718-сон 13.09.2017. Birlamchi tibbiy-sanitariya yordami muassasalarida tibbiy xizmatlar sifatini yaxshilashga, oʻtkazilayotgan profilaktika tadbirlarining samaradorligi uchun masʼuliyatni oshirishga doir qoʻshimcha chora-tadbirlar toʻgʻrisida

O‘zbekiston Respublikasi Vazirlar Mahkamasining

qarori

Birlamchi tibbiy-sanitariya yordami muassasalarida tibbiy xizmatlar sifatini yaxshilashga, o‘tkazilayotgan profilaktika tadbirlarining samaradorligi uchun mas’uliyatni oshirishga doir qo‘shimcha chora-tadbirlar to‘g‘risida

Aholiga birlamchi tibbiy-sanitariya yordami ko‘rsatishni yanada yaxshilash, kasalliklar profilaktikasi, aholi o‘rtasida sog‘lom turmush tarzi va sanitariya-gigiyenik madaniyatni targ‘ib qilish tadbirlarini amalga oshirishda birlamchi tibbiy-sanitariya yordami muassasalari tibbiyot xodimlarining yetakchi o‘rnini va ular faoliyati ahamiyatini hisobga olgan holda amalga oshirilayotgan profilaktik tadbirlar samaradorligi uchun ularning mas’uliyatini oshirish va ular mehnatini moddiy rag‘batlantirish maqsadida Vazirlar Mahkamasi qaror qiladi:

1. Quyidagilar profilaktik tadbirlar va aholiga tibbiy patronajning asosiy yo‘nalishlari etib belgilansin:

birlamchi tibbiy-sanitariya yordami muassasalarining asosiy vazifalarini ustuvor darajada kasalliklarning oldini olishga, profilaktika va aholi bilan patronaj ishlari olib borishga qayta yo‘naltirish;

Oldingi tahrirga qarang.

aholi, birinchi navbatda fertil yoshidagi ayollar va homilador ayollar, bolalar, shuningdek o‘zgalar yordami va ijtimoiy himoyaga muhtoj yolg‘iz keksalar, nogironligi bo‘lgan shaxslar, surunkali kasalliklarga chalingan bemorlar orasida patronaj ishlarini muntazam olib borish;

(1-bandning uchinchi xatboshisi O‘zbekiston Respublikasi Vazirlar Mahkamasining 2022-yil 8-fevraldagi 62-sonli qarori tahririda — Qonunchilik ma’lumotlari milliy bazasi, 08.02.2022-y., 09/22/62/0111-son)

sifatli profilaktik ko‘riklarni tashkil etish va laboratoriya-instrumental tekshiruvlar olib borish yo‘li bilan kasalliklarni erta aniqlash va ularning surunkali shaklga o‘tishiga yo‘l qo‘ymaslik;

shifoxonaga yotqizish, kasalliklarga chalinish va nogironlik darajasining pasayishini, ayniqsa aholining ko‘rsatilayotgan tibbiy xizmat sifatidan qoniqishini tibbiyot xodimlari faoliyati samaradorligini baholashning asosiy mezonlari etib belgilash.

2. O‘zbekiston Respublikasi Sog‘liqni saqlash vazirligi, Moliya vazirligi va Iqtisodiyot vazirligining 2017-yil 1-oktabrdan boshlab:

a) markaziy tuman (shahar) ko‘p tarmoqli poliklinikalari, shahar va qishloq oilaviy poliklinikalari, qishloq vrachlik punktlari faoliyati natijalarini reyting baholash tizimini;

b) markaziy tuman (shahar) ko‘p tarmoqli poliklinikalari, shahar va qishloq oilaviy poliklinikalari, qishloq vrachlik punktlari tibbiyot xodimlarini moddiy rag‘batlantirish va mehnatini taqdirlashning ular ishi samaradorligini reyting baholash natijalariga bog‘liq ravishda quyidagilarni:

biriktirilgan hududda oilalarning to‘liq patronaj bilan qamrab olinishini ta’minlayotgan va o‘z faoliyatining ijobiy pirovard natijalariga, shu jumladan, kasallikka chalinish pasayishiga, go‘daklar va onalar o‘limi bo‘lmasligiga erishgan patronaj tibbiyot hamshiralari va umumiy amaliyot vrachlariga tarif stavkasining 5 foizidan 20 foizigacha miqdorda har oylik shaxsiy ustama belgilash;

birlamchi tibbiy-sanitariya yordami muassasalarining eng o‘rnak ko‘rsatgan vrachlari va o‘rta tibbiyot xodimlari faoliyatini reyting baholash yakunlari bo‘yicha ularni mukofotlashni nazarda tutadigan tizimni joriy etish to‘g‘risidagi takliflari qabul qilinsin.

3. Markaziy tuman (shahar) ko‘p tarmoqli poliklinikalari, shahar va qishloq oilaviy poliklinikalari, qishloq vrachlik punktlari hamda vrachlar va o‘rta tibbiyot xodimlarining faoliyati samaradorligini reyting baholash tartibi to‘g‘risidagi nizom ilovaga muvofiq tasdiqlansin.

4. Belgilansinki, ushbu qarorda nazarda tutilgan tadbirlar Moddiy rag‘batlantirish va tibbiyot tashkilotlarini rivojlantirish jamg‘armasini shakllantirishga har yili budjetdan ajratiladigan mablag‘lar doirasida amalga oshiriladi.

5. O‘zbekiston Respublikasi Sog‘liqni saqlash vazirligi:

ikki hafta muddatda Aholini profilaktik ko‘riklar va tizimli patronaj bilan qamrab olish to‘g‘risidagi nizomni, shuningdek, bemorlarni shahar va qishloq oilaviy poliklinikalaridan, qishloq vrachlik punktlaridan maslahat, tashxis qo‘yish, tibbiy hisobga qo‘yish, davolash va reabilitatsiya qilish uchun tuman, viloyat va respublika darajalaridagi davolash muassasalariga yuborish tartibini ishlab chiqsin va belgilangan tartibda tasdiqlasin;

profilaktik tadbirlar to‘liq hajmda o‘tkazilishi va ularning tizimli monitoringi joriy etilishi tashkil etilishini ta’minlasin;

vrach tomonidan surunkali kasalliklarga chalingan bemorlar kuzatib borilishi, sog‘lomlashtirilishi va reabilitatsiya qilinishining yakka tartibdagi rejasi tuzilishi va unga rioya qilinishi nazorat qilinishini ta’minlasin.

6. Vazirlar Mahkamasining “Qishloq vrachlik punktlarining patronaj tibbiyot hamshiralarini moddiy rag‘batlantirishni kuchaytirishga doir qo‘shimcha chora-tadbirlar to‘g‘risida” 2015-yil 1-dekabrdagi 350-son qarori (O‘zbekiston Respublikasi, QT, 2015-y., 12-son, 104-modda) o‘z kuchini yo‘qotgan deb hisoblansin.

7. O‘zbekiston Respublikasi Sog‘liqni saqlash vazirligi manfaatdor vazirliklar va idoralar bilan birgalikda bir oy muddatda ular tomonidan qabul qilingan normativ-huquqiy hujjatlarni ushbu qarorga muvofiqlashtirsin.

8. Mazkur qarorning bajarilishini nazorat qilish O‘zbekiston Respublikasi sog‘liqni saqlash vaziri A.K. Shadmanov zimmasiga va Vazirlar Mahkamasining Sog‘liqni saqlash, ekologiya, atrof muhitni muhofaza qilish, jismoniy tarbiya va sport masalalari axborot-tahlil departamentiga yuklansin.

O‘zbekiston Respublikasining Bosh vaziri A. ARIPOV

Toshkent sh.,

2017-yil 13-sentabr,

718-son

Vazirlar Mahkamasining 2017-yil 13-sentabrdagi 718-son qaroriga
ILOVA

Markaziy tuman (shahar) ko‘p tarmoqli poliklinikalari, shahar va qishloq oilaviy poliklinikalari, qishloq vrachlik punktlari hamda vrachlar va o‘rta tibbiyot xodimlari faoliyati samaradorligini reyting baholash tartibi to‘g‘risida

NIZOM

1-bob. Umumiy qoidalar

1. Ushbu Nizom markaziy tuman (shahar) ko‘p tarmoqli poliklinikalari, shahar va qishloq oilaviy poliklinikalari, qishloq vrachlik punktlari (keyingi o‘rinlarda birlamchi tibbiy-sanitariya yordami muassasalari deb ataladi), shuningdek, vrachlar va o‘rta tibbiyot xodimlari faoliyati samaradorligini reyting baholash tartibini belgilaydi.

2. Birlamchi tibbiy-sanitariya yordami muassasalari, shuningdek, vrachlar va o‘rta tibbiyot xodimlari faoliyati samaradorligini reyting baholash (keyingi o‘rinlarda reyting baholash deb ataladi):

birlamchi tibbiy-sanitariya yordami muassasalari faoliyati sifatini oshirish va ular ishining pirovard natijalarini yaxshilash;

vrachlar va o‘rta tibbiyot xodimlari tomonidan funksional vazifalar bajarilishini, shu jumladan, profilaktik tibbiy ko‘riklar, ayollar va bolalarni uyda patronaj borib ko‘rish, aholining sanitariya-epidemiologik osoyishtaligini ta’minlash bo‘yicha kompleks chora-tadbirlar, sanitariya-gigiyenik tarbiya va sog‘lom turmush tarzini joriy etish bo‘yicha tadbirlar tashkil etilishi va o‘tkazilishini ta’minlash;

profilaktik tadbirlar samaradorligini oshirish;

aholining sog‘lig‘i holatini yaxshilash, kasalliklarga chalinish ko‘rsatkichlarini, o‘limni va nogironlikni pasaytirish maqsadida amalga oshiriladi.

2-bob. Reyting baholash tartibi

3. Reyting baholash hisobot davri mobaynida vrachlar va o‘rta tibbiyot xodimlarining ishi hajmi, sifati va ishlarni bajarish natijadorligi ko‘rsatkichlariga asoslanadi.

4. Reyting baholash to‘rt bosqichda o‘tkaziladi.

birinchi bosqichda — birlamchi tibbiy-sanitariya yordami muassasalari vrachlar va o‘rta tibbiyot xodimlarining funksional vazifalarni bajarishining to‘liqligi ko‘rsatkichlari va salbiy ko‘rsatkichlar baholanadi;

ikkinchi bosqichda — birlamchi tibbiy-sanitariya yordami muassasalari faoliyatining to‘laqonligi, sifati va pirovard natijalari ko‘rsatkichlari, shuningdek, salbiy ko‘rsatkichlari baholanadi;

uchinchi bosqichda — vrachlar va o‘rta tibbiyot xodimlari uchun reyting baholashning to‘plangan yakuniy ballaridan kelib chiqib rag‘batlantirish yoki jazolash choralari belgilanadi;

to‘rtinchi bosqichda — O‘zbekiston Respublikasi Sog‘liqni saqlash vazirligi tomonidan reyting baholash natijalari yakunlari bo‘yicha birlamchi tibbiy-sanitariya yordami muassasalari rahbarlarining attestatsiyasi to‘g‘risida qaror qabul qilinadi.

5. Vrachlar va o‘rta tibbiyot xodimlarining kundalik ishi maxsus jurnallarda qayd etiladi, ularning shakli va to‘ldirish tartibi O‘zbekiston Respublikasi Sog‘liqni saqlash vazirligi tomonidan tasdiqlanadi.

Reyting baholash ushbu Nizomga 1-ilovaga muvofiq sxema bo‘yicha bir yilda ikki marta o‘tkaziladi.

Reyting baholash birlamchi tibbiy-sanitariya yordami muassasalarining hisobga olish va hisobot hujjatlarini o‘rganish yo‘li bilan o‘tkaziladi.

6. Reyting baholash tegishli tuman (shahar) tibbiyot birlashmasi huzuridagi maxsus monitoring guruhi (keyingi o‘rinlarda maxsus monitoring guruhi deb ataladi) tomonidan o‘tkaziladi.

Maxsus monitoring guruhining tarkibi ushbu Nizomga 2-ilovaga muvofiq namunaviy tarkib bo‘yicha tegishli tuman (shahar) tibbiyot birlashmasi tomonidan tasdiqlanadi.

7. Faoliyat samaradorligini reyting baholash ushbu Nizomga 3 — 6-ilovalarga muvofiq aniqlanadi.

8. Birlamchi tibbiy-sanitariya yordami muassasalarining umumiy amaliyot vrachlari va patronaj tibbiyot hamshiralari har oyda ushbu Nizomga 3 va 4-ilovalarga muvofiq shaklni to‘ldiradilar.

9. Har bir oy tamom bo‘lgandan keyin umumiy amaliyot vrachlari va patronaj tibbiyot hamshiralarining bajarilgan ishlar to‘g‘risidagi to‘ldirilgan shakl hisobot davridan keyingi oyning 5-kunidan kechikmay birlamchi tibbiy-sanitariya yordami muassasasi mudiriga topshiriladi.

10. Umumiy amaliyot vrachlari va patronaj tibbiyot hamshiralari ishi natijalari bajarilgan ishlar to‘g‘risidagi to‘ldirilgan hisobot shakllari asosida hisobot davridan keyingi oyning 15-kunigacha birlamchi tibbiy-sanitariya yordami muassasasining mudiri va katta tibbiyot hamshirasi tomonidan baholanadi.

11. Tor ixtisoslikdagi vrachlarga va o‘rta tibbiyot xodimlariga (patronaj tibbiyot hamshiralaridan tashqari) har oyda 100 tadan kredit ballar belgilanadi.

12. Maxsus monitoring guruhi tomonidan hisobot davridan keyingi oyning 15-kunidan keyin yilning II va IV choraklari yakunlari bo‘yicha birlamchi tibbiyot hujjatlarini tahlil qilish asosida 10 kundan ortiq bo‘lmagan muddatda vrachlar va o‘rta tibbiyot xodimlari ishi natijalarining salbiy ko‘rsatkichlari o‘rganib chiqiladi.

13. Umumiy amaliyot vrachi va patronaj tibbiyot hamshirasi tomonidan bajarilgan ishlar to‘g‘risidagi taqdim etilgan ma’lumotlarning ishonchliligi, shuningdek, ular ishi natijalarining salbiy ko‘rsatkichlari birlamchi tibbiyot hujjatlarini va hisobot shakllarini tanlab o‘rganish yo‘li bilan maxsus ishchi guruh tomonidan aniqlanadi.

Tor ixtisoslikdagi vrachlar va o‘rta tibbiyot xodimlari tomonidan (patronaj tibbiyot hamshiralaridan tashqari) faoliyat bajarilmasligi yoki samarasizligi uchun salbiy ballar hisoblanishi maxsus monitoring guruhi tomonidan amalga oshiriladi.

14. Maxsus monitoring guruhi tomonidan o‘rganib chiqish natijalari ushbu Nizomga 8-ilovaga muvofiq shakl bo‘yicha ikki nusxada ma’lumotnoma tarzida rasmiylashtiriladi.

Ma’lumotnomaning birinchi nusxasi birlamchi tibbiy-sanitariya yordami muassasalarida saqlanadi, ikkinchi nusxasi saqlash uchun tuman (shahar) tibbiyot birlashmasiga belgilangan tartibda beriladi.

15. Maxsus monitoring guruhi birlamchi tibbiy-sanitariya yordami muassasasi mudiri bilan birgalikda o‘rganib chiqish asosida hisoblab chiqilgan ballarni ushbu Nizomga 3 — 7-ilovalarga muvofiq birlamchi tibbiy-sanitariya yordami muassasalari, shuningdek, vrachlar va o‘rta tibbiyot xodimlarining bajarilgan ishlari to‘g‘risidagi hisobot shakliga kiritadi.

Ish samaradorligini reyting baholash yakunlangandan keyin vrachlarga va o‘rta tibbiyot xodimlarga tegishli yakuniy ballar belgilanadi.

16. Olinishi mumkin bo‘lgan eng yuqori ballarning 85 foizini va undan ortig‘ini to‘plagan patronaj tibbiyot hamshiralari va umumiy amaliyot vrachlari lavozim tarif stavkasining 5 foizidan 20 foizigacha miqdorda shaxsiy ustama belgilash tarzida navbatdagi reyting baholashlar yakunlariga qadar moddiy rag‘batlantiriladilar.

17. Shaxsiy ustamalar miqdorlari to‘plangan yakuniy ballar sonidan kelib chiqib quyidagi tartibda belgilanadi:

reyting ballar eng ko‘p yig‘indisining 85 foizidan 87 foizigacha — 5 foiz;

reyting ballar eng ko‘p yig‘indisining 87 foizidan 91 foizigacha — 10 foiz;

reyting ballar eng ko‘p yig‘indisining 91 foizidan 96 foizigacha — 15 foiz;

reyting ballar eng ko‘p yig‘indisining 96 foizidan 100 foizigacha — 20 foiz.

18. Eng ko‘p olinishi mumkin bo‘lgan yakuniy ballarning 55 foizidan 85 foizigachani to‘plagan vrachlar va o‘rta tibbiyot xodimlari o‘z lavozim maoshini qo‘shimcha moddiy rag‘batlantirishsiz belgilangan tartibda oladilar.

Oldingi tahrirga qarang.

19. Eng ko‘p olinishi mumkin bo‘lgan yakuniy ballarning 55 foizidan kamni to‘plagan vrachlar va o‘rta tibbiyot xodimlariga qonunchilikka muvofiq intizomiy jazo choralari qo‘llaniladi.

(19-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

20. Faoliyatni reyting baholash yakunlari bo‘yicha eng yuqori ballarni to‘plagan vrachlar va o‘rta tibbiyot xodimlari bir yilda 2 ta maoshdan ortiq bo‘lmagan miqdorda bir yo‘la mukofotlash tarzida moddiy rag‘batlantiriladilar.

3-bob. Yakunlovchi qoidalar

21. Maxsus monitoring guruhi faoliyati ustidan nazorat qilish O‘zbekiston Respublikasi Sog‘liqni saqlash vazirligi tomonidan tasdiqlanadigan tekshirishlar rejasiga muvofiq O‘zbekiston Respublikasi Sog‘liqni saqlash vazirligi Nazorat inspeksiyasining tegishli mintaqa bo‘linmasi tomonidan amalga oshiriladi.

Oldingi tahrirga qarang.

22. Ushbu Nizom talablari buzilishida aybdor bo‘lgan shaxslar qonunchilikda belgilangan tartibda javob beradilar.

(22-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

Markaziy tuman (shahar) ko‘p tarmoqli poliklinikalari, shahar va qishloq oilaviy poliklinikalari, qishloq vrachlik punktlari hamda vrachlar va o‘rta tibbiyot xodimlarining faoliyati samaradorligini reyting baholash tartibi to‘g‘risidagi nizomga
1-ILOVA

Birlamchi tibbiy-sanitariya yordami muassasalari faoliyati samaradorligini reyting baholash

SXEMASI

* MKTP — markaziy ko‘p tarmoqli poliklinika ;

OP — shahar oilaviy poliklinikasi;

QOP — qishloq oilaviy poliklinikasi;

QVP — qishloq vrachlik punkti.

“TASDIQLAYMAN”
Tuman (shahar) tibbiyot birlashmasi boshlig‘i
___________________________
F.I.O.
20___ yil “_______”______________

Oldingi tahrirga qarang.

__________ tuman (shahar) tibbiyot birlashmasi huzuridagi maxsus monitoring guruhining NAMUNAVIY TARKIBI
№	F.I.O.	Lavozimi
1.		Guruh rahbari — markaziy tuman (shahar) ko‘p tarmoqli poliklinikasi mudiri o‘rinbosari — oilaviy poliklinikalar, qishloq vrachlik punkti va oilaviy poliklinikalar koordinatori
		Guruh a’zolari:
2.		Tuman (shahar) tibbiyot birlashmasi salomatlik markazi vrachi
3.		Tuman (shahar) tibbiyot birlashmasi tashkiliy-metodik bo‘limi mutaxassisi
4.		O‘zbekiston Respublikasi Sog‘liqni saqlash vazirligi huzuridagi Sanitariya-epidemiologik osoyishtalik va jamoat salomatligi qo‘mitasining tuman (shahar) bo‘limi mutaxassisi

Izoh. Maxsus monitoring guruhi tarkibiga tuman (shahar) tibbiyot birlashmasi boshlig‘ining ko‘rsatmasiga binoan boshqa mutaxassislar qo‘shimcha ravishda jalb qilinishi mumkin.

(2-ilova O‘zbekiston Respublikasi Vazirlar Mahkamasining 2025-yil 29-yanvardagi 48-sonli qarori tahririda — Qonunchilik ma’lumotlari milliy bazasi, 30.01.2025-y., 09/25/48/0093-son)

Umumiy amaliyot vrachi faoliyati samaradorligini

baholash

T/r	Ko‘rsatkichlar	Yuklama me’yori	Hisoblash usuli	Bajarish, %	Ball	Yakuniy ball
I. Biriktirilgan aholi orasida kasallikni davolash va uning profilaktikasi bo‘yicha yordam berish samaradorligini belgilovchi ko‘rsatkichlar
1.	Bemorlarni ambulatoriyada qabul qilish yuklamasi bajarilishi	Oyiga 450 ta qabul/qatnov	Oylik umumiy qatnovlar ------------------------------ x 100 450 x egallagan stavka	85 — 100%	20
				70 — 85%	10
				55 — 70%	5
				55% dan kam	0
2.	Bemorlarni uyga borib ko‘rish yuklamas bajarilishi	Oyiga 150 ta qatnov	Oylik uyga qatnovlar soni ------------------------------ x 100 150 x egallagan stavka	85 — 100%	10
				70 — 85%	7
				55 — 70%	5
				55% dan kam	0
II. Fertil yoshidagi ayollar, homilador va tuqqan ayollarga kasalliklar profilaktikasi bo‘yicha ko‘rsatilayotgan tibbiy yordam samaradorligini aniqlash ko‘rsatkichlari
1.	Homilador ayollarni tibbiy ko‘rikdan o‘tkazish	Homiladorlik davrida ayol 7-marta ko‘rilishi kerak	Homilador ayollar ko‘riklari soni ------------------------------ x 100 0,77 x hisobda turgan homilador ayollar soni	90 — 100	10
				70 — 90	7
				40 — 70	5
				40 dan kam	1
2.	Fertil yoshidagi ayollarni profilaktik ko‘riklar bilan qamrab olish	Fertil yoshidagi (15 — 49 yosh) ayollarni yiliga 1-marta profilaktik ko‘rikdan o‘tkazish	Profilaktik ko‘rikdan o‘tgan fertil yoshdagi ayollar soni x 12 ------------------------------ x 100 Fertil yoshidagi ayollar soni	90 — 100	15
				70 — 90	10
				40 — 70	5
				40 dan kam	1
3.	Tuqqan ayollar patronaji (tug‘ruqdan keyin 42 kun mobaynida)	Tuqqandan keyingi 42 kun mobaynida ayol vrach tomonidan 3-marta ko‘rilishi kerak	Tuqqandan keyin 42 kun mobaynida ko‘rilgan ayollar soni ------------------------------ x 100 Tuqqan ayollar soni (tuqqandan keyin 42 kun mobaynida) x 2,14	90 — 100	10
				70 — 90	7
				40 — 70	5
				40 dan kam	1
III. Bolalar orasida kasalliklar profilaktikasi bo‘yicha ko‘rsatilayotgan yordam samaradorligini aniqlovchi ko‘rsatkichlar va vaksinatsiya qilish
1.	1 — 18 yoshdagi bolalarni profilaktik ko‘riklar bilan qamrab olish	1 — 18 yoshdagi bolalarni yiliga 1-marta profilaktik ko‘riklardan o‘tkazish	Profilaktik ko‘rikdan o‘tgan 1 — 18 yoshdagi bolalar soni x 12 ------------------------------ x 100 1 — 18 yoshdagi bolalar soni	100	15
				80	10
				50	5
				0	1
2.	2 yoshgacha bolalarni vaksinatsiya bilan qamrab olish	2 yoshgacha bolalarni Milliy taqvimga asosan emlash	Shu oyda emlangan 2 yoshgacha bolalar soni ------------------------------ x 100 Emlanishi kerak bo‘lgan 2 yoshgacha bolalar soni	90 — 100	10
				70 — 90	7
				40 — 70	5
				40 dan kam	1
IV. Kasalliklar profilaktikasi va kasalliklar asoratlarining oldini olish bo‘yicha ko‘rsatilayotgan yordam samaradorligini belgilovchi ko‘rsatkichlar
1.	Surunkali kasalliklarga chalingan bemorlarning dispanser nazoratini amalga oshirish	Dispanserizatsiya rejasiga muvofiq surunkali kasallikka chalingan bemorlar ko‘rikdan o‘tkazilishini ta’minlash	Dispanserizatsiya rejasiga muvofiq ko‘rilgan surunkali kasallikka chalingan bemorlar soni ------------------------------ x 100 Ko‘rilishi lozim bo‘lgan surunkali kasallikka chalingan bemorlar soni	90 — 100	10
				70 — 90	7
				40 — 70	5
				40 dan kam	1
	Jami musbat ballar
V. Baholashning pirovard natijalariga salbiy ta’sir ko‘rsatuvchi ko‘rsatkichlar
1.	Aholining vrach ishidan tasdiqlangan shikoyatlari	Har bir tasdiqlangan holat	-	-	20
2.	Onkologik kasalliklarni kech birlamchi aniqlash (3-4 darajada)	Har bir kech aniqlangan holat	-	-	10
3.	Silga chalingan bemorlarni, shuningdek, sil asoratini kech aniqlash	Har bir kech aniqlangan holat	-	-	15
4.	Go‘daklar o‘limi	Har bir holat	-	-	15
5.	Onalar o‘limi	Har bir holat	-	-	30
6.	Homiladorlarni kech (12 haftadan keyin) hisobga olish	Kech hisobga olingan har bir holat			10
	Jami manfiy ballar
	Jami ballar (jami musbat ballar — jami manfiy ballar)

Tor ixtisoslik vrachlari faoliyati samaradorligini

baholash

T/r	Ko‘rsatkichlar	Yuklama me’yori	Ball	Yakuniy ball
Baholashning pirovard natijalariga salbiy ta’sir ko‘rsatuvchi ko‘rsatkichlar
1.	Aholi tomonidan vrach faoliyatiga shikoyatlarning mavjudligi	Har bir tasdiqlangan holat	30
2.	Yatrogeniya (bemorning salomatligiga zarar yetkazish) holatlarining mavjudligi	Har bir tasdiqlangan holat	30
3.	Surunkali kasalliklarning kech bosqichlarda yaqqol asoratlar bilan va dekompensatsiya bosqichida aniqlanishi	Har bir kech aniqlangan holat	20
4.	Ushbu ixtisoslikka tegishli kasallik bo‘yicha bemorlarning erta o‘limi	Har bir holat	20
	Jami manfiy ballar	-	-
Jami ballar (100 jami manfiy ballar ayirib tashlanadi)

Patronaj tibbiyot hamshirasi faoliyati samaradorligini

baholash

Oldingi tahrirga qarang.

T/r	Ko‘rsatkichlar	Yuklama me’yori	Hisoblash usuli	Bajarish, %	Baholash
I. Biriktirilgan aholi orasida kasalliklar profilaktikasi bo‘yicha bajarilgan ishlar hajmini belgilovchi ko‘rsatkichlar
1.	Uy xo‘jaliklarining tibbiy ijtimoiy holatini o‘rganish (patronaj)	Oyiga 144 ta xonadonga borish	Xonadonlarga qatnovlar soni ----------------------------------- x 100 144 x egallagan stavka	85 — 100	15
				72 — 84	10
				55 — 72	5
				55 dan kam	0
2.	Yolg‘iz keksalar, o‘zgalar parvarishiga muhtoj shaxslar va nogironlar patronaji	Har bir yolg‘iz keksani, o‘zgalar parvarishiga muhtoj shaxs va nogironni oyda 1-marta borib ko‘rish	yolg‘iz keksalar, o‘zgalar parvarishiga muhtoj shaxslar va nogironligi bo‘lgan shaxslarga qatnovlar soni ----------------------------------- x 100 Biriktirilgan aholi orasida yolg‘iz keksalar, o‘zgalar parvarishiga muhtoj shaxslar va nogironligi bo‘lgan shaxslar soni	85 — 100	10
				72 — 84	7
				55 — 72	5
				55 dan kam	0
II. Fertil yoshidagi ayollar, homilador ayollar va tuqqan ayollar orasida kasalliklar profilaktikasi bo‘yicha bajarilgan ishlar hajmini belgilovchi ko‘rsatkichlar
1.	Homiladorlarni uyga borib ko‘rish (patronaj)	Homiladorlarni oyda 1-marta uyga borib ko‘rish	Homiladorlarning uyiga qatnovlar soni ----------------------------------- x 100 Hisobda turgan homilador ayollar soni	100	15
				70	10
				40	5
				0	0
				80 dan kam	15
2.	Tuqqan ayollar patronaji (tuqqandan keyin 42 kun mobaynida)	Tuqqan ayollarni 42 kun ichida 3-marta ko‘rigi	Tuqqan ayollarga qatnov soni ----------------------------------- x 100 Tuqqan ayollar son (0 — 42 kun ichida) x 2,14	100	15
				75	10
				62	5
				62 dan kam	0
III. Bolalar orasida kasalliklar profilaktikasi bo‘yicha bajarilgan ishlar hajmini belgilovchi ko‘rsatkichlar
1.	1 yoshgacha bo‘lgan bolalarni uyga borib ko‘rish	1 yoshgacha bo‘lgan bolani oyda 1-marta uyga borib ko‘rish	1 yoshgacha bo‘lgan bolalarni uyga borib ko‘rish soni ----------------------------------- x 100 1 yoshgacha bolalar soni	100	15
				86 — 99,9	10
				71 — 86	5
				71 dan kam	0
2.	Nogironligi bo‘lgan bolalar patronaji	Nogironligi bo‘lgan bolani oyda 1-marta uyga borib ko‘rish	Nogironligi bo‘lgan bolalarga qatnovlar soni ----------------------------------- x 100 Nogironligi bo‘lgan bolar soni	100	15
				70 — 80	10
				50	5
				0	0
IV. Bolalarni vaksinatsiya qilish bo‘yicha bajarilgan ishlar hajmini belgilovchi ko‘rsatkichlar
1.	Vaksinatsiyadan keyin asoratlar va ta’sirni nazorat qilish	Vaksinatsiyadan keyin 3 kun mobaynida patronajni ta’minlash	Vaksinatsiyadan keyin 3 kun mobaynida patronaj bilan qamrab olingan bolalar soni ----------------------------------- x 100 Vaksinatsiya bilan qamrab olingan bolalar soni	95	15
				90 — 95	10
				80 — 90	5
				80 dan kam	0
	Jami musbat ballar			-
VI. Patronaj tibbiyot hamshiralari faoliyati samaradorligini baholashning yakuniy natijalariga salbiy ta’sir ko‘rsatuvchi sifat ko‘rsatkichlari (baholashining yakuniy ko‘rsatkichlaridan olib tashlanadigan salbiy ballar )
1.	Patronaj tibbiyot hamshirasi faoliyatidan aholining shikoyatlari mavjudligi, tibbiy odob-axloq va deontologiyaning buzilishi	Har bir holat	-		30
2.	Homiladorlarni kech muddatlarda (12 haftadan keyin) hisobga olish	Hisobga kech olingan har bir holat	-		20
3.	Onalar o‘limi holati	Har bir holat	-		20
4.	Go‘daklar o‘limi holati (1 yoshgacha bola)	Har bir holat	-		20
Jami manfiy ballar
Jami ballar (jami musbat ballar — jami manfiy ballar)

(5-ilova O‘zbekiston Respublikasi Vazirlar Mahkamasining 2022-yil 8-fevraldagi 62-sonli qarori tahririda — Qonunchilik ma’lumotlari milliy bazasi, 08.02.2022-y., 09/22/62/0111-son)

O‘rta tibbiyot xodimlari faoliyati samaradorligini

baholash
(patronaj tibbiyot hamshirasi bundan mustasno)

Oldingi tahrirga qarang.

T/r	Ko‘rsatkichlar	Yuklama me’yori	Ball	Yakuniy ball
Baholashning pirovard natijalariga salbiy ta’sir ko‘rsatuvchi ko‘rsatkichlar
1.	Aholi tomonidan vrach faoliyatiga shikoyatlarning mavjudligi, tibbiy odob-axloq va deontologiya qoidalarining buzilishi	Har bir tasdiqlangan holat	30
2.	Yatrogeniya (bemorning salomatligiga zarar yetkazish) holatlarining mavjudligi	Har bir tasdiqlangan holat	30
3.	Aseptika va antiseptika, sanitariya-gigiyenik talablarning buzilishi	Har bir tasdiqlangan holat	20
4.	Dori vositalari, reaktivlar, tibbiy jihozlarni qayd qilish, saqlash, ishlatish va hisobdan chiqarish qoidalarini buzish	Har bir holat	20
	Jami manfiy ballar
Jami ballar (100 jami manfiy ballar ayirib tashlanadi)

(6-ilova O‘zbekiston Respublikasi Vazirlar Mahkamasining 2026-yil 30-iyundagi 353-sonli qarori tahririda — Qonunchilik ma’lumotlari milliy bazasi, 03.07.2026-y., 09/26/353/0680-son)

Markaziy tuman (shahar) ko‘p tarmoqli poliklinikalari, shahar va qishloq oilaviy poliklinikalari, qishloq vrachlik punktlari faoliyati samaradorligini

baholash

T/r	Ko‘rsatkichlar	Hisoblash usuli	Bajarish, %	Ball	To‘plangan ballar
I. Tibbiyot xodimlari tomonidan funksional vazifalar bajarilishining miqdor ko‘rsatkichlari
1.	UAV funksional vazifalarining bajarilishi	6 oy mobaynida barcha UAV lar tomonidan to‘plangan ballar yig‘indisi ------------------------------------------- x 100 100 x jami UAVlar faoliyat ko‘rsatgan oylar yig‘indisi	85 — 100	20
			55-84	10
			55 dan kam	0
2.	Tor ixtisoslik vrachlari va boshqa o‘rta tibbiyot xodimlari funksional vazifalarining bajarilishi	Patronaj tibbiyot hamshirasidan tashqari barcha tor ixtisoslik vrachlari va boshqa o‘rta tibbiyot xodimlarining jami to‘plagan ballari yig‘indisi ------------------------------------------- x 100 100 x Patronaj tibbiyot hamshirasidan tashqari barcha tor ixtisoslik vrachlari va boshqa o‘rta tibbiyot xodimlarining faoliyat ko‘rsatgan oylari yig‘indisi	85 — 100	20
			55 — 84	10
			55 dan kam	0
3.	Patronaj tibbiyot hamshiralari funksional vazifalarining bajarilishi	6 oy mobaynida barcha patronaj tibbiyot hamshiralari tomonidan to‘plangan ballar yig‘indisi ------------------------------------------- x 100 100 x patronaj tibbiyot hamshiralari faoliyat ko‘rsatgan oylar yig‘indisi	85 — 100	20
			55 — 84	5
			55 dan kam	0
II. Sifat ko‘rsatkichlari: ijtimoiy ahamiyatli kasalliklarga kech tashxis qo‘yish, biriktirilgan aholiga qatnovlar dinamikasi
1.	Biriktirilgan aholini borib ko‘rish dinamikasi	Hisobot davrida mijozlarning qatnovlari soni ------------------------------------------- x 100 O‘tgan yilning hisobot davrida mijozlarni borib ko‘rishlar soni	100 dan ko‘p	10
			90 — 100	2
			90 dan kam	0
2.	Biriktirilgan aholi orasida onkologik kasalliklarni erta aniqlash	Hisobot davrida kasallikning 3-4 bosqichlarida aniqlangan bemorlar soni ------------------------------------------- x 100 O‘tgan yilning hisobot davrida kasallikka 3-4 bosqichlarda tashxis qo‘yilgan bemorlar soni	95 dan kam	10
			95 — 100	2
			100 dan ko‘p	0
3.	Biriktirilgan aholi orasida sil kasalliklarini erta aniqlash	Hisobot davrida kasallikka kech bosqichlarda tashxis qo‘yilgan silga chalingan bemorlar soni ------------------------------------------- x 100 O‘tgan yilning hisobot davrida kasallikka kech bosqichlarda tashxis qo‘yilgan silga chalingan bemorlar soni	95 dan kam	10
			95 — 100	2
			100 dan ko‘p	0
III. Biriktirilgan aholining salomatlik va kasallanishi ko‘rsatkichlari
1.	Aholining umumiy kasallanishi ko‘rsatkichi	Hisobot davrida umumiy kasallanish ko‘rsatkichi ------------------------------------------- x 100 O‘tgan yilning hisobot davrida umumiy kasallanish ko‘rsatkichi	95 dan kam	10
			95 — 100	5
			100 dan ko‘p	0
2.	Aholining birlamchi kasallanishi ko‘rsatkichi	Hisobot davrida birlamchi kasallanish ko‘rsatkichi ------------------------------------------- x 100 O‘tgan yilning hisobot davrida birlamchi kasallanish ko‘rsatkichi	95 dan kam	10
			95 — 100	5
			100 dan ko‘p	0
3.	Dispanser nazoratidagi bemorlarni sog‘lomlashtirish	Hisobot davrida sog‘lomlashgani sababli dispanser nazoratidan chiqarilgan bemorlar soni ------------------------------------------- x 100 O‘tgan yilning hisobot davrida sog‘lomlashgani sababli dispanser nazoratidan chiqarilgan bemorlar soni	100 dan ko‘p	10
			95 — 100	5
			95 dan kam	0
4.	Surunkali kasalligi bor bemorlarning dispanser nazorati	Dispanserizatsiya rejasiga muvofiq vrach qabuliga kelgan surunkali kasallikka chalingan bemorlar soni ------------------------------------------- x 100 O‘tgan yilning dispanserizatsiya rejasiga muvofiq vrach qabuliga kelgan surunkali kasallikka chalingan bemorlar soni	85 — 100	20
			70 — 85	5
			70 dan kam	0
	Jami musbat ballar
Ishning pirovard natijalariga salbiy ta’sir ko‘rsatuvchi ko‘rsatkichlar
1.	Aholining muassasa faoliyatiga shikoyatlari mavjudligi	-	Har bir tasdiqlangan holat uchun	3
2.	Onalar o‘limining mavjudligi	-	Har bir tasdiqlangan holat uchun	3
3.	Go‘daklar o‘limining mavjudligi	-	Har bir tasdiqlangan holat uchun	2
4.	Onkologik bemorlar kech bosqichlarda (3-4 darajalarda) birlamchi aniqlanishi	-	Har bir tasdiqlangan holat uchun	2
5.	Silga chalingan bemorlarni hamda sil asoratlarini kech aniqlash	-	Har bir tasdiqlangan holat uchun	2
	Jami salbiy ballar
	Jami ballar (jami musbat ballar — jami salbiy ballar)

‎20___ yil _______ choragida ___________ tumani tibbiyot birlashmasi ko‘p tarmoqli markaziy ‎poliklinikalari, shahar va qishloq oilaviy poliklinikalari, qishloq vrachlik punktlari ‎vrachlari va o‘rta tibbiyot xodimlari ish ko‘rsatkichlarining maxsus monitoring guruhi ‎tomonidan o‘rganib chiqilishi natijalari to‘g‘risida ‎MA’LUMOTNOMA
‎‎‎‎1. O‘rganish uchun asos		_________________________________________________________________(tibbiyot birlashmasining buyrug‘i raqami va sanasi)
‎‎‎‎2. O‘rganish obyekti		‎‎_________________________________________________________________(muassasa nomi)
3. O‘rganish sanasi va muddati		‎‎_________________________________________________________________ (tekshirish boshlangan kun va vaqt, tekshirish tamom bo‘lgan kun va vaqt)
‎‎4. O‘rganish guruhi tarkibi		_________________________________________________________________(guruh rahbari F.I.O. va lavozimi)
‎‎__________________________________________________________________________________________________ ‎(ishchi guruh a’zolari F.I.O. va lavozimi)
‎‎______________________________________________________________________________________________________________________________________________________________________________________________________________________________________________________________________________________________________
‎‎5. Asosiy qism	‎	‎	‎	‎	‎	‎	‎
__________________________________________________________________________________________________ (Nizomga 3,4,5,6,7- ilovalarga muvofiq o‘rganiladi va natijalar qayd qilinadi)
‎‎‎‎______________________________________________________________________________________________________________________________________________________________________________________________________________________________________________________________________________________________________
‎‎6. Xulosa	‎	‎	‎	‎	‎	‎	‎
‎‎__________________________________________________________________________________________________‎(har bir vrach va tibbiyot hamshirasi, umuman muassasaning uzil-kesil jami ballari)
‎‎‎‎‎‎____________________________________________________________________________________________________________________________________________________________________________________________________
Guruh raisi ‎F.I.O.		imzo	‎	‎	‎	‎	‎
‎‎Guruh a’zolari: F.I.O. ‎F.I.O. ‎F.I.O.		imzo‎ ‎imzo‎	‎	‎	‎	‎	‎
Muassasa rahbari F.I.O.		‎	‎	‎	‎	‎	‎
‎‎Ma’lumot imzolangan sana: ‎20____ yil “____” ___________		‎imzo‎‎	‎	‎	‎	‎	‎

(O‘zbekiston Respublikasi qonun hujjatlari to‘plami, 2017-y., 37-son, 1000-modda; Qonunchilik ma’lumotlari milliy bazasi, 20.11.2021-y., 09/21/694/1075-son, 08.02.2022-y., 09/22/62/0111-son, 05.04.2022-y., 09/22/153/0266-son; 30.01.2025-y., 09/25/48/0093-son; 03.07.2026-y., 09/26/353/0680-son)