Oʻzbekiston Respublikasi Vazirlar Mahkamasining
qarori
Tibbiyot xodimlarining malakasini oshirish va ularni qayta tayyorlash tizimini takomillashtirishga doir qoʻshimcha chora-tadbirlar toʻgʻrisida
Tibbiyot xodimlarining malakasini oshirish tizimini yanada takomillashtirish, ularning professional bilimlarini hamda zamonaviy tibbiyot texnikasi va axborot texnologiyalari bilan ishlash borasidagi amaliy koʻnikmalarini doimiy ravishda yangilashni, respublika va jahon tibbiyoti sohasidagi oxirgi yutuqlardan samarali foydalanishini taʼminlash maqsadida Vazirlar Mahkamasi qaror qiladi:
1. Quyidagilar tibbiyot xodimlari malakasini oshirish va ularni qayta tayyorlash tizimini takomillashtirishning ustuvor vazifalari etib belgilansin:
tibbiyot xodimlari malakasini oshirish va ularni qayta tayyorlash tizimining malakali tibbiyot kadrlari tayyorlashning zamonaviy jahon talablariga javob beradigan yagona tashkiliy tuzilmasini yaratish;
oliy tibbiy taʼlim muassasalari, ixtisoslashtirilgan tibbiyot markazlari, yetakchi davolash-profilaktika va ilmiy-tadqiqot muassasalari kadrlar salohiyatidan va moddiy-texnik bazasidan foydalanish yoʻli bilan amaliy sogʻliqni saqlash uchun mutaxassislarning malakasini oshirish va ularni qayta tayyorlash imkoniyatlarini kengaytirish;
auditoriya oʻquv soatlari va klinik amaliyotning maqbul ravishda birga qoʻshib olib borilishini nazarda tutuvchi birxillashtirilgan oʻquv dasturlari asosida taʼlim jarayonini tashkil etish, zamonaviy uskunada ishlash tajribasini orttirish uchun shart-sharoit yaratish, uning yordamida olingan diagnostik maʼlumotlarni izohlash;
tibbiyot xodimlarini qayta tayyorlash va ularning malakasini majburiy oshirish tizimining professor-oʻqituvchi kadrlari malakasini oshirish, shu jumladan xorijda yetakchi tibbiyot muassasalarida oshirish tizimini joriy etish;
tibbiyot xodimlarini qayta tayyorlash ularning malakasini oshirish tizimi muassasalarining ilgʻor xorijiy klinikalar va oliy tibbiy taʼlim muassasalari bilan xalqaro hamkorligini kengaytirish, yetakchi xorijiy mutaxassislarni sogʻliqni saqlash sohasidagi taʼlim berishning talab yuqori boʻlgan yoʻnalishlari boʻyicha taʼlim jarayoniga jalb etish uchun shart-sharoit yaratish.
2. Quyidagilar:
Tibbiyot xodimlari malakasini oshirish va ularni qayta tayyorlash tizimining tashkiliy tuzilmasi 1-ilovaga muvofiq;
Oldingi tahrirga qarang.
Tibbiyot xodimlari malakasini oshirish va ularni qayta tayyorlash sxemasi 2-ilovaga muvofiq tasdiqlansin;
(2-bandning uchinchi xatboshisi Oʻzbekiston Respublikasi Vazirlar Mahkamasining 2021-yil 15-yanvardagi 19-sonli qarori tahririda — Qonun hujjatlari maʼlumotlari milliy bazasi, 16.01.2021-y., 09/21/19/0038-son)
Oldingi tahrirga qarang.
(2-bandning toʻrtinchi xatboshisi Oʻzbekiston Respublikasi Vazirlar Mahkamasining 2021-yil 15-yanvardagi 19-sonli qaroriga asosan chiqarilgan — Qonun hujjatlari maʼlumotlari milliy bazasi, 16.01.2021-y., 09/21/19/0038-son)
3. Belgilansin, tibbiyot xodimlari malakasini oshirish va ularni qayta tayyorlash quyidagi tartibda amalga oshiriladi:
Oldingi tahrirga qarang.
klinik ordinatura Tibbiyot xodimlarining kasbiy malakasini rivojlantirish markazi tibbiyot oliy taʼlim muassasalarida bazaviy vrachlik mutaxassisliklari ixtisosliklari boʻyicha respublika ixtisoslashtirilgan markazlarida va ilmiy-tadqiqot muassasalarida oʻtkaziladi;
birlamchi ixtisoslashtirish Tibbiyot xodimlarining kasbiy malakasini rivojlantirish markazida, tibbiy oliy taʼlim muassasalari malaka oshirish va qayta tayyorlash fakultetlari, Respublika oʻrta tibbiyot va farmatsevtika xodimlar malakasini oshirish markazida va ularni mintaqaviy filiallarida oʻtkaziladi;
birlamchi ixtisoslashtirish kurslari, umumiy amaliyot vrachlarini umumiy va mavzuli malaka oshirish Tibbiyot xodimlarining kasbiy malakasini rivojlantirish markazining ixtisosli kafedralarida va tibbiyot oliy taʼlim muassasalarida oʻtkaziladi;
tibbiyot xodimlarining umumiy malakasini oshirish kurslari Tibbiyot xodimlarining kasbiy malakasini rivojlantirish markazida, tibbiy oliy taʼlim muassasalarining malaka oshirish va qayta tayyorlash fakultetlarida, Respublika oʻrta tibbiyot va farmatsevtika xodimlar malakasini oshirish markazida va uning mintaqaviy filiallarida oʻtkaziladi;
(3-bandning ikkinchi — beshinchi xatboshilari Oʻzbekiston Respublikasi Vazirlar Mahkamasining 2021-yil 15-yanvardagi 19-sonli qarori tahririda — Qonun hujjatlari maʼlumotlari milliy bazasi, 16.01.2021-y., 09/21/19/0038-son)
tibbiyot xodimlarining qoʻshimcha ixtisoslashishi va mavzuli malaka oshirish kurslari tibbiyot oliy taʼlim muassasalarining malaka oshirish va qayta tayyorlash fakultetlarida, Respublika oʻrta tibbiyot va farmatsevtika xodimlar malakasini oshirish markazida va mintaqaviy filiallari, shuningdek, ixtisoslashtirilgan tibbiyot markazlari, yetakchi davolash-profilaktika va ilmiy-tekshirish muassasalari, farmatsevtik tashkilotlarda oʻtkaziladi.
Oldingi tahrirga qarang.
(4-band Oʻzbekiston Respublikasi Vazirlar Mahkamasining 2021-yil 15-yanvardagi 19-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 16.01.2021-y., 09/21/19/0038-son)
Oldingi tahrirga qarang.
(5-band Oʻzbekiston Respublikasi Vazirlar Mahkamasining 2021-yil 15-yanvardagi 19-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 16.01.2021-y., 09/21/19/0038-son)
6. Oʻzbekiston Respublikasi Sogʻliqni saqlash vazirligi:
uch oy muddatda tibbiyot xodimlari malakasini oshirish va ularni qayta tayyorlash tizimi muassasalarining professor-oʻqituvchilar tarkibini attestatsiyadan oʻtkazsin, uning yakunlari boʻyicha tibbiyot xodimlari malakasini oshirish va ularni qayta tayyorlash tizimi zarur bilimlariga va amaliy ish tajribasiga ega boʻlgan yuqori malakali tashabbuskor kadrlar bilan butlanishini taʼminlasin;
Oldingi tahrirga qarang.
2017/2018 oʻquv yilidan boshlab Tibbiyot xodimlarining kasbiy malakasini rivojlantirish markazida oliy maʼlumotli tibbiyot hamshiralari va tibbiyot texnikasi boʻyicha muhandis-texnik xodimlar malakasini oshirilishini tashkil etsin;
(6-bandning uchinchi xatboshisi Oʻzbekiston Respublikasi Vazirlar Mahkamasining 2021-yil 15-yanvardagi 19-sonli qarori tahririda — Qonun hujjatlari maʼlumotlari milliy bazasi, 16.01.2021-y., 09/21/19/0038-son)
Oʻzbekiston Respublikasi Vazirlar Mahkamasi huzuridagi Davlat test markazi bilan birgalikda ikki oy muddatda tibbiyot xodimlari malakasini oshirish va ularni qayta tayyorlash tizimida taʼlim jarayoning mazmun va sifatiga qoʻyilgan talablarni, shuningdek, mutaxassislar tayyorlashning har bir yoʻnalishi uchun oʻquv dasturlari qayta koʻrib chiqsin;
Oʻzbekiston Respublikasi Axborot texnologiyalari va kommunikatsiyani rivojlantirish vazirligi bilan birgalikda 2018-yil 1-yanvardan boshlab Oʻzbekiston Respublikasi Sogʻliqni saqlash vazirligi muassasalari va aholiga tibbiy xizmatlar koʻrsatuvchi boshqa tashkilotlarning tibbiyot xodimlari malakasini oshirishning yagona elektron maʼlumotlar bazasi joriy etilsin.
7. Belgilansinki:
asosiy ishidan ajralgan holda tibbiyot xodimlari malakasini oshirish kurslariga yuborilgan tinglovchilarning butun oʻqish davrida asosiy ish joyi boʻyicha oʻrtacha oylik ish haqi saqlanib qolinadi;
Oldingi tahrirga qarang.
asosiy ishidan ajralgan holda tibbiyot xodimlari malakasini oshirish kursiga yuborilgan boshqa shaharlik tinglovchilarga oʻqish joyiga bir marta kelish va ketish, shuningdek, yuboruvchi tomon hisobiga yashash xarajatlari qonunchilikda belgilangan tartibda qoplanadi.
(7-bandning uchinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
8. Vazirlik va idoralar bir oy muddatda oʻzlari qabul qilgan normativ-huquqiy hujjatlarni ushbu qarorga muvofiqlashtirsinlar.
9. Mazkur qarorning bajarilishini nazorat qilish Oʻzbekiston Respublikasi Sogʻliqni saqlash vaziri A.K. Shadmanov zimmasiga hamda Oʻzbekiston Respublikasi Vazirlar Mahkamasi Sogʻliqni saqlash, ekologiya, atrof muhitni muhofaza qilish, jismoniy tarbiya va sport masalalari boʻyicha axborot-tahlil departamentiga yuklatilsin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 4-aprel,
174-son
Vazirlar Mahkamasining 2017-yil 4-apreldagi 174-son qaroriga
1-ILOVA
1-ILOVA
Tibbiyot xodimlari malakasini oshirish va ularni qayta tayyorlash tizimining
TAShKILIY TUZILMASI
Oldingi tahrirga qarang.
(1-ilova Oʻzbekiston Respublikasi Vazirlar Mahkamasining 2021-yil 15-yanvardagi 19-sonli qarori tahririda — Qonun hujjatlari maʼlumotlari milliy bazasi, 16.01.2021-y., 09/21/19/0038-son)
Vazirlar Mahkamasining 2017-yil 4-apreldagi 174-son qaroriga
2-ILOVA
2-ILOVA
Tibbiyot xodimlari malakasini oshirish va ularni qayta tayyorlash
SXEMASI
Oldingi tahrirga qarang.
|
| ||
|
Klinik ordinatura |
Tibbiyot xodimlarining kasbiy malakasini rivojlantirish markazi, tibbiyot OTM, respublika ixtisoslashtirilgan markazlari, bazaviy vrachlik mutaxassisliklari yoʻnalishlari boʻyicha ITI | |
|
Birlamchi ixtisoslash tirish |
Tibbiyot xodimlarining �asbiy malakasini rivojlantirish markazi, tibbiyot OTM malaka oshirish va qayta tayyorlash fakultetlari. Respublika oʻrta tibbiyot va farmatsevtika xodimlari malakasini oshirish va ularni ixtisoslashtirish markazi va uning viloyatlardagi filiallari | |
|
Qoʻshimcha ixtisoslashtirish |
Tibbiyot xodimlarining kasbiy malakasini rivojlantirish markazi, tibbiyot OTM malaka oshirish va qayta tayyorlash fakultetlari, Respublika oʻrta tibbiyot va farmatsevtika xodimlari malakasini oshirish va ularni ixtisoslashtirish markazi va uning viloyatlardagi filiallari, ilmiy-tadqiqot muassasalari, ixtisoslashtirilgan tibbiyot markazlari, davolash-profilaktika muassasalari, farmatsevtika tashkilotlari | |
|
| ||
|
Umumiy malaka oshirish |
Tibbiyot xodimlarining kasbiy malakasini rivojlantirish markazi, tibbiyot OTM, Respublika oʻrta tibbiyot va farmatsevtika xodimlari malakasini oshirish va ularni ixtisoslashtirish markazi va uning viloyatlardagi filiallari | |
|
Mavzuli malaka oshirish |
Tibbiyot xodimlarining kasbiy malakasini rivojlantirish markazi, tibbiyot OTM, Respublika oʻrta tibbiyot va farmatsevtika xodimlari malakasini oshirish va ularni ixtisoslashtirish markazi va uning viloyatlardagi filiallari, ilmiy-tadqiqot muassasalari, ixtisoslashtirilgan tibbiyot markazlari, davolash-profilaktika muassasalari, farmatsevtika tashkilotlari | |
|
| ||
|
Malaka oshirish va qayta tayyorlash |
Tibbiyot xodimlarining kasbiy malakasini rivojlantirish markazi, tibbiyot OTM | |
(2-ilova Oʻzbekiston Respublikasi Vazirlar Mahkamasining 2021-yil 15-yanvardagi 19-sonli qarori tahririda — Qonun hujjatlari maʼlumotlari milliy bazasi, 16.01.2021-y., 09/21/19/0038-son)
Oldingi tahrirga qarang.
(3-ilova Oʻzbekiston Respublikasi Vazirlar Mahkamasining 2021-yil 15-yanvardagi 19-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 16.01.2021-y., 09/21/19/0038-son)
(Oʻzbekiston Respublikasi qonun hujjatlari toʻplami, 2017-y., 14-son, 223-modda; 16.01.2021-y., 09/21/19/0038-son; Qonunchilik maʼlumotlari milliy bazasi, 05.04.2022-y., 09/22/153/0266-son)
