Oʻzbekiston Respublikasi Prezidentining “Yoshlarga oid davlat siyosati samaradorligini oshirish va Oʻzbekiston yoshlar ittifoqi faoliyatini qoʻllab-quvvatlash toʻgʻrisida” 2017-yil 5-iyuldagi PF-5106-son Farmonida belgilangan vazifalarning ijrosini taʼminlash maqsadida Vazirlar Mahkamasi qaror qiladi:

1. Vazirlar Mahkamasining 2008-yil 1-avgustdagi 165-son qarori (Oʻzbekiston Respublikasi QHT, 2008-y., 31-32-son, 303-modda) bilan tasdiqlangan Oʻrta maxsus, kasb-hunar taʼlimi muassasasining direktor jamgʻarmasi toʻgʻrisidagi nizomga ilovaga muvofiq qoʻshimchalar kiritilsin.

2. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

3. Mazkur qarorning bajarilishini nazorat qilish Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi direktori M.M. Xolmuxamedov zimmasiga hamda Vazirlar Mahkamasining Taʼlim, ilm-fan va yoshlar siyosati masalalari axborot-tahlil departamentiga yuklansin.

1. Quyidagi mazmundagi 20¹-band bilan toʻldirilsin:

“20¹. Oʻrta maxsus, kasb-hunar taʼlimi muassasalarida “Yoshlar yetakchisi” vazifasi yuklangan oʻqituvchiga (xodimga) oʻrta maxsus, kasb-hunar taʼlimi muassasasining direktor jamgʻarmasi mablagʻlari hisobidan oliy maʼlumotli oʻqituvchi bazaviy tarif stavkasining 50 foizi miqdorida har oylik ustama belgilanadi”.

2. 21-banddagi “ishlab chiqarish taʼlimi ustalarining” soʻzlaridan keyin “hamda “Yoshlar yetakchisi” vazifasi yuklangan oʻqituvchining (xodimning)” soʻzlari qoʻshilsin.