Oʻzbekiston Respublikasi Moliya vazirligi Oʻzbekiston Respublikasi Davlat soliq qoʻmitasining
Qarori
“Oʻztransgaz” AJning hududiy gaz taʼminoti korxonalari tomonidan isteʼmolchilarga (aholidan tashqari) sotilgan gaz uchun qoʻshilgan qiymat soligʻini hisoblash va toʻlash tartibi toʻgʻrisidagi nizomni tasdiqlash haqida
[Oʻzbekiston Respublikasi Adliya vazirligi tomonidan 2017-yil 25-avgustda roʻyxatdan oʻtkazildi, roʻyxat raqami 2917]
LexUZ sharhi
Mazkur qaror Oʻzbekiston Respublikasi adliya vazirining 2021-yil 2-dekabrdagi 21-mh-sonli “Ayrim idoraviy normativ-huquqiy hujjatlarni idoraviy normativ-huquqiy hujjatlarning davlat reyestridan chiqarish toʻgʻrisida”gi buyrugʻiga (roʻyxat raqami 3340, 03.12.2021-y.) asosan davlat reyestridan chiqarilgan.
Oʻzbekiston Respublikasi Prezidentining 2017-yil 7-iyundagi PF-5075-son “Mahalliy budjetlarni shakllantirishda joylardagi davlat hokimiyati organlarining vakolatlarini kengaytirish chora-tadbirlari toʻgʻrisida”gi Farmoniga muvofiq Oʻzbekiston Respublikasi Moliya vazirligi va Davlat soliq qoʻmitasi qaror qiladi:
1. “Oʻztransgaz” AJning hududiy gaz taʼminoti korxonalari tomonidan isteʼmolchilarga (aholidan tashqari) sotilgan gaz uchun qoʻshilgan qiymat soligʻini hisoblash va toʻlash tartibi toʻgʻrisidagi nizom ilovaga muvofiq tasdiqlansin.
2. Mazkur qaror rasmiy eʼlon qilingan kundan eʼtiboran kuchga kiradi.
Moliya vaziri B. XODJAYEV
Toshkent sh.,
2017-yil 7-avgust,
122-son
Davlat soliq qoʻmitasi raisi B. PARPIYEV
Toshkent sh.,
2017-yil 7-avgust,
2017-42-son
Oʻzbekiston Respublikasi Moliya vazirligi va Davlat soliq qoʻmitasining 2017-yil 7-avgustdagi 122 va 2017-42-son qaroriga ILOVA
“Oʻztransgaz” AJning hududiy gaz taʼminoti korxonalari tomonidan isteʼmolchilarga (aholidan tashqari) sotilgan gaz uchun qoʻshilgan qiymat soligʻini hisoblash va toʻlash tartibi toʻgʻrisidagi
NIZOM
1-bob. Umumiy qoidalar
1. Ushbu Nizom Oʻzbekiston Respublikasi Soliq kodeksi va Oʻzbekiston Respublikasi Prezidentining 2017-yil 7-iyundagi PF-5075-son “Mahalliy budjetlarni shakllantirishda joylardagi davlat hokimiyati organlarining vakolatlarini kengaytirish chora-tadbirlari toʻgʻrisida”gi Farmoniga asosan “Oʻztransgaz” AJning hududiy gaz taʼminoti korxonalari (bundan buyon matnda gaz taʼminoti korxonalari deb yuritiladi) tomonidan isteʼmolchilarga (aholidan tashqari) sotilgan gaz uchun qoʻshilgan qiymat soligʻini hisoblash va toʻlash tartibini belgilaydi.
Ushbu Nizom talablari gaz taʼminoti korxonalari tomonidan aholiga sotilgan gaz hajmiga tatbiq etilmaydi.
2. Gaz taʼminoti korxonalari tomonidan isteʼmolchilarga (aholidan tashqari)sotilgan gaz uchun qoʻshilgan qiymat soligʻini toʻlash uni sotish joyida amalga oshiriladi.
2-bob. Gaz taʼminoti korxonalari tomonidan isteʼmolchilarga (aholidan tashqari) sotilgan gaz uchun qoʻshilgan qiymat soligʻini hisoblash va toʻlashning oʻziga xos xususiyatlari
3. Isteʼmolchilariga (aholidan tashqari)sotilgan gaz uchun qoʻshilgan qiymat soligʻi sotilgan gazning hajmida har bir gaz taʼminoti korxonasiga toʻgʻri keladigan ulushidan kelib chiqib hisoblanadi.
Bunda, hisobga olinadigan qoʻshilgan qiymat soligʻi “Oʻztransgaz” AJ tomonidan soliq boʻyicha hisobga olingan joy boʻyicha taqdim etiladigan qoʻshilgan qiymat soligʻi hisob-kitobida aks ettiriladi.
“Oʻztransgaz” AJ tomonidan taqdim etiladigan qoʻshilgan qiymat soligʻi hisob-kitobiga mazkur Nizomning 1-ilovasiga muvofiq shaklda Isteʼmolchilarga (aholidan tashqari) sotilgan gaz hajmida gaz taʼminoti korxonalarining ulushi toʻgʻrisida maʼlumotnoma ilova qilinadi.
4. Gaz taʼminoti korxonasi gaz sotilgan joydagi davlat soliq xizmati organida soliq hisobotlari taqdim etish muddatidan kechikmasdan qoʻshilgan qiymat soligʻi toʻlovchisi sifatida hisobdan oʻtishi shart.
5. Gaz sotilgan joy boʻyicha qoʻshilgan qiymat soligʻi hisob-kitobini taqdim etish va toʻlash Oʻzbekiston Respublikasi Soliq kodeksida belgilangan muddatlarda amalga oshiriladi.
Bunda, gaz taʼminoti korxonasi soliq boʻyicha hisobga olingan joyga mazkur Nizomning 2-ilovasiga muvofiq Gaz taʼminoti korxonasi tomonidan isteʼmolchilarga(aholidan tashqari) sotilgan gaz boʻyicha toʻlanishi lozim boʻlgan qoʻshilgan qiymat soligʻi hisob-kitobini hamda Isteʼmolchilarga (aholidan tashqari) sotilgan gaz hajmida gaz taʼminoti korxonalarining ulushi toʻgʻrisida maʼlumotnoma nusxasini taqdim etadi.
3-bob. Soliq toʻlovchilarning javobgarligi va davlat soliq xizmati organlari tomonidan amalga oshiriladigan nazorat
6. “Oʻztransgaz” AJ va gaz taʼminoti korxonalari qonun hujjatlariga muvofiq isteʼmolchilarga sotilgan gaz uchun qoʻshilgan qiymat soligʻini sotilgan joyi boʻyicha toʻgʻri hisoblanishi va toʻlanishi uchun javobgar hisoblanadi.
7. Mazkur Nizom talablarining buzilishida aybdor boʻlgan shaxslar qonun hujjatlarida belgilangan tartibda javobgarlikka tortiladilar.
8. Davlat soliq xizmati organlari mazkur Nizomga asosan qoʻshilgan qiymat soligʻini toʻgʻri hisoblanishi va toʻlanishi, shuningdek gaz taʼminoti korxonalarini soliq toʻlovchi sifatida hisobga qoʻyish boʻyicha nazoratni amalga oshiradilar.
9. Mazkur Nizom “Oʻztransgaz” AJ bilan kelishilgan.
“Oʻztransgaz” AJ boshqaruvi raisi A. MUSTAFAYEV
2017-yil 7-avgust
“Oʻztransgaz” AJning hududiy gaz taʼminoti korxonalari tomonidan isteʼmolchilarga (aholidan tashqari) sotilgan gaz uchun qoʻshilgan qiymat soligʻini hisoblash va toʻlash tartibi toʻgʻrisidagi nizomga 1-ILOVA
“Oʻztransgaz” AJ ______________________________________________________________
Isteʼmolchilarga (aholidan tashqari) sotilgan gaz hajmida gaz taʼminoti korxonalarining ulushi toʻgʻrisida MAʼLUMOTNOMA
Hududlar
Sotilgan gaz hajmi
Sotilgan gazning umumiy hajmdagi ulushi
Korxona boʻyicha toʻlash uchun hisoblangan QQS summasi
Gazning sotilgan joyi boʻyicha toʻlanishi lozim boʻlgan QQS summasi
ming.m3
ming.soʻm
“Oʻztransgaz” AJ boʻyicha jami
X
shu jumladan:
X
X
X
X
X
Qoraqalpogʻiston Respublikasi gaz taʼminoti korxonasi
X
Andijon viloyati gaz taʼminoti korxonasi
X
Buxoro viloyati gaz taʼminoti korxonasi
X
Jizzax viloyati gaz taʼminoti korxonasi
X
Qashqadaryo viloyati gaz taʼminoti korxonasi
X
Navoiy viloyati gaz taʼminoti korxonasi
X
Namangan viloyati gaz taʼminoti korxonasi
X
Samarqand viloyati gaz taʼminoti korxonasi
X
Surxondaryo viloyati gaz taʼminoti korxonasi
X
Sirdaryo viloyati gaz taʼminoti korxonasi
X
Toshkent viloyati gaz taʼminoti korxonasi
X
Fargʻona viloyati gaz taʼminoti korxonasi
X
Xorazm viloyati gaz taʼminoti korxonasi
X
Toshkent shahri gaz taʼminoti korxonasi
X
“Oʻztransgaz” AJ markaziy apparati boʻyicha
X
Rahbari
__________________
_____________
Bosh hisobchi
__________________
_____________
“Oʻztransgaz” AJning hududiy gaz taʼminoti korxonalari tomonidan isteʼmolchilarga (aholidan tashqari) sotilgan gaz uchun qoʻshilgan qiymat soligʻini hisoblash va toʻlash tartibi toʻgʻrisidagi nizomga 2-ILOVA
Manzili _________________________________________________
STIR ______________________
Gaz taʼminoti korxonasi tomonidan isteʼmolchilarga (aholidan tashqari) sotilgan gaz boʻyicha toʻlanishi lozim boʻlgan qoʻshilgan qiymat soligʻi HISOB-KITOBI
Hududlar
Sotilgan gaz hajmi
Sotilgan gazning umumiy hajmdagi ulushi
Korxona boʻyicha toʻlash uchun hisoblangan QQS summasi
Gazning sotilgan joyi boʻyicha toʻlanishi lozim boʻlgan QQS summasi
ming.m3
ming.soʻm
“Oʻztransgaz” AJ boʻyicha jami
X
shu jumladan:
X
X
X
X
X
X
Rahbari
__________________
_____________
Bosh hisobchi
__________________
_____________
(Oʻzbekiston Respublikasi qonun hujjatlari toʻplami, 2017-y., 34-son, 909-modda)
LexUZ sharhi