|
Hujjat kuchini yo‘qotgan 16.12.2025
|
Oʻzbekiston Respublikasi Vazirlar Mahkamasining
qarori
HUDUDIY DAVLAT HOKIMIYATI ORGANLARI BOSHQARUV TIZIMINI TAKOMILLASHTIRISH YUZASIDAN QOʻSHIMCHA CHORA-TADBIRLAR TOʻGʻRISIDA
LexUZ sharhiMazkur qaror Oʻzbekistan Respublikasi Vazirlar Mahkamasining 2025-yil 15-dekabrdagi 791-sonli “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi qaroriga asosan oʻz kuchini yoʻqotgan.
Mahalliy ijro etuvchi hokimiyat organlari faoliyati samaradorligini yanada oshirish, hududiy boshqaruv organlariga yuklangan funksional vazifalarning amalga oshirilishi uchun shart-sharoitlar yaratish, shuningdek qishloq tumanlari hokimliklari tuzilmasini maqbullashtirish maqsadida Vazirlar Mahkamasi qaror qiladi:
1. Vazirlar Mahkamasining “Davlat boshqaruvi hududiy organlari tuzilmasini takomillashtirish toʻgʻrisida” 2004-yil 5-yanvardagi 2-son qarori bilan belgilangan (7g-ilova) boshqaruv xodimlari soni doirasida 1-ilovaga muvofiq ayrim qishloq tumanlari hokimliklari tuzilmasiga hokimning birinchi oʻrinbosari — shahar hokimi qoʻshimcha lavozimi kiritilsin.
2. Qoʻrgʻontepa, Romiton, Zomin, Nishon, Sirdaryo, Xazorasp va Sariosiyo tumanlari hokimliklari boshqaruv apparatining 2-ilovaga muvofiq namunaviy tuzilmasi tasdiqlansin.
3. Mazkur qarorning bajarilishini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2004-yil 30-mart,
149-son
Boshqaruv apparati tuzilmasiga hokimning birinchi oʻrinbosari — shahar hokimi lavozimi kiritilayotgan qishloq tumanlari hokimliklari roʻyxati
|
T/r |
Qishloq tumanlari nomi |
Kiritilayotgan lavozim |
|
1. |
Andijon viloyatining Qoʻrgʻontepa tumani |
Tuman hokimining birinchi oʻrinbosari — Qorasuv shahri hokimi |
|
2. |
Buxoro viloyatining Romiton tumani |
Tuman hokimining birinchi oʻrinbosari — Gazli shahri hokimi |
|
3. |
Jizzax viloyatining Zomin tumani |
Tuman hokimining birinchi oʻrinbosari — Dashtobod shahri hokimi |
|
4. |
Qashqadaryo viloyatining Nishon tumani |
Tuman hokimining birinchi oʻrinbosari — Talimarjon shahri hokimi |
|
5. |
Sirdaryo viloyatining Sirdaryo tumani |
Tuman hokimining birinchi oʻrinbosari — Baxt shahri hokimi |
|
6. |
Xorazm viloyatining Hazorasp tumani |
Tuman hokimining birinchi oʻrinbosari — Pitnak shahri hokimi |
|
7. |
Surxondaryo viloyatining Sariosiyo tumani |
Tuman hokimining birinchi oʻrinbosari — Shargʻun shahri hokimi |
Vazirlar Mahkamasining
2004-yil 30-martdagi 149-son qaroriga
2-ILOVA
2004-yil 30-martdagi 149-son qaroriga
2-ILOVA
Qoʻrgʻontepa, Romiton, Zomin, Nishon, Sirdaryo, Xazorasp va Sariosiyo tumanlari hokimliklari boshqaruv apparatining namunaviy tuzilmasi
(Oʻzbekiston Respublikasi qonun hujjatlari toʻplami, 2004-y., 13-son, 151-modda)
