|
Hujjat 24.04.2017 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Adliya vazirligi huzuridagi X. Sulaymonova nomidagi Respublika sud ekspertizasi markazi faoliyatini yanada takomillashtirish hamda sud ekspertlarining malakasini oshirish tizimini tashkil qilish toʻgʻrisida
“Sud ekspertizasi toʻgʻrisida”gi Oʻzbekiston Respublikasining Qonuni hamda Oʻzbekiston Respublikasi Prezidentining “Qonun hujjatlarini tarqatish tizimini tubdan takomillashtirish chora-tadbirlari toʻgʻrisida”gi 2017-yil 8-fevraldagi PQ–2761-son qarori ijrosini taʼminlash, X. Sulaymonova nomidagi Respublika sud ekspertizasi markazi (keyingi oʻrinlarda Sud ekspertizasi markazi deb ataladi) faoliyatini yanada takomillashtirish, shuningdek davlat sud ekspertlarining (keyingi oʻrinlarda sud ekspertlari deb ataladi) malakasini va huquqiy bilimlarini oshirish tizimini tashkil qilish maqsadida Vazirlar Mahkamasi qaror qiladi:
1. Sud ekspertizasi markazining Buxoro, Jizzax, Navoiy va Namangan hududiy boʻlimlari hamda Sud ekspertlarining malakasini oshirish oʻquv markazi tashkil etilsin.
Keyingi tahrirga qarang.
2. Quyidagilar Sud ekspertlarining malakasini oshirish oʻquv markazining asosiy vazifalari etib belgilansin:
Oʻzbekiston Respublikasi Adliya vazirligi tizimidagi sud ekspertlarining malakasini va huquqiy bilimlarini, shuningdek boshqa sud ekspertlarining huquqiy bilimlarini oshirish boʻyicha oʻquv jarayonini tashkil qilish;
Keyingi tahrirga qarang.
muntazam ravishda sud ekspertlarining nazariy va huquqiy bilimlari hamda amaliy koʻnikmalarini oshirish, ishchanlik va kasbiy fazilatlarini takomillashtirish;
oʻquv jarayoniga huquqiy fanlar, sud ekspertizasi va ekspertlik amaliyotiga oid ilgʻor yutuqlarni oʻrganishni joriy qilish;
sud ekspertlik faoliyati boʻyicha amaliy takliflar, tavsiyalar va qoʻllanmalarni ishlab chiqish.
Keyingi tahrirga qarang.
3. Quyidagilar:
Sud ekspertlarining malakasini va huquqiy bilimlarini oshirish tartibi toʻgʻrisidagi nizom 1-ilovaga muvofiq;
Sud ekspertlarining malakasini oshirishga qoʻyiladigan davlat talablari 2-ilovaga muvofiq tasdiqlansin.
Keyingi tahrirga qarang.
4. Oʻzbekiston Respublikasi Adliya vazirligi:
ikki oy muddatda Buxoro, Jizzax, Navoiy va Namangan viloyatlari hokimliklari bilan birgalikda yangi tashkil etilayotgan Sud ekspertizasi markazining hududiy boʻlimlarini joylashtirish va ish faoliyatini samarali yoʻlga qoʻyish maqsadida ularni bino, mebel, kompyuterlar, boshqa zarur texnika va inventarlar bilan taʼminlash choralarini koʻrsin;
Sud ekspertizasi markazining yangi tashkil etilgan hududiy boʻlimlarda joylardagi ehtiyojlar hamda mavjud imkoniyatlarni hisobga olgan holda ekspertiza tadqiqotlarining qoʻshimcha turlarini joriy qilinishini tashkil qilsin;
sud ekspertiza xulosalarini xalqaro miqyosda tan olinishi va qoʻllanilishini taʼminlash maqsadida Sud ekspertizasi markazining Odam DNKsi sud biologik ekspertizasi hamda Materiallar, ashyolar va buyumlar kriminalistik ekspertizasi laboratoriyalarining xalqaro ilmiy-texnik talablarga mosligini taʼminlagan holda ularni xalqaro akkreditatsiyadan oʻtkazilishini taʼminlasin;
huquqni muhofaza qiluvchi organlar va sudlarning malakali sud ekspertiza xulosalariga boʻlgan ehtiyojlarini, shuningdek ilgʻor xorijiy tajribani hisobga olgan holda sud ekspertizaning yangi, shu jumladan sud lingvistik ekspertizasi, sud avtomobil yoʻllari ekspertizasi va sud kompyuter-texnik ekspertizasi kabi turlarini bosqichma-bosqich amaliyotga tatbiq qilish choralarini koʻrsin;
ashyoviy dalillarni qayd qilish boʻyicha maʼlumotlar bazalarini shakllantirish, tadqiqotlarning maqbul metodikalarini tanlash, ekspertiza tadqiqotlarini oʻtkazish muddatlarini qisqartirish, shuningdek Sud ekspertizasi markazini zamonaviy dasturiy taʼminot bilan taʼminlash maqsadida innovatsion loyihalarni amalga oshirsin;
bir oy muddatda, ushbu qarordan kelib chiqib, Sud ekspertizasi markazi ustaviga oʻzgartirish va qoʻshimchalar kiritsin.
5. Oʻzbekiston Respublikasi Moliya vazirligi 2017-yilda va har yili Oʻzbekiston Respublikasi Davlat budjeti parametrlarini shakllantirishda, asoslangan hisob-kitoblarga binoan, Sud ekspertizasi markaziga ushbu qarorning ijrosini taʼminlash uchun zarur mablagʻlar ajratilishini nazarda tutsin.
6. Vazirlar Mahkamasining “Oʻzbekiston Respublikasi Adliya vazirligi huzuridagi X. Sulaymonova nomidagi Respublika sud ekspertizasi markazi faoliyatini yanada takomillashtirish toʻgʻrisida” 2012-yil 14-noyabrdagi 321-son qaroriga (Oʻzbekiston Respublikasi QHT, 2012-y., 46-47-son, 522-modda) 3-ilovaga muvofiq oʻzgartirishlar va qoʻshimcha kiritilsin.
7. Mazkur qarorning bajarilishini nazorat qilish Oʻzbekiston Respublikasining adliya vaziri M.M. Ikramov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 13-aprel,
206-son
Vazirlar Mahkamasining 2017-yil 13-apreldagi 206-son qaroriga
1-ILOVA
1-ILOVA
Sud ekspertlarining malakasini va huquqiy bilimlarini oshirish tartibi toʻgʻrisida
NIZOM
1-bob. Umumiy qoidalar
1. Ushbu Nizom “Sud ekspertizasi toʻgʻrisida”gi Oʻzbekiston Respublikasi Qonunining 271-moddasiga muvofiq davlat sud ekspertlarining malaka oshirish kurslarida muayyan sud-ekspertlik faoliyati boʻyicha malakasini va huquqiy bilimlarini oshirib borish tartibini belgilaydi.
2. Ushbu Nizomda quyidagi asosiy tushunchalardan foydalaniladi:
davlat sud eksperti (keyingi oʻrinlarda sud eksperti deb ataladi) — davlat sud ekspertiza muassasasining oʻz xizmat vazifalarini bajarish tartibida sud ekspertizasini oʻtkazuvchi sud eksperti;
sud-ekspertlik faoliyati — sud ekspertizasini tashkil etish va oʻtkazish boʻyicha faoliyat;
vazirliklar va idoralar — sud ekspertizasi muassasalariga ega boʻlgan vazirliklar, davlat qoʻmitalari va idoralar.
Keyingi tahrirga qarang.
3. Sud ekspertlarining malakasini oshirib borish sud ekspertlarining malakasini oshirishga qoʻyiladigan davlat talablariga mos ravishda amalga oshiriladi.
Keyingi tahrirga qarang.
4. Sud ekspertlarining malakasini oshirib borish vazirliklar va idoralar tomonidan mustaqil ravishda amalga oshiriladi.
Keyingi tahrirga qarang.
5. Sud ekspertlarining huquqiy bilimlarini oshirib borish Oʻzbekiston Respublikasi Adliya vazirligi huzuridagi X. Sulaymanova nomidagi Respublika sud ekspertizasi markazining (keyingi oʻrinlarda Sud ekspertizasi markazi deb ataladi) Sud ekspertlarining malakasini oshirish oʻquv markazida (keyingi oʻrinlarda Oʻquv markazi deb ataladi) vazirliklar va idoralarning ushbu Nizomga 1-ilovaga muvofiq shakl boʻyicha taqdim qilinadigan buyurtmasiga asosan amalga oshiriladi.
Keyingi tahrirga qarang.
6. Oʻquv markazida sud ekspertlarining huquqiy bilimlarini oshirib borish xarajatlari, shuningdek Oʻquv markaziga asosiy ishdan ajralgan holda boshqa hududlardan yuborilgan sud ekspertlarining oʻqish joyiga kelishi va u yerdan qaytishi boʻyicha bir martalik yoʻl xarajatlari, xizmat safari boʻyicha xarajatlar vazirliklar va idoralarning budjet va budjetdan tashqari mablagʻlari hisobidan qoplanadi.
Keyingi tahrirga qarang.
7. Sud ekspertlari har ikki yilda malakasini va huquqiy bilimlarini oshirib borishi shart.
8. Malakani va huquqiy bilimlarni oshirish oʻz ixtisosligi boʻyicha kamida ikki yillik ish stajiga ega boʻlgan sud ekspertlari uchun tashkil qilinadi.
9. Vazirliklar va idoralar:
sud ekspertlarining malakasini oshirish tizimida oʻqishi lozim boʻlgan sud ekspertlarining ehtiyojini aniqlaydi va tarkibini shakllantiradi;
huquqiy bilimlarini oshirib borish boʻyicha oʻquv mashgʻulotlarini oʻtkazishda Oʻquv markaziga tashkiliy-metodik jihatdan koʻmaklashadi;
Keyingi tahrirga qarang.
sud ekspertlarining malakasini oshirish boʻyicha oʻquv dasturlarini ishlab chiqadi;
sud ekspertlarining huquqiy bilimlarini oshirib borish boʻyicha oʻquv jarayoni sifatini monitoring qiladi.
10. Vazirliklar va idoralar sud ekspertlarining malakasini va huquqiy bilimlarini oshirishning toʻliqligi va oʻz vaqtida amalga oshirilishi uchun masʼuldirlar.
2-bob. Sud ekspertlarining malakasini va huquqiy bilimlarini oshirishning maqsadi va vazifalari
11. Oʻquv jarayonini yuqori ilmiy-uslubiy darajada taʼminlash, malakaviy talablar, oʻquv rejalari va dasturlari asosida kasbiy va huquqiy bilimlar hamda mahoratni doimiy ravishda rivojlantirishga koʻmaklashish uchun zarur boʻlgan nazariy bilimlar, amaliy koʻnikmalar va malakalarni muntazam ravishda yangilab borish sud ekspertlarining malakasini va huquqiy bilimlarini oshirishning maqsadi hisoblanadi.
12. Quyidagilar sud ekspertlarining malakasini va huquqiy bilimlarini oshirishning vazifalari hisoblanadi:
sud ekspertlarining kasbiy va huquqiy bilimlari, koʻnikmalari va mahoratlarini uzluksiz yangilab borish mexanizmlarini joriy etish, zamonaviy talablarga muvofiq sud-ekspertlik faoliyati sifatini taʼminlash uchun zarur darajada kasbiy va huquqiy tayyorgarlikni oshirish;
malaka oshirishning bevosita va bilvosita shakllarini amaliyotga joriy etish;
sud ekspertlari tomonidan zamonaviy multimedia va axborot-kommunikatsiya texnologiyalarini samarali oʻzlashtirish uchun qoʻshimcha shart-sharoitlar yaratish;
sud ekspertlarining malakasini va huquqiy bilimlarini oshirish jarayonlarining fan va ishlab chiqarish bilan integratsiyasini taʼminlash, sud ekspertlarining malakasini va huquqiy bilimlarini oshirish tizimini yanada rivojlantirish va modernizatsiya qilish.
3-bob. Sud ekspertlarining malakasini va huquqiy bilimlarini oshirish shakllari
13. Sud ekspertlarining malakasini va huquqiy bilimlarini oshirish bevosita va bilvosita shakllarda amalga oshiriladi.
14. Bevosita shaklda malakani va huquqiy bilimlarni oshirish quyidagicha tashkil qilinadi:
oʻquv jarayonida ishtirok etish — oʻquv dasturlariga mos holda yangi nazariy va amaliy bilimlar, malaka va koʻnikmalarni oʻzlashtirish;
davlat sud ekspertizasi muassasalarida malakaviy amaliyot (stajirovka) oʻtash — sud ekspertlarining amaliy bilimlari, koʻnikma va malakalarini kengaytirish va chuqurlashtirish hamda oʻquv jarayonida olgan nazariy bilimlarini amaliyotda qoʻllash.
Sud ekspertlari malakaviy amaliyot (stajirovka) oʻtashni xorijiy davlatlarning sud ekspertlari malakasini oshirishga ixtisoslashgan muassasalarida Oʻzbekiston Respublikasining xalqaro shartnomalari hamda vazirlik, idoralar va davlat sud ekspertizasi muassasalari bilan xorijiy davlatlarning tegishli muassasalari oʻrtasida tuzilgan shartnomalar, shuningdek xorijiy davlatlar va xalqaro tashkilotlar tomonidan sud ekspertizasi muassasalarini rivojlantirish maqsadida ajratiladigan grantlar asosida amalga oshirishlari mumkin.
15. Bilvosita shaklda malakani va huquqiy bilimlarini oshirish — sud ekspertlarining masofadan turib amalga oshiriladigan taʼlim, oʻz bilimini mustaqil oshirishi, tajriba almashishi, davlat sud ekspertizasi muassasalari va Oʻquv markazi tomonidan tashkil etiladigan ekspertlarning seminar, davra suhbati va konferensiyalarda hamda boshqa shu kabi tadbirlarda ishtirok etishi va maʼruzalar bilan chiqishi orqali amalga oshiriladi.
Keyingi tahrirga qarang.
16. Masofadan turib amalga oshiriladigan taʼlim axborot-kommunikatsiya texnologiyalariga asoslanadi va asosiy ishdan ajramagan holda tashkil etiladi.
Masofadan turib amalga oshiriladigan taʼlim tegishli oʻquv dasturi asosida tashkil qilinadi hamda malaka oshirishning mustaqil shakli sifatida yoki malakani va huquqiy bilimlarni oshirish bevosita shaklining takribiy qismi sifatida amalga oshirilishi mumkin.
17. Sud ekspertlari oʻzining bilim, koʻnikma va malakasini mustaqil tarzda oshirib borishlari shart. Mustaqil taʼlim sud-ekspertlik faoliyatining ajralmas tarkibiy qismi hisoblanadi.
4-bob. Sud ekspertlarining malakasini va huquqiy bilimlarini oshirish boʻyicha oʻquv jarayonini tashkil etish tartibi
18. Oʻquv jarayonini tashkil etish Oʻquv markazi hamda vazirliklar va idoralar tomonidan Sud ekspertlarining malakasini oshirishga qoʻyiladigan davlat talablariga javob beradigan oʻquv dasturlari asosida amalga oshiriladi.
Keyingi tahrirga qarang.
19. Oʻquv jarayoni guruh tarkibida sud ekspertizalarining bir turi boʻyicha tashkil etiladi.
20. Sud ekspertlarining malakasini va huquqiy bilimlarini oshirishni samarali tashkil qilish uchun Oʻquv markazi hamda vazirliklar va idoralar:
Keyingi tahrirga qarang.
oʻqitishning zamonaviy pedagogik uslublari, multimedia va axborot-kommunikatsiya texnologiyalarini qoʻllagan holda, sud ekspertizalarining turlari boʻyicha tahliliy qobiliyatlarni va ijodiy fikrlashni rivojlantirishga qaratilgan alohida oʻquv reja va dasturlarini ishlab chiqadi va tasdiqlaydi;
fanlarning sud ekspertiza amaliyoti bilan aloqasini taʼminlaydi, oʻquv jarayonining amaliy yoʻnaltirilganligini, mustaqil taʼlimni, oʻquv jarayonini sud ekspertizasi faoliyatidagi vazifalarni samarali bajarishga yoʻnaltirilganligini kuchaytiradi, oʻquv jarayoniga sud ekspertizasi sohasidagi ilgʻor ilmiy-tadqiqotlar natijalari, pedagogik texnologiyalar, mashgʻulotlar oʻtkazishning samarali shakl va uslublarini joriy etadi;
sud ekspertlari tomonidan oʻz mutaxassisligi boʻyicha yangi nazariy bilimlar va zamonaviy tadqiqot usullari, ilgʻor amaliy tajribalar, shuningdek ish faoliyatlarida axborot-texnologiyalaridan foydalanish koʻnikmalarini rivojlantirishni taʼminlaydi;
oʻquv jarayoniga taʼlimning interfaol usullari, zamonaviy pedagogika texnologiyalarini, shuningdek Internet jahon axborot tarmogʻidan foydalanib, axborot-kommunikatsiya va masofali taʼlim texnologiyalarini tatbiq qiladi;
mamlakatimizda va xorijda ishlab chiqilgan sud ekspertizasi fanlariga taalluqli ilmiy, uslubiy va texnik yangiliklar, ilgʻor tajribalarni oʻrganadi hamda oʻquv jarayoniga joriy qiladi;
sud ekspertlarining malakasini va huquqiy bilimlarini oshirish boʻyicha xalqaro tajribani oʻrganadi, shu soha boʻyicha tajriba almashishni tashkil qiladi;
oʻquv jarayoniga oid maxsus fanlar boʻyicha adabiyotlarni ishlab chiqadi;
sud ekspertizasi tadqiqotlari metodikalarini takomillashtirish, yangi turdagi ekspertizalarni joriy qilish, oʻquv jarayonini rivojlantirishga oid mavzularda konferensiya, simpozium va seminarlar tashkil qiladi hamda bunday anjumanlarda ishtirok etadi;
oʻquv jarayonining lozim darajada tashkil qilinishi va oʻtkazilishi uchun javobgar boʻladi.
21. Oʻquv jarayoni muayyan yoʻnalish boʻyicha siklik mashgʻulotlar (kun davomida boshqa turdagi mashgʻulotlarga jalb etmasdan) tarzida amalga oshiriladi.
22. Sud ekspertlarining malakasini oshirish jarayonida malakaviy amaliyot (stajirovka) oʻtkazilishi nazarda tutiladi.
23. Sud ekspertlarining huquqiy bilimlarini oshirib borish vazirliklar va idoralarning buyurtmalariga binoan Sud ekspertizasi markazi tomonidan tasdiqlangan reja-grafik asosida amalga oshiriladi.
Keyingi tahrirga qarang.
24. Oʻquv markaziga sud ekspertlarini qabul qilish Sud ekspertizasi markazi direktorining buyrugʻi bilan rasmiylashtiriladi.
Keyingi tahrirga qarang.
25. Malaka va huquqiy bilimlarini oshirishni oʻtayotgan sud ekspertlariga oʻqishning butun davri mobaynida asosiy ish joyi boʻyicha egallab turgan lavozimi va oʻrtacha oylik ish haqi saqlab qolinadi.
26. Oʻquv markaziga jalb qilingan sud ekspertlari oʻquv jarayonidan quyidagi holatlarda chetlashtiriladi:
Keyingi tahrirga qarang.
Sud ekspertizasi markazining ichki tartib-qoidalarini buzganlik uchun;
Keyingi tahrirga qarang.
oʻquv dasturlarini oʻzlashtirmaganlik uchun;
uzrli sabablarsiz 8 akademik soatdan koʻp oʻquv mashgʻulotlarini qoldirganlik uchun.
Uzrli sabablarga koʻra yoki oʻqishning davriyligi va talablariga binoan oʻqishni davom ettira olmagan sud eksperti oʻz arizasiga koʻra oʻquv jarayonidan chetlashtirilishi mumkin.
Uzrli sabablarga koʻra oʻqishni davom ettira olmagan sud ekspertiga kelgusida tashkil etiladigan oʻquv guruhlarida oʻqish imkoni beriladi.
27. Oʻquv markaziga jalb qilingan sud ekspertlarini oʻquv jarayonidan chetlashtirish Sud ekspertizasi markazi direktorining buyrugʻi bilan rasmiylashtiriladi va bu haqda vazirliklar va idoralarga xabar beriladi.
Keyingi tahrirga qarang.
5-bob. Sud ekspertlarining malakasini va huquqiy bilimlarini oshirish boʻyicha oʻquv jarayonining muddati va davomiyligi
28. Vazirliklar va idoralar tomonidan sud ekspertlarining malakasini oshirish muddati ikki haftadan kam boʻlmasligi kerak.
29. Oʻquv markazida sud ekspertlarining huquqiy bilimlarini oshirib borish bir haftadan kam boʻlmagan muddatda tashkil etiladi.
Keyingi tahrirga qarang.
30. Oʻquv jarayoni haftasiga koʻpi bilan 36 akademik soat hajmida amalga oshiriladi.
31. Masofali taʼlimda oʻqitish muddati oʻquv jarayoni muddatiga mos holda akademik soatlar bilan aniqlanadi.
6-bob. Sud ekspertlari bilimini baholash
32. Oʻquv jarayoniga jalb qilingan sud ekspertlari bilimlarini baholash yakuniy nazoratlar natijasiga koʻra amalga oshiriladi.
Malakani oshirish boʻyicha yakuniy nazorat vazirliklar va idoralarda (Oʻzbekiston Respublikasi Adliya vazirligi tizimidagi sud ekspertlari uchun –Oʻquv markazida) test yoki yozma imtihon shaklida oʻtkaziladi.
Keyingi tahrirga qarang.
Huquqiy bilimlarni oshirish boʻyicha yakuniy nazorat Oʻquv markazida test yoki yozma imtihon hamda oʻqish davrida olingan nazariy bilimlar va amaliy koʻnikmalarni aniqlashga qaratilgan suhbat shaklida oʻtkaziladi.
Keyingi tahrirga qarang.
33. Yakuniy nazoratlarni tashkil etish va oʻtkazish uchun vazirliklar va idoralar rahbarlari va Sud ekspertizasi markazi direktorining buyruqlari bilan komissiyalar tashkil etiladi.
Keyingi tahrirga qarang.
Oʻquv markazida tashkil etiladigan komissiya tarkibiga vazirliklar va idoralar, oliy taʼlim muassasalari va boshqa tashkilotlarning vakillari ular bilan kelishilgan holda kiritilishi mumkin.
Keyingi tahrirga qarang.
Yakuniy nazoratlar natijalari komissiyalar aʼzolari tomonidan imzolanadigan qaydnoma varaqalariga kiritiladi.
34. Oʻquv jarayoniga jalb etilgan va oʻquv dasturini muvaffaqiyatli oʻzlashtirgan sud ekspertlariga tegishli komissiyalar tomonidan ushbu Nizomga 2, 3-ilovalarga muvofiq shakllar boʻyicha sertifikatlar beriladi.
35. Yakuniy nazoratlardan oʻta olmagan yoki uzrli sabablarga koʻra ularda ishtirok eta olmagan sud ekspertiga, uning arizasiga binoan, uch kun muddatda tegishli yakuniy nazoratni qayta topshirish imkoni beriladi.
36. Ushbu Nizomda belgilangan muddatlarda malakasini va/yoki huquqiy bilimlarini oshirmagan yoki yakuniy nazoratlardan takroran oʻta olmagan xodimlar malaka va/yoki huquqiy bilimlarni oshirishdan oʻtmagan deb hisoblanadi.
Huquqiy bilimlarni oshirishdan oʻtmagan xodimlar haqidagi maʼlumotnoma Sud ekspertizasi markazi tomonidan zarur choralar koʻrish uchun vazirliklar va idoralarga yuboriladi.
Keyingi tahrirga qarang.
37. Malakani va/yoki huquqiy bilimlarni oshirishdan oʻtmagan xodimlarning sud-ekspertlik faoliyati bilan shugʻullanishi hamda ularni sud-ekspertlik faoliyatiga jalb qilish taqiqlanadi.
Sud ekspertlarining malakasini va huquqiy bilimlarini oshirish tartibi toʻgʻrisidagi nizomga
1-ILOVA
1-ILOVA
Davlat sud ekspertlarining huquqiy bilimlarini oshirish kurslarida oʻqishni tashkil qilish boʻyicha buyurtma shakli
| | | | | | | | | |
X. Sulaymonova nomidagi Respublika sud ekspertizasi markazi direktori | |||||
|
| ||||||||||||||
|
Davlat sud ekspertlarining huquqiy bilimlarini oshirish kurslarida quyidagi xodim(lar)ni oʻqitish boʻyicha amaliy yordam koʻrsatishingizni soʻrayman: | ||||||||||||||
| | | | | | | | | | | | | | | |
|
T/r |
Xodim(lar)ning F.I.O. |
Xodim(lar)ning lavozimi va maxsus unvoni |
Mutaxassislik yoki yoʻnalish nomi | |||||||||||
|
1. |
|
|
| |||||||||||
|
2. |
|
|
| |||||||||||
|
3. |
|
|
| |||||||||||
|
4. |
|
|
| |||||||||||
|
5. |
| | | |||||||||||
| | | | | | | | | | | | | | | |
|
______________________ |
________________ |
______________________ | ||||||||||||
|
(rahbar lavozimi) |
(imzo) |
(F.I.O.) | ||||||||||||
Keyingi tahrirga qarang.
Sud ekspertlarining malakasini va huquqiy bilimlarini oshirish tartibi toʻgʻrisidagi nizomga
2-ILOVA
2-ILOVA
| | | | | |
| | | | | |
| | | | | |
|
_____________________________________________________________ | ||||
| | | | | |
|
20___ yil “___” ______________ |
|
__________________ | ||
| | | | | |
|
__________________________________________________________________ | ||||
|
20___ yil “____” _______________dan 20___ yil “____”_______________gacha ___________________________________ soatli | ||||
|
(malaka oshirish kursining nomi) | ||||
| muvaffaqiyatli tamomladi. | | | | |
| | | | | |
| Komissiya raisi ______________ | | ____________________________ | ||
| |
(imzo) |
|
(F.I.O.) | |
| | (M.Oʻ.) | | | |
| | | |
Amal qilish muddati: 2 yil | |
Sud ekspertlarining malakasini va huquqiy bilimlarini oshirish tartibi toʻgʻrisidagi nizomga
3-ILOVA
3-ILOVA
| | | | | |
| | | | | |
| | | | | |
|
OʻZBEKISTON RESPUBLIKASI | ||||
| | | | | |
|
20___ yil “___” ______________ |
|
__________________ | ||
| | | | | |
|
__________________________________________________________________ | ||||
|
20___ yil “____” _______________dan 20___ yil “____”_______________gacha ___________________________________ soatli | ||||
|
(huquqiy bilimlarni oshirish kursining nomi) | ||||
| muvaffaqiyatli tamomladi. | | | | |
| | | | | |
| Komissiya raisi ______________ | | ____________________________ | ||
| |
(imzo) |
|
(F.I.O.) | |
| | (M.Oʻ.) | | | |
| | | |
Amal qilish muddati: 2 yil | |
Keyingi tahrirga qarang.
Vazirlar Mahkamasining 2017-yil 13-apreldagi 206-son qaroriga
2-ILOVA
2-ILOVA
Sud ekspertlarining malakasini oshirishga qoʻyiladigan
DAVLAT TALABLARI
1-bob. Umumiy qoidalar
1. Sud ekspertlarining malakasini oshirishga qoʻyiladigan davlat talablari (keyingi oʻrinlarda Davlat talablari deb ataladi) Oʻzbekiston Respublikasining “Taʼlim toʻgʻrisida”gi, “Kadrlar tayyorlash milliy dasturi toʻgʻrisida”gi, “Sud ekspertizasi toʻgʻrisida”gi qonunlariga asosan davlat sud ekspertlarining (keyingi oʻrinlarda sud ekspertlari deb ataladi) malakasini oshirish tizimiga qoʻyilgan majburiy talablarni belgilaydi.
2. Davlat talablari sud ekspertlarining malakasini oshirish boʻyicha oʻquv dasturlari, taʼlim sifatini baholash va nazorat qilish boʻyicha hujjatlarni ishlab chiqish uchun asos hisoblanadi.
2-bob. Davlat talablarining qoʻllanish maqsadi va sohasi
3. Davlat talablari sud ekspertlarining malakasini oshirish boʻyicha muassasaning faoliyatini tashkiliy va oʻquv-uslubiy taʼminlash maqsadida qoʻllaniladi.
4. Davlat talablari:
sud ekspertlarining malakasini oshirishning mazmuni va sifatiga qoʻyiladigan umumiy va asosiy talablarni;
sud ekspertlarining malakasini oshirish boʻyicha oʻquv yuklamasi hajmini hamda sud ekspertlariga beriladigan hujjatni;
sud ekspertlarining malakasini oshirishga qoʻyiladigan asosiy talablarni;
sud ekspertlarining malakasini oshirish sifatini baholash hamda nazorat qilish tartibini belgilaydi.
3-bob. Sud ekspertlarining malakasini oshirishning mazmuni va sifatiga qoʻyiladigan umumiy va asosiy talablar
5. Sud ekspertlarining malakasini oshirishga qoʻyiladigan umumiy talablar tegishli oʻquv dasturlari bilan aniqlanadi.
6. Sud ekspertlarining malakasini oshirishning mazmuni sud ekspertlari tomonidan asosiy va qoʻshimcha (yangi) bilim va koʻnikmalar olishga, shuningdek yangi turdagi kasbiy faoliyatni amalga oshirish uchun zarur malakalarni egallashga yoʻnaltirilgan.
7. Sud ekspertlarining malakasini oshirishning sifati ushbu tizim boʻyicha oʻquv jarayonini yakunlagan sud ekspertlarining zarur tayyorgarlik darajasi, ularning bilimlari va amaliy koʻnikmalarining sud ekspertlariga qoʻyiladigan zamonaviy talablar va xalqaro standartlarga mosligi bilan aniqlanadi.
8. Oʻquv dasturlari sud ekspertizasi sohasiga oid fanlarning ilgʻor yutuqlariga, sud-ekspertlik amaliyoti va amaldagi qonunchilikka muvofiq ishlab chiqiladi hamda oʻquv jarayonining uzluksizligi va uzviyligi talablariga mos boʻlishi lozim.
9. Sud ekspertlarining malakasini oshirish boʻyicha oʻquv dasturlari mazmuniga qoʻyiladigan talablar nazariy, amaliy, ekspertizaga oid bilimlarning oʻzaro mosligi, shuningdek mutaxassislik boʻyicha zarur malaka hamda koʻnikmalarni oʻrganishni inobatga olgan holda zamonaviy talablar va xalqaro standartlarga asoslanadi.
10. Sud ekspertlarining malakasini oshirish boʻyicha oʻquv dasturlarini shakllantirishda quyidagilar hisobga olinadi:
Oʻzbekiston Respublikasida taʼlimning uzluksizligi;
zamonaviy pedagogik texnologiyalar va metodlarni qoʻllash boʻyicha ilgʻor xorijiy tajriba hamda uni oʻquv jarayoniga tatbiq etish;
ixtisoslik va tegishli fanlar boʻyicha yangi bilimlar;
taʼlimning amaliy yoʻnaltirilganligi, amaliy kasbiy tayyorgarlik;
qonunchilikdagi oxirgi oʻzgartirishlar;
huquqbuzarliklarga murosasizlik;
sud-ekspertlik faoliyatini amalga oshirish;
ilmiy-tadqiqot va pedagogik faoliyat bilan shugʻullanish;
zamonaviy axborot-kommunikatsiya texnologiyalaridan foydalanish va ularni sud-ekspertlik faoliyatiga tatbiq etishning tashkiliy-metodik jihatlari.
11. Oʻquv dasturlarining mazmuni sud ekspertlarining malakasini oshirish shakllariga, shuningdek oʻquv jarayonining amaliy yoʻnaltirilganligiga, sud ekspertlarida nazariy bilimlar, amaliy koʻnikma va malakalarni shakllantirishga mos boʻlishi lozim.
4-bob. Sud ekspertlarining malakasini oshirish boʻyicha oʻquv yuklamasi hajmi va sud ekspertlariga beriladigan hujjatlar
12. Sud ekspertlarining malakasini oshirish ikki haftadan kam boʻlmagan muddatda sud ekspertizasi muassasalariga ega boʻlgan vazirliklar, davlat qoʻmitalari va idoralar tomonidan tashkil etiladi.
13. Sud ekspertlarining malakasini oshirish boʻyicha oʻquv jarayoni haftasiga koʻpi bilan 36 akademik soat hajmida amalga oshiriladi.
14. Oʻquv jarayoniga jalb etilgan va oʻquv dasturini muvaffaqiyatli oʻzlashtirgan sud ekspertlariga belgilangan namunadagi Davlat sud ekspertining malakasini oshirganligi toʻgʻrisida sertifikat beriladi.
5-bob. Sud ekspertlarining malakasini oshirishga qoʻyiladigan asosiy talablar
15. Quyidagilar sud ekspertlarining malakasini oshirishga qoʻyiladigan asosiy talablar hisoblanadi:
Konstitutsiya va qonunlarda belgilangan asosiy prinsiplar va qoidalarni bilish, qonun hujjatlari normalarini toʻgʻri anglash va qoʻllash qobiliyati;
sud-ekspertlik faoliyatini amalga oshirish qobiliyati;
ilmiy-tadqiqot faoliyati bilan shugʻullanish qobiliyati;
turli vaziyatlarga nisbatan ruhiy barqarorlik.
16. Konstitutsiya va qonunlarda belgilangan asosiy prinsiplar va qoidalarni bilish, qonun hujjatlari normalarini toʻgʻri anglash va qoʻllash qobiliyati quyidagilarni nazarda tutadi:
Konstitutsiya va qonunlarda belgilangan asosiy prinsiplar hamda qoidalarni, jumladan protsessual normalarni bilish va ularning mohiyatini tushunish;
qonun hujjatlarida belgilangan fuqarolarning asosiy huquqlari, erkinliklari va majburiyatlarini bilish va ularning qonun bilan kafolatlanishini anglash;
davlat hokimiyati organlari tizimini va ularning tashkil etilishi asoslarini bilish;
sohaga oid qonun hujjatlarini bilish, tushunish va ularni amaliyotda qoʻllay olish.
17. Sud-ekspertlik faoliyatini amalga oshirish qobiliyati quyidagilarni nazarda tutadi:
sud ekspertizasi sohasidagi bilimlarni qoʻllash koʻnikmalariga ega boʻlish;
mustaqil ijodiy fikrlash hamda sohaga oid huquqiy normalarni toʻgʻri, bir xilda tushunish va qoʻllash, ularning mazmunini aniqlay olish;
sud ekspertizalarining metod va metodikalarini bilish, ularni tadqiqotlar oʻtkazishda mustaqil va toʻgʻri qoʻllay olish;
dastlabki, qayta, qoʻshimcha, komissiyaviy va kompleks ekspertizalar boʻyicha tadqiqotlarni oʻtkaza olish;
sud ekspertizasi sohasida zamonaviy axborot texnologiyalarini mustaqil qoʻllash, Internet jahon axborot tarmogʻidan foydalanishning amaliy koʻnikmalariga ega boʻlish;
sud ekspertizalarini tayinlash va oʻtkazishda mavjud xatolar va kolliziyalarni aniqlay olish hamda ularni bartaraf etish yoʻllarini bilish;
oʻz faoliyatida huquqni muhofaza qiluvchi organlar bilan hamkorlik qilishning asoslarini bilish.
18. Ilmiy-tadqiqot faoliyati bilan shugʻullanish qobiliyati quyidagilarni nazarda tutadi:
sud ekspertiza sohasida alohida mavzu yoki mavzuning bir qismi boʻyicha ilmiy izlanishlar hamda tajribalar oʻtkaza olish va bunday faoliyatda ishtirok etish;
sud ekspertizalarining mavjud metodikalarini takomillashtirish yoki yangi metodikalar yaratish boʻyicha ilmiy-tadqiqot ishlari olib borish;
yangi turdagi sud ekspertizalarini joriy qilish boʻyicha tegishli ilmiy-tadqiqot faoliyatini olib borish.
19. Turli vaziyatlarga nisbatan ruhiy barqarorlik qobiliyati quyidagilarni nazarda tutadi:
faoliyatida uchrab turadigan ziddiyatli vaziyatlarni oldindan bilish va ularni baholay olish;
sud-ekspertlik faoliyatida yuzaga keladigan kolliziyalarni aniqlash va ularni bartaraf etish yoʻllarini bilish;
turli vaziyatlarda aniq va qonunga muvofiq harakat qilish.
6-bob. Sud ekspertlarining malakasini oshirish sifatini baholash hamda nazorat qilish tartibi
20. Sud ekspertlarining malakasini oshirish sifatini baholash taʼlim jarayonini ichki va tashqi shaklda nazorat qilishdan iborat.
21. Ichki nazorat sud ekspertizasi muassasalariga ega boʻlgan vazirliklar, davlat qoʻmitalari va idoralar (Oʻzbekiston Respublikasi Adliya vazirligi tizimidagi sud ekspertlari boʻyicha Sud ekspertlarining malakasini oshirish oʻquv markazi) tomonidan amalga oshiriladi. Ichki nazoratda oʻquv jarayoniga jalb qilingan sud ekspertlarining bilimlari yakuniy nazorat natijalari asosida baholanadi.
22. Tashqi nazorat Sud ekspertlarining malakasini oshirish oʻquv markazi va boshqa vakolatli organlar tomonidan amalga oshiriladi.
Keyingi tahrirga qarang.
Vazirlar Mahkamasining 2017-yil 13-apreldagi 206-son qaroriga
3-ILOVA
3-ILOVA
Vazirlar Mahkamasining “Oʻzbekiston Respublikasi Adliya vazirligi huzuridagi X. Sulaymonova nomidagi Respublika sud ekspertizasi markazi faoliyatini yanada takomillashtirish toʻgʻrisida”gi 2012-yil 14-noyabrdagi 321-son qaroriga kiritilayotgan oʻzgartirishlar va qoʻshimcha
1. 1-bandning uchinchi va toʻrtinchi xatboshilari quyidagi tahrirda bayon qilinsin:
“Oʻzbekiston Respublikasi Adliya vazirligi huzuridagi X. Sulaymonova nomidagi Respublika sud ekspertizasi markazining (keyingi oʻrinlarda Markaz deb ataladi) xodimlarining cheklangan umumiy soni 158 nafar (xizmat koʻrsatuvchi xodimlarni hisobga olmagan holda), ulardan boshqaruv xodimlari 20 nafar boʻlgan tuzilmasi 2-ilovaga muvofiq tasdiqlansin.
Oʻzbekiston Respublikasi adliya vaziriga Markaz tuzilmasiga xodimlarning belgilangan umumiy soni va ajratilgan mablagʻlar doirasida oʻzgartirishlar kiritish huquqi berilsin”.
2. 2-bandda:
a) quyidagi mazmundagi oltinchi xatboshi qoʻshilsin:
“davlat sud ekspertlarining malakasini va huquqiy bilimlarini oshirish boʻyicha faoliyatni tashkil qilish”;
b) oltinchi — sakkizinchi xatboshilar tegishli ravishda yettinchi — toʻqqizinchi xatboshilar deb hisoblansin.
3. Qarorga 2-ilova quyidagi tahrirda bayon qilinsin:
“Oʻzbekiston Respublikasi Adliya vazirligi huzuridagi X. Sulaymonova nomidagi Respublika sud ekspertizasi markazining
TUZILMASI
TUZILMASI
(Oʻzbekiston Respublikasi qonun hujjatlari toʻplami, 2017-y., 16-son, 274-modda; Qonunchilik maʼlumotlari milliy bazasi, 04.06.2021-y., 09/21/345/0522-son; 14.12.2022-y., 09/22/705/1089-son; 24.07.2024-y., 09/24/439/0543-son; 19.03.2025-y., 09/25/171/0258-son)
