Oʻzbekiston Respublikasi Prezidentining 2016-yil 22-fevraldagi PF-4782-son “Aholining hojatmand qatlamlarini ijtimoiy qoʻllab-quvvatlash hamda tibbiy-ijtimoiy yordam koʻrsatish tizimini yanada takomillashtirish chora-tadbirlari toʻgʻrisida”gi Farmoniga muvofiq buyuraman:

1. Oʻzbekiston Respublikasi adliya vazirining 2014-yil 28-fevraldagi 53-mh-son buyrugʻi (roʻyxat raqami 2565, 2014-yil 28-fevral) (Oʻzbekiston Respublikasi qonun hujjatlari toʻplami, 2014-y., 10-son, 110-modda) bilan tasdiqlangan Idoraviy normativ-huquqiy hujjatlarni tayyorlash va qabul qilish qoidalariga ilovaga muvofiq oʻzgartirishlar va qoʻshimcha kiritilsin.

2. Mazkur buyruq davlat roʻyxatidan oʻtkazilsin va Idoraviy normativ-huquqiy hujjatlarni davlat roʻyxatidan oʻtkazish boshqarmasi (B. Boliyev) Idoraviy normativ-huquqiy hujjatlarning davlat reyestriga tegishli yozuv kiritsin.

3. Qonun hujjatlarini turkumlash va huquqiy axborot boshqarmasi (D. Ibragimova) mazkur idoraviy normativ-huquqiy hujjatni “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da nashr etilishini taʼminlasin.

4. Mazkur buyruq rasmiy eʼlon qilingan kundan eʼtiboran kuchga kiradi.

5. Mazkur buyruqning ijrosini nazorat qilish vazir oʻrinbosari A. Usmanov zimmasiga yuklansin.

1. 69-band quyidagi tahrirda bayon etilsin:

“69. Fuqarolarning mehnat huquqlariga taalluqli idoraviy normativ-huquqiy hujjatlar loyihalari vazirlik va idoralar tomonidan Oʻzbekiston Respublikasi Mehnat vazirligi hamda Oʻzbekiston Kasaba uyushmalari Federatsiyasi Kengashi bilan kelishilgan holda qabul qilinadi.”.

2. Quyidagi mazmundagi 105¹-band bilan toʻldirilsin:

“105¹. Rasmiy sharh berilgan idoraviy normativ-huquqiy hujjat oʻz kuchini yoʻqotgan deb hisoblanayotganda, unga berilgan rasmiy sharh ham oʻz kuchini yoʻqotgan deb hisoblanishi kerak.

Rasmiy sharhni oʻz kuchini yoʻqotgan deb topish rasmiy sharhni berish toʻgʻrisidagi hujjat qanday tartibda qabul qilingan boʻlsa, shunday tartibda amalga oshiriladi.

3. 106 va 107-bandlar quyidagi tahrirda bayon etilsin:

“106. Rasmiy sharh berish toʻgʻrisidagi hamda rasmiy sharhni oʻz kuchini yoʻqotgan deb topish toʻgʻrisidagi buyruqlar yoki qarorlar “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da eʼlon qilinadi.

107. Rasmiy sharh berish toʻgʻrisidagi hamda rasmiy sharhni oʻz kuchini yoʻqotgan deb topish toʻgʻrisidagi buyruq yoki qarorning matni idoraviy normativ-huquqiy hujjatning matni qanday tartibda tarqatilgan boʻlsa, shunday tartibda tarqatiladi.”.