Oʻzbekiston Respublikasi Vazirlar Mahkamasining
qarori
Alisher Navoiy nomidagi Toshkent davlat oʻzbek tili va adabiyoti universiteti faoliyatini tashkil etish toʻgʻrisida
Oʻzbekiston Respublikasi Prezidentining “Alisher Navoiy nomidagi Toshkent davlat oʻzbek tili va adabiyoti universiteti faoliyatini tashkil etish toʻgʻrisida” 2016-yil 13-maydagi PF-4797-son Farmonini bajarish yuzasidan va universitet faoliyatini samarali tashkil etishni taʼminlash, uni yuqori malakali ilmiy-pedagogik kadrlar bilan mustahkamlash, oʻquv jarayonini zamonaviy talablarga va xalqaro standartlarga muvofiq tashkil etishning zamonaviy oʻquv va ilmiy moddiy-texnik bazasini barpo etish maqsadida Vazirlar Mahkamasi qaror qiladi:
1. Quyidagilar:
Alisher Navoiy nomidagi Toshkent davlat oʻzbek tili va adabiyoti universitetining (keyingi oʻrinlarda Universitet deb ataladi) tashkiliy tuzilmasi 1-ilovaga muvofiq;
Universitet fakultetlari boʻyicha kafedralar roʻyxati 2-ilovaga muvofiq tasdiqlansin.
Universitet rektoriga, Oʻzbekiston Respublikasi Oliy va oʻrta maxsus taʼlim vazirligi hamda Moliya vazirligi bilan kelishgan holda, zaruriyat boʻlganda, Universitetning tashkiliy tuzilmasiga xodimlarning belgilangan soni doirasida oʻzgartirishlar kiritish huquqi berilsin.
Belgilab qoʻyilsinki, Universitetning shtatdagi xodimlari soni va professor-oʻqituvchilar tarkibi oliy taʼlim muassasalari uchun amaldagi shtat normativlariga muvofiq belgilanadi.
2. 2016/2017 oʻquv yili uchun Alisher Navoiy nomidagi Toshkent davlat oʻzbek tili va adabiyoti universitetida bakalavrlar tayyorlash boʻyicha qabul kvotasi 3-ilovaga muvofiq 300 nafar kishi, shu jumladan davlat grantlari boʻyicha — 150 nafar va pulli-kontrakt asosida — 150 nafar etib belgilansin.
Oldingi tahrirga qarang.
3. Oʻzbekiston Respublikasi Davlat budjetidan ajratiladigan mablagʻlar, shuningdek toʻlov-kontrakt asosida oʻqitishdan tushadigan mablagʻlar, qonunchilikda taqiqlanmagan boshqa manbalar Universitetni joriy saqlash va uning faoliyatini moliyalashtirish manbalari etib belgilansin.
(3-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
4. Mirzo Ulugʻbek nomidagi Oʻzbekiston Milliy universitetining tugatilayotgan oʻzbek filologiyasi, Nizomiy nomidagi Toshkent davlat pedagogika universitetining oʻzbek tili va adabiyoti fakultetlarining, shuningdek Oʻzbekiston Respublikasi Fanlar akademiyasining Alisher Navoiy nomidagi Til va adabiyot instituti rahbar hamda ilmiy xodimlarini, professor-oʻqituvchilar tarkibini attestatsiyadan oʻtkazish uchun 4-ilovaga muvofiq attestatsiya komissiyasi tashkil etilsin.
5. Oʻzbekiston Respublikasi Fanlar akademiyasi, Moliya vazirligi, Oliy va oʻrta maxsus taʼlim vazirligining Oʻzbekiston Respublikasi Fanlar akademiyasining Davlat adabiyot muzeyini Alisher Navoiy nomidagi Toshkent davlat oʻzbek tili va adabiyoti universiteti tarkibiga berish va uning negizida Oʻzbek tili va adabiyoti muzeyini tashkil etish toʻgʻrisidagi taklifi qabul qilinsin.
6. Oʻzbekiston Respublikasi Oliy va oʻrta maxsus taʼlim vazirligi Alisher Navoiy nomidagi Toshkent davlat oʻzbek tili va adabiyoti universiteti bilan birgalikda:
Universitetning ustavini bir oy muddatda, belgilangan tartibda tasdiqlasin;
2016-yil 1-iyulgacha boʻlgan muddatda Universitetning boʻlimlari, fakultetlari va kafedralarini shakllantirish, ularni Universitetning tasdiqlangan tashkiliy tuzilmasiga muvofiq yuqori malakali mutaxassislar va professor-oʻqituvchi kadrlar bilan taʼminlash boʻyicha zarur chora-tadbirlar kompleksini amalga oshirsin;
joriy yilning 1-avgustigacha zarur oʻquv rejalari va dasturlar, oʻquv-metodik materiallar va qoʻllanmalar ishlab chiqilishini va kafedralarni ular bilan jihozlashni taʼminlasin.
7. Oʻzbekiston Respublikasi Moliya vazirligi, ushbu qaror qoidalaridan kelib chiqqan holda, 2016-yil uchun Oʻzbekiston Respublikasi respublika budjetining xarajatlar parametrlariga zarur oʻzgartirishlar kiritsin.
8. Toshkent shahri hokimligi hamda Oʻzbekiston Respublikasi Oliy va oʻrta maxsus taʼlim vazirligining Alisher Navoiy nomidagi Toshkent davlat oʻzbek tili va adabiyoti universitetini Toshkent shahri, Yakkasaroy tumani, Oʻqituvchi koʻchasi, 103-uy manziliga joylashtirish toʻgʻrisidagi taklifi qabul qilinsin.
9. Oʻzbekiston Respublikasi Xususiylashtirish, monopoliyadan chiqarish va raqobatni rivojlantirish davlat qoʻmitasi, Fanlar akademiyasi, Oliy va oʻrta maxsus taʼlim vazirligi bir oy muddatda:
Toshkent davlat pedagogika universitetining Toshkent shahri, Yakkasaroy tumani, Oʻqituvchi koʻchasi, 103-uy manzilida joylashgan binolarini tasarruf etish huquqisiz Toshkent davlat oʻzbek tili va adabiyoti universitetiga;
Oʻzbekiston Respublikasi Fanlar akademiyasining Toshkent shahri Navoiy koʻchasi, 69-uy manzilida joylashgan binosini qurilish ishlari tugallangunga qadar, unda Oʻzbek tili va adabiyoti muzeyini joylashtirgan holda, vaqtincha Toshkent shahri hokimligiga tasarruf etish huquqisiz bepul asosda berish-qabul qilishni taʼminlasinlar.
10. Toshkent davlat oʻzbek tili va adabiyoti universiteti uchun quriladigan va uning balansiga berilayotgan tegishli binolarni rekonstruksiya qilish boʻyicha:
Oʻzbekiston Respublikasi Oliy va oʻrta maxsus taʼlim vazirligi huzuridagi Yagona buyurtmachi xizmati injiniring kompaniyasi — buyurtmachi etib;
“Toshgiproshahar” AJ — bosh loyiha tashkiloti etib;
“12-trest” AJ — bosh pudratchi etib belgilansin.
Oʻzbekiston Respublikasi Oliy va oʻrta maxsus taʼlim vazirligi huzuridagi Yagona buyurtmachi xizmati injiniring kompaniyasiga 2017-yil 1-avgustgacha qurilish ishlari va jihozlash tugallanishini taʼminlagan, belgilangan shaharsozlik normalari va qoidalariga rioya etgan holda qurilish-montaj ishlarini bir vaqtda loyihalashtirish shartlarida amalga oshirishga istisno tariqasida ruxsat berilsin.
11. Oʻzbekiston Respublikasi Oliy va oʻrta maxsus taʼlim vazirligi, Fanlar akademiyasi Adliya vazirligi hamda boshqa manfaatdor vazirliklar va idoralar bilan birgalikda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
12. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari B.Y. Xodiyev zimmasiga yuklansin.
Oʻzbekiston Respublikasi Prezidenti I. KARIMOV
Toshkent sh.,
2016-yil 13-may,
152-son
Vazirlar Mahkamasining 2016-yil 13-maydagi 152-son qaroriga
1-ILOVA
1-ILOVA
Alisher Navoiy nomidagi Toshkent davlat oʻzbek tili va adabiyoti universitetining
tashkiliy tuzilmasi
Oldingi tahrirga qarang.
(1-ilova Oʻzbekiston Respublikasi Vazirlar Mahkamasining 2017-yil 18-maydagi 292-sonli qarori tahririda — OʻR QHT, 2017-y., 20-son, 371-modda)
Vazirlar Mahkamasining 2016-yil 13-maydagi 152-son qaroriga
2-ILOVA
2-ILOVA
Kafedralar
ROʻYXATI
1. Oʻzbek filologiyasi fakulteti
Oʻzbek tilshunosligi kafedrasi
Oʻzbek adabiyoti tarixi va matnshunoslik kafedrasi
Adabiyot nazariyasi va zamonaviy adabiy jarayon kafedrasi
Folklorshunoslik va dialektologiya kafedrasi
2. Oʻzbek tili va adabiyotini oʻqitish fakulteti
Oʻzbek tilini oʻqitish metodikasi kafedrasi
Oʻzbek adabiyotini oʻqitish metodikasi kafedrasi
Pedagogika va psixologiya kafedrasi
Tilshunoslikda axborot va zamonaviy pedagogika texnologiyalari kafedrasi
3. Oʻzbek-ingliz tarjima fakulteti
Tarjima nazariyasi va amaliyoti kafedrasi
Ingliz tili filologiyasi kafedrasi
Jahon adabiyoti kafedrasi
4. Fakultetlararo umumtaʼlim kafedralari
Xorijiy tillar kafedrasi
Matematika va axborot-kommunikatsiya texnologiyalari kafedrasi
Jismoniy tarbiya kafedrasi
Ijtimoiy-gumanitar fanlar kafedrasi
Vazirlar Mahkamasining 2016-yil 13-maydagi 152-son qaroriga
3-ILOVA
3-ILOVA
2016/2017 oʻquv yilida A.Navoiy nomidagi Toshkent davlat oʻzbek tili va adabiyoti universitetida bakalavrlar tayyorlash uchun
qabul kvotalari
|
Shifr |
Taʼlim yoʻnalishi |
Qabul kvotasi |
shu jumladan: | |
|
grant |
kontrakt | |||
|
5120100 |
Oʻzbek tili filologiyasi |
80 |
40 |
40 |
|
5111200 |
Oʻzbek tili va adabiyoti |
120 |
60 |
60 |
|
5120200 |
Oʻzbek-ingliz tarjima nazariyasi va amaliyoti |
100 |
50 |
50 |
|
Jami |
300 |
150 |
150 | |
Vazirlar Mahkamasining 2016-yil 13-maydagi 152-son qaroriga
4-ILOVA
4-ILOVA
Oʻzbekiston Milliy universitetining tugatilayotgan oʻzbek filologiyasi, Toshkent davlat pedagogika universitetining tugatilayotgan oʻzbek tili va adabiyoti fakultetlarining, Oʻzbekiston Respublikasi Fanlar akademiyasi Til va adabiyot institutining rahbar va ilmiy xodimlarini attestatsiyadan oʻtkazish boʻyicha komissiya
TARKIBI
|
Azizov U.Oʻ. |
— |
Oʻzbekiston Respublikasi Prezidentining Davlat maslahatchisi vazifasini bajaruvchi, komissiya raisi |
|
Xodiyev B.Y. |
— |
Oʻzbekiston Respublikasi Bosh vazirining oʻrinbosari, komissiya raisining oʻrinbosari |
|
Vahobov A.V. |
— |
Oliy va oʻrta maxsus taʼlim vaziri |
|
Salixov Sh.I. |
— |
Fanlar akademiyasi prezidenti |
|
Nabiyev D.X. |
— |
Oʻzbekiston Respublikasi Prezidenti Davlat maslahatchisining oʻrinbosari (kelishuv boʻyicha) |
|
Ashurov S.T. |
— |
Oʻzbekiston Respublikasi Prezidenti Davlat maslahatchisining oʻrinbosari (kelishuv boʻyicha) |
|
Turdiyev D.R. |
— |
Iqtisodiyot vazirining oʻrinbosari |
|
Nizamov B. |
— |
Mehnat vazirining oʻrinbosari |
|
Parpiyev O.R. |
— |
Fan va texnologiyalarni rivojlantirishni muvofiqlashtirish qoʻmitasining ijrochi direktori |
|
Sirojiddinov Sh.S. |
— |
Oʻzbekiston Milliy universiteti rektori |
|
Sharipov Sh.S. |
— |
Toshkent davlat pedagogika universiteti rektori |
|
Mahmudov N.M. |
— |
Oʻzbekiston Respublikasi Fanlar akademiyasining Til va adabiyot instituti direktori |
|
lavozimiga koʻra |
— |
Toshkent davlat oʻzbek tili va adabiyoti universiteti Oʻzbek filologiyasi fakulteti dekani |
|
lavozimiga koʻra |
— |
Toshkent davlat oʻzbek tili va adabiyoti universitetining Oʻzbek tili va adabiyotini oʻqitish fakulteti dekani |
|
lavozimiga koʻra |
— |
Toshkent davlat oʻzbek tili va adabiyoti universitetining Oʻzbek-ingliz tarjima fakultetining dekani |
|
Kamilov M.M. |
— |
Oliy va oʻrta maxsus taʼlim vazirligining boshqarma boshligʻi |
|
Onorboyev B.O. |
— |
Vazirlar Mahkamasi Yoshlar siyosati, taʼlim, madaniyat va sport masalalari axborot-tahlil departamentining bosh mutaxassisi, komissiya kotibi. |
Izoh: komissiya aʼzolari boshqa ishga oʻtgan taqdirda komissiya tarkibiga ushbu lavozimga yangidan tayinlangan shaxslar kiritiladi.
(Oʻzbekiston Respublikasi qonun hujjatlari toʻplami, 2016-y., 20-son, 222-modda; 2017-y., 20-son, 371-modda; Qonunchilik maʼlumotlari milliy bazasi, 05.04.2022-y., 09/22/153/0266-son)
