Norasmiy tarjima
O‘zbekiston Respublikasi Prezidentining
Qarori
O‘zbekiston ijodkorlarini qo‘llab-quvvatlash “Ilhom” jamoat fondini tashkil etish to‘g‘risida
Jamiyatimiz hayotida, yosh avlodni Vatanga muhabbat, milliy va umuminsoniy qadriyatlar ruhida tarbiyalashda madaniyat, san’at va ommaviy axborot vositalarining o‘rni va ahamiyati tobora ortib borayotganini hisobga olgan holda, mamlakatimiz ijodkor ziyolilarining salohiyatini to‘liq ro‘yobga chiqarish uchun ularni har tomonlama qo‘llab-quvvatlash hamda zarur sharoit va imkoniyat yaratish, shuningdek, O‘zbekiston Bastakorlar uyushmasi, O‘zbekiston Badiiy akademiyasi huzuridagi Rassomlar ijodiy birlashmasi (keyingi o‘rinlarda — O‘zbekiston Rassomlar ijodiy birlashmasi), O‘zbekiston Teatr arboblari uyushmasi va O‘zbekiston Jurnalistlari ijodiy uyushmasining moddiy-texnik bazasini mustahkamlash maqsadida:
1. O‘zbekiston Respublikasi Madaniyat vazirligi, O‘zbekiston Bastakorlar uyushmasi, O‘zbekiston Rassomlar ijodiy birlashmasi, O‘zbekiston Teatr arboblari uyushmasi va O‘zbekiston Jurnalistlari ijodiy uyushmasining O‘zbekiston ijodkorlarini qo‘llab-quvvatlash “Ilhom” jamoat fondini (keyingi o‘rinlarda — Fond) tashkil etish to‘g‘risidagi taklifi qabul qilinsin.
2. Quyidagilar Fondning asosiy vazifalari etib belgilansin:
O‘zbekistonda madaniyat, san’at va jurnalistikani rivojlantirish uchun mablag‘ ajratish va yo‘naltirish, bu borada tegishli dastur va loyihalarni amalga oshirish;
Oldingi tahrirga qarang.
O‘zbekiston kompozitorlari va bastakorlari uyushmasi hamda Qoraqalpog‘iston kompozitorlari va bastakorlari uyushmasi, Rassomlar ijodiy birlashmasi, Teatr arboblari uyushmasi va Jurnalistlar uyushmasini moddiy ta’minlash va ularning faoliyati bilan bog‘liq sarf-xarajatlarni moliyalashtirish, mazkur uyushmalar a’zolari bo‘lgan va sohani rivojlantirishga munosib hissa qo‘shgan faxriylarga manzilli moddiy yordam ko‘rsatish;
(2-bandining uchinchi xatboshisi O‘zbekiston Respublikasi Prezidentining 2022-yil 27-iyundagi PQ-294-son qarori tahririda — Qonunchilik ma’lumotlari milliy bazasi, 28.06.2022-y., 07/22/294/0567-son)
Fond tomonidan moliyalashtiriladigan muassasalarning moddiy-texnik bazasini izchil mustahkamlab borish, uning tasarrufidagi mulkni boshqarish, Fond ustavida belgilangan vazifalarni amalga oshirishda mablag‘lardan maqsadli va samarali foydalanish.
3. O‘zbekiston ijodkorlarini qo‘llab-quvvatlash “Ilhom” jamoat fondining Vasiylik kengashi tarkibi 1-ilovaga muvofiq;
O‘zbekiston ijodkorlarini qo‘llab-quvvatlash “Ilhom” jamoat fondining tashkiliy tuzilmasi 2-ilovaga muvofiq tasdiqlasin.
Belgilab qo‘yilsinki, Fondning Vasiylik kengashi tomonidan lavozimga tayinlanadigan va ozod qilinadigan ijrochi direktor rahbarlik qiladigan Ijroiya direksiyasi Fondning ijro organi hisoblanadi.
Fondning Vasiylik kengashi raisiga Fond tomonidan moliyalashtiriladigan muassasalar tuzilmasiga, xodimlarning cheklangan soni va mehnatga haq to‘lash fondi doirasida o‘zgartirishlar kiritish huquqi berilsin.
4. Fondning Vasiylik kengashi (A. Aripov):
Fond daromad va xarajatlari bo‘yicha prognoz ko‘rsatkichlarni har yili tasdiqlasin;
Fond mablag‘laridan foydalanishning asosiy yo‘nalishlarini belgilasin va tasdiqlasin;
Fond zimmasiga yuklangan vazifalarni amalga oshirish uchun manfaatdor davlat, nodavlat va jamoat tashkilotlarini, shuningdek, homiylarni jalb etsin;
Fond Ijroiya direksiyasining daromadlari, xarajatlari asosli ekani va mablag‘lardan maqsadli foydalanish bo‘yicha faoliyati tizimli nazorat qilinishini ta’minlasin.
5. Quyidagilar fond mablag‘larini shakllantirish manbalari etib belgilansin:
Oldingi tahrirga qarang.
Fondga O‘zbekiston Bastakorlar uyushmasi Rassomlar ijodiy birlashmasi, Teatr arboblari uyushmasi va Jurnalistlar uyushmasi hududiy bo‘limlarining xodimlari mehnatga haq to‘lash bo‘yicha xarajatlarni moliyalashtirish uchun ajratiladigan budjet mablag‘lari (subsidiyalar);
(5-bandining ikkinchi xatboshisi O‘zbekiston Respublikasi Prezidentining 2022-yil 27-iyundagi PQ-294-son qarori tahririda — Qonunchilik ma’lumotlari milliy bazasi, 28.06.2022-y., 07/22/294/0567-son)
Fond ixtiyoriga o‘tkaziladigan ijod uylarini ijaraga berish va Fondning vaqtincha bo‘sh turgan mablag‘larini joylashtirishdan tushadigan daromadlar;
yuridik va jismoniy shaxslarning xayriya mablag‘lari;
qonunchilikda taqiqlanmagan boshqa manbalar.
6. O‘zbekiston “Mahalla” xayriya jamoat fondining Fond hisob raqamiga 7 milliard so‘mni xayriya asosida o‘tkazish to‘g‘risida;
O‘zbekiston Respublikasi Moliya vazirligi, Bosh prokuratura, Adliya vazirligi, Oliy sudning Fondga noqonuniy yo‘l bilan topilgan va musodara etilgan daromadlar hisobidan 13 milliard so‘m yo‘naltirish to‘g‘risidagi tashabbuslari ma’qullansin.
7. Belgilansinki, Fond tomonidan moliyalashtiriladigan muassasalar xodimlari mehnatga haq to‘lash va ularni moddiy rag‘batlantirish tartibi Fondning Vasiylik kengashi tomonidan O‘zbekiston Respublikasi Bandlik va mehnat munosabatlari vazirligi hamda Moliya vazirligi bilan kelishilgan holda o‘rnatiladi.
8. Fond va u moliyalashtiradigan muassasalar 2022-yil 1-yanvarga qadar barcha soliqlar, shuningdek, davlat maqsadli fondlariga majburiy to‘lovlardan ozod qilinsin.
Ushbu imtiyozlar taqdim etilishi munosabati bilan bo‘shaydigan mablag‘lar faqat Fond zimmasiga yuklatilgan vazifalarni amalga oshirishga yo‘naltirilishi belgilab qo‘yilsin.
9. O‘zbekiston Badiiy akademiyasining Toshkent viloyati, Bo‘stonliq tumani, Soyliq qishlog‘i manzili bo‘yicha joylashgan “Oqtosh” ijod uyi Fond tomonidan moliyalashtiriladigan ijodiy uyushmalar va birlashmalar a’zolarining to‘laqonli dam olishi uchun sharoitlar yaratish maqsadida Fond boshqaruviga o‘tkazilsin.
Fondning Ijroiya direksiyasi Fond boshqaruviga o‘tkaziladigan mulkdan samarali va maqsadli foydalanishni ta’minlasin.
Oldingi tahrirga qarang.
10. O‘zbekiston Respublikasi Moliya vazirligi 2017-yilning 1-oktabridan boshlab Fondga O‘zbekiston Bastakorlar uyushmasi, Rassomlar ijodiy birlashmasi, Teatr arboblari uyushmasi va Jurnalistlar uyushmasi hududiy bo‘limlarining xodimlar mehnatiga haq to‘lash bo‘yicha xarajatlarni moliyalashtirish uchun budjetdan mablag‘lar (subsidiyalar) ajratsin.
(10-bandining birinchi xatboshisi O‘zbekiston Respublikasi Prezidentining 2022-yil 27-iyundagi PQ-294-son qarori tahririda — Qonunchilik ma’lumotlari milliy bazasi, 28.06.2022-y., 07/22/294/0567-son)
Belgilab qo‘yilsinki, Fondning mablag‘lari mazkur qarorning 9-bandida ko‘rsatilgan muassasaning sarf-xarajatlarini qoplash uchun ham ajratiladi.
11. Vasiylik kengashi:
bir oy muddatda Fond ustavi, shuningdek, Fond mablag‘larini shakllantirish to‘g‘risidagi Nizom va ulardan foydalanish tartibini;
ikki oy muddatda mazkur qarorning 9-bandida qayd etilgan Ijod uyining kotejlari va mehmonxonalarini O‘zbekiston Bastakorlar uyushmasi, Rassomlar ijodiy birlashmasi, Teatr arboblari uyushmasi va Jurnalistlar ijodiy uyushmasi a’zolariga ular ijod qilish uchun borganlarida berish tartibi to‘g‘risidagi Nizomni ishlab chiqsin va o‘rnatilgan tartibda tasdiqlasin.
12. Fondning Ijroiya direksiyasi O‘zbekiston Yozuvchilar uyushmasining Toshkent shahar, Alisher Navoiy nomidagi milliy bog‘ hududidagi binosida joylashtirilsin.
13. O‘zbekiston Respublikasi Madaniyat vazirligi, O‘zbekiston Badiiy akademiyasi boshqa manfaatdor vazirlik va idoralar bilan hamkorlikda bir oy muddatda amaldagi qonunchilikka ushbu qarordan kelib chiqadigan o‘zgartirish va qo‘shimchalar kiritish haqida O‘zbekiston Respublikasi Vazirlar Mahkamasiga takliflar kiritsin.
14. Mazkur qarorning ijrosini nazorat qilish uchun O‘zbekiston Respublikasi Bosh vaziri A.N. Aripov zimmasiga yuklansin.
O‘zbekiston Respublikasi Prezidenti Sh. MIRZIYOYEV
Toshkent sh.,
2017-yil 9-avgust,
PQ-3184-son
O‘zbekiston Respublikasi Prezidentining 2017-yil 9-avgustdagi PQ-3184-son qaroriga
1-ILOVA
1-ILOVA
O‘zbekiston ijodkorlarini qo‘llab-quvvatlash “Ilhom” fondining Vasiylik kengashi
TARKIBI
Oldingi tahrirga qarang.
|
A.N. Aripov |
— |
O‘zbekiston Respublikasining Bosh vaziri, Vasiylik kengashi raisi |
|
lavozim bo‘yicha |
— |
O‘zbekiston Respublikasi Prezidentining maslahatchisi |
|
K.K. Kuranbayev |
— |
O‘zbekiston Respublikasi Prezidenti maslahatchisining birinchi o‘rinbosari, O‘zbekiston Yoshlar ittifoqi raisi |
|
R.T. Mamatov |
— |
O‘zbekiston Respublikasi mahalla va oilani qo‘llab-quvvatlash vaziri |
|
M.M. Muratov |
— |
O‘zbekiston Respublikasi madaniyat vaziri |
|
I.U. Madjidov |
— |
O‘zbekiston Respublikasi oliy va o‘rta maxsus ta’lim vaziri |
|
U.I. Inoyatov |
— |
O‘zbekiston Respublikasi xalq ta’lim vaziri |
|
A.A. Karimov |
— |
O‘zbekiston Respublikasi moliya vaziri o‘rinbosari |
|
L.X. Tangriyev |
— |
O‘zbekiston Matbuot va axborot agentligi bosh direktori |
|
B.S. Yuldashev |
— |
O‘zbekiston Respublikasi Fanlar akademiyasi prezidenti |
|
A.V. Nuridinov |
— |
O‘zbekiston Badiiy akademiyasi raisi, O‘zbekiston Rassomlar ijodiy birlashmasi raisi |
|
M. Xazratkulov |
— |
O‘zbekiston Milliy axborot agentligi bosh direktori |
|
X.M. Mirzaxidov |
— |
O‘zbekiston Milliy teleradiokompaniyasi raisi |
|
M.A.Axmedov |
— |
O‘zbekiston Yozuvchilar uyushmasi raisi |
|
S. Xakimov |
— |
O‘zbekiston Jurnalistlar uyushmasi raisi |
|
R. Abdullayev |
— |
O‘zbekiston kompozitorlari va bastakorlari uyushmasi raisi |
|
lavozim bo‘yicha |
— |
O‘zbekiston teatr arboblari uyushmasi raisi |
|
Sh.S. Javlonov |
— |
O‘zbekiston “Mahalla” xayriya jamoat fondi raisi |
|
M. Toirov |
— |
O‘zbekiston xalq shoiri |
|
M. Bafoyev |
— |
O‘zbekistonda xizmat ko‘rsatgan san’at arbobi, kompozitor |
|
M. Yo‘lchiyeva |
— |
O‘zbekiston xalq artisti |
|
E. Kamilov |
— |
O‘zbekiston xalq artisti |
|
Sh. Jabborov |
— |
O‘zbekistonda xizmat ko‘rsatgan jurnalist |
|
R. Xudoyberganov |
— |
O‘zbekiston xalq rassomi |
Izoh. Vasiylik kengashi a’zolari boshqa ishga o‘tgan taqdirda, uning tarkibiga ushbu lavozimlarga yangi tayinlangan yoki zimmasiga tegishli funksiyalarni bajarish yuklatilgan shaxslar kiritiladi.
(1-ilova O‘zbekiston Respublikasi Prezidentining 2022-yil 27-iyundagi PQ-294-son qarori tahririda — Qonunchilik ma’lumotlari milliy bazasi, 28.06.2022-y., 07/22/294/0567-son)
O‘zbekiston Respublikasi Prezidentining 2017-yil 9-avgustdagi PQ-3184-son qaroriga
2-ILOVA
2-ILOVA
O‘zbekiston ijodkorlarini qo‘llab-quvvatlash “Ilhom” fondining
tashkiliy tuzilmasi
Ijroiya direksiyasi xodimlarining cheklangan soni — 10 nafar shu jumladan boshqaruv xodimlari — 5 nafar.
Xizmat ko‘rsatuvchi va texnik xodimlar soni o‘rnatilgan me’yorlarga muvofiq belgilanadi
(O‘zbekiston Respublikasi qonun hujjatlari to‘plami, 2017-y., 33-son, 836-modda; Qonun hujjatlari ma’lumotlari milliy bazasi, 05.04.2018-y., 06/18/5398/1004-son; 11.12.2019-y., 06/19/5892/4134-son; 17.03.2021-y., 06/21/6188/0216-son; 28.06.2022-y., 07/22/294/0567-son)
