Ishlatilgan texnik moylarni toʻplash va qayta ishlash ishlarini samarali tashkil etish maqsadida Vazirlar Mahkamasi qaror qiladi:

1. “Uz-Ecoprotect” MChJ va “Uz-Prista Recycling” MChJ qoʻshma korxonalari muassislarining umumiy yigʻilishlarida ishlatilgan texnik moylarni toʻplash, saqlash va qayta ishlash mexanizmini takomillashtirish maqsadida “Uz-Ecoprotect” MChJ qoʻshma korxonasini “Uz-Prista Recycling” MChJ qoʻshma korxonasiga qoʻshish toʻgʻrisida qarorlar qabul qilinganligi maʼlumot uchun qabul qilinsin.

2. Vazirlar Mahkamasining 2012-yil 4-sentabrdagi 258-son qarori (Oʻzbekiston Respublikasi QT, 2012-y., 9-son, 62-modda) bilan tasdiqlangan Ishlatilgan texnik moylarni topshirish, toʻplash, ular uchun hisob-kitob qilish, ularni saqlash va tashish tartibi toʻgʻrisidagi Nizomga ilovaga muvofiq oʻzgartirishlar kiritilsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Gʻ.I. Ibragimov zimmasiga yuklansin.

1. 2-bandda:

ikkinchi xatboshi quyidagi tahrirda bayon qilinsin:

“ishlatilgan texnik moylarni toʻplash va qayta ishlash tashkiloti — ishlatilgan texnik moylarni toʻplash, saqlash va tashish uchun zarur infratuzilmaga, shuningdek ularni qayta ishlash uchun zarur quvvatlar va texnologiyalarga ega boʻlgan tashkilot”;

uchinchi xatboshi chiqarib tashlansin;

toʻrtinchi — oʻn birinchi xatboshilar tegishli ravishda uchinchi-oʻninchi xatboshilar deb hisoblansin;

toʻrtinchi xatboshidagi “ishlatilgan texnik moylarni toʻplash” soʻzlari “ishlatilgan texnik moylarni toʻplash va qayta ishlash” soʻzlari bilan almashtirilsin.

2. 9-bandning beshinchi xatboshidagi “ITMni toʻplash faoliyatini amalga oshiruvchi maxsus tashkilotlardan” soʻzlari “texnik moylarni almashtirish punktlari va ITMni toʻplash maxsus punktlaridan” soʻzlari bilan almashtirilsin;

3. 10-banddagi, 13-bandning ikkinchi, toʻrtinchi va beshinchi xatboshilardagi “ishlatilgan texnik moylarni toʻplash” soʻzlari “ishlatilgan texnik moylarni toʻplash va qayta ishlash” soʻzlari bilan almashtirilsin.

4. 14-bandda:

birinchi xatboshidagi “ishlatilgan texnik moylarni toʻplash” soʻzlari “ishlatilgan texnik moylarni toʻplash va qayta ishlash” soʻzlari bilan almashtirilsin;

beshinchi xatboshi chiqarib tashlansin.

5. 15-bandning ikkinchi xatboshidagi “ishlatilgan texnik moylarni toʻplash tashkilotiga” soʻzlari chiqarib tashlansin.

6. 18 va 20-bandlar oʻz kuchini yoʻqotgan deb hisoblansin.