|
Hujjat kuchini yo‘qotgan 14.09.2022
|
Hujjat 18.04.2016 sanasi holatiga
Amaldagi versiyaga o‘tish |
Oʻzbekiston Respublikasi Markaziy banki Boshqaruvining
Qarori
Tijorat banklari tomonidan bank kafolatlarini berish tartibi toʻgʻrisidagi nizomga oʻzgartirishlar kiritish haqida
[Oʻzbekiston Respublikasi Adliya vazirligi tomonidan 2016-yil 13-aprelda 2364-2-son bilan davlat roʻyxatidan oʻtkazilgan]
LexUZ sharhiMazkur qaror Oʻzbekiston Respublikasi Markaziy banki boshqaruvining 2022-yil 23-avgustdagi 19/13-sonli ““Tijorat banklari tomonidan bank kafolatlarini berish tartibi toʻgʻrisidagi nizomni tasdiqlash haqida”gi qaror, shuningdek unga oʻzgartirish va qoʻshimchalarni oʻz kuchini yoʻqotgan deb topish haqida”gi qaroriga (roʻyxat raqami 2364-6, 14.09.2022-y.) asosan oʻz kuchini yoʻqotgan.
Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi Qonuniga muvofiq Oʻzbekiston Respublikasi Markaziy banki Boshqaruvi qaror qiladi:
1. Oʻzbekiston Respublikasi Markaziy banki Boshqaruvining 2012-yil 24-martdagi 10/1-son qarori (roʻyxat raqami 2364, 2012-yil 15-may) (Oʻzbekiston Respublikasi qonun hujjatlari toʻplami, 2012-y., 20-son, 223-modda) bilan tasdiqlangan Tijorat banklari tomonidan bank kafolatlarini berish tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur qaror rasmiy eʼlon qilingan kundan eʼtiboran kuchga kiradi.
Markaziy bank raisi F. MULLAJONOV
Toshkent sh.,
2016-yil 26-mart,
8/14-son
Oʻzbekiston Respublikasi Markaziy banki Boshqaruvining 2016-yil 26-martdagi 8/14-son qaroriga
ILOVA
ILOVA
Tijorat banklari tomonidan bank kafolatlarini berish tartibi toʻgʻrisidagi nizomga kiritilayotgan oʻzgartirishlar
1. 8-bandning toʻrtinchi xatboshisi quyidagi tahrirda bayon etilsin:
“tegishli davlat soliq inspeksiyasiga taqdim etilgan soʻnggi hisobot davri uchun buxgalteriya balansi (1-shakl), moliyaviy natijalar toʻgʻrisida hisobot (2-shakl), shuningdek 90 kundan ortiq muddatdagi qarzlarga doir solishtirish dalolatnomalari;”.
2. 17-band quyidagi tahrirda bayon etilsin:
“17. Prinsipalning kredit layoqatliligi “standart”, “substandart”, “qoniqarsiz”, “shubhali” va “umidsiz” toifalarda tasniflanadi.”.
3. 18-bandda:
birinchi xatboshidagi “yaxshi” degan soʻz “standart” degan soʻz bilan almashtirilsin;
toʻrtinchi xatboshidagi “mablagʻlariga” degan soʻz “mablagʻlari oqimiga” degan soʻzlar bilan almashtirilsin.
toʻqqizinchi xatboshi quyidagi tahrirda bayon etilsin:
“Kreditga layoqatliligi “standart” deb eʼtirof etilgan prinsipalga berilgan kafolat summasining bir foizi miqdorida ehtimoliy yoʻqotishlarga qarshi zaxira shakllantirilishi lozim.”.
4. 19-bandning birinchi va beshinchi xatboshisidagi “standart” degan soʻz “substandart” degan soʻz bilan almashtirilsin.
5. 20-bandning birinchi va beshinchi xatboshisidagi “substandart” degan soʻz “qoniqarsiz” degan soʻz bilan almashtirilsin.
6. 21-bandning birinchi va toʻrtinchi xatboshisidagi “past” degan soʻz “shubhali” degan soʻz bilan almashtirilsin.
7. 22-bandning birinchi va yettinchi xatboshisidagi “yomon” degan soʻz “umidsiz” degan soʻz bilan almashtirilsin.
(Oʻzbekiston Respublikasi qonun hujjatlari toʻplami, 2016-y., 15-son, 157-modda)
