toggle_night_mode
Hujjat kuchini yo‘qotgan 26.11.2025
O‘zbekiston Respublikasi Prezidentining
Farmoni
O‘zbekiston Respublikasi Prezidentining ayrim hujjatlarini o‘z kuchini yo‘qotgan deb hisoblash to‘g‘risida
 LexUZ sharhi
Mazkur Farmon O‘zbekiston Respublikasi Prezidentining 2025-yil 25-noyabrdagi PF-231-sonli “Qonunchilikdagi huquqiy bo‘shliqlarni bartaraf etish va tartibga solish yukini kamaytirish to‘g‘risida”gi Farmoniga asosan o‘z kuchini yo‘qotgan.
Paxta tozalash va yog‘-moy sanoati korxonalarini boshqarish tizimini yanada optimallashtirish va takomillashtirish maqsadida:
1. Quyidagilar:
O‘zbekiston Respublikasi Prezidentining “O‘zpaxtasanoateksport” xolding kompaniyasini tashkil etish to‘g‘risida” 2015-yil 27-oktabrdagi PF-4761-son Farmoni;
O‘zbekiston Respublikasi Prezidentining “O‘zpaxtasanoateksport” xolding kompaniyasi faoliyatini tashkil etish chora-tadbirlari to‘g‘risida” 2015-yil 28-oktabrdagi PQ-2422-son hamda “O‘zpaxtasanoateksport” xolding kompaniyasi va uning tarkibiga kiruvchi aksiyadorlik birlashmalari faoliyatini ta’minlash bo‘yicha tashkiliy chora-tadbirlar to‘g‘risida” 2015-yil 3-noyabrdagi PQ-2427-son qarorlari o‘z kuchini yo‘qotgan deb hisoblansin.
2. “O‘zpaxtasanoateksport” xolding kompaniyasini tugatish bilan bog‘liq kompleks tashkiliy chora-tadbirlarni ishlab chiqish hamda amalga oshirish, shuningdek paxta tozalash va yog‘-moy sanoati korxonalarini boshqarishni tashkil etish bo‘yicha takliflar tayyorlash maqsadida ilovaga muvofiq tarkibda Komissiya tuzilsin.
Komissiya (Z.T. Mirzayev) 15 kun muddatda tegishli vazirliklar va idoralar bilan birgalikda zarur kompleks chora-tadbirlar va takliflar ishlab chiqsin hamda taqdim etsin.
3. Ushbu Farmonning bajarilishini nazorat qilish O‘zbekiston Respublikasining Bosh vaziri A.N. Aripov zimmasiga yuklansin.
O‘zbekiston Respublikasi Prezidenti Sh. MIRZIYOYEV
Toshkent sh.,
2017-yil 17-oktabr,
PF-5206-son
O‘zbekiston Respublikasi Prezidentining 2017-yil 17-oktabrdagi PF-5206-son Farmoniga
ILOVA
“O‘zpaxtasanoateksport” xolding kompaniyasini tugatish bilan bog‘liq kompleks chora-tadbirlarni ishlab chiqish va amalga oshirish bo‘yicha komissiya
TARKIBI

1.

Mirzayev Z.T.

—

Bosh vazir o‘rinbosari — Qishloq va suv xo‘jaligi vaziri, Komissiya raisi

2.

Kamalov A.S.

—

“O‘zpaxtasanoateksport” xolding kompaniyasi raisi, Komissiya raisining o‘rinbosari

3.

Rasulov M.R.

—

“O‘zpaxtasanoat” AJ bosh direktori vazifasini bajaruvchi

4.

Kadirov J.D.

—

“O‘zpaxtaeksport” AJ bosh direktori

5.

Salixov M.M.

—

“O‘zpaxtayog‘” AJ bosh direktori

6.

Saidova G.K.

—

Iqtisodiyot vaziri

7.

Gulyamov R.A.

—

Xususiylashtirilgan korxonalarga ko‘maklashish va raqobatni rivojlantirish davlat qo‘mitasi raisi

8.

G‘aniyev E.M.

—

Tashqi savdo vaziri

9.

Xodjayev B.A.

—

Moliya vaziri

10.

Davletov R.K.

—

Adliya vaziri

11.

Xodjayev S.S.

—

“Agrobank” ATB boshqaruvi raisi

12.

Mirzayev Sh.

—

Vazirlar Mahkamasi huzuridagi Qishloq xo‘jaligi mahsulotlarining davlat xaridi va qishloq xo‘jaligini texnika bilan jihozlashni maqsadli moliyalashtirish jamg‘armasining ijro etuvchi direktori

13.

Yusupov B.T.

—

O‘zbekiston fermer, dehqon xo‘jaliklari va tomorqa yer egalari kengashi raisi

(Qonun hujjatlari ma’lumotlari milliy bazasi, 18.10.2017-y., 06/17/5206/0138-son)