʼzi qarorlari

ROʻYXATI

1. Oʻzbekiston Respublikasi Prezidentining “Xorazm viloyatining Xiva shahri va Qashqadaryo viloyatining Shahrisabz shahri hokimliklarini tashkil etish chora-tadbirlari toʻgʻrisida” 2017-yil 11-iyuldagi PQ-3124-son qarorining 9-bandi va qarorga 2-ilova.

2. Oʻzbekiston Respublikasi Prezidentining “Turizm sohasini rivojlantirishda mahalliy ijro etuvchi hokimiyat organlarining masʼuliyatini yanada oshirish chora-tadbirlari toʻgʻrisida” 2017-yil 12-iyuldagi PQ-3129-son qarorining 5-bandi va qarorga ilova.

Keyingi tahrirga qarang.

(Qonun hujjatlari maʼlumotlari milliy bazasi, 04.11.2017-y., 07/17/3374/0208-son; Qonunchilik maʼlumotlari milliy bazasi, 15.01.2022-y., 06/22/52/0029-son, 01.04.2022-y., 06/22/95/0267-son)