Oʻzbekiston Respublikasi Prezidentining “Oʻzbekiston Respublikasini yanada rivojlantirish boʻyicha Harakatlar strategiyasi toʻgʻrisida” 2017-yil 7-fevraldagi PF-4947-sonli Farmoniga muvofiq, shuningdek, tadbirkorlik subyektlarini ixtiyoriy tugatish va faoliyatini toʻxtatish mexanizmlarini yanada takomillashtirish maqsadida:

1. Oʻzbekiston Respublikasi Prezidentining 2007-yil 27-apreldagi PQ-630-sonli qarori bilan tasdiqlangan tadbirkorlik subyektlarini ixtiyoriy tugatish va ularning faoliyatini toʻxtatish tartibi toʻgʻrisidagi nizomga ilovaga muvofiq qoʻshimcha va oʻzgartishlar kiritilsin.

2. Vazirliklar va idoralar bir oy muddatda qabul qilingan normativ-huquqiy hujjatlarini mazkur qarordan kelib chiqqan holda muvofiqlashtirsin.

3. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

1. 34-bandida:

beshinchi xatboshi quyidagi tahrirda bayon etilsin:

“agar mavjud boʻlsa, korxonaning muhr va shtamplari”;

yettinchi xatboshi chiqarib tashlansin;

sakkizinchi, toʻqqizinchi va oʻninchi xatboshilar tegishli ravishda yettinchi, sakkizinchi va toʻqqizinchi xatboshilar deb hisoblansin.

2. 46-bandining yettinchi xatboshi quyidagi tahrirda bayon etilsin:

“mavjud boʻlsa, korxonaning muhr va shtamplari”.

3. 47-bandida:

ikkinchi xatboshidagi “roʻyxatdan oʻtkazgan organ” soʻzlari “kameral nazoratni oʻtkazadi” soʻzlari bilan toʻldirilsin;

uchinchi xatboshidagi “ikki hafta mobaynida” soʻzlari “bir hafta mobaynida” soʻzlari bilan almashtirilsin.