|
Hujjat kuchini yo‘qotgan 17.06.2009
|
Oʻzbekiston Respublikasi Prezidentining
Farmoni
JISMONIY ShAXSLARNING DAROMADLARINI SOLIQQA TORTISh ShKALASINI TAKOMILLAShTIRISh TOʻGʻRISIDA
LexUZ sharhiMazkur Farmon Oʻzbekiston Respublikasi Prezidentining 2009-yil 17-iyundagi PF-4116-sonli “Soliq imtiyozlari tartibga solinishi munosabati bilan Oʻzbekiston Respublikasi Prezidentining ayrim qarorlariga oʻzgartishlar kiritish hamda baʼzilarini oʻz kuchini yoʻqotgan deb hisoblash toʻgʻrisida”gi Farmoniga asosan oʻz kuchini yoʻqotgan.
“Oʻzbekiston Respublikasining 2001-yilgi davlat budjeti toʻgʻrisida” Oʻzbekiston Respublikasi Oliy Majlisining 2000-yil 14-dekabrdagi 157-II-son qaroriga muvofiq hamda mehnatni ragʻbatlantirishni yanada kuchaytirish, jismoniy shaxslar daromadlarini soliqqa tortish tizimini soddalashtirish va bir xil qilish maqsadida:
1. 2001-yilning 1-yanvaridan boshlab jismoniy shaxslar daromad soligʻining eng kam stavkasi 15 foizdan 12 foizga va eng koʻp stavkasi 40 foizdan 36 foizgacha pasaytirilsin.
2. Belgilab qoʻyilsinki, 2001-yilning 1-yanvaridan boshlab jismoniy shaxslarning daromad soligʻi ilovaga muvofiq stavkalar boʻyicha ularning jami daromadidan undirib olinadi.
3. Oʻzbekiston Respublikasi Vazirlar Mahkamasi bir oy muddatda:
Oʻzbekiston Respublikasining Soliq kodeksiga tegishli qoʻshimcha va oʻzgartishlar toʻgʻrisida takliflar kiritsin;
Oʻzbekiston Respublikasi Hukumatining qarorlarini mazkur Farmonga muvofiq holga keltirsin.
4. Ushbu Farmonning ijrosini nazorat qilish Oʻzbekiston Respublikasi Bosh vaziri Oʻ.T. Sultonov zimmasiga yuklansin.
Oʻzbekiston Respublikasining Prezidenti I. KARIMOV
Toshkent sh.,
2000-yil 26-dekabr,
PF-2793-son
Oʻzbekiston Respublikasi Prezidentining 2000-yil 26-dekabrdagi PF-2793-son Farmoniga
ILOVA
ILOVA
Jismoniy shaxslarning daromadlaridan olinadigan soliq
stavkalari
|
Jami daromad miqdori (Bitta eng kam ish xaqini chiqarib tashlamagan holda) |
Soliq summasi |
| Eng kam ish haqining toʻrt karra miqdorigacha | Daromad summasining 12 foizi |
| Eng kam ish haqining toʻrt karrasi (+1 soʻm)dan sakkiz karra miqdorigacha | Toʻrt karrasidan soliq + eng kam ish xaqining toʻrt karra miqdoridan oshadigan summadan 25 foiz |
| Eng kam ish haqining sakkiz karrasi (+1 soʻm)dan va undan yuqori | Sakkiz karrasidan + eng kam ish xaqining toʻrt karra miqdoridan oshadigan summadan 36 foiz |
(Oʻzbekiston Respublikasi qonun hujjatlari toʻplami, 2000-y., 12-son, 182-modda)
