2282-4-сон 06.06.2016. Pensiya ishlarini rasmiylashtirish va yuritish tartibi hamda pensiya hujjatlarining shakllari va ularni toʻldirish qoidalari toʻgʻrisidagi yoʻriqnomaga oʻzgartirish va qoʻshimchalar kiritish haqida

Hujjat kuchini yo‘qotgan 11.12.2023

Oʻzbekiston Respublikasi Moliya vazirining

buyrugʻi

Pensiya ishlarini rasmiylashtirish va yuritish tartibi hamda pensiya hujjatlarining shakllari va ularni toʻldirish qoidalari toʻgʻrisidagi yoʻriqnomaga oʻzgartirish va qoʻshimchalar kiritish haqida

[Oʻzbekiston Respublikasi Adliya vazirligi tomonidan 2016-yil 6-iyunda roʻyxatdan oʻtkazildi, roʻyxat raqami 2282-4]

LexUZ sharhi

Mazkur buyruq Oʻzbekiston Respublikasi iqtisodiyot va moliya vazirining 2023-yil 13-noyabrdagi 84-sonli ““Pensiya ishlarini rasmiylashtirish va yuritish tartibi hamda pensiya hujjatlarining shakllari va ularni toʻldirish qoidalari toʻgʻrisidagi yoʻriqnomani tasdiqlash haqida”gi buyruq, shuningdek unga oʻzgartirish va qoʻshimchalarni oʻz kuchini yoʻqotgan deb topish toʻgʻrisida”gi buyrugʻiga (roʻyxat raqami 2282-9, 07.12.2023-y.) asosan oʻz kuchini yoʻqotgan.

Oʻzbekiston Respublikasi Vazirlar Mahkamasining 2016-yil 22-fevraldagi 46-son “Chet elda ishlayotgan Oʻzbekiston Respublikasi fuqarolari hamda ish vaqtini hisobga olib boʻlmaydigan shaxslarning ayrim toifalari tomonidan Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga sugʻurta badallari toʻlash tartibini, shuningdek ularning pensiyani hisoblash uchun olinadigan ish stajini va ish haqi miqdorini hisobga olish tartibi toʻgʻrisidagi nizomni tasdiqlash haqida”gi qaroriga muvofiq buyuraman:

1. Oʻzbekiston Respublikasi moliya vazirining 2011-yil 14-oktabrdagi 63-son buyrugʻi (roʻyxat raqami 2282, 2011-yil 17-noyabr) (Oʻzbekiston Respublikasi qonun hujjatlari toʻplami, 2011-y., 45-46-son, 483-modda) bilan tasdiqlangan Pensiya ishlarini rasmiylashtirish va yuritish tartibi hamda pensiya hujjatlarining shakllari va ularni toʻldirish qoidalari toʻgʻrisidagi yoʻriqnomaga ilovaga muvofiq oʻzgartirish va qoʻshimchalar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir R. AZIMOV

Toshkent sh.,

2016-yil 11-may,

28-son

Oʻzbekiston Respublikasi moliya vazirining 2016-yil 11-maydagi 28-son buyrugʻiga
ILOVA

Pensiya ishlarini rasmiylashtirish va yuritish tartibi hamda pensiya hujjatlarining shakllari va ularni toʻldirish qoidalari toʻgʻrisidagi yoʻriqnomaga kiritilayotgan oʻzgartirish va qoʻshimchalar

1. 1-band quyidagi mazmundagi xatboshi bilan toʻldirilsin:

“Yakka tartibdagi tadbirkor (chet elda yollangan holda ishlovchi shaxs, dehqon xoʻjaligi aʼzosi, oilaviy tadbirkorlik subyekti oilasi aʼzosi uchun, shuningdek yakka tartibdagi tadbirkor tomonidan mehnat shartnomasi boʻyicha yollangan xodimlar uchun) tomonidan Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga sugʻurta badallari toʻlanganligini tasdiqlovchi maʼlumotnoma uning yashash joyi boʻyicha Pensiya jamgʻarmasi boʻlimi tomonidan Oʻzbekiston Respublikasi davlat soliq xizmati organlari tomonidan taqdim etilgan maʼlumotlari asosida rasmiylashtiriladigan Toʻlangan sugʻurta badallarini hisobga olish kartochkasi asosida beriladi.”.

2. 11-bandning birinchi xatboshisidagi “(mehnat daftarchasi, arxiv maʼlumotlari va tashkilot tomonidan taqdim etilgan maʼlumotnomalardan tashqari)” degan soʻzlar “(mehnat daftarchasi, arxiv maʼlumotlari, tashkilot tomonidan taqdim etilgan maʼlumotnomalar, yakka tartibdagi tadbirkor (chet elda yollangan holda ishlovchi shaxs, dehqon xoʻjaligi aʼzosi, oilaviy tadbirkorlik subyekti oilasi aʼzosi uchun, shuningdek yakka tartibdagi tadbirkor tomonidan mehnat shartnomasi boʻyicha yollangan xodimlar uchun) tomonidan sugʻurta badallari toʻlanganligini tasdiqlovchi maʼlumotnomalar va soliq agenti hisoblanmaydigan ish beruvchidan daromad oluvchi xodimning jami yillik daromad toʻgʻrisidagi deklaratsiyalaridan tashqari)” degan soʻzlar bilan almashtirilsin.

3. 12-bandda:

ikkinchi xatboshi quyidagi tahrirda bayon etilsin:

“pensiyani tayinlash toʻgʻrisidagi arizani pensiya tayinlash (yashash manzili oʻzgarganligi munosabati bilan hisobga qoʻyish) toʻgʻrisidagi arizalarni roʻyxatga olish kitobiga (mazkur Yoʻriqnomaning 6-ilovasi);”;

oltinchi xatboshidagi “toʻlash toʻgʻrisidagi” degan soʻzlar “toʻlash, shuningdek pensiya (ijtimoiy nafaqa)ni qayta hisoblash (boshqa turiga oʻtkazish, tiklash) toʻgʻrisidagi” degan soʻzlar bilan almashtirilsin.

4. 13-band quyidagi mazmundagi xatboshi bilan toʻldirilsin:

“Inspektor ariza beruvchining soliq toʻlovchining identifikatsiya raqami va shaxsiy jamgʻarilib boradigan pensiya hisobvaragʻiga asosan Oʻzbekiston Respublikasi Davlat soliq qoʻmitasi va Aksiyadorlik-tijorat Xalq banki bilan axborot almashinuvi boʻyicha oʻzaro hamkorlik, shu jumladan axborot-kommunikatsiya texnologiyalaridan foydalangan holda, ariza beruvchining ish staji, ish haqi va hisoblangan sugʻurta badallari summasini oʻzaro solishtiradi.”.

5. 22-bandning ikkinchi xatboshisi chiqarib tashlansin.

6. 24 va 25-bandlar quyidagi tahrirda bayon etilsin:

“24. Pensiya guvohnomasini olish uchun shaxs Pensiya jamgʻarmasi boʻlimiga ikkita fotosurat taqdim etadi, shundan bittasi guvohnomaga, ikkinchisi esa pensiya yigʻmajildi oldi qismining ichki tomoniga yelimlanadi. Pensiya guvohnomasining berilishi pensionerlar (nafaqa oluvchilar)ga berilgan guvohnomalar, maʼlumotnomalar va jamgʻarib boriladigan pensiya toʻlovlarini olish huquqi toʻgʻrisida berilgan guvohnomalarni roʻyxatga olish kitobida (mazkur Yoʻriqnomaning 18-ilovasi) qayd etiladi.

Pensiya guvohnomasi yoʻqolgan taqdirda, guvohnomaning dublikati beriladi. Dublikatga yoʻqolgan pensiya guvohnomasining raqami beriladi, dublikatning qayd etish raqami esa pensionerlar (nafaqa oluvchilar)ga berilgan guvohnomalar, maʼlumotnomalar va jamgʻarib boriladigan pensiya toʻlovlarini olish huquqi toʻgʻrisida berilgan guvohnomalarni roʻyxatga olish kitobiga kiritiladi.

25. Pensiya, ijtimoiy nafaqa va boshqa toʻlovlarni olganligi toʻgʻrisidagi maʼlumotnoma pensionerlar (nafaqa oluvchilar)ga berilgan guvohnomalar, maʼlumotnomalar va jamgʻarib boriladigan pensiya toʻlovlarini olish huquqi toʻgʻrisida guvohnomalarni roʻyxatga olish kitobiga shaxsning maʼlumotnoma olganligi toʻgʻrisidagi imzo qoʻyilishi orqali beriladi.”.

7. 26, 27, 29 va 58-bandlar oʻz kuchini yoʻqotgan deb topilsin.

8. III bob quyidagi mazmundagi 30²-band bilan toʻldirilsin:

“30². Yakka tartibdagi tadbirkorlar (chet elda yollangan holda ishlovchi shaxslar, yuridik shaxs tashkil etmagan holda oilaviy tadbirkorlik subyekti oilasi aʼzolari, dehqon xoʻjaligi aʼzolari)ning hisobga qoʻyish toʻgʻrisidagi arizalari, shuningdek Toʻlangan sugʻurta badallarining hisobga olish kartochkalari yakka tartibdagi tadbirkorlar (chet elda yollangan holda ishlovchi shaxslar, yuridik shaxs tashkil etmagan holda oilaviy tadbirkorlik subyekti oilasi aʼzolari, dehqon xoʻjaligi aʼzolari)ning Pensiya jamgʻarmasi boʻlimida hisobga qoʻyish toʻgʻrisidagi arizalari, shuningdek Toʻlangan sugʻurta badallarining hisobga olish kartochkasi ochilishini roʻyxatga olish kitobida qayd etilishi lozim (mazkur Yoʻriqnomaning 23-ilovasi).”.

9. 31-bandning toʻrtinchi xatboshisidagi “mazkur Yoʻriqnomaning 23, 24-ilovalarida koʻzda tutilgan kitoblarda” degan soʻzlar “uy-joy-kommunal xizmatlar haqini toʻlash boʻyicha kompensatsiya pul toʻlovlarini toʻlash, shuningdek pensiya (ijtimoiy nafaqa)ni qayta hisoblash (boshqa turiga oʻtkazish, tiklash) toʻgʻrisidagi arizalarni roʻyxatga olish kitobiga” degan soʻzlar bilan almashtirilsin.

10. 40-band quyidagi tahrirda bayon etilsin:

“40. Nogironlik guruhini belgilash (bekor qilish) toʻgʻrisidagi TMEK maʼlumotlarini roʻyxatga olish (koʻrik dalolatnomalaridan koʻchirmalar) mazkur Yoʻriqnomaning 26-ilovasida koʻzda tutilgan kitoblarda amalga oshiriladi.”.

11. 47-banddagi “mazkur Yoʻriqnomaning 29-ilovasiga muvofiq, pensioner (nafaqa oluvchi)ning yashash manzili oʻzgarganligi munosabati bilan pensiya yigʻmajildini hisobga qoʻyishni” degan soʻzlar “pensiyani tayinlash (yashash manzili oʻzgarganligi munosabati bilan hisobga qoʻyish) toʻgʻrisidagi arizalarni” degan soʻzlar bilan almashtirilsin.

12. 57-band quyidagi tahrirda bayon etilsin:

“57. Pensiya (ijtimoiy nafaqa) toʻlovlari toʻxtatilgan pensiya yigʻmajildlari ijrodagi pensiya yigʻmajildlaridan alohida Pensiya jamgʻarmasi arxivida saqlanadi va alfavit tartibida roʻyxatga olish kitoblarida (mazkur Yoʻriqnomaning 32-ilovasi) roʻyxatga olinadi. Bunda alfavit kitobidagi qayd etish raqami pensiya yigʻmajildiga beriladi. Alfavitning har bir harfi boʻyicha bir raqamidan boshlab alohida tartib raqamlari qoʻyib chiqiladi.”.

13. 61-bandning birinchi xatboshisidagi “33, 34-ilovalari” degan soʻzlar “32, 33-ilovalari” degan soʻzlar bilan almashtirilsin.

14. 62-bandning birinchi jumlasi quyidagi tahrirda bayon etilsin:

“Oʻzbekiston Respublikasi Adliya vazirligi va Moliya vazirligi huzuridagi budjetdan tashqari Pensiya jamgʻarmasi oʻrtasida axborot almashinuvi boʻyicha oʻzaro hamkorlik asosida, shu jumladan axborot-kommunikatsiya texnologiyalaridan foydalangan holda, har kuni vafot etgan pensioner (nafaqa oluvchi)lar roʻyxati Pensiya jamgʻarmasi boʻlimiga taqdim etiladi.”.

15. 1-ilova mazkur oʻzgartirish va qoʻshimchalarning 1-ilovasiga muvofiq tahrirda bayon etilsin.

16. 6-ilova mazkur oʻzgartirish va qoʻshimchalarning 2-ilovasiga muvofiq tahrirda bayon etilsin.

17. 10-ilova mazkur oʻzgartirish va qoʻshimchalarning 3-ilovasiga muvofiq tahrirda bayon etilsin.

18. 15, 16, 19, 20, 22, 24, 27, 29, 31, 34 va 35-ilovalar oʻz kuchini yoʻqotgan deb topilsin.

19. 18-ilova mazkur oʻzgartirish va qoʻshimchalarning 4-ilovasiga muvofiq tahrirda bayon qilinsin.

20. 23-ilova mazkur oʻzgartirish va qoʻshimchalarning 5-ilovasiga muvofiq tahrirda bayon qilinsin.

21. 26-ilova mazkur oʻzgartirish va qoʻshimchalarning 6-ilovasiga muvofiq tahrirda bayon qilinsin.

22. 32-ilova mazkur oʻzgartirish va qoʻshimchalarning 7-ilovasiga muvofiq tahrirda bayon qilinsin.

“Pensiya ishlarini rasmiylashtirish va yuritish tartibi hamda pensiya hujjatlarining shakllari va ularni toʻldirish qoidalari toʻgʻrisidagi yoʻriqnomaga
1-ILOVA

Pensiya yigʻmajildini rasmiylashtirish uchun roʻyxatga olish kitoblari

ROʻYXATI

T/r	Hujjat nomi	Masʼul	Nazoratchi
1.	Pensiyani tayinlash (yashash manzili oʻzgarganligi munosabati bilan hisobga qoʻyish) toʻgʻrisidagi arizalarni roʻyxatga olish kitobi	Pensiya tayinlash guruhi rahbari	Boʻlim boshligʻi
2.	Ijtimoiy nafaqalarni tayinlash toʻgʻrisidagi arizalarni roʻyxatga olish kitobi	Pensiya tayinlash guruhi rahbari	Boʻlim boshligʻi
3.	Bola tugʻilganda beriladigan bir martalik nafaqa toʻlash toʻgʻrisidagi arizalarni roʻyxatga olish kitobi	Pensiya tayinlash guruhi rahbari	Boʻlim boshligʻi oʻrinbosari
4.	Dafn etishga nafaqa toʻlash toʻgʻrisidagi arizalarni roʻyxatga olish kitobi	Boʻlim boshligʻi oʻrinbosari	Boʻlim boshligʻi
5.	Uy-joy-kommunal xizmatlar haqini toʻlash boʻyicha kompensatsiya pul toʻlovlarini toʻlash, shuningdek pensiya (ijtimoiy nafaqa)ni qayta hisoblash (boshqa turiga oʻtkazish, tiklash) toʻgʻrisidagi arizalarni roʻyxatga olish kitobi	Pensiya tayinlash guruhi rahbari	Boʻlim boshligʻi
6.	Pensiya tayinlashni rad etish, qoʻshimcha tekshirishni oʻtkazish va qoʻshimcha hujjatlarni taqdim etish toʻgʻrisidagi komissiya qarorlarini roʻyxatga olish kitobi	Boʻlim boshligʻi oʻrinbosari	Boʻlim boshligʻi
7.	Pensiya va nafaqalar toʻlovi monitoringi guruhiga taqdim etilgan hujjatlarni roʻyxatga olish kitobi	Pensiya tayinlash guruhi inspektori	Pensiya tayinlash va Pensiya va nafaqa toʻlovlari monitoringi guruhlari rahbari
8.	Pensionerlar (nafaqa oluvchilar)�a berilgan guvohnomalar, maʼlumotnomalar va jamgʻarib boriladigan pensiya toʻlovlarini olish huquqi toʻgʻrisida berilgan guvohnomalarni roʻyxatga olish kitobi	Ish yurituvchi	Boʻlim boshligʻi oʻrinbosari
9.	Ishlovchi pensionerlarga beriladigan topshiriqnomalarni (F-25) roʻyxatga olish kitobi	Pensiya va nafaqa toʻlovlari monitoringi guruhi rahbari	Boʻlim boshligʻi oʻrinbosari
10.	Nogironlik guruhini belgilash (bekor qilish) toʻgʻrisidagi TMEK maʼlumotnomalari (koʻrikdan oʻtish dalolatnomalaridan koʻchirma)ni roʻyxatga olish kitobi	Ish yurituvchi	Boʻlim boshligʻi
11.	I guruh nogironi, shuningdek 80 yoshga toʻlgan keksaga qarab turishning haqiqiy holatlarini tekshirish dalolatnomasini roʻyxatga olish kitobi	Pensiya tayinlash guruhi rahbari	Boʻlim boshligʻi oʻrinbosari
12.	Yakka tartibdagi tadbirkorlar (chet elda yollangan holda ishlovchi shaxslar, yuridik shaxs tashkil etmagan holda oilaviy tadbirkorlik subyekti oilasi aʼzolari, dehqon xoʻjaligi aʼzolari)ning Pensiya jamgʻarmasi boʻlimida hisobga qoʻyish toʻgʻrisidagi arizalari, shuningdek Toʻlangan sugʻurta badallarining hisobga olish kartochkasi ochilishini roʻyxatga olish kitobi	Mablagʻlarga ehtiyojni aniqlash, buxgalteriya hisobi va hisoboti shuʼbasi rahbari	Boʻlim boshligʻi oʻrinbosari
13.	Pensioner (nafaqa oluvchi)ning yashash manzili oʻzgarganligi munosabati bilan pensiya yigʻmajildini hisobdan chiqarishni roʻyxatga olish kitobi	Pensiya va nafaqa toʻlovlari monitoringi guruhi rahbari	Boʻlim boshligʻi oʻrinbosari
14.	Pensiya (ijtimoiy nafaqa)dan chegirmalar toʻgʻrisida ijro hujjatlarini roʻyxatga olish kitobi	Pensiya va nafaqa toʻlovlari monitoringi guruhi rahbari	Boʻlim boshligʻi va yuriskonsult
15.	Pensiya (ijtimoiy nafaqa) toʻlovlari toʻxtatilgan pensiya yigʻmajildlarini hamda ularning berilishini roʻyxatga olish kitobi	Arxivarius	Boʻlim boshligʻi oʻrinbosari
16.	Pensiya (ijtimoiy nafaqa) toʻlovlari amalga oshirilayotgan arxivdagi pensiya yigʻmajildlarining berilishini roʻyxatga olish kitobi	Arxivarius	Boʻlim boshligʻi

YURITIShGA DOIR TALABLAR

T/r	Barcha koʻrsatib oʻtilgan hujjatlarda quyidagilar amalga oshirilgan boʻlishi lozim:	Masʼul
1.	Nomerlangan	Pensiya tayinlash, Pensiya va nafaqalar toʻlovi monitoringi guruhlari rahbarlari
2.	Tikilgan	Pensiya tayinlash, Pensiya va nafaqalar toʻlovi monitoringi guruhlari rahbarlari
3.	Imzolar bilan tasdiqlangan	Pensiya tayinlash, Pensiya va nafaqalar toʻlovi monitoringi guruhlari rahbarlari
4.	Muhr qoʻyilgan	Boʻlim boshligʻi
5.	Yozuvlar oʻchirishlar va oʻzgartirishlarsiz	Pensiya tayinlash, Pensiya va nafaqalar toʻlovi monitoringi guruhlari rahbarlari
6.	Barcha rekvizitlar bilan toʻldirilgan	Pensiya tayinlash, Pensiya va nafaqalar toʻlovi monitoringi guruhlari rahbarlari
7.	Oʻz vaqtida yopilgan	Pensiya tayinlash, Pensiya va nafaqalar toʻlovi monitoringi guruhlari rahbarlari

Izoh: Eski namunada ochilgan roʻyxatga olish kitoblaridan undagi barcha qatorlar toʻldirilgunga, ammo 2017-yil 1-yanvardan koʻp boʻlmagan muddatga qadar foydalaniladi.”.

“Pensiya ishlarini rasmiylashtirish va yuritish tartibi hamda pensiya hujjatlarining shakllari va ularni toʻldirish qoidalari toʻgʻrisidagi yoʻriqnomaga
6-ILOVA

Pensiyani tayinlash (yashash manzili oʻzgarganligi munosabati bilan hisobga qoʻyish) toʻgʻrisidagi arizalarni roʻyxatga olish

KITOBI

T/r	Arizachining F.I.O., tugʻilgan yili va yashash manzili	Avvalgi yashash manzili (davlat, viloyat, shahar, tuman nomi)	Pensiya tayinlash uchun hujjatlar taqdim etgan tashkilot nomi	Hujjatning kelib tushgan sanasi		Pensiya (nafaqa) turi	Talab qilinadigan ish staji/ ortiqcha ish staji	Komissiya qarori mazmuni					Pensiya yigʻmajildi raqami
T/r	Arizachining F.I.O., tugʻilgan yili va yashash manzili			taqdimnoma (tashkilot tomonidan kelib tushgan sanasi)	ariza (fuqaro tomonidan kelib tushgan sanasi)	Pensiya (nafaqa) turi	Talab qilinadigan ish staji/ ortiqcha ish staji	umumiy ish staji	oʻrtacha oylik ish haqi	qaror sanasi	Pensiya (nafaqa) miqdori	Pensiya (nafaqa) tayinlash (hisobga qoʻyish) muddati	Pensiya yigʻmajildi raqami
1	2	3	4	5	6	7	8	9	10	11	12	13	14
1.
2.
3.														”.

“Pensiya ishlarini rasmiylashtirish va yuritish tartibi hamda pensiya hujjatlarining shakllari va ularni toʻldirish qoidalari toʻgʻrisidagi yoʻriqnomaga
10-ILOVA

Uy-joy-kommunal xizmatlar haqini toʻlash boʻyicha kompensatsiya pul toʻlovlarini toʻlash, shuningdek pensiya (ijtimoiy nafaqa)ni qayta hisoblash (boshqa turiga oʻtkazish, tiklash) toʻgʻrisidagi arizalarni roʻyxatga olish

KITOBI

T/r	Arizachining F.I.O., tugʻilgan yili va yashash manzili	Arizaning kelib tushgan sanasi	Pensiya (ijtimoiy nafaqa) turi	Pensiyani qayta hisoblash (tiklash, boshqa turiga oʻtkazish) uchun asos (ish staji, ish haqi, pensiyaning boshqa turiga oʻtkazish, qoʻshimchaning miqdori)	Komissiya qarorining mazmuni						Pensiya yigʻmajildi raqami
T/r	Arizachining F.I.O., tugʻilgan yili va yashash manzili	Arizaning kelib tushgan sanasi	Pensiya (ijtimoiy nafaqa) turi		ish staji	ish haqi	komissiya qarorining sanasi	avvalgi pensiya miqdori	yangi tayinlangan pensiya (ijtimoiy nafaqa) miqdori	Pensiya (ijtimoiy nafaqa) qayta hisob-kitob qilingan (tiklangan) sana
1	2	3	4	5	6	7	8	9	10	11	12
1.
2.
3.												”.

“Pensiya ishlarini rasmiylashtirish va yuritish tartibi hamda pensiya hujjatlarining shakllari va ularni toʻldirish qoidalari toʻgʻrisidagi yoʻriqnomaga
18-ILOVA

Pensionerlar (nafaqa oluvchilar)ga berilgan guvohnomalar, maʼlumotnomalar va jamgʻarib boriladigan pensiya toʻlovlarini olish huquqi toʻgʻrisida guvohnomalarni roʻyxatga olish

KITOBI

T/r	Shaxsiy varaq	Pensioner (nafaqa oluvchi) F.I.O.	Pensiya yoki nafaqa turi	Guvohnoma raqami	Berilgan sanasi	Maʼlumotnoma qayerga taqdim etish uchun berilganligi toʻgʻrisida belgi	Pensioner (nafaqa oluvchi) imzosi	Inspektorning F.I.O. va imzosi
1	2	3	4	5	6	7	8	9
1.
2.
3.									”.

“Pensiya ishlarini rasmiylashtirish va yuritish tartibi hamda pensiya hujjatlarining shakllari va ularni toʻldirish qoidalari toʻgʻrisidagi yoʻriqnomaga
23-ILOVA

Yakka tartibdagi tadbirkor (chet elda yollangan holda ishlovchi shaxs, yuridik shaxs tashkil etmagan holda oilaviy tadbirkorlik subyekti oilasi aʼzosi, dehqon xoʻjaligi aʼzosi)ning Pensiya jamgʻarmasi boʻlimida hisobga qoʻyish toʻgʻrisidagi arizalari, shuningdek Toʻlangan sugʻurta badallarining hisobga olish kartochkasi ochilishini roʻyxatga olish

KITOBI

T/r	F.I.O.	Yashash manzili	Faoliyat turi	STIR	Ariza berilgan sana	Xorijiy davlat, chiqib ketish sanasi, va xorijiy davlatda boʻlish davri	Taqdim etilgan hujjatlar (pasport nusxasi va STIR, mehnat va jamgʻarilib boriladigan daftarcha va boshqalar)	Toʻlangan sugʻurta badallarining hisobga olish kartochkasi ochilgan sana	Arizachining imzosi	Inspektor F.I.O. va imzosi
1	2	3	4	5	6	7	8	9	10	11
1.
2.
3.											”.

“Pensiya ishlarini rasmiylashtirish va yuritish tartibi hamda pensiya hujjatlarining shakllari va ularni toʻldirish qoidalari toʻgʻrisidagi yoʻriqnomaga
26-ILOVA

Nogironlik guruhini belgilash (bekor qilish) (koʻrik dalolatnomalaridan koʻchirma) toʻgʻrisida TMEK maʼlumotnomalarini roʻyxatga olish

KITOBI

T/r

F.I.O.

Yashash manzili

Nogironlik oʻrnatilgan (bekor qilingan) sana

TMEK maʼlumotnomasi raqami

Nogironlik guruhi

Nogironlik sababi

TMEK koʻrigi (birlamchi, qayta), nogironlikni bekor qilish sababi

Maʼlumotnoma bergan TMEK raqami

TMEK maʼlumotnomasi olingan sana

TMEK maʼlumotnomalarining mutaxassis tomonidan olinganligi

Maʼlumotnoma asosida qayta ishlangan sana

sana

xodim imzosi

”.

“Pensiya ishlarini rasmiylashtirish va yuritish tartibi hamda pensiya hujjatlarining shakllari va ularni toʻldirish qoidalari toʻgʻrisidagi yoʻriqnomaga
32-ILOVA

Pensiya (ijtimoiy nafaqa) toʻlovlari toʻxtatilgan pensiya yigʻmajildlarini hamda ularning berilishini roʻyxatga olish

KITOBI

T/r	Shaxsiy hisobvaraq raqami	Pensioner (nafaqa oluvchi)ning F.I.O.	Pensioner (nafaqa oluvchi)ning yashash manzili	Pensiya (ijtimoiy nafaqa) turi	Pensiya yigʻmajildini qayd etish sanasi	Pensiya yigʻmajildi berilgan sana	Pensiya yigʻmajildi qaytarilgan sanasi	Arxivarius imzosi	Izoh (arxivdan pensiya yigʻmajildini olish, olinish sanasi va x.k.)
1	2	3	4	5	6	7	8	9	10
1.
2.
3.										”.

(Oʻzbekiston Respublikasi qonun hujjatlari toʻplami, 2016-y., 23-son, 270-modda)