toggle_night_mode
Hujjat kuchini yo‘qotgan 10.08.2023
Hujjat 13.06.2017 sanasi holatiga
Amaldagi versiyaga o‘tish
Oʻzbekiston Respublikasi Prezidentining
Qarori
Oʻzbekiston Respublikasi Davlat geologiya va mineral resurslar qoʻmitasi tizimida yagona geologiya xizmatini tashkil etish chora-tadbirlari toʻgʻrisida
 LexUZ sharhi
Mazkur qaror Oʻzbekistan Respublikasi Prezidentining 2023-yil 27-iyuldagi PF-116-sonli “Maʼmuriy islohotlar doirasida togʻ-kon sanoati va geologiya sohasida davlat boshqaruvini samarali tashkil etish chora-tadbirlari toʻgʻrisida”gi Farmoniga asosan oʻz kuchini yoʻqotgan.
Yer qaʼrini kompleks geologik oʻrganish sohasida yagona davlat siyosatini amalga oshirish hamda uzoq muddatli istiqbolga moʻljallangan mineral-xomashyo bazasini rivojlantirish va qayta toʻldirish davlat dasturlarining samarali bajarilishini taʼminlash maqsadida:
1. Oʻzbekiston Respublikasi Davlat geologiya va mineral resurslar qoʻmitasi (keyingi oʻrinlarda — Davlat geologiya qoʻmitasi), Oʻzbekiston Respublikasi Iqtisodiyot vazirligi, Moliya vazirligi, Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, “Navoiy KMK” DK va “Olmaliq KMK” AJ ning Oʻzbekiston Respublikasi Davlat geologiya va mineral resurslar qoʻmitasi tizimida uning tarkibiga “Navoiy KMK” DK ning “Qimmatbaho metallar va uran geologiyasi” Ilmiy-ishlab chiqarish markazi va “Olmaliq KMK” AJ ning “Rangli metallar geologiyasi” Ilmiy-ishlab chiqarish markazini berish orqali yagona geologiya xizmatni tashkil etish toʻgʻrisidagi takliflariga rozilik berilsin.
2. “Navoiy KMK” DK ning “Qimmatbaho metallar va uran geologiyasi” Ilmiy-ishlab chiqarish markazi va “Olmaliq KMK” AJ ning “Rangli metallar geologiyasi” Ilmiy-ishlab chiqarish markazini Oʻzbekiston Respublikasi Davlat geologiya va mineral resurslar qoʻmitasi tarkibiga berish boʻyicha chora-tadbirlar 1 -ilovaga* muvofiq tasdiqlansin.
3. “Navoiy KMK” DK ning “Qimmatbaho metallar va uran geologiyasi” Ilmiy-ishlab chiqarish markazi va “Olmaliq KMK” AJ ning “Rangli metallar geologiyasi” Ilmiy-ishlab chiqarish markazini Oʻzbekiston Respublikasi Davlat geologiya va mineral resurslari qoʻmitasi tarkibiga berishga doir chora-tadbirlarini amalga oshirish hamda tashkiliy masalalarni tezkor hal etish boʻyicha ishchi guruh 2-ilovaga* muvofiq tashkil etilsin.
Ishchi guruh (Gʻ.I. Ibragimov) ikki oy muddatda mazkur qarorning 1-ilovasida nazarda tutilgan “Navoiy KMK” DK ning “Qimmatbaho metallar va uran geologiyasi” Ilmiy-ishlab chiqarish markazi va “Olmaliq KMK” AJ ning “Rangli metallar geologiyasi” Ilmiy-ishlab chiqarish markazini Davlat geologiya qoʻmitasi tarkibiga berish boʻyicha chora- tadbirlarni belgilangan tartibda yakunlanishini taʼminlasin.
4. Quyidagilar Oʻzbekiston Respublikasi Davlat geologiya va mineral resurslar qoʻmitasining asosiy vazifalari va faoliyat yoʻnalishlari etib belgilansin:
yer qaʼrini geologik oʻrganish, undan foydalanish va muhofaza qilish sohasida yagona davlat siyosatini amalga oshirish hamda konchilik munosabatlarini boshqarish;
respublika mineral-xomashyo bazasini, birinchi navbatda — yer osti suvlari, qimmatbaho, rangli va kamyob metallar, nodir yer elementlari va uranning mineral xomashyo bazasini jadal rivojlantirish, mineral xomashyoning yangi turlari va ularning konlarini tezkor qidirish;
geologiya-qidiruv ishlarini samaradorligi va natijadorligini oshirish, joylarda yangi sanoat quvvatlarini barpo etilishini hisobga olgan holda foydali qazilmalar zaxiralarini koʻpaytirilishini va iqtisodiyot tarmoqlarining mineral xomashyo bazasini qayta toʻldirilishini taʼminlash;
foydali qazilma konlarini sanoatda oʻzlashtirish uchun berilishini jadallashtirish hisobiga faol investitsiya siyosatini yuritish, konlardan oqilona, shu jumladan xorij investitsiyalarni jalb qilish orqali foydalanish boʻyicha tavsiyalar ishlab chiqish;
raqobatdosh mahsulot ishlab chiqishni tashkil etish maqsadida amaldagi, birinchi navbatda respublika hududlaridagi sanoat tarmoqlari xomashyo manbalarini diversifikatsiya qilish boʻyicha takliflar tayyorlash;
mineral xomashyo bazasini rivojlantirish va qayta toʻldirishning uzoq, oʻrta muddatli va yillik davlat dasturlarini amalga oshirilishini monitoring va nazorat qilishni, yer qaʼrini geologik oʻrganish uslubiyotini, olingan natijalarning hajmi, sifati va ishonchliligini obyektiv baholashni taʼminlash;
zamonaviy va yuqori unumdor geologiya-qidiruv uskunalarini tezkor joriy qilish, ilgʻor texnika va innovatsion texnologiyalar bilan taʼminlash hisobiga geologiya sohasini modernizatsiya qilish boʻyicha chora-tadbirlarni samarali amalga oshirish;
kadrlarning kasbiy malaka darajasini oshirish boʻyicha tizimli chora- tadbirlarni amalga oshirish, ular mehnatini ragʻbatlantirishning samarali mexanizmini joriy qilish.
Davlat geologiya qoʻmitasi rahbarlari qoʻmitaga yuklangan vazifa va funksiyalarni sifatli amalga oshirishga shaxsan masʼul ekanliklari toʻgʻrisida ogohlantirilsinlar.
5. Davlat geologiya qoʻmitasi markaziy apparatida xodimlarning cheklangan soni 4 birlikdan iborat Mineral xomashyo bazasini rivojlantirish va qayta toʻldirish davlat dasturlarini amalga oshirilishini monitoring va nazorat qilish boshqarmasi tashkil etilsin va unga:
Davlat geologiya qoʻmitasining Mineral xomashyo bazasini kengaytirish va qayta toʻldirish davlat dasturlarini monitoring qilish va shakllantirish boshqarmasining;
“Sanoatgeokontexnazorat” Davlat inspeksiyasi Geologiya-qidiruv ishlarini olib borishni nazorat qilish boʻyicha soha inspeksiyasining tegishli vazifalari berilsin.
6. Quyidagilar:
Oʻzbekiston Respublikasi Davlat geologiya va mineral resurslar qoʻmitasining tashkiliy tuzilmasi 3-ilovaga* muvofiq;
Keyingi tahrirga qarang.
boshqaruv xodimlarning cheklangan soni 85 birlikdan iborat Oʻzbekiston Respublikasi Davlat geologiya va mineral resurslar qoʻmitasi markaziy apparatining yangilangan tuzilmasi 4-ilovaga* muvofiq tasdiqlansin.
Davlat geologiya qoʻmitasi raisiga zarurat boʻlganda Davlat geologiya qoʻmitasi markaziy apparati tuzilmasiga boshqaruv xodimlarning belgilangan cheklangan soni doirasida oʻzgartirishlar kiritish huquqi berilsin.
7. Belgilab qoʻyilsinki, Davlat geologiya qoʻmitasi markaziy apparatining taʼminoti Oʻzbekiston Respublikasining Davlat budjeti mablagʻlari, tasarrufdagi tashkilotlarning ajratmalari, shuningdek qonunchilik bilan taqiqlanmagan boshqa moliyaviy manbalar hisobidan amalga oshiriladi.
8. Oʻzbekiston Respublikasi Vazirlar Mahkamasi bir oy muddatda mazkur qarorning 4-bandida* belgilangan asosiy vazifalarni hisobga olgan holda Oʻzbekiston Respublikasi Davlat geologiya va mineral resurslar qoʻmitasi toʻgʻrisidagi yangilangan Nizomni tasdiqlasin.
Keyingi tahrirga qarang.
9. Quyidagilar:
Mineral xomashyo bazasini rivojlantirish va qayta toʻldirish davlat dasturlari qimmatbaho va rangli metallar hamda uranga olib boriladigan geologiya-qidiruv ishlarining obyektlari va bajarish muddatlari, shuningdek, zaxiralar hajmini koʻpaytirish qismida “Navoiy KMK” DK va “Olmaliq KMK” AJ bilan kelishilishi lozimligi;
2016-yilgi geologiya-qidiruv ishlari Dasturi doirasida avval xarid qilingan uskunalar, maxsus texnika va avtotransport vositalari Davlat geologiya qoʻmitaning “Geoltextaʼminot” DK ga begʻaraz asosda topshirilishi belgilab qoʻyilsin.
10. Belgilab qoʻyilsinki, mineral-xomashyo bazasini rivojlantirish va qayta toʻldirishning yillik dasturlarida koʻzda tutilgan geologiya- qidiruv ishlari va geologiya sohasini modernizatsiya qilish chora- tadbirlari:
Oʻzbekiston Respublikasi Davlat budjetida geologiya-qidiruv ishlari uchun koʻzda tutilgan budjet mablagʻlari;
“Navoiy KMK” DK va “Olmaliq KMK” AJ ning qimmatbaho va rangli metallar hamda uran zaxiralarini koʻpaytirishni taʼminlash boʻyicha kompleks chora-tadbirlarni amalga oshirish uchun Oʻzbekiston Respublikasi Moliya vazirligi Gʻaznachiligidagi maxsus maqsadli hisob raqamlariga yoʻnaltiriladigan mablagʻlari hisobidan moliyalashtiriladi.
Davlat geologiya qoʻmitasi, “Navoiy KMK” DK va “Olmaliq KMK” AJ Oʻzbekiston Respublikasi Moliya vazirligi va Iqtisodiyot vazirligi bilan birgalikda 2017-yil 1-iyulgacha Oʻzbekiston Respublikasi Moliya vazirligi Gʻaznachiligida geologiya-qidiruv ishlarini bajarish va geologiya korxonalarini modernizatsiya qilishga moʻljallangan asbob-uskunalarni xarid qilishni moliyalashtirish uchun maxsus maqsadli hisob raqamlarida mablagʻlarni shakllantirish va ulardan foydalanish tartibi toʻgʻrisidagi nizomni ishlab chiqsinlar va tasdiqlasinlar.
11. Oʻzbekiston Respublikasi Vazirlar Mahkamasi bir oy muddatda Davlat geologiya qoʻmitasi xodimlariga uzluksiz ish staji uchun “Navoiy KMK” DK ning “Qimmatbaho metallar va uran geologiyasi” Ilmiy-ishlab chiqarish markazi va “Olmaliq KMK” AJning “Rangli metallar geologiyasi” Ilmiy-ishlab chiqarish markazi xodimlari uchun belgilangan miqdorlarda ustama toʻlashni nazarda tutuvchi ragʻbatlantirishga doir chora-tadbirlarni tasdiqlasin.
12. Oʻzbekiston Respublikasi Davlat geologiya va mineral resurslar qoʻmitasi geologiya yoʻnalishlarida oliy va oʻrta maxsus maʼlumotli mutaxassislarni tayyorlash boʻyicha asosiy buyurtmachi etib belgilansin.
Oʻzbekiston Respublikasi Oliy va oʻrta maxsus taʼlimi vazirligi Davlat geologiya qoʻmitasi bilan birgalikda:
ikki oy muddatda oʻrnatilgan tartibda 5-ilovadagi roʻyxatga muvofiq Oliy taʼlim yoʻnalishlari va mutaxassisliklari Klassifikatoriga zarur yoʻnalishlar va mutaxassisliklarni kiritishni nazarda tutuvchi oʻzgartirish va qoʻshimchalar kiritsin;
2017/2018 oʻquv yilidan boshlab yer qaʼrini geologik oʻrganishning zamonaviy usullari va texnologiyalarini joriy qilgan holda geologiya mutaxassisliklarining oʻquv rejalaridagi amaliyot mashgʻulotlari hajmini oshirsin.
13. Oʻzbekiston Respublikasi Oliy va oʻrta maxsus taʼlimi vazirligi, Oʻrta maxsus, kasb-hunar taʼlimi markazi hamda Davlat geologiya qoʻmitasining 2017/2018 oʻquv yilidan boshlab geologiya sohasi ehtiyoji uchun 6-ilovaga muvofiq kasb-hunar kollejlarida mutaxassislar tayyorlashni tashkil etish toʻgʻrisidagi takliflari qabul qilinsin.
Oʻzbekiston Respublikasi Oliy va oʻrta maxsus taʼlimi vazirligi, Oʻrta maxsus, kasb-hunar taʼlimi markazi Davlat geologiya qoʻmitasi bilan birgalikda mazkur qarorning 6-ilovasida koʻrsatilgan kasb-hunar kollejlarini malakali oʻqituvchilar hamda zarur boʻlgan oʻquv va metodik materiallar, laboratoriya uskunalari bilan toʻldirishni, shuningdek, bitiruvchilarni tanlagan kasblari boʻyicha ishga joylashtirilishini taʼminlasinlar.
Keyingi tahrirga qarang.
14. Oʻzbekiston Respublikasi Prezidentining ayrim qarorlari 7-ilovaga muvofiq oʻz kuchini yoʻqotgan deb hisoblansin.
15. Davlat geologiya qoʻmitasi manfaatdor vazirliklar va idoralar bilan birgalikda bir oy muddatda belgilangan tartibda Oʻzbekiston Respublikasi Vazirlar Mahkamasiga qonunchilikka ushbu qarordan kelib chiqadigan oʻzgartirish va qoʻshimchalar kiritish toʻgʻrisida takliflar kiritsin.
16. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 24-may,
PQ-3004-son
Oʻzbekiston Respublikasi Prezidentining 2017-yil 24-maydagi PQ-3004-son qaroriga
5-ILOVA
Oliy taʼlim yoʻnalishlari va mutaxassisliklari Klassifikatoriga yangidan kiritilayotgan, talab yuqori boʻlgan oliy taʼlim yoʻnalishlari va mutaxassisliklari
ROʻYXATI
1. Bakalavriat boʻyicha:
geoximiya;
geologiya-qidiruv ishlari texnikasi va texnologiyasi
2. Magistratura boʻyicha:
paleontologiya va stratigrafiya;
mineralogiya va kristallografiya;
ekspert mineralogiyasi;
petrografiya va vulkanologiya;
litologiya;
gidrogeoekologiya;
Yerni masofadan turib zondlash va GAT-texnologiyalari;
qattiq foydali qazilmalarni izlashning geofizik usullari va qidiruvi;
geologiya-qidiruv ishlari texnikasi va texnologiyasi.
Oʻzbekiston Respublikasi Prezidentining 2017-yil 24-maydagi PQ-3004-son qaroriga
6-ILOVA
2017/2018-oʻquv yilidan boshlab geologiya sohasi ehtiyojlari uchun mutaxassislar tayyorlash tashkil etiladigan kasb-hunar kollejlari

T/r

Kasb-hunar kollejlarning nomi

Manzili

Kasblar nomi*

1.

Olmazor politexnika va standartlashtirish kasb-hunar kolleji

Toshkent shahri, Olmazor tumani

Texnik — gidrogeolog**

GAT texnologiyalari boʻyicha texnik operator**

2.

Angren politexnika kasb-hunar kolleji

Toshkent viloyati, Angren shahri

Geologiya-qidiruv ishlari texnigi

Geologik qidiruv quduqlarini burgʻilovchi — texnik

3.

Kattaqoʻrgʻon qurilish va sanoat kasb-hunar kolleji

Samarqand viloyati, Kattaqoʻrgʻon shahri

Geologiya-qidiruv ishlari texnigi

Geologik qidiruv quduqlarini burgʻilovchi — texnik

4.

Nurota togʻ-kon sanoati kasb-hunar kolleji

Navoiy viloyati, Nurota tumani

Geologiya-qidiruv ishlari texnigi

Geologik qidiruv quduqlarini burgʻilovchi — texnik

5.

Denov konchilik sanoati kasb-hunar kolleji

Surxondaryo viloyati, Denov tumani

Geologiya-qidiruv ishlari texnigi

Geologik qidiruv quduqlarini burgʻilovchi — texnik

6.

Shahrisabz texnologiya kasb-hunar kolleji

Qashqadaryo viloyati, Shahrisabz shahri

Geologiya-qidiruv ishlari texnigi

Geologik qidiruv quduqlarini burgʻilovchi — texnik

* Bitiruvchilar soni Geologiya davlat qoʻmitasi tomonidan har yili taqdim qilinadigan talabnomalarga muvofiq aniqlanadi.
** Yangidan ochilgan kasblar.
 LexUZ sharhi
6-ilova norasmiy tarjima.
Oʻzbekiston Respublikasi Prezidentining 2017-yil 24-maydagi PQ-3004-son qaroriga
7-ILOVA
Oʻzbekiston Respublikasi Prezidentining oʻz kuchini yoʻqotgan deb hisoblanayotgan qarorlari
ROʻYXATI
1. Oʻzbekiston Respublikasi Prezidentining 2007-yil 17-yanvardagi “Geologiya-qidiruv ishlarini tashkil qilishni hamda Oʻzbekiston Respublikasi Davlat geologiya va mineral resurslar qoʻmitasi faoliyatini tubdan takomillashtirish chora-tadbirlari toʻgʻrisida”gi PQ-568-son qarorining 1, 2 va 3-bandlari, shuningdek, uning 1-ilovasi.
Keyingi tahrirga qarang.
2. Oʻzbekiston Respublikasi Prezidentining 2010-yil 27-avgustdagi “Geologiya-razvedka ishlarini tashkil etish va olib borish tizimi samaradorligini yanada oshirish chora-tadbirlari toʻgʻrisida”gi PQ-1396-son qarorining 1, 2-bandlari, 4-bandining 3-xatboshisi, 7-bandining 4-xatboshisi va 8-bandi.
3. Oʻzbekiston Respublikasi Prezidentining 2017-yil 10-yanvardagi “Oʻzbekiston Respublikasi Davlat geologiya va mineral resurslar qoʻmitasining tuzilmasini yanada takomillashtirish chora-tadbirlari toʻgʻrisida”gi PQ-2723-son qarori.
(Oʻzbekiston Respublikasi qonun hujjatlari toʻplami, 2017-y., 23-son, 450-modda; Qonun hujjatlari maʼlumotlari milliy bazasi, 25.05.2018-y., 06/18/5447/1269-son; Qonunchilik maʼlumotlari milliy bazasi, 30.04.2021-y., 06/21/6218/0398-son)