Oʻzbekiston Respublikasi Vazirlar Mahkamasining

“OʻZBEKENERGO” DAVLAT-AKSIYADORLIK KOMPANIYASI FAOLIYATINI TASHKIL ETISH CHORA-TADBIRLARI TOʻGʻRISIDA

Oʻzbekiston Respublikasi Prezidentining “Oʻzbekiston Respublikasi energetikasida iqtisodiy islohotlarni chuqurlashtirish toʻgʻrisida” 2001-yil 22-fevraldagi PF-2812-son Farmonini bajarish hamda energetika tarmogʻi korxonalarini monopoliyadan chiqarish, xususiylashtirish va aksiyalashtirish jarayonlarini yanada rivojlantirish, elektr energetikasi tizimida boshqarishni tashkil etishni takomillashtirish, elektr energetikasi va koʻmir sanoati korxonalarini rivojlantirish, texnika bilan qayta jihozlash va zamonaviylashtirish uchun investitsiyalarni, shu jumladan xorijiy investitsiyalarni keng jalb etish maqsadida Vazirlar Mahkamasi qaror qiladi:

Oldingi tahrirga qarang.

(1-band Oʻzbekiston Respublikasi Vazirlar Mahkamasining 2020-yil 14-apreldagi 217-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 15.04.2020-y., 09/20/217/0426-son)

2. “Oʻzbekenergo” DAK 2001-yil 1-iyulgacha tarmoqni monopoliyadan chiqarish va elektr energiyasi ishlab chiqarish, uzatish, sotish sohasida shuʼba korxonalar tashkil etish, shuningdek umumtarmoq funksiyalarini bajarish hamda oʻz tuzilmasini 1-ilovaga muvofiqlashtirish boʻyicha kompleks chora-tadbirlarni belgilangan tartibda amalga oshirsin.

3. Energetika korxonalarini monopoliyadan chiqarish, davlat tasarrufidan chiqarish va aksiyalashtirish masalalari boʻyicha maxsus komissiya (Atayev), Oʻzbekiston Respublikasi Davlat mulki qoʻmitasi:

2001-yil 1-maygacha “Oʻzbekenergo” DAK ustav jamgʻarmasini, asosiy fondlarni 2001-yil 1-yanvardagi holatiga koʻra qayta baholab chiqishni hisobga olgan holda, 3-ilovaga * muvofiq korxonalar, tashkilotlar va tarkibiy boʻlinmalar mulklari qiymati hisobiga shakllantirsinlar. “Oʻzbekenergo” DAKni belgilangan tartibda davlat roʻyxatidan oʻtkazish va uning aksiyalari emissiyasi prospektini roʻyxatdan oʻtkazish taʼminlansin;

“Oʻzbekenergo” DAK bilan birgalikda 4-ilovaga * muvofiq davlat rayon elektr stansiyalari va issiqlik elektr markazlarining belgilangan tartibda yakka tartibdagi loyihalar boʻyicha aksiyalashtirilishini taʼminlasinlar;

“Oʻzbekenergo” DAK bilan birgalikda 5-ilovaga * muvofiq korxonalar va tashkilotlarni belgilangan tartibda bosqichma-bosqich ochiq aksiyadorlik jamiyatlariga aylantirish tadbirlarini amalga oshirsinlar;

2001-yilda “Elektrqishloqqurilish”, “Energoqozontozalash”, “Oʻzqishloqelektrqurilish” aksiyadorlik jamiyatlaridagi aksiyalar davlat ulushining bir qismini, 25 foiz miqdordagi aksiyalar paketini davlatda saqlab qolgan holda, birja bozorida va birjadan tashqari bozorda sotsinlar;

6-ilovaga * muvofiq ijtimoiy infratuzilma obyektlarini xususiylashtirsinlar;

* 3—6-ilovalar berilmaydi.

2001-yil 1-iyungacha 7-ilovaga muvofiq issiqlik energiyasi ishlab chiqaruvchi va elektr energiyasi ishlab chiqarish bilan bogʻliq boʻlmagan korxonalar aksiyalarining davlat ulushlari va paketlarini tegishli hududiy kommunal-foydalanish birlashmalariga ishonchli boshqaruvga bersinlar;

Oldingi tahrirga qarang.

(3-bandning sakkizinchi xatboshi Oʻzbekiston Respublikasi Vazirlar Mahkamasining 2003-yil 17-apreldagi 185-sonli qarori bilan chiqarilgan — OʻR QHT, 2003-y., 7-8-son, 61-modda)

4. Belgilab qoʻyilsinki:

“Oʻzbekenergo” DAKni tashkil etish jarayonida chiqarilgan barcha aksiyalar davlat mulki hisoblanadi va sotilmaydi yoki boshqacha tartibda begonalashtirilmaydi, ular garov predmeti boʻlishi, shuningdek ikkilamchi qimmatli qogʻozlar chiqarishni taʼminlash uchun xizmat qilishi mumkin emas;

Oldingi tahrirga qarang.

“Oʻzbekenergo” DAKning 9-ilovaga muvofiq unitar korxonalari aksiyalashtirilmaydi;

(4-bandning uchinchi xatboshi Oʻzbekiston Respublikasi Vazirlar Mahkamasining 2004-yil 21-iyundagi 290-sonli qarori tahririda — OʻR QHT, 2004-y., 25-son, 288-modda)

Oldingi tahrirga qarang.

(4-bandning toʻrtinchi xatboshi Oʻzbekiston Respublikasi Vazirlar Mahkamasining 2004-yil 21-iyundagi 290-sonli qarori bilan chiqarilgan — OʻR QHT, 2004-y., 25-son, 288-modda)

Oldingi tahrirga qarang.

elektr energiyasi sotish miqdoridan (uni yetkazib berish boʻyicha xizmatlaridan) Respublika yoʻl jamgʻarmasiga va Pensiya jamgʻarmasiga hamda Oʻzbekiston Respublikasi Moliya vazirligi huzuridagi budjetdan tashqari Taʼlim va tibbiyot muassasalarini moddiy-texnika bazasini rivojlantirish jamgʻarmasiga toʻlovlar “Oʻzbekenergo” davlat-aksiyadorlik kompaniyasi va uning korxonalari tomonidan elektr energiyasi ishlab chiqaruvchilar uchun belgilangan stavkalar boʻyicha faqat oxirgi isteʼmolchilarga elektr energiyasini sotish miqdori qismiga amalga oshiriladi.

(4-bandning toʻrtinchi xatboshisi Oʻzbekiston Respublikasi Vazirlar Mahkamasining 2017-yil 18-sentabrdagi 740-sonli qarori tahririda — OʻR QHT, 2017-y.,38-son, 1049-modda)

5. Oʻzbekiston Respublikasi Davlat mulki qoʻmitasi istisno tariqasida (qonunchilikka muvofiq korxonalar ixtiyorida qoldiriladigan mablagʻlardan tashqari):

“Elektrqishloqqurilish”, “Energiyaqozontozalash”, “Oʻzqishloqelektr-qurilish” aksiyadorlik jamiyatlari, shuningdek 5-ilovaning 2 va 3-bandlarida koʻrsatib oʻtilgan aksiyadorlik jamiyatlari aksiyalarining davlatga tegishli paketlarini sotishdan tushgan mablagʻlarni “Oʻzbekenergo” DAKga energetika obyektlarining asosiy quvvatlarini rekonstruksiya qilish va rivojlantirishda maqsadli foydalanish uchun;

Oldingi tahrirga qarang.

(5-bandning uchinchi xatboshi Oʻzbekiston Respublikasi Vazirlar Mahkamasining 2004-yil 25-oktabrdagi 499-sonli qarori bilan chiqarilgan — OʻR QHT, 2004-y., 43-son, 456-modda)

LexUZ sharhi

5-bandga Oʻzbekiston Respublikasi Prezidentining 2006-yil 10-iyuldagi PQ-407-sonli qaroriga muvofiq oʻzgartirishlar kiritilgan.
5-bandning rus tilidagi matniga qarang.

Oldingi tahrirga qarang.

(6-band Oʻzbekiston Respublikasi Vazirlar Mahkamasining 2020-yil 14-apreldagi 217-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 15.04.2020-y., 09/20/217/0426-son)

7. “Oʻzbekenergo” DAK Oʻzbekiston Respublikasi Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda 2002-yil 1-yanvargacha uy-joy fondining va kommunal soha muhandislik kommunikatsiyalarining qabul qilish-topshirish dalolatnomalari asosida belgilangan tartibda mahalliy hokimiyat va boshqaruv organlari balansiga berilishini taʼminlasin.

8. “Oʻzbekenergo” DAK apparati Toshkent shahar, Xorazm koʻchasi, 6-uyga joylashtirilsin.

9. Oʻzbekiston SSJ Vazirlar Kengashining “Oʻzbekiston SSJ Energetika va elektrlashtirish vazirligini tashkil etish haqida” 1990-yil 2-oktabrdagi 322-son qarori oʻz kuchini yoʻqotgan deb hisoblansin.

10. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari V.Yu.Atayev va Oʻ.Q.Ismoilov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

2001-yil 24-fevral,

93-son

Oldingi tahrirga qarang.

(1-ilova Oʻzbekiston Respublikasi Vazirlar Mahkamasining 2004-yil 21-iyundagi 290-sonli qaroriga muvofiq oʻz kuchini yoʻqotgan— OʻR QHT, 2004-y., 25-son, 288-modda)

Vazirlar Mahkamasining
2001-yil 24-fevraldagi 93-son qaroriga
7-ILOVA

Aksiyalarining davlat paketlari Qoraqalpogʻiston Respublikasi, viloyatlar va Toshkent shahar hududiy kommunal-foydalanish birlashmalari (HKFB)ga ishonchli boshqaruvga berilayotgan aksiyadorlik jamiyatlari

ROʻYXATI

T/r	Korxonalar nomi	Joylashgan oʻrni	Kimga berilyapti
1.	“Buxoroenergomarkaz”	Buxoro sh.	Buxoro viloyati hokimligi HKFBga
2.	Fargʻona viloyati “Energomarkaz”i	Fargʻona sh.	Fargʻona viloyati hokimligi HKFBga
3.	“Qoʻqonenergomarkaz”	Qoʻqon sh.	Fargʻona viloyati hokimligi HKFBga
4.	Urganch issiqlik tarmoqlari	Urganch sh.	Xorazm viloyati hokimligi HKFBga
5.	Jizzax issiqlik tarmogʻi	Jizzax sh.	Jizzax viloyati hokimligi HKFBga
6.	Kattaqoʻrgʻon issiqlik manbai	Kattakoʻrgʻon sh.	Samarqand viloyati hokimligi HKFBga
7.	Toshkent issiqlik ishlab chiqarish markazi*	Toshkent sh.	Toshkent shahar hokimligi HKFBga

* Toshkent shahar HKFB xodimlaridan davlat ishonchli vakili tayinlanadi.

Oldingi tahrirga qarang.

(8-ilova Oʻzbekiston Respublikasi Vazirlar Mahkamasining 2003-yil 17-apreldagi 185-sonli qaroriga muvofiq oʻz kuchini yoʻqotgan — OʻR QHT, 2003-y., 7-8-son, 61-modda)

Vazirlar Mahkamasining
2001-yil 24-fevraldagi 93-son qaroriga
9-ILOVA

Oldingi tahrirga qarang.

“Oʻzbekenergo” DAKning aksiyalashtirilmaydigan korxonalari

(9-ilova nomi Oʻzbekiston Respublikasi Vazirlar Mahkamasining 2004-yil 21-iyundagi 290-sonli qarori tahririda— OʻR QHT, 2004-y., 25-son, 288-modda)

ROʻYXATI

Oldingi tahrirga qarang.

T/r	Korxonalar nomi	Joylashgan oʻrni
Elektr energiyasi ishlab chiqaruvchi korxonalar
1.	Oʻrta Chirchiq GESlar kaskadi	Toshkent viloyati
2.	Qodiriya GESlar kaskadi	Toshkent viloyati
3.	Toshkent GESlar kaskadi	Toshkent sh.
4.	Quyi Boʻzsuv GESlar kaskadi	Toshkent viloyati
5.	Chirchiq GESlar kaskadi	Toshkent viloyati
6.	Farhod GESlar kaskadi	Sirdaryo viloyati
7.	“Oʻzelektrrotarmoq” elektr energiyasini uzatish korxonasi	Toshkent sh., viloyatdagi filiallari bilan
Umumtarmoq funksiyalarini bajaradigan korxonalar
10.	“Oʻzenergosozlash”	Toshkent sh.

(1-ilovaning 8, 9 va 11 pozitsiyalari Oʻzbekiston Respublikasi Vazirlar Mahkamasining 2004-yil 21-iyundagi 290-sonli qaroriga muvofiq oʻz kuchini yoʻqotgan — OʻR QHT, 2004-y., 25-son, 288-modda)

Oldingi tahrirga qarang.

(10-ilova Oʻzbekiston Respublikasi Prezidentining 2006-yil 24-iyuldagi PQ-424-sonli qaroriga asosan oʻz kuchini yoʻqotgan — OʻR QHT, 2006-y., 30-son, 290-modda)

(Oʻzbekiston Respublikasi qonun hujjatlari toʻplami, 2001-y., 3-4-son, 16-modda; 2002-y., 19-son, 148-modda; 2003-y., 7-8-son, 61-modda; 2004-y., 25-son, 288-modda; 43-son, 456-modda; 2005-y., 21-son, 153-modda; 2006-y., 28-29-son, 264-modda; 30-son, 290-modda; 2010-y., 23-son, 183-modda; 2012-y., 6-son, 60-modda, 2017-y., 38-son, 1049-modda; Qonun hujjatlari maʼlumotlari milliy bazasi, 15.04.2020-y., 09/20/217/0426-son)