|
Hujjat kuchini yo‘qotgan 04.05.2018
|
Oʻzbekiston Respublikasi Prezidentining
Qarori
Noruda foydali qazilmalarni oʻz ichiga olgan yer qaʼri uchastkalaridan foydalanish huquqi uchun litsenziyalar berish tartibini takomillashtirish toʻgʻrisida
LexUZ sharhiMazkur qaror Oʻzbekiston Respublikasi Prezidentining 2018-yil 4-maydagi PF-5429-sonli “Oʻzbekiston Respublikasi Prezidentining ayrim hujjatlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining 2018-yil 17-yanvardagi “Mamlakat iqtisodiyotining tarmoqlarini talab yuqori boʻlgan mahsulot va xomashyo turlari bilan barqaror taʼminlash chora-tadbirlari toʻgʻrisida” PQ-3479-sonli qarori)”gi Farmoniga asosan oʻz kuchini yoʻqotgan.
Tadbirkorlik subyektlarini noruda foydali qazilmalar konlarini oʻzlashtirishga yanada jalb etish jarayonlarini maqbullashtirish, uzoq hududlarda yangi ish joylarini yaratgan holda, sanoat mahsulotlari ishlab chiqarishni tashkil etishni jadallashtirish maqsadida:
1. Oʻzbekiston Respublikasi Prezidentining “Noruda foydali qazilmalarni oʻz ichiga olgan yer qaʼri uchastkalaridan foydalanish huquqi uchun litsenziyalar berish tartibi toʻgʻrisidagi Nizomni tasdiqlash haqida” 2011-yil 2-maydagi PQ–1524-sonli qarori bilan tashkil etilgan Noruda foydali qazilmalarni oʻz ichiga olgan yer qaʼri uchastkalaridan foydalanish huquqi uchun litsenziyalar berish boʻyicha Oʻzbekiston Respublikasi Vazirlar Mahkamasining yangilangan Komissiyasi tarkibi 1-ilovaga* muvofiq tasdiqlansin.
2. Oʻzbekiston Respublikasi Prezidentining “Noruda foydali qazilmalarni oʻz ichiga olgan yer qaʼri uchastkalaridan foydalanish huquqi uchun litsenziyalar berish tartibi toʻgʻrisidagi Nizomni tasdiqlash haqida” 2011-yil 2-maydagi PQ–1524-sonli qaroriga 2-ilovaga* muvofiq oʻzgartish va qoʻshimchalar kiritilsin.
* 1-2-ilovalar rus tilidagi matnda berilgan.
3. Vazirlik va idoralar bir oy muddatda ular tomonidan qabul qilingan meʼyoriy-huquqiy hujjatlarni ushbu qarorga muvofiqlashtirsinlar.
4. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari Gʻ.I. Ibragimov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 24-may,
PQ-3002-son
(Oʻzbekiston Respublikasi qonun hujjatlari toʻplami, 2017-y., 21-son, 391-modda)
