toggle_night_mode
Oʻzbekiston Respublikasi Vazirlar Mahkamasining
qarori
Davlat foydasiga voz kechish bojxona rejimiga joylashtirilgan tovarlarni davlat mulkini boshqarish boʻyicha vakolatli organga topshirish tartibi toʻgʻrisidagi nizomni tasdiqlash haqida
Oʻzbekiston Respublikasi Bojxona kodeksining 131-moddasiga muvofiq hamda davlat foydasiga voz kechish bojxona rejimiga joylashtirilgan tovarlarni nazorat qilish va hisobga olish tartibini takomillashtirish maqsadida Vazirlar Mahkamasi qaror qiladi:
1. Davlat foydasiga voz kechish bojxona rejimiga joylashtirilgan tovarlarni davlat mulkini boshqarish boʻyicha vakolatli organga topshirish tartibi toʻgʻrisidagi nizom ilovaga muvofiq tasdiqlansin.
2. Oʻzbekiston Respublikasi Davlat bojxona qoʻmitasi tegishli vazirliklar va idoralar bilan birgalikda oʻz idoraviy normativ-huquqiy hujjatlarini bir oy muddatda ushbu qarorga muvofiqlashtirsinlar.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — “Oʻzagrotexsanoatxolding” aksiyadorlik jamiyati boshqaruvi raisi N.S. Otajonov va Oʻzbekiston Respublikasi Davlat bojxona qoʻmitasining raisi M.V. Toxiriy zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 18-sentabr,
742-son
Vazirlar Mahkamasining 2017-yil 18-sentabrdagi 742-son qaroriga
ILOVA
Davlat foydasiga voz kechish bojxona rejimiga joylashtirilgan tovarlarni davlat mulkini boshqarish boʻyicha vakolatli organga topshirish tartibi toʻgʻrisida
NIZOM
1-bob. Umumiy qoidalar
1. Mazkur Nizom Oʻzbekiston Respublikasi Bojxona kodeksining 131-moddasiga muvofiq davlat foydasiga voz kechish bojxona rejimiga joylashtirilgan tovarlarni davlat mulkini boshqarish boʻyicha vakolatli organga topshirish tartibini belgilaydi.
2. Mazkur Nizomda quyidagi asosiy tushunchalardan foydalaniladi:
davlat foydasiga voz kechish — bojxona rejimida vakolatli shaxs tovardan voz kechadi hamda uni bojxona toʻlovlari toʻlanmagan va iqtisodiy siyosat choralari qoʻllanilmagan holda tekinga davlat mulkiga oʻtkazadi;
Oldingi tahrirga qarang.
davlat bojxona xizmatining hududiy organi — Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasining Qoraqalpogʻiston Respublikasi, viloyatlar va Toshkent shahri boʻyicha boshqarmalari va ixtisoslashtirilgan bojxona komplekslari;
(2-bandning uchinchi xatboshisi Oʻzbekiston Respublikasi Vazirlar Mahkamasining 2024-yil 4-oktabrdagi 630-sonli qarori tahririda — Qonunchilik maʼlumotlari milliy bazasi, 08.10.2024-y., 09/24/630/0793-son)
Oldingi tahrirga qarang.
davlat mulkini boshqarish boʻyicha vakolatli organ — Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasining “Bojxona-servis” davlat muassasasi;
(2-bandning toʻrtinchi xatboshisi Oʻzbekiston Respublikasi Vazirlar Mahkamasining 2024-yil 4-oktabrdagi 630-sonli qarori tahririda — Qonunchilik maʼlumotlari milliy bazasi, 08.10.2024-y., 09/24/630/0793-son)
Oldingi tahrirga qarang.
tovar — bojxona chegarasi orqali olib oʻtiladigan har qanday koʻchar mol-mulk, shu jumladan, Oʻzbekiston Respublikasi milliy valyutasi, valyuta boyliklari va boshqa qimmatli qogʻozlar, elektr, issiqlik energiyasi va energiyaning boshqa turlari, intellektual mulk obyektlari hamda transport vositasi (tovarlarni va yoʻlovchilarni tashuvchi transport vositasi, shu jumladan konteynerlar va boshqa transport uskunalari bundan mustasno);
(2-bandning beshinchi xatboshisi Oʻzbekiston Respublikasi Vazirlar Mahkamasining 2024-yil 4-oktabrdagi 630-sonli qarori tahririda — Qonunchilik maʼlumotlari milliy bazasi, 08.10.2024-y., 09/24/630/0793-son)
Oldingi tahrirga qarang.
tovarning kuzatuv hujjatlari — hisobvaraq-faktura (invoys), yuklab joʻnatish varaqlari hamda tashqi savdo faoliyati va oʻzga faoliyat amalga oshirilayotganda bojxona chegarasi orqali tovarlarni olib oʻtish bilan bogʻliq bitimlar tuzilganligini tasdiqlash uchun foydalaniladigan boshqa hujjatlar, shuningdek konosament, yuk xati yoki tovarlarni tashish shartnomasi mavjudligini tasdiqlovchi hamda shunday tashishda kuzatib boruvchi boshqa hujjat;
(2-bandning oltinchi xatboshisi Oʻzbekiston Respublikasi Vazirlar Mahkamasining 2019-yil 18-sentabrdagi 787-sonli qarori tahririda — Qonun hujjatlari maʼlumotlari milliy bazasi, 19.09.2019-y., 09/19/787/3770-son)
Oldingi tahrirga qarang.
vakolatli shaxs — tovarning va (yoki) transport vositasining egasi yoki tovarga va (yoki) transport vositasiga nisbatan bojxona toʻgʻrisidagi qonunchilikka muvofiq vakolatlarga ega boʻlgan yoxud tovarning va (yoki) transport vositasining egasi nomidan tegishli shartnoma yoki ishonchnoma asosida ish yurituvchi shaxs;
(2-bandning yettinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
 LexUZ sharhi
Qarang: Oʻzbekiston Respublikasi Fuqarolik kodeksining 10-bobi.
topshirish-qabul qilish dalolatnomasi — davlat foydasiga voz kechish bojxona rejimiga joylashtirilgan tovarlarning bojxona organlari tomonidan davlat mulkini boshqarish boʻyicha vakolatli organga topshirilganligini tasdiqlovchi hujjat.
3. Davlat foydasiga voz kechish bojxona rejimiga joylashtirilgan tovarlarni topshirish-qabul qilish va realizatsiya qilish tartiboti mazkur nizomning 1-ilovasiga muvofiq sxema boʻyicha amalga oshiriladi.
2-bob. Tovarning davlat foydasiga voz kechish rejimiga bojxona rasmiylashtiruvi
4. Davlat foydasiga voz kechish bojxona rejimiga joylashtiriladigan tovarlarning bojxona rasmiylashtiruvi tovar qaysi bojxona organining faoliyat koʻrsatish zonasida turgan boʻlsa oʻsha bojxona organi tomonidan amalga oshiriladi.
Oldingi tahrirga qarang.
5. Davlat foydasiga voz kechish bojxona rejimiga joylashtiriladigan tovar vakolatli shaxs tomonidan bojxona organiga topshirilayotganda ikki nusxada dalolatnoma tuziladi. Dalolatnomaning bir nusxasi bojxona organida saqlanadi. Dalolatnomaning ikkinchi nusxasi vakolatli shaxsga beriladi.
(5-band Oʻzbekiston Respublikasi Vazirlar Mahkamasining 2024-yil 4-oktabrdagi 630-sonli qarori tahririda — Qonunchilik maʼlumotlari milliy bazasi, 08.10.2024-y., 09/24/630/0793-son)
3-bob. Davlat foydasiga voz kechish bojxona rejimiga joylashtirilgan tovarlarni topshirish-qabul qilish
Oldingi tahrirga qarang.
6. Davlat bojxona xizmatining hududiy organi davlat foydasiga voz kechish bojxona rejimiga rasmiylashtirilgan tovar toʻgʻrisida bojxona rasmiylashtiruvi amalga oshirilgandan soʻng, ushbu tovarlar boʻyicha tegishli barcha ruxsat etish xususiyatiga ega hujjatlarni olib, bir ish kuni mobaynida oʻzi joylashgan hududdagi davlat mulkini boshqarish boʻyicha vakolatli organiga yozma yoki elektron shaklda xabarnoma yuboradi.
(6-band Oʻzbekiston Respublikasi Vazirlar Mahkamasining 2024-yil 4-oktabrdagi 630-sonli qarori tahririda — Qonunchilik maʼlumotlari milliy bazasi, 08.10.2024-y., 09/24/630/0793-son)
Oldingi tahrirga qarang.
7. Davlat mulkini boshqarish boʻyicha vakolatli organ yozma yoki elektron shaklda xabarnomani olgan kuni davlat bojxona xizmatining hududiy organi bilan kelishilgan holda davlat foydasiga voz kechish bojxona rejimiga rasmiylashtirilgan tovarlarni topshirish va qabul qilish joyini belgilaydi.
(7-band Oʻzbekiston Respublikasi Vazirlar Mahkamasining 2024-yil 4-oktabrdagi 630-sonli qarori tahririda — Qonunchilik maʼlumotlari milliy bazasi, 08.10.2024-y., 09/24/630/0793-son)
8. Tovardan davlat foydasiga voz kechgan vakolatli shaxs tovarlarni davlat mulkini boshqarish boʻyicha vakolatli organ va davlat bojxona xizmatining hududiy organi tomonidan belgilanadigan joyga yetkazib berish bilan bogʻliq barcha xarajatlarni oʻz zimmasiga oladi.
9. Davlat foydasiga voz kechish bojxona rejimiga rasmiylashtirilgan tovarlarni topshirish-qabul qilish davlat mulkini boshqarish boʻyicha vakolatli organ va davlat bojxona xizmatining hududiy organi oʻrtasida 3-ilovaga muvofiq tuzilgan dalolatnomaga asosan amalga oshiriladi.
10. Davlat bojxona xizmatining hududiy organi davlat foydasiga voz kechish bojxona rejimiga rasmiylashtirilgan tovarlarning kelgusidagi realizatsiyasini taʼminlash uchun bojxona yuk deklaratsiyasi, tovarning kuzatuv hujjatlari, agar tovar vakolatli organlar tomonidan nazorat qilinishi lozim boʻlsa, ushbu organlarning tegishli ruxsatnomasini davlat mulkini boshqarish boʻyicha vakolatli organga taqdim etadi.
Oldingi tahrirga qarang.
11. Davlat mulkini boshqarish boʻyicha vakolatli organ davlat foydasiga voz kechish bojxona rejimiga rasmiylashtirilgan tovarlarning vaqtincha saqlaydi hamda sotadi (qimmatli qogʻozlar bundan mustasno).
Bunda qimmatbaho metallar, qimmatbaho toshlar, ulardan yasalgan zargarlik buyumlari va boshqa buyumlar:
Davlat asillik darajasi nazorati inspeksiyasida texnik ekspertizadan oʻtkaziladi;
texnik ekspertizadan oʻtkazilganligi uchun asillik darajasi toʻlovi undirilmaydi.
Davlat foydasiga voz kechish bojxona rejimiga rasmiylashtirilgan qimmatli qogʻozlar Qimmatli qogʻozlar markaziy depozitariysiga vaqtincha saqlash uchun topshiriladi va qimmatli qogʻozlar boʻyicha huquqlar qonunchilikda belgilangan boshqa vakolatli organ tomonidan amalga oshiriladi.
Davlat mulkini boshqarish boʻyicha vakolatli organ tomonidan:
tez buziladigan va past qiymatli tovarlar toʻgʻridan-toʻgʻri shartnomalar tuzish;
boshqa tovarlar toʻgʻridan-toʻgʻri yoki “E-auksion shop” elektron savdo doʻkoni orqali sotiladi.
(11-band Oʻzbekiston Respublikasi Vazirlar Mahkamasining 2024-yil 4-oktabrdagi 630-sonli qarori tahririda — Qonunchilik maʼlumotlari milliy bazasi, 08.10.2024-y., 09/24/630/0793-son)
12. Davlat mulkini boshqarish boʻyicha vakolatli organ davlat foydasiga voz kechish bojxona rejimiga rasmiylashtirilib topshirish-qabul qilish dalolatnomasi boʻyicha olingan tovarlarning sotilishi yuzasidan Davlat bojxona xizmatining hududiy organiga har oy yakunida maʼlumot taqdim etadi.
Oldingi tahrirga qarang.
(12-bandning ikkinchi xatboshisi Oʻzbekiston Respublikasi Vazirlar Mahkamasining 2024-yil 4-oktabrdagi 630-sonli qaroriga asosan chiqarilgan — Qonunchilik maʼlumotlari milliy bazasi, 08.10.2024-y., 09/24/630/0793-son)
Davlat foydasiga voz kechilgan tovarlarning realizatsiyasi boʻyicha maʼlumotlar almashinuvi elektron shaklda amalga oshiriladi.
Oldingi tahrirga qarang.
13. Davlat foydasiga voz kechilgan tovarlarni realizatsiya qilishdan tushgan tushumlar davlat mulkini boshqarish boʻyicha vakolatli organning tegishli daromadlar boʻyicha shaxsiy gʻazna hisobraqamiga oʻtkaziladi. Koʻrsatib oʻtilgan mablagʻlar quyidagi tartibda taqsimlanadi:
50 foizi — Oʻzbekiston Respublikasining respublika budjetiga oʻtkaziladi;
50 foizi — Davlat mulkini boshqarish boʻyicha vakolatli organning rivojlantirish jamgʻarmasi hisobraqamiga oʻtkaziladi va davlat foydasiga voz kechilgan tovarlarni baholash, saqlash va realizatsiya qilish hamda davlat mulkini boshqarish boʻyicha vakolatli organning tasarruf etish va boshqaruv funksiyalarini amalga oshirish bilan bogʻliq xarajatlarni qoplashga yoʻnaltiriladi.
(13-band Oʻzbekiston Respublikasi Vazirlar Mahkamasining 2024-yil 4-oktabrdagi 630-sonli qarori tahririda — Qonunchilik maʼlumotlari milliy bazasi, 08.10.2024-y., 09/24/630/0793-son)
4-bob. Yakunlovchi qoida
Oldingi tahrirga qarang.
14. Ushbu Nizom talablari buzilishida aybdor boʻlgan shaxslar qonunchilikda belgilangan tartibda javobgar boʻladilar.
(14-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
Davlat foydasiga voz kechish bojxona rejimiga joylashtirilgan tovarlarni davlat mulkini boshqarish boʻyicha vakolatli organga topshirish tartibi toʻgʻrisidagi Nizomga
1-ILOVA
Davlat foydasiga voz kechish bojxona rejimiga joylashtirilgan tovarlarni topshirish-qabul qilish va realizatsiya qilish
SXEMASI

Bosqichlar

Subyektlar

Tadbirlar

Bajarish muddati

1-bosqich

Vakolatli shaxs

Tovarlarning elektron deklaratsiyasi hamda taqdim etiladigan hujjatlarni elektron raqamli imzo bilan tasdiqlaydi va axborot tizimlari orqali bojxona organlariga yuboradi.

Tadbirkorlik subyektining xohishiga koʻra

2-bosqich

Bojxona organlarining axborot tizimi

1. Tovarlarning elektron deklaratsiyasi dastlabki format-mantiqiy nazoratdan oʻtkaziladi va tekshiruvlarning ijodiy natijasiga koʻra unga avtomatlashtirilgan tarzda tartib raqami berib, roʻyxatdan oʻtkaziladi.

2. Format-mantiqiy nazoratdan ijobiy oʻtmagan tovarlarning elektron deklaratsiyasi, xabarnomada sabablari koʻrsatilgan holda deklaratsiyalovchi shaxsga qaytarib yuboriladi.

3. Roʻyxatdan oʻtgan tovarlarning elektron deklaratsiyasi bojxona organlarining axborot tizimi orqali bojxona rasmiylashtiruvini amalga oshiruvchi bojxona xodimlari oʻrtasida avtomatlashtirilgan tarzda taqsimlanadi.

Real vaqt rejimida

3-bosqich

Davlat bojxona xizmatining hududiy organi xodimlari

Vakolatli shaxs tomonidan tovarlar bojxona organiga topshirilayotganda ikki nusxada dalolatnoma tuzadi.

Tovar bojxona organiga topshirilayotganda

Tovarlarning bojxona rasmiylashtiruvini elektron shaklda amalga oshiradi.

Uch ish kunida

4-bosqich

Davlat bojxona xizmatining hududiy organi xodimlari

Davlat foydasiga voz kechish bojxona rejimiga rasmiylashtirilgan tovarlar boʻyicha bojxona rasmiylashtiruvi amalga oshirilgandan soʻng, ushbu tovarlar boʻyicha tegishli barcha ruxsat etish xususiyatiga ega hujjatlarni olib, bir ish kuni mobaynida oʻzi joylashgan hududdagi davlat mulkini boshqarish boʻyicha vakolatli organga yozma yoki elektron shaklda xabarnoma yuboradi.

Bir ish kunida

5-bosqich

Davlat mulkini boshqarish boʻyicha vakolatli organ

Xabarnomani olgan kuni davlat bojxona xizmatining hududiy organi bilan kelishilgan holda davlat foydasiga voz kechish bojxona rejimiga rasmiylashtirilgan tovarlarni topshirish va qabul qilish joyini belgilaydi.

Bir ish kunida

6-bosqich

Davlat mulkini boshqarish boʻyicha vakolatli organ

Davlat foydasiga voz kechish bojxona rejimiga joylashtirilgan tovarlarni qabul qilinganidan keyin ularni mazkur Nizomning 11-bandiga muvofiq vaqtincha saqlaydi va realizatsiya qiladi.

Doimo

(1-ilovaning matni Oʻzbekiston Respublikasi Vazirlar Mahkamasining 2024-yil 4-oktabrdagi 630-sonli qarori tahririda — Qonunchilik maʼlumotlari milliy bazasi, 08.10.2024-y., 09/24/630/0793-son)
Oldingi tahrirga qarang.
(2-ilova Oʻzbekiston Respublikasi Vazirlar Mahkamasining 2024-yil 4-oktabrdagi 630-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 08.10.2024-y., 09/24/630/0793-son)
Davlat foydasiga voz kechish bojxona rejimiga joylashtirilgan tovarlarni davlat mulkini boshqarish boʻyicha vakolatli organga topshirish tartibi toʻgʻrisidagi Nizomga
3-ILOVA

‎‎Davlat foydasiga voz kechish bojxona rejimiga
‎joylashtirilgan tovarlarni topshirish-qabul qilish
‎DALOLATNOMASI

‎
‎ ‎ ‎ ‎ ‎ ‎‎№ ___________________________ ‎ ‎ ‎ ‎ ‎
‎ ‎ ‎ ‎ ‎

‎‎raqam va sana (yil, oy, kun)

 ‎ ‎ ‎ ‎ ‎
‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎
‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎
‎ ‎‎Mazkur dalolatnoma Oʻzbekiston Respublikasi Bojxona kodeksining 131-moddasiga muvofiq
‎‎___________________________________________________________________________________________

‎‎davlat bojxona xizmatining hududiy organi

‎‎tomonidan _________________________________________________________________________________

‎‎davlat mulkini boshqarish boʻyicha vakolatli organ

‎‎ga davlat foydasiga voz kechish bojxona rejimiga rasmiylashtirilgan quyidagi tovarlarni topshirish-qabul qilish uchun tuzilgan:
‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

№‎

‎‎Tovar nomi

‎‎TIF TN
‎kodi

‎‎Oʻlchov birligi

‎‎Miqdori

‎‎BYD raqami

‎‎Izoh

‎ ‎‎ ‎‎‎ ‎‎ ‎‎ ‎‎ ‎‎
‎ ‎‎ ‎‎ ‎‎ ‎‎ ‎‎ ‎‎
‎ ‎‎ ‎‎ ‎‎ ‎‎ ‎‎ ‎‎
‎ ‎‎ ‎‎ ‎‎ ‎‎ ‎‎ ‎‎
‎ ‎‎ ‎‎‎ ‎‎ ‎‎ ‎‎
‎ ‎‎ ‎‎ ‎‎ ‎‎ ‎‎ ‎‎
‎ ‎‎ ‎‎ ‎‎ ‎‎ ‎‎ ‎‎
‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎
‎‎Qabul qildim: _________________________‎____ ‎ ‎ __________ ‎ ‎

‎‎M.Oʻ.*

‎ ‎

‎‎‎‎(davlat mulkini boshqarish boʻyicha vakolatli shaxsning F.I.O., lavozimi)

 ‎ ‎

imzo‎‎

 ‎ ‎ ‎
‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎
‎‎Topshirdim: _______________________________ ‎ ‎ ‎‎___________ ‎ ‎

‎‎M.Oʻ.

‎ ‎

‎‎(davlat bojxona xizmatining hududiy organi xodimining F.I.O., lavozimi)

 ‎ ‎

imzo‎‎

 ‎ ‎ ‎ ‎
‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎
‎‎* Davlat mulkini boshqarish boʻyicha vakolatli organ nomidan dalolatnomani moddiy javobgar shaxs imzolaydi.

(Oʻzbekiston Respublikasi qonun hujjatlari toʻplami, 2017-y., 38-son, 1051-modda; Qonun hujjatlari maʼlumotlari milliy bazasi, 04.04.2018-y., 09/18/260/1000-son, 19.09.2019-y., 09/19/787/3770-son; 31.12.2020-y., 09/20/834/1700-son; Qonunchilik maʼlumotlari milliy bazasi, 05.04.2022-y., 09/22/153/0266-son; 08.10.2024-y., 09/24/630/0793-son)