|
Hujjat kuchini yo‘qotgan 01.01.2019
|
O‘zbekiston Respublikasi Prezidentining
Qarori
O‘zbekiston Respublikasining tashqi iqtisodiy faoliyatini yanada tartibga solish chora-tadbirlari to‘g‘risida
LexUZ sharhiMazkur qaror O‘zbekiston Respublikasi Prezidentining 2018-yil 29-iyundagi PQ-3818-sonli “O‘zbekiston Respublikasining tashqi iqtisodiy faoliyatini yanada tartibga solish hamda bojxona-tarif jihatdan tartibga solish tizimini takomillashtirish chora-tadbirlari to‘g‘risida”gi qaroriga asosan 2019-yil 1-yanvardan o‘z kuchini yo‘qotadi.
Mahalliy ishlab chiqaruvchilarga zarur uskunalar va butlovchi buyumlar, unga xomashyo va materiallarni import bo‘yicha olib kirish uchun qulay shart-sharoitlar yaratish, shuningdek, ichki va tashqi bozorlarda raqobatdosh yuqori sifatli tayyor mahsulotlar ishlab chiqarishni rag‘batlantirish, aholining iste’mol tovarlariga bo‘lgan ehtiyojini qanoatlantirish hamda ichki bozordagi narx-navoning oshib ketishiga yo‘l qo‘ymaslik maqsadida:
1. 2017-yilning 1-oktabridan boshlab:
import bojxona boji stavkalari 1-ilovaga* muvofiq;
Oldingi tahrirga qarang.
(1-bandning uchinchi xatboshisi O‘zbekiston Respublikasi Prezidentining 2018-yil 4-apreldagi PF-5398-sonli Farmoniga asosan chiqarilgan)
2. O‘zbekiston Respublikasi Prezidentining ayrim qarorlari 2017-yilning 1-oktabridan boshlab 3-ilovaga* muvofiq o‘z kuchini yo‘qotgan deb hisoblansin.
* 1 — 3-ilovalar rus tilidagi matnda berilgan.
3. Mazkur qarorning ijrosini nazorat qilish O‘zbekiston Respublikasi Bosh vazirining o‘rinbosari D.A. Ko‘chqorov va O‘zbekiston Respublikasi Davlat bojxona qo‘mitasi raisi M.V. Toxiriy zimmasiga yuklansin.
O‘zbekiston Respublikasi Prezidenti Sh. MIRZIYOYEV
Toshkent sh.,
2017-yil 29-sentabr,
PQ-3303-son
(Qonun hujjatlari ma’lumotlari milliy bazasi, 30.09.2017-y., 07/17/3303/0042-son)
